رواية وهام بها عشقا الفصل السابع 7 - بقلم رانيا الخولي

  

 رواية وهام بها عشقا الفصل السابع 7 - بقلم رانيا الخولي  

اللهم إني أستودعك بيت المقدس وأهل القدس وكل فلسطين. اللهم ارزق أهل فلسطين الثبات والنصر والتمكين، وبارك في إيمانهم وصبرهم. اللهم إنا نسألك باسمك القّهار أنْ تقهر من قهر إخواننا في فلسطين، ونسألك أن تنصرهم على القوم المجرمين. 

اللهم  اشف جريحهم، وتقبّل شهيدهم، وأطعم جائعهم، وانصرهم على عدوهم. اللهم أنزل السكينة عليهم، واربط على قلوبهم، وكن لهم مؤيدا ونصيرا وقائدا وظهيرا. سبحانك إنك على كل شيء قدير؛ فاكتب الفرج من عندك والطف بعبادك المؤمنين.

____________________

وهام بها عشقًا

رانيا الخولي

الفصل السابع 

❈-❈-❈

_ انت بتقول ايه يابوي؟ انا مستحيل افواق على الجوازة دي.

قالها حسين بغضب عندما اخبره كامل بموافقته فيرد عليه بغضب أشد

_ خلاص روح أقف قدام النچايمة وقول الكلام ده خليهم يطخوك عيارين وأخلص منيك

ضغط على اسانه بحقد واولاه ظهره متمتمًا باحتدام

_ انت معايا ولا معاهم 

دنى منه ليقف أمامه واجاب بحنق

_ انا اكتر واحد رافض الجوازة دي بس قبلتها لاجل ما اخلص من التار ده بعد عملتك اللي كانت هتضيعنا

احمد ربنا إننا لقينا اللي ينجدنا من المصيبة دي واقنع النجايمة.

_ خلاص خليني اسافر انا مش هقدر اقعد في البلد واشوفها بتروح لغيري 

ضيق عينيه مندهشًا وسأله بحدة

_ يعني ايه؟ عايز تهمل البلد وتهملنا؟

رد بإصرار

_ ياترفض الجوازة دي، ياإما تسيبني اهمل البلد وامشي منيها.

دخلت آسيا على صوتهم ليلتزم كلاهما الصمت وسألتهم بقلق وهي تتقدم منهم

_ في ايه؟ صوتكم عالي ليه؟

هتف كامل بحنق

_ شوفي المحروس ابنك عايز يهمل البلد 

قطبت جبينها بعدم فهم وسألته

_ تهملها كيف يعني؟

اشاح بوجهه بعيدًا عنها

_ زي الناس، ومحدش يقف قصادي في الموضوع ده.

انهى حديثه ثم خرج من الغرفة

نظرت آسيا إلى كامل وسألته بحدة

_ عاجبك اكدة؟

_ لا معجبنيش عايزة ايه انتي كمان؟

_ يعني هتسيبه ينفذ اللي في دماغه ويسافر

جلس على المقعد بتعب وتمتم بلهجة حادة

_ عايزاني اعمل ايه؟ سيبيه يسافر ولما يهدى هيرجع من نفسه.

اندهشت من الامبالاه التي يتحدث بها وصاحت به

_ ويهون عليك؟

اكد لها وقد بلغ الغضب مبلغه وهتف معنفًا 

_ زي ما هانت عليا بنتي من قبل وسيبتك تكرهيها في عيشتها لحد ما هملتنا وهربت وجات على دماغك في الاخر، اللي احنا فيه ده بسببك انتي

طلعتيه عيل مش شايل هم شئ يقع في مصيبة ويرجي علينا نخرجه منها، حتى المرة غلط ومش عايز يشيل نتيجة غلطه، بس المرة دي مفيهاش لعب دي ناس مبترحمش واحنا مش قدهم

انهى حديثه وتركها صافقًا الباب خلفه بعنف

وقد زاد حقدها على تلك الفتاة منتوية العثور عليها بأي طريقة 

❈-❈-❈

في الصباح

لم تذق ليلى طعم النوم تلك الليلة وظلت ساهدة تفكر في كلمته التي دمرتها، كيف استطاع التفوه بها بعد وقفتها بجواره

يعلم جيدًا بأنها ما فعلت ذلك إلا لأجله

طرق الباب ودلفت سارة التي ابتسمت لها بحب

_ صباح الورد يا ليلى.

بادلتها ليلى الابتسام وردت بهدوء

_ صباح النور

جلست سارة بجوارها على الفراش لتتدثر بجانبها 

_ شكلك منمتيش 

أومأت لها ليلى بصمت فتابعت سارة بتأثر 

_ انا عارفة انك مجروحة من أمجد بسبب اللي حصل بس بصراحة هو غصب عنه

عقدت ليلى حاجبيها بدهشة فتابعت 

_ اه غصب عنه وياريت تسبيني اكون مرايتك اللي تعرفك اخطاءك

بصراحة انتي زودتيها معاه، أمجد راجل عايز يحس انه رقم واحد في حياة مراتك، وأي الراجل يحس إن مراته عندها اولويات غيره صدقيني بتجرحه أوي 

وخصوصاً لو كانت شغل

وانتي بتقوليها له صريحة، ده شغلي ومش هتخلى عنه

بدأ يحس أنه لو اتحط في مقارنة هتختاري شغلك ودي حاجة تجرح رجولته

بلاش تدمري الحب اللي بينكم عشان عناد

هزت ليلى رأسها بنفي

_ بس انا مش بعاند

_ لا بقى عناد ياليلى سواء منك أو منه، وبكدة انتوا بنيته اول طوبة في حاجز هيدمر حبكم.

ظهر العناد في تلك اللحظة وهي تقاطعها 

_هو اللي بنى الطوبة دي مش أنا، الطوبة اتبنت لما عايرني بوقفتي معاه

قاطعتها سارة 

_ وردك ده أكبر دليل إنك بتشاركي معاه

شوفي ياليلى هكون اكتر صراحة معاكي

إنتي غلطتي من البداية بعلاقتك بيه

غلطتي لما مشيتي ورا مشاعرك ونسيتي ان دينك وعاداتك تمنع ده 

أنكرت ليلى رغم علمها بخطأها

_ بس انا متعدتش حدودي ومغلطتش

_ لأ غلطتي.

غلطتي في حبك ليه، وغلطتي لما كل وقتك كنتي بتقضيه معاه في اوضة واحدة لوحدكم ومقفول عليكم باب حتى لو بصفتك دكتور ده اسمه خلوة

ودينا وعادتنا تمنع ده

غلطتي أكتر لما سافرتي معاه وده كان الغلط الأكبر

اه انتي سافرتي بصفتك دكتورة بس انتي عارفة كويس إنك مسافرة عشانه 

للأسف ياليلى علاقتكم بدأت بمعصية واللي بيحصل بينكم ده ضريبة مش أكتر 

عارفة أن كلامي قاسي أوي عليكي بس انا مش عايزاكي تهدي اللي عملتيه عشانه، أمجد انسان كويس وبيحبك بلاش تخسرية

تعلم جيدًا أنها محقة في كل كلمة نطقت بها، هي اخطأت من البداية وتجني الآن ما اقترفته في حق نفسها

_ انا عارفة كل ده كويس وبجد ندمت عليه، بس برضه انا مش هنسى كلمته دي وارجعله بسهولة

_ انا مقولتش ارجعي بسهولة، لأ طبعًا لازم تعاقبيه بس بدون تجريح

عاتبي لكن بهدوء، عتاب حبيب لحبيبه

لأنها مش حرب مين هيكسبها

صدقيني العتاب باللين بيبقى أقسى بكتير من عتاب الاندفاع والتهور

أكبر دليل علاقتي بجاسر، كنا بنعاتب بجرحنا لبعض وكل مدى الفجوة بتتسع بينا

بس لما جينا اتعاتبنا بهدوء كل واحد فينا عرف إننا مستحيل نقدر نبعد عن بعض

قاطع حديثهم صوت الباب ودخول جاسر وهو يقول مبتسمًا

_ صباح الفل

ابتسمت كلاهما وقالت سارة بمزاح

_ طيب أنا راضية ذمتك، ده في واحدة تقدر تتحمله غيري؟

حاولت ليلى منع ضحكتها وقالت بتأكيد

_ لأ طبعًا أسأليني أنا 

لم يستطيعا منع ضحكاتهما فتحدث بغيظ

_ انتو هتتفقوا عليا ولا ايه؟

ثم نظر إلى سارة وقال بتوعد

_ وانتي بس اصبري عليا

نهضت سارة وهي تقترب منه وتحمحم بخفوت

_ وعلى ايه الطيب أحسن، انا هروح احضر الفطار مع ماما وانتو حرين مع بعض

خرجت من الغرفة لتتبعها عين جاسر ثم نظر إلى ليلى وتقدم منها ليجلس قبالتها وقال بثبوت 

_ تحبي نتكلم ولا لسة مش مستعدة

اخفضت عينيها لا تستطيع التفوة بحرف مما جعله يتراجع قائلاً

_ خلاص اللي تشوفيه بس وقت ما تحبي تتكلمي انا تحت أمرك.

يلا بقى ننزل عشان محدش ياخد باله من حاجة، انتي جاية تقعدي يومين ومقلتيش عشان تعمليها مفاجأة

أومأت له وهي على نفس صمتها ثم تركها وخرج من الغرفة كي تستعد للنزول

❈-❈-❈

امتنعت عن الطعام ربما حينها يتركها ترحل لكن لا فائدة 

تحاملت على نفسها وخرجت من الغرفة لأول مرة لتتفاجئ بذلك القصر الذي سمعت عنه الأساطير.

يبدو موحشًا وكأنها دخل إحدى افلام الرعب التي كانت تشاهدها

والحرس يحيطنه من كل جانب مما جعل خوفها يزداد وفكرت في التراجع، لكن عليها ذلك حتى تستطيع أقناعه بتركها

بصعوبة بالغة سارت حتى وصلت إليه رغم آلمها

دفعت تلك البوابة لتدف للداخل فيؤكد شكها بداخله المعتم ووحشته التي ترعب من يدنو داخله تمامًا كما حال صاحبه

تظاهرة بقوة زائفة وتوغلت للداخل رغم ظلمته 

إلا من إضاءة خافته من نوافذه ساعدتها على السير بوضوح 

ازدردت لعابها بخوف ولا تعرف اين يقطن أو أين مكتبه

سارت بخطوات بطيئة وعينيها تجوب المكان بخوف حقيقي حتى استقرت على الدرج

ساقتها قدماها حتى استقرت على أولى درجاته وكأن قوة غامضة هي من تدفعها للصعود، وكلما صعدت درجة كلما ساد الظلام حتى أصبح دامسًا في آخر درجاته وحينها تفاجئت بذلك الجسد الذي صدمت به لتخرج منها صرخة فزع قبل أن تشعر بذراعين يطوقونها حين سقطت في ذلك الظلام

❈-❈-❈

ذهبت حلم إلى والدتها وقرر مصطفى الذهاب إلى جده وأهله الذي اشتاق إليهم

مما جعل منصور يزداد إصراره على ما ينتويه

وها هو ذا يوصد وصمته في المحكمة بلا ذرة ضمير 

وأين الضمير مع من نُزعت من قلبه النخوة

وصل مصطفى ليبحث بعينه وقلبه عن توأمه التي اشتاق لها ولابنتها 

دلف المنزل ليستقبله الجميع بحفاوة وفرحة عارمة 

وجلسوا جميعًا في حديقة المنزل ولم يفارق مصطفى تلك الصغيرة التي خطفت قلبه كما فعلت مع الجميع

فقالت وسيلة بعتاب

_ كنت جبت حلم معاك، بجد اتوحشتها أوي

تمتم مصطفى باسف

_ معلش يامرات عمي مكنش ينفع أجيبها معايا، انا مش ضامن حد يشوفها ويعرف اللي اسمه مهران ده.

تطلع إليه عمران متحدثًا بعتاب

_ عرفت بقى إن عملتك دي هتخليك هربان طول عمرك؟

حمحم مصطفى بإحراج وغمغم بثبوت

_ كنت عايزني اعمل ايه؟ اقف اتفرج عليها وهي بتضيع مني

تدخل جمال كي يهدئ الأمر

_ خلاص ياحاج اللي حصل حصل وانتهى، ملوش لازمة الحديت ده.

طبعه الصعيدي ونخوته لن تجعله يتقبل الأمر مهما حاولوا إقناعه

سيظل زواجهم في الظلام رغم ضوء النهار 

فتحدث عمران بجدية

_ لا منتهاش واني عند رأيي ولو كان ربنا ستارها معاكم الله اعلم ايه ممكن يحصل لو مهران عرف.

 

ساور مصطفى القلق وشعر بالندم لعودتهم، لكن أيضًا كان عليه العودة 

وهو باستطاعته الوقوف أمام مهران وحمايتها منه

اخرجه من شروده صوت معتز وهو يقول بثقة

_ صدقوني مش هيقدر يعمل حاچة وخصوصًا انها بقيت منينا، يعني لو اتعرضلها كأنه بيتعرض للعيلة كلها.

ايدت جليلة رأيه

_ صح كلامك ياولدي 

ثم نظرت إلى مصطفى وتابعت 

_ مهران اللي كان مقوي قلبه سالم، ودلوقت بقى وحيد ولحاله 

أراد حازم أن يغير مجرى الحديث وقال بمرحه المعتاد 

_ خد بحديت جليلة حكم اني عارفها زين، كلامها كله ثقة.

كان يرمي إلى ما عرفه عن عشق سالم لها، وكيف أنها حاربته وتمسكت بعمران 

وهذا ما لاحظه جمال في حديث ابنه لينهره بحزم

_ وبعدين معاك في حديتك اللي ملوش عازة ده؟

نظر جمال إلى مصطفى وتابع

_ اطلع انت اوضتك ارتاح من الطريق وبعدين نكمل كلامنا

ثم نظر إلى سارة وتابع

_ اطلعي مع اخوكي ياسارة

نهض مصطفى مع سارة وذهب إلى غرفته وما إن اغلق الباب حتى ألقت نفسها داخل احضانه 

وهي تقول بحب

_ وحشتني اوي اوي يامصطفى

ضحك مصطفى وهو يحيطها بذراعيها وقال مازحًا

_ هو المجنون ده لسه بيغير؟

ابتعدت عنه قليلًا كي تتظر إليه وتؤكد له بغيظ

_ تصدق كلمة مجنون دي قليلة عليه، ده لولا إني بحبه كان زمان قتـ.ـلته من وقتها، انا بحس ان جوازي منه انتقام من ربنا أو عذاب بيخلص في الدنيا 

بس وديني لو فضل على كدة هخلعه.

ضحك مصطفى على حديثها الذي يعلم جيدًا بأنها تتفوه بها من غيظها فقط لكنها تعشقه حد الجنون

_ عايزة تفهميني إنك تقدري تبعدي عنه يوم واحد؟

جعدت وجهها بضيق 

_ هو ده اللي مصبرني عليه، حقيقي زينة دي ربنا بيحبها، لو كانت اتجوزته كان زمانها انتحرت.

 

أخذت بيده وجلست معه على الأريكة لتسأله 

_ المهم تعالى احكيلي هتعمل ايه بعد مارجعت.

تنهد مصطفى وتحدث بحيرة 

_ مش عارف اقولك أيه، بس عمك طلب مني حاجة صعب اوي أقبلها

اعتدلت في جلستها وعقدت حاجبيها بدهشة لتسأله بتوجس

_ خير قلقتني.

ربت على كتفها وتمتم بهدوء

_ مفيش قلق ولا حاجة هو بس عايز يشغلني مع بابا في الشركة ومنصب كويس.

_ عمك ده انسان غريب أوي، تحس انه عايش للي حواليه بس.

_ تعرفي أنا بشوف عمك واهتمامه بكل صغيرة وكبيرة تخص كل اللي حواليه مش بس ولاده

واشوف أبوكي اللي عايش لنفسه وبس، صحيح هو عمره ما أصر معانا في حاجة بس للأسف حرمنا من اهتمامه والجو الأسري اللي بنشوفه هنا.

حتى جوازي من حلم عمك كان رافض خوف عليا

إنما ابوكي مـ اهتمش وافتكر بمساعدته ليا أنه كدة واقف جانبي، ملقتش في عينيه لمحة قلق أو خوف عليا اللي كنت بشوفهم في عيون عمك 

حتى لو قسي عليا وحسيته هيضربني كان شدته نابعة من خوفه عليا

ابتسم بمرارة واردف

_ بس تعرفي كل الحنان اللي بحسه منهم مش هيعوض أبدًا جفاء بابا معايا، وعشان كدة مش هسامحه مهما عمل.

كانت تستمع إليه بأصغاء وكأنها هي من تشكوا له وليس العكس

فأيدت حديثه

_ كأنك بتتكلم بلساني، بس برجع اقول الحمد لله إننا لقينا اللي يعوضنا عن الحرمان ده مع اللي بنحبهم

ابتسمت بحب وتمتمت

_ طيب هسيبك ترتاح شوية وبعدين نكمل كلامنا

اومأ لها ثم خرجت من الغرفة لتتركه يرتاح من الطريق..

❈-❈-❈

استيقظت لتجد نفسها على الفراش لكن في غرفة أخرى

تذكرت ما حدث لها لتنتفض برعب لكن يد منعتها من النهوض وصوته الآمر يقول بحزم

_ اهدي متتحركيش 

نظرت إليه بخوف شديد وغمغمت بتوجس

_ أنا فين؟

نهض من جوارها وهو يتمتم باستهزاء

_ انتي في الچنة ونعيمها، هتكوني فين يعني.

شعرت بالضيق من تهكمه وقالت بحدة

_ انت عايز مني أيه؟ سيبني امشي بقى 

نظر إليها بغضب من حدتها معه وقال باحتدام

_ صوتك مـ يعلاش ومتنسيش انتي هنا تحت إيديا 

نزعت المغذي الذي وضع في ذراعها ونهضت من الفراش لتمنعه من الخروج وقالت بغضب وهي تدنو منه

_ مش من حقك تحبسني اهنه اني لازمن امشي 

التفت إليها مهران بغضب وعينيه تقدح شررًا ورفع سبابته محذرًا

_ قلتلك مفيش خروج من أهنه واصل حتى لو فيها موتك، وأقلمي حياتك على إكدة

ازداد الخوف بداخلها لكنها لن تستسلم ولن تتركه يعاقبها على ذنب لم تقترفه فصاحت به بقوة زائفة

_ وانا مش هسمح إني اتعاقب على حاجة تانية اني مليش ذنب فيها

ضغط على أسنانه حتى كاد أن يدميها وشعور بداخله يدفعه لسحقها والانتقام من والدها فيها لكن ليس بتلك الطريقة فتقدم منها خطوة ليقول من بين أسنانه

_ لا ليكي ذنب وهو إنك بنت كامل النعماني 

صرخت به

_ هتنتقم من حرمة؟

اهتزت أوصاله من شدة السخط الذي اعتراه وغمغم يغضب لو خرج ليدمر العالم بأكمله

_ زي هو مـ انتقم من حرمه، بس انا اقسمت لانتقم منه أسد انتقام وكلها يومين وهخليه يطاطي تحت رچليا ياإما يمشي مطاطيها في البلد كيف الحريم.

تقدم خطوة أخرى وتابع بوعيد

_ طاطي انتي كمان ليطولك غضبي 

لا تنكر مدى الفزع الذي شعرت به من تهديده وأخذت تنظر إلى الباب الذي صفقه بغضب شديد جعلها تنتفض في وقفتها

انزوت في نفسها وشعرت ببرودة تسري في جسدها فلفت جسدها بذراعيها وظلت تبكي

كانت تبكي كما لم تبكي من قبل، تبكي على كل شئ

على والدتها التي ماتت ظملًا، وعلى حالها عندما عاشت منبوذة من الجميع

وعلى حالها عندما عادت وكأنها وصمت عار في تاريخهم ليخفوها عن الجميع

بكت عندما ارادوا تقديمها قربنًا لفض ثأر ليس لها ذنبٌ فيه

والان تبكي على حالها والقدر يواصل تعذيبه فيها بالوقوع بين براثين ذلك الذئب 

إلى متى؟

❈-❈-❈

كان الجميع يستعد للزفاف الذي سيقام بعد يومين من الآن وهي قابعة داخل غرفتها توصدها جيدًا

كانت كل ليلى ترى محاولته باقتحام غرفتها لتظل تتلوا ايات الله حتى يمل وينصرف

ستخرج من جحيم لتلقى في آخر لكن حينها سيكون باستطاعتها الفرار كما خطتت

ستستطيع تأمين مكانًا مناسبًا بالأموال التي وضعت في حسابها ولو أضطرت ستبيع تلك الأراضي بصفتها الواصية على أخيها

لن تجعله يلمسها حتى إن اضطرت لقتـ.ـله

فقط يكون القدر منصفًا لها تلك المرة ولن تعبأ لأحد بعدها 

حتى ذلك الحبيب الذي تخلى عنها سيكون العذاب الأشد من نصيبه

فقط يومين تفصلها عن انتقامها وسيرى ما تستطيع تلك الضعيفة فعله

أما هو فقد كان يقف مع العمال كما طلب منه عمه وهو يرى حلم حياته يتحول إلى سراب

كان قلبه يتمزق ألمًا وحزنًا لكن ليس بوسعه شئ سوى الرضوخ 

سيتحمل كلًا منهما نصيبه من الألم 

انتهى العمال من توضيب الغرفة ونظر سليم إلى الفراش بوجوم

كيف ستمر عليه تلك الليلة بل وكل ليلة؟

كيف سيتقبل من حلم بها ليالى في أحضانه أن تكون في أحضان غيره

والأدهى من كل ذلك بأنها ستكون أعلى غرفته

يستلقي على فراشه وينظر لسقف الغرفة التي تحتوي حبيبته

غدًا موعد زفافها بل غداً يوم نحـ.ـره

أراد أن لا يأتي ذلك اليوم، ان يطول الليل أكثر من ذلك، لا يجيب أن تشرق الشمس، على الظلام أن يظل حالكًا متمسكًا بظلامه

يجب ألا يأتي ذلك النور الذي سيدمس ظلام روحه

لكن إلى متى فقد انتهى كل شئ وهو ينظر إلى ذلك الاشراق الذي اعتم دنيته وانتهى الأمر 

❈-❈-❈

وقف مهران أمام زجاج النافذة ينظر إلى الإشراق بابتسامة خبيثة متوعدًا بأشد العقاب لمن يستحق

فالليل سيرفع الغطاء عن الحقيقة وينتقم تلك الأنات المكتومة التي يسمع صداها حتى الآن في لياليه

الليلة فقط ستخمد تلك الارواح التي تتعذب بذلك الغدر التي تلقته 

ساعات قليلة تفصله عن ذلك المشهد المهيب وسيكون النصر حليفه لأول مرة منذ وفات والدته

طرق الباب ودلف أحد رجاله الذي وقف خلفه ليقول بثقة

_ كل حاچة چاهزة زي ما أمرت يابيه

أومأ مهران وتحدث بقوة دون النظر إليه

_ بعد العروسة ما توصل بالسلامة بيت چوزها ويرچع مع رچالته يبقى عرفني عشان نقوموا بالواچب وخلي الرچالة عينهم في وسط راسهم فاهم ولا لا؟

أجاب  الرجل بثقة

_ فاهم يابيه

أنصرف الرجل وظهرت ابتسامته شامته على فمه وهو يقول بفحيح يشبه فحيح الأفعى

_ چاه وقت رد المظالم ياكامل 

❈-❈-❈

جلست جليلة بجوار عمران في حديقة المنزل كما اعتادوا في الصباح 

فقالت جليلة بقلق

_ ليلى شكلها مش مطمني، حاسة إن في حاچة مخبيها

نفى عمران شكها 

_ مفيش حاجة من اللي في دماغك دي، ليلى زينة متقلقيش

لم تقتنع بحديثه لكنها لم تشاء ايضًا ان تقلقه معها 

_ يمكن من الحمل ربنا يعدي شهورها على خير وتقوم بالسلامة 

إكدة مفضلش غير حازم ومعتز 

نظرت إليه بوله واردفت 

_ والله وكبرنا ياعمران وشوفنا ولاد أحفادنا 

تنهد عمران وتحدث برزانة

_ العمر جري بينا محناش دريانين 

ابتسم هو ينظر إليها قائلًا بعشق لم يهزه المشيب

_ وكأني شايفك بنت امبارح اللي كنت بلعب وياها في الدار وفچاة بعدت عني

وقالوا كبرت ومينفعش تلعب وياك

كأنهم أخدوا روحي مني وعدت السنين وكنت بلف حوالين الدار عشان المحك 

وادخل اتحجج بأي حاچة عشان أشوفك وانتي كنتي تداري وشك عني وتبيني عيونك اللي مكنتش رايد اشوف غيرها 

بعدها جالوا چايلها عريس وقفت وقتها وقلت بنت عمى ومحدش هياخدها غيري، والآخر بقيتي من نصيبي 

عادت جليلة بذكرياتها معه واردفت هي

_ حاولوا يمنعوا الچوازة دي بس اني اتمسكت بيك وقلتلها لأبوي إن مـوافقتش هموت حالي 

وقتها أبوي اضطر أنه يرفض سالم الهوري رغم تهديدهم وقالهم إن عيب بنتي تتچوز غريب وابن عمها موچود

وطبعًا الناس وقتها أيدت رأيه ومعرفش يعمل حاچة

حتى بعد ما اتچوزنا حاول كتير بس مقدرش يفرق بينا

_ لإن ميفرقش الروح عن الجسد إلا اللي خلقهم، وعشان إكدة كنت مطمن انه مش هيوصل لحاچة لحد مـ استسلم في النهاية وتركنا

وچاه حفيدك خطف حفيدته من قلب داره ومقدرش يعمل حاچة 

ضحكت جليلة وتحدثت بحبور 

_ مش سهل ابدًا مصطفى ده، أخد البنت من دارها وسفرها وهو ولا كأنه عمل حاچة لدرچة إني صدقته وان البنت هربت بصحيح

هز عمران رأسه بغيظ

_ اني نفسي صدقته وأتاريه مخطط لكل حاچة من ورانا

حتى جاسر وسارة كانوا خابرين وبيداروا علينا

_ على اد جرح منصور لينا، على اد ما اتعوضنا بأولاده اللي عوضونا غيابه وقسوته

ابتسم بحب وهو يتذكر سارة

_ سارة دي اللي خطفت قلبي من وقت ما شوفتها، بتفكرني بيكي وانتي في سنها بهدوءك وطيبتك ملامحك كأني شايف جليلة في شبابها قدامي

قطبت جبينها بدهشة وسألته

_ هو اني خلاص عجزت في نظرك

ضحك عمران وقال برصانة

_ لا ياست الناس انتي هتفضلي في عينيه الطفلة اللي خطفوها مني وقالوا بقيت صبية

_ لاا بعد الكلام الزين ده لازمن اقوم بنفسي اعملك القهوة زي ما كنت بتحبها من يدي 

اومأ لها ونهضت لتقوم بإعداد القهوة له بكل الحب الذي ما زال يشعل نار الحب بداخلهم

تركته وذهبت كي تعد قهوته في سعادة 

أما هو فقد ظل مكانه حتى جاء أحد رجاله يقول بقلق

_ حاچ عمران، في واحد برة بيقول انه محضر من المحكمة ورايدك انت بالذات 

اندهش عمران وسأله

_ محضر؟

أومأ الرجل فقال عمران 

_ خليه يدخل

غاب ثواني معدودة وعاد بذلك المحضر الذي القى سلامه أولًا وهو ينظر إليه بتعاطف

_ السلام عليكم ياحاج عمران 

_وعليكم السلام ورحمة الله وبركاته، خير ياولدي

قدم إليه تلك الوثيقة وقبل ان يقرأ ما تحتوية طلب منه أن يمضي بالاستلام وبالفعل مضى على الاستلام وذهب الرجل وكأنه يهرب من الموقف

نظر عمران إلى الوثيقة بين يديه لينقبض قلبه بألم 

وكأن الصدمات التي تلقاها منه لم تكف لتدميره ليتلقى الأقسى و الأشد فكانت القاضية

تلك المرة هزت حقًا ذلك الجبل الشامخ الذي ظل صامدًا أمام تلك العقبات التي واجهته واستطاع مجابهتها بقوة  وبسالة مع سنده الذي وقف يستند عليه؛ حين تركه الآخر والذي لم يكتف بفعلته السابقة ليضيف إليها ما هو أكثر جحودًا وإنكار

وقد كانت تلك القشة التي قصمت ظهر البعير

و كيف لا وهو يمسك بين يديه وثيقة الخيانة و الغدر بل شهادة وفاته

كل القهر والألم تجمع بداخله

حجر عليه بكل قسوة وجحود حتى جعله يرفع الراية تلك المرة ولا يجابه كـ سابقتها

كانت قواه خائرة من الصدمة وقد خذلته قدماه ليسقط منهارًا على مقعده

ولم ينتبه لصوت جليلة التي تسأله بقلق 

ولا لجاسر الذي دنى منه بخوف يطمئن عليه 

ولم يدري أيًا منهما ما يضطرم بداخله

ولا بتلك الغصة التي اجتاحت قلبه 

سقطت دمعة حارة على وجنته وهو ينظر إلى جاسر قبل أن يغلقها مرحبًا بذلك الظلام

• يتبع الفصل التالي اضغط على ( رواية وهام بها عشقا ) اسم الرواية