رواية صعيدي يفقد عقله الفصل الثامن 8 - بقلم نور الشامي

 رواية صعيدي يفقد عقله الفصل الثامن 8

الفصل الثامن 

صعيدي يفقد عقله 

في غرفه دنيا كان مراد يجلس علي الفراش ينظر الي دنيا وهي تحضر حقيبه ملابسها حتي انتهت وتحدثت:  

انا همشي دلوجتي وورجه طلاجي توصلي ماشي 

مراد ببرود:  

حاضر... تحبي اجي اوصلك ولا اخلي حد من الحرس يوصلك 

نظرت دنيا اليه بصدمه لم تتوقع ان يكون رد فعله بهذه الطريقه فتحدثت:  

هو انت خلاص للدرجادي مبجيتش عايزني ولا تحبني... انت كل ال هامك كان ال في بطني صوح علشان اكده مش عايزني دلوجتي وعادي اني اسيب البيت وامشي 

نهض مراد من علي الفراش وهو ينظر اليها بغضب ثم تحدث:  

لع غلط.... بس انا زهجت وتعبت انتي كل ما يوحصل مشكله تجوليلي طلجني مش هامك اني عارضت اهلي علشانك واني واجف جصاد الناس كلها علشان بحبك واني روحت اتجوزتك وهما مش موافجين وان حتي جبل الحادثه ال حوصلتلي خطبتك غصب عنهم انتي مش شتيفه غير نفسك وبس ودايما انا ال بعمل وانا ال بضحي وانا ال بتنازل بس كفايه بجا علشان انا زهجت عايزه تمشي يلا انا هاخد شنطتك احطها في العربيع لحد ما تنزلي 

القي مراد كلماته ثم اخذ حقيبه ملابسها وذهب وسط صدمه دنيا وفي الاسفل كانت ايمان تخرج من البيت ولكنها انصدمت عندما وجدت علاء امامها فتحدثت بحده:  

انت اي ال جابك هنا وعرفت مكاني ازاي 

علاء بسخريه:  

يابنت المحظوظه دا انتي طلعتي غنيه اهه وانا معرفش... مش عيب يا حلوه تمشي كده من غير ما تقولي لخطيبك 

القي علاء كلماته وهو يضع يده علي كتفها فدفعته ايمان بغضب وتحدثت:  

خطيب مين يا ابو خطيب انت كنت ابن جوز امي الله يرحمه وخلصنا وانا مش خطيبتك ولا عمري كنت خطيبتك انت لو اخر واحد في الدنيا انا مش هبص في وشك 

علاء بعصبيه:  

اه دلوقتي بقا معاكي فلوس بقا وصوتك بقا عالي وعايزه تهربي مني بس انسي انتي بتاعتي انا لوحدي 

القي علاء كلماته ثم سحبها من يديها في الشارع بغضب وهي تحاول ان تحرر نفسها من قبضته ولكن لم تستطع وفجاه وقع علي الارض اثر ضربه قويه من احمد الذي تحدث بعصبيه  :  

ميين دا عاد وعايز منك اي 

نظرت ايمان بتوتر وجاءت لتتحدث ولكن قاطعه علاء الذي نهض فجأه واقترب من اجمد وقبل ان يلكمه علي وجهه مسك مراد يده ودفعه بغضب وتحدث:  

مييين دا 

احمد بحده:  

كان ماسك ايد دنيا وشكله كان عايز يخطفها جبر يلمه 

نظر مراد بصدمه واقترب منه ومسكه من عنقه بغضب ثم اشار الي الحؤس ان يأخذوه الي الداخل واقترب من اخته وتحدث بلهفه:  

انتي زينه... الحيوان دا عملك حاجه... جولي لو عملك حاجه 

ايمان بتوتر:  

لا... انا كويسه بس سيبوه يمشي احسن مفيش داعي لكل دا 

احمد بعصبيه:  

مفيش داعي كيف دا لازم يتربي 

القي احمد كلماته ثم دخلوا جميعا وانصدمت ثريا عندما رأت علاء فتحدثت  :  

علاء... انت.. انت اي ال جابك هنا 

مراد بأستغراب:  

مين دا عاد وتعرفيه كيف.. هو كان عايز يخطف ايمان 

نظرت ايمان الي والدتها بتونر التي اخبرتهم بكل شئ فتحدثت فردوس بسخريه:  

واه واه...كل عيلتك اكده نصابين وحراميه ومجرمين 

الجده بحده  :  

فردوس عيب اكده اسكتي لحد ما نشوف اي المشكله 

مراد بحده:  

مفيش مشكله هو احنا لسه هنجعد نتكلم 

القي مراد كلماته ثم اقترب من علاء ومسكه من عنقه بغضب وتحدث:  

بص يا شاطر... احنا اهنيه في الصعيد وانت دلوجتي واجف في جصر اكبر عيله في الصعيد ودي اختي يعني لو حاولت بعد اكده انك تبصلها بس وجتها جسما بالله العظيم ما هتفضل عايش دجيجه واحده فااهم 

علاء بخوف:  

فاهم... فاهم 

القي علاء كلماته بخوف واشار مراد الي الحرس ان يلقوه في الخارج فأقتربت ثريا من مراد وتحدثت:  

شكرا يا ابني والله العظيم انا ما عارفه اشكرك ازاي 

مراد بضيق:  

دي اختي وواجب هليا احميها 

القي مراد كلماته ثم صعد الي غرفته ووجد ملك جالسه علي الفراش بتعب فتحدث بضيق:  

مجولتليش ليه انك حامل 

نظرت ملك اليه بصدمه ثم تحدثت:  

عرفت ازاي 

فتح مراد درج المكتب واخرج اختبار الحمل وتحدث:  

من دا... مش دا اختبار الحمل بتاعتك فاكره نفسك انك هتخبي عليا جوليلي بجا اي خطتك الجديده 

ملك بصراخ:  

بس بجاااا... بس كفااايه انا معنديش اي خطط انا عارفه اني غلطانه بس هفضل اتحاسب علي غلطتي دي لامتي لحد ما اموت... تحب اجتل نفسي يمكن دا يغفرلي ال عملته... طلجني يا مراد... طلجني انا تعبت 

نظر مراد اليها بضيق وهو يشعر ان هناك غصه في قلبه لا يعرف ما السبب ولكن من الواضح ان بكاء ملك السبب في هذه الحاله فتحدث:  

وال في بطنك هتنزليه لو طلجتك 

ملك ببكاء وعصبيه:  

مش هنزله حتي لو جتلتني... ال في بطني دا انا هحافظ عليه مهما حوصل دا ابني... ابني ال هطلع بيه من الدنيا دي كلها... مش هنزله يا مراد مهما حوصل مش هنزله انا مستعده اعمل اي حاجه انت عايزها بس سيبلي ابني بالله عليك..وحياه اغلي حاجه عندك 

نظر مراد اليها بحزن ثم اقترب منها واحتضنها وهو يتحدث:  

اهدي وبطلي عياط انا فعلا ضغطت عليكي جامد... انا اسف اهدي انتي دلوجتي حامل هتحافظي عليه ازاي وانتي بتعيطي اكده.. تعالي نروح للحكيم ونطمن عليه 

ملك ببكاء':  

انت مش هتخليني انزله صوح.. جول صوح بالله عليك يا مراد بلاش تعاقب ابني بسببي 

مراد بحزن:  

دا ابني انا كمان يا ملك... انتي دلوجتي شايله ابني في بطنك دا هيشيل اسمي يعني انا هبجي عايزه اكتر منك... اهدي بجا ومتخافيش 

القي مراد كلماته وهو يلامس خصلات شعرها حتي قاطعته بصوت ضعيف:  

هو.... ينفع انام في حضنك انهارده بس انهارده 

ابتسم مراد علي حديثها ثم سحبها الي الفراش وجعلها تنام بين احضانه وهو يتحدث:  

نامي يلا وانا جمبك اهه 

اغمضت ملك عيونها براحه وهي ببن احضانه وفي مكان اخر عند دنيا كانت تقف في شقه فاطمه وهي تتحدث ببكاء:  

بجولك محسش حتي اني مشيت ولاجيته نايم في حضنها وطول الليل كان معاها يا فاطمه مراد اتغير... مراد مبجاش يحبني 

فاطمه بحده:  

وهو انتي يعني ال بتحبيه انتي كنتي هتجتليه يا دنيا 

دنيا بصراخ:  

مكنش جصدي... انا مكنش جصدي انا بوظت فرامل العربيه بس جسما بالله علشان ميمشيش ويفضل معايا مش علشان اجتله انتي عارفه انا بحبه ازاي انا مجدرش اعيش من غيره... لازم ابجي حامل... انا لازم ابجي حامل بسرعه 

فاطمه بغضب:  

انتي بتحببه هو وفلوسه مع بعض... ويمكن بتحبيه علشان فلوسه اصلا الله اعلم ما علينا لو عايزه تكملي مع مراد يا تبحي انسانه كويسه يا تطلجي علشان مراد خلاص بدأ يبعد عنك بجد 

القت فاطمه كلماتها ثم ذهبت الي المطبخ وفي المساء عند الجده كان سيف يقف وهو يتحدث بحده:  

اه هتجوزها انا بحبها وكفايه جووي اكده 

الجده بعصبيه:  

هتوجف جصادي يا سيف..... هو احنا لسه خلصنا من دنيا لما هتجيبلنا صاحبتها 

سيف بضيق:  

يا حجه اسمعيني بالله عليكي والله فاطمه مش زي دنيا خالص هي مختلفه عنها بالله عليكي اعرفيها بس علشان خاطري وحياتي عندك 

مراد بضيق:  

يا حجه وافجي بالله عليكؤ والله البنت كويسه 

نظرت الجده اليهم بضيق وجاءت لتتحدث ولكن قاطعها صوت ايمان التي تحدثت:  

اعملي فتره خطوبه وهاتيها تقعد عندك  هنا شهرين كاختبار ليها ولو لاقتيها كويسه فعلا وافقي واعملي الفرح 

الجده بتفكير:  

صوح... حلوه الفكره دي عجبتني خلاص انا موافجه روح عرفها لو موافجه تيجي اهنيه يبجي نكمل الجواز وهي اهلها كلهم ربنا يرحمهم يعني مفيش حد هيعترض 

ابتسم سيف بسعاده واقترب من جدته وقبل يديها ثم اقترب من ايمان وتحدث:  

شكرا بجد انتي احلي بنت خال في العالم كله 

القي سيف كلماته ثم ذهب فاقترب مراد من ايمان وتحدث بابتسامه:  

شكرا انتي عملتي الحاجه ال بجالنا شهور مش عارفين نعملها 

ايمان بابتسامه   :  

العفو انا بس حاولت اساعدكم وان شاء الله ربنا يوفقه وتبقي دي فعلا المناسبه ليه 

مراد:  

طيب تعالي لما اوريكي حاجه مهمه 

القي مراد كلماته قم ذهب معها الي احدي الغرف اما في الاعلي كانت ملك مازالت نائمه حتي سمعت صوت هاتفها من رقم مجهول وعندما اجابت انفزعت من مكانها ونزلت بسرعه وخرجت من البيت وهي تنظر حولها ولكن فجأه سحبتها احدي السيارات الي الداخل وذهبت بسرعه فانتبه لها احدي الحراس وهو يصرخ علي الجميع فخرج مراد وتحدث بلهفه:  

فيه اي... اي ال حوصل 

الحارس بخوف ولهفه:  

ست ملك اتخطفت يا بيه وو

توقعاتكم ورأيكم ويا تري اي ال حصل وتختاروا مراد يبقي مع مين دنيا ولا ملك وهل فاطمه فعلا هتبقي مناسبه لـ سيف واي ال هيحصل مع اايمان وتفاعل كبير يا بنات

  •تابع الفصل التالي "رواية صعيدي يفقد عقله" اضغط على اسم الرواية