رواية جميلة الفصل التاسع 9
مساء الخير للجميع 💐💐🤍❤️❤️
الجزء التاسع من قصه ❤️💐🤍💐
(❤️جميله ❤️)
ياسين : ( أول مره تحصل و يعدي اسبوع كامل ولا اعرف حاجه عن جميله ولا تسأل عليا حتا محمد اللي كنت بقول عليه اخويا خد جمب مني مع جميله هوا أنا مش زعلان منه لأن لو كان عمل غير كده كنت هقول عليه واطي أنا أصلا عرفته عن طريق جميله وغير كده هيا بتتعامل معاه علي أنه اخوها وبصراحه مشفتش منه إلا أنه بيتعامل معاها أنها أخته الكبيرة فرحت علشان في حد جمبها بدال ما تكون لوحدها خالص بس اكتر من كده مش قادر أستنا نزلت وخدت عربيتي ورحت على البيت القديم أول ما باب الشقه اتفتح لقيت جميله خدتني بالحضن ولا كأن كانت مستنياني أجي علشان تنسا كل حاجه حصلت )
جميله: اسبوع كامل يا ياسين ولا تسأل عني
ياسين : والله كنت عايز اجي بس كنت خايف الزعل يكبر بسبب كلامنا وكل واحد فينا جوه زعل من التاني
جميله: بس انتا عارف انا مقدرش اقولك كلام يضايقك
ياسين : علي العموم حقك عليا أنا آسف وشوفي اي يخليكي مرتاحه وأنا هعمله
جميله: اللي يخليني مرتاحه انك متسبنيش لدماغي وتفكيري تاني
ياسين : حاضر والله
باب الشقه بيخبط
ياسين : مين ده
جميله: معرفش افتح ممكن يكون محمد هو في حد سأل عني غيره
ياسين : ( بيفتح الباب لقا محمد فعلاً وكان معاه شنط كتير )
محمد: أهلا يا عم
ياسين : عايز اي ياض انتا انا كل ما هروح مكان تبقا مرمي فيه
محمد: لو جاي تنكد خود بعضك وامشي علشان نتعشا لو جاي في صلح اقعد بقا كل معانا
ياسين: شوفي الواد صاحب بيت ابن الايه
جميله: ( بتضحك ) لا معلش بقا يا حبيبي بس انتا عارف محمد عندي اي
ياسين : م ده اللي مصبرني عليه
محمد: بالذمه مش بتحبني يا ياسين
ياسين : عايز الحق
محمد: اه
ياسين : لأ ( وبيضحك)
محمد: طب ايدك من على الاكل اللي دافع في دم قلبي
ياسين : دم قلبك اي يا حيوان دا من المحلات بتاعتنا
محمد : واي يعني م سهري وتعبي في الشغل ده اي ما ده دم قلبي
ياسين : تصدق صح
جميله: ياسين محمد حكالي على اللي حصل معاه بينه وبينك وبصراحه كده الموضوع يقلق
ياسين: فعلاً الموضوع مقلق في حد عايز مش بس يوقعنا في بعض لأ ده عايز يخليني لوحدي ولا ذاي ما يكون عدو
محمد: ياسين أنا مع جميله ومش مرتاح ل مها والقرار ليك بس أنا قولتلك أهو البت دي مش تمام
ياسين: محمد وغلوت ياسين عندك الكلام ده من قلبك فعلاً ولا علشان جميله مضايقه منها
محمد: والله يا ياسين وغلوتك عندي وربنا يعلم انك اخويا بجد مش كلام البت دي في وراها حاجه
ياسين: منا مش هينفع اسيبها تمشي إلا لما اعرف في وراها اي
جميله : يعني ناوي على اي
ياسين: مش عايز حد يعرف أننا اجتمعنا تاني وخلي كل اللي حوالينا يتأكد أننا بنضرب في بعض وانتا يا محمد بالذات
محمد: تاني هتقول الكلام اللي يزعل ده
ياسين: يا غبي افهم انتا بالذات بيع نفسك ل طارق بس بالعقل
محمد: يعني مره واحده كده اروح اقوله اني عايز أبيعك اكيد هيشك
ياسين: افهم انتا طول ما انتا ماشي اتكلم مع العمال والموظفين اني ظلمك واني عايز اطردك واني مش كويس مع جميله وعايز انهي الشراكة معاها
محمد: وبعدين
ياسين: طارق اللي هيتصل بيك
جميله: انتا قصدك أن طارق حاتط ناس وسطنا في العمال والموظفين
ياسين: طبعاً إلا مكنش على طول سابق بخطوه
محمد: جميله علي فكره ياسين صح
جميله: طبعاً صح هو من امتا قال حاجه غلط أصلا
ياسين : ما تقوم تمشي بقا ياعم دنتا تقيل اوي
محمد: لما أكل ( وبيضحك)
جميله: بس يا ياسين حرام عليك ده جاي من اخر الدنيا علشان يطمن عليا وكل يوم يعيني يضرب المشوار ده
ياسين : يعني هو جاي على رجله منا لسه مغير ل أهله العربيه
جميله: اي يعني يستاهل انتا عايز اخوك يبقا راكب اي حاجه كده والسلام
محمد: حيث كده عايز عربيه جديده
ياسين : خد الشنطه دي قوم
محمد: في اي ياعم خلاص مش عايز
ياسين : ياض قوم بقولك ياله قوم ياعم ( وفتح الباب ) ياله بالسلامة
جميله: ياسين الواد يزعل ( وبتضحك)
ياسين : ( فتح الباب) خود الجزمه اهي مش بتدور عليها ياله اجري امشي
محمد: ( مسك الباب و ياسين
بيقفل وبيضحك) طب العربيه الجديده امتا
ياسين : ياله يا بارد ( وقفل الباب)
تاني يوم في المطعم
ياسين : مها عايز أمجد المحامي
مها : خير يا مستر ياسين في حاجه
ياسين: اه انفصلت عن جميله وكنت عايز أمجد يشوف فض الشراكة دي بما يردي الله
مها : ليه كده بس
ياسين: شوفي امجد فين يا مها ياله
مها : حاضر بعد اذنك
في جانب آخر
واحد من عمال المطعم : مالك يا محمد شكلك زعلان ليه كده
محمد : ياسين عايز يضحك على جميله و ياخد منها كل المحلات والمطعم كمان
العامل: اي ده انتي بتقول اي استاذ ياسين يعرف ربنا لا يمكن يعمل كده
محمد : اهو عمل يا حبيبي اهو
عامل المطعم: طب ليه كده هوا حصل حاجه بينه وبين جميله
محمد : لا محصلش وروح شوف شغلك بقا ممكن
العامل: طب ياعم ماشي
في جانب آخر
أمجد المحامي: خير يا مستر ياسين
في جانب آخر
مها : ألو
طارق: اي يا مها لو عندك حاجه مهما اتكلمي على طول علشان مش فاضي أبدا
مها: لالالا الخبر اللي عندي يسوي كتير اوي
طارق: اي وانا اقولك يسوي اي
مها : ياسين انفصل عن جميله
طارق : انتي بتقولي اي
مها : ذاي ما سمعت انفصل عنها وقاعد مع أمجد المحامي ينهي الشراكه كمان
طارق: ايوه بقا هيا دي الأخبار اللي يتدفع فيها فلوس بجد
مها : يستاهل كام بقا الخبر ده
طارق: لما تيجي بليل هقولك يستاهل اي
مها : سلام
طارق: سلام
في جانب آخر
ياسين : طبعاً انتا عارف أن الوضع الحمد لله ماشي تمام التمام
أمجد: يارب دايما
ياسين : علشان كده في موقع في مدينه ----------- عايز نخلص الورق بتاعه
أمجد: تحت امرك يا مستر ياسين
ياسين : هبعت ليك كل التفاصيل لو حد سألك كنت عايزك في اي قوله انتا مالك تمام
أمجد : تمام مفيش مانع
ياسين : اتفضل
أمجد: بعد اذنك
في جانب آخر كانت وصلت رساله الي جميله من رقم غريب مكتوب فيها
( أحسن حاجه عملتيها في حياتك انك انفصلتي عنه كده كده ميستهلش واحده زايك )
جميله: ( خدت اسكرين و بعتت الرساله ل ياسين)
ياسين : ( أول ما شاف الرساله) الله ايوه كده كده الصناره غمزت والشغل هيبدا ❤️❤️❤️❤️❤️❤️❤️❤️❤️❤️❤️❤️❤️❤️الي اللقاء في الجزء القادم ❤️❤️
✍️ليل أدم ❤️💐
•تابع الفصل التالي "رواية جميلة" اضغط على اسم الرواية