رواية ليالي العشق الفصل العاشر 10
الفصل_العاشر
خالد وهو بيسحبها من خصرها: اوعي تنسي اني جوزك وليا حقوقي
جسمها كله بدأ يترعش من لمسته ليها: أنا مش فاهمه يا أبيه أنت تقصد ايه فـ لو سمحت ممكن تبعد
بصلها في عنيها بقوة: أنتي فاهمه كويس يا ليالي اقصد ايه انا كلمتك مره واتين ودي تالت مره اكلمك فيها... مش عايز غير انك ترجعي تاني تروحي المدرسه بتاعتك لان من حقوق الزوج ان مراته... تسمع كلامه في كل حاجه وتنفذها وانتي مفيش كلمه واحده بتسمعيها بقول ممكن صغيره وعنيده بس العنيد يتكسر... راسه قدام مش عارف مصلحته فين
ليالي بدموع: مش هقدر ارفع عيني في وش الناس
خالد بعصبيه: ليه مش هتقدري عشان مراد أنتي بتدمري نفسك بنفسك... يا ليالي مهما ايه اللي يحصلك متسبيش تعليمك لان هو سلاحك الوحيد اللي ممكن تستعمليه في كل حاجه المدرسه هترجعيها من بكرا... وانا اللي هوديكي بنفسي كل يوم ادام انتي مش موافقه تروحي هاجي على نفسي واخر الشغل عشان اتاكد انك روحتي مدرستك حاجتك جبتهلك عشان ميبقاش في حجه مترحيش بيها المدرسه أنتي أمانه هنا... ولغيط اما ارجعك لـ ابوكي تسمعي الكلام لاني مبحبش اعيد كلامي مرتين وانتي مصممه تكسري... كلمتي
ليالي بخوف: أنت هترجعني لـ بابا تاني
: أنا مقدرش اخون... مراتي ولا اجرحها ومش هحب غيرها ولا هتقبل حد ياخد مكانها انا اتجوزتك فتره وهطلقك عشان الناس تعرف انك مطلقه وكنتي متجوزه... مره تانيه مدخلش اشوفك بلبس دا حتا لو في اوصتك مفهوم
هزت رأسها بخجل مفرط: مفهوم
- سبحان الله وبحمده سبحان الله العظيم🤎🤎🦋.
سابها وخرج من الغرفه دخل غرفة مروه قعد على السرير بتفكير خرجت مروه من الحمام وهي ترتدي قميص... نوم كانت في غاية الجمال قربت عليه بخجل مفرط نامت في حضنه بشتياق
مروه باستغراب: غيرت هدومك فين أنت روحت عندها
رجع شعرها النازل على وشها برقه: غيرت وجيت كان لازم ادخلها ماما زهقتني من الموضوع ده
مروه بدموع: أنت خلاص كدا هتفضل متجوزها عليا وتقسم بنا بالعدل
مسح دموعها بحنيه مفرطة: فين اللي بقسم بنكم انا ببات عندك كل يوم... انا دخلت عندها عشان كنت عايزها في كلمتين وغيرت هدومي هناك بس مقربتلهاش... لاني عارف تفكيرك هيروح لفين
مروه بدموع: غصب عني مش مستحمله اشوف حد يجي جنبك مش تتجوز عليا انت متعرفش النار... اللي جوايا عامله ازاي بسبب جوازك منها
: انا عمري ما هبصلها غير انها بنتي... وعلى جوازي منها فتره وهطلقها وغير كدا انا حاسس بالذنب اتجاهها انا متجوز وبحب مراتي وعمري ما هشوف غيرها ومخلف... وهيا لسه عيله صغيره عايزه اللي من سنها مش واحد اد عمرها مرتين
شدها لحضنه وهو بيدفن وشه في رقبتها بحب: هتفضلي كدا كتير
رفعت عنيها بصتله باستغراب وقالت برقه: كدا اللي هوا ازاي
قبل رقبتها بحب: من اول يوم جواز وانتي مصممه تجننيني كل يوم أكتر
ضحكت مروه برقة اكمل خالد بهدوء: هودي رتياج وليالي بكرا المدرسه ادام منشفه دماغها ومش موافقه
مروه بضيق: هصحيها الصبح
قبل رأسها بحب ابتسمت مروه برقه ولفت ايديها على رقبته.
لا إله إلا الله وحده لا شريك له له الملك وله الحمد و هو على كل شيء قدير🤎🤎🦋.
في الصباح دخلت توحيده غرفة ليالي من غير ما تخبط كانت نايمه على السرير
: انا عارفه انك صاحيه يا ليالي قومي بطلي تمثيل
شالت الحاف من على وشها: تعالي يا عمتي
: ينفع اللي بتعمليه دا انتي كدا بتجيبي المشاكل لنفسك ابعتلك مروه ورتياج يصحوكي مترديش عليهم
ليالي بعصبيه: انا مش عايزة اروح المدرسه مسكت ايديها بدموع انا بقيت اخاف من كل حد حواليا حاسه انهم بيبصولي كأنهم عارفين اللي حصلي... مش عارفه اعيش ولا اتعامل مع حد مش عايزه اروح المدرسه ولا عايزه اكمل تعليم
توحيده بحزن: انا عارفه وحاسه بيكي بس مينفعش مينفعش مترحيش المدرسه ولا تتعملي مع اللي حوليكي هتعيشي مع جوزك ازاي او تخلفي... منه ازاي وانتي بالشكل دا بعيدا عن ان خالد عصبي ومش بيقرر كلامه مرتين حتا ليا بس انتي لازم تتعلمي لان دا لمصلحتك أنتي مش حد فينا ولو مكنتش لمصلحتك مكنش خالد صمم على كدا قومي يا حبيبتي ربنا يهديكي غيري لبسك لان خالد زمانه نازل وهيتعصب لو متلاقيكيش جاهزه
قامت خرجت من الغرفه نزلت تحت كان خالد واقف في نص الصاله وهو في قمة غضبه منها
خالد بعصبيه: هي فين منزلتش معاكي لغيط دلوقتي ليه مش عارفه اني مستنيها وعندها مدرسه
: اهدى عليها شويه انت شايف هي عامله ازاي هي برضو لسه صغيره ومش عارفه فين مصلحتها واللي مرت بيه مكنش سهل عليها برضو
: دي عنيده جدا انا بحاول على قد ما اقدر متعصبش عليها لانها لسه صغيره واللي هي مرت بيه بس مش كدا
قطع كلامهم نزول ليالي وهي بملابس المدرسه وهي بصه في الارض وقفت قدامه بارتباك من نظراته الغاضبه: انا خلصت خلاص
خالد بهدوء: اتفضلي على العربيه قدامي
مشيت قدامه هي و ريتاج ركبوا العربيه... وأنطلق ليالي بصت لـ رتياج بحزن شديد من معاملة خالد الحنونه معاها وافتكرت معاملة والدها وقف بالعربيه قدام المدرسه
: يلا انزلي عشان متتاخريش يا حبيبتي
قربت عليه ريتاج قبلت خده عمدا قدام ليالي بابتسامة: هتوحشني يا بابي
خالد بحب: وانتي كمان يا قلب بابي خالي بالك على نفسك
فتحت ليالي الباب بهدوء و نزلت بصمت دخلت المدرسه من غير ما تستنا ريتاج بصلها خالد بحزن وانطلق بعد ما اطمن ان ريتاج دخلت هي كمان
فضلت ليالي طول الحصص... قاعده سرحانه ومش قادره تركز مع شرح المدرسين فاقت من شرودها على صوت مستر علي الغاضب منها بشده
: تقدري يا استاذه ليالي تشرحيلي كنت بقول ايه
ليالي فرقت ايديها بتوتر ودموع: أنا اسفه يا مستر مكنتش مركزه مع حضرتك
علي بهدوء: طيب اتفضلي اقعدي مكانك وبعد الحصه ما تخلص تجيلي على مكتبي
هزت رأسها بهدوء وقعدت بتوتر شديد لغيط... اما الحصه خلصت خرجت من الفصل وراه خبطت على المكتب ثواني وامر بالدخول فتحت الباب ودخل بتوتر
ليالي كان وشها في الارض: حضرتك طلبتني
علي بهدوء: ايوا طلبتك مبتبقيش مركزه مع المدرس طول الحصه وتغيبي شهر كامل وبرضو ترجعي تبقي سرحانه هوا فيه مشكله عندك او اي حاجه برضو ندى مكنتش بتيجي المدرسه
ليالي بارتباك: كنت عامله حادثة انا وندى
بصلها بشك من ارتباكها: الف سلامه اتفضلي روحي فصلك بس ركزي بعد كدا الامتحانات خلاص على الابواب لان المره الجايه هديكي فصل نهائي من المدرسه
ليالي بدموع: أنا اسفه يا مستر علي مش هتتقرر تاني
خرجت من المكتب دخلت غرفة السباحه قاعده على طرف المسبح ببكاء أتفجأة بيد بتتحط عليها رفعت عنيها بصدمة
- سبحان الله والحمد لله ولا إله إلا الله والله أكبر🤎🤎🦋.
دخلت هبه غرفة مراد بصتله بحزن شديد حاولة ترسم الابتسامة وهي بتقرب عليه حطت ايديها على كتفه برقه: هتفضل قاعد في البلكونة ليل نهار كدا
مراد بهدوء: اتحرم عليا اخرج برا البيت فـ بشوف الناس من هنا قاعدتي في البلكونة وانا بتفرج على اللي رايح واللي جاي عرفتني ان البشر احلى من بعيد
مسحت دموعها قبل ما تنزل ويشوفها: انا حضرتلك الفطار تعالى افطر عشان تاخد الادويه ومش عاوزك تقولي لا انت مغلبني في الاكل بتاعم حاسه انك صغرت مش كبرت
: ياريتني لسه صغير يا ماما مكنش كل دا حصل
قعدت قدامه على الارض و مسكت ايده بحب: دا كله قدر ومكتوب ياريتني مش بتغير النصيب دا نصبها ومكتوب اها مكنش ينفع وانك غلطان اوي كمان بس مش يمكن دا حصل عشان تبقي من نصيب خالد شلها من قلبك يا مراد ليالي مش ليك وهون على نفسك يابني انت كدا عايز تموتني بحسرتي عليك
مسحلها دموعها بحنان مفرط: دموعك بتعزبني كل اما اشوفها لاني سببها انا راضي بكل حاجه
مسكت ايده قبلتها بحب وبكائها : انا مليش غيرك انت واختك ليه عايز تقطع... قلبي عليك يا مراد
شدها لحضنه بحنان مفرط مسكت فيه هبه بنهيار وهي بتحاول تهدي نفسها على الأقل قدامه خرجت من أحضانه مسحت دموعها وهي بترسم الابتسامة
: انت نستني كنت داخله ليه يلا اختك مستنيانه برا على السفرة
سحبت الكرسي خرجت من الغرفه سابته قدام السفره وبدات تحطله الأكل في الطبق: عملتلك كل الأكل اللي بتحبه كل يا حبيبي بالف هنا
بدا ياكل وهو بيبص لـ والدته وندى من الحين للأخر
: امال فين بابا لسه بيتهرب و مش عايز يشوفني
هبه بارتباك: لا يا حبيبي هوا بس عنده شغل ونزل بدري
اتحرك بالكرسي: انا شبعت عن اذنكم
مشي من قدامهم دخل الغرفه بصت هبه لـ طيفه بحزن شديد وهي بتمسك رأسها بتعب قامت ندى بهدوء
: سيبيه يا ماما انا هجهزله الأكل وادخله بنفسي
هزت رأسها بحزن دخلت ندى المطبخ جهزت الطعام حطته على الصنيه ودخلت الغرفة كان واقف على رجله اليمين ساند على الكمودينه... حطت الصنيه على المكتب بسرعه وسندته قعد على السرير وغطته وجابت الصنيه حطتها قدامه
: انت مكملتش أكلك برا
مراد بعصبيه: انا قولت مش عايز اكل أنتي مبتفهميش
مسكت الأكل حطته قدامه: لا بفهم يا ابيه بس لازم تاكل عشان ادويتك والجـ رح
مراد بحزن: ندى انا اسف اتعصبت عليكي وانتي ملكيش ذنب
شاورت بعنيها على ايديها: هفضل ماده ايدي كدا كتير
: لو بتحبيني بجد سبيني واخرجي دلوقتي انا مش عايز حد معايا
ندى ببعض العصبيه بس حاولة اخفائها: مش هخرج من هنا غير لما تخلص أكل يا مراد
بصلها شويه وبدا ياكل منها فضلت تأكله بيديها لغيط اما خلص الأكل وادته الادويه
ندى بابتسامة رقيقه: تيجي نلعب شويه ادام انت مش هتنام
مراد برفع حاجب: والمزكره بتاعتك
قعدت جنبه وفتحت جهاز البلاستيشن: لما ابقي ارجع المدرسه هبقي اذاكر
وقفت هبه قدام الباب تبصلهم وهما بيلعبه وعملين يضحكوا من قلبهم لان الباب كان موارب بحب
- سُبحَان اللّـه وبحمدهِ عَدَدَ خلْقِه ورضَا نفسه و زِنَة عرشه ومِدادَ كلماتـه🤎🤎🦋.
بصتلها ليالي بصدمه: ريتاج أنتي سايبه فصلك وجايه ورايا ليه
قعدت جنبها بهدوء: لانك صحبتي يا ليالي و دايما بنبقي مع بعض انا وانتي وندى
مسحت دموعها بضهر ايديها: انتي عرفتي منين اني هنا
: روحتلك الفصل البنت اللي هناك قالت انك في مكتب مستر علي روحت على هناك وشوفتك وانتي جايه هنا سكتت شويه وقالت انا سمعت كلامك امبارح انتي وبابا
بصت بعيد بخجل مفرط: انا عمري ما كنت اتخيل اني اتجوز ابيه خالد بس كان غصب عني بابا كان عايز يتخلص مني باي شكل
: اللي حصل مكنش سهل على جدي زيدان وكان لازم تتجوزي انتي عارفه الناس مش وراها غير الكلام دي اتجوزت ودي اطلقت الموضوع مش سهل... ولا انا متقبله فكره ان بابا يتجوز على ماما بس في نفس الوقت عذراه لان مكنش ينفع يشوفك كدا وميتصرفش بس انتي بسببك بقا في خلافات بين بابا وماما وبقا الوضع متوتر جدا بنهم انتي فاهمني عارفه يعني واحده تدخل بين واحد ومراته حتا لو هوا مش بيحبك وشايفك بنته زي ما بيقول بس انتي مراته وطول ما انتي موجوده انا مش بعيد اخسر ماما او بابا وهبقي متعلقه بين الطرفين وانتي ميرضكيش كدا يا ليالي
: انتي مفكره اني كدا مبسوطه او راضيه بالوضع اللي انا فيه انا بس مش عارفه اعمل ايه
قامت ريتاج بهدوء: احنا لو فضلنا قاعدين هنا المدرسه هتتقفل علينا
مسكت شنطتها وقامت خرجت من المدرسه ركبه الباص قعدت ليالي جنب الشباك وهي بصه لـ الطريق بتفكير في كلام ريتاج، وصله بعد فتره قدام الفيلا نزله من السياره اول ما ليالي دخلت طلعت على السلم بصمت
توحيده: ليالي يابنتي مش هتاكلي
مردتش عليها وطلعت على طول دخلت ريتاج بعديها
توحيده بقلق: مالها ليالي حد ضيقها في المدرسه
ريتاج بلا مباله: معرفش اهي عندك روحي اساليها
توحيده بشك: يعني انتي مقلتلهاش حاجه زعلتها
: وانا هقلها ايه يعني ولو قلتلها دا حقي انتي ناسيه انها مرات ابويا عن اذنك يا جدتي هطلع اغير هدومي عقبال ما تحضره الغداء
قامت ندى تفتح الباب بعد ما رن الجرس اختفت ابتسامتها و وقفت متسمره مكانها اول ما شفته واقف قدامها
فردوس باستغراب: مين يا ندى مالك اتسمرتي كدا ليه
ندى بدموع بتلمع في عنيها: دا عامر يا مرات عمي رجع من السفر...
•تابع الفصل التالي "رواية ليالي العشق" اضغط على اسم الرواية