رواية حب صالح الفصل الثاني عشر 12 - بقلم الاء هشام
بعد مرور شهر على زفاف جهاد و سيف لم يحدث تغيرات لابطلنا و لكن علاقه نور و صالح تطورت و اصبحت اقوى، و جهاد ايضاً فكان سيف كل يوم يزيح عنها اثر الندم او الخوف من انها اختارت خطأ بل كان يعوضها عن كل شيء حتى لو كانت لم تفكر به من قبل، اما عن جميله فهي كل شيء كانت تريده حدث بالفعل وهو الانتقام .
_ بجد طيب الف مبروك و الله فرحتلها اوى .
كانت تقولها نور ببتسامه على كلامه اردف عليها المتصل .
_ بس انتى لازم تيجي يا نور مش كفايه مجناش فرحك و هو بالمرة نشوف جوزك و يشوفنا و لا اى .
بدأت نور بالتفكير قليلا للامر و لكنها قالت .
_ تمام مفيش مشكله و ان شاء الله هحاول اجي مع صالح…سلام .
اغلقت هاتفها وذهبت لغرفه لصالح و هى تقول ببتسامه .
_ ممكن ادخل .
رفع عيونه لها التى كانت منصبه على اوراق شغله و قال بحب .
_ يعني انتى دخلتى قلبي بدون استأذان بتستأذني عشان تدخلي الاوضه..اتفضلي طبعا .
ابتسمت نور على كلامه و جلست بجانبه و هى تقول بهدوء .
_ الاسبوع الجاي فرح خديجه بنت خالتي على علي و كنت عوزاك تيجي معايا ..هما هيعملوه في البلد مش هنا..ممكن نروح مع بعض .
كانت تقولها و هى تنظر له بمعنى “وافق” نظر لها صالح قليلا ثم قال لها بحب.
_ مفيش مشكله نروح مدام هتبقي مبسوطه .
من شده فرحه نور لكلامه حضنته بفرحه و لكنها استدركت ما فعلته و كانت تحاول ان تخرج من حضنه و لكنه قال و هو يشدد على ضمته لها و يقول .
_ بلاش تبعدي يا نور خليكي جمب قلبي،خليكي معايا،انا بحتاج حضنك ده دايما .
طبطبت عليه نور بحنيه و بادلته الحضن .
♡——–‐———————————————♡
_ يعني انت فعلا مشوفتهاش .
قالت تقولها جهاد بشك لسيف، انكر سيف كلامه و هو يقول بتوتر .
_ و هو انا هلاقيها فين دى الساعه بتاعتك مش بتاعتي انا هلاقيها فين يعني.
واصلت جهاد حديثها و هى تقول له لتوضيح الامر .
_ انا قصدي يمكن شوفتها انا حطتها في حته و انا نسيت مثلا .
_ لا مشوفتهاش هتيجي معايا و لا هتروحي الشغل لوحدك .
نظرت له جهاد بعدم فهم توتره البالغ لكنها قالت .
_ لا شكرا هروح لوحدي .
اومأ لها و ذهب من امامها…كانت تفكر قليلا فهي رأته يأخذ الساعه من على المنضده ووضعها بجيبه لماذا يقول بأنه لم يراها و يستنكر الامر…اخذت قرار بأن تتبع مساره و ذهبت خلفته .
♡——————————————————-♡
كانت تجلس بشقه والدتها و امامها يوسف و بجانبها والدتها و هى تقول .
_ نورت يابنى و الله بقالنا كتير مشوفناكش .
ابتسم يوسف و اخذ رشفه من القهوه و قال .
_ شكرا يا طنط و الله و بعدين من بعد ما الانسه جميله مراحتش شقتها فمبقتش عارف اخبارها .
ردت جميله عليه و قالت .
_ انا روحت الشقه فترة و بعدين جيت لما اتطلقت من عصام .
ذهبت والدتها لتكمل اشغالها و نظر لها يوسف باستفسار .
_ هو صحيح ازاى طلقك بسهوله كده ده مكانش راضي يروح الشقه اساسا .
ابتسمت جميله بخبث قليلا و هي تتذكر ما فعلته مع عصام .
♡——————————————————♡
كانت تشاهده و هو يعطي ساعتها لصاحب المحل…و كأنه يبيعها و لكن هو فعلا باعها و اخذ اموالها و ذهب من المحل تردد قليلا بأن تذهب لصاحب المحل و لكنها ذهبت و قالت له بقلق.
_ السلام عليكم هو حضرتك البنى ادم اللى مشي من شويه ده كان بيبع الساعه .
نظر لها بأستغراب و رد عليها .
_ ايوة باشمهندس سيف بيجي كل فترة بيبع حاجات بتاعته هو حضرتك تعرفيه .
اشارت له بهدوء و هى ترفض كلامه و ذهبت من امامه و هى تفكر ماذا تفعل..هل جوزها سارق،اهو يسرقها ام محتاج،من الممكن ان يكون ليس مهندس من الاساس،ذهبت الى مقر شغلها و كأنها تهرب،تهرب من مصدر امانها.
♡——————————————————–♡
_ بس مكنتش اعرف انك بتحبي البلد و كده .
كان يقولها صالح لنور التى ترتب اغراضها بشنطتها و الابتسامه تعلو شفتيها،نظرت اليه و هى ترد .
_ البلد دى انا عشت فيها طفولتي و كان فيها ذكريات مقدرش انساها انا عشت فيها اكتر من طفولتى كمان مشيت منها على ثانوي كده .
نظر لها صالح و هو يضع يديه تحت خده و قال لها ببتسامه .
_ و اى كمان .
ضحكت على هيئته و جلست امامه و قالت بهدوء.
_ مفيش ياسيدى جيت هنا و خلصت تعليمي و اشتغلت و اتعرفت على طنط سعاد و حبيتها و اتجوزت ابنها.
ابتسم صالح و قال بحماس .
_ واي كمان .
ابتسمت له نور و اخفضت صوتها و هى تقول .
_ مفيش بس لازم نعمل حاجه دلوقتي .
اقترب صالح منها و قال .
_ حاجه اي .
قالت نور بصوت عالى .
_ تقوم يابيه تحضر حاجاتك عشان منتأخرش .
غضب صالح غضب طفيف و قال .
_طيب حاضر .
ضحكت نور على رده فعله و اكملت تحضير شنطتها .
يتبع….
- يتبع الفصل التالي اضغط على ( رواية حب صالح ) اسم الرواية