رواية حب غير مشروط الفصل الثالث عشر 13 - بقلم لولا
عبدالله بصدمه نعمم مرات مين
تاليا بصتله بصدمه واكملت عمر انت بتقول ايه
عمر بصلها واكمل بحب مش انتي بتحبيني يا تاليا ??
تاليا هزت راسها ب اه وعنيها فيها دموع
عمر بحب وموافقه تتجوزيني ??
تاليا بدموع اكيد طبعا
عمر وهو بيمسح دموعها اكمل بحب واديه حصل خلاص
منه بصدمه ازاي يعني ?
ادم هقولك بعدين خلاص
منه بتفاجئ انت كنت عارف ?
ادم بضحك ااكيد يعني ده اخويا
عبدالله بحده عارف ايه وزفت ايه انتوا هتشتغلوني وابعد ايدك دي عن اختي انت اتجننت
رامي العريس قام وقف واكمل بحده انت ازاي يا حيوان انت بتقول عنها مراتك وتلمسها بلطريقه دي ابعد عنها كده ورايح يمسك تاليا
عمر رجعها ورا ضهره واكمل بحده لو كلب فيكم انتوا الاتنين فكر بس ولمس شعره منها انا هدخل فيه السجن انتوا ساامعين
رامي بحده انت اللي بني ادم مجنون شكلك ومش محترم دي خطيبتي وانهارده كتب كتابنا وجاي تبجح وتقول انها مراتك اوعي كده وهاتها
عمر بص لتاليا واكمل ورا ادم
تاليا بخوف ودموع حاضر وراحت وقفت ورا ادم
ادم طبطب علي ايديها واكمل بحب متخافيش والله هي خلصت خلاص لو وقفوا علي شعر راسهم مش هيقدروا يعملوا حاجه
عمر وهو بيشمر اكمام قميصه اكمل قولتلي بقي تبقي خطيبه مين ياروح امك
رامي بحده انااا خطيبتي انااا
عمر ضر-به بلبوكس وقعه علي الارض
فتاليا شهقت بخوف
منه حضنتها واكملت وهي بتطبطب عليها بس بس اهدي
تاليا بدموع بلاش يا ادم خليه ميضر-بش حد
ادم بضحك لا خليه الصراحه عايزين يتربوا ها اجيلك يا برو
عمر بضحك لا زي مانتا نشيلك للكبيره حكم انت هتدخلنا السجن فعليا لو جيت
رامي بحده وهو بيقوم انت اتجننت انت ازاي تمد ايدك عليا يا جدع انت ووقف ضر-ب عمر بلبوكس في خده
تاليا بخوف ودموع عمر ورايحه تروحله مسكها ادم واكمل ممكن تهدي
عمر حط ايده علي خده بوجع ومسكه من جاكته خب-طه في الحيط وضر-به برجله في بطنه كذا مره وق-عه علي الارض واكمل بعصبيه بقي انا كل*ب زيك يم-د اي-ده عليا اديك عرفت مقامك علشان بعدين تعرف يا كل-ب تمد ايدك علي اسيادك كويس
عبدالله بحده انا هبلغ البوليس ايه انت فاكرها سايبه ده انا هوديك في 60 داهيه انت وصاحبك جايين تتهجموا علينا في بيوتنا وعايزين تاخدوا اختي كمان وبتقولوا اي كلام
ادم بضحك لو راجل بلغ علشان هياخدوك انت يا اهبل ده انت عايز تجوز واحده متجوزه
عبدالله وطي علي صاحبه واكمل قوم يا رامي قوم دول ميقدروش يعملوا حاجه وكدابين فاكرين نفسهم مين يعني وقومه واكمل ده مش جوزها ده تلاقيه عيل شمام هي ماشيه معاه ولا حاجه و جاي يلحقها بس انت اتجوزها وربيها ولو طلعت غلطانه مع الواد ده ومش بنت ابقي
ولم يكمل حتي ضر-به عمر بلقلم بقوه حتي انه كان هيقع
فشهقت منه بخضه ووقفت تاليا مصدومه من كلام اخوها
عمر بعصبيه وهو بيمسكه من هدومه اكمل انت ازاي يا زبا-له يا حيوا*ن انت تقول علي اختك الكلام ده تالياا اشرف منك ومن امثالك نفر نفر
ادم شده من عمر ومسكه من قميصه واكمل بحده انت حقيقي زباا*اله ومينفعش تتسمي اخ اتفو علي اللي سماك اخ انا ملحقتش اشوف اختي وماتت الله يرحمها بس اقسم بالله لو كانت لسه عايشه كنت فديتها بروحي واللي يكلمها امحيه من الدنيا كلها واكونلها سند وضهر واجوزها لحد يستاهلها مش زيك
عبدالله بحده ااه وتعمل ايه يا اخ يا اللي مفيش منك اتنين يا محور الكون لو شاب جيه لمسها بلطريقه دي قدامك ويحور ويقول جوزها هتفرح اوووي باختك ساعتها
عمر بص لتاليا تاني لقاها بتعيط راح واخدها في حضنه واكمل وغلاوتك عندي مش هتقعدي هنا تاني خلاص وفتح فونه واكمل امسك يا ادم متردش علي الواد ده بس وري ده للمأذون
ادم زق عبدالله بحده وخد من عمر الفون ووراه للمأذون
فاكمل عمر وهو حاضن تاليا هااا يا مولانا مراتي وحلالي ولا مش مراتي
الماذون بس بتركيز للصوره االي في الفون واكمل مظبوط كده الانسه تاليا احمد زوجه ل عمر عز الدين وكده فعلا متجوزش ليك انت يا رامي لانها متزوجه بلفعل
رامي بصدمه ازاي ده
عبدالله بصدمه بصلها واكمل بعصبيه عملتي كده امتي هاا استغفلتيني واتجوزتي من ورايا امتيي انطقي
ادم بحده متوجهلهاش كلام يااالا انت كلامك مع الرجاله قولي بقي هترد تقول ايه
عبدالله بحده لا كلامي مع اختي الي اتجوزت من وراياااا دي
عمر بحده ميخصكش حصل ازاي المهم اني معملتش حاجه لما لمستها بلطريقه دي لانها مراتي بل انت والحيو*ان. اللي جمبك ده اللي المفروض اوديكم في 60 داهيه علشان كنتوا هتجوزوا واحده متجوزه وانت بلذات ليك حساب كبير اوي ورايح يمشي ناحيته مسكته تاليا واكملت بدموع انا مش عايزه اعرف ده حصل امتي وازاي بس طلما انت فعلا جوزي انا مش عايزه حاجه تاني من الدنيا كلها يا عمر انت كفايه عليا وتغنيني عن عالم بحاله بس ارجوك سيبه خلاص ده مهما كان بصتله بوجع واكملت اخويا وبصت في الارض بدموع واكملت اكيد مش هحب ان جوزي يضر-ب اخويا كفايه كده ارجوك
عمر مسح دموعها وباس جببنها واكمل خلاص علشانك انتي بس والله يا حبيبتي يلا روحي لمي هدومك ساعديها يا منه
منه بفرح حاضر
عبدالله بحده تلم هدومها وتروح فين
ادم بضحك اومال انت فاكر هيسبهالك هنا ولا ايه
عمر بضحك سيبك منه يا ادم ده دماغه تعبانه شكله او مش مستوعب وبصله وهو مبتسم بانتصار واكمل هتروح فين يعني هتروح بيت جوزها ومن انهارده تنسي ان ليك اخت وتبعد عن حياتنا احسنلك بدل ما والله ماهخليك تشوف نور تاني وانا عارف كويس انك مدمن فبلاش انا احسنلك يا عبدالله
عبدالله بحده هو انت فاكر نفسك هتهددني بكلامك ده ولا كلمه قولتها تفرقلي وتاليا مش هتمشي من هنا
عمر بابتسامه رد عليه انت يا مولانا
اامأذون ايوه يا عبدالله يابني هي دلوقتي ملزومه من استاذ عمر خلاص ده بقي جوزها
عمر يسلم لسانك يا مولانا
عبدالله اتعصب جدا ومعرفش يرد
في الاوضه
تاليا بدموع فرح يعني انا دلوقتي مرات عمر .. طب ازاي بجد مش قادره اصدق
منه بحب وفرح الحمدلله يا حبيبتي ازاي دي هو يقولهالك بس دلوقتي قولي ااحمدلله ان ربنا خلصك من القرف اللي انتي فيه ده
تاليا بدموع فرح الحمدلله وسكتت بحزن وهي بتلم هدومها واكملت منه
منه ايه يا حبيبتي
تاليا بوجع ودموع تفتكري عمر لو عرف هيكمل معايا
منه بحب عمر بيحبك بطلي هبل وبعدين مانتي بتتعالجي
تاليا بحزن يعني ده مش ظلم ليه
منه بحب لا طبعا هو معندوش حاجه اهم منك ولو ضميرك تاعبك اوي قوليله
تاليا بخوف ودموع معقوله يسبني
منه بت بطلي هبل هاا ده منظر واحد هيسيبك يعمل كل ده
تاليا بتنهيده حزينه ودموعها علي خدها اكملت وهي بتقفل سوسته شنطتها يارب بجد يا منه يارب
وطلعوا
عمر ها خلصتي يا حبيبتي
تاليا بدموع هزت راسها ب اه
عمر حط ايديه علي خدها واكمل ليه الدموع دي بس ومسحها واكمل بحب مش عايز اشوفهم تاني مهما حصل
تاليا حضنته جامد واكملت بدموع انا بحبك اوي يا عمر اوي بجد
عمر وهو حاضنها وبيطبطب علي ضهرها اكمل بحب وعمر بيموت فيكي يا ست البنات يلا بينا نمشي ووطي مسك شنطتها
تاليا بصت بحزن لعبدالله اللي واقف متعصب جدا
عمر يلا يا تاليا من انهارده انسي الماضي كله ومتبصيش وراكي تاني مهما حصل خليكي في اللي جاي وبس ومسك ايديها وخرج وراه ادم ومنه
رامي بسخريه بس واضح انك مالي ايدك من اختك زي ماقولتلي لدرجه تستغفلك وتتجوز
عبدالله بعصبيه راااامي اسكت علشان قسما باللله انا مش نااااقص
بعد شويه في عربيه عمر
تاليا قاعده جمبه ومنه وادم ورا
تاليا عمر
عمر لما نروح البيت هقولك اللي انتي عايزاه يا تاليا
تاليا ابتسمت واكملت ماشي
منه نزلنا احنا هنا قرب الجامعه يا عمر عربيتي هناك
عمر حاضر اهو ووقف
منه نزلت هي وادم
ادم بضحك ابقي تعالي بدري ها علشان الامتحان لحسن تروح عليك نومه ياعريس وغمزله
عمر بضحك يا جدع ده انت مش سالك
ادم بضحك انا بردو علي العموم مبروك يا حبيبي
عمر بحب الله يبارك فيك يا دوما
ادم يلا سلام
عمر سلام
ومشي
منه ادم هو عمل كده ازاي
ادم انتي اتاخرتي اوي روحي بيتك وهنتكلم فون واحكيلك
منه بحب خلاص ماشي يا حبيبي وباست خده واكملت باي
ورايحه تمشي ادم شدها وباس خدها بحب واكمل بضحك انتي بس يعني ولا ايه
منه بضحك مبتفوتش ابدا
ادم بضحك عيب عليكي وباس جبينها واكمل يلا خلي بالك من نفسك
منه بحب حاضر
ومشيت وهو طلع لقي مالك نايم
بعد شويه في بيت عمر
عمر فتح الباب ومسك شنطه تاليا دخلها واكمل بحب ادخلي ياحبيبتي مالك واقفه ليه
تاليا دخلت بتوتر واكملت وهي بتبص علي البيت من جوه باعجاب بيتك حلو اوي يا عمر وواسع وذوقك في الاختيار حقيقي جميل
عمر حضنها من ضهرها وباس رقبتها واكمل بحب انا مراتي احلي مهندسه مش اي حد ولو اي حاجه مش عجباكي انتي عدليها
تاليا اتوترت من لمسته ولفتله واكملت بابتسامه لا انت ذوقك جميل واكيد عاجبني علشان من اختيارك
عمر ضحك واكمل ايه الكلام الحلو ده
تاليا ابتسمت واكملت ها مش هتقولي عملت كده ازاي
عمر ابتسم بخبث واكمل يعني عريس وعروسه وعايزانا بدل مانعمل حاجه مفيده نقعد نرغي بلذمه ده يصح عايزه ادم يشمت فيا
تاليا بخجل تصدق انك قليل الادب اوعي كده
ورايحه تمشي عمر شد وسطها ليه واكمل بضحك تعالي بس انتي بتتكسفي مني يا تاليا
تاليا باصه في الارض واكملت بتوتر اوعي يا عمر علشان هعيط بجد
عمر ضحك عليها ورفع وشها ليه واكمل بهمس والله بحبك وبحب كل حاجه فيكي حتي كسوفك ده بتبقي زي القمر وانتي وشك احمر كده
تاليا بصت في عنيه واكملت بحب وانا كمان بحبك يا عمر بحبك اوي
عمر قرب منها وباسها بحب وفك طرحتها فانسدل شعرها علي ضهرها وقاطعته تاليا وبعدت براحه
عمر بستغراب ايه مالك في ايه
تاليا بعدت واكملت بتوتر لازم اقولك علي حاجه الاول
عمر استغرب طريقتها اوي واكمل حاجه ? حاجه ايه يا تاليا اللي بعدتي عني علشان تقوليها
تاليا بتوتر ممكن ادخل اخد شاور واهدي بعدين اقولك
عمر بتنهيده طيب روحي يا حبيبتي
تاليا بتوتر فين .. فين الاوضه
عمر اهي اللي اخر الطرقه دي تعالي ومسك شنطتها ودخل حط الشنطه علي السرير واكمل اهي اوضتنا اعملي اللي انتي عايزاه وحطي هدومك في الدولاب
تاليا بصت حواليها في الاوضه اتفاجئت من كميه الصور المتعلقه علي الحيط ليها واكملت بدموع فرح انت بتحبني اوي كده يا عمر
عمر حضنها وبعد شعرها وباس رقبتها بحب واكمل واكتر بكتير .. اظن مفيش اجمل من اني اصحي اشوف القمر بتاعتي فكل مكان
تاليا بدموع بجد احبك اكتر من كده ايه .. ليه يا عمر ليه سكت كل ده .. ده انا استنيت منك كلمه تهون عني وتحسسني ان في امل
عمر بتنيهده انا مكنتش ساكت يا تاليا بلعكس لما ادم قالي انك بتحبيني طيرت من فرحتي لانه قولتله يسالي منه ولما عرفت بقيت ادور هكلم اخوكي ازاي واقنعه لانه صعب اوي وقولت مش عايزلك مشاكل معاه بسببي بس لما عرفت طريقته معاكي وانه جايبلك عريس شمام زي ده هيجي بليل مسكتش ولما قولتلك امضي علي عقود ااشركه ده كان القسميه وقصدت اداري الورق واسيبك تمضي واشيله بسرعه وانتي طبعا من فرحتك مبصتيش في الورق لانك بتثقي فيا وانا لو كنت قولتلك يلا نكتب كتابنا كنتي هتخافي من عبدالله ومش هترضي تعملي كده ومكنتش هقدر اقف قصاده انهارده لو متجوزتكيش فخدت راي ادم ولما قاالي اعمل كده عملت كده
تاليا يعني مفيش شركه بجد
عمر لا طبعا فيه بس هترروحي بكره تمضي عادي اكيد مش هعشمك بحاجه كدب يعني
تاليا بدموع وعرفت منين انه جايبلي عريس هيجي بليل
عمر بتنهيده رافت واحد قايله يعرفلي كل حاجه هو اللي راقب الدنيا وقالي
تاليا بدموع انا فعلا كنت هخاف اعمل كده من ورا عبدالله انت مكدبتش
عمر وعلشان كده انا اتصرفت من غير ما اقولك لاجل بس الواقفه اللي وقفتها بثقه انهارده قدامه وخدتك قدام عنيه ومشيت و ميقدرش يفتح بوقه وغمز وهو بيضحك واكمل خصوصا عارف انك واقعه يعني فمش هتزعلي لما تعرفي اني جوزك
تاليا ابتسمت من بين دموعها واكملت بحب ده حقيقي يا عمر وطول منتا معايا مش عايزه حاجه تاني من الدنيا
عمر باس خدها واكمل بحب ربنا مايحرمني منك ابدا يا تولي بجد ده انك تكوني مراتي وحلالي ده كان حلم
تاليا بحب ولا يحرمني منك يا عوض ربنا ليا عن كل حاجه في حياتي وانت كنت حلم ودعوه بدعيها كل يوم ياعمر والحمدلله ربنا استجاب وسكتت بحزن واكملت استناني هدخل اخد شاور وجايه عايزه اقولك حاجه مهمه متنامش ها
عمر بضحك انام ايه انتي فاهمه غلط خااالص روحي يا حبيبتي شوفي هتعملي اي وتعالي مفيهاش نوم انهارده ده انتي لاول مره اجتمع معاكي فيها وتقوليلي كلام حلو بدل ما انتي دايما ساكته كده. ولوحدناااا ومرااااتي وعايزاني انام
تاليا بضحك والله بجد انت مش محترم ودخلت وقفلت
وعمر ضحك عليها
في الفيلا
منه دخلت ولقيت الدنيا هاديه خالص فاتجهت انها تطلع السلم
حاتم منه
منه بخضه بسم الله ايه ياشيخ منك لله في ايه
حاتم بضحك ايه منتي عارفه اني هنا ايه الجديد يعني
منه بقرف مفيش جديد عن اذنك ورايحه تطلع حاتم مسك ايديها واكمل استني عايزك
منه بصت لايده واكملت بحده وهي بتشد ايديه من ايديها ايااااك تلمسني تاني انت فاهم
حاتم بضحك بلاش انفعال اوي كده واهدي لحسن يطقلك عرق ولا حاجه
منه بحده اخلص يا حاتم عاايز ايه
حاتم بتنهيده انا كل اللي هقولهولك بلاش نفضل كده ناقر ونقير طول الوقت وحاولي تتقبلي الوضع علشان انا مش هستحملك كده يا كتير يابنت عمي
منه بسخريه هو انت مصدق نفسك وضحكت واكملت اقسم بالله العظيم اقسم بالله العظيم والمصحف كمان لو مهما تعمل مش هتعرف تتجوزني ياحاتم فوفر طاقتك بجد
حاتم بضحك بتقسمي كمان لا ده حلو اوي كده وانا بحب التحدي يا منمن وهنشوف بقي هتجوزك ولا لا
منه بحده انت اي جنس ملتك يا اخي بجد لا انت مريض فعلا .. مريض ومش بتحس ولا عندك دم حتي
حاتم بحده بيكي بقيت مريض بيكي وبحبك بس انتي مش مقدره ولا عايزه تقدري الحب ده
منه بحده وانا مش بحبك هو بلعافيه يابني انا مش بقبلك حتي انت ازاي معندكش دم كده بجدد
حاتم بحده منه احترمي نفسك وانتي بتتكملي معااايا مش معني اني بحبك فاني هفضل اسكتلك علي طريقتك دي طول الوقت
منه بحده هو انت عندك دم اصلا ولا بتحس انت لو بتحس فمتتجوزش واحده مش عايزاك ولا تفكر فيهاا اصلا بس للاسف هتجيبه منين الدم وبردو هعيدهالك نجوم السما اقربلك مني يا حاتم وبصتله بقرف وطلعت
حاتم ضغط علي ايديه بعصبيه ومشي ورزع الباب
وكانت واقفه وسمعاهم جيسي وهزت راسها بيأس علي الوضع اللي منه فيه ودخلت اوضتها
في اوضه جيسي
جيسي قاعده بتذاكر فونها رن
جيسي الو يا صافي
صافي بقولك مشوفتيش التيشرت الاسود بتاعي ليكون خدتيه في شنطتك لما كنا في الرحله انا من ساعه ماجيت مشفتوش
جيسي انهي ده اللي هو فيه سلسله
صافي اه شوفيه معلش يا جيسي لو لقتيه هاتيه معاكي بكره
جيسي حاضر يا حبيبتي هشفهولك يلا باي
صافي باي
وقامت جيسي وفضلت تدور علي التيشرت وقلبت الدولاب كله وهي بتقلب فيه لفت نظرها حاجه سودا
جيسي بستغراب ايه ده وبتمسكه بتفرضه لقيته قميص مالك اللي ادهولها عند البحر فضلت مسكاه وسرحانه في كلامه وتنهدت بحزن وقربت القميص منها اوي وغمضت عنيها وشمت ريحته بعمق فابتسمت وضمته وفضلت سرحانه وبتفكر فيه شويه بعدين فتحت عنيها بصدمه واكملت ايه اللي انا بعمله ده ورمت القميص جوه الدولاب واكملت بحده ودموع فوقي بقي ده حبيب منه وانتي محبتيش غير مره وخلاص هتعملي كل اللي تقدري عليه علشان تكوني مع الوحيد اللي حبيته طول الفتره دي هانت اوي يا جيسي انما تفكير في ادم لاا والف لاا
وفضلت تدور لحد ما لقيت تيشرت صافي وطلعته وحطته علي جمب
عند عمر وتاليا
عمر بت يا تاليا انتي هتباتي جوه ولا ايه
تاليا وهي بتفتح الباب وبتخرج اكملت خلاص اديني خلصت اهو
كانت لابسه دريس بيتي احمر حماله وقصير لحد الركبه وفارده شعرها وحاطه ميكاب هادي
عمر صفر باعجاب واكمل بحب ده ايه الحلاوه دي
تاليا ابتسمت بحب واكملت دي عنيك والله
عمر راح ناحيتها وشد وسطها ليه واكمل بحب حقيقي مشوفتش في جمالك
تاليا بتوتر طب ايه مش هنتكلم
عمر وهو بيدفن وشه في رقبتها وهي قريبه منه اوي اكمل بصوت منخفض مع اني شايف مش وقته بس وماله نتكلم يا ست البنات
تاليا بتوتر من قربه ع ع عمر
عمر بهمس اممم
تاليا بتوتر مم ممكن تبعد شويه
عمر باس رقبتها بحب ورفع وشه وباس خدها واكمل بحب ها قولي اللي عايزه تقوليلي عليه
تاليا بتوتر بصراحه انا .. انا
وابتدت تلعب في ايديها بتوتر
عمر رجع شعرها ورا ودنها واكمل بحب قولي يا حبيبي متخافيش ومسك ايديها طبطب عليها واكمل مش مستاهله كل التوتر ده
تاليا فضلت تبصله وعنيها ابتدت تتجمع فيها الدموع
عمر بقلق ايه ده .. ايه ده انتي هتعيطي ليه وبعد عنها واكمل خلاص تعالي نامي بس متعيطيش كده حقك عليا انا خوفتك صح
تاليا هزت راسها بمعني لا
عمر وهو بيمسح دموعها اكمل بقلق طب في ايه يا حبيبتي متقلقنيش عليكي .. طب انتي مش مستعده لحاجه صح فتوترتي
تاليا بدموع لا مش كده
عمر طب من غير عياط ومسح دموعها وقعدها واكمل بحب وهو بيقعد جمبها اهدي كده وفهميني في ايه وبراحه
تاليا تنهدت بوجع واكملت عمر انت عارف انا بحبك قد ايه صح
عمر عارف طبعا يا حبيبتي هو ده سؤال
تاليا بتنهيده وبما انك عارف انا عايزه اقولك حاجه انا اغلبيه حياتي حكتلك عنها حقيقي عنيت كتير اوي من صغري وعيت ملقتش حد غير عبدالله وياريته قدر يحتويني او ياخدني في حضنه مره ولا حتي يسمعني. مشوفتش منه ولا من اي حد في الدنيا خير ماعداك انت ومنه صراحه منه من يوم ماظهرت حياتي كنا اولي ثانوي وهي اختي وامي وكل حاجه ليا ولما عرفتك انت بسبب ادم وحبيتك تحديدا هنا اادنيا بدات تضحكلي كنت والله بروح عادي نفس الضرب والاهانه والذل بس كنت بهون علي نفسي باني انهارده هشوف عمر او هحكي معاه او حتي هلمحه كنت في نظري بعيد اوي خصوصا علشان انت اغني مني شويه قولت هتبص لبنت نفس مستواك بس فضلت بحبك وانا شايفه ان حبي ليك احسن اختيار في حياتي وعشت علي امل ان ده يحصل واديه جيه اليوم ده ومش هنام كلعاده معيطه وحاضنه مخدتي ومسكت ايده واكملت بل بقيت انت قدامي وهنام في حضنك من انهارده ولطول العمر بس انا علشان بحبك عنيها دمعت واكملت وبحبك اوي كمان مرداش اكون انانيه واظلمك وفي نفس الوقت معرفش لو انت اختارت الاختيار التاني انا هعيش ازاي لان انت بنسبالي حياه يا عمر انا فعلا مبقاش ليا غيرك ومش عايزه غيرك من الدنيا كلها وفضلت تعيط
عمر حضنها واكمل بقلق بس بس ممكن تهدي حبيبتي كل كلامك في الاول انا فهمته وبوعدك هكون سند وضهر وعكاز ليكي وقت ماتميلي وعمري ما اسيبك ابداا وهفضل بحبك نفس الحب بل اكتر طول العمر ومش هخليكي تعوزي لعبدالله ولا لاي حاجه بس مش فاهم فين الظلم ليا فكده
تاليا بعياط عمر انا منعتك تقربلي دلوقتي علشان حاجه معينه وبصت للارض واكملت بوجع وقهر للاسف انا عندي مشكله في الرحم وبتعالج بس مفيش امل وكده انا مش هقد اكون ام في يوم من الايام وعياطها زاد واكملت مع اني والله اتمنيت يكونلي منك بيبي بس ده نصيب وقضاء وقدر وانا قابله بيه الحمدلله بس انت .. انت ليك حق تبقي اب ياعمر حتي وقت ماحبيتك قولت مش هنتجوز غير لما اقولك الوضع ده وانت يا تقبل يا ترفض لان الموضوع ده صعب جدا وصدقني انا مش هلومك خالص لانه فعلا حاجه صعبه اويي بس انت اتجوزتني بسرعه وانا مكنتش اعرف كمان فا معرفتش اقولك فاديني دلوقتي بقولك وانت ليك كل الحق في انك تختار
عمر خلصتي ?
تاليا بدموع اه
عمر مسح دموعها واكمل انا مكنتش اعرف انك ممكن تفكري اني اقبلك او ارفضك علشان حاجه زي كده وكمان مش بايدك دي اراده ربنا وتنهد بحزن واكمل وهو بيمسح دموعها وانا يا تاليا عندي مشكله في الموضوع ده ومش بخلف بس هل كده لو انتي كنتي كويسه وانا اتجوزتك يبقي انا اتسرعت واناني ومفروض كنت اخد رايك الاول
تاليا بدموع لالا يا حبيبي لا حقك عليا مقصدش كده انا والله مش عايزه غيرك بس بكلمك كده لان انا معرفش انت بتفكر ازاي من ناحيه الموضوع ده فعلشان كده كنت هقولك الاول
عمر بحب ولا انا يا تاليا عايز غيرك هو احنا مش كفايه لبعض ولا ايه
تاليا حضنته واكملت بدموع وحب طبعا كفايه مش عايزه غيرك اصلا
عمر مسح دموعها واكمل بضحك ها في كلام تاني بقي عايزه تقوليه
تاليا بخجل وضحك لا الحمدلله طلعت كل اللي في نفسي وارتاحت وضميري استريح
عمر بضحك طب ايه مش نعمل حاجه مفيده بقي ?
تاليا بضحك عمر اتلم وضربته في صدره
عمر شدها ليه اكتر واكمل بضحك هو انا كل ده ومش متلم ده انا اكتشفت اني عندي صبر
تاليا بخجل عمرر
عمر وهو بيبوسها بحب همس قلب عمر وتاليا حطت ايديها حوالين رقبته وتجاوبت معاه وقربته منها اكتر
في اوضه منه
منه بضحك والله عمر ده مجنون واللي قاله الفكره اجن
ادم بضحك مش اجن منك انتي وافكارك
منه بضحك تشكر يا عم .. وابتسمت بحب واكملت المهم دلوقتي انا خلاص قلبي اطمن علي تاليا
ادم بحب الحمدلله حقيقي اتبسطلهم اوي تاليا طيبه وتستاهل وانا واثق عمر هيعوضها
منه بحب امين يارب .. صح يا حبيبي خد دواك كمان ساعتين حتي لو اتحسنت كمل علشان متتعبش تاني
ادم بحب حاضر يا حبيبتي
منه الاكل عندك في التلاجه سخن بس وكل
ادم حاضر متقلقيش يا حبيبتي
منه انا مش عندي بكره محاضرات ينفع توديني لتاليا
ادم حبيبتي دول عرسان ميصحش
منه بضحك ادم انتوا عندكم امتحان بكره نسيت يا حبيبي ولا ايه
ادم بضحك تصدقي صح فقري الواد ده خلاص اوديكي طلما انتي وهي بكره قاعدين
منه بفرح حبيبي يا دوما والله
ادم بحب قلب دوما والله .. امتي بقي يا منه اصحي كل يوم والاقيكي في حضني من غير ابوكي والوش ده كله
منه بحزن والله بتمني كده كل يوم وابتسمت واكملت بحب بس هانت يا حبيبي هانت
ادم بتنهيده ياريت والله ده الواحد بجد مش عارف هيفضل كده لحد امتي
منه لحد انسب وقت علشان نطلع باقل الخساير وبردو واحنا سوا لان كده كده مفيش اختيار تاني غير اننا هنفضل سوا
ادم بحب هنفضل سوا وهنعدي كل حاجه سوا متقلقيش
منه بحب واثقه من ده
ادم بص للفون واكمل طب استني خليكي معايا ماما بترن هشوفها وارجعلك
منه بضحك سلملي عليها
ادم بضحك من عيوني واللي يرجع في كلامه ?
منه بضحك متهزرش هتقولها ايه
ادم بحب ابنك وقع ولا حد سمي عليه
منه بضحك طب روح قول
ادم بضحك يلا هقفل معاكي
منه باي
ادم الو يا حبيبتي
ساميه ايه يا ادم كل ده رغي
ادم بضحك حقك عليا يا ست الكل بس بكلم مرات ابنك
ساميه بتفاجئ اييه مرات ابني ازاي يعني
ادم بضحك لا ازاي زي يطول شرحها نبقي نقعد ونرغي وافهمك بس ابنك وقع يا ست الكل ولا حد سمي عليه
ساميه بفرح اخص عليك يا ادم بقي تحب ومتقوليش طب ده يوم الهنا والسعد وعيونها دمعت
ادم بضحك يا ست الكل هو انا بقولك خلفت علشان الدموع دي اهدي كده انتي عارفه يا سوسو مش بحبك تعيطي دموعك غالين
ساميه بدموع فرح سوسو يا حيوان وتخبي عليا ماشي يا ادم … طب ده انا في ديك الساعه لما اشوف عروستك وبعديها ربنا يكرمك واشيل عياالك يااه يا ادم ده يوم المني
ادم بحب باذن الله هيحصل يا ست ااكل انتي بس ادعيلنا حكم في شويه مشاكل
ساميه بقلق خير كف الله الشر
ادم بتنهيده ابدا ابوها راجل شديد حبتين وعايزها لابن عمها وراسه والف سيف هو يعني هو وياما رفض عرسان متعرفيش ليه متمسك بيه اوي كده مع انه واد صايع بس فاهي بقي مش عايزاني اتقدم دلوقتي غير لما تقنع ابوها الاول + ان منه مستواها المادي اعلي مننا فانا بردو بشتغل وبدرس وبحاول اعمل كل اللي اقدر عليه لاجل لما اروحله اكون قادر فعلا اعيش بنته نفس المستوي او علي الاقل مخليهاش تحتاج حاجه والحمدلله من يوم ماظهرت في حياتي مش مقصر معاها في اي حاجه
ساميه بقلق طب والعمل يابني ايه الحل لو ابوها رفض حته فرق المستوي دي
ادم ساعتها هقول لمنه حاجتين يا تختاريني ونبدا سوا يا خليكي عند ابوكي اصل هعمل ايه .. بس انا مش بحط في دماغي ابوها خالص انا بس مش عايز عداوه بيني وبينه و انا عارف منه هتختارني انا يا ماما وده اللي مخليني بقول سواء رضي او مرضيش هي ليا كده كده
ساميه بحب يارب يكتبهالك يا نورعيني .. طب ايه مش ناوي توريهالنا بقي
ادم بتنهيده صعب والله ياست الكل حاليا بس عيني اوضع حل وهخليكي تشوفيها حاليا ابقي كلميها فون لما اجيلك
ساميه بحب ماشي يا حبيبي ربنا يتمملك بخير يارب يا نورعيني وكده كده من غير ما اشوفها هتبقي زينه اابنات وقمر ده كفايه انها اختيارك … ها انت واخوك عاملين ايه
ادم والله يا ماما تعبت وجالي دور صعب بس مالك الله يباركله وضحك واكمل مش خساره فيه ااتعليم جابلي دوا حلو جدا ومنه عملتلي اكل وفضلت معايا لحد ما اتحسنت
ساميه بخوف ليه يابني تعبت من ايه بس يا حبيبي
ادم يا ست الكل هو الجو وحش دخله االشتا بتبقي كده متقلقيش والله زي الفل دلوقتي مابقولك خدت الدوا وكلت
ساميه بضحك قولي نفسها حلو في الاكل ولا لا
ادم بحب زي العسل والله
ساميه بضحك الف هنا يا حبيبي … والف سلامه عليك يا نورعيني وخلي بالك من نفسك انت واخوك
ادم بحب متقلقيش في عنيا
ساميه بحب يلا يا حبيبي اسيبك ترتاح شويه سلام
ادم بحب سلام وسلميلي علي بابا
ساميه حاضر يا حبيبي
ورجع لمنه
ادم بضحك نمتي ولا ايه
منه بضحك لا سيبت الاسبيكر وقومت اعمل الدولاب كان مكركب
ادم بضحك معلش طولت عليكي يا حبيبي بس كنت بحكي لحماتك عنك
منه وهي بتقوم وبتقفل الدولاب اكملت بضحك ايه ده انت قولتلها بجد .. طب يا سيدي طلما بتحكي عني لحماتي حبيبتي مفيش مشكله ياحبيبي ولا يهمك طول براحتك وبتلف لقيت باباها واقف وراها
منه بصدمه وخوف بابا !!!!!
- يتبع الفصل التالي اضغط على ( رواية حب غير مشروط ) اسم الرواية