رواية انتقام إمرأة الفصل الرابع عشر 14 - بقلم مريم اشرف

 رواية انتقام إمرأة الفصل الرابع عشر 14 

تعالي يا ساره..تعالي احنا مش هنعملك حاجه أبدا..مش كده يا شباب؟

رد واحد فيهم: طبعا..وبدأ يجري ناحيتها..

ساره بعياط: لأ..لأ..ابعد عني!!..ابعدوا عني!!!عااااااا..

________________________________________________

قامت من النوم مفزوعه وبتنهج بعنف..

دخل حسام على صريخها واتكلم بقلق: ساره..انتي كويسه؟

شاورتله يصبلها مايه..

هز راسه وناولها الكاسه تشرب..

رجعت راسها لورا باستسلام وهو قعد جمبها..

حسام بقلق: مالك يا ساره؟..

قاطعته بارتعاش: كابوس!!..كابوس كل ليله يا حسام..بشوف وشهم كل يوم وكل ليله!!

حضنها حسام: خلاص..خلاص..أنا جمبك متخافيش..

________________________________________________

صوت خبط عالباب..

بعدت ساره عنه بعدما فاقت لنفسها ومسحت دموعها بسرعه..اتنهد حسام بحزن على حالتها وقرب من الباب وفتحه..

ليلى مربعه ايديها وبتبصلو بكره: ايه؟..كل ده وانا بخبط وانت مش معبرني..كنت بتعمل ايه عندها؟!

حسام مسح وشه بايده ورد: ليلى البنت تعبانه وهلكانه عالآخر..حسي بيها شويه..

ليلى: وأنا مليش أي دعوه بيها..أنا هنا خطيبتك وفرحنا بعد أسبوع بس!

حسام وهو بيبص لساره: طب انتي عايزه ايه طيب؟

ليلى بدلع: النهارده هنجيب فستان الفرح ولا نسيت؟

هز حاجبه بذهول: النهارده؟!...طب ما تستني لحد ما يقرب الفرح..

ليلى بزعل مصطنع: كده يا حسام..ماشي أنا مخاصماك وهقول لخالتي انك اتغيرت ومعدتش تهتم بيا..وكملت بضيق: كله بسبب الزفته دي..

حسام بنرفزه: ها؟..خلصتي..ابقي انزلي لحد ما جيلك..ورزع الباب في وشها..

كانت واقفه وبتضحك بسخريه: امم..فاكره انك هتاخديه مني يا ساره؟...مش ليلى اللي تخسر...وأنا هعرف إزاي أبعدك عنه وعننا..ومشيت..

________________________________________________

ساره بنوع من الحزن: حسام..أنا آسفه جدا لو بعملك مشاكل مع ليلى يعني..

حسام بابتسامه: ولا يهمك يا ساره...هتنزلي تفطري معانا تحت ولا أقولهم يطلعولك الفطار هنا..

قالت وهي بتقوم: لأ..أنا هنزل معاك..تعبت من القعده دي..

كانت ساره نازله ووراها حسام..

كان بيبصلها بحب وهي بتنزل..ابتسم أكثر لما شاف أمه..

نطق برقه: صباح الخير!!

دورت ليلى عينيها بملل وحقد وكملت أكلها..

ردت مروه: صباح النور يا ابني..وبصت لساره باشمئزاز..

قربت منها ساره وابتسمت..بعدها قعدت وكانت جمب ليلى..

ليلى بإغاظه: حسام حبيبي..تعالى اقعد هنا جمبي..

ضحكت مروه بحب لهم..

أما حسام فجمع حواجبه بضيق..

مروه لاحظت: قوم يا ابني اقعد جمب خطيبتك..

قام بضيق وقعد جمبها..وبدأ ياكل..

ليلى بابتسامه: حسام ممكن تناولني الطبق ده..

زفر وادهولها..

ليلى: احم..ممكن تأكلني من ايدك؟

حسام بعصبيه: ليلى بطلي بقى!!

مروه: فيها ايه يا ابني؟...أكل خطيبتك..

ابتسمتلها ليلى..

وحسام بدأ يأكلها بالشوكه..

كل ده وساره بتحاول تخفي دموعها اللي بدأت تتجمع في عنيها..

قامت بحزن: الحمد لله شبعت..أنا..أنا هروح الحديقه اتمشى شويه..لو سمحتو طبعا..

مروه من غير ماتبصلها: اتفضلي..

كان بيتابعها حسام بعنيه لحد ما طلعت وهو متأكد انها زعلت..

قام هو كمان..واتحجج انه هيجيب حاجه ويرجع وراح وراها..

ليلى ضربت بايديها المائده بغضب وقالت: شفتي يا خالتي...ابنك ده بيعاملني ازاي؟!..البنت دي رجعت ليه؟..ماكنا كويسين وعلى سنجت عشره!!!

مروه سابت كوباية العصير اللي فايديها وردت عليها: متصبري شويه يا بنتي..واهو الفرح قرب وهنتخلص منها..

قامت ليلى وقالت: يالهوي...الفستان!!..هروح ألحق ابنك قبل مايطلع وينساني تاني..

ابتسمت مروه..

________________________________________________

في الجنينه وعند ساره كانت بتبص لزهور الياسمين اللي بتحبها واللي زرعها حسام عشانها قبل الحادثه..

قطع شروذها صوته من وراها..

حسام: زعلتي يا ساره؟

ساره مسحت دموعها بسرعه ولفتله: ها؟..لأ أبدا وأزعل ليه هي مهما يكن مراتك المستقبليه..أنا ايش أدخلني في حياتكم؟

هز راسه بأسى بعدها ابتسم..

: عمري ما فرطت فيهم...لأنهم..بيفكروني بيكي..

ابتسمت بخجل واتكلمت بضيق: شكرا ليك بجد يا حسام..بس..بس مينفعش تتكلم معايا كده..

حسام: ليه يا ساره؟

ساره: هو ايه اللي ليه يا حسام..انت فرحك بعد أسبوع..ولازم  علاقتنا تبقى سطحيه..و...قالت كده وسكتت..

حسام بصلها بتوهان: ساره..أنا..

قاطع كلامه ليلى اللي بتجري عليه..

ليلى بصت لساره بحقد وقالت: حرام عليك يا حسام..أنا دورت عليك كثير وفي الآخر ألاقيك واقف هنا مع..مع القتاله دي...وبصتلها من فوق لتحت بقرف..

نزلت ساره عينيها للأرض بحرج ومشيت من قدامهم..

حسام مسك ذراعها بعصبيه: ايه اللي هببتيه ده؟!!

ليلى: الله..سيب ايدي يا حسام..

ساب ايديها بعنف وقال بصوت عالي: تعالي ورايا نجيب الزفت!!

ضربت برجليها الأرض بفرحه واتكلمت: جايه يا حبيبي!!

وطلعت تيليفون من جيبها وكلمت صحبتها ريهام: ريهام...الخطه بدإت تنجح أهو واحنا رايحين نجيب الفستان!!

ريهام بفرحه لصحبتها: بجد؟!..طب والبنت؟!

كشرت ليلى: وانا مالي بيها متتولع من الغيره..انا بقى هعيش الجو مع حبيبي!!

ريهام بعبط: الله يشفيكي بس يا ليلى..

ليلى بضحك: طيب اقفلي واحنا هنمر عليكي تيجي تختاري معايا انتي وماما..

ريهام: ماشي يا اختي..هروح اجهز نفسي..

________________________________________________

دخلت ساره الأوضه وقفلت على نفسها وبدإت تضرب وشها..

: فيكي ايه يا ساره؟!!..قومي..قومي بقى..هو مش ليكي!!...علاقتك بحسام انتهت من الليله اياها..افهمي بقى!!

وقفت قدام المرايه: بس أنا بحبه..

: بس ميقدرش يتجوزك وبصت لبطنها المنتفخه وعيطت..

: يا ريتني قدرت اتخلص منك..بس أنا مش من النوع ده..انت ملكش ذنب في اللي حصل..أنا الوحيده المسؤوله وأنا اللي هصلحها..

سندت راسها على ظهر السرير وقفلت عيونها بتعب وبتفتكر مامتها ولحظاتها معاها..وبتلوم نفسها ان هي السبب في موت*ها...

________________________________________________

بالمسا وبعدما رجع حسام وليلى..

كانت ليلى بتتنطط بسعاده فقعدت جمب خالتها في الصاله:

- بصي يا خالتي..أنا جبت ايه؟..الفستان ده حلو أوي وكمان جبتلك هديه معايا..مش كده يا حسام؟

قعد حسام جمب مامته ومتكلمش..

في وقت كانت ليلى بتبص على السلم بتستنى ساره تنزل وتشوف الحاجه اللي جابتها..( آسفه يا جماعه عالمقاطعه..بس والله عايزه أمسك البتاعه دي من شعرها اصلها بتستفز بصراحه😠)..

________________________________________________

في اوضة ساره..كانت لسه طالعه  من الحمام وبتنشف شعرها..وقفت بعدما سمعت صوت ضحكات ليلى ومروه واتنهدت بحزن..

لبست هضومها ونزلت تحت..

ابتسمت ليلى بخبث: الله ده حلو أوي وهياكل مني حته..

مروه بابتسامه: ماشاء الله قمر يا بنت أختي..

حمحمت ساره بحرج: احم..ماشاء الله حلو عليكي..بتمنالكم الهنا والسعاده..

بصلها حسام بحزن وهي حاولت متبصش عليه لتضعف..

ليلى وهي بتلف بيه: طبعا..هو في حد فجمالي!!

هزت ساره راسها وطلعت اوضتها..

________________________________________________

رواية: إنتقام إمرأة

  •تابع الفصل التالي "رواية انتقام إمرأة" اضغط على اسم الرواية