رواية قدر و وصال الفصل الخامس عشر 15 - بقلم هدير ممدوح

رواية قدر و وصال الفصل الخامس عشر 15 

اللهم إني أستودعك بيت المقدس وأهل القدس وكل فلسطين. اللهم ارزق أهل فلسطين الثبات والنصر والتمكين، وبارك في إيمانهم وصبرهم. اللهم إنا نسألك باسمك القّهار أنْ تقهر من قهر إخواننا في فلسطين، ونسألك أن تنصرهم على القوم المجرمين. 

اللهم  اشف جريحهم، وتقبّل شهيدهم، وأطعم جائعهم، وانصرهم على عدوهم. اللهم أنزل السكينة عليهم، واربط على قلوبهم، وكن لهم مؤيدا ونصيرا وقائدا وظهيرا. سبحانك إنك على كل شيء قدير؛ فاكتب الفرج من عندك والطف بعبادك المؤمنين.

__________________

الفصل الخامس عشر 

رواية قدر ووصال

بقلمي هدير ممدوح. 

أتى الصباح بنوره والشمس تتوسط عِنان السماء تبعث الدفء لما أسفلها، ها هو يوماً جديد بداخله العديد من الأحداث. 

بعد تناول طعام الفطور جالسون على الأريكة يرتشفون من أكواب الشاي التي كانت أمامهم 

مالت وصال على أُذن قدر قائلة: 

_مش عارفين نتلم على بعض عشر دقايق. 

ردت قدر قائلة: 

_عندك حق والله. 

امتعضت وصال قائلة: 

_بقا سي علاء هو كل حاجة في حياتك، وركنتي وصال على الرف. 

ضحكت قدر بخفوت وقالت: 

_بتغيري عليا يابيضة. 

رمقتها وصال بغيظ قائلة: 

_واطية طول عمرك. 

استمعوا إلى صوت صهيل خيل. 

فقالت أميرة: 

_بنات، علاء وقاسم في الحديقة اللي ورا تعالوا نروح نتفرج عليهم. 

بحماس أطفال وقفوا الفتيات وارتسمت إبتسامة على ملامحهم وقالوا بصوتٍ واحد: 

_طبعاً، يلا.

اتجهوا إلى خلف المنزل حيث الحديقة الواسعة وجدوا علاء وقاسم كلاً منهم يمتطي 

 جوادٍ وكأنهم يتسابقون، تقدموا منهم الشباب وتجلى كلاً منهم من على صهوة حصانه. 

اقترب علاء من قدر وهمس بأُذنها وقال: 

_تحبي تجربي. 

رمقته بتعجب قائلة: 

_أجرب إيه! 

سحبها علاء من يدها وقال: 

_تعالي اركبي على الحصان. 

تراجعت خطوة للوراء قائلة: 

_لا اللبس مش مناسب. 

رد علاء قائلاً: 

_مالكيش دعوة تعالي بس. 

رفعها من خصرها للأعلى وجلست بالعرض وهو خلفها يحاوطها بيديه فقالت هي: 

_علاء أنا خايفة لنقع. 

رد علاء قائلاً: 

_متخافيش هو ماشي براحة وأنا ساندك. 

أقترب قاسم واقفاً بجانب وصال وقال بهمس: 

_عقبالنا. 

ردت هي قائلة بحدة: 

_بتقول إيه ياجدع أنت. 

أنتبهت أميرة على صوتها العالي قائلة: 

_في أي مالكم. 

رد قاسم وهو ينظر لوصال قائلاً: 

_محسوبك يابت عمي شكله وقع ومحدش سمى عليه. 

غمغمت وصال بخفوت قائلة:

_سخيف. 

ضحكت أميرة بصخب عليهما، وعلمت إن بينهما سيولد حبًا سيطفو قريبًا على الملأ. 

وبالمنزل كانت تطل أماني وابنتها الصغرى دعاء التي قالت بحقد: 

_قاسم بيتقرب من البت دي ليه، شايفة نظراته ليها. 

ردت أماني بحدة قائلة: 

_ما انتي اللي خايبة، طالما واقفة تتفرجي كده، انزلي ياختي شوفي اللي بيحصل يابت. 

 

قالت دعاء على عجل عندك حق: 

_هروح أشوف. 

نزلت للأسفل  لتنصدم بشاب بجلباب صعيدي وقالت بحدة: 

_أنت يامجنون يامتخلف مش تحاسب كنت هتوقعني. 

ردة أمينة بحدة قائلة التي كانت تجلس مع ألفت بصالون المنزل: 

_إيه يادعاء بتكلمي أخوكي ليه كده يابنتي. 

لوت دعاء فمها وهي تقول:

_مش ذنبي ان أخويا عبيط. 

تلألأ الدمع بأعين الشاب وقوس شفتيه كالأطفال وقال وهو يضربها بيده: 

_أنا مش عبيط، أنتي اللي وحشة. 

دفعته هي بيدها للوراء قائلة بصوت أشبه بالصراخ: 

_أبعد يامتخلف ياغبي متمدش أيدك. 

كاد الشاب ان يسقط للوراء، فركضت ناحيته وصال واسندته بلهفة 

ربتت وصال عليه برفق وقالت: 

_أنت كويس. 

هز رأسه وتمسك بيدها واقفاً خلفها يحتمي بها وقال : 

_دعاء عاوزة تضربني. 

قالت وصال بحدة وهي ترمق دعاء بشمئزاز: 

_عيب كده على فكرة، مش ذنبه أنه كده. 

عقدت دعاء يديها أمام صدرها وقالت بفظاظة: 

_ده أخويا، وياريت مالكيش دعوة، أنتي هنا ضيفة وبس. 

هتفت وصال قائلة: 

_أنتي قليلة الأدب. 

جائها صوت أماني قائلة: 

_مين قليلة الأدب ياحبيبتي، ليه بنتي مالهاش أهل يسألوا عليها، وسايبينها دايرة فالبيوت زي..... 

قاطعها قاسم بغضب أحتل تقاسيم وجهه وقال: 

_عمتي، أنا سكتلك كتير، ومش بيت قاسم هارون اللي يتهان في ضيوفه. 

بأعين يتلألأ بها الدمع، غادرت وصال من أمامهم للأعلى وخلفها أميرة. 

فقالت أماني رداً على حديث قاسم: 

_ولما الضيوف ما يحترموش أهل البيت يبقا يستاهلوا الأهانة. 

جز قاسم على أسنانه قائلاً: 

_خدي بنتك ياعمتي واطلعي على أوضتك اتقي شري يلا. 

رمقته أماني بغضب وجذبت يد ابنتها وصعدت للأعلى.  

جاء من الخارج قدر وعلاء واحسوا بالتوتر بين الجميع فقالت قدر بخفوت لـ علاء: 

أنا هطلع عند وصال. 

هز علاء رأسه بنعم وصعدت هي.  

بغرفة وصال كانت تبكي بحرقة، وتربت على كتفها أميرة برفق، دفعت قدر الباب ودلفت قائلة وهي تجلس بجانب وصال من الناحية الأخرى: 

_مالك يا وصال إيه اللي حصل، أحكيلي يا أميرة. 

كادت أميرة ان تتحدث فقاطعتهما وصال قائلة: 

_أنا همشي من هنا ياقدر، على الأقل أنتي قعدة مع جوزك، بس انا بأي صفة هنا. 

ردت قدر قائلة: 

_بصفتك أختي، ولا إيه ياوصال. 

أزاحت وصال دموعها وقالت: 

_مفيش أخت برضه تقعد عند أختها في بيت جوزها ياقدر. 

ردت قدر قائلة بلطف : 

_معني كده إني مفروض أرمي رهف ياوصال. 

أجابتها وصال باكية وقالت: 

_أنا غير رهف ياقدر. 

اجابتها قدر بحدة: 

_لا زيك زي رهف عندي. 

قالت أميرة بجدية: 

_ومش بس قدر اختك ياوصال، أنا كمان اختك وبعدين ياستي هو أسبوع هنقعده وهنمشي على طول. 

صوت طرقات خافته على الباب فقالت وصال بهدوء: 

_أدخل. 

طل الشاب برأسه ونظر لهم، فقالت أميرة بخفوت: 

_تعالى ياحسن أدخل، ده يابنات يبقا حسن أبن عمتي أماني. 

تسلل الشاب بينهم ووقف أمام وصال وقال بأسف والدموع تترقرق في عينيه: 

_انا آسف عشان زعلتي بسببي. 

ابتسمت وصال قائلة: 

_مش زعلانة ياحسن. 

امتدت يده ومسح دموعها العالقة على وجنتها وقال: 

_في دموع يعني زعلانة، أنا مش عبيط أنا فاهم. 

بنظرة شفقة قالت وصال: 

_ومين قال إنك عبيط ده أنت أحسن واحد فينا. 

ابتسم هو ومد يده قائلاً  : 

_نبقا صحاب. 

صافحته وصال وقالت: 

_نبقا صحاب ياحسن. 

صفق هو بيده قائلاً بفرحة: 

_حسن بقا عنده صحاب، وتوقف قائلاً: 

_أنتي أسمك إيه. 

غمغت وصال بخفوت: 

_إسمي وصال ياحسن. 

حسن بتعمل إيه عندك، هكذا جاءهم صوت قاسم. 

ارتجف حسن بخوف من نبرته، وقالت وصال: 

_وأنت بتزعق ليه. 

لم يعيرها قاسم أي انتباه وقال بلين: 

_يلا ياحسن، أطلع برة دي أوضة بنات مينفعش تفضل فيها. 

رمق حسن وصال بحزن وغادر الغرفة. 

فقالت وصال بحدة: 

_إيه المعاملة دي حرام عليكم، هو إيه ذنبه. 

ردت أميرة قائلة: 

_اهدي ياوصال قاسم أكتر واحد حنين على حسن، هو قال كده لمصلحته. 

تحدث قاسم قائلاً: 

_كنت جاي اعتذر منك على اللي عملته عمتي. 

ألقى جملته تلك وغادر الغرفة بعجل، دون انتظار رد، فقالت بتعجب من أمره:

_ماله ده. 

ردت أميرة قائلة بضحكة:

_اقعدوا خلينا ندردش في أي حاجة. 

تحدثت قدر قائلة:

_لا أنا هروح أشوف علاء عشان هيسافر النهاردة.

 رمقوها الفتيات بغيظ، فضحكت هي بصخب وغادرت  الغرفة. 

               🌺صلي على محمد🌺

بمكتب مجدي، استمع إلى ضجة وصوتٍ عال، استقام واقفاً وكاد ان يخطو ليجد وائل يقتحم مكتبه وخلفه السكرتيرة التي تحاول منعه للدخول، أوقفها مجدي بأشارة من يده وقال: 

_اطلعي أنتي برة دلوقتي. 

وجلس على مقعده وقال:  

_تعالى يا وائل اقعد. 

تقدم منه وائل وصاح بغضب: 

_من يوم ما عطيتك الفلوس لا بترد عليا ولا معبرني بجي هنا ومش عاوز تدخلني. 

تحدث مجدي بجمود قائلاً: 

_اهدى يا وائل واقعد. 

جلس وائل وقال: 

_أنا عاوز فلوسي ودلوقتي حالاً

رد مجدي بجمود قائلاً: 

_فلوس إيه دي. 

هتف وائل قائلاً: 

_أنت بتستهبل، عطيتك خمس ملايين عشان المشروع. 

رد مجدي بمكر قائلاً: 

_بس أنت مين، أنا لا أعرفك، ولا أنت واحد من موظفيني، ولا كمان شوفت منك أي فلوس. 

توسعت اعين وائل بصدمة وهو يقول: 

_تقصد إيه بكلامك ده، لا مش أنا اللي يتنصب عليا، انا ممكن أبلغ عنك. 

رد مجدي بثقة قائلاً: 

_وهتقولهم إيه، أنا بكل هدوء هكذب اللي أنت هتقوله. 

استقام وائل قائلاً بغضب: 

_شركتك مليانة كاميرات وموظفينك كمان شافوني وأنا داخل وخارج. 

تحدث مجدي قائلاً: 

_وأهو قُلت بلسانك شركتي وموظفيني، ببساطة التسجيلات محذوفة، وموظفيني مش هيخسروا وظيفتهم عشان يشهدوا معاك، ويلا اطلع برة من غير  مطرود و أوعى أشوفك هنا تاني. 

مسكه وائل من تلابيب قميصه وهو يقول: 

_ورحمة أمي منا سايبك. 

دفعه مجدي بقوة، فسقط ارضاً، ورفع سماعة هاتفه قائلاً: 

_ابعتي الأمن على مكتبي حالاً. 

وقف وائل وصرخ قائلاً: 

_بتتحامى في الأمن ياجبان، مش هسيبك سمعتك هتبقا زي الزفت بين الناس. 

جاء الأمن وامسكوا به فقال مجدي: 

_أرموه برة الحيوان ده. 

🌼لاحول ولاقوة إلا بالله العلي العظيم 🌼

في غرفة قدر وعلاء

جمع علاء أغراضه في حقيبته بمساعدة قدر. 

وقال بحنان: 

_قدر خدي بالك من أمي و أختي. 

ردت قدر قائلة: 

_علاء لو أنا غالية عندك متقولش كده أرجوك. 

جذب يدها وجلسوا على الفراش فقال: 

_الموت علينا حق ياقدر، وأنا مش عارف ان كنت هرجع ولا..... 

وضعت يدها على فمه وقاطعته قائلة: 

_حرام عليك بقا الكلام ده بيقطع قلبي، مرارة الفقد صعبة ياعلاء، وخصوصاً لم يبقا انسان روحك متعلقة فيه. 

 اجاب علاء قائلاً برفق: 

_طب أهدي بس. 

صاحت غاضبة: 

_هو أنا يعني مكتوبلي كل حد أحبه يفارقني. 

عانقها علاء بقوة ومسد عليها برفق، واسترسل قائلاً: 

_هرجعلك ياقدر، عشان أنسيكي أي حاجة وحشة عشتيها، هرجعلك . 

ظلوا هكذا بضع دقائق، فابتعدت هي على استيحاء ليقول هو: 

_عشان ناوي أعمل فرح كبير، وشوفك بالأبيض. 

رمقته قدر بشك قائلة: 

_ده بجد. 

هز هو رأسه قائلاً: 

_أيوة ياحبيبتي، يلا بقا أنا همشي ، هبقا اتكلم معاكي فكل التفاصيل أول ما أرجع. 

هزت قدر رأسها بصمت، فسحب هو حقيبته وهبط للأسفل. 

أجتمع الجميع بالأسفل من بينهم وصال وأميرة، توجه علاء لوالدته وقبل يدها، فعانقته هي بود، وودع الجميع، صعد بسيارته وانطلق بها مغادراً تحت انظارهم. 

تحدثت أميرة قائلة: 

_تعالوا نروح نقعد في الجنينة. 

 

هز الفتيات رؤوسهن بنعم وذهبوا معها، وقعت أعين وصال على حسن فقالت: 

_بنات أنا هروح اقعد مع حسن شوية

قالت قدر بخفوت: 

_تمام. 

 

جلست وصال بجانبه، فرمقها هو بإبتسامة تحدثت وصال قائلة: 

_قاعد ليه لوحدك. 

رد هو قائلاً بتهتهة: 

_محدش بيحب يقعد معايا، لا أخواتي ولا أمي. 

ردت وصال قائلة: 

_ولا حتى قاسم. 

قال حسن بود: 

_لا قاسم ده حبيبي وصاحبي، هو اللي بيحبني، بس لما بيبقا فالشغل بقعد لوحدي  وهو دلوقتي برة. 

"أنا هنا ياحسن " هكذا جائهم صوت قاسم من خلفهم. 

فانتفضت وصال قائلة: 

_ يا أخي ليه كده خضيتنا. 

رفع حاجبيه وهو يقول: 

_ليه شوفتي عفريت. 

ردت هي بمرواغة: 

_أنيل. 

جلس قاسم بجانب حسن من الناحية الأخرى وقال: 

_بقا كده. 

ردت وصال بخفوت: 

_آه كده. 

اجابها هو بمكر: 

_كنتي بتسألي ليه حسن عليا. 

نظرت له بتمعن قائلة: 

_كنت عاوزة أعرف حد في البيت ده لسة في قلبه رحمة ولا كله محصل بعضه. 

قال قاسم بحدة: 

_طاب وليه الغلط ده بس يابنت الناس. 

أشاحت نظرها للجهة الأخرى، ولم تعقب على حديثه. 

فـ  أسترسل قاسم موجهاً حديثه لحسن الذي كان ينظر لكلاً منهم ببسمة بلهاء: 

_ قوم أنت يا حسن دلوقتي. 

استقام حسن واقفاً، وغادر من أمامهم. 

فرمقته هي بغيظ قائلة: 

_فكرك هخاف أنا كده يعني، أنا قايمة. 

استقامت هي واقفة، فوقف هو بالمقابل لها، وبالقرب منهم انتبهوا لهم أميرة وقدر فأقتربوا منهم. 

قال قاسم لـ وصال: 

_أيمن أخوكي عاوز يكلمك. 

ضيقت عينيها ورمقته بتعجب: 

_وأنت عرفت منين أخويا. 

وضعت قدر كفها على كتف وصال قائلة: 

_في حاجة يا وصال. 

ردت وصال بحدة قائلة ومازالت أُعينها على قاسم: 

_ياريت يا أميرة تفهمي أبن عمك ميدخلش في خصوصيات ضيوفه. 

ألقت جملتها تلك واستدارت مغادرة من أمامهم. 

فقالت أميرة: 

_في إيه يا قاسم مالها وصال. 

رد قاسم قائلاً: 

_أنتي عارفة بموضوع أخوها ومراته. 

ردت أميرة قائلة: 

_ايوة وصال قالتلي كل حاجه. 

صاح قائلاً:

_أخوكي علاء عرفني كل حاجه واخو وصال مش وحش زي ما هي فاكرة،أنا هحاول اتكلم معاها مرة تانية.

ردت أميرة بتفهم:

_تمام ياقاسم،إن شاءالله خير.

              . . . . .. . . . . . . . . . . 

دلفت قدر خلف وصال بغرفتها وهي تقول: 

_يابنتي فهميني بس في إيه. 

ردت وصال قائلة بإمتعاض: 

_بني آدم مستفز وبارد  ومتخلف كمان. 

جلست قدر بجانبها على طرف الفراش قائلة: 

_ايوة عاوزة أعرف عمل إيه يعني. 

ردت وصال قائلة: 

_بيقولي أيمن أخوكي عاوز يكلمك. 

اجابتها قدر قائلة: 

_طيب كنتي استني شوفي هيقولك إيه. 

قالت وصال بحدة تجلت في نبرتها : 

_قاسم ده مستفز ومش عاوزة اسمع منه حاجة. 

غمغمت قدر بتفهم: 

_أنا شايفة  أنه معجب ياستي وعمال يغمزلك فالرايحة والجاية، يمكن طلب ايدك من أخوكي مثلاً. 

صمتت وصال لثوانِ وحدقت بقدر قائلة: 

_تفتكري. 

تبسمت قدر ضاحكة وقالت: 

_من شوية كان مستفز ها. 

ردت وصال بجمود: 

_لا انا بسأل عادي. 

وثبت قدر قائلة: 

_هروح اسأله بسرعة وهرجع أقولك. 

هزت وصال رأسها بنعم، فخرجت قدر من الغرفة، وبطريقها استوقفها صوت بكاء خارج من الغرفة المقابلة لها، رق قلبها فطرقت باب الغرفة بهدوء. 

ليأتيها صوت فتاة من الداخل وهي تسمح لها بالدخول. 

دفعت قدر الباب ودلفت قائلة: 

_تسمحيلي احكي معاكي شوية. 

اومأت لها الفتاة وقالت: 

_طبعاً اتفضلي. 

وضعت الطفل الذي كان على قدمها على الفراش وجلست قدر بالمقابل لها فقالت الفتاة: 

_أنا وفاء بنت عمت علاء، أنتي شوفتيني مع أمي تحت. 

ردت قدر بتريث وحذر: 

_اه شوفتك، الحقيقة سمعتك وانتي بتبكي فحبيت أطمن عليكي. 

ما أن قالت قدر جملتها تلك حتى أنفرطت الفتاة ببكاء مرير. 

فاقتربت منها قدر وربتت على كتفها قائلة: 

_لو عاوزة تحكي، أحكيلي أنا هسمعك. 

تحدثت وفاء بصوت ممزوج بالبكاء قائلة : 

_أنا وجوزي اتخنقنا وكله بسبب ماما، وحاسة أنه ربنا مش بيحبني أنا عملت ذنوب كتير وعصيته، أنا تايهة ومش عارفه أعمل إيه. 

ردت قدر بتريث قائلة وإبتسامة جميلة شقت ثغرها، قال الله تعالي:

{ قُلْ يَا عِبَادِيَ الَّذِينَ أَسْرَفُوا عَلَىٰ أَنفُسِهِمْ لَا تَقْنَطُوا مِن رَّحْمَةِ اللَّهِ ۚ إِنَّ اللَّهَ يَغْفِرُ الذُّنُوبَ جَمِيعًا ۚ إِنَّهُ هُوَ الْغَفُورُ الرَّحِيمُ (53) } سوره الزمر

واسترسلت قائلة: 

كده مشكلتك مع ربنا اتحلت ربنا بيغفر الذنوب جميعا ياوفاء . 

قاطعتها وفاء قائلة بندم : 

_أي ذنب مهما إن كان. 

اجابت قدر بهدوء قائلة: 

_والله إني اراكي على خير مادام تشعرين بالندم والله يغفر الذنوب جميعا إلا الشرك به، اتوضي وصلي ركعتين توبة لله عز وجل، وألزمي الإستغفار، وربنا يتقبل توبتك. 

علا صوت رنين هاتف، كان بجانبهم على الفراش جذبته وفاء وقالت بخفوت: 

_ده جوزي. 

نهضت قدر واقفة وقالت: 

_طيب هطلع أنا دلوقتي، واسيبك تتكلمي على راحتك. 

اجابت وفاء قائلة: 

_بس أنا وهو متخانقين. 

ردت قدر قائلة: 

_لو أنتي شايفة أنه هو مغلطش فحقك وان فعلاً مامتك سبب المشكلة اللي بينكم، يبقا بلاش تضيغي وقت، عن اذنك. 

تركتها قدر وغادرت الغرفة. 

صلي على محمد 🌺

خرجت قدر تبحث عن قاسم، فأخبرتها العاملة أنه بالحديقة الخلفية، توجهت له فوجدته يتحدث مع حسن، خطت إلى الأمام ونادته قائلة: 

_ قاسم، ممكن ثانية. 

تقدم قاسم منها قائلا: 

_ايوة ياقدر في حاجة. 

ردت قدر قائلة: 

_كنت عاوزة أعرف أيمن كان عاوز وصال في إيه

اجابها قاسم بجمود: 

_كان عاوز يصلح سوء الفهم اللي بينهم ده اللي فهمته من علاء. 

هزت رأسها بتفهم قائلة : 

_خلاص تمام أنا هبقا، اكلم علاء وافهم منه. 

سبحان الله وبحمده سبحان الله العظيم 🌼

بعد ساعات طويلة أستغرقها علاء للوصول لمنزله، تجلى من سيارته ودفع باب المنزل، قابلته العاملة بوجهٍ بشوش قائلة: 

_أهلاً بيك ياعلاء بيه تحب احضرلك الأكل. 

رد علاء بخفوت قائلاً: 

_تمام يا أم نور ابقي طلعيه ليا فوق. 

صعد علاء للأعلى وضع حقيبته بجانب الباب وارتمى بجسده على الفراش، استمع لرنين هاتفه ونظر لشاشته ، واستقبل المكالمة وهو يقول: 

_وحشتيني جداً. 

ردت قدر برحابة صدر  وفرحة غمرت قلبها قائلة: 

_أنت عامل إيه وصلت. 

ابتسم علاء قائلاً: 

_بخير ياحبيبتي. 

ردت قدر قائلة: 

_هو إيه موضوع أخو وصال ياعلاء. 

اجابها علاء قائلاً بتوضيح: 

_ده موضوع طويل ياقدر، لما ارجع هحكيلك كل حاجه، وايوة أخوها طلب يكلمها. 

ردت قدر قائلة: 

_تمام 

أستمر حديثهم لبعض الوقت. 

وانسدلت ستائر الليل معلنة عن انتهائه. 

"في الصباح "

 

بمنزل أيمن كان يرتشف من فنجان القهوة الذي أمامه، وضعه على الطاولة، واستقام واقفاً، فقالت نجلاء التي كانت تجلس بجانبه: 

_رايح فين يا أيمن. 

رد أيمن قائلاً: 

_دقيقتين بس ياحبيبتي وراجعلك. 

هزت رأسها، فغاب هو عدة دقائق وعاد بيده ملف به بعض الأوراق قائلاً بصرامة وهو يمده لها  : 

_أمضي. 

اجابته هي بتعجب قائلة: 

_إيه ده! 

جلس أيمن بجانبها وقال بتريث: 

_ده ياحبيبتي تنازل من وصال عن الميراث بأسمك، مش ناقصين غير امضتك. 

حدقت به نجلاء قائلة: 

_بأسمي أنا. 

رد ايمن قائلاً: 

_نجلاء أنا معنديش أغلى منك ولا عندي شخص أوثق فيه زيك، عشان كده الميراث هيتسجل بأسمك، بس ده طبعاً لفترة معينة أنتي عارفه أحنا اتفقنا هنرجعهم لوصال تاني. 

سحبت من بين يده الأوراق بلهفة قائلة وهي تجذب من بينهم القلم وتمضي: 

_طبعاً، طبعاً ياحبيبي هنرجعهم.

 نظرت لأول ورقة بتمعن وبسمة مكر زينت ثغرها، وعندما لاحظ هو قرأتها للأوراق فقال بلهفة: 

_يلا ياحبيبتي أمضي بسرعة لسة هروح اسجلهم. 

مضت نجلاء الأوراق على عجل، فسحبهم منها أيمن وقال: 

_برافو ياحياتي كده انتهى الموضوع، هروح أنا على شغلي. 

غادر هو من أمامها، وابتسمت هي بنصر، سحبت هاتفها من أعلى الطاولة، وهاتفت وائل انتظرت قليلاً حتى آتاها صوته قائلاً: 

_أيوة يانجلاء. 

ردت نجلاء قائلة: 

_مش هتصدق إيه اللي حصل. 

رد وائل بلا مبالاة قائلاً: 

_إيه أيمن طلقك. 

إغتاظت نجلاء منه وقالت بحدة: 

_غبي طول عمرك، طلاق إيه بس، ده كتب كل ميراث وصال بأسمي. 

اجاب وائل ساخراً: 

_انتي بتحلمي ولا سخنة. 

ردت نجلاء قائلة: 

_لـ ده ولا ده، أنا شوفت الأوراق بعيني ومضيت عليهم يعني محدش قالي 

أنصت لها وائل قائلاً بتعجب حذر: 

_انتي بتتكلمي جد؟ 

نجلاء بلهفة: 

_جد الجد كمان، الخطوة الجاية هخليه يطلقني ونهرب أنا وانت، وأعيش الحياة اللي بحلم بيها، وابقا في فرحة طير خفيف بيرفرف فالسما من السعادة. 

قهقه وائل بصخب قائلاً: 

_طيب حاسبي لطير الخفيف ده يقع على وشه. 

لوت فمها قائلة: 

_أنا غلطانة إني بكلمك اصلاً. 

ألقت جملتها تلك وانهت المكالمة ووضعت ساق على الأخرى قائلة: 

_للأسف معنديش غيرك أثق فيه يا وائل، أول ما احط ايدي على كل حاجة،هخلص منك أنت كمان. 

 أستغفر الله العظيم الذي لا إله إلا هو الحي القيوم وأتوب إليه 🌺

عند علاء اجتمع هو ورؤساء عمله وفريقة لوضع خطة للقبض على سامح، بعد ان حصل على كل المعلومات، أخذ يشرح لهم خطته، وانتهى على تصفيقهم، استقام أحدهم وقال: 

_بهنيك ياعلاء ، ودلوقتي أنا متأكد أنك مش هتخيب ظني فيك. 

رد علاء بجدية:

_ اشكرك ياسيادة اللوا، وان شاء الله هكون عند حسن ظن حضرتك. 

غادروا جميعهم الغرفة تاركين علاء بمفرده أخرج هاتفه من جيب بنطاله جاء برقم قدر واتصل بها انتظر قليلاً ليأتيه صوتها الرقيق هامسًا: 

_صباح الخير ياعلاء. 

رد علاء قائلاً: 

_صباح الورد على عيونك ياحبيبتي، الساعة تلاتة الفجر عندي مهمة ضرورية وبعدها هرجعلك على طول عشان وحشتيني. 

اجابت قدر قائلة: 

_ترجع بالسلامة يارب. 

تمتم علاء بتنهيدة ثقيلة: 

_أنا هقفل دلوقتي وهكون مشغول مش هقدر ارن عليكي باقي اليوم تمام. 

 

غزا قلبها القلق، فهمست بوجل: 

_ممكن اما اتخلص مهمتك تتصل عليا فوراً أنا هفضل صاحية مش هنام. 

اجاب علاء قائلاً: 

_من عيوني ياحبيبتي، يلا سلام. 

انهى علاء المكالمة، وهبطت قدر للأسفل، استمعت لأصوات ضحك عالية فتقدمت بأتجاه الحديقة لتجد وصال وحسن وقاسم يركضون خلف بعضهم. 

جاءت وصال سريعاً ما ان رأت قدر ووقفت خلفها تحتمي بها. 

توقف قاسم وحسن أمامهم، فقال قاسم: 

_صاحبتك دي غشاشة خطفت ورق الكوتشينة وجريت. 

ردت وصال قائلاً: 

_أنت الغشاش على فكرة، كنا بنلعب أنا وحسن ياقدر وجه هو خرب اللعبة. 

قال قاسم: 

_دلوقتي بقا الحق عليا ياست وصال. 

ردت وصال قائلة: 

_أنا كان معايا ولد ومفروض ألم بيه وأكيد هو شافه فخد قبلي كل الورق، وأنا خسرت. 

ردت قدر بحدة قائلة: 

_خلاص بقا انتو الاتنين إيه لعب العيال ده. 

قالت وصال: 

_قدر تعالي نلعب أنا وانتي وحسن، لوحدنا. 

تحدث حسن قائلاً: 

_أيوة تعالي نلعب ياقدر. 

هزت قدر رأسها بهدوء وذهبت معهم. 

داخل المنزل بالأعلى وتحديداً بغرفة أماني ألقت دعاء بكأس الماء ارضاً وهي تقول: 

_شوفتيهم بعيونك صح، قاسم بيحب وصال، ومش بعيد نلاقيه فجأة كده طلب أيدها. 

ردت أماني بحدة تجلت في نبرتها: 

_أهو ده المستحيل من صغرك وانتي القاسم وانتهى الموضوع. 

اجابت دعاء قائلة: 

_انتهى إزاي ها قوليلي إزاي، انا لازم اتصرف، أنا مش هقعد كده مستنية أما ألاقيه اتجوزها. 

 قالت والدتها بغضب: 

_ناوية تعملي إيه يعني . 

على حين غفلة اندفع الباب وطل من خلفه حسن وهو يقول على عجل: 

_أنا عاوز أتجوز وصال. 

صدمة أحتلت ملامحهم تلاها صوت أماني الضاحك تقول: 

_ مش ناقص غيرك أنت ياحسن. 

تحدثت دعاء بمكر قائلة: 

_أنا عرفت هتصرف إزاي. 

  •تابع الفصل التالي "رواية قدر و وصال" اضغط على اسم الرواية