رواية اعادة تاهيل معقدة الجزء (2) الفصل الحادي عشر 11 - بقلم زهرة عصام

 

رواية اعادة تاهيل معقدة الجزء (2) الفصل الحادي عشر 11 - بقلم زهرة عصام

 ينهار ابوكي اسود إنتي إزاي خارجة كدا يا هانم ، مش عارفه إن في حراسة في الفيلا و ممكن اي حد يشوفك ؟

تمارة عقد حواجبها و قالت:-

حد يشوفني إزاي يعني و بعدين ما أنا لابسة بجامة أهو

نوح بعصبية:-

و شعرك اللي باين دا ؟ اية خارج الحسبة ؟ ادخلي يا بت جوه داري أم شعرك دا

تمارة واقفة و فاتحة بوقها و مش مركزة ، لحظة انتبهت إن شعرها باين حطت اديها عليه بسرعة و برقت و جريت على جوه

نوم بابتسامة غرور:-

مسيطر يا كينج والله ، لازم اتغر سمعت الكلام من أول مرة

مكملش كلامة ولقي تمارة خارجة بعد ما لبست حجابها و قالت:- .إنت يا أستاذ إنت آخر مرة تعلي صوتك عليا هي مش زريبة هي ، كل ما تلاقي نفسك فاضي نيجي تعلي صوتك عليا و تتشخط

نوح رفع حاجبه و قال:-

والله براحتي أنا أعمل اللي عاوزة وانتي هتسمعي الكلام و اه إجبار وآه أنا راجل متسلط و برضوا هتعملي اللي أنا عاوزة

تمارة بغيظ :-

دا عندها يا حبيبي وإن كنت فاكر إني ممكن اسكتلك تبقي غلطان و أعلي ما افخلك اركبه يا كينج

قالت يا كينج بسخرية و اتكت على حروفها

نوح بصلها بتسبيل و قال:- بجد ؟

تمارة عقد حواجبها و قالت:-

بجد اية ؟

نوح بنحنحه و تسبيل:-

بجد أنا حبيبك يا تيمو

تمارة بصت ليه بزهول و قالت:-

أقسم بالله متخلف في عقلك

كانت لسة هتمشي لكن نوح مسك اديها و ساعده في ده قرب المسافة بين البلكونات و بعضها

تمارة نفخت و بصت ليه لقيته بيبصلها بابتسامة و حب و قال:-

أنا ممكن أكون متخلف عادي بس عشقك السبب ، ممكن يكون عقلي تعبان بس دا من تأثير حبك يا زبادي

تمارة بتوهان:-

إنت بتقول ايه ؟

نوح قربها منه و ميل على ودانها و قال:-

بقول إني بحبك يا زبادي ، من أول يوم عيني وقعت عليكي فيه و حبك سكن جوه و مش هيطلع أصل محدش بيسيب بيته و يمشي

بعد عنها و بص في عنيها و سرح و هي كمان سرحت في عيونه

تمارة بقت مبرقه ليه و قلبها بيدق جامد و نوح مش قادر يسيطر على دقات قلبه لدرجه أنه حس إنها سمعاها

حرك ايده اللي كان ماسكها حطها على قلبه و قال:-

كل مره بشوفك فيها قلبي بيبقي دا حاجة

تمارة بصت لإديها و بصت ليه تاني و اتولد جوها في اللحظة دي شعور معرفتش تفسره ، شعور جديد عليها بس لذيذ في نفس الوقت

نوح حرك اديها و رفعها لحد فمه و باسها و هو بيقول:-

ادخلي نامي يا زبادي عاوز اختم بيكي يومي و هكون ممنون ليكي لو طليتي عليا كل يوم اختم بيكي يومي ، عشان تبقي إنتي بدايته و إنتي نهايته ، و لو حصل و مصحتش من نومي تبقي إنتي آخر وش أشوفه

تمارة سحبت اديها و دخلت الاوضة و قفلت باب البلكونه و وقفت وراه و هي بتقول :-

لية كل ما يضحكلي الضحكة دي اضعف ؟ لية كل ما يبصلي كدا اسرح معاه ؟ اية الاحساس اللي حسيته وأنا قريبه منه دا ؟ هو أنا ممكن أكون حبيته ؟ لية لا مهو فعلاً أفعاله و حركاته تحبب أي بنت فيه ! لحظة اية اي بنت دي هو ممكن فعلاً يكون بيكلم بنات ؟ اضايقت من الفكرة و دخلت تنام جنب أخواتها

…..

عدي يومين استقرت فيه الأوضاع و البنات رجعوا لمدرستهم و اوضهم من تاني بعد ما نوح طلب من الخدم ينضفوها و يرشوها و يعقموها كويس

بقي كل يوم بليل يقف في البلكونه يبص على تمارة و هي بتخرج تبص على القمر ، كانت بتشوفه و هو بيبص عليها بس كانت بتتجاهل دا و تضحك جوها و دا كان بيضايق نوح نوعاً ما ، لحد ما في يوم قالها:-

اتقل براحتك يا زبادي و مسيرك في يوم هتيجي في حضني و ساعتها هحضنك عادي

تمارة مقدرتش تمسك ضحكتها و ضحكت بصوت عالي و دخلت اوضيتها قبل ما تقول:-

في خيالك المريض

نوح بمزاح :-

مريض بحبك يا زبادي بكره تحن يا جن

……

طلع النهار و البنات اتجهزا للمدرسة و كلهم ماسكين الكتب في اديهم و نازلين على السلم بيراجعوا قبل ما يروحوا الامتحان

قعدوا على السفرة و بدل الطبق ما يكون فيه فطار ليهم كانوا حاطين الكتاب على الطبق بيراجعوا فيه

نوح نزل و شافهم كدا الابتسامه جريت على وشه و ذكية أول ما شافتهم قالت ؛-

والله العظيم لـ تتهبلوا بعمايلكم دي ، شيلوا الكتب دي من قدامكم و يلا افطروا قبل ما تخرجوا

محدش رفع عينه من على الكتب هما من كتر تركيزهم أصلا مسمعوش هي قالت اية

ذكية حركت الكرسي بتاعها لحد ما وصلت للسفرة و خبطت باديها عليها و قالت:-

ركزوا معايا كدا

البنات رفعت عنيها من الكتب بخضه و قالوا في صوت واحد:-

في ايه

ذكية بحزم:-

يلا افطروا و اشربوا اللبن دا كويس عشان تعرفوا تركزوا في الامتحان

التلاتة بصوا لبعض برهبه و قالوا:-

ها لبن ؟

ذكية رفعت حاجب و قالت بصرامة:-

يلا كله يشرب اللبن بتاعه

تمارة ضربت باديها على حبينها و قالت:-

ياااه دا أنا نسيت أجيب حاجة مهمه أوي معايا هطلع اجبها و اجي على ما تكونوا شربتوا اللبن

مستنتش حد يرد عليها و طلعت بسرعة

ذكية باعتراض:-

شوف البت جريت من قدامي إزاي خد يا نوح كوباية اللبن دي و اتاكد أنها شربتها وأنا هتاكد بنفسي من الاتنين دول

جوري باعتراض:-

بس أنا مش بحبه مش هقدر لا

لينا بصت ليهم و قالت:-

إستحالة اشربه ها معدتي هتقلب

نوح شكر جدته في سره و أخدت كوباية اللبن و طلع ورا تمارة

دخل الاوضة لقاها قاعدة على المكتب و ماسكه كتاب في اديها

حط قدامها كوباية اللبن و قال:-

تتشرب كلها دلوقتي

تمارة برفض:-

لا يعني لا شوف لو هتعمل اية مش هشربها مش هقدر

نوح ربع ايده و قال:-

هتتشرب يا تمارة وإلا

تمارة وقفت قصادة و ربعت اديها و قالت و الا اية

نوح رفع حاجبة و قال:-

مش عارفه اية اللي هيحصل بس انتي هتتحملي النتيجة

تمارة

تمارة بسخرية :-

هيحصل ايه يعني

نوح قرب منها و بصلها بعمق و هي اتعدلت في وقفتها و فكت اديها و بصت ليه جامد

نوح قال ليها بهمس :-

ركزي في امتحانك يا تمارة أنا عارف إن فاتك حاجات كتير و عارف انك مزكرتيش كويس و دا ماثر على نفسيتك بس أنا عاوزك نتجحي بس تعدي من السنه دي ركزي و حاولي تلمي الدنيا

هزت راسها بايجاب و قالت بهمس مضحك :-

اشرب اللبن بدالي

نوح كتم ضحكه و قال:-

هشربه بس بمقابل

تمارة جزت على سنانها و قالت:-

كنت عارفه إنك مادي حقير ، عاوز اية

نوح بخبث :-

كوباية اللبن قصادها حضن قولتي ايية ؟

• يتبع الفصل التالي اضغط على ( رواية اعادة تاهيل معقدة ) اسم الرواية