رواية بنات السعد الفصل الثالث و العشرون 23 - بقلم نورهان ثروت

 

 رواية بنات السعد الفصل الثالث و العشرون 23 - بقلم نورهان ثروت 

 فى مكتب يحيي جلس امام فتاة نظر لها بقلق وقال:جميله تتجوزيني

ابتسمت جميله وقالت بهدوء:موافقة بس بشرط

نظر لها يحيي بصدمه وقال:بسرعه دي وافقتي ودا شرط اي

ابتسمت جميله بسخريه وقالت:معروف انت عايز تتجوز عشان حد يربي اليس معاك انا موافقه بس الشرط اني تكتب ليا شيك على بيض هكتب فى الرقم اللي انا عايزه ودا هيكون حقي عشان لو طلقتني اكون واثقه ان حقي معايا ولا انت اي رايك

نهض يحيي وقال وهو يسير تجاه الباب:راي ان اسف عشان طلبت من واحده زيك اننا نتجوز انا عارف اربي اليس كويس اووي خليكي انتي بعيد عن كل دا حقك عليا اني طلبت الطلب دا منكى نورتيني علاقة الصداقه اللي بينا انتهت هنا ياجميله انا لو شوفتك فى مكان جنبي او بس حاولتي تكلميني هيكون ليا رد فعل مش هيعجبك اتفضلي و

قطع حديثه جميله وهي تقول بتوتر:يحيي انت صدقت انا كنت بهزار انت عارف اني بحب اهزار معاك

نظر لها يحيي بغضب وقال:اتفضلي بره انا مش هكرر كلامي تاني لو فضلتي كده كتير هطلب الامن ليكي

غادرت جميله المكتب وهي تمتمت بغضب ابتسم يحيي بسخريه عليها ثم جلس على اقرب كرسي وقال بتعب:هعمل اي يارب صبرني ساعدني يارب

نظر لهاتفه ثم جذبه وضغطت عددت ارقام وقال:الو سليا

سليا بستغراب:حضرتك بتكلمني دلوقتي ليه فى حاجه اليس كويسه

يحيي بهدوء:متقلقيش هي كويسه سليا انا فى الشركه عايز اعرف ملف شركه ***فين

سليا :فى مكتبي فى الدرج اليمين اول درج لو حضرتك عايز اي حاجه تانيه اتصل بيا

يحيي بتعب:ماشي سليا بكره تعالي بدري عايز اتكلم معاكي فى موضوع تصبحي على خير

……………..

فى صباح يوم جديد استيقظت سمر على صوت فتاه تقف بجانبها وتقول بضيق:انجزي يابت كل دا نوم المحاضره هتبداء وانتي لسه نايمه

سمر بنعاس:سبيني عايزه انام مش شايفه قدامي

جذبت الفتاه يديها وقالت :يلا يابت دكتور فارس لو دخل قبلنا هيبهدلنا

نهضت سمر وهي تنظر حوالها بتعب قالت :احنا فين انتي مين

نظرت لها الفتاه بصدمه وقالت:سمر فوقي انا دنيا صاحبتك وانتي فى الاكاديميه قومي بقي خلينا نروح المحاضره

اؤمات لها سمر بتفهم وقالت:يلا ساعديني اقوم حرفيا مش شايفه قدامي

ساعدتها دنيا وقالت بضيق:انجزي انا هروح المحاضره واحجز ليكي مكان تعالي بسرعه

اؤمات لها سمر بتفهم وقالت :ماشي انا خمس دقايق وهكون عندك سلام

……….

واقفت سليا امام مكتب يحيي نظرت لقهوه بين يدها وقالت وهي تحدث نفسها:يارب المره دي تكون حلوه انا كرهت القهوه على ايده

دقة الباب دخلت وهي تقول بهدوء:احله قهوه يارب تعجبك عشان انا تعبت من القهوه

ابتسم يحيي بتعب وقال :كويس حتي لو وحشه هشربها انا منامتش من امبارح مش شايف قدامي

نظرت له سليا بستغراب وقالت:خير حضرتك كويس

اؤما لها يحيي بنعم وقال:حطي القهوه واقاعدي انا محتاج اتكلم معاكي

وضعت سليا القهوه على المنضددة ثم جلست امام يحيي وقالت بقلق:خير فى حاجه

تنهد يحيي بتعب وقال:تعبت عايز اتكلم معاكي وعايز اقولك على حاجه بتمني انك توافقي مش عايزك تتكلمي دلوقتي اسمعيني مامت اليس بتعمل المستحيل عشان تاخد مني البنت حتي انها عملت ليا محضر اني منع انها تشوف اليس وكمان ان بجيب بنات البيت

نظرت له سليا بصدمه وقالت:هي تقصد بالبنات دي انا صح

نفى يحيي وقال بضيق:واحده انتي والباقي حتي بنات معرفهش انا مش عارف مين دول اصلا المهم محمد ظابط صاحبي كلمني وقالي اخرج من الموضوع دا ازاي وقالي على حل لموضوع دا ان اتجوز وان لما اقف فى المحكه اليس تقول انها عايزه تعيش معايا وان كده مراتي هتهتم بيها وهتكون مركزه معاها والمهم ان هنا اليس موافقه تعيش معايا بس و

قطع حديث يحيي سليا وهي تقول بستغراب:حضرتك بتقولي ليه الكلام دا كله انا مالي

نظر لها يحيي وقال بتوتر:اصلا بصي انا عايزك تسمعي كل كلامي وبعدها هقولك بقول كل دا ليه المهم انا فعلا كلمت واحده صاحبتي كنت فاكر انها جدعه وهتساعدني بس اللي حصل انها طلبت مني فلوس مقابل دا انا رفضت وطردتها لان لو هي بداتها كده انا متاكد انها ممكن تعمل حاجه فى البت او متركزش معاها اصلا ثم قال بجديه عشان كده انا عايز اطلب منكى انتي الطلب دا مستحيل القي حد يحب اليس زيك سليا تتجوزيني بس قبل ما تقولي اه او لا سليا انا مش بس بقولك كده عشان موضوع اليس انا كمان معجب بيكي والصراحه كده معرفش اي مخليني مشدود ليكي بس اللي اعرفوا ان انا نفسي توافقي والله مش بقول كده عشان توافقي لا براحتك انتي فكري وانا مش هضايق

نظرت سليا ليحيي بصدمه تشعر انها فى حلم غريب الشخص الذي كانت تتمني ان ينظر لها يخبرها انه معجب بها ظلت سليا تنظر له حاولت ان تتحدث لكن لا يوجود حديث يشرح ما بداخلها تشعر انها تائهة بين هل تصدق حديثه اما لا فاقت من شرودها على صوت يحيي ووهو يقول بقلق:سليا انتي كويسه انتي معايا

اؤمات له سليا بنعم تنهد يحيي براحه وقال :الحمدلله بصي عارفه انك مش قادره تتكلمي دلوقتي بصي خدي انهارده وبكره اجازه وقوليلي رايك بعد اليومين دول يارب تكون الاجابه اللي نفسي اسمعها

اؤمات سليا بنعم وقالت بتوتر:صصح انا لازم اخد اجازه بعد اذنك هاخد حاجتي واروح

نهض يحيي واقترب منها وقال بقلق:تحبي اوصلك شكلك مش مركزه خليني امان اوصلك

نفت سليا وقالت وهي تبتعد عنه :لا لالا شكر انا هعرف اروح هاخد تاكسي من قدام الشركه و بيتي مش بعيد سلام عليكم

…………..

جلس هشام امام والده وقال:ياحج محمود شوف حل مع حج السعد انا عايز على الاقل ان نقاعد معاهم قاعدة الاتفاق مش ان افضل مستني ليوم الجمعه تكون سمر دي رجعت

ابتسم الحج محمود وقال:ياض في اي انت مش طبيعي ما تصبر شويه فرقت اي انهارده من الجمعه

نظر له هشام بغيظ وقال:لا فرقت دا انا عايز نعمل خطوبه وكتب كتاب

نظر له الحج محمود بتفكير وقال:طب بص انا موافق ان اكلم السعد بس هشام انت بجد بتحب البت انا مش عايز اكتشف بعدين ان دا مجرد اعجاب وهيروح انا مش مستعد اخسر السعد

نظر له هشام بغضب وقال :هو انا عيل عشان تقولي كده انا عارف كويس انا بحبها ولا لا ومتقلقش انا مش هعمل اي حاجه تضايقها وانا مش مستعد اخسرها ولا اخسر السعد

ابتسم الحج محمود وقال بحب:الحمدلله مش مصدق ان اخيرا هشوفك عريس ثم نظر امامه وقال السعد جاي اهو قوم انت ساعد الناس فى المحل وانا هتصرف

اقترب السعد وقال بصوت مرتفع:السلام عليكم ثم جلس بجانب الحج محمود وقال عامل اي

نظر له الحج محمود وقال:الحمدلله انت عامل اي قولي تشرب اي

جذب السعد كوبايه الشاي من امام الحج محمود وقال:انا هشرب الشاي بتاعك انت عارف دي عاده عندي ان اخد الشاي بتاعك

قهقهة محمود عليه وقال :عمرك ما هتتغير مع انك كبرت و

نظر له السعد بضيق وقال:اي كبرت دي دا انا لسه شباب المهم طمني علي هشام عامل اي

نظر الحج محمود لهشام الذي كان يقف قريب منهم يحاول ان يستمع لحديثهم ابتسم على تصرفاته ابنه وقال :هو كويس انت مش شايف واقف هناك هيموت ويعرف بنتكلم علي اي

ابتسم السعد وقال :تعرف انا مبسوط اصلا ان ابنك هياخد واحده من بناتي انا مطمن لان عارف تربيتك لابنك و

قطع حديثه محمود وهو يقول :كويس انك فتحت معايا الموضوع دا بص انا عايز اقولك ان ليه تخلي القاعده يوم الجمعه ما تخلي الاتفاق يكون فى اليومين دول والجمعه نقرآه الفاتحه

نظر له السعد بتفكير وقال:بص هشوفهم فى البيت واشوف برده راي ساندي انا ببقي عايز اخد رايهم على اقل حاجه المهم هرد عليك انهارده فى الموضوع دا ونشوف

نظر له محمود بهدوء وقال:فى حاجه تانيه عايز اقولك عليها الواد عايز الخطوبه تكون شبكه وكتب كتاب لان مش بيحب فكرت الخطوبه دي هو عايز يكون مكتوب كتابهم عشان يعرف يقاعد معاها او يخرجوا والجو دا ها اي رايك موافق

نظر السعد لهشام ثم نظر لمحمود وقال :بص انا عن نفسي موافق بس الراي الاول والاخير لساندي هي اللي هتقرار

…………

تجلس سمر وهي تنظر لفارس بشرود قالت وهي تحدث تفسها:وبعدين معاكي ياسمر هتفضلي على عشم انه يبص ليكي كده ابقي قابليني بس انا فى ايدي اي اعملوا حسه ان عايزه اعيط نفسي اروح اقوله ان تعبت من حبي ليك حسه ان الحب دا بقي بيخن*قني كل يوم

خرجت من شرودها على صوت فارس وهو يقول بصوت مرتفع:انتي ياأنسه سرحانه فى اي ركزي مع الشرح

نظرت سمر حوالها بخجل ثم قالت بصوت واطي:اسفه يادكتور مش هتتكرر تاني

جلست سمر وهي تنظر لفارس بغيظ وتقول بهمس:لو اطول اخنق*ك هعمل كده

نظرت لها دنيا بغضب وقالت بهمس:انتي مش هترتاحي غير لما يطردك

وضعت سمر يدها على فمها وقالت :اهو هسكت انتي مش هنطق

بعد مرور نصف ساعه شعرت سمر بشخص يجلس بجانبها نظرت سمر بجانبها وقالت برعب:عبير

ابتسمت عبير بسخريه وقالت:اه عبير اختارتي هتعملي اي

تجاهلت سمر حديثها نظرت امامها فتح عينيها على وسعها عندما شعرت با*لة حاده تضع بجانب خصرها وصوت عبير وهي تقول بغضب:مش انا اللي تتجاهليني اي حركه هتعمليها هعو*رك ومحدش هيعرف ان انا اللي عملت كده حتي لو اتعرف انا بعرف كويس اطلع من الحاجات دي ازاي

 

  •تابع الفصل التالي "رواية بنات السعد" اضغط على اسم الرواية