رواية اميرتي الصغيره الفصل الثامن والعشرون 28
ريم بزعل : ااه
مروان بغضب : وبتقوليلي عليه طيب ده انتي الي طيبة .. احكيلي عمل فيكي كده ليه
ريم حكت ليه كل حاجة
مروان بغضب وغيظ : انتي عرفة انا لولا انك جوا كنت مسكتك مسحت بو*شك الارض يا مهزقة
ريم بزعل و مطت شفايفها : ليه انا عملت ايه
مروان بغضب : يعني يضر*بك و يديكي علقة مو*ت و يقولك بعدها اسف تروحي مسامحا يا مهزقة يالي معندك د*م و كمان خلي قرايبه يضحكوا عليكي وانتي عاادي خاالص كده ورحتي مسامحا ده هبل ده مش طيبة ابو *شكلك مهزقة يا عبيطة يا هبلة
ريم بدموع : تصدق صعبت عليا نفسي اهي اهي
مروان : انتي قولتلي اول مرة هربتي ضر*بك بالقلم و دلوقتي ضر*بك قلمين و كمل طحن فيكي يعني قدام كده بقا احتمل لو اتعصب يمو*تك عادي
ريم بخوف ودموع : طب اعمل ايه و اهلي نسيوني يا مروان و مش بيسالوا عليا اعمل ايه اهي اهي
مروان : انا هخليكي تهربي
ريم بخوف : لا لا هيجبني و يمو*تني مش عايزة اضر*ب تاني اهي اهي
مروان : يا بت اجمدي كده مش ايه حاجة تقعدي تنوحي و تعيطي
ريم بدموع وشهقات : انا .. انا عيوطة انا بخاف من خيالي اعمل ايه اطلع ارمي نفسي من البلاكونة
مروان : بس يا حمارة متخفيش انا بكره هجيلك و اشوف هنهرب ازي
ريم : طب مانا اقعد وخلاص هو قالي انه مش هيعملي حاجة و هو طيب اووي واللهي بس لما بيتعصب بيبقا وحش
مروان بغضب : لسه بتقول طيب هتولي شعرها البت دي
ريم : طب اعمل
مروان : انا خلاص هخدك بكره مش هسيبك مع الحيوان ده
ريم بغضب : متشتمهوش
مروان بغضب : عليا نعمة مهزقة .. بكره الساعة ٩ بليل هديكي منوم تحطهوله في القهوة بتاعته او العصير بتاعه و هو هينام كتير و انا اكون اخدتك في حتة امان مش هيعرف يجيبك منها
ريم : طيب سلام بقا لحد يشوفك
مروان : خلي بالك من نفسك سلام
ومشي و ريم طلعت فوق تاني و بتفكر تمشي ولا لا و كانت بتقول في نفسها : طب ماهو كلام مروان صح برضو و كمان انا مش عايزة اقعد هنا انا وحشني البيت بس انا برضو مش هضحك علي نفسي هو هايوحشني و اووي كمان انا اتعلقت بيه و بعدت كل الافكار دي عن دمغها و شغلة التلفزيون وجابت كرتون و فضلت تتفرج عليه لحد ما نامت
وجه الليل و كنان رجع و هو تعبان لان كان في شغل متركم عليه و فضل يشتغل لحد مخلصه .. دخل الاوضة و ريم كانت نايمة و الكرتون شغال كنان ابتسم و خلع الجكت البدلة علي الارض و شال ريم و حطها علي رجاله وحضنها و بيمسح علي ضهرها بحب و حنان و ريم صحيت علي حركته دي
كنان بص لها ببتسامة : وحشتيني اووووي يا غيبوبة
ريم ببتسامة : انت جيت من بدري
كنان : لا لسه جاي حالا
ريم حضنته و كنان بدلها الحضن وفضلوا كده لحد م ناموا
وجه يوم جديد
ومفيش اي حاجة اتغيرت نفس كل حاجة لحد مالليل جه والساعة بقت ٩
ريم بصت علي كنان لقته كان مشغول بالاب توب و بيشتغل ريم اتسحبت وبتفتح الباب
كنان من غير مايبص عليها و مديها ضهره وبيشتغل عادي قال : علي فين
ريم بتوتر و ركبها بقت تخبط في بعض : ها .. انا .. انا هنزل اجيب ميا
كنان بص ليها و هو شكك من طريقة كلامها و رفع حجبه : ماشي روحي بس متعواقيش
ريم بتوتر : اه .. انا هشرب واطلع علي طول
ونزلت و هي بتتنفس بصعوبة و راحت الجنينة و بصت من فتحتة الباب
مروان جه فاجاة وخضها
ريم بخوف : اعاا يا زفت يا مروان منك لله انا ناقصة
مروان بضحك : ههههه احسن … خدي اهو المنوم اهو حطي واحدة منه و دوبيها كويس و ادهاله يشربها
ريم بخوف : لا خلاص مش هامشي
مروان بحدة : احنا هنهزر خدي بلاش الطيبة قلبك دي الي موديكي في دهية
ريم اخدته و مشيت ودخلت المطبخ جابت العصير و حتط المنوم فيه و طلعة لكنان و بتقدم رجل وبتاخر التانية و لحد موصلت الجناح و وقفت و
ريم وقفت و اخدت نفس وبعدها دخلت
كنان : ايه ده يا ريم كل ده بتشربي ده انا كانت هنزل اشوفك
ريم بتوتر : اه .. ما انا .. كانت بعملك عصير
كنان باستغراب : ده ليه بقا ومن امتي الحنية الي نزلت عليكي دي
ريم بتوتر : عشا .. عشان تعرف تذاكرلي
كنان : وكمان عايزة تذكري ده كده مش معقول ده اكيد حصل حاجة في الدنيا …. ريم عايزة تذاكر !
ريم : اه عادي يعني
كنان حس انها خايفة و مش علي بعضها وقال : طب تعالي يا ريم
ريم قربت منه و هو خد منها كباية العصير و حطها علي الطربيزة و شد ريم وبقت في حضنه
ريم بتوتر اكتر : انت .. انت بتعمل ايه
كنان يحب : هو انا يعني مش عرفك .. مالك يا بطتي
ريم : ها .. انا .. لا انا كويسة مفيش حاجة
كنان بيتبطب علي ضهرها بحنان : لا في انتي مش شايفة نفسك ولا ايه
ريم بدات تخاف : لا انا كويسة واللهي
كنان بلوم : ماشي يا ريم مش انا قولتلك نبقي صحاب و تقوليلي علي كل حاجة خايفة مني ليه دلوقتي و بصي انتي اديكي متلاجة ازي وبتقوليلي كويس لا انا زعلان منك يا بطتي
ريم قامت من حضنه وقالت : قولتلك كويسة و انا لو في حاجة هاجي اقولهلك ما انا مش هاخبي عليك حاجة
كنان بهدوء ما قبل العاصفة : قومتي ليه
ريم بخوف : ع .. عادي
كنان قام بغضب و قال بصوت عالي افزعها : انتي مش علي بعضك و عاملة تلفي و دوري في اايه فاااهميني خايفة مني ليه دلوقتي عاملة تترعشي قولي في اايه عشان لو عرفت انا مش هيبقي لوشك ملامح
ريم بصتله شوية وانفجرت في العياط و بتدعك عنيها بطفولة
كنان بنفاذ صبر : اهو ده الي انتي فالحة في اكلمك تقومي معيطة
ريم بدموع : انا معملتش حاجة عشان تزعقلي كده اهي اهي
كنان حضنها تاني وقال : اهدي طيب
ريم وهي حطة راسها علي كتفه : يا كنان
كنان بحب : قلبه
ريم : انا اسفة
كنان باستغراب : علي ايه يا حببتي
ريم اتوترت و خدت بالها هي بتقول ايه و قالت بسرعة : عش .. عشان انا عصبتك
كنان بحب : انتي من نحية عصبتيني فا انتي فعلا عصبتيني
ريم بتوتر : مش هنذاكر
كنان بحب : تعالي يا قلبي نذاكر
ريم : اشرب العصير الي انا جبتهولك
كنان : حاضر يا روحي
وقبل ما يشرب العصير قال : ااه يا ريم …. معلش يا حببتي ممكن تنزلي تجيبي الدفتر من المكتب تحت عشان نسيته
ريم : حاضر .. بس تشرب العصير ماشي
كنان : ماشي .. يلا بقا انزلي
ريم نزلت تجيب الدفتر و شوية طلعت و قعدة جنب كنان و كان شرب العصير كله ريم كانت زعلانة و كمان مش عايزة تسيبه
كنان مسك دماغه فاجاة
ريم بخوف : مالك يا كنان
كنان : ااه مش عارف حسس اني دايخ و ..
مكملش كلامه ووقع علي الارض
ريم بدموع : كنااان احيه انت مو*ت ولا ايه
وحط ودنها علي قلبه لقته بيضق عادي ريم نزلت جري علي تحت و راحت الجنينة عند مروان
مروان : اووف يا ريم كل ده
ريم بدموع : هو وقع علي .. علي الارض فاجاة انا خايفة عليه
مروان : هو نايم متخفيش كام ساعة و ها يصحي .. يلا بقا نطي بسرعة
ريم بغضب : لا مش هسيبه و هاقعد معه عشان صعب عليا وانت افكرك سم و مش هروح معك
مروان بغضب : استني هنا عايزة تروحي للراجل الي ضر*بك عايزة تروحي للراجل الي خلكي تبعدي عن اهلك عايزة ترجعيله و تسبيني تعالي معيا يلا يا ريم عشان نرجع تاني زي زمان و نقعد سوا زي زمان و ترجعي لاهلك يا ريم يلا بالله عليكي
ريم عملت زي المرة الي فاتت و نتط من فوق السور ونزلت
ريم : طب انت هتوديني فين
مروان : في شقة كانا بنقعد فيها انا و بابا عشان كانت قريبة من الشغل القديم تبعه دلوقتي مبقناش نروحها
ريم : لا متسبنيش فيها وتمشي عشان بخاف
مروان : ما احنا هنروح علي هناك وانا اتصل با ماما مريم اقولها انك هناك وهي تبقي تجيلك و تفهيميها بقا علي روقة وتقليلها انك مظلومة
ريم فرحت انها هتقابل امها و تشوفها عشان هي وحشتها اوي و كمان تشرحلها الي حصل بس برضو كانت زعلانة علي كنان
و بعد شوية عربية ضخمة باللون الاسود وقفتهم وكان معها عربية تانية بنفس اللون بس عادية مش ضخمة و بعدها نزلوا تلات رجالة من العربية الضخمة و الصدمة بقا كنان نزل من العربية التانية ريم فتحت بوقها و مش مصدقة وثواني وبصت لمروان
ريم وهي بتضرب في مروان : قطيعة تقطعك يا بعيد منوم ده ولا بنبوني همو*ت يالي يجيب ويحط عليك يا شيخ !
يتبع…..
استوني جزء 29
•تابع الفصل التالي "رواية اميرتي الصغيره" اضغط على اسم الرواية