رواية موضوع عائلي الفصل التاسع عشر 19 - بقلم رحاب القاضي

 رواية موضوع عائلي الفصل التاسع عشر

موضوع_عائلي

الحلقه التاسعه عشر

ـــــــــــــــــــــــــــــ 

هاجر

اممم سمعاك اتكلم.. 

محمد 

طيب اهدي الاول وانا هقولك، واصلا هي حاجه عاديه بالنسبه لاي حد. طبيعي.. 

هاجر بحده 

قصدك ايه بقي اني مش طبيعيه مجنونه انا بقي.. 

محمد

تعرفي الزوجه العاقله اللي ربنا يرضي عنها ما تعليش صوتها علي جوزها.. 

هاجر مسكته من هدومه وقالت

انطق ياااه بدل ما اشوقك نصين.. 

محمد بخوف قالها

البنت اللي كلمتني قبل كده كلمتني تاني من فتره.. 

هاجر ببكاء

خلفت منها كام عيل قووول كنت بتروحلها امتي ما تخبيش عليا.. 

محمد 

خلصتي الفيلم اللي في دماغك ولا في مشاهد تانيه

هاجر بحده 

اتفضل كمل كلمتك ليه، وليه ما قولتليش؟.. 

محمد

ما قولتلكيش عشان كنتي هتدايقتي وبعدين البنت محترمه جدا ومتربيه اوووي، وهي كلمتني في شغل.. 

هاجر بغيظ 

شغل ايه اتكلم علي طول؟.. 

محمد 

خالها عنده قناه علي التلفزيون بتاعت برامج ترفيهيه وكده وهي عرضت فديوهاتي اللي بعملها علي اليوتيوب والفيس والتليجرام علي خالها وقالتلي اني ممكن اقدم برنامج تلفزيوني هناك واقدم نصايحي الدينيه دي ومعلومات عن الشريعه والحاجات اللي كنت بدرسها ومازلت بدرسها للناس كلها.. 

هاجر

اممم يعني هتتنجم وتطلع علي التلفزيون والفضل للهانم،وهتبقي مشهور ومش هتشوفني قولي بقي اختارت مين لميس ولا مني؟... 

محمد بعدم فهم 

مين دول؟.. 

هاجر بغيظ

لميس الحديدي ومني الشاذلي... 

ضحك محمد وقال

ده بدل ما تفرحيلي يا هاجر.. 

هاجر بضيق

لا ازاي انا طبعا فرحنالك بس انت ليه خبيت عليا؟.. 

محمد 

انا ما قولتش لحد اصلا لحد دلوقتي الموضوع بيني وبينها وبين خالها ولما يتم كنت هقول، بس انت خدتي بالك.. 

هاجر بسخريه

يا سلام كمان لولا اني اخدت بالي ما كنتش هتقول معلش اسفه علي التطفل واني اتدخلت في خصوصياتك.. 

محمد بحده 

انتي ليه فهمتيها كده يا هاجر انا بس ما حبتش احكي غير لما اكون متأكد... 

هاجر بحزن

براحتك اصلا عادي تصبح علي خير.... 

_ سابته هاجر وراحت نامت ومحمد قرب منها وقالها.. 

محمد

انا اسف طيب ما تزعليش.. 

هاجر

قولتلك عايزه انااام.. 

محمد بخبث

وانا مش عايز انام، ما تيجي نطلع شقتنا.. 

هاجر قعدت وقالتله

هنعمل ايه في شقتنا هنام علي الارض.. 

محمد ابتسم وقال

وماله منها واليها نعود.، وبعدين لو موضوع البرنامج ده اتظبط اول حاجه هعملها اني هسيب الحته  دي واخد شقتين جنب بعض انا وانتي شقه وامي ومازن في شقه.. 

هاجر 

لا يعني ليه نمشي طيب ما تكبر البيت وتظبطه هنا... 

محمد 

هنبقي نيجي بس حتي لو خليته قصر هيكون مكانه فين في حاره، وانا هبقي حد مشهور.. 

هاجر

هو انت معاك حق انا فهماك بس لو طنط هناء رفضت؟... 

محمد اتنهد وقال

من لوقتها يعدلها ربنا، ايه بقي مش هنطلع فوق.. 

هاجر بحده. 

لما تبقي تغير الباسورد وترجعه زي الاول، واطفي النور ده ونام.. 

محمد بغيظ. 

نامت عليكي حيطه يا شيخه.. 

ـــــــــــــــــــــــــــــ 

_وفي بيت حامد

 كان قاعد مع بطه وقالها بحده... 

حامد

هو انتي فاكراني ايه ده انا حامد الصاوي يا بطه.. 

بطه بجديه 

وانا تربية حامد. الصاوي ومش بعمل حاجه غلط واخياري ليوسف مش غلط.. 

حامد ابتسم وقالها

انتي مش تربيتي وبس انتي بنتي يا بطه.، وعشان كده هقولك بلاش تبصي لتحت عشان لا انا هرضي بيوسف ولا امك... 

بطه بدموع

ليه كده بس هو يوسف وحش يعني، ده متعلم واخلاقه الحته كلها بتشهد بيها و.. 

حامد 

ومش لاقي ياكل ولولا ان يونس واقف جنبه كان زمانه بيشحت هو واهله.. 

بطه بحزن 

هو ذنبه ايه في ظروفه ابوه مات وسابله اربع بنات اخواته كان يتخلي عنهم يعني.. 

حامد 

ما قولتش كده بس هو ياخد واحده في نفس ظروفه يكبرو سوا ويتحملو تعب الدنيا سوا.. 

بطه 

اومال انت جوزت يونس ليه شهد ما هي اقل مننا مادياً.. 

حامد 

لان هي الست ويونس هو الراجل وما فيش علاقه في الدنيا كان فيها الراجل اقل من الست ونجحت، خلاصة الكلام انا هكلم امك في موضوعك انتي ومازن وقريب اووي نفرح بيكم... 

_ قال حامد كلامه وسابها وطلع، وبطه فضلت قاااعده بتعيط ومش عارفه هتتصرف ازاي.. 

ـــــــــــــــــــــــــــــ 

_ وعدي يوم في التاني وفي الجامعه...

 كانت ولاء قاعده مدايقه ومعاها نسرين اللي قالتلها.. 

نسرين 

هو انتي خايفه لا مازن يشوفك وانتي قاعده معايا فيدايق؟ 

ولاء بضيق

لا ويشوفنا عادي يعني هو حر.. 

نسرين

اممم متخانق معاكي اوعي تقولي انك سمحتيله يمد ايده عليكي تاني... 

ولاء بحزن

خلاص يا نسرين لو سمحتي انا مش عايزه اتكلم واصلا جايه النهارده عشان عارفه انه مش هيجي وما عندوش محاضرات.. 

نسرين

وعليكي ايه في كل ده ما تسبيه، هو مش بيحبك.. 

ولاء بحده 

لا بيحبني بس مازن عصبي وبيغير بزياااده.. 

نسرين

ده بني ادم مريض ومش محترم واللي بيعمله فيكي ده قلة ثقه في نفسه قبل ما تكون فيكي.. 

_في الوقت ده قرب منهم علي زميل ولاء وقال بهدوء.... 

علي

ازيك يا ولاء عامله ايه؟.. 

ولاء

كويسه الحمد لله يا علي انت عامل ايه؟.. 

علي

تمام الحمدلله ممكن اتكلم معاكي شويه.. 

قامت نسرين وقالت

طيب اسيبكم انا لوحدكم وو.. 

علي 

لا لا خليكي قاعده معانا انا اصلا هحتاجك في الموضوع اللي انا جاي فيه.. 

قعدت نسيرن وقالت

اديني قعدت شكلنا هنشرب شربات قريب.. 

_بصتلها ولاء باحراج وعلي ابتسم وقعد معاهم وقال بهدوء.. 

علي

بصي بقي يا ولاء انا بابا طلب مني اني اروح واساعده في الشركه بتاعته واتدرب عشان امسك الشركه وانتي عارفه ان دي اخر سنه ليا في الجامعه.. 

ولاء

ايوه بجد ربنا يوفقك بس انا ايه علاقتي بـ الموضوع ده؟.. 

علي

انا جايلك في الكلام اهو انا هبقي هناك متدرب وهاخدك معايا بقي ونتدرب سوا.. 

ولاء

بس انا لسه في سنه تانيه و.. 

نسرين

يا بنتي طيب ما ده حلو جدا هتبقي عندك فرصه اكبر.. 

علي

وانا معاكي وهساعدك وده هيفيدك في الدراسه... 

ولاء بقلق

اا انا بجد مش عارفه اقولك ايه هو شكراً لاهتمامك بس بابا ممكن ما يوافقش... 

ابتسم علي وقالها

طيب ايه رئيك بقي اني روحت للاستاذ حمدي امبارح المعهد واستأذنته قبل ما اجي واتكلم معاكي.. 

نسرين

وهي موافقه خلاص ما فيش حجه، وبما انك ابن ناس كده افتكرنا معاك.. 

علي 

ان شاء الله قريب، المهم يا ولاء هستني منك تاكدي عليا عشان نبدأ سوا.. 

ولاء

حاضر.. 

_ وقام علي مشي وولاء اتنهدت بضيق وقالتلها نسرين بسخريه... 

نسرين 

شايفه الناس المتربيه راح اخد الاذن من ابوكي الاول قبل ما يكلمك، مش استغل طيبتك وضحك عليكي.. 

ولاء

مازن ما ضحكش عليا بيا نسرين هو بس كان خايف اني ابعد عنه.. 

نسرين بسخريه

يا حنين، علي العموم انتي لازم تسمعي كلام علي دي حاجه هتفيدك في دراستك وبعد التخرج ياريت الاقي فرصه زي كده.. 

ولاء بضيق

مازن لو عرف مش هيوافق.. 

نسرين بغيظ

ما يتحرق مازن بصي لمستقبلك لو سمحتي.. 

ولاء

طيب هقوله الاول براحتك وبرضو عشان ما يعرفش من غيري... 

نسرين 

بعون الله ما حدش هيخرب العلاقه دي غيري.. 

ـــــــــــــــــــــــــــــ

_ وفي بيت حامد الصاوي، وفي شقة يونس.. 

كانت شهد واقفه في المطبخ ومعاها بطه اللي مدايقه جدا وقالتلها... 

بطه 

هاا هتكلمي يونس.. 

شهد 

حاضر يا بطه والله هكلمه واقوله كل اللي انتي عايزاه،بس انتي اهدي كده وبعدين ما حدش هيقدر يغصبك علي حاجه.. 

بطه بدموع

مل انتي مش مكاني فبتقولي كده.. 

شهد بسخريه

طيب تصدقي ان انا اتجوزت اخوكي غصب وما كنتش موافقه بيه.. 

بطه بحده

نعممم نعممم يا اختي هو انتي كنتي تطولي تتجوزي المعلم يونس.. 

شهد 

بقي كده طيب قوليلو لوحدك بقي اللي عايزاه.. 

بطه 

بهزر يا شوشو هو كان يطول يتجوز واحده بحلاوتك وشعرك الطويل ده الغمزات دي.. 

شهد حطت الاكل علي الصنيه وقالت

طيب تعالي ندخل عنده جوه عشان يتغدي.. 

بطه 

لا انتي روحي وانا نازله وقوليلو اللي قولتلك عليه انا لو ما اتجوزتش يوسف هموتلكم نفسي.. 

شهد 

ياربي بطلي كلامك ده حرااام يا بطه، وانا قولتلك هقوله.. 

بطه بحزن

ماشي يا شهد هنزل انا بقي.. 

_ ومشيت بطه وشهد اخدت الاكل ودخلت عند يونس اللي كان بيتفرج علي التلفزيون وقالتله.. 

شهد

يلا يا يونس عشان تتغدي قبل ما تاخد العلاج.. 

يونس 

بطه فين؟.. 

شهد 

عملت معايا الاكل ونزلت تحت.. 

يونس بص للاكل وقالها

ايه ده فين الغدا.. 

شهد 

اهو عملالك شوربا ورز وفراخ.. 

يونس 

فين الفراخ انا مش شايف اي فرااخ.. 

شهد بقلق

سلامتك يا يونس ورك الفرخه اهوو.. 

يونس 

الله يهديكي يا شهد بطلي بخل وروحي هاتي باقي الفرخه.. 

ضحكت شهد وقالته 

ايوه نسيت انك بتحب تاكل كتير هجيبهالك.. 

_ وراحت شهد المطبخ وجات بسرعه وقالتله وهو بيقلب في التلفزيون.. 

شهد 

ارجع علي عبد الحليم بسرعه.. 

يونس

بالراحه طيب اهو عبد الحليم... 

_ شهد حطتله الاكل قداامه ومسكت الريموت وعلت الاغنيه وفضلت باصه علي التلفزيون وهي مبتسمه، ابتسم يونس لابتسامتها وقال.... 

يونس

بتحبي عبد الحليم اووي انتي علي كده؟.. 

شهد 

جدا ده انا لو هتمني حاجه في حياتي هي ان الزمن يرجع بيا لورا عشان اشوفه علي الحقيقه.. 

_ مسك يونس الريموت من ايدها وقفل التلفزيون خالص، وهي بصتله وهي مدايقه وقالت.. 

شهد 

ليه عملت كده انا بحب الفيلم ده اووي؟.. 

يونس بحده 

ما عنديش انا حريم تحب رجاله.. 

شهد 

بس ده عبد الحليم يعني.. 

يونس

راجل ولا ست عبد الحليم ده.. 

شهد 

هو انت بتغير من عبد الحليم ده ميت من زمان؟ 

يونس بجمود

اي راجل عنده دم لازم يغير علي اهل بيته من الهوا الطاير.. 

شهد 

اممم طيب هبقي اتفرج عليه لوحدي.. 

يونس بضيق

قومي اعملي شااي، وجهزيلي الحمام عشان تساعديني وانا باخد دوش.. 

فجأه وشها جاب الوان وقالت

انا؟! مستحيل طبعاً.. 

بصلها بطرف عينه وقالها

ليه لا هو مش انتي مراتي ولا اجيب حد. من الشارع يقوم بواجبك.. 

شهد قامت من جنبيه وقالت

ااا انت كلم يوسف ويجيلك.. 

يونس بحده 

انتي عبيطه يا بت انتي اكلم يوسف يجي يهبب ايه، اقوله تعالي ساعدني عشان مراتي بتتكسف.. 

اتوترت شهد ويونس قالها

يلااا يا شهد.. 

شهد بقلق

يلا ايه؟.. 

يونس 

اعملي شاي وجهزي الحمام.. 

_ زاد كسوفها اضعاف وطلعت بسرعه من عنده، وهو ضحك بهدوء عليها وكمل اكله.. 

ـــــــــــــــــــــــــــــ 

_وفي المحل بتاع محمد كان قاعد. معاه مازن اللي كان بيبيع حاجات للناس وقال لمحمد اللي قاعد. علي المكتب جوه.. 

مازن 

هو انت ليه ما خلتش عبد الله يجي النهارده؟.. 

محمد 

عبد الله عنده جامعه وعنده ميد تيرم ولازم يذاكر.. 

_اخد. مازن الحساب من الراجل اللي قدامه وحطه في الدرج وراح قعد. قصاد محمد وقاله.. 

مازن 

يا سلام يعني انا اللي مش في الجامعه وعندي ميد تيرم مثلا... 

محمد بحده 

هو ممتاز وبيرتب علي دفعته بس مش لاقي وقت يذاكر فيه لانه بيعنل مصاريفه بنفسه، انما انت كل حاجه متوفرالك وبتسقط.. 

مازن بضيق

انت لسه زعلان مني؟.. 

محمد 

اسأل لنفسك السؤال ده، وهتعرف اجابته لما تعرف غلطك.. 

مازن 

انا ما غلطش انا بحب ولاء وسبق وقولتلكم اني عايز اتجوزها.. 

محمد 

يبقي كنت تصبر لما كل حاجه تبقي في النور مش تكدب عليها وتصحابها وتستغل مرضها عسان تقرب منها كل ده حرام واي حاجه بدايتها كانت حرام عمرها ما هتكمل ولا هتدوم... 

مازن بملل

سيبك. بس من حوار الدين ده وانا اا.. 

قاطعه محمد لما زعق فيه وقال

اخرس خالص قال سيبك من الدين هو احنا لازمتنا ايه اصلا من غير ما نطبق قواعد دينا وشريعتنا وارد نغلط بس لما نكون ما نعرفش الغلط ونتوب عنه لما نعرفه مش نبقي عارفين الغلط ومغمين عينينا ونكابر.. 

مازن بهدوء

طيب وانا هصلح الغلط اهو وهتجوزها، كلم بقي حماك وظبطلي الدنيا... 

محمد بسخريه

نفس الكلمتين اللي قولتهم لما كنت عايزني اجيبلك الموتسيكل وطلبت منك تنجح وقتها قولتلي هاتلي الموتسيكل وظبطلي الدنيا وانا هنجح.. 

مازن 

يعني انت مش موافق.. 

محمد

لا ولا اختها موافقه ولا هي لو عرفتك كويس وفي طبيعتها مش هتوافق بيك... 

مازن ضحك وقال

ههههه ولاء ما تقدرش تقولي لا، انت بس اقف جنبي وانا اللي هكلم الاستاذ حمدي تمام كده.. 

محمد بحده

اتخرج الاول بلاش تكسفنا قدام الراجل... 

_ ادايق مازن وقام وفضل يروق في المحل ومحمد بصله بحزن وهو زعلان علي حال اخوه..

ـــــــــــــــــــــــــــــ 

_في بيت عادل كان واقف في البلكونه ودخلت عنده مامته وقالتله بحده.. 

ام عادل

انت ناوي ترجع لطليقتك يا واد. انت.. 

عادل

ايوه بس ياريت ابوها يوافق.. 

ام عادل

يبقي كان لازمتها ايه رجوعك هنا من الاول.. 

عادل بضيق

الفلوس اللي معايا لما طلقت هبه فكرت اني خلاص هرجع ومعايا فلوس وهلاقي هاجر مستنياني..

ام عادل

واحد غيرك كان زمااانه فوق اووي وانت لسه بتجري ورا اللي تحت رجليك.. 

عادل وقف وقال

خلاص هرجع مراتي وهمشي من هنا ارتاحتي.. 

ام عادل

ايوه طول ما انت بعيد عن بنت فاطمه انا مرتاحه... 

_ دخل عا.دل اوضته ورد. علي كمال اللي كان بيرن عليه وقاله... 

عادل

في ايه. يا عم شغال زن زن فوق دماغي عايز ايه؟... 

كمال

تت تعالي بسرعه علي مخزن بتاعي هبعتلك. العنوان.. 

عادل

ليه يعني في ايه، وبعدين اللي اسمه. يونس بره المستشفي وانا مقلق اجي المنطقه بتاعتكم.. 

كمال

لازم تيجي بسرعه ولو تقدر تجيب علي هاته معاك... 

عادل

طيب بكره مش هاجي دلوقتس بكره بالليل اجيلك وهاتلي عنوان المخزن ده... 

كمال بصوت تعبان 

تمام وبرضو تعالي علي المخزن وهلعتلك العنوان.. 

_ قال كلامه وقفل معاه وراح نام... 

ـــــــــــــــــــــــــــــ 

_ و تاني يوم بعد العصر تحت بيت حامد الصاوي

كانت واقفه هناء ومعاها هاجر اللي قالتلها بقلق.. 

هاجر

انتي متاكده من اللي بنعمله ده انتي واقفه قدام بيت طليقك.. 

هناء

انا جايه ليونس وبعدين اهدي شويه من لما جيت واخدتك من المستشفي وانتي ما فيش علي لسانك غير الكلمتين دول.. 

هاجر

ما بصراحه خايفه وخايفه اكتر من محمد ابنك لما يعرف اني جيت هنا من وراااه... 

هناء

انا هبقي اقوله جيبتك غصب عنك يلا بينا بقي... 

_ وفي شقة يونس.. 

كانت شهد لسه نايمه جنب يونس اللي حاضنها بدراعه وافتكرت ليلتهم الاولي امبارح وانه اداييه كان لطيف وهادي معاها... 

جات تقوم بس هو قالها

ما لسه بدري كملي بحلقه فيا شويه كمان.. 

ابتسمت شهد وقالتله

لا عادي انا اصلا كنت سرحانه شويه ومش فيك ولا حاجه.. 

قربها يونس ليه اكتر وقالها

انتي حلوه اووي يا شهد.. 

شهد بكسوف

وايه الجديد انت علي طول بتقولي كده.. 

يونس

لا يعني لما بقولها بيكون قصدي اني شايفك احلي من المره اللي قبلها.. 

شهد بهدوء

هو انت ليه قربت مني كده ليه رجعتني ليك اصلا.. 

يونس 

عشان مراتي واظن ده حقي اني اقرب منك يعني... 

شهد بضيق

طيب وليه رجعتني ما انت ما كنتش مصدقني.. 

اتعدل يونس وقالها

هو احنا اللي هنقوله هنعيده تاني، جهزيلي غدا احنا داخلين علي العصر اهو بسرعه عشان عايز انزل... 

شهد 

تنزل ليه انت لسه تعبان.. 

غمزلها يونس وقال

مين. ده اللي تعبان يا شهد صباح الفل.. 

اتوترت شهد وقالتله

ااا دقيقه وهجهزلك الغدا... 

ـ وطلعت شهد وجهزت الغدا فعلا، وقبل ما يتغدو الباب خبط ويونس قالها... 

يونس

هروح انا افتح بعدين ايه البجامه اللي انتي لبسهالي دي ده انا حتي عريس.. 

قال كلامه ومشي من قدامها وشهد قالت

مالها البجامه مشكلته معاها ايه؟.. 

_وفتح يونس الباب ولما شاف هناء وهاجر قدامه قفل الباب تاني وهاجر قالت بصزت عالي.. 

هاجر

شايفه قلة الذوق طيب لو راجل افتح.. 

هناء 

اخرسي خالص وخبطي علي الباب تاني.. 

هاجر

بقولك ايه ما هو زي القرد اهو يلا نمشي.. 

فتحت شهد الباب وقالت باحراج

اهلا وسهلا اتفضلو... 

دخلت هناء ومعاها هاجر وقالت

يزيد فضلك يا حبيبتي اللي مش متربي جوزك فينه؟.. 

كتمت شهد ضحكتها وقالت

بيتغدا جوه اتفضلو نتغدا كلنا سوا... 

دخلو جوه ويونس كان بياكل وقال

خير جايين ليه؟.. 

هاجر بحده  

انا مش جيالك انت انا جايه لصحبتي، انما انت لو ايدك ورجلك ورقبتك اتكسرو والله ما هفكر حتي اقول ازيك.. 

شهد ضربتها علي ايدها وقالت

اتلمي بعد الشر عليه.. 

_بعتلها يونس بوسه في الهوا وهو مبتسم بعد ما دافعت عنه وهي اتكسفت وبصت للارض.. 

هاجر بسخريه

تعالي يا منحنحه عايزاكي في كلمتين جوه... 

_دخلت شهد مع هاجر جوه ويونس بص لهناء وقالها بجود.. 

يونس

خير جايه عايزه ايه؟.. 

هناء قعدت قدامه وقالتله

جايه اطمن علي ابني.. 

يونس بحده

ايااااكي تقولي عليا ابنك انا امي ماتت ومش ابن حد.. 

هناء بهدوء

ماشي جايه اطمن عليك عشان خاطر امك الله يرحمها حاجه تاني... 

يونس

كتر خيرك انا زي الفل وما فيش غير جرح بسيط في ايدي، اتفضلي بقي خدي مرات ابنك وامشي.. 

هناء

مرات ابني دي جايه لصحبتها وتبقي مرات اخوك عايز تطردني انا براحتك بس خليك محترم معاها دي زي اختك.. 

يونس بحده 

لا انا مش محترم وما فيش اوحش مني ما تتوقعيش بقي مني خير.. 

هناء ابتسمت وقالت

مين بس اللي قال كده ده لو الدنيا كلها قالت كده انا مش هشوف فيك غير الخير... 

يونس 

انتي مش اطمنتي عليا اتفضلي بقي من غير مطرود.. 

هناء

ابوك كلمني وو... 

_ الباب خبط في الوقت ده وقام يونس فتح الباب وكانت عظيمه اللي دخلت وقالت بعصبيه لهناء.. 

عظيمه 

شوف الست اللي ما عندهاش ريحة الدم، جايه تعملي ايه هنا يا وليه انتي؟.. 

حطت هناء رجل علي رجل وقالت

مين دي يا يونس الشغاله بتاعتكم.. 

يونس 

لا دي الست عظيمه مرات الحج حامد.. 

عظيمه 

يا اختي كانو بيقولو عليكي حلوه انا مش شايفه غير واحده ما تسواش ده طلع الحج كان ذوقه زي الزفت زمان في النسوان.. 

وقفت هناء قدامها وقالت بكل برود

بالظبط عشان ما نفعش معايا واتجوزك انتي... 

جه حامد في الوقت ده وقال

وانا اقول البيت منور ليه، والله زمن يا هناء.. 

هناء بصت بخبث لعظيمه وقالت

ده بنورك يا حج حامد، انا قولت بس اجي اطمن علي يونس، لو هتقل عليكم امشي.. 

حامد 

لا لا ما تقوليش كده ده احنا خلاص هنبقي نسايب.. 

هناء بعدم فهم 

نسايب ازاي يعني؟.. 

حامد قعد وحط رجل علي رجل قدامها وقال

هو مازن ما قالكيش اني ناوي اجوزو بطه بنت الست عظيمه.. 

هناء بصدمه

يا ابن الكلب يا مازن.. 

حامد 

نعممم؟؟... 

هناء

لا لا انا ما فيش بت يا هاجر.. 

_طلعت هاجر ومعاها شهد اللي كانت لابسه عبايه وحاطه حجابها عشان حامد اللي موجود وقالت هاجر وهي بتسلم علي حامد...  

هاجر

ازيك يا عمي اخبار حضرتك ايه؟.. 

حامد 

الحمد لله يا بنتي، اخبار حامد. الصغير ايه.. 

ابتسمت هاجر وقالت

كويس وزي الفل.. 

هناء بضيق

يلا بينا يا هاجر، وسلامتك مره تانيه يا يونس يا ابني.. 

_اتنهد يونس بضيق وهناء اخدت هاجر ومشيت وعظيمه زعقت في حامد وقالتله.. 

عظيمه 

هو انا مش قولتلك مش عايزه اجوز بنتي لابن هناء.. 

حامد

انا اتكلمت مع بطه والقرار ليا يا عظيمه ووطي صوتك.. 

عظيمه بحده

انا بنتي ما فيهاش غلطه عشان ترميها لابن هناء تطلع عينها، ولو كنت غصبت يونس علي الجواز فعشان يونس راح حب كلبه قبل كده وكنا بنصلحله حياته انما انت كده بتخرب حياة بنتي.. 

_بصت شهد بصدمه ليونس اللي اتنهد بضيق، وحامد قال بعصبيه.. 

حامد

عليا الطلاق بالتلاته لو اتكلمتي تاني في الموضوع ده يا عظيمه تبقي ولا تلزميني.، وبطه مش هتتجوز غير مازن ابني وهنا في البيت ده... 

_ قال كلامه ونزل وراحت وراااه عظيمه وهي متعصبه جداً، قفل يونس الباب وقال لشهد... 

يونس

انتي اكيد بصالي في اللقمه انا مش عارف اتغدي.. 

شهد بدموع

انت كنت مغصوب علي الجواز مني؟.. 

يونس بجمود

انا ما حدش يقدر يغصبني علي حاجه، كل الحكايه اني خليتهم يختارولي العروسه.. 

شهد بحزن

مين نور يا يونس؟.. 

يونس بحده 

انا مش قولت ما تجبيش سيرتها تاني.. 

شهد بحده 

لا. من حقي اعرف هي مين وفينها وايه اللي حصل... 

يونس بغضب

اظن اني عديت اللي حصل زمان معاكي وما فكرتش فيه تاني وانتي لسه مراتي لحد دلوقتي، يبقي مالكيش دعوه بالماضي بتاعي.. 

شهد بحزن

بس انا قولتلك كل حاجه وما خبتش عليك... 

يونس بسخريه

هو انتي كنتي تقدري تخبي اصلا.. 

دموعها نزلت وقالتله

معاك حق اصلا مش عايزه اعرف حاجه ما تخصنيش، بس انت ليه قررت انك هتكمل معايا ومش هتطلقني خايف من ابوك مش كده؟.. 

اتنهد بونس بغضب وحصل؟... 

_ تفتكرو هيحصل ايه؟ 

ـــــــــــــــــــــــــــــ 

_ في بيت الاستاذ حمدي.. 

كانت ولاء بتكلم مازن وقالتله علي اللي علي قاله وهو رد عليها وقال.. 

مازن 

وانتي ردك كان ايه عليه؟.. 

ولاء

ابدا بس قولتله اني ااا هقول لبابا... 

مازن بعصبيه

وتزعلي لما اتعصب عليكي ما رفضتيش ليه علي طول.. 

ولاء بضيق

يا مازن فكر فيها دي حاجه هتنفعني اووي في دراستي وفي شغلي بعد التخرج.. 

مازن بسخريه

ومين قالك انك هتستغلي اصلا بعد الجواز انتي ليكي البيت وبس هو انا ناقص مصايب عشان انزلك الشارع ولا نسيتي المرض اللي عندك.. 

ولاء بعصبيه

انت ليه بقيت كده اناني ومتحكم انا مش لعبه في ايدك تحركها زي ما انت عايز وهشتغل يا مازن ولو انت عندك مشكله فيا وفي مرضي يبقي ما تقربش مني تاني... 

مازن بحده 

طبعا حقك تقولي كده ما انتي لقيتي البديل.. 

ولاء ببكاء وعصبيه 

لا والله انت ليه بتتقولي كده انت ليه بتتعبني وبتخليني اتعصب واقول حاجات مش عايزه اقولها... 

مازن بحده

كل حاجه انت انت ما تبصي لتصرفاتك يا ولاء انتي فعلا مش كويسه وعكس ما عرفتك.. 

ولاء بحزن 

طيب انا اسفه والله ما اقصدش.. 

مازن 

اقفلي يا ولاء انا مش طايقك بجد... 

_ قفلت معاه ولاء وكانت مدايقه جدا وبتعيط، وفي الوقت ده وصلت هاجر وهناء بيتهم ولقيو شقة ريهام مفتوحه... 

هناء

ريهام انتي رجعتي امتي، ومشيتي ليه اصلا؟.. 

. 

ريهام بحده 

مشيت ليه، مشيت بسبب جوزك يا اختي بعد ما روحت استنجد بيه من ابنك بهدلني وضيع حقي.. 

هاجر

ممكن توطي صوتك وتتكلمي كويس.. 

حطت ريهام ايدها في نصها وقالت

بصي بقي انتي وهي عشان ما بقاش فيها حاجه تستخبي انا جايه اخد هدومي وحاجتي وماشيه والسبب في طلعتي من البيت ده مازن ابنك يا هناء.. 

هناء بقلق

ممم ماله مازن ابني هو عملك ايه ولا دحله ايه بيكي.؟... 

ريهام بخبث

فاكره يا ست الممرضه لما كنت جايه انزل الحمل عندكم في المستشفي اهو اللي في بطني ده كان ابن مازن.. 

_ اتصدمت هاجر وهناء اللي حطت ايدها علي قلبها ووقعت مغمي عليها وحصل؟.... 

ـــــــــــــــــــــــــــــ

_ وفي مخزن الحديدي.. 

دخل عادل والجو كان ضلمه جداً وقال عادل بقلق... 

عادل. 

انت فين يالا وجايبني ليه هنا، الواد علي قاعد في بيتهم خايف يطلع.. 

_وفجأه النور اتفتح واتصدم عادل لما لقي كمال متعلق من ايديه بسلسله حديد نازله من السقف ووشه كله، والصدمه الاكبر لما طلع من وراااه؟... 

_ تفتكرو مين اللي عمل كده في كمال؟ 

ـــــــــــــــــــــــــــــ 

  •تابع الفصل التالي "رواية موضوع عائلي" اضغط على اسم الرواية