رواية عشق الصقر الفصل الثاني 2 - بقلم سارة حسن
عند صقر في القاهره
يقف صقر بهيبته واهتمامه بعمله فالكل يعرف طبيعه صقر في العمل فهو صارم يكره الأخطاء
صقر.. كده تماما الأوراق خلصت فيه مشاكل تانيه
العامل. لاياصقر بيه كده تمام
صقر..طيب لوحصل حاجه كلم كريم وهو يتصرف
(كريم هو صديق صقر المقرب يعمل معه في الحسابات وتسليم الطلبيات للمصانع هو شخص مريح اصغر من صقر بسنوات قليله طويل صاحب بشره بيضاء وشعر اسود كثيف وملامح رجوليه هادئه)
ينصرف صقر عائدا الي البيت فمواعيد الغداء في بيت عتمان الجارحي صارمه.. يصدح صوت هاتف صقر
كريم بمرح.. ايه يابني انت لحقت تيجي علشان تمشي
صقر بهدؤه المعتاد.. خلصت اللي جاي عشانه وانت عارف اني مش بحب اقعد في المدينه كتير امال انا ممسكك الشغل فيها ليه
كريم.. طب كنت اقعد شويه ده انت واحشني
صقر بغضب مصطنع.. ايه واحشني دي انت بتكلم صاحبتك
كريم بعبث .. خلاص ياعم لا وحشتني ولا عايز اشوفك انا غلطان
صقر.. لو ماواركش حاجه تعالي فيه حسابات عايزك فيها
كريم.. هاشوف الشغل اللي عندي واكلمك… سلام
اما في البيت الكبير يصدح صوت
عتمان للخدم ..جهزوا جناح حفيدتي عايزه ماينقاصوش حاجه
الخدم.. حاضر ياحاج
رحيم. ايه الابتسامه دي يابوي
عتمان بأرتياح .. ايه حفيدتي راجعه وهاملي عيني منها مافرحش ولا ايه
رحيم بابتسامه. لايابوي افرح طبعا بس ايناس وسعاد قلقان منهم كل ماتيجي سيرتها وشهم يجيب الوان
عتمان بحده.. دي حفيدتي اللي اتحرمت منها عمرها كله وزي ماليهم في البيت ده ليها من ماتي الحريم عندنا بيمشونا علي مزاجهم
رحيم بحذر من انفعال عتمان.. انا ماجصدش يابوي انا بس خايف يضايقوها واحنا مانعرفش طباعها دي عاشت عمرها بره واول مره تيجي هنا خايف ماتطبعش بطبعنا بس انا اكيد فرحان دي بت اخوي ولحمي برضو
عتمان بحزم.. محدش هايضايقها وتتطبع بطبعنا واحده واحده انا ماصدقت انها جايه واعوض بيها فراق ولدي اللي كل يوم اقوول يارتني كنت وافقت علي جوازته بدل فراقه السنين دي كلها علشان اكده بته لازم تكون ف حضني في أمان دي بت الجارحي
ثم تابع وقول لمرتك توعي سعاد وبتها ان اللي هايدوس علي بت ابني علي طرف ياويله من غضبي
رحيم.. حاضر يابوي كل اللي انت عايزه هايحصل
اما علي الجانب الآخر من البيت.
ايناس بغضب.. شوفتي يامه جدي عمل اللي في دماغه وهايجبها برضو
سعاد.. جدك وعارفينه اللي عايزه بيعمله بس انا عايزاكي تسيبك منها وتخليكي مع صقر
ايناس . ازاي ماله صقر
سعاد بخبث.. يعني إحنا مش عارفيه اللي جايه من بلاد بره دي عامله ازاي يمكن تكون خوجايه تلف عليه وماتطوليش حاجه
ايناس بغضب.. ده انا اموتها مش كفايه خدت ابويا مني هاتاخد صقر كمان
سعاد.. ببقي ركزي معاه جري كلامه في اي حاجه
ايناس بخيبه امل.. مانا عملت كده كتييير وهو اللي يصدني وفي الاخر قالي انتي زي زهره
سعاد.. زهره ايه انتي تعملي اللي هاقولك عليه ماتبقيش خايبه زي امك
قاطعتها دخول امل
امل.. انزلي يا ايناس ساعدي زهره وام محروس في الغدا معاده قرب
خرجت ايناس والتفتت امل لسعاد هاتفه بحزم
وانتي ياسعاد ماتمليش دماغ البت من اختها
سعاد بحده. ايناس مالهاش اخوات وبلاش تكلمي في الموضوع ده ياامل علشان ما نزعلوش من بعض
امل بقله حيله في سرها ..ربنا يهديكي ياختي انا خايفه عليكي من غضب عمي ده بيحرق الاخضر واليابس
يمر الوقت وينتهي اليوم سريعا ويدخل صقر غرفته لينام شرد عقله في ابنته عمه هذه كيف تكون هل هي ستكون أجنبيه منفتحه صعبه الطباع وكيف شكلها فهو لم يراها ابده اخذ يفكر الي ان ذهب في سبات نوم عميق
يتبع….
- يتبع الفصل التالي اضغط على ( رواية عشق الصقر ) اسم الرواية