رواية احببت مجنونة الجزء الثالث (3) الفصل الحادي عشر 11 - بقلم نجمة براقة

 

 رواية احببت مجنونة الجزء الثالث (3) الفصل الحادي عشر 11 -  بقلم نجمة براقة

  شذا بتطلع ورا يوسف وهي متنرفزه وبتمسكه من ايده

شذا بنرفزه _ ياعم لو عندك مشكلة قولي اصل البرود ده مش طبيعي خالص

يوسف ببرود _ المشكله عندك انتي والحب مش بالعافية

شذا _ يعني قصدك ان انا مدلوقه وحضرتك مش شايفني

يوسف _ بظبط ولو كلمتي مين قدامي تاني ولااا هتفرقي معايا قد كده

شذا _ بجااااد، طيب يا يوسف هنشوف وسع كده … اه استني، خليك فاكر كلامك كويس علشان مترجعش تحمر في عنيك

يوسف_ هتعملي ايه يعني

شذا_ ملكش دعوه

يوسف بحده _ طيب علي الله اشوفك بتتمايصي مع محمود ده تاني هشيل ر.اسك من رقـ.بتك يا شذا

شذا _ ملكششش دعوه انا حره ياسيدي.. وبتمسك التليفون وتتصل بحد

يوسف _ هتكلمي مين

شذا _ اششش اسكت…. استاذ محمود عامل ايه….. ههههه وحشتك من اولها كده انت ملحقتش تعرفني…… ههههه لا عيب كده

يوسف يبصلها بغيظ ويحاول يمسك منها التليفون

شذا _ بس بس ابعد مش فضيالك خليني الاقي عريس علشان لما تطلقني

يوسف بانفعال_ هاتي الز.فت ده احسنلك

شذا تاخد التليفون وتجري علي الاوضه وتقفل علي نفسها ويوسف يخبط علي الباب بغيظ

يوسف_ افتحي احسنلك

شذا_ ههههه لا يا حوده جوزي مين انا مش متجوزه ده ابن اختي واد قليل الا.دب عاوز ياخد مني التليفون

يوسف_ طيب وحياة ا.مك لا اربيكي انتي وهو افتحي لا اكسـ.ر الباب

شذا_ ههههههههههههههه عيب كده يا محمود ميصحش خلينا نتجوز الاول، وفجاه الباب بيتفتح عليها وهي تشوف يوسف داخل عليها وعاوز يقـ.تلها وتنزل التليفون من علي ودنها وترجع للخلف وهي بتضحك

يوسف يقرب منها وهو بيجز على سنانه وعنيه بطلع شر.ار_ وقدامي كمان وحياااااات ا.مك ما انتي شايفة الشارع تاني ولا هتمسكي تليفون لغيت ما تغور.ي من هنا

شذا_ طيب وانت مالك مش لسه قايلي انك مش هيفرق معاك ولا ملكش كلمه انت

يوسف بغيظ _ انا راجل ومقبلش واحده تحمل اسمي تعمل كده حتى لو كانت ملهاش لازمه معايا زيك

شذا ببرود_ كدااااب انت كنت هتتشـ.ل علشان كلمت حوده

يوسف يمسكها من شعر.ها _ قولتلك متفرقيش معايا نهائي متحلميش حتي

شذا تحاول تفك ايده _ بردو كداب لو قولت ايه مش هصدقك

وسيب بقا

يوسف _ طيب هاتي التليفون اخلصي

شذا _ اهو سيب بقا

يوسف يسيبها و يفتح سجل المكالمات وميلقيش رقمه في الصادره ف يفهم انها بتكد.ب.. وبغيظ_ انتي بتضحكي عليه

شذا _ ههههه اه

يوسف بزهق_ ياااربي علي الورطه اللي انت فيها يا يوسف، يابنتي انا مخنو.ق منك علي كده متخنقـ.نيش اكتر بدال ما امو.تك

شذا _ طيب بس بقا علشان انت بتهيني كتير وانا مستحملاك علشان بحبك لكن انت متعرفنيش انا مليش عزيز وممكن في ثانيه امشي ولا يهمني

يوسف بتردد _ طيب وايه يعنى امشي ميهمنيش

شذا_ همشي

يوسف بتردد _ اه امشي عادي

شذا_ همشي يا يوسف

يوسف بلخبطه_ انا عارف انك مش هتمشي بس بتهددي لكن انا مش فارق معايا

شذا بجدية_ بتتكلم جد، يعني انا لو مشيت مش هتمسك فيه ولا هتزعل

يوسف بلخبطه_ ايوه

شذا عنيها تدمع وتروح على الدولاب تلم هدومها بسرعه وبدون ترتيب، وبعدين تلبس هدومها وتاخد صورة ليهم مع بعض، وهو واقف يبص عليها ومستصعب يقولها خليكي وبعدين بيسيبها ويروح اوضته ويوقف ورا الباب

يوسف _ هتمشي بجد؟!، اكيد مش هتعملها اكيد. وافرض عملتها دلوقتي، وفجاه بيقطع شروده صوت قفل الباب… بيفتح باب اوضته بسرعه ويطلع جري علشان يلحقها ويلاقيها لسه نازله علي السلم

يوسف_ شذا استني

شذا_ نعم عاوز ايه

يوسف بتردد_ اممم مينفعش تمشي دلوقتي خليها الصبح احسن

شذا _ ملكش دعوه يكش د.يب ياكولني

يوسف بلخبطه_ لا مممينفعش انتي مسؤليتي لو حصلك حآجه هتيجي في وشي

شذا بغيظ_ احسن يارب ياكو.لني قطر علشان ترو.ح في داهيه

يوسف _ ان شاءلله بس يلا ارجعي مينفعش تمشي دلوقتي

شذا_ ملكششش دعوه بيه

يوسف يمسك منها الشنطه وبحده_ بقولك ارجعي لحسن اضر.بك دلوقتي، والصبح امشي

شذا بغيظ_ دا انت معندكش قلب ياخي ايه القسو.ه دي، بقولك ايه ابعد عن وشي انا مش طايقه اشوفك

يوسف بز.عيق_ اخلصصصي مش هنتخا.نق على السلم.. دقيقة والاقيكي ورايا انتي فاهمه، وبياخد الشنطة ويدخل

شذا بابتسامة_ قليل الا.صل و وا.طي بس شهم.. وبتروح وراه

بعد ساعتين بيكون كل واحد في اوضته ويوسف بيفكر ازاي يمنعها تمشي من غير ما تحس انه عاوزاها معاه وبيقطع تفكيره صوت صر.ختها، بيقوم بسرعه ويروحلها يلاقيها بترتجف من الخوف، يقرب منها ويحط ايده عليها وهي تترمي في حضنه وتتمسك بيه باحكام

يوسف_ مالك

شذا ببكاء_ انا خايفه كل شويه اشوف حاجات معايا في الاوضه

يوسف بقلق _ حاجات ايه، مفيش حآجه

شذا ببكاء_ فييه انا حاسه بكده الاوضه دي مش طبيعي

يوسف يضمها باحكام محاولة منه لتهدأتها _ خلاص انتي نامى في اوضتي وانا.هنام هنا

شذا _ لا مينفعش انت ملكش ذنب تشوف الي بشوفه

يوسف بتردد _ فعلا عندك حق، ط طيب ايه رأيك تنامي معايا في اوضتي

شذا تبعد عنه _ نعم، انام معاك في اوضتك ازاي يعني

يوسف_ متخافيش انا هنام علي الكنبة

شذا _ طيب ماشي

يوسف يوقف ويمدلها ايده _ تعالي

شذا تبص لايده شويه وبعدين تمسكها وتروح معاه

يوسف_ يلا نامى انا صاحي عشان متقلقيش

شذا تمسك ايده وبتأمل في ملامحه _ انت عارف ان دي اخر ليلة ليه هنا

يوسف بلخبطه_ اه عارف

شذا_ ممكن طلب ومتكسفنيش

يوسف_ ايه

شذا بتردد _ نام معايا

يوسف _ ايه؟!

شذا _ مش هيحصل حآجه، نفسي بس انام جمبك مره واحده في حياتي

يوسف يحس انها طلبت منه اللي هو عاوزه، ويفرح من جواه لكن يمثل الا مبالاه وبتقل مصتنع_ ماشي زي ما تحبي،علشان متقوليش اني كنت و.حش معاكي، وبيقعد جمبها

شذا _ من اول ما جيت وانت وحش معايا ورغم كده حبيتك

يوسف بارتباك_ اه ما انا عارف، يلا نامى

شذا_ نام انت الاول

يوسف ينام ويحط ايديه تحت راسه ليتفاجاء بيها نامت في حضنه،

يوسف بتوتر وبدون ان يمنعها _ قومي مينفعش تنامي كده، لكن هي تضمه ومتردش عليه

يوسف _ شذا قومي

شذا_ اسكت يا يوسف خليني انام وتشد ايده وتحطها عليها وتتمسك بي التيشرت بتاعه

يوسف بتردد يحاول يضمها بس مش قادر

شذا تبصله_ ايدك بتترعش ليه، انت متردد تضمني ولا لا

يوسف _ اه

شذا بتأمل_ اضمك انا طيب، وتداري وشها في حضنه لتتسارع دقات قلبه ويحاول يبعدها بس مبيقدرش

وتعدي ساعه ويوسف متردد يضمها ولا لا، لغيت ما بيتغلب علي كبريائه ويضمها ويغفوا في نوم عميق الي ما بعد ظهر اليوم التالي

في محافظة الشرقيه، بيصل مراد ويروح لعنوان عمر لكن مبيلقيش حد في البيت، بيستنا شويه وبردو مفيش حد جه وفي الاخر بيركب عربيته ويمشي، وفي نقطه بتتقابل عربية عمر ب عربيته ولكن هو مش بيشوفها علي عكس شهد اللي قدرت تشوفه لثواني

شهد تحس بحاجه غريبه وانها شافته قبل كده وتبص للخلف

عبدالله_ مالك يا شهد

شهد _ مش عارفه بس حاسه اني اعرف صاحب العربيه دي كاني شفته قبل كده

عمر يوقف ويبص علي العربيه _ طيب ارجع ونساله ولا ايه

عبدالله_ اه بسرعه يمكن يطلع يعرفها

شهد_ لا ياعمر، افرض طلع ميعرفنيش

عمر يستدير بسياره ويرجع _ استنى بس، هنجرب وبيمشي ورا العربيه وأثناء ذلك عبدالله بيكتب نمرتها، وفجاه العربيه بتختفي وسط الزحمة

عمر _ اختفت فين دي

شهد_ مش مشكله يا عمر خلينا نرجع

عمر_ خساره كان ممكن نعرف اي حآجه عنك

عبدالله_ مش مشكله انا اخدت نمرة العربيه،وهنسال علي صاحبها

عمر _ الله ينور ياعمي احسن حآجه عملتها

شهد لنفسها_ ملامحه شكلها مش غريب عني، حاسه اني شفته قبل كده، ياترا انت مين وتكون ايه بنسبالي، ولا اكون انا غلطانه وعامله زي الغريق اللي بيتعلق بقشه

علي الجهه الاخري في عربية مراد

مراد لنفسه_ ولو هي هتعمل ايه،ما انت لازم تكون عارف ايه اللي هتعملو لو لقيتها، وياترا هقدر اقولها اني عرفت انها معملتش حآجه ولا لا ولما تسألني مين اللي عمل كده اقولها مين،،، ومستحيل بردو تعرف ان جودي هي اللي عملت كده، اوووف علي الحيره، لو مطلعتش هي هيكون احسن يارب ما تطلع هي

بيت انور

صبا ببكاء _ كفايه كده انا مش رايحة لدكاتره تاني

انور _ اهدي حبيبتي، خلاص متروحيش بس بطلي عياط

صبا ببكاء_ سامحني يا انور بس والله تعبت اوى، نفسيتي اتد.مرت من ان كل شويه يدوني امل ويطلع مفيش حآجه

انور يحضنها وبحب_ صبا انا مش عاوز غيرك وميفرقش معايا الاطفال كفاية عليه انتي وبس

صبا_ مينفعش اظلمـ.ك معايا، اتجوز يا انور

انور _ طيب اسكوتي طيب

صبا_ صدقني مش هزعل علشان خاطري اتجوز

انور بحده _ صباا اسكوتي بقولك

صبا بدموع_ انت مش ذنبك.حآجه علشان تقعد كده من غير اطفال دي مشكلتي انا لوحدي

انور_ مشكلتنا مع بعض، ولو الاطفال دول مش منك انا مش عاوزهم،وقفلي علي الموضوع ده عشان هزعل بجد

صبا _ العمر بيعدي ومحدش ضامن عمره، لو بتحبني وافق

انور بزهق _ صباا خلاص بقولك، يلا انا رايح الشغل

صبا _ ماشي بس فكر في الموضوع كويس علشان خاطري

انور _ قولت لا، يلا بقا عشان اتأخرت

صبا _ ماشي مع السلامه

بيمشي انور وهي تتصل بحد

صبا _ رفض، مفيش قدامنها غير الطريقه التانيه عشان يقتنع

بيت ياسين

ياسين بيروح عند ساميه يلاقيها نايمة لسه وجني عندها

ياسين _ كل ده نوم

جني _ صحيت وخدت الدوا ونامت تاني

ياسين _ ماشي، بس مفيش داعي تقعدي جمبها وتراعيها في غيرك كتير، متحملنيش جمايل

جني _ حآجه متخصكش

ياسين _ لا تخصني دي امي وانا اقدر ارعيها مفيش داعي تعملي انك خايفه عليها كلنا عارفين انك مبتحبهاش

جني بخنقه _ والله دي حآجه تخصني انا، وانا قولتلك طلقني انت مرضتش وجابرني اعيش مع دره ف ملكش دعوه بيه بعد كده

ياسين بحده _ ليه دعوه واحده زيك مضمنش ممكن تعمل في امي ايه

جني بوجع _ يعني انت قلقان علي امك مني

ياسين _ وانتي رايك ايه،، احس ازاي تجاه واحده خا.ينه زيك

جني بدموع _ زودتها اوي يا ياسين، انا همشي واعمل اللي انت عاوزه وبتيجي تمشي ف يوقفها

ياسين بحده _ قولتلك مش بمزاجك انتي مجبره تكملي والا سيرتك وسيرة اهلك هتكون علي كل لسان

جني باستحقار_ قولتلك اعمل اللي انت عاوزه، انا كنت قاعده عشان بحبك وحسيت انك هتصدقني في يوم بس طالما وصلت لكده ف خلاص مبقتش حآجه فارقه معايا، وبتشد ايدها منه وتمشي

ياسين _ انتي اللي اختارتي متبقيش تزعلي بقا

بيت يوسف

شذا بتصحا تلاقي نفسها نايمه في حضن يوسف وهو محاويطها بأيده،

وبعدين تبصله بتأمل، وتمشي ايدها علي وشه بحب

شذا بإبتسامة _ يوسف!

يوسف يبتدي يصحا وبدون تركيز_ ايوه حبيبتي

شذا بصدمه وبصوت عالي _ حبيبتتتك

يوسف يفزع _ ايه مالك

شذا بفرحه _ انت قولت حبيبتي

يوسف يقوم يقعد ويبعدها عنه_ غلطانه انا مقولتش كده

شذا _ قولت والله انا سمعتك

يوسف _ اكيد كنت بحلم ومش عارف بقول ايه

شذا بإبتسامة _ طيب ما دا خبر حلو بردو

يوسف _ انتي هبله؟

شذا _ انا بحبك.

يوسف _ لااا دا انتي ضاربه منك خالص، انتي ناسيه انك هتمشي النهارده باين

شذا _ امشي؟!

يوسف بلخبطه _ اه مش انتي قولتي هتمشي، ولا غيرتي رايك

شذا بتنهيده _ همشي

يوسف يقوم ومن جمبها _ براحتك بقا بس لو عاوزه تقعدي لبكره ماشي

شذا بوجع _ همشي النهارده

يوسف بلخبطه _ ماشي براحتك ويمشي ويسيبها ويروح الاوضه التانيه يلف حولين نفسه، وهو مش عارف يقولها ازاي خليكي لغيت ما بتجيله فكره

بعد ساعه شذا، بتمسك شنطتها وتتجه للباب وفجاه الباب بيخبط.

يوسف يطلع بسرعه وياخد الشنطة يدخلها جوه ويرجع تاني

شذا باستغراب _ اخدتها ليه

يوسف _ بابا ياستي اصر انه يجي يتغدا معانا مينفعش يجي يلاقيكي ماشيه

شذا بنرفزه_ وبعد وما يتغدا امشي في دا.هيه صح

يوسف بلخبطه _ بابا علي الباب بعدين نتكلم

شذا بنرفزه_ طيب روح افتح يا مادي يا انا.ني

يوسف_ اسكتي طيب وبيروح يفتح

سليم_ ساعه علشان تفتحو

يوسف_ اسف يا بابا بس كنت في الحمام

سليم_ وشذا مفتحتش ليه ولا هي كمان كانت في الحمام

شذا بإبتسامة_ نورت ياعمي، معلش كنت بطبخ

سليم_ والله يابنتي ما كان ليه لازمه تتعبي نفسك وتطبخي انا قولت ليوسف هتغدا في بيتنا وهو يقولي شذا مصره

يوسف يعض لسانه وبكسفه _ ههههه حبيبي دا بيتك،

شذا بإبتسامة_ اااه انا فعلا طلبت منه انك تيجي تتغدا معانا

يوسف بكسفه_ ماشى روحي كملي الاكل يلا اتفضل يا بابا

شذا بإبتسامة_ حاضر، ممكن تيجي بس تغير الامبوبه عشان خلصت ع الاكل

يوسف_ لا

سليم_ لا؟ امال عاوزها تغيرها هي اخلص روح غيرها

شذا بإبتسامة_ حبيبي ياعمي منحرمش من طيبة قلبك

يوسف باحراج_ ماشي انا هغيرها وانتي خليكي هنا مع بابا

شذا_ هو عمي غريب، اتفضل ياعمي انا هوريلو الدلبه والمفتاح اصله ميعرفش حآجه،

سليم_ ماشي حبيبتي، يلا روحو بسرعه علشان جوعت

شذا_ حالا، وبتمسك ايد يوسف وتدخل المطبخ، وتحطله ايدها في وسطها

يوسف يهرب من نظراتها وبلخبطه_ فين المفتاح

شذا تمد ايدها وتزنقه اهو المفتاح

يوسف_ طيب وسعي

شذا بإبتسامة_ انت عملت كده علشان ممشيش صح

يوسف بلخبطه_ لا خالص، انا بس بابا وحشني مش اكتر تقدري تمشي بعدين

شذا بإبتسامة_ يوسف

يوسف_ عاوزه ايه

شذا تبص في عنيه بتأمل_ انا بحبك والله بحبك يابني ادم

يوسف بلخبطه_ وانا اعملك ايه يعني

شذا _ تقول انك عاوزني عادي مفيش داعي للكبر دا كله صدقني مش هفهمك غلط ولا هحس انك ضعيف

يوسف_ لاا انتي زادت منك اوي كل ده علشان خليت بابا يجي يتغدا

شذا_ انا علي السبب اللي خلاك تعمل كده

يوسف _ مفيش اسباب و وسعي عشان نخلص

شذا بدموع_ ماشي اتفضل

يوسف يروح يغير الامبوبه ف يلاقيها لسه مليانه _ ماهي مليانه اغيرها ليه

شذا بدموع_ مكنتش اعرف خلاص تقدر تروح وانا هجهز

يوسف يقرب منها_ بتبكي ليه دلوقتي

شذا_ عشان غبيه

يوسف_ اه، طيب متبكيش

شذا بنرفزه ملكش دعوه وبتمسك السكـ.ينه وتبتدي تقطع خضار بسرعه

يوسف_ هتعور.ي نفسك براحه

شذا تكمل ومتردش عليه وتزيد سرعتها

يوسف_ شذا بقولك هتعو.ري نفسك كفايه كده

شذا من شدة الغيظ تحط السكينة علي صباعها وتجر.حو ويبتد.ي الدم ينزل بغزاره

يوسف بذهول _ انتي عملتي ايه، هاتي وبياخد منها السكـ.ين ويسد الدم بقميصه _ يخر.بيت جنانك دي حركه تعمليها

شذا تشد ايدها منه وبانفعال_ ملكش دعوه بيه انت فاهم، اطلع برا يلا، وتذق فيه للخارج

يوسف يرجع للخلف _ اهدي طيب بابا يقول ايه

شذا ببكاء وانفعال_ خليه يقول اللي عاوزه طالما معرفش يربي، وتذقه تاني بقوه لكن هو يمسك ايديها وبحده_ اهدي بقولك

شذا تشد في نفسها وببكاء_ مش ههدا وابعد عني بقا

يوسف يلاقيها بتبكي ومقهو.ره ف ينسا نفسه ويشدها لحضنه وهي تشد في نفسها عشان يسيبها

يوسف _ شذا خلاص انا اسف

شذا تسكن وببكاء_ كل شويه تسـ.م بدني وتحسسني اني تقيله عليك حتى لما عملت الحركه دي علشان اقعد بردو سمـ.يت بدني حرام عليك ياخي

يوسف يحط ايده علي وشها ويمسح دموعها وكلام بيطلع بصعوبه _ شذا انا….

شذا_ انت ايه

يوسف بدموع_ مش عاوزك تسبيني انا اتعودت علي وجودك معايا

شذا تبتسم وسط دموعها_ عاوزني اقعد علشان اتعودت بس

يوسف بتنهيده_ معرفش بس انا مش عاوزك تسيبيني بجد خليكي معايا

شذا بإبتسامة_ ماشي بس بشرط

يوسف_ شرط ايه

شذا بتأمل_ تنام معايا كل يوم

يوسف بلخبطه_ فهمتيني غلط

شذا_ فهماك ومش عاوزه اكتر من اني احس بالامان وانا جمبك،

يوسف _ هحاول

شذا_ عشان خاطري صدقني مش هسمح بأن حآجه تحصل

يوسف بتنهيده_ هتقدري

شذا _ ايوه

يوسف بحيره _ تمام ماشي

بعد الغدا شذا بتغسل الاطباق في المطبخ ويوسف بيعمل الشاي، وبعدين بتوصل رساله من شهد علي الواتس

شذا_ يوسف معلش شوف الرساله عشان ايدي مبلوله

يوسف_ ماشي، وبيمسك التليفون ويفتح الرساله للوهله الاولى مش بيركز في الصوره،،،

يوسف_ دي واحده اسمها شهد بتقولك هتيجي الاسبوع الجاي وعاوزه تقابلك عشان تديلك فلوسك،، وبيسيب التليفون، وبعدين ينتبه ويحس ان في حآجه غلط، بيرجع تاني يفتح الرساله ويدخل علي صورتها ويوقف مكانه وهو مش مستوعب اللي شايفه

شذا_ اه دي واحده كانت واخده مني حاجات، خلاص هرد عليها بعدين

يوسف _ تعرفيها منين دي

شذا_ معرفهاش انا شفتها صدفه في المعرض

يوسف_ قالتلك اسمها ايه

شذا_ اسمها شهد

يوسف بحيره_ شهد؟.. طيب هي بتقولك نتقابل، هتقابليها

شذا_ مفتكرش دي عاوزه تديني خمسين باقيه من الحساب، مش مستاهله يعني

يوسف_ لا قابليها

شذا باستغراب_ في ايه انت تعرفها ولا ايه

يوسف بلخبطه_ اه اعرفها بس مش اسمها شهد، لازم تقابليها ولا اقولك كلميها صوت دلوقتي عاوز اتاكد من حآجه

شذا بحيره_ تعرفها منين وعاوز تتاكد من ايه بظبط

يوسف_ اصل البنت دي مختفيه بقالها سنه ومحدش عارف اذا عايشه او ميته

شذا_ شيفاك متهم اوي هي تكونلك ايه

يوسف بلخبطه_ اخت واحد صاحبي، معلش ممكن تكلميها مره واحده عشان خاطري

شذا بعدم راحه_ ماشي يا يوسف

يوسف_ متشكر اوي

شذا بتتصل وشهد بترد عليها

يوسف_ شغلي الاسبيكر

شذا تبصله بخنقه وتشغل الاسبيكر

شهد_ ازيك حبيبتي عامله ايه

شذا_ بخير الحمدلله وانتي عامله ايه

شهد_ بخير، كنت بقولك اني هاجي بعد اسبوع واتمنا اقابلك عشان اديكي فلوسك

شذا تبص ليوسف وتشوف تركيزه مع صوتها_ قولتلك ملوش لازمه واعتبريها هديه

شهد_ لا حبيبتي مينفعش، انا هجبهالك وكمان حابه اخد حآجه لماما

يوسف بهمس_ قابليها

شذا بخنقه_ انا مليش دعوه قابلها انت

يوسف_ عشان خاطري

شذا بخنقه_ ماشي حبيبتي، انتي ممكن تيجي عندي وتشوفي كل شغلي

شهد_ لا مينفعش اكيد مش هقدر بابا وابن عمي هيكونو معايا

يوسف باستغراب_ بابا، ازاي دي ابوها مات…يتبع

   •تابع الفصل التالي "رواية احببت مجنونة" اضغط على اسم الروايه