رواية سيد الرجاله الفصل الثالث 3
وصلت عربيه العروسه والعريس اودام اكبر الفنادق اللى هايقام فيها الفرح وكان فى استقبالهم اكبر زفه للعروسين .
فتح يوسف باب العربيه ونزل ولف اودام باب نور وفتح باب العربيه ومسك ايد نور.
نزلت نور وهى يوسف والكل بدأ يزغرت والكل كان فرحان لاجمل عروسه وعريس .
ملك كانت واقفه جمب نور وكانت جميله جدا وطالعه زى القمر والكل كان بيبص على جمالها هى ونور .
نور شافت ناس كتير من الكليه اللى اكيد يوسف عازمهم وكانت خاېفه جدا لايكون سيف موجود ويشوفها وهى مع يوسف يوم فرحهم .
بدأت الزفه اللى زفت العروسين لحد ما وصلوا للقاعه .
قعدت نور ويوسف فى كراسيهم وبدأ الفرح والاغانى اللى كان الكل بيرقص مع الموسيقى .
وزمايل يوسف ونور شباب وبنات كانوا فرحانين وبيرقصوا مع بعضهم .
وكانت البنات صحاب نور لابسين فساتين حلوة اوى وكل شويه يروحوا لنور ويأرصوها فى رجلها علشان يتجوزوا هما كمان بعدها على طول .
وكانوا بيتمنوا أنهم يلاقوا حد فى جمال يوسف وحلاوته وجسمه وطوله وعيونه والأهم فلوسه .
وكانوا بيحسدوا نور عليه وعلى أنه اختارها هى عنهم كلهم .
فى تربيزة قريبه من نور كانت مامتها واخوها وبعض الجيران قاعدين وفرحانين بالعروسه اللى طالعه زى القمر .
___
فى بيت سيف كان سيف قاعد هايتجنن وهو عارف أن فرح حبيبته زمانه شغال وان نور خلاص مش هاتكون بتاعته وملكه وراحت لغيره وغدرت بيه وخانته .
دخلت أخته مى بعد ما سابت جنه بنت خالها قاعده مع مامتها فى اوضتها بعد ما حست أن سيف زمانه محتاج لها وعارفه ومتأكده
باللى هو حاسس بيه وبيفكر فيه .
دخلت مى عليه وشافته قاعد على مكتبه وحاطت رأسه بين ايديه .
مى ..... عامل ايه يا سيف يا حبيبى .
سيف .... انا بمۏت يا مى وهاتجنن انا حاسس انى بحلم وبتمنى أنى اقوم من الحلم ده والاقى نور ليا انا وبتاعتى انا وبس .
مى .... معلش يا سيف اكيد ڠصب عنها انا مش مصدقه أن نور تعمل معاك كده اكيد فى حاجه مش مفهومه وحاجه كبيرة غصبتها على كده .
سيف .... حاجه ايه دى اللى تخليها تسيبنى وتبعنى وتتجوز واحد مبسوط ومعاه فلوس .
هى سبتنى علشان الفلوس والعز اللى هو هايعيشها فيه مش اكتر.
سابت حبها وبعته علشان الفلوس يا مى .
مى ..... ما تقولش كده يا سيف وتحكم عليها من غير ما تعرف الحقيقه انت لازم تسأل اى حد من زميلها على اللى حصل بالضبط وتعرف السبب الحقيقى لكل اللى بيحصل ده .
سيف ... الحقيقه انا عارفها كويس اوى ومش عاوز حد يعرفهالى .
انا هالبس وانزل تحت شويه علشان انا حاسس انى بمووووت من جوايا.
مى...... تنزل تروح فين دلوقتى اوعى تروح ...... !!!!
سيف ...... سكتى يعنى خاېفه أنى اروح الفرح واشوفها وهى مع عريسها
مى .... ده انت كده هاتبقى مچنون رسمى اوعى يا سيف تروح وتعمل لها مشكله فى يوم زى ده الناس تقول ايه عليها .
سيف ... ما ردش على مى أخته وسابها ونزل حتى من غير ما يغير هدومه .
مى .... سيف. يا سيف رد عليا يا سيف ارجوك .
جنه سمعت صوت مى وهى بتنادى على سيف وخرجت بسرعه تشوف فيه ايه ويادوبك لمحت سيف وهو بيخرج من باب الشقه ومى بتجرى وراه .
جنه .... مى يا مى فيه ايه وماله سيف بيجرى كده
ليه
مى ..... تعالى يا جنه وانا احكيلك على الموضوع كله علشان انا تعبت من تصرفات سيف المجنونه دى ودماغه الزفت دى ومش قادرة اتكلم علشان خاطر ماما والظروف اللى احنا فيها .
وفعلا حكت مى لجنه على كل الحكايه من اول مرة شاف سيف فيها نور لحد يوم فرحها هى ويوسف .
مى فجاه سمعت صوت جنه بنت خالها وهى بټعيط واستغربت .
مى.....انتى بتعيطى ليه دلوقتى انتى كمان انا بحكيلك علشان تعيطى ولا علشان تساعدينى .
جنه .... معلش يا مى اصل افتكرت حاجه كده ودموعى نزلت ڠصب عنى .
مى .... اوعى يا جنه لاتكونى بتحبى سيف
جنه ..... الصراحه يا مى اه بحب سيف من واحنا صغيرين وبنلعب مع بعضنا وكنت اتمنى أنه يحس بيا وبحبى ليه بس للاسف هو ما حسش بكده وده اللى بيموتى كل شويه .
مى..... ېخرب بيتك وانا اللى قولت احكيلك علشان تشيلى الحمل عنى وتلاقى حل لسيف تقومى تزودى همى اكتر
___
فى الفرح كان الكل فرحان وبيغنى ويرقص .
بس كانت الابتسامه من غير فرحه على وش نور بس كل لما تبص لامها وتلاقيها فرحانه تضحك من قلبها مش من فرحتها لكن من فرحه امها بيها وفرحه اخوها كمان .
ويوسف كان ملاحظ عليها كل حركه وكل نظرة وحاسس بالى جواها بس كان بيهون على نفسه حبه ليها وأنه هو القادر على اسعادها وفرحتها بس هى تديله الفرصه دى .
خرجت ملك علشان تعدل مكياچها وراحت على الحمام وهى راحه خبطت فى شخص لدرجه انها كانت هاتقع على الأرض من شده الخبطه ومشى وسابها من غير حتى ما يعتزر لها .
ملك ... مش تحاسب ياه .........
بصلها ومشى الشخص ده من غير حتى ما يعتزر ليها ولا على الخبطه .
ملك .... اوباااا
ايه الحلاوة دى ېخرب بيت عقلك
عجبها الشخص وعجبها كل حاجه فيه .
شعره
جسمه
عيونه
طوله
بشرته
والاكتر من كده تجاهله ليها وسرحت ثوانى فى كل تفاصيل الشخص ده من غير حتى ما تعرف هو مين وجى الفرح بتاع يوسف ليه
دخلت ملك على الحمام وبدأت تعدل مكياجها اللى بدأ يسيح من كتر الرقص اللى رقصته مع صاحبتها وقرايبها ورجعت تانى على القاعه بس المرة دى كانت عينيها فى كل مكان .
كانت بدور على الشخص اللى شافته وعجبها من اول نظرة وفضلت تدور عليه فى كل مكان فى الفرح بس للاسف ما شافتهوش .
خلص الفرح وبدأ الكل يقوم ورا العريس والعروسه علشان يوصلوهم لحد العربيه بتاعتهم .
وصلوا العربيه وفتح يوسف الباب لنور علشان تركب بعد ما اطمنت أن مامتها واخوها مع ابوه يوسف ومامته فى عربيه تانيه .
ركبت ملك مع صاحبتها وكانت لسه عماله تدور على الشخص اللى سرق قلبها فى لحظه واحده وفى ثوانى بعد ما ركبت العربيه شوفته واقف قريب من عربيه يوسف ونور .
جت تنزل تشوفه تانى بس كانت العربيات بدأت تمشى .
نور بتبص فجاه من شباكها لمحت حد واقف جنب العربيه على الرصيف ...
نور بتبص فجاه من شباكها لمحت حد واقف جنب العربيه على الرصيف .
نور ...... سيف
سيف كان واقف ومش شايف غير نور اودامه وهى لابسه فستان فرحها وطرحتها اللى كان بيتمنى انها تلبسه ليه هو وبس والدموع كانت مليا عنيه وكان ماسك نفسه واعصابه بالعافيه .
يوسف مسك ايد نور وقالها مبروك يا حبيبتى ويارب اقدر اسعدك .
يوسف لاحظ ان نور بتبص على حاجه ومش
مركزة معاه خالص وهو بيكلمها .
يوسف ... نور نور .
نور لاحظت أن يوسف بينادى عليها والتفتت له وكلمته .
نور ..... بتقول حاجه يا يوسف
يوسف .... مالك يا حبيبتى بتبصى على ايه
نور .... لا ابدا مفيش كنت بطمن أن ماما ركبت هى واخويا العربيه .
يوسف .... لا اطمنى يا حبيبتى انا موصى بابا وماما عليهم وهايوصلوهم لحد البيت ما تخافيش.
نور خدت نفسها واطمنت أن يوسف ما شفش سيف وهو واقف ناحيتها جنب العربيه .
اتحركت العربيات كلها وزفوا العرسان زفه حلوة اوى لحد ما وصلوهم لحد الفيلا .
نزل يوسف وفتح باب العربيه لنور ونزلت هى كمان وطلع بيها على الاوضه بتاعتهم اللى جهزوها ليهم .
ملك دخلت على اوضتها وبدأت وتفتكر الشخص اللى شقلب حالها من ساعه لما شافته واد ايه كان حلو وامور وعامل زى ابطال المسلسلات التركيه .
بطوله وشعره و حلاوته وعضلاته .
كان نفس ملامح فارس أحلامها اللى كانت بتتمنى انها تقابله فى يوم من الايام ويعيشوا مع بعض احلا قصه حب .
الاب والام دخلوا على أوضتهم وغيروا هدومهم وكانوا فرحانين اوى بجواز يوسف وبالفرح اللى كان طالع حلو اوى واللى كانوا بيتمنوا أنهم يعملوه ليوسف واخته ملك .
___
فى اوضه يوسف ونور كانت نور متوترة جدا وكانت عماله تفكر فى مامتها واخوها واكتر تفكيرها واللى كان شاغل بالها اوى .
سيف بعد ما شافته وهو واقف جنب العربيه .
يوسف وقعد وبدأ ويحاول يطمنها ويهديها لما لاحظ انها متوترة وخاېفه .
يوسف طول لدرجه انه كان سامع نبضات قلب نور العاليه من التوتر ونور كانت خارجه من .
نور قامت بسرعه قبل ما يوسف وراحت وقفت عند التسريحه وهى مش قادرة تتنفس ولا تسيطر على توترها واعصابها وخۏفها من اللى ممكن يحصل .
يوسف حس بيها وبكل اللى هى بتفكر فيه وحاول يهديها وقالها .
ماتخافيش يا نور منى انا عمرى ما هاعمل حاجه ڠصب عنك ابدا ولا عمرى هاكون انسان متطفل عليكى ومش عاوزك تخافى ولا تتوترى تانى كده .
انا عمرى ما هاخد حاجه منك الا برضاكى انتى وبموافقتك انتى فهمانى يا نور .
نور بدأت تاخد نفسها واطمنت شويه من كلام يوسف .
يوسف طبطب عليها وقالها انا رايح الاوضه التانيه وخدى راحتك ولو حبيبتى انى انام هناك انا ما عنديش مانع ابدا .
نور ..... لا يا يوسف مش للدرجه دى علشان محدش يقول حاجه علينا من اولها انا هانام على الكنبه دى وأنت نام على السرير .
يوسف .... نعم يا اختى انتى هتنامى على الكنبه وانا هانام على السرير ليه حد قالك عليا انى مش راجل وممكن اسيبك تنامى على كنبه وأنا انام على السرير .
نور ...... لا مش قصدى بس علشان تاخد راحتك فى سريرك .
يوسف مالكيش دعوة براحتى انا المهم عندى راحتك انتى يا نور .
نور .... اللى تشوفه يا يوسف .
يوسف ...... عيون يوسف وقلب يوسف وحياه يوسف يا نور .
نور وشها احمر اوى
واتكسفت وبصت فى الارض .
يوسف .... ېخرب بيت حلاوتك انا هامشى بدل ما اتهور وارجع اندم على اللى هاعمله يالا سلام غيرى براحتك وخرج وقفل الباب وراه .
نور خدت نفس كبيييير وبدأت تقلع طرحتها وفستانها بس للاسف معرفتش تفتح
فى الاوضه التانيه كان يوسف غير هدومه ودخل خد دوش وخلص وبدأ يلبس هدومه وفتح الباب وراح على الاوضه اللى فيها نور .
فتح باب الاوضه واټصدم من اللى شافه .
يوسف ..... ايه ده انتى لسه ما غيرتيش .
نور والدموع ماليه عنيها وبدأت ټعيط وقالتله مش عارفه افتح بتاعه الفستان .
يوسف ..... طب تعالى يا اختى هو انا هالقيها منك ولا من البت ملك اختى .
فتحت الدوش ووقفت تحته وبدأت ټعيط جامد كل لما تفتكر اللى حصل وانها ازاى استسلمت كده
بسهوله ليوسف مع أنه وعدها أنه مش هايجى جنبها الا برضاها .
بس للاسف هى استسلمت ليه وكان كل اللى حصل برضاها وده اللى كان مزعلها من نفسها وانها ازاى نسيت حبها لسيف بالسهوله دى وبدأت ټعيط جامد اوى .
يوسف كان بدأ يصحى وبص على السرير ملقاش نور بس للاسف سمع صوتها وهى بټعيط فى الحمام .
لبس هدومه وراح على الاوضه التانيه ودخل خد دوش بس هو عكس نور .
هو كان فرحان اوى اوى من اللى حصل وأنه أخيرا بقى مع نور وايه فى نفس الاوضه والسرير كمان بس فى لحظه افتكر أنه كان وعدها أنه مش هايقرب منها غير برضاها .
فافتكر أن نور كانت مستسلمه ليه عكس ما هو كان مفكر انها ممكن تعترض بس فى نفس الوقت حس أنه هو السبب وهو اللى وصلها لكده ساعه ما
فى بيت نور كانت صحيت الام بس كانت حاسه بتعب شديد اوى وحاولت انها تنادى على ابنها بس صوتها ما كنش طالع من شده التعب .
احمد كان صحى ودخل الحمام واتوضاه وصلى ركعتين وبعد ما خلص دخل علشان يطمن على امه وقرب من سريرها ولقاها مغمضه عنيها فقال يصحيها علشان تفطر وتاخد علاجها .
احمد ..... اصحى يا امى بقى علشان هاجهز الفطار بسرعه علشان تاخدى علاجك .
الام مش بترد ولا فتحت عينيها فاستغرب أحمد وبدأ يقلق ويحاول يصحيها تانى .
احمد .... امى يا امى بس للاسف مش بترد .
نور كانت بتصلى والتليفون عمال يرن ويرن .
احمد لما لقى أخته مش بترد طلب رقم يوسف واول ما رن عليه رد يوسف عليه وهو خارج من الحمام .
يوسف ...... احمد حبيبى صباح الخير ايه اللى مصحيك بدرى يا عم انت .
احمد ..... الحقنى يا يوسف بسرعه ارجوك ماما جيت اصحيها مش بترد عليا فين نور قولها بسرعه مش عارف اتصرف اعمل ايه .
يوسف ... اهدى يا احمد وانا هاجيلك بسرعه مسافه السكه .
احمد ...... ارجوك بسرعه يا يوسف ارجوك .
يوسف قفل التليفون بسرعه وراح على اوضته علشان يغير هدومه واول ما فتح لقى نور بتصلى وما كنش عارف يعمل ايه ويقولها ازاى الخبر ده .
يوسف بدأ يغير هدومه ويلبس ونور كانت خلصت الصلى واستغربت من يوسف وأنه بغير هدومه ومعناها إنه نازل .
نور .... خير يا يوسف فى ايه ولابس ورايح على فين
يوسف ...... احمد كلمنى دلوقتى و..........
نور .... احمد اخويا فى ايه انطق يا يوسف ما توقعش قلبى ماما جارلها حاجه .
يوسف ...... اطمنى يا نور ماما كويسه بس الظاهر تعبانه شويه هاروح أجبلها الدكتور واطمنك .
نور ..... انت بتقول ايه ماما تعبانه استنى هالبس بسرعه واجى معاك .
لبست نور بسرعه ونزلوا على تحت هى ويوسف وكان الكل بدأ يصحى واستغربوا ان نور ويوسف لابسين وخارجين وكان باين على وشهم أن فى حاجه خطېرة حصلت .
الام ..... خير يا يوسف فى ايه ورايحين على فين على الصبح كده يا عرسان .
يوسف ..... الحاجه تعبانه اوى يا امى ورايح انا ونور بسرعه نجبلها الدكتور .
الام ..... الف سلامه عليها يا نور ربنا يطمنك يا حبيبتى يارب.
طيب استنوا البس واجى معاكم انا وبابا .
يوسف .... لا يا ماما احنا هانروح بسرعه وابقوا تعالوا أنتم ورانا سلام .
الاب ..... ماشى يا يوسف يا ابنى ربنا يطمنكم انشاء الله وانا هاحصلك على طول .
خرج يوسف هو ونور بسرعه من الفيلا وركبوا عربيه يوسف وكانت نور طول الطريق خاېفه على مامتها لا يحصل لها حاجه .
وتسيبها هى واحمد لوحدهم لأنها اب وام بالنسبه ليهم بعد وفاه ابوها و هما صغيرين .
يوسف كان شايف الخۏف اللى مسيطر على نور وكان كل شويه يطمنها انها هاتقوم بالسلامه وتعمل العمليه وربنا هايشفيها انشاء الله .
سيف كان لسه نايم فى سريره بعد ما فضل طول الليل ماشى فى الشوارع بيفكر فى حبيبته اللى سابته واتجوزت غيره .
وما كنش يتخيل ابدا أن نور حبيبته تسيبه وتغدر بيه علشان واحد معاه فلوس وفيلا وعربيه وتسببه هو علشان معهوش فلوس .
فتح عيونه وكان بيتمنى أنه يكون بيحلم وان يكون كل اللى مر ده عبارة عن كابوس أو حلم وحش بيحلم بيه بس للاسف عرف أن ده هو الواقع والحقيقه اللى عايش فيها ومن اللحظه دى هاتكون صديقه فى الايام الجايه .
دخلت عليه أخته مى وشافت حاله ومنظره اللى هو عليه وقعدت جنبه وبدأت تتكلم معاه وتحاول تواسيه وتخفف عنه.
سيف رغم الحزن والالم اللى هو فيه بس حاول يبين لأخته غير كده وافتكر أنه بقى مسئول عن امه واخته بعد وفاه باباه اللى معداش عليه غير ايام قليله .
مى..... يا سيف مش عوزاك تظلم نور وحاول تعرف من صحابها ايه سبب استعجالها فى الجوازة دى .
لازم تعرف الحقيقه يا سيف وانا متاكده
ان فى سر ونور خبته عنك وانت لازم تعرفه علشان ما تظلمهاش .
سيف ...... معدش ليه لزمه الكلام ده يا مى خلاص .انا من هنا ورايح ماليش غيرك انتى وامى ومستقبلى وبس .
وهاعمل كل اللى بوسعى لاسعدكم واعيشكم احسن ناس .
ولازم اخلص دراستى واسافر بره أكون نفسى وابنى مستقبلى ومش هارجع غير وانا واحد كبيييير وكبييير اوى كمان .
مى .... انشاء الله يا حبيبى ربنا يوفقك وينجحك ويكتبلك كل خير بأذن الله .
يالا بقى علشان نستنى انا كنت جايه علشان الفطار جاهز وزمان ماما وجنه مستنين .
خرج سيف هو وأخته ولقى أمه قاعده هى وجنه بنت خاله مستنيهم علشان يفطروا مع بعض .
قعد سيف بعد ما والدته وا وسلم على جنه .
الام .... مالك يا ابنى شكلك مش عاجبني خالص الايام دى فيك ايه يا حبيبى .
سيف ... ابدا يا امى مفيش حاجه أنا كويس اطمنى .
مى ..... ماله يعنى يا امى ما هو زى القرد اهو مفهوش حاجه .
جنه ابتسمت لكن من جواها كانت عارفه ايه اللى مغير سيف وواجعه اوى كده .
وخلاها هى كمان موجوعه من جواها من كتر حبها ليه وخۏفها عليه والاكتر من كده عدم إحساسه بيها وبشعورها ناحيته .
وفى عربيه يوسف كان اتصل بالدكتور اللى عارف حاله الحاجه ام نور وطلب منه أنه يجى بسرعه على العنوان اللى هو ادهوله .
وصل يوسف ونور للبيت وطلعوا بسرعه وفتح لهم احمد اللى كان عمال بيعيط على حاله مامته .
جريت نور على اوضه مامتها ودخلت بسرعه وقربت منها وهى مڼهارة من كتر العياط .
نور...... ماما . ماما
ردى عليا يا حبيبتى انتى هاتقومى وهاتخفى اوعى تسبينا يا امى اوعى ارجوكى .
احنا مالناش غيرك فى الدنيا دى بعد ما بابا سابنا .
اوعى تسبينا انتى كمان لوحدنا ارجوكى يا امى ابوس اديكى .
يوسف قرب من نور وفضل يطبطب عليها ويهديها .
وشويه الدكتور جه وكشف عليها وطلب فورا انها تتنقل للمستشفى فى اسرع وقت لان الحاله حرجه جدا .
وفعلا فى ثوانى كان اتصل الدكتور بالمستشفى وطلب عربيه الإسعاف على العنوان بتاع ام نور .
وجت عربيه الإسعاف وطلع المسعفين ونزلوها على العربيه وركبت نور معاها فى عربيه الإسعاف ووراهم يوسف واحمد .
وقبل ما يتحركوا كان جه ابو يوسف ومامتها وطلب منهم يوسف أنهم يجوا وراهم على مستشفى الدكتور عمر الشال .
وصلت عربيه الإسعاف اودام باب المستشفى وفى ثوانى معدوده كان شالوا الحاله ودخلوها على الاستقبال فورا وقام الدكتور عمر بالكشف عليها مره تانيه وعمل لها شويه اسعافات .
الكل بره كان خاېف عليها .
وشويه وخرج الدكتور وبلغهم انها لازم تدخل اوضه العمليات فورا لان الحاله حرجه جدا .
نور كانت عماله ټعيط هى واحمد اخوها ويوسف حاول يهديها وفى لحظه واحده وافقت طبعا نور بأجراء العمليه لمامتها .
وفعلا نقلوا الام على اوضه العمليات والكل كان واقف على أعصابه من الخۏف عليها لان الحاله كانت حرجه جدا جدا .
_____
فى الكليه كان الكل واقف بيتكلم على فرح يوسف ونور اللى كان عامل زى الاسطورة ولا شافوا ولا هايشوفوا زيه بعد كده .
البنات كانت عماله تتكلم على جمال نور وحلاوتها وفستانها وتسريحتها .
وكانوا بيحسدوها على يوسف وجماله وحلاوته وجسمه وطوله والأهم من كل ده فلوسه .
وصل سيف على الكليه وكان ملاحظ عيون زمايله اللى كانت بتبص عليه سواء من البنات ولا الشباب .
ومن جواه كان حاسس أنهم عاوزين يقوله ليه حق نور تسيبك وتروح تتجوز يوسف المليونير الوسيم .
اللى هايعيشها اميرة طول عمرها وهايلف بيها العالم كله .
قرب خالد صاحبه وسلم عليه وقاله .
خالد.... عامل ايه يا صاحبى
سيف ... هاعمل ايه يعنى يا خالد ادينى عايش .
خالد .... حاول تنسى يا سيف وما تفكرش تانى خالص فى موضوع نور ده ومتنساش انها بقت واحده متجوزة .
سيف ...... انا نسيت خالص يا خالد ما تشغلش بالك انت ربنا يسعدها ويعوضها كل خير .
خالد .... ايوا كده يا صاحبى خلينا فى دراستنا ومستقبلنا وبس وفى مشروع التخرج ما تنساش الامتحانات قربت ولازم نعدى زى كل سنه بتقدير .
سيف ... انشاء الله يا خالد انشاء الله .
ملك كانت كل ده نايمه فى أوضتها ومش حاسه بكل اللى حصل ويا دوبك فتحت عنيها وابتسمت وافتكرت
الشاب الوسيم اللى قابلته فى الفرح وكانت هاتتجنن وتعرف مين ده اللى شقلب حالها وتفكيرها وخلاها طول الليل عماله تفكر فيه لحد ما نامت .
قامت ملك ودخلت على الحمام وخدت دش ولبست هدومها وسرحت شعرها وخدت بعضها ونزلت علشان تشوف اخبار العرسان الجداد ايه .
نزلت ملك وحسن ان الفيلا هاديه خالص ومفيش حد خالص ولا مامتها ولا باباها وافتكرت أن العريس والعروسه لسه ما صحيوش من النوم .
قعدت فى الريسبشن وندهت على الشغاله وسألتها على مامتها فين .
الشغاله .... يا ملك هانم الكل نزل من بدرى وخرجوا .
ملك ..... قصدك الكل مين اللى خرجوا
الشغاله ..... نهله هانم والبيه الكبير ويوسف بيه وعروسته خرجوا من الصبح بدرى .
ملك !!!!!!!!!!!
خرجوا فين يا بلوة انتى وازاى العرسان يخرجوا يوم صباحيتهم والصبح بدرى كمان .
الشغاله .... اصل ام نور هانم تعبت اوى وراحوا ليها على البيت .
ملك ... مسكت موبيلها واتصلت بسرعه على مامتها .
ومامتها بلغتها انهم فى المستشفى وحكت لها على كل اللى حصل .
طلعت ملك غيرت هدومها بسرعه ونزلت وخرجت وركبت عربيتها وراحت على المستشفى ووصلت عند اوضه العمليات ولقيت الكل واقف متوتر وخاېف على ام نور .
وبدأت تواسيها وطمنها على حاله مامتها .
عدى اكتر من اربع ساعات على دخول ام نور اوضه العمليات والكل كان مستنى اى حد يخرج ويطمنهم .
وفجاه باب اوضه العمليات اتفتح وخرج الدكتور بس كان باين على ملامحه الحزن .
بسرعه منه نور هى ويوسف واحمد.
نور ..... خير يا دكتور ماما عامله ايه ارجوك طمنى .
نور..... خير يا دكتور ماما عامله ايه ارجوك طمنى .
الدكتور بص ليهم بحزن وما كنش قادر يتكلم ووجه كلامه ليوسف وقاله احنا عملنا كل اللى قدرنا عليه لكن الحاله كانت متدهورة جدا وخطېرة .
نور ..... يعنى ايه يا دكتور تقصد ايه بكلامك ده
الدكتور ..... البقاء لله ربنا يرحمها
نور .... انت بتقول ايه ماما صاحيه
ماما مش هاتسبنا ارجوك اتاكد
وحاول يهديها لكن للاسف كانت مڼهاره وفى لحظه كانت واقعه على الأرض من الصدمه .
شالها يوسف وراح على أقرب اوضه وحطها على السرير وبسرعه الدكتور كان اداها حقنه علشان تهديها.
احمد كان عمال بيعيط جامد وكانت واقفه معاه ملك اخت يوسف بتحاول تواسيه وتهديه .
وطلبت منه أنه يطلب لها الرحمه والمغفره .
ملك..... ارجوك يا احمد اهدى هى ربنا رحمها من المړض والعڈاب اللى كانت هى فيه وبعدين انت راجل و الرجاله مش بټعيط امسك نفسك كده علشان خاطر نور لو سمحت يا احمد.
يوسف كان واقف زعلان جدا على حاله حبيبته اللى هى فيها وعلى وفاه مامتها وكان خاېف جدا عليها .
الاب ..... يوسف أنا هانزل اخلص انا موضوع الډفن والمستشفى وأنت خليك جنب مراتك وخلى بالك منها .
يوسف ..... حاضر يا بابا انا مش هاسبها خالص لحد ما تفوق واطمن عليها .
_____
فى الكليه كان سيف خلص محاضراته هو وخالد وخدوا بعضهم ورجعوا على بيوتهم .
خالد كان من عيله كبيرة اوى كان صاحب شركه كبيرة للمشروعات الهندسيه وكانت من أكبر الشركات فى البلد .
بعد ما وصل سيف على بيته بعربيته رجع على فيلته ودخل على جوا بعد ما ركن عربيته فى الجراج .
اول ما دخل لقى مامته قاعده بتكلم صحابها فى الجمعيه الخيريه اللى هى بديرها .
طلع على فوق . وهو طالع دخل يشوف اخوه إسلام فى اوضته ولا لا علشان بقاله كام يوم ما شفهوش
وفعلا دخل لقى اسلام ماسك اللاب بتاعه وشغال عليه شويه .
خالد .... ازيك يا اسلام فينك يا ابنى بقالى كام يوم مش بشوفك ليه
اسلام .... موجود يا خلوده بس كنت مسافر الغردقه علشان المشروع الجديد اللى الشركه شغاله فيه اليومين دول .
خالد ..... اه بابا كان قالى ربنا معاكم وبالتوفيق يا مان.
سلام موقت هاروح اخد دوش وانام شويه قبل ما اروح النادى للتمرين .
اسلام .... ماشى يا خالوده سلام .
فى المستشفى كانت نور بدأت تفوق شويه وبدأت تفتح عيونها .
يوسف اول لما شافها
مامته حاولت تسيبهم لوحدهم شويه علشان يكونوا براحتهم .
يوسف .... نور حبيبتى انتى كويسه حاسه بايه
نور ..... انا فين انا ايه اللى جبنى هنا
يوسف .... انتى تعبتى شويه وجبتك على الاوضه دى عقبال ما تفوقى شويه يا حبيبتى .
نور .... ااااه
ماما . ماما فين يا يوسف .
يوسف ....على شعرها وحاول يهديها .
نور بدأت تفتكر كلام الدكتور وافتكرت أنه قال انها ماټت وبدأت تصرخ جامد ويوسف مش عارف يسيطر عليها .
نور .... ماما ماما
سبتينى لوحدى ليه .
انتى وعتينى انك مش هاتسبينا خالص .
روحتى فين يا امى وسبتينا .
اااااااه يا امى
ااااه يا امى
ماما
ماما .
يوسف بسرعه نده الدكتور ودخلت امه وملك واحمد على صړيخ نور .
احمدوفضل يعيط جامد وهى حست باخوها وفضلت ټعيط جامد .
نور .... ماما سبتنا يا احمد خلاص
مش هانشوفها تانى .
راحت لبابا وسابتنا يا احمد .
ااااه يا ماما .
الدكتور جه بسرعه وحاول يهديها وطلب من الممرضه انها تديها حقنه تانى أشد من الاولى علشان تهدى خالص .
ام يوسف خدت احمد فى وفضلت تطبطب عليه وتهديه وقالت له انا زى مامتك يا احمد من هنا ورايح انت هاتكون زى يوسف ابنى يا حبيبى .
احمد عيط جامد بس حس بحنيه نهله مامت يوسف لما واطمن أن ربنا هايعوضه حنان امه هو مهما كان لسه صغير ومحتاج للحنيه والحب والعطف .
ملك طلبت من مامتها انها تسيبه لها علشان ينزلوا تحت فى الكافيتريا شويه وفعلا نزل احمد مع ملك علشان تعرف تهديه وتوسيه شويه علشان ما يزعلش اكتر على منظر أخته وهى كده .
على اخر النهار كانت فاقت نور وشدت حيلها شويه وخرجت من المستشفى .
ورجعت على الفيلا بعد ما دفنوا أمها فى المدافن الخاصه بعيليتها ومع ابوها .
والاب اتفق مع يوسف أن العزا هايكون تانى يوم فى مسجد مصطفى محمود علشان تكون نور شدت حيلها شويه علشان تقدر تقف وتاخد العزا .
نور طلبت من أحمد أنه يجى معاها على الفيلا بعد وفاه امها علشان طبعا مش هايقعد لوحده فى الشقه بعد كده .
دخلت نور على أوضتها ويوسف كان معاها نومها على السرير
قام يوسف ودخل على الحمام وخد دش علشان يفوق من كل اللى مر بيه طول النهار .
ملك كانت خدت احمد على اوضه جنبها علشان تبقى اوضته بعد كده .
وفعلا دخل احمد واترمى على السرير وفضل يفكر شويه فى أمه وفى اللى حصل .
وأنه مش هايشوفها تانى وإنه بقى يتيم الأب والام ومعدش ليه حد تانى غير اخته نور .
خبر وفاه الام كان انتشر بين صحاب نور وكانت صاحبتها الانتيم رضوى عرفت وقررت انها تروح لها علشان تطمن عليها فى الفيلا وتكون واقفه جنبها فى اللى هى فيه ده .
وفعلا راحت رضوى وطلبت انها تقابل نور علشان تطمن عليها وتعزيها .
نهله وملك رحبوا بيها وطلبت نهله من ملك انها تطلعها فوق لنور فى اوضتها علشان نور مش هاتقدر تنزلها.
طلعت رضوى وملك وخبتوا على الباب فتح لهم يوسف ورحب بي رضوى .
رضوى .... ازيك يا يوسف والبقاء لله انا زعلت جدا لما سمعت الخبر ده الله يكون فى عون نور فرحها كان امبارح ومامتها ماټت النهارده الله يكون فى عونها ويقويها .
يوسف ..... ونعمه بالله يا رضوى
وكويس انك جيتى علشان تكونى جنبها انا عارف انك اكتر واحده قريبه منها .
سابها يوسف هو وملك مع نور ونزلوا على تحت علشان ياخدوا راحتهم .
رضوى قربت من نور وقعدت جنبها ا وفضلوا يعيطوا هما الاتنين .
نور .... ماما ماټت يا رضوى بعد كل اللى عملته علشانها .
ماټت وسابتنا لوحدنا انا واخويا هانعمل ايه من غيرها يا ربى.
رضوى .... معلش يا نور يا حبيبتى انا حاسه بيكى و باللى جواكى نفس الڼار اللى كنت حاسه بيها ساعه ما ماما ماټت .
والله يا نور انتى عارفه انا كنت بحب طنط اد ايه وكنت بعتبرها امى بعد ما امى ماټت .
ده كفايه وقفتها جنبى ساعتها اللى عوضنى امى .
الله يرحمها يا حبيبتى ويغفر لها هى وماما يارب .
نور .... يارب يا رضوى ياااارب .
فضلت رضوى قاعده شويه مع نور وبعدها قامت واستاذنت علشان تروح على بيتها قبل ما الوقت يتأخر .
ويوسف طلب من ملك انها توصلها بعربيتها وفعلا ملك راحت ووصلتها .
يوسف اطمنى يا حبيبتى هو فى الاوضه اللى جنب ملك على طول ونايم من ساعه ما جينا من المستشفى مټخافيش عليه .
واوعدك يا نور من هنا ورايح هاعتبره اخويا الصغير وهاخاف عليه زى خوفى عليكى وعلى ملك بالضبط.
عدى الليل ونامت نور من.
يا ترى ايه اللى هيحصل فى الايام القادمه .
يتبع
•تابع الفصل التالي:- اضغط هنا