رواية انتقام الورد الفصل الثالث 3 - بقلم نورة عبد الرحمن

  

 رواية انتقام الورد الفصل الثالث 3 -  بقلم نورة عبد الرحمن 

زينه رحبت بورد بابتسامتها المعتاده واحضرت لها ثياب جديده لترتديه وتنبهر زينه بجمالها..

زينه : ماشاء الله عليكي كيف القمر..

ورد بخجل : تعبتك معايا..

زينه : ولاتعب ولاحاجه عدي وحاتم موصيني عليكي..

ورد : هما مين دول.

زينه قالت بهيام عدي يبقى جوزي بقالني تالت شهور متجوزين..انما حاتم بقى هو اخوه الكبير اللي جابك امبارح هنيه..

ورد :هي الست الكبيره اللي تحت ليه طلبت منك تاخديني معاكي هو في حاجه بتحصل تحت..

زينه : مش عارففه بس…

لياتيهم صوت تقى ابنة حاتم ذات الخمسه سنوات..

تقى بطفوله وهي تمسك طرف ثوب ورد : انتي امي الجديده..

نزلت ورد لمستوها بتعجب امك الجديده..

ابتسمت لها زينه بحب لتقول : لا ياحبيبتي خالتك جايه زياره عندنا..

تقى : بس هي لابسه ابيض ..

ورد : احتضنت وجهها بود انت جميله اكده كيف..

تقى : عشان اني بسكوته بالفروله..ابويا بيقولي اكده

ضحكت الاثنتان علييها لتقبلها ورد طب خليني ادوق حته صغيره..من بسكوته بالفروله ..

ابتسم حاتم وهو يستمع لحديثهم ..ليسمع صغيرته تسأل بفضول انت اسمك ايه..

ورد : مش عارفه..

تقى : هو في حد ميعرفش اسمه..

ليدخل عليهم حاتم ورد اسمها ورد..نظر الى ورد ليصدم بجمالها

لتنظر اليه الاخرى بحرج من نظراته المتركزه عليها ..

زينه احم احم في حاجه ياحاتم..

حاتم بارتباك : احم ..روحي اندهي عدي عشان هنمشي دلوقتي..

زينه : حاضر بعد اذنكم..

ورد : ورد بجد يبقى اسمى….

قاطعها حاتم لو جاهزه يلااا عشان جدي يستنى برا.

ورد : على فين..

حاتم وهو يحمل طفلته : هنوديك عند اهلك.

ورد: بجد والنبي..

حاتم مشى نحو الباب : متتاخريش ..

ورد بسرعه: انا جايه معاك اهاه..

 

وقف امامها باستنكار : هتروحي اكده..

نظرت ورد الى هيىتها مش فاهمه..

حاتم حطي حاجه على شعرك يبنت الاصول ..مينفعش تطلعي اكده..

ورد بحرج : لمست شعرها الاسود الطويل بخجل حاضر ..

*****

انتهى من ارتداء ثيابه امام المرأه ليشعر بيدين زينه تحتضنه من الخلف..

ليمسك يدها بحب ويجذبها الى احضانه..

زينه : ينفع كده بقالي كتير مابشوفاكش كويس انت بتوحشني قوي ياعدي..

عدي قبل وجنتها وانت وحشاني بس انتي شايفه الوضع متكركب كيف ….حقك عليا ..الامور تهدى بس وهعوضك..عالايام دي..

زينه وهي تخرج من احضانه لتحضر له المعطف..هسامحك بس بشرط..

عدي : شرط ايه .

زينه :النهارده هنخرج نتعشى براا

انتهى من ارتداء معطفه ليجذبها من خصرها هامسا بود بس اكده من عنيا ..ليقبلها بشغف ويمشي بها نحو السرير لتبتعد بتوتر ..

 

عدي : مالك يابت ماتهمدي شويه..

زينه وهي تعدل هيئتها..بابتسامه نسيت اقولك ابويا الحج وحاتم مستنيينك تحت..

عدي نهض بتذمر : طب ينفع الى بتعمليه فيا ده ..مقولتيش من الاول ليه..عقلك راح فين…طب انزل اقولهم مش رايح ..عملتي فيا ايه يابت..

زينه :هو انا لما بشوفك يبقى فيا عقل..

عدي بلاش كلامك ده والنبي عشان هنزل واقولهم مش هروح معاهم..

زينه بدلال اقتربت منه ..مينفعش يلاا عشان ابويا الحج ميتعصبش ..

قبلها قبلة سريعه بجانب شفتيها ليقول بتوعد ماشي يازينه هخلص بس وافضالك بتلعبي معايا..

بضحك وانا عملت ايه يعني..

ليخرج وهي من خلفه تعدل معطفه بحب..فهي لم تخجل من اظهار حبها لزوجها قط…

سليمان جاهزه يابتي..

ورد بخوف : ايوا ياحجه..

سليمان يلاابينا عالعربيه ..

عدي ياجدي مش هنخليها لبكرى ..

مش هتعلموني شغلي ياولاد عبد الله ..يلااا

******

اخيها عمر وعمتها يجلسان ويتحدثان بما حدث ..اما حمزه فيبحث عنها كالمجنون..

الجميع لم يصدقوا بان ورد تفعل ذلك وتهرب من منزلها فعمر لم يجبرها على الزواج من حمزه وهي لاتعرف احد ليقول بانها وقعت بحب احدهم ولم تخرج قط من منزل والديها المتوفيين..عمتها سندس ربتها منذ صغرها تثق بها كثير هتفت بعدم تصديق : مش ممكن ورد تعمل اكده .امبارح كانت بتكلمني عادي حتى اننا اتكلمنا على تجهزات فرحها هي وحمزه وكانت مبسوطه قوي….

عمر : انا عارف اختى كويس مش هتسود وشي قدام الخلق.

سندس : يارتني مسافرتش عشان العلاج وخدتك معايا ياعمر يمكن مكنش حصل اللي حصل.

ليأتيهم صوت احد الرجال من الخارج ورد هانم رجعت يابيه ورد هانم رجعت….

ليسرع الجميع..وووو

• يتبع الفصل التالي اضغط على ( رواية انتقام الورد ) اسم الرواية