رواية عشق الصقر الفصل السابع 7 - بقلم سارة حسن
اقترب منها صقر وجدها تتحدث مع الحصان بهدوء يديها تنزل هبوطا علي وجهه برفق كانت ساحره بقربها من الحصان هكذا الي ان هدء الحصان واخذت تطعمه بعض السكر اقترب منها صقر
صقر.. انتي عارفه ان محدش بيتعامل مع سلطان غيري
كارما بابتسامه. اسمه حلو اوي بس احنا بقينا اصحاب خلاص
صقر. شكلك بتعرفي تركبي خيل
كارما .ايوه اشتركت في مسابقات كتير هناك انا ممكن لما احب اركب اي حصان عادي صح ؟
صقر بابتسامه.. ماعنديش مانع بس لو معايا، لوحدك لا علشان ماتوهيش تاني
كارما.. عايزه اركب بس حصان تاني ده بتاعك
صقر.. لا اركبي ده انا هاركب ده واشار باتجاه حصان اخر
اقتربت كارما إتجاه الحصان الاخر لا يقل جمال عن سلطان وامتعتطه كارما برشاقه تحت انظار صقر
كارما.. ده عاجبني اكتر
ركب صقر حصانه برشاقه واشار ورايا بقي
توجهو بالاحصنه سريعا بعيدا عن الاستبطل تحت انظار رحيم
رحيم بابتسامه اعجاب.. علي الله تعرفي تروضي صاحب سلطان زي ماروضتي سلطان ياكارما
توجهوا لمكان مرتفع بعض الشيء من خلاله تري البلده بالكامل هو مكان صقر المفضل
كارما باعجاب. وااااو ايه المكان ده
صقر.. عجبك
كارما باعجاب.. تحفه جميل جدا
صقر بابتسامه.. بحب اجي هنا كتير عشان بعيد عن الدوشه ومافيش حد يعرفه كتير
كارما باستغراب.. بس ليه جبتني هنا ده كده المكان السري بتاعك
صقر وهوينظر لعينيها.. يمكن محتاج شريك فيه يكون باختياري
كارما بتوتر من حديثه. اخذت تفرك ايديها ببعض
صقر.. متوتره ليه
كارما.. لا ابدا يالا نرجع
صقر بتفهم.. يالا بينا
ورجعوا عائدين بعد جوله طويله
كارما بابتسامه كبيره.. شكرا علي الوقت انبسط اوي
صقر بابتسامه مماثله.. اي خدمه
اسرعت بابتسامه لتعود للمنزل فا الاستبطل قريب جدا من البيت..
بعد عده ايام من تواجد كارما ومصادفتها لصقر الدائمه
انتهي اليوم الي ان اتي موعود عوده صقر دخل صقر البيت وجد الجميع متواجدين اخذت عينيه دون اراده منه تبحث عنها الا ان وجدها تتطلع اليه ثم نظرت للارض بخجل
صقر بابتسامه. السلام عليكم متجمعين عند النبي ان شاء الله
وجلس في كرسي مقابل جده
عتمان.. حمدلله ع السلامه ياصقر إحنا متجمعين علشانك
صقر باستغراب.. عشاني ليه خير
امل بفرح.. اصل في عريس متقدم لبنت الجارحي وعايزينك تسال عليه
لايعرف صقر سبب انقباض قلبه من كلمه عريس
صقر. عريس لمين ومين ده
رحيم.. عريس لزهره من عيله همام انا اعرف ابوه بس الواد مش اوي دي عليك
صقر بارتياح.. بسيطه نسال عليه وعموما دي عيله محترمه وهانشوف
كارما لزهره.. شكلك مش مبسوط ليه
زهره بحزن.. لا عادي مافيش
كارما.. انتي مش موافقه لو مش عايزه قولي
زهره.. مش فارقه لكارما
لاحظ صقر من حديثهم الحزن البادي علي زهره
صقر. علي العموم بكره اشوف الموضوع ده واعملي حسابك بكره في الغدا ياام صقر عشان كريم جاي بكره
امل.. عنيا ياحبيبي وعقبال ماافرح بيك انت كمان
عند ذكر لاسم كريم لمعت عيون زهره وتنهدت و لاحظتها كارما ..
بدء يوم جديد عند دخول كريم بمرحه المعتاد
كريم.. واحشني ياصقر عامل ايه
صقر بترحيب . وانت اكتر ياكريم اخبار الحاجة ايه
كريم.. الحمدلله بخير
امل بسعاده.. حمدلله ع السلامه يابني عامل ايه
كريم.. بخير ياحجه ربنا يخليكي
امل. هاوضبلك الاكل اللي بتحبه في الغدا اوعي تمشي
كريم بعفويه.. امشي ايه لا انا قاعد
اخذ صقر كريم لمكتبه
كريم.. هي الحجه فرحانه كده ليه
صقر.. عادي اصل زهره جايلها عريس
وقع الخبر كالصاعقة على كريم فزهره حب حياته يريد اختطافها لنفسه للابد لكن خوفا علي صداقه صقر والفروق الماديه اصر الصمت
كريم بهدوء.. ووافقته
صقر باستغراب من حاله كريم
لا لسه بنسال عليه
كريم.. وهي موافقه
صقر.. لسه ماعرفناش مالك ياكريم وشك اتغير كده ليه
صمت كريم بعض الوقت ثم وقف
كريم بقوة…انا عايز أتجوز زهره
- يتبع الفصل التالي اضغط على ( رواية عشق الصقر ) اسم الرواية