رواية دمعة من سمراء الفصل التاسع 9
دمعه_من_سمراء 9
مطلوب القبض عليك بتهمة تهريب ادويه
انت مش عارف انت بتتكلم مع مين انا
عارف دكتور رامز زين الشافعي اشهر دكتور في الجراحه العامه اتفضل بقي معانا
الشرطه اخدت رامز اللي كان قرب يتجنن هو عمره ما عمل حاجه زي كدا وبتبدء التحقيقات وهنا بنروح لنرمين اللي القدر دايما معاند معاها وكل مره يحطها في موقف اشد من اللي قبله
جرس الباب رن فتحت نرمين
ايوه حضرتك مين
انتي اللي مين انا ايمن صاحب الشقه دي
نعععم الشقه دي لمدام ألفت
ما هي مدام الفت دي تبقي ماما
بجد
يعني ههزر معاكي انتي بقي الشغاله الجديده
سكتت شويه وبعدين قالت : ايوه انا الشغاله الجديده واسفه لو ازعجت حضرتك
بتيجي الفت وتقول : اي دا اي المفاجأة الهايله دي
معقول دكتور ايمن بنفسه هنا
وحشتيني يا ست الكل وجيت اتطمن عليكي وافضل معاكي الاجازه دي
بجد دا اجمل خبر سمعته تعالي يا حبيبي اعرفك دي نرمين زي ما تقول كدا بنتي اللي ما جبتهاش
اهلا وسهلا كويس يا ماما ان بعد الوقت دا كله لقيتي شغاله تراضيكي كدا
شغالة اي يا حبيبي مين قال كدا
هي قالت كدا
لا يا حبيبي دي مش شغاله دي الوحيده اللي تنفع تأمنها علي اسرارك وتنام وانت مرتاح بوجودها
ودا يا سيتي ايمن ابني دكتور معروف تخصص جراحه عامه
هو كمان
لا يا روحي مش كل الناس زي بعض
طب اي انا هفضل واقف كدا
لا يا حبيبي اتفضل
واتبادلوا السلام والضحك وقامت الفت مع نرمين يجهزوا الاكل مع بعض جيت نرمين تأكل في المطبخ الفت منعتها وقالت مش هتأكل من غيرها بعد الاكل دخلت نرمين تعمل نسكافيه والفت وايمن طلعوا البلكون
وبدأت الفت تحكي لأيمن حكاية نرمين
يااااه هو في حد ممكن يتحمل وييجي علي كرامته بالشكل الصعب دا
تخيل والاخر الندل اخد بنتها منها وطردها
طب لي كل دا يعني عشان حاجه مش بإيديها وربنا خلقها بيها
بفكر نتواصل مع جمعية حقوق المرأة ونحكي لبهم حكايتها ونوصلها للرأي العام لازم نقف جنبها مش لازم نسيبها لوحدها
لا يا ماما مش هنتواصل مع حد سيبي الموضوع دا عليا وفي اقرب وقت هتكون بنتها معاها
وبعد يومين فعلا ايمن كان بيتحرك عشان يجيب ليها حقها من رامز وبعدها عرف ان رامز متهم في قضية تهريب ادويه طلب زياره ليه واتقبلت
انت مين
مش مهم انا مين المهم انا جاي اعرض عليك عرض ولو قبلته هخرجك من التهمه دي
اطلب
تطلق نرمين
حاضر هي طالق وبالثلاثه كمان
وترجع ليها بنتها
لا طبعا
خلاص للاسف مضطر امشي عشان شكلك حابب القعده هنا
لا خلاص تااخدها
فعلا زي ماسمعت عنك ودلوقتي امضيلي علي ورقة الطلاااق دي
رامز اخد ورقة الطلاق ومضي عليها وهو ما يعرفش ان هو طلقها واتنازل ليها عن حقوقها وكمان مضي علي عقد ان الفيلا بقيت ملكها وان مالوش اي حق علي بنته ولا يقرب عليها غير بإذن من نرمين
رجع ايمن البيت وسلم نرمين كل الأوراق وقال ليها حقها رجع ورجع ليها كمان بنتها وبعد كام يوم ظهرت براءة رامز من خلال كاميرات المراقبة اللي قدام المستشفي ظهر فيها شخص فتح عربية رامز وحط ليه فيها الادويه
وكلم الشرطه من نفس المكان ولما استمروا في البحث عنه ووصلوا ليه عرفوا ان دا بسبب اطباء استأجروه عشان يحط لرامز الادويه دي ويبلغوا عنه وبكدا الشهره تفضل ليهم هما وهو يبعد عن طريقهم
رامز خرج من القسم وهو مش قادر من قلة النوم والتعب راح الفيلا الخاصه بيه لقي نرمين فيها
انتي بتعملي اي هنا هو انا مش طلقتك ولسه هيمد ايديه عليها ايمن وقف قدامه وقال :
هو دكتور رامز ما يعرفش ان الفيلا دي بقيت بإسم نرمين
انت بتقول اي
زي ما سمعت كدا لا ومش بس الفيلا والعربيه كمان وفوقهم بنتها ونفقه شهريه مش اقل من 5000 جنيه
انت
زي ما قولتلك ماانا مضيتك وانت في القسم علي كل دا ويلا بقي عشان نرمين عايزه ترتاح هي وبنتها
انا مش هسكت علي اللي بيحصل دا
اعمل اللي تقدر عليه اتفضل يلا
رامز مشي وهو مقرر ان لازم يتصرف ويرجع كل اللي نرمين اخدته منه وفضل يتوعد ليها ان مش هيسيبها ولازم يحررررق قلبها من جديد
وهو ماشي ووسط وعوده في حد ضرررب عليه رصااااص كتير جدا ومن خلال بحث الشرطه عرفوا ان اللي ضر...ب رامز دا والده كان مريض ولازم يعمل عمليه في اسرع وقت ممكن
تكاليف العمليه كانت كبيره رامز رفض يعمل لوالده العمليه بسبب ان ابن الشخص المريض مفيش معاه غير نصف المبلغ وقتها رامز رفض ان يعمل للاب العمليه وبعدها الاب ما اتحملش واتوووفي وهنا الابن قرر ينتقم من رامز
اما عن نرمين فهي خلاص قررت تعيش الباقي لبنتها وبعد وفاة رامز اخدت والده ووالدته يعيشوا معاها لان هما مالهومش ذنب في اللي رامز عمله والفت كمان بإعتبار ان دول هما عيلتها الحقيقيه
طب ماتتزوج من ايمن وتعيش حياتها وتكون كدا اخدت العوض الجميل
ايمن متزوج وشغله كله برا مصر وبيرجع زيارات لوالدته نرمين ربنا عوضها فعلا بأهل رامز والفت وبروضه بنتها نرمين اتوظفت في شركة كبيره بواسطه من ايمن واللي ساعدها اكتر ان بتتكلم ثلاث لغات مختلفه
خلاصة الروايه ان الجمال جمال الروح ومهما كان الانسان جميل فالجمال بييجي يوم ويتنفي خلي روحك دايما جميله لان اللي بيدوم للانسان سيرته الحسنه مش جماله اللي ظلمك بلاش تنتقم منه وانت الاهك اسمه المنتقم اقف واتفرج وربنا بياخد ليك حقك منه خليك دايما حامد ربنا عشان هو دايما مخبي الخير ليك وان حمدته ذادك من خيراته ما حمدتوش هتجري طول حياتك
جري الوحوش في البريه ومش هتطول غير اللي كتبه ليك بردوا زي رامز كدا ما كانش راضي فبلاش طمع وتكبر على الناس مش وقت ما تتشهر تنسي اللي وقف جنبك ودعمك وتروح للي لو انت مركزك قليل شويه ما كنش رمقك حتي بنظرة عين انتهت الحكايه
بقلمي أيات الرحمن
يتبع الفصل كاملا اضغط هنا ملحوظه اكتب في جوجل "رواية دمعة من سمراء دليل الروايات" لكي تظهر لك كاملة
•تابع الفصل التالي "رواية دمعة من سمراء" اضغط على اسم الرواية