رواية هي و القدر الفصل العاشر 10 - بقلم ولاء فتحي
الفصل العاشر
الي ان فجاه في يوم الباب بيخبط
فتحت نجلاء الباب ومش مصدقه من الصدمة
ليان ماما ماما انا طلعت التانيه علي الدفعه
ريم من وراها وانا نمبر 1 انا الاولي ههههههههههههههههه
نجلاء حضنتهم وسعيده بيهم
عملو لهم احتفال صغير
بداو يتدربو مع فارس في العيادة
وفي يوم ليان الباب بيخبط صحت من النوم بتفتح
اتعلقت في رقابته
سيف حبيبي اخويا وحشتني
سيف : استني طيب استني سيبيلي فرصه اسلم علي ماما
صوت من وراه رفيق الطفوله
يلتفت سيف حازم حبيبي اخويا مش ممكن بقيت نقيب يا حضرت الضابط
حازم بيحضنه : بس وحشني الشقاوة معاك
نجلاء : سيف مش ممكن وسعو يا ولاد دخلوه
وحضنته ابني حبيبي مقولتش ليه علشان نجيلك المطار
سيف بيحضنها ست الكل : حبيت اعملها مفاجاه وجيت مع شريكي
نجلاء هو فين خليه يتفضل
سيف : روح هو كمان وجاي يتغدا معانا بكره
مهو دا العريس الي عاوز ليان
حازم : بصدمه بص ل ليان
الي بدلته نظرة حزن ولوم
حازم : طيب انا هسيبك واشوفك بليل عندي شغل ولازم ارجع
ريم : خارجه من الاوضه ايه الدوشه دي مش تسيبوني انام
ايه دا سيف انت جيت
سيف : لاء لسه جاي في السكة
ريم: طيب لما تيجي بقي ابقي صحيني
سيف : انتي يا بنتي هبلة كدا طول عمرك
ريم : احترم نفسك يا هندسه بدل ما احللك نفسيا وحشتني والله
سيف : انتي الي وحشاني يا بت ياريمو ووحشني رخامتك وطولة لسانك
سمير داخل : سيف وحشتني
وفي السلامات دي واقفة ليان حزينة
من بعيد بتشاور لها ريم في ايه
ليان : سرحانه ومش بترد ريم بتقرب منها وبتسحبها من اديها جوا
وتنفجر ليان في البكاء
ريم : اهدي اخوكي بره وهنتكلم بليل امسكي نفسك واهدي
سيف : ماما متتعبيش نفسك اكلت في الطيارة
انتو وحشتوني فين فارس
ريم : هروح اشوفه تلحقه قبل العياده
بتجري ريم وتقتح وتزعق يا فارس يا فارس يا فارس
بيصحي مخضوض
فارس : ايه يا ريم في ايه مالكم حصل حاجة
ريم : سيف وصل وبيسال عليك
بيتجه فارس لشقة نجلاء
سيف وحشني يا ابني
سيف : وانت يا دكتور وحشني اكتر بيحضنو بعض بلهفة الاخوات
عامل ايه يا ابني
سيف : انا اهو كويس انا قولت انك نسيتني ايه فينك
فارس: والله بطمن عليك وكتير كنت برجع اخاف اطلبك بليل والصبح محاضرات
سيف : زي ما انت مش هتتغير عاوزين نسهر بقي سهرة حلوة كدا زي زمان
فارس : ايدي علي كتفك قولي الم الشباب ونطلع
نجلاء : ايه انت وهو هو انا لسه شبعت منه
سيف : لا متقلقيش هتشبعي مني علي الاخر انا فضيت لك ونازل نهائي وحشني المحشي والبط
ليان : كل همك المحشي والبط
سيف بيحضنها
وانتي ايه يا بت الحلاوة دي له حق الواد يتهبل وينزل معايا
فارس: واد مين يا ابني
سيف: اصل مراد شريكي يا سيدي كان هنا جايب لي حاجات باعتها ل ماما ومن ساعتها عاوز يخطب ليان
فارس : ايه ازاي الكلام دا هو ازاي يبص
سيف : يا ابني دا عشرة وانا اعرفه وبصراحة انا مش لاقي فيه غلطة
سمير : الكلام دا سابق لاوانه قوم ارتاح
سيف : مراد جاي بكرة يا بابا
فارس : طيب انا عندي شغل : وهمس ل ريم جهزي حاجاتك علشان ترجعي معايا
ريم : حاضر وقامت تجهز حاجاتها
نجلاء : راحة فين يا ريم
ريم : هروح بقي يا طنط شقتي علشان تاخدو راحتكم
ليان : راحة ايه وتسيبيني لوحدي
فارس : خلاص يا ريم اقعدي مع ليان طول اليوم وتعالي علي النوم
سمير : لاء سيف هيريح وبليل هيبات معاكم في شقتكم وريم مش هتمشي
ريم: اصل يا عمو
سيف : والله دا احسن قرار علشان اسهر بقي براحتي معاهم وحشوني
فارس: سيف طبعا ياريت يا عمي انت عارف انه زيه زي حازم
عن اذنكم هروح علشان العيادة
ليان : مش هنروح معاك يا فارس العيادة
فارس: ايوة فعلا بس سيف لسه واصل قولت يمكن متروحوش
سيف : لاء خدهم الاتنين رغايين اوي وانا هنام علشان نسهر بليل
نجلاء : لاء خليهم حبايبي وهنجهز عشا نتعشي كلنا
سيف اوعي يحطو اديهم فيه احسن يعكو
ريم: نعم انت خايف تاكل اكل مسكر بقي من ادينا انت حر
ليان : سيبيه مغرور زي كل المهندسين
الاتنين لالا بارانويا
قام جري وراهم وهو بيضحك وهما بيضحكو وجري علي اوضتهم وقفلو الباب
نجلاء: جالكم الي مش هيخلي هدوء في البيت
************************..
في الشغل عند حازم
الووو مين تمام يا فندم
اللواء وجيه : ادخل يا حازم
حازم : تمام يا فندم حضرتك بعتلي
اللواء وجيه اقعد يا حازم بص في عمليه في سينا وانت مطلوب فيها بالاسم تبع العمليات الخاصه
طبعا انت مستغرب لانك منقول مبقاش ليك كتير
الحقيقه انت ضابط ملفك ممتاز ويشرف ونقلك دا تمويه
حازم : مش فاهم
اللواء وجيه قريب هتفهم المهم جهز نفسك 48 ساعه وهتكون في سينا قولت ابلغك بدري علشان في اجتماع في الوزاره بكره
حازم : تمام يا فندم
اللواء وجيه : انا مش محتاج اقولك سريه تامة والعملية خطيره
انت عارف
حازم : كل شغلنا سري يا فندم ومقدس متقلقش
اللواء وجيه : عاش يا بطل
****************((
خرج حازم ورجع مكتبه
تليفونه بيرن
فارس: الووو يا حازم عاوزك تعدي عليا في العيادة
حازم : خير يا فارس
فارس: لما تيجي هتعرف
*****************(
راسيل : الو ياريم يعني انتي مش جاية انهارده
ريم : لاء سيف اخو ليان وصل وهنجهز عشا مع طنط
راسيل : يعني ليان كمان مش جاية
ليان : يا بنتي هنجهز عشا مع ماما
راسيل : اصلي مبقتش اعرف اقعد من غيركم
انا بفكر انا كمان مروحش
ريم : اعتذري ل هولاكو
ليان : يارب يسمعك
ريم :ك يالهوي بت يا راسيل انتي في بيتكم
راسيل : ايوة في البيت
ريم: اوعي يكون حسين في بيتكم
راسيل : باستغراب في بيتنا ازاي يا بنتي هيعمل ايه في بيتنا
ريم : وانا اش عرفني هو بيطلع من اي حته
سيف : بيخبط عليهم
ادخل
سيف هو مين الي بيطلع من اي حته
الاتنين انفجرو في الضحك وبصو ل بعض
راسيل : الو الو انتو فين
ليان : طيب يا راسيل اقفلي اما اشوف الي عندنا دا بيطلع من اي حته
سيف : طيب انا الحق عليا جايب لكم شكولاته
ريم مسكته جري : مش انت يا هندسه هات الشيكولاته وانا احكيلك
ليان : عيله طول عمرك هتتخرجي من الجامعه ازاي
ريم: بتاكل الشيكولاته اصل عندنا دكتور في الكليه فجاه بنلاقيه في وشنا
ليان في وشك انتي
سيف : الي هو ازاي ان شاء الله مش فاهم
ليان : بتضحك الهانم مسمياه هولاكو وكل ما تقول هولاكو تلاقيه طاع ن وراها
سيف : ويطلع مين دا بقي وانتو مقضينها هزار مع الدكاترة
ريم : يا ابني دا لو ضحك وشه يشقق
ليان دكتور حسين شريك فارس بس بصراحة ممتاز احنا بندرب معاه في العياده مع فارس
سيف : كنتو من انهارده بح خلاص تقعدو تشوفو طلباتي
ريم : مسكت المخده وضربته في وشه : اطلع بره يا غتيت فاكر نفسك ايه يلا من هنا ايه جابك عندنا
سيف : اكلتي الشيكولاته وبتطرديني
ماشي يا ريم بس احب اقولك ان في غيرها
ريم : سيف اخويا انت بتقفش زي حازم كدا ليه انا بهزر
ليان : انت يا بت مجنونه له حق دكتور يقفش عليكي
سيف : ومين دا بقي الي يقفش عليها ان شاء الله
ريم : ياااه اخيرا يا سيف هتعمل فيه ايه علشان خاطري
سيف : انا مش هسكت له طبعا هجبله هدية واعمله جواب شكر
ليان بتنفجر في الضحك
وريم : طيب اخرج بره انت ايه مقعدك هنا مش عمو قال تروح الشقة هناك
ورمت له المفتاح
اتفضل بالسلامه ومش عاوزين نشوفك
نجلاء : ايه في ايه يا ولاد
ريم : ابنك يا طنط بيجرح مشاعيري يرضيكي كدا
نجلاء :يالهوي يا سيف مش هتبطل تغلس عليهم يا ابني ارحمنا مش ناقصه زن
ريم:كدا يلا خد مفتاح الشقة واتفضل من هنا
ليان : ايوه وسيب الشنط انا هفضيالك بنفسي
سيف : بعينك انا هروح بشنطي بشيكولاتي وايه بقي معايا حلويات كتير يلا سلام خرج وقفل الباب
ريم : رخم اوي عامل زي حازم
ليان : سكتت ودموع في عنيها
مالك يا لي متزعليش والله هو الي لازم يزعل مش انتي
ليان : اخوكي دا معندوش دم بجد
ريم : ما انا عارفه انتي الي مش عارفه
*****************************(
في العيادة
حسين : فين البنات
فارس : اصل سيف اخو ليان لسه واصل وهما مش جايين
حسين : ليه ان شاء الله دا شغل
فارس : طنط عاوزاهم
حازم بيدخل للسكرتيره وهو لابس ميري
فارس فاضي :
السكرتيره : هو معاه دكتور حسين لحظة اديه خبر
خارج حسين وحازم واقف بره
سلم عليه حازم واقف هنا ليه اتفضل
حازم : حسين اذيك هو فارس فاضي
حسين : ايوة يا سيدي لاغي مواعيده وعاوزك
حازم : ربنا يستر متعرفشش في ايه
حسين : لاء بصراحة مقاليش
****************(د
حازم : فارس اذيك
فارس تعالي اعملي لنا 2 قهوة ومش عاوز حد يدخل علينا
حازم : ربنا يستر خير يا دكتور
فارس اتنقل من كرسي مكتبه واتجه للانتريه الي في المكتب تعالي هنا اريح
حازم : موضوع بقي خطير ومطول علي كدا
فارس : اه طبعا
حازم : قلقني خير
فارس : انت هتتقدم ل ليان انهارده وبدون اي اعتراض هننزل نجيب لها خاتم كويس
حازم : ايه
فارس : انت عارف ان سيف وصل
حازم : ايوة قابلته
فارس : وعارف ان مراد شركه عاوز ليان
حازم : ايوة عارف من زمان
فارس وعارف انه جاي بكره يخطبها
حازم : ايه يخطبها لاء انا عارف انه معزوم
فارس : وبمخك كدا معزوم بكره ليه يلعب طاوله معاهم مثلا
انت هتسيبها تضيع منك
حازم : وهي يعني ليان وافقت
فارس : وترفض ليه ان شاء الله
حازم : علشان بتحبني
فارس : وانت سلبي وبتتخلي عنها وبتحطها في موقف محرج
طيب عبد الله وانا لمحت ل عمك علي الامراض الوراثيه وهو مقتنعش لعلمك اوي بس الموضوع كان تلميح من عمك سامي
انما مراد مهندس ناجح وهيفتح شركة مع سيف ومن عيله كويسه
هيرفضوه ليه
حازم : انا طالع ماموريه ولما ارجع
فارس: طيب يا حازم لو منزلتش معايا وجبنا خاتم ل ليان وطلبتهالك انهارده انسي اني اخوك
الباب خبط ادخل
القهوة يا دكتور
هاتيها هنا واتفضلي
دكتور حسين كان عاوز ورق الاختباارات الاخيره
فارس خليه يجي ياخده
خرجت وقفلت
حازم : فارس انا قولت لما ارجع من الماموؤيه
فارس : وقف ولاول مره يزعق له : انت اناني يا حازم انت بتضغط علي اعصابها ليه هي عملت ليك ايه
دخل حسين : خير يا فارس في ايه
فارس : البيه انا جبته هنا علشان نتكلم بعيد عن البيت لكنه عنيد
حسين: واضح انه موضوع شخصي بس اي حاجة تتحل بالراحة
حازم : انت مش غريب يا حسين فارس عاوزني انهارده اخطب ليان
ومصر ننزل نجيب خاتم حالا
حسين : بص ل فارس وعارف اد ايه قراره دا صعب عليه واكيد مؤلم ليه
ليه الاستعجال يا فارس هي لسه لها سنه
فارس : جاي لها عريس بكرة احتماليه رفضه مش كبيرة وابن عمها عاوزها والبيه بيضغط عليها بحجج واهيه
خايف يحصلهم الي حصل لبابا وماما
حازم : مش واهيه يا فارس
فارس : طالما شغلك خطر سيبه وعيش في امان
بس مش هتجرح البنت الي اهلها احتونا وخافو علينا خصوصا انك عاوزها وهي عاوزاك
مش دا جزاءهم انك تعيشها تعيسه
حسين : طيب لو حازم مش عاوزها اخطبها انت يا فارس علشان تحافظ عليها
الاتنين بصو ل بعض وبصو ل حسين
اه مش انت مش عاوز تخطبها يا حازم
وانت خايف عليها وعاوز تحافظ عليها وترد جميل عمك ومراته
خلاص اخطبها انت
فارس : ايه الي انت بتقوله دا يا حسين ليان زي ريم
حازم : انا حقيقي مش فاهمك يا حسين
حسين : ليه يا حازم هي كدا كدا هتتجوز وانت مش عاوز تتقدم خطوة هيفرق ايه بقي عندك تتجوز مين
كدا كدا هتعيش مع راجل غيرك وتكون اسره واولاد
حازم : ايه راجل غيري
بيفكر انا مش هقدر اسيبها
من حقها تكون اسره
وسرح
فارس : يلا يا حازم هننزل علشان نلحق نروح
واه سيف هيقعد معانا في الشقة
حازم سرحان فاق علي صوت حسين
حسين : اشترو الخاتم وبعدين اتفقو مع بعض مين هيرتبط بيها
فارس: حسين الله يرضي عنك مش وقت هزار
حازم : يلا ننزل نتكلم تحت يا فارس ونتفق برضه ليه لاء
فارس : انت مجنون يا ابني
حسين : ابقو اعزموني
تفتكرو هيتفقو علي ايه
- يتبع الفصل التالي اضغط على ( رواية هي و القدر) اسم الرواية