رواية مجنونتي الفصل العاشر 10
البارت 10
مجنونتى
رجل: what
جاء ادهم من وراء هذا الرجل
ادهم: ماذا تريد
الرجل: من انت ياصاح
ادهم: هذا لا يهم ماذا تريد
الرجل وهو ينظر لنور بنظرات مقززه: اريدها
ادهم بغضب شديد: وهذا مرفوض ومستحيل
مسك ادهم يد نور وخرج بها الى الخارج ركب سيارته وتحرك بها الى مكان الفندق
وبعد قليل وصل ادهم الى الفندق مسك يد نور وذهب الى الغرفه بغضب
نور: ادهم فى اى براحه ايدى بتوجعنى
ادهم: اسكتى خالص فاهمه
نور : هو اى ال اسكتى وبعدين الراجل ده قالك اى علشان تتعصب عليا كده انا مالى الله
ادهم بغضب: لا مفيش كان عاوز يشقطك بس
نور: اى ده ده قد ابوك
ادهم: متهزريش مش وقته انا قولتلك من الاول مينفعش تيجي وقولت ان هنا خطر وكل دول مافيا وانتى لا بتعاندى فى الغلط وخلاص
نور: هو اى وانا اى عرفنى يعنى اى ده وبعدين انت متعصب ليه اوى كده
ادهم وهو يقترب منها وهى ترجع للوراء: علشان مينفعش تكونى لحد غيرى فاهمه
نور وهى تلتصق بالحائط: الله وانا مالى يا لمبى
ادهم: هتفضلى تهزرى كده كتير
نور: خلاص يا عم فى اى ابعد بقا الله بتخنق انا بسرعه
ادهم: بتتخنقى منى يا نور
نور وهى تدفعه: يا عم ابعد بقا انا جعانه هو مفيش اكل هنا خالص
ادهم: اه مفيش هنا اكل
نور: احيات امك ياشيخ عاوزه اكل انت جايبنى هنا تجوعنى
ادهم: انا ال جايبك اه بأماره بعد يدك عنى الله لا يوفقك
نور بضحك: ياعم خلى قلبك كبير
ادهم: طيب تعالى ناكل من تحت
نور: اشطا
نزل ادهم ونور الى البوفيه الذى يوجد فى الفندق واخذوا الاكل
نور: الله الاكل ده جامد اوى على فكره
ادهم: مش زى المكرونه بالبشاميل بتاعتك الحمدلله
نور: ياسلام يعني انا اكلى كله وحش
ادهم: اه
نور: حسبنا الله ونعم الوكيل فيك بس كده
ادهم: ماشي
انتهت نور وادهم من الطعام وخرجوا يمشون فى الشوارع بإستمتاع
نور: يااااه يالمبى الجو هنا متعه محتاج آيس كريم اوى
ادهم: طب استنى هروح اجيب واجى ملكيش دعوه بحد فاهمه
نور: هو انا فاهمه هما بيقولوا اى علشان اجى جمبهم
ادهم: الحمدلله كده خربت
نور: ياعم والله ما فاهمه انا كنت فرنساوى مخدتش المانى انا
ادهم: خلاص خليكى ومتتحركيش
على الجانب الآخر
مجهول: نعم سيدى هى الآن وحدها
مجهول: اذا نفذ
مجهول: حسنا
كانت نور تنتظر ادهم ولاكن فجأه ظهر شخص غريب وغامض وقام برش شئ فى وجهها ثم اخذها ووضعها فى السياره وتحرك الى مكان مجهول
بعد وقت قليل
ادهم: اى ده راحت فين دي طب وبعدين بقا ممكن تكون راحت الفندق
ذهب ادهم الى الفندق ولم يجد نور فبدأ يتوتر وذهب مره اخرى الى نفس المكان الذى كانت به وجلس يبحث عنها ولاكن من دون فائده
ادهم: طب وبعدين بقا ممكن تكون
ثم تذكر شئ واشتد غضبه فتغير وجهه واصبح بلا رحمة فمن يتجرأ على ان يقوم بإختطاف حبيبته
ادهم بضحكه خبيثه: كده نبدأ اللعب على نضيف
على الجانب الأخر
بدأت نور تستوعب ماذا حدث
نور: اى ده يعني انا اتخطفت امممممم طب ياترى هيعملوا فيا اى طب عاوزين منى اى
فجأه دخل شخص فكان ذالك الرجل الذى كان فى الحفل
نور: اى ده انت لحقت يا حج توصلى ياراجل ده انت اسرع من الدليفرى وبعدين عاوز من امى اى انا عاوزه اروح
كان الرجل يقف ولا يفهم اى شئ فهى كانت تتحدث العربيه
الرجل: ماذا تقولين
نور: اقعد اقعد يا عم وسيبك من الحوار ده تعالى اما احكيلك ابويا وامى اتعرفوا ازاى
استغرب الرجل من هذه الفتاه فهو لا يفهم ما تقول وكيف لا تبكى او تحاول الهروب
نور: يا حج هيجيلك هبوط تلاقى عندك السكر ولا الضغط اقعد هتموت وانت شبه السكره كده
خرج الرجل وهو لم يفهم شئ منها
جلست نور
نور: اخرابى على الروقان دى كانت عيشه بهايم اى ده انا بقول انام شويه كده كده ملوش لزوم افضل قاعده
سمعت نور صوت عالى فكان يوجد ضرب نار
نور بصوت عالى: يوووووه هو الواحد ميعرفش ينام شويه هو هنا وفى البيت يا جماعه احترموا المخطوفين شويه
فجأه توقف صوت ضرب النار وظهر شخص يرتدى ماسك على وجهه ويدخل على نور
نور: اى ده وربنا ما عملت حاجه الناس ال بره ال خطفونى من الواد ادهم الله يحرقه اكيد بسببه
خلع الشخص الماسك وظهر ادهم
ادهم: اه يا واطيه انا الله يحرقنى وانا ال جاى انقذك
نور: ادهم ابو الصحاب ابو الجدعنه وربنا خرجنا بقا
ادهم وهو يسحبها من يدها: تعالى يا مصيبه انا اى ال عملته فى نفسي ده
وبعد وقت وصلت نور الى الفندق
ادهم لمى الهدوم بسرعه علشان هنمشى
نور: حاضر
انتهت نور واخذ ادهم الشنط ووضعهم فى السياره وذهب الى منزل اخر
نور: ياااااه هنام بقا كده كتير اوى النهارده
ادهم وهو يمسكها مسكه الحرامى: اى ال حصل احكيلى
نور: اى ماسكه الحراميه دى سيبنى يا عم بقا اى ده وبعدين محصلش حاجه كنت واقفه متهببه مستنياك فجاه جه واحد ورش حاجه فى وشى وودانى هناك لما صحيت لقيت الراجل السكره ال شفناه فى الحفله داخل بيقول حجات انا مش فهماها كلمته طلع راجل قليل الذوق سبنى ومشى بس والله
ادهم: طب ادخلى نامى بقا
نور وهى تتركه : ما كان من الاول الله
ذهب ادهم واجرى عده مكالمات وبعد ذلك ذهب لينام
على الجانب الآخر
كانت رحمه تجلس وفجأه ارسل اليها عمر رساله
عمر: رحمه انا عاوز اقولك حاجه
رحمه: فى اى يا عمر
عمر: ممكن اقابلك فى كافيه
رحمه: تمام ماشي
عمر: خلاص تمام ان شاءلله على الساعه ٧تمام
رحمه: اه خلاص تمام
قامت رحمه بالاتصال على ديما
رحمه: السلام عليكم
ديما: وعليكم السلام
رحمه: هى نور مش بترد ليه
ديما: نور يا ستى صايعه مع جوزها فى المانيا دى بعتتلى على الواتساب ومكلمتنيش حتى
رحمه: الجزمه مقالتش حاجه
ديما: تلاقيها بتلف بقا
رحمه: ماشي يا نور الكلب
ديما: هنعمل اى بقا فيها
رحمه: خلاص يا ستى ماشي
ديما: تمام
رحمه: يلا سلام
ديما: سلام
رحمه: سلامو عليكو
عمر بضحك: عليكو السلام
رحمه: فى اى بقا يا عم
عمر: رحمه انا بحبك
رحمه بصدمه: اى
عمر: رحمه انا بجد بحبك بقالى كتير بفكر فيكى وعلطول عاوز اشوفك انا بس عاوز اقولك انى فعلا بحبك وعاوز اتقدملك بس لازم اما النتيجة تطلع وادخل الكليه واشتغل
رحمه: ده رقم بابا كلامك المفروض يكون معاه بعد كده مش انا سلام
عمر: طب استنى طيب
رحمه: معلش يا عمر ال عندي قولته استأذن انا بقا
عمر: تمام ماشي
فى الصباح
نور تخرج من غرفتها وهى ترتدى بيجامه جميله
ادهم: اى القمر ده
نور بغرور مصطنع: اقل حاجه عندي
ادهم: ايوه طبعا بأماره البيجامه ام ارنب
نور: يا عم بقا وبعدين انا عاوزه افطر
ادهم: الاكل جوه فى المطبخ
نور وهى تأخذ منه النسكافيه: كوبايه نسكافيه مقبوله شكرا ياسطا
دخلت نور المطبخ وتركت ادهم فى صدمته
دخل ادهم المطبخ وجد نور تآكل
ادهم: بقولك يا نور
نور: متقوليش
ادهم: اى ده ليه بقا ان شاءلله
نور: ياعم عاوزه اكل سيبنى بقا
ادهم: خلاص يا ستى كلى براحتك
خرج ادهم وتركها تأكل
مر عده ايام وكان ادهم يخرج فى الصباح ويرجع فى المساء
ادهم: نورى
نور: نعم
ادهم: غمضى عينك
وضعت نور يدها على عينها: اهو
اخرج ادهم سلسله جميله جدا
ادهم: فتحى عينك
نور: الله ده بجد
ادهم: اه طبعا بجد
نور: يعني مش هتعمل زى معظم الرجاله المصريه وتاخدها منى كمان ساعتين
ادهم: انا غلطان اصلا
نور: يا عم بهزر قفوش اوى انت
ادهم: ماشي يا ستى براحتك المهم هخرج انا دلوقتي شويه
نور: خلاص تمام ماشي بس يارب متكونش متجوز ورايح لمراتك
ادهم: هو انا اقدر برضو وبعدين انتى كرهتينى فى الصنف متخافيش
نور: فى طقم سكاكين جديد هموت واجربه صراحه
ادهم بضحك: ان شاءلله مش عليا
نور: الله اعلم بقا
فجأه وضع ادهم قبله على خدها وخرج بسرعه شديده
نور بصدمه: اه يا ابن الجزمه
اخذت نور تسالى وخرجت جلست امام التلفاز
وبعد وقت قليل وجدت صوت احد يدخل
نور: ادهم انت جيت بدري كده ليه طلقت مراتك ولا اى
مجهول: كيف حالك عزيزتى
نور وهى تتذكر فهو الشخص الذى قام بخطفها من عده ايام: اى ده هو انت فيك الخير منسيتنيش عاوز تحط البتاع ال بتحطه براحتك انا كده كده مطيعه وبتخطف بسرعه
قام المجهول برش ماده على وجه نور لكى تنام واخذها وخرج
وبعد وقت استيقظت نور
نور: يوووه هو انا كل شويه اتخطف فى مكان شكل
فجأه دخل المجهول: يا عم هو انا عامله معاكوا اتفاق تخطفونى كل اتنين وخميس ده لو جيم مش هروحه كده
قام المجهول بوضع الطعام والماء وتركها وخرج
نور: اخرس ده ولا اى الواد ادهم الفقر ده هو ال اكيد عطينى السلسله وباصص فيها يلا بقا اكل احسن
جلست نور تآكل
وبعد قليل سمعت صوت فى الخارج
نور: بس اكيد ده ادهم جه
وبالفعل دخل ادهم عليها
ادهم: بصي قعدتى تقولى خدنى معاك خدنى معاك اهو اتخطفتى واتفسحتى اهو المكان حلو
نور بضحك: اوى اوى
نور وهى تلاحظ شخص يحاول التصويب نحو ادهم فتحركت و اصابت بدلا منه
ادهم: نوووووور
ضرب ادهم الرجل الذى قام ب اصابه حبيبته
نور: ادهم عاوزه اقولك حاجه قبل ما اموت
ادهم: لا متقوليش كده
نور بفقدان للوعى: بحبك
مجنونتى
للكاتبه Aya Amr Sharaky
يارب بارت النهارده يكون عجبكوا وياريت نتفاعل يابنات التفاعل بيقل ليه
بحبكم ❤👑👸🏼
•تابع الفصل التالي "رواية مجنونتي" اضغط على اسم الرواية