رواية تيمو الفصل العاشر 10 - بقلم ولاء فتحي
(10)
وهنا انهارت ملك في البكاء وتركته وخرجت مسرعه وفجأه
شعر شريف بالذنب وانه زودها خرج يلحقها وسط دهشت الجميع في المطعم
شريف : انسه ملك من فضلك استني
ملك : في اي اهانات تانية يا استاذ شريف لسه عموما انسي اي تعاقد بين شركتنا وشركتكم
شريف : ممكن نتكلم جوا من فضلك
ملك : اسفه معنديش وقت وقتك خلص
شريف : من فضلك الناس بتتفرج علينا
ملك : 5 دقائق فقط لان وقتك خلص معايا
شريف : طيب اتفضلي ونظر ل رولا واحد ليمون يا رولا في المكتب وفنجان قهوة ليا
.......................
دخلت مايا غرفه تميم وجدته نائم خرجت للاطمئنان عليه واطمئنت عليه من الطبيب المتابع لحالته
الدكتور : حرارته بدات تستقر بس محتاج رعايه واضح اصلا انه مجهد وفقد دم كتير وواضح ان حالته النفسيه مش كويسه لان التمريض بيقول انه حتي مع المنوم بيكون مش نايم بثبات
مايا : طيب ممكن اشوفه
الدكتور : اتفضلي بس هو ممكن ميحسش بيكي من الادوية متنسيش انه طلق ناري ونزف كمية كبيره فهو في حالة اللاوعي شبه عايش بين الواقع واحلامه
وبرضه المسكنات والادوية مخلياه مش مركز
مايا : يعني هيفضل كدا كتير
دكتور يعني مش اقل من 48 ساعه
........................
سعاد : انا قلقانه علي تميم يا بيلا اوي
بيلا : متقلقيش يا سعاد انا متابعه الموضوع بنفسي
سعاد : بس لو عرف هتكون مشكله
بيلا : يا بت يعرف منين دا انا نبيله السعداوي ولا انتي نسيتي جمدي قلبك
سعاد : بس عرفت انه زعل اوي عليا
بيلا : واحده واحده الامور ترجع انا الواد شريف لما قالي انه مسافر وهيجي يسلم عليا
قررت اننا ننفذ الخطه بس انتي ضغطك علي مرة واحده
سعاد : الكلبة ميسون مقالتش ليا انا جيت مرعوبه عليكي
بيلا : حبيبتي يا سعاد الواد دا طالع لابوه ونا هضبطهولك
سعاد : حبيبتي يا بيلا اما اتصل بماما اصلها كانت قلقانه علينا
بيلا : اوعي شيما تعرف . انتي عارفه امك هي اختي صحيح بس هتبوظ كل حاجة
سعاد : لاء خالص متخافيش
.................................
شريف : انا مقصدش اني اجرحك اانا اسف
ملك : علي ايه بالضبط
شريف : انا كان قصدي اضايقك شويه زي امبارح ما قفلتي السكه
ملك : وانت قبل ما تتصل مبصتش في الساعه
شريف : انتي اصل متعرفيش تيمو بالنسبة لي ايه فقلقت
ملك : تيمو شاب محترم جدا وشهم
شريف : انا عارفه كويس . ومش هكدب عليكي معرفش ليه اتضايقت لما طلب رقمك ا
ملك : ودي حاجة متخصكش في حاجة
شريف : طيب ايه رايك نكمل الديل بتاعنا . لو سامحتيني
ملك : موافقه بشرط
شريف : الي هو ايه
ملك : ان ورق القريه السياحيه نمضيه مع نمبر 1 مهو انا كمان دارسه كويس قبل الاجتماع انك الرجل الثاني
شريف : انتي طماعه هو انا مش كفايه وضحك بخبث بس برضه صدقيني هحاول
ملك : طيب ايه التنازلات الي هتدوهالنا في المطعم
شريف : لاء دا تميم يقتلنا هو مدير المسؤل
ملك : مش انت الاونر
شريف : لا اه ايه بصي انا هعرض طلبك علي المجلس
ملك : كنت فاكراك ليك راي بس طلعت غلطانه
شريف : الا قوليلي انتي طول عمرك متفوقه ازاي نزلتي سنه
ملك : اعتقد اتفقنا علي 5 دقائق كدا وقتك خلص
شريف : لاء بجد
ملك : عملت حادثه وكنت في المستشفي وكانت اسوء فترة في حياتي عاوز تنكد في حاجة تانيه عليا ولا ايه
ثم ان مش واخد بالك انك بتدخل في الي ملكش فيه
شريف : هيكون ليا ان شاء الله
ملك : نعم
شريف هيكون ليا حظ امضي العقود معاكم يا انسه ايه
................................
ذهب شريف للاطمئنان علي تميم ولمح مايا وهي بتخرج من المستشفي كانت جميله جدا بعيدا عن لبس الفورمال ولكنها لم تراه
دخل لتميم
شريف : ايه يا عم تيمو ايه جرالك ايه
تميم : مفيش دا اصابه بسيطه كدا
شريف : مايا النوبي هي السبب؟
تميم : جبت الكلام دا منين .
شريف : شايفها وهي خارجه بس ايه يا ابني دي قمر مداريه ورا نظارة البدله بنت لايه
تميم: شريف انت عارف اني مبحبش الاسلوب دا عينك احنا لينا اخوات بنات
شريف : انا مقصدش انا قصدي يعني انت قلبك فاضي والبت حلوة ومثقفه ومركز وعيله ليه لا
تميم : يتنهد شريف مفيش في قلبي غير شين مراتي وحبيبتي
شريف : تميم : شين ماتت يا تميم عيش حياتك حب واتحب شين نفسها لو هنا كانت هتولك كدا
تميم بشرود : هي فعلا قالت بس انا مش قادر انساها
شريف : طيب سيبك انت ايه الي حصل
تميم : مش وقته ايه اخبار ماما
شريف : قولت لها انك في اجتماعات مهمة وانك مكنتش سايبها
تميم : هي عاملة ايه وبيلا
شريف : لاء اطمن هما واصحابهم قلبو المستشفي لباسيل نادي
دا حتي بفككر اسميها نادي النيل بدل مستشفي النيل وكلهم ايه مزز معاشات انما قمر
تميم: يبتسم طول عمرك مبتتكلمش جد
عملت ايه في اتفاق المطعم
شريف : علقته بحجة اني لازم ارجع للاداره
تميم: ليه في بنود مش عاجباك
شريف : بالعكس البنود عجباني اوي علشان كدا علقته
تميم : ومضضتش ليه طالما عجباك
شريف : اضبط نفسي واجيب المأذون وامضي علطول
تميم بعدم فهم : انت مجنون يا ابني انتي عبيط ماذون ايه الي هتمضي معاه هو عقد ويضحك انت وقعت يا زعيم
شريف : بصراحة خايف اقع عاوزها تقع الاول او عاوز اطمن انها هتقع
تميم : خلي بالك دي ابوها مبيهزرش قبل ما يكون رجل اعمال فهو لواء جيش ودول لطاف بس وقت الجد حياة او موت
شريف : فصلتني بقولك ماذون تقول حياة اوموت
الدكتور : طيب عال عال بقينا افضل كتير
تميم : انا عاوز اخرج يا دكتور
الدكتور وهو يكمل فحص . خروج ايه يا فندم دا طلق ناري مش عملية لوز يعني مشرفنا لغاية ما الحاله تستقر
هبعت لك الممرضه علشان معاد الادويه وبكره ان شاء الله امر عليك
وخرج الدكتور
شريف : بخضه مين دا ابن ال.............. الي ضرب نار عليك قولي وانا هطلع روحه في ايدي
تميم : اهدي كله باوانه
شريف : تميم لازم تمشي بحراسه شغل الاستهبال والتخفي بتاعك دا مينفعش امك لو عرفت هتروح فيها
تميم : متكبرش الموضوع جرح بسيط وسطحي
المهم روح لباسل حاول انه يخرج ماما علشان ميسون لوحدها
شريف : هي هتخرج كمان شويه هتخلص فحوصات وترجع البيت
بس باسل مصر يحجز علي بيلا منعا لاكل الكنافة
تميم : انا تعبت ماما اوي معايا . بس هانت يا شريف اخرج بس ومش هضايقها حتي لو هي غلطانه مش هقدر افقدها
شريف : ربنا يهديك يا ابني روح بدعيلك من قلبي
تميم ويقذف في وجهه المخده روح يا فصيل وانت شبه امينه رزق كدا
مش عاوز اشوف وشك
.........................................
سعاد : واد يا شريف تميم فين انطق
شريف : بصراحة هو عمل حادثه بسيطه كدا وفي المستشفي بس هيطلع بكره متقلقيش
سعاد : ابني حبيبي انا برضه قلبي مش مرتاح لازم اشوفه
شريف : طيب ارتاحي انتي تعبانه
.......................................
جلست مايا مع تميم في الغرفه تطمئن عليه بعد كشف الطبيب
تميم : احكيلي بقي ازاي الولد دا يبقي خطيبك
مايا : هو كان خطيبي الموضوع
..................... بس يا سيدي ومعرفش ايه حصل لغاية ما لقيتك سايق بيا موديني البيت
تميم : الحقير ز حسابه كدا تقيل جدا
مايا : احكيلي بقي انت ايه حصل . وانت طلعت منين تنقذني
تميم :انا كنت بزور امي في المستشفي وراجع البيت وقاعد علي النيل لفت انتباهي صوت فرمله العربية وصريخ
بصيت لقيت واحد بيتهجم علي واحده وواخده بالعافيه مقدرتش امسك نفسي لما تخيلت ان ميسو اختي ممكن تكون مكانها
مايا : وبعدين جزاتك انه ضربك بالنار
تميم : متقلقيش حقي هعرف اخده بس انتي مفروض مكنتيش تمشي بليل لوحدك كنت خدي مامتك او اخواتك معايا
مايا : الحقيقه ان ماما متوفيه ومليش الا بابا وبعتبر ملك اختي هي اصغر مني ومتربيين سوا وباباها كان لواء صديق بابا وحط كل فلوسه معانا شريك بابا بنسبه 30% باسمها ومامتها بعتبرها زي امي وبصراحة مليش اصحاب غيرها تقريبا
الا قولي انت خريج ايه . والمطعم يعني انا فتحت قلبي وحاسه ان في وراك حكايه
تميم : انا يا ستي خريج هندسه ودكتوراه في ادارة المنشاءات يعني تقدري تقولي اني درست هنا في مصر هندسه ودرست في جامعه بكين ادارة المنشاءات
مايا : بابتسامه وشين
تميم بهروب انا محتاج اخرج عندي شغل
مايا : لما الدكتور يقول علشان صحتك
استاذنك بما ان ايدك تعبانه ومش هتقدر تسوق تسمحلي ابعت لك سواق
تميم : متتعبيش نفسك
مايا : افهم من كدا . اني ضايقتك
تميم : ابدا . حقيقي انا سعيد بسؤالك
مايا : طيب تسمحلي ابقي اطمن عليك
تميم : اه طبعا اي وقت دا شرف ليا
...............................
علاء : مايا كنتي فين
مايا : بابا انا كنت بطمن علي تيمو
علاء : مايا النوبي بنفسها تطمن علي ويتر في مطعم حتي لو كان هو مدير المطعم
انتي مش عارفه انتي مين ولا ايه
مايا : بابا . دا انقذ حياتي
علاء : نديله قرشين مش مايا النوبي تشتغله سواق
مايا : هو حياتي عندك تساوي قرشين
علاء : انتي اغلي حاجة في حياتي بس انا
مايا : انت بتثق فيا مش كدا ولا ايه
علاء ايوة بثق فيكي بس مبثقش في الناس
مايا : بعد الي شوفته مع رائف متقلقش عليا
علاء : بقلق يقبل راسها خلي بالك من نفسك يا حبيبة بابا
مايا : متخفش عليا يا حبيبي
ملك : ايه وصله الحب والحنيه دي . وانتي يا هانم مجتيش الشغل ليه
مايا : تعالي معايا نشوف عملتي ايه في الاجتماع
عن اذنك يا بابا
علاء : اتفضلو
..........................
في المستشفي تاني يوم
ايه مش معقول يااااه انتي
- يتبع الفصل التالي اضغط على (رواية تيمو) اسم الرواية