رواية امتلكني صعيدي الفصل العاشر 10 - بقلم ندا سامي
كلهم كانوا متجمعين علي السفره وزين نزل عشان يأكل معاهم
الهلالي: انا هستغل الفرصه ان كلكم موجودين وعايزه اقولكم ان رؤي وزين فرحهم بكره
عم السكوت في المكان والكل كان مصدوم ماعدا زين ومياده كانوا عارفين باللي هيتقال
رؤي اتصدمت من كلام جدها وبصت لوالدتها وقالت
رؤي: ايه الكلام اللي انا سمعته من جدو دا يا ماما هو جدو بيتكلم بجد
مياده: استني يا حبيبتي انا فهمك
رؤي بصريخ: انا مستحيل اتجوز بالطريقه دي مستحيلللللل وقعدت تعيط وفجاه اغمي عليها ووقعت في الارض
مياده ببكاء وصراخ: رؤي بنتي
جريت مياده وكل العيله علي رؤي وكانوا قلقانين جدا عليها
مياده ببكاء: هاتوا دكتور بسرعه مش راضيه تفوق
زين شال رؤي وطلعها اوضتها وطلب دكتور
بعد وقت قصير وصل الدكتور وكشف عن رؤي
الدكتور: هي الحمد لله دلوقتي كويسه انا اديتها حقنه مهده عشان حاله الصدمه اللي جاتلها
مياده ببكاء: بنتي هتكون كويسه يا دكتور
الدكتور: ان شاء الله يا مدام متقلقيش
مياده: يارب
زين: شكرا جدا يا دكتور وخد الدكتور عشان يوصله
مياده وهي قاعده جمب رؤي وماسكه ايدها وقاعده بتعيط
مياده في نفسها: حقك عليا يا بنتي انا بس عايزه احميكي من شرهم وميقدروش ياخدوكي مني وزين هيحافظ عليكي انا متأكده من دا
بعد ساعه رؤي فاقت وافتكرت كل اللي حصل
مياده: رؤي حبيبتي حمد لله علي سلامتك يا قلب ماما كدا برضو تخوفيني عليكي
رؤي كانت زعلانه من مامتها عشان موافقه علي اللي بيحصل
مياده: رؤي مبترديش عليا ليه يا حبيبتي انتي زعلانه مني
رؤي: ماما لو سمحتي انا تعبانه ممكن تسبيني شويه لوحدي
مياده بزعل: ماشي يا رؤي بكره تعرفي وتفهمي انا بعمل كل دا لمصلحتك وسابتها وخرجت
رؤي كانت حزينه جدا علي اللي بيحصلها دا بس كان في حاجه جواها مطمنها
عدي الوقت وجه تاني يوم والبيت كله كان عمال يجهز عشان كتب كتاب رؤي وزين
صحيت رؤي من النوم لقيت جمبها فستان شيك جدا لونه ابيض
رؤي بصت علي الفستان ومسكته ولسه هتقيس الفستان وفجاه الباب خبط
رؤي: اتفضل
دخل الهلالي ورؤي كانت مستغربه ان جدها يطلعلها دايما تسمع من والدتها ان جدها ليه هيبه كدا وان هو عمره ما راح لحد واي حد بيطلبه بيجيله في مكتبه علي طول
رؤي: جدو اتفضل
الهلالي: طبعا مستغربه ان جاي لحد هنا
رؤي : بصراحه اه يا جدو.
الهلالي: انا جيت اتكلم معاكي شويه يا رؤي واعرفك ان انتي كدا مش مجبوره علي الجوازه يا بتي
رؤي: بس يا جدو……
الهلالي قاطع كلامها وقال
الهلالي : اسمعيني الاول يا بتي انا عارفه كل اللي هتقوليه وعارف ان انتي مش عايزه تتجوزي زين بس اللي حابب اقوله ان انا ووالدتك بنعمل دا لمصلحتك وخايفين عليكي يا حبيبتي
رؤي: خايفين عليا من اي يا جدو
الهلالي: والدتك عانت كتير يا بتي من عمامك ومش عايزه تخليكي تعاني انتي كمان وبكره تفهمي قد اي هي بتحبك وبتخاف عليكي وهتعرفي ان زين هو سندك بعد ربنا يا بتي وهيخاف عليكي وهيشيلك في عيونه
رؤي: بس دا عصبي اووي يا جدو دا انا بخاف منه اووي
ضحك الهلالي علي كلام رؤي وقال
الهلالي: ههههههه رؤي يا بتي زين راجل من ضهر راجل ومش عايزك تزعلي من والدتك هي بتحبك انتي متعرفيش حالتها عامله اي من امبارح
رؤي حست بالذنب وقالت
رؤي: وانا موافقه يا جدو اتجوز زين
الهلالي فرح ان كلامه مع رؤي قدر يقنعها
باب اوضه رؤي خبط
الهلالي؛: ادخل يا…………
- يتبع الفصل التالي اضغط على ( رواية امتلكني صعيدي ) اسم الرواية