رواية هي و القدر الفصل الحادي عشر 11 - بقلم ولاء فتحي
الفصل الحادي عشر
حسين : اشترو الخاتم وبعدين اتفقو مع بعض مين هيرتبط بيها
فارس: حسين الله يرضي عنك مش وقت هزار
حازم : يلا ننزل نتكلم تحت يا فارس ونتفق
فارس : انت مجنون يا ابني
حسين : بيضحك عليهم بخبث مع السلامه وابقو اعزموني
نزل الاخين اشترو خاتم من الذهب الابيض يتوسطه فص علي شكل قلب
وتوجهو الي بيت عمهم دون ان يتحدث اي منهم بكلمة مع الاخر
______________**
في بيت عمهم الجميع يجهز لاجتماع عائلي بمناسبة عودة سيف
البنات مع نجلاء في المطبخ وسيف وسمير في غرفه المعيشه يتحدثون
واثناء انشغالهم يدق الباب ويفتح سيف مرحبا
اهلا بالغالين وحشتني لمتنا وقاعدتنا ولكنهم مرتبكون علي غير العاده
نجلاء : اقعدو يا ولاد الاكل قرب يجهز
فارس : مش مستعجلين يا طنط خالص وياريت تسيبي البنات تجهزه وتعالي لان في موضوع مهم عاوزين نتكلم فيه
ريم : ايه يا فارس اسرار يا دكاترة علي اختك
فارس : روحي يا ريم بالفاظ السواقين بتاعتك دي دا الاسرار تتقال لاي حد الا انتي اصلا يا لسان فالت
ريم: اي انا بتهزء يا رجالة وبتضحك بتنادي يا لي لي صح عاوزاني
لمي لي كرامتي المبعثرة علي سجادة بيتكم
دخل حازم دون ان ينطق وسلم علي عمه وعلي سيف وجلس وهو متوتر جدا
فارس : سلم عليهم وجلس في صمت هو الاخر
نجلاء : مالكم يا ولاد عاملين زي الي عاملين عملة كدا ليه
انتو متخانقين
سيف : مين دول الي يتخانقو يا ماما دي تبقي معجزة
سمير : اقفلي الباب يا نجلاء وتعالي وبطلو كلام اما نشوف الولاد مالهم
فارس نظر ل حازم نظرة عميقه وقال
عمي الحقيقه انا جاي اخطب ليان
انتبه حازم له واغمض عينيه ونظر الي الارض
فنظر له فارس
نجلاء يا حبيبي دا يوم المني
فاكمل ل حازم اخويا
فتنفس حازم ونظر اليه بحب
سيف : علشان كدا قاعد مكسوف خايف ارفضك يا ابني ولا ايه
سمير : بس يا سيف بلاش تهريج
بص يا فارس يا حبيبي انت وحازم ولادي اكيد
بس انا لازم اخد راي ليان
فارس : والله يا عمي حازم بيحبها وهيحطها في عنيه وطبعا حقك
نجلاء : هي ليان هتلاقي احسن منه يا سمير
سمير : الشرع كدا يا نجلاء
حازم : حقك يا عمي طيب انا هستاذن انا
سمير : علي فين يا ابني
حازم : بتوتر اصل انا عندي ماموريه وهروح اجهز
سيف : واد يا حازم انت لسه هتتعلم الكلام وبعدين انت مش هتتعشي معايا ولا ايه دا انا جيب لك شيكولاته
سمير : روحي يا نجلاء حضرو العشا وغمز لها
فارس : عمي انا هنتظر رد حضرتك علشان كدا كدا الشقة الي كانت بتجهز فوق وبتتوضب هتكون ل حازم ليان تجهزها علي مزاجها
*******************(
ريم: بت يا ليان فارس طلب ايدك يا بت ل حازم
ليان اتلخبطت وارتبكت و وقع الطبق من اديها وارتبكت واتكسر
دخلت نجلاء بسرعه : ايه الي اتكسر
ريم : ولا حاجة يا طنط
سيف : في ايه الي اتكسر
ريم : اطلع بره يا سيف ايه دخلك المطبخ
سيف : يا خبتك يا ليان كسرتي الطبق ومن اطباق النيش
يا وكستك يا حازم اد اول طبق من جهازك هتاخده نجلاء
نجلاء بتخبطه : اطلع بره يا مصيبه من هنا وبلاش كلام
ليان : ايه الي سيف بيقولو دا
نجلاء : الجوع وحش يلا العشا بسرعه
************************(
في مكان ما ناجي : العمليه مضمونه يا باشا
ومحدش علي علم بيها من الاداره
المجهول :تمام يا ناجي وفي شنطة هتوصلك اول ما العمليه تخلص
ناجي :عيب عليك الاتفاق النص قبل والنص بعد
ومتنساش اني لو حد عرف باتفاقنا هتحاكم عسكريا ودا مفيهوش هزار انا بغامر
المجهول : خلاص يا ناجي بس ركز
*****************0
حسام : الو يا باشا كدا معانا اكتر من دليل
ممدوح: تمام يا حسام العمليه دي لاوم تمشي بسريه تامة بلغ اللوا وجيه ان حازم والرجاله هتروح من طريق غير الي هنروح منه ورجالة اللاسلكي والقناصه معاهم
حسام : علم يا فندم
*************************(
في البيت عند حازم
تليفونه بيرن قام بعيد يرد
حازم : تمام يا فندم
الساعه 5 هكون عند حضرتك
الطرف الاخر : مال صوتك يا حازم
حازم : مفيش انا بخير يا فندم
الطرف الاخر : العمليه عاوزة تركيز يا حازم شديد
حازم : متقلقش يا فندم كل تركيزي مع حضرتك انا بس في وسط العيلة
الطرف الاخر : خلص وريح ومتنساش
حازم : تمام يا فندم
فارس يهمس لعمه بهدوء : عمي انت عارف ان شغله محتاج تركيز وانا عاوز بصراحة نخلص
سمير يلا نتعشي وربنا يسهل يا فارس
علي الاكل يجلش سمير علي راس المائده بجواره سيف من ناحيه وليان من ناحية بجوار ليان ريم ونجلاء وبجوار سيف حازم وفارس
يلاحظ سمير نظرات حازم وليان وبيعمل نفسه مش واخد باله سيف يتحدث ويحكي عن عمله وعن مغامرات عمله والكل مندمج معه
سمير الحمد لله
ليان ليان
ليان : ايوة يا بابا
سمير : هاتيلي الشاي انتي عارفه مبعرفش اشربه الا من اديكي
ويبص للباقيين كملو اكل انتو براحتكم يا ولاد
ليان : حاضر يا بابا
يبص حازم في ساعته
سيف : مستعجل ولا ايه يا حضرت الضابط لسه هنحلي
حازم : لاء ابدا انا اصلي عندي شغل الفجر
سيف احنا يا ابني لسه الساعه 8 هي الداخليه بتنيمكم من المغرب زي الفراخ
حازم : لاء يا خفيف انت لما هتمسك موقع الي هتنام من بدري زي البط
سيف : اما انا بقي جايب لاي ستيشن يا واد يا حازم علشان نلعب عليه
ريم : سيف عاوزة العب انا كمان
سيف : كل الالعاب بتاعة رجاله
ريم : يا سلام هو في فرق دا انا اراهنك اني اغلبك
فارس : هو انا اتلميت علي شلة اطفال وانا مش عارف
سيف : لاء والنبي يا دكاترة دا اللعب مش هيحلو من غيرك
بيضحكو
*********************(
بتخرج ليان من عند سمير بسرعه وشها احمر وتدخل اوضتها
ريم : بتلاحظها بتقوم تجري وراها
سيف : واد يا حازم شكل البت وافقت وهتبقي جوز اختي
نجلاء : خلص اكل يا سيف وبطل هزار
سيف : والله عاملكو حس موحشكيش هزاري يا نوجا يا نوجا يا قمر
بتحضنه نوجه وتقبل راسه وحشني يا قلب نوجا بس انجز علشان هنا في نوم بدري
سيف : اه رعنا للجيش تمام يا فندم
فارس: علطول واخدها هزار يا سيف بس وحشتني يا ابني
سيف : وانت كمان والله وبما اننا اجازة اكيد بقي انت هتقعد تلعب معايا بلاي ستيشن
فارس: بيضحك ماشي يا سيدي بس متقولش لطنط احسن نتقفش
ريم : انا هفتن عليكو لو ملعبتش معاكم
سيف : روحي يا بت عند صحبتك هو الحكاية عيلت ولا ايه ههههههه
ريم : ماشي يا سيف يا طنط يا طنط
سيف : خلاص خلاص سكت اختك يا عم فارس هنتفضح
كل دا وحازم مش هنا خالص
فارس : مش يلا نقعد مع عمي ولا انتو عاجبكم السفرة
يلا يا حازم ينتبه له حازم الحائر ما بين قلبه وتاره من تلك العصابة
التار المشترك المتبادل
فكل طرف فيهم يري ان والد الاخر السبب في حرمانه من اهله وينوي القضاء عليه
****************.
سمير: تعالي يا حازم جنبي عاوزك
حازم : حاضر يا عمي ويقعد جنب سمير يدخل
يدخل سيف : اوبا خيانه بتتكلمو من غيري
سمير : روح يا سيف نادي لمامتك واختك وبنت عمك وفين فارس
نجلاء : انا جيت اهو فارس بيغسل اديه وجاي ريم سيبي الي في اديكي وتعالي
اجتمعو كلهم
طيب يا ليان انا قولت لك حازم طالب اديك مني وانا وافقت
حد هنا معترض
ريم : انا معترضه يطلب ايد بس ازاي ايه شغل القطاعي دا ما ياخدها كلها
سيف : بس يا ماما اقعدي علي جنب وخلي الكبار يتكلمو والحمد لله ان حازم مطلعش شبهك كان مستقبل اختي ضاع
نجلاء يا لهوي عليكم مبتبطلوش نقار
سمير :بس يا ولاد يلا نقرا الفاتحة
ولا الضالين امين
حازم : طلع الخاتم عمي ممكن البسها الخاتم
سيف : دا انت جاهز بقي
فارس: طبعا يا عمي هننزل ننقي الشبكة بعد ما حازم يرجع من المامورية بتاعته
سمير علي بركة الله يا ولاد تعالو في حضني
انا مش هلاقي لبنتي ارجل منك يا حازم يحافظ عليها
وانتي يا ليان لازم تفهمي طبيعه شغله كويس
تعالت زغاريد ريم ونجلاء وفرحتهم واحتضن فارس وسيف حازم
سيف ولو ان الواد كان جاي بكره يخطبها بس خلاص بقي
حازم : معلش يا عمي انا عارف ان بكره صاحب سيف معزوم ممكن ليان متطلعش
سيف : هنبدا بقي غيره وتحكمات
سمير : حقه يا ابني خصوصا ان صاحبك كان عاوز يتقدم ل ليان
متقلقش ولا ليان ولا ريم هيظهرو يلا قوم ريح علشان شغلك
فارس : انا هستاذن انا يا عمي اروح وانت يا سيف متتاخرش منتظرك
مر اليوم وهم في غاية السعادة
فارس سعيد لان اخوه اخد الخطوه للارتباط بالانسانه الي بيحبها
ولو انه هو وحسين تعبو معاه جدا الا ان الخطوة دي ممكن تخليه يقلل فكرة الانتقام قليلا خوفا علي ليان
وتجعله يستقر اكثر
نجلاء سعيده : لانها كانت تتمني واحد من الشابين الرائعين ل بنتها الوحيده فهي من ربتهم وتعلم اخلاقهم جيدا
وكذلك سمير ولكنه قلق علي ابنته لان حياة الشخص العسكري غير مستقرة الي حد كبير
********************..
نجلاء : واد يا سيف مش بتفكر نخطبلك
سيف : ليه يا ست الكل كنت اذيتك في ايه
نجلاء : انا عيني علي ريم
سيف: لاء كدا اذيتك بجد بصي يا نوجا يا قمر
ريم جميلة ولطيفه وفيها كل الصفات الحلوة بس احساسي انها ليان وزي ليان بالضبط
انا بقي اسلم حريتي بايدي لواحده ليه
مالها السنجله
نجلاء : بكره تقع علي بوزك وتيجي تقولي يا نوجا الحقيني
سيف بيضحك ويقبل يديها ومن هنا لوقتها تدلعيني بقي وتاخدي بالك مني انا تعبت من السفر وعاوز محشي ومكرونه بشامل رقاق جلاش
نجلاء : هو دا الدلع قوم يا واد روح نام ومتسهرش وتعمل دوشه خلي حازم يعرف ينام روح
سيف : بدانا بقي تخافي علي جوز بنتك اكتر مني
نجلاء : جوز بنتي قوم يا واد من هنا يلا
بيقوم ويقبل يديها وراسها ويروح بقي ينام مع اولاد عمه
************************(
مر يوم واتنين وتلاته ومفيش اخبار عن حازم وليان قلقانه جدا عليه
ريم : يا بنتي اتعودي بقي شغله كدا
ليان : طيب يتصل بالتليفون يبعت رساله
ريم : تليفون ورساله ليان انتي هبله صح دا اول حاجة بيقفل تليفونه وبينسي الدنيا ويركز في شغله
هو شغله دا هزار دا ضابط يا بنتي مش بيلعب عسكر وحراميه
سمير : ها يا بنات بترغو في ايه وصاحيين كدا
ريم : مفيش يا عمي : اصل حازم اتاخر
سمير : ما قولنا لازم نعرف طبيه شغله ربنا يعينه
ريم بتبص ل ليان عارفين يا عمي بس اعمل ايه اخويا بقي وكدا مش كدا يا ليان
ليان : اه يا ريم صح
سمير : طيب نامو يلا علشان هتروحو من بكرة التدريب تاني وانتي يا ليان هتجهزي علشان التمرين متنسيش انك هتسفري بوله العالم كمان كام شهر ولازم تتمرني كويس
ليان : حاضر يا بابا
ريم تصبح علي خير يا عمي
الفجر تصحي ليان علي صوت عربية حازم وهي بتركن وتنظر من خلف الشباك وتتنهد وتهدا وتنام
ريم : اياكش نتهد بقي ونام اصل نومي معاكي هنا دا جاي عليا انا بخسارة
ليان : هو انا كنت صحيتك ما تتخمدي
ريم : لاء انا الي خيالي من الشباك للباب كل ما نسمع صوت عربية
ليان : نامي ياريم نامي يا حبيبتي
طلع ووقف يبص لباب شقة عمة واتنهد ودخل بهدوء شقتهم علشان يغير وينام
********************.
تاني يوم صحي بدري ولابس علشان ينزل شغله
ليان بتفتح باب الشقة ونازلة الجيم بدري
اتخضت
حازم : يا صباح الفل يا لي
ليان : حازم انت لحقت تيجي وتنام وتصحي
حازم : وش خطوبتنا حلو عليا ولازم انزل حالا الوزراة
ليان : وزارة
حازم : بيبص لها بنظرة من فوق ل تحت شكلك نازلة الجيم والنادي
تعالي اوصلك في طريقي
ليان : بابا كان هيوصلني
حازم : صباح الخير يا عمي اخبار حضرتك ايه
سمير : حازم انت جاي ولا نازل
حازم : نازل عندنا معاد في الوزارة وكنت هوصل ليان في طريقي
سمير : لاء روح شغلك متعطلش نفسك انا هوصلها
حازم : تمام يا عمي بس كنت عاوز ننزل نجيب الشبكة وكمان بليل اقعد مع حضرتك نتفق علي حاجات
سمير : شبكة ونتفق اوعي يا واد تكون كبرت وتفتكر اني حماك انت ابني زي ما هي بنتي
روح يا حازم شغلك احسن افكرك بعقاب زمان
حازم وعلي ايه يا عمي انا رايح الطيب احسن لان هتاخر
***********************(
في العيادة
يا ريم ارحميني شويه بصي يا ماما انتي بتمشي حلو لغاية ما تندمجي مع الحالة وتصاحبيها
كل دا حلو بس عاوز الحالة هي الي تتفاعل معاكي مش انتي الي تتفاعلي معاها
بصي كدا انا افهم ايه وانتي بتحكي للحالة دي حدوته دا الي علمتهولك يا ريم
ريم : يا دكتور حسين انا بحب الاطفال اوي والحالات الخاصة دي بريئه بحبهم اوي علشان كدا بصاحبهم
حسين : بصي اولا مش غلط تصاحبيهم الغلط انك تحكي لهم مشاكلك
ريم: انا اصلا معنديش مشاكل وبعدين انت متعصب عليا ليه كدا
حسين : انا مش متعصب والله بس مش متخيل انك انتي الي تحكي للبنت احلامك وطموحاتك و
بصي يا ستي انا هريحك انتي تصاحبيهم وتحكي معاهم في الي هما بيحكوه واحلامك وطوحاتك مشاكلك اي حاجة تخصك هفضيلك نفسي يوميا اسمعهم منك وتتكلمي من غير ما اعترض او اقاطعك ايه رايك
ريم: لاء انت دكتور بتاعي وفي الاخر بتتعصب
حسين : انا هنا اهو معاكي بقالنا شهرين من قبل وبعد الامتحانات شوفتيني اتعصبت
ريم : بصراحة لاء انت عندك شزوفرنيا يعني انت هنا غير الجامعه
حسين : بيتنهد ويبص لها ايوة انا عندي شزورنيا بالضبط كدا عامليني اني مريض واحكيلي مشاكلك
ريم: يالهوي هو انا قولت ان انت عندك شزورنيا
بص بقي انا اصلا لساني فالت ومتزعلش
حسين : رن علي السكرتيرة ابعتي لنا هنا 2 عصير فريش يا انسه من فضلك قفل وبص ل ريم
ريم انسي اني دكتور حسين بتاع الجامعه الي بيزعق احنا هنا زمايل وانا اقدم منك ف بدربك تمام
حتي زي ما بقولك يا ريم عادي قولي لي يا حسين
ريم : بس ميصحش اصلا
حسين : لاء عادي ما في هنا زمايل لينا عادي بيقولولي يا حسين مش دي قضيتنا خالص
انا قصدي ان انسي اني استاذك تعاملي معايا زي فارس كدا حلو
ريم: حلو وهتستحمل الي بعمله في فارس
حسين : اه هستحمل اي حاجة غير انك تحكي مشاكلك للحالات يا ريم
ريم: طيب خلاص انت الي هتجيبه لنفسك يا حسين
حسين بص لها بعمق شوفتي سهل اهو ياريم الاختبارات دي تمام بس تسجيل الجلسات هنعيده لان مش هسجل احلامك وطموحك بنسجل علشان نحط خطة عمل
اشربي العصير
ريم : عادي اشرب عادي
حسين : اه عادي ايه المشكله
ريم اصلك بتقفش في المدرج
حسين انا هقدم استقالتي من الجامعه ياريم وارتاح انسي الجامعه وركزي معايا
فارس بيدخل عليهم : ها خلصتو ولا لسه
حسين : اول ما هي هتنسي الجامعه ان شاء الله هنخلص
فارس : انا نصحتك وانت مصر ممكن ترجع في كلامك وبيغمز له
حسين : انت رايق يا حسين ورانا شغل اقعد لغاية ما نخلص
ريم: انتو بتقولو ايه
حسين : سيبك منه يا ريم وركزي معايا
الحالات دي عاوزك تعيدي الجلسات بتاعتها علشان من خلال تسجيل الجلسات هنعمل خطة العمل تمام
ريم: تمام بس انا عاوزة اشتغل معاهم حسي
حسين : بعد ما نعمل خطة العمل هنحدد طريقة الشغل معاهم ودا مش بيكون هنا بيكون من خلال المركز بتروح له الخطه وجزء منها بيكون علي ولي الامر علشان الشغل بيكون متكامل
من اول تعديل السلوك تنمية المهارات الادراكية والحسية وغيرها
ووفي كمان الحالات صعوبات التعلم بنعملها خطه مختلفة كدا تقسيمة الحالات واضحة
ريم: تمام ايوة كدا انا كنت فاكرة ان كله هنا
حسين : لاء هنا العيادة كشف واختبارات تنفيذ الخطة في المركز تمام كدا
ريم: ايوة يا حسين الله ينور عليك ما انت كويس اهو
فارس: بيضحك يا ابني فكر
حسين : ايوة انا كويس اهو يا ريم اتفضلي بقي خدي ملفات الحالات وضبطي الشغل
خرجت ريم وبص ل فارس
طفلة اوي يا فارس
فارس : حبيبي يا متبهدل انت
حسين : سيبني مني وخلينا فيك هتعمل ايه
فارس في ايه
حسين : كدا حازم خطب ليان
فارس ايوة حبيبي ربنا يسعده اتحرم بدري من بابا وماما ومن حقه ياخد الي بيحبها وانا جنبه هسنده بكل قوتي
حسين : ربنا يخليكم ل بعض وانا بفكر اغير واحصله
فارس : يلا ان كان عليا موافق احدد معاد مع عمي تيجي
حسين : مش لما هي توافق دي خايفه تشرب العصير احسن ازعق
فارس : مشاكلك حلها بنفسك
ههههههههههههههه انا نصحتك
حسين : ماشي يا عم فارس
في الوزارة
حازم : تمام يا فندم
حسام: تمام يا فندم احمد : تمام يا فندم
اللواء وجيه : انتو عملت مجهود جبار يا رجالة مش بس وقعنا التشكيل
لاء وقاعنا الخاين
انتو تستاهلو كل خير وليكم طبعا مكافاه ومش عاوز اقولكم اني موزعكم علي اماكن مختلفة للتمويه وان شغلنا حساس
كلهم : تمام يا فندم شغلنا اهم حاجة
اللواء وجيه : انتو راحة 48 ساعه وكله يرجع ل شغله
حازم : طيب يا فندم انا هاخد 24 ساعه راحة وممكن ااجل ال 24 ساعه التانين
اللواء وجيه يا ابني بقالك 5 ايام منمتش
حازم : اصل خطوبتي قريب يا فندم وعاوز ااجل علشان لما احدد
حسام : اخيرا الف مبروك
احمد : الي كانت في العربية يا باشا البونيه لسه معلمة في وشي ويحضنه ويبارك له علي فكرة كنت بنكشك يومها بس
وكلهم بيباركو له
اللوا وجيه لاء خد 48 ساعه ووقت الخطوبه نتكلم يلا انصراف
كلهم : تمام يافندم
**************************&
حازم : ايوة يا ليان خلصتي تمرين
ليان لسه نص ساعه
حازم طيب هعدي اخدك متخرجيش من النادي
ليان : طيب لما توصل رن وهخرجلك
وصل حازم وسعيد جدا ومنتصر بالي عمله ووصله
رن عليها وخرجت له
حازم وصل واول ما شافها ببدلة الكاراتيه ليان : هتمشي بالبدله يا ليان
ليان : ايوة مش راجعه من التمرين
حازم : اول مرة تخرجي معايا بعد ما اتخطبنا تخرجي معايا ببدله الكاراتيه
ليان : يلا يا حازم سوق يا بابا
حازم : كنت عاوز نتغدا سوا
ليان : مش انهارده عندي تمرين وشغل
حازم انا عندي 48 ساعه راحة تفضيلي نفسك بقي نشتري الشبكة والفستان والكوافير والقاعه وتعملي لي فيها عروسه كدا
مش كابتن كاراتيه مش هسيب حسنين في الشغل الاقي حسنين في البيت يا ليان
ليان : حاسب يا حازم العربية دي بتكسر علينا
حازم : اثبتي واربطي الحزام وياريت تنزلي تحت
وبدا صراع مع العربية الي بتقفل عليهم وصلو طريق المقطم
فجاه كاوتش العربية غرس في الرمل حازم
انا هنزل تقفلي العربية علي نفسك مهما حصل متنزليش
قبل ما يكمل كلامه كان ازاز العربية من ناحية ليان اتكسر والباب اتفتح وايد سحبتها
- يتبع الفصل التالي اضغط على ( رواية هي و القدر) اسم الرواية