رواية تيمو الفصل الحادي عشر 11 - بقلم ولاء فتحي
(11)
في المستشفي تاني يوم
ايه مش معقول يااااه انتي
ملك : استاذ شريف اهلا وسهلا بتعمل ايه هنا
شريف : انتي الي بتعملي ايه هنا انا جاي ازور تيمو
ملك : انا جاية مع مايا النوبي لان مفروض انه هيخرج وكانت هتوصله
شريف : طيب ايه هنفضل واقفين هنا مش يلا بينا نشوفهم
ملك : تقدر تروح انا اصلا مش مسكاك ولا وقفتك
شريف : بس مينفعش اسيبك واقفه ويبص لها بتقييم من فوق ل تحت بعدين حد يفتكرك طفلة ويعاكسك
ملك : لا بقي انت زودتها اوي مش كل مره هسكت علي اسلوبك
شريف : صديقني برتاح لما تنفعلي عن اذنك بس خلي بالك دا باب المشرحة يعني ممكن تلاقي عفاريت وسابها وانصرف
وهي بسرعه بتجري : استاذ شريف استني
شريف : ايه في ايه مالك زي الي بيجري وراها عفريت كدا
ملك بلخبطة واحراج : اصل مش عارفه فين الغرفه لو ممكن توريهالي
شريف ويبص خلفها بخضه : ايه دا
تجري ملك بسرعه وبخوف وتصرخ ويضحك هو بخبث علي خوفها
ملك تصل لقرب غرفة تيمو بضيق ومش طايقة شريف حرفيا تخبط في مايا
مايا : ملك في ايه
ملك بغضب وصوت عالي اسمعي يا مايا عقود شركة شومان دي طول ما هي مع البني ادم الي اسمه شريف انا مليش علاقة بيها
مايا : ايه حصل طيب اهدي
ملك : اهدي ايه دا مش بني ادم دا انسان مستفذ بيعصبني كل ما اشوفه . انا مش عارفه مراته ولا عيلته ولا في الشغل متحملينه ازاي
شريف : من خلفها والله انا لسه مدخلتش دونيا وبصوت ساخر ومكنتش بفكر بصراحة بس حاليا ممكن افكر في الموضوع
تنظر مايا للواقف بسخرية خلف ملك
استاذ شريف انا
شريف مقاطعا انسة مايا اذيك شكرا علي اهتمامك ب تيمو
وبالنسبة للشغل مفروض انسه ملك تخرجيه من اي مشاعر سلبيه عندك ولا ايه
ملك : هو اصلا الي بينا شغل ولو وقفت علي اني استقيل من الشركة مش هتعامل مع انسان مستفذ ذيك
شريف ببرود : لو استقالتي قوليلي ومكانك عندنا محفوظ
يخرج تميم علي الصوت
تميم بارهاق : ايه في ايه حصل
ملك : والله اسال البني ادم السخيف دا انا مش فاهمه انت شغال معاه ازاي
مايا : انا اسفه يا جماعه اكيد في سوء تفاهم انا استاذنكم اخدها نشرب قهوة ونرجع ليكم
ملك : انا هاخد تاكسي وامشي وانتي خليكي براحتك
تميم : انسه ملك بعد اذنك ممكن افهم في ايه من فضلك يا شريف استناني تحت
شريف : بس الموضوع
تميم ينظر له نظره لم يفهمها الا هو : لو سمحت يا تنزل تنتظرني تحت يا متشكر علي خدماتك وانا هروح لوحدي
شريف : انا هنزل بس علشان انت تعبان ومحتاجني جنبك
مايا : انا اسفه اكيد في حاجة غلط تميم : ممكن نقعد وتفهميني انسه ملك ايه حصل
ملك : البني ادم دا بيخوفني . عند المشرحة ويقولي في عفاريت
انفجر تميم ومايا من الضحك مما اثار جنون ملك
ملك : انتو بتضحكو علي ايه
مايا : ابدا احنا قولنا في كارثه
تميم : طبعا انا بحترم مشاعرك بس صدقيني شريف انا اول مره اشوفه بيعمل كدا عمره ما كلم بنت الي في العيله ومن بعيد ل بعيد اكيد في سوء تفاهم
ملك : انا مش هشتغل معاه
مايا : ملك الشغل ملوش علاقه
ملك : البيه فاكر انه وسيم وشايف نفسه اننا هنجري نتحايل عليه نخلص الاتفاقات
تميم : خلاص انا هخليه يخلي مدير التعاقدات يتواصل مع حضرتك
ملك : والمغرور دا هيسمع
تميم : متلقيش بحكم صداقتي وعلاقتي بيهم انا هتصرف ثقي بيا . ولو حضر مش هيتكلم معاكي
ملك تليفونها بيرن بتستاذن وتخرج
مايا : انا اول مره اشوفها منفعله كدا
تميم : وانا اول مرة اشوف شريف كدا بس متقلقيش واضح انه خير
مايا : ايه مش فاهمة
تميم : الشغل بينا وبينكم كتير وان شاء الله يكون خير
مايا : تمام جاهز للخروج دكتور خرجك بس انت محتاج راحة
تميم : ايوه ان شاء الله شكرا علي تعبك شريف منتظرني
مايا : ممكن ابقي اطمن عليك
تميم : اكيد اي وقت دا يسعدني
مايا : استاذنك
.............................
في النادي تجلس تحتسي قهوتها علي انغام فيروز في ركن هادئ وتستمتع بهواء الصباح واصوات العصافير وصوت الهدوء في النادي وتجلس مغمضة عينيها تتذكر شريط حياتها يمر امامها
تفتح عينيها بعد شعرت بمن يخترق فقاعتها الخاصه ويقف امامها وينظر اليها وبصوت رجولي يتحدث ياااه 35 سنه وانتي زي ما انتي متغيرتيش نفس الهدوء نفس الشياكة نفس الجمال
تفتح عينيها وتنظر له وهي مصدومه : علاء
علاء : تسمحيلي اقطع عليكي رومانسيتك واقعد دا لو مفيهاش ازعاج . او لو منتظرة حد امشي
سعاد : لا ابدا اتفضل . تكمل بحزن والم انا مليش حد انتظره
علاء : ياااه سعاد السواح ملهاش حد دا انتي كنتي حلم الجامعه كلها وكان حواليكي كتير
سعاد : ياااه لسه فاكر يا علاء دا كان من زمان
علاء : فين جوزك اكيد اتجوزتي وخلفتي
سعاد : ايوة اتجوزت ابن خالتي وعندي تميم وميسون . بس للاسف اتوفي في حادث طياره
علاء: كنتي فين 35 سنه يا سعاد
سعاد : جوزي كان دبلوماسي واهله رجال اعمال وكنا في شر اسيا قضينا اغلب حياتنا ما بين اليابان والصين وكوريا اتوفي من 4 سنين ورجعنا مصر من 3 سنين استقرينا فيها
انما قولي انت اخبارك ايه عندك اولاد ايه
علاء : اختفيتي فجاه من الجامعه ومحدش عرف ليكي طريق ياااه
حاولت اوصلك كتير بس للاسف مكنش في حد مقرب ليكي بالرغم من ان كل الجامعه كانت تعرفك ايقونه كليه السن
وتنهد . انا يا ستي اتجوزت جوازة عاديه ست كانت جميله وابوها صاحب ابويا عشت معاها سنين حلوة عشرتها كانت محترمه بالرغم اني مقدرتش احبها الحب الرومانسي بس حبيتها حب عشره وخلفت منها بنوتي الوحيده مايا وحاليا هي ماسكه معايا شركاتي
تليفون سعاد بيرن ميسون
سعاد عن اذنك هرد
علاء اه اتفضلي ولو تحبي اقوم
سعاد لا دي بنتي
الو يا ميسون
ها وصل امتي ماله طيب انا جايه حالا
وتنظر ل علاء انا اسفه مضطره امشي ابني رجع البيت تعبان
علاء : تحبي اوصلك . انتي مكنتيش بتحبي تسوقي
سعاد : شكرا معايا السواق
تتحدث وهي تضع حاجاتها في حقيبة يدها عن اذنك
وتتركه
علاء : سعاد
تنظر له
ممكن رقمك علشان ابقي اطمن علي ابنك
سعاد تبتسم . وهي تنظر له بحيره
يقف امامها ويعطيها الكارت بتاعه ويتحدث معها
: او دا رمي لو احتاجتي اي حاجة ممكن تكلميني
تاخذ منه الكارت وتضعه في حقيبتها وتبتسم وترحل
..........................
ميسون : الو يا باسل تعالي حالا
يعني ايه عندك شغل سيب الي في ايدك وتعالي تميم تعبان
باسل : طيب مسافة السكه بس حكايه رورو دي مش هعديهالك علي فكره
ميسون وانا مالي هو انا الي كان عندي مشكلة في حرف الراء وبتعالج منه
باسل : اقفلي يا ميسون وانا جاي
.................
في مكان ما تقف فتاه صغيره وتتحدث مع والدتها
ماما هو مش كان ال هيجي يوديني الملاهي
الام : يا بنتي الغايب حجته معاه
البنت : لاء انا كدا هزعل منه اوي يخلف وعده
الام : لاء عيب كفاية دلع هو مش ملزم يفسحك كمان
............................
تجلس ملك مع مايا
مايا : ايه يا بنتي الي عملتيه ددا
ملك : متفكرنيش دا انسان بارد ومستفذ
مايا : خلاص بقي مينفعش تتعصبي كدا
ملك : هو علشان وسيم وضحته حلوة فاكر اني هتعامل معاه دا بعده
مايا : اممم طيب يا ملك
ملك : المهم انتي قوليلي ايه حكايتك مع تيمو دا اونكل هيفرقع
مايا : حكايه ايه مفيش حاجة واحد انقذني واتضرب بالنار بسببي اقل واجب اني اسال عنه واقف جنبه
ملك : تفتكري بس دا مايا النوبي بجلله قدرها سابت الشغل يومين يومين وانا الي كنت بتحايل عليكي نخرج ساعتين
مايا : يا بنتي انتي متعرفيش رائف ودماعه المجنونه دا كان خاطفني
ملك : مجنون بحبك يا ميو . ومن الحب ما قتل الا صحيح متعرفيش هو فين
مايا : يغور في داهية حبه بورص السافل الحقير دا
ملك : يا خبر انهارده بفلوس بكره يبقي ببلاش بس خلي بالك احسن تيمو موضوعه يتطور في فرق اجتماعي بينكم
مايا : يا بنتي دا مهندس ومعاه دكتوراه في الادارة مع مرتبة الشرف من جامعه من اكبر جامعات العالم
ملك : وشيف واحيانا ويتر
مايا : عموما مفيش الي في دماغكم دا اوهام
................................
باسل : هو فين المريض الي مدوخني دا انا حاسس اني دخلت كلية طب علشان اشتغل للعيلة دي بس
ميسون : يا اخي انت تطول انت تحمد ربنا اننا بنجبر بخاطرك
باسل : عجبك كدا يا تميم . عمايل اختك
تميم : بص يا شريف انت تاخد باسل وميسون وتختفو هو انا انهارده شغال قاضي ليكم
شريف : وانا مالي يا باشا انا مؤدب وساكت اهو بص انا عندي ليك حل احنا نجوز التوحف دول بسرعه ونخلص من قرفهم
باسل : اه وحياة ابوك اول مرة تقول حاجة عدله حكم انا استويت بحبها يا عالم بحبها يا هو ينظر لها بحب ويزعق
تميم : ما تتلم يا لا انت بدل ما اقوم اكسر ايدي السليمة عليك دي اختي يا توحفة
وانتي واقفه هنا ليه
ميسون : اعمل ايه
تميم بعند وغيظ تعالي يا قلب اخوكي في حضني ويحضنها بحب بيده الغير مصابه
باسل : قسما بالله يا تميم لو ما اتلميت ل
تميم : ها هتعمل ايه وريني كدا
باسل : هسيبكم وامشي
شريف : احبك وانت متربي يا دوك
تميم : روحي يا قلبي اعملي عصير ليمون بالنعناع يبرد اعصاب البهوات
شريف : وشدي الباب في ايدك ومتدخليش حد
باسل : اروح اساعدها طيب
تميم : ما تقعد يالا بقي وانشف كدا انت جاي سفرجي انهارده
باسل : لاء جاي اتنيل ابص علي المريض دا ويشد تميم بعنف
تميم : اه بالراحة يخرب بيتك دا رصاصه
تدخل سعاد : يالهوي رصاصه مين ضربك والحيوان الي اسمه شريف بيقولي حادثه والله يا شريف ل هربيك
تميم : اهدي يا سوسو انا حادثه انا بقول للواد باسل عينك تدب فيها رصاصه مشفتيش بيسبل ل بنتك ازاي
سعاد بحب : ربنا يخليهم ل بعض يا حبيبي ويخليك ليا
تميم : انتي عاملة ايه دلوقتي
سعاد : بخير يا حبيبي طول ما انت كويس
باسل : طيب يا سوسو عاوز اكشف علي المحروس
سعاد : ما تكشف يا ابني هو انا مسكاك
شريف : ايه رايك يا سوسو تغيري هدومك كا ونخلص ونتغدا سوا
سعاد : عنيا يا قلب سوسو هروح اضبط الدنيا وانا مبسوطه انكم ملمومين حواليا
تميم : هي بيلا فين
باسل : عامل لها حظر تجوال في المستشفي
تخرج سعاد ويتلم شريف وباسل
احكي بقي يا باشا ايه الي حصل كدا
تميم : طيب اهدو كدا واقعدو
..............................
ياااه يا كامل كان الزمن رجع بيا 35 سنه
كامل : الي يشوفك كدا يقول ان كان بينكم قصة حب
علاء : بصراحة لاء هي مكنش ليها في القصص بس كلنا كنا بنحبها بصراحة كانت حلم الكل ادب احترام شطارة رقة وتفوق ومن عيلة كبيره
كامل: الفتاة المثاليه . بس اكيد عجزت
علاء : ملامحها اتغيرت بس نفس الرقه والشياكة والجمال
كامل : انت وقعت يا علاء ولا ايه
مايا : وقع ازاي بابا انت كويس عمو كامل اسفه اذيك
علاء : لاء يا قلبي انا بخير انتي كنتي فين
مايا : سلمت علي تيمو قبل ما يخرج من المستشفي ومشيت انا وملك
علاء: مش بقي كويس خلاص
مايا : هو تعبان بس عنيد اصر يخرج
علاء : طيب نفوق لشغلنا يا دكتورة
مايا : اكيد انا هغير واروح الشركة
وخرجت مايا
كامل : الواد بتاع المطعم
علاء : ايوة قلقان تتعلق بيه خصوصا انه دافع عنها بروحه
كامل : مايا عاقله وانت بتقول شكله ابن ناس وايه يعني
علاء: معرفتش اجيب عنه تحريات حياته غامضه
كامل ك علاء النوبي فشل في تحري عنه
علاء : تخيل ودا الي قلقني
كامل : لو كان في اخبار وحشه كنت تقلق انما كدا مفيش حاجة تقلق
علاء : اتمني متعرفش فين رائف مختفي من يومها
كامل : لاء خالص
...........................................
في مكان مظلم وسط صوت عالي ياتي صوت هادي وحازم وبكل قوة افتح الباب دا اشوف الحيوان دا عاوز يتربي
فتحو الباب وبسرعه فجأه
- يتبع الفصل التالي اضغط على (رواية تيمو) اسم الرواية