رواية اشواك العشق الفصل الثاني عشر 12
وبصت لفاطمه لقيتها بتبصلها بدموع وهي دموعها نزلت وقالت: انا بنت فاطمه الرواي فاطمه اللي ضحكوا عليها فاطمه اللي توحيده عايزه تموتها وتموتني هاا عايزين تسمعوا ايه تاني
ياسين بصدمه وصوت عالي: انتي بتقولي ايه ياروان
روان بسخرية: ايه يا ياسين اتصدمت صح وطبعا كلكوا اتصدمتوا بس للاسف دي الحقيقه اللي اتخبت سنين وانا في يوم عرفتها لا وعرفتها ازاي عرفتها وانا داخله الاوضه صدفه شوفتوا ازاي
اعتماد بصوت عالي: لا مش معقول ازاي توحيده تعمل كده مش معقول
توحيده بتوتر: لا لا دي كدابه انتو هتصدقوها ولا ايه
اعتماد بتوتر: توحيده انتي متعمليش كده مع اختك صح انطقي قولي اي حاجه
ياسين بصوت عالي: ما تتكلمي ياخالتي وفهمينا ايه اللي بيحصل ده
توحيده قربت من اعتماد ووقفت قدامها وقالت بدموع مصتنعه: انتي هتصدقيها يا اعتماد ده انا اختك هتكدبيني وتصدقيها
نطقت فاطمه وقالت بسخريه: ه هي عن..ده..ا حق ف في ك كل كلمه قالت..ها ومكدب..تش يا اعتم.اد روان بن.تي
اعتماد بصتلها بصدمه وجريت عليها: فاطمه فاطمه انتي اتكلمتي صح
فاطمه ابتسمت وقالت: ا اه يا اعتم..اد
اعتماد دموعها نزلت بتأثر وحضنتها وقالت بدموع: اه يا فاطمه وحشتيني اوي ووحشني صوتك يا غاليه هونت عليكي يا فاطمه
فاطمه دمعت وقالت: و انتي ك كمان وحشت..يني يا اع تماد وبصت لروان لقتها بتبصلها بدموع فاطمه فتحتلها دراعها
وروان جريت على حضنها وفضلت تعيط
توحيده بتوتر: انا عملت ده كله عشانك يا فاطمه
فاطمه بصتلها بسخرية وسكتت اما اعتماد ف ردت عليها وقالت بسخرية: امممم وبعدين
ياسين بعصبيه: يعني روان بنت خالتي صح
اعتماد بابتسامة: اه ياحبيبي حاجه حلوه صح
ياسين غمض عينه بحزن وفتحهم وبص لروان لقاها بتبصله بحب وقالت: انا مسمحاك يا ياسين وعارفه انه كان غصب عنك
ياسين نطق بحزن: انتي طالق ياروان
خلص كلامه وخرج من الاوضه بعصبيه وحزن وروان بصت في اثره بصدمه وهي بتحاول تستوعب اللي قاله
اما ياسين فهو خرج من الاوضه عندهم ودخل اوضته هو وروان وقعد على السرير بحزن وقال بهمس: سامحيني ياروان سامحيني غصب عني ياحبيبتي غصب عني
•تابع الفصل التالي "رواية اشواك العشق" اضغط على اسم الرواية