رواية انتي قلبي الفصل الثالث عشر 13 - بقلم ولاء فتحي
(13 )
دخل محمد وليلي المكتب في المصنع فوجد امل في قمة الغضب وتجلس معاها سيدة شيك متوسطة الحجم ولكن ملامحها بارده
فنظر اليها محمد : بانزعاج في ايه انتي كويسه
بينما جرت ليلي علي احضان السيدة وهي تصرخ عمتو اذيك وحشتيني جيتي من السفر امتي
راوية : حبيبة عمتو وروح عمتو جيت من انهاردة وتتحدث وهي تحتضن ليلي شوفت صورك في المجلات جيت اعرف الموضوع
نظر لها محمد وسلم عليها : اهلا راوية هانم
راوية : دا الكلام رسمي بقي يا محمد فين طنط راوية بتاعة زمان
نظر ل خالته لعله يفهم سبب غضبها وحول نظره لها سريعا :
طنط راوية في البيت
انما بما اننا في المصنع فاعتقد الزيارة رسمية
راوية : طول عمرك ذكي وبذياده لدرجة ال ولم تكمل وسمطط
تحت سؤال امل له : صحيح يا محمد انت هددت صلاح واكرم وحبستهم وضغط عليهم يمضو علي بيع المصنع
محمد : مش فاهم السؤال
ضحكت راوية : ليه يا دكتور دا انا لسه بقول انك ذكي
محمد : ان كنت حبستهم يومين فكانو في ضيافتي معززين مكرمين .
ودا علشان خاطر ابعد عنهم غضبي من الي عملوه في ليلي
وبرضه خفت ااذيهم علشان خاطرها
انما ايه علاقة المصنع بالموضوع
امل : راوية بتقول اننا سرقنا المصنع تحت التهديد
محمد : ايه ؟ حضرتك الاسلوب دا مش اسلوبنا وحضرتك عارفه كويس اوي دا اسلوب مين وهو ينظر بتحدي ل راويه
راوية : لو مش اسلوبكم يا دكتور كنت دفعت تمن المصنع
فين فلوس المصنع
توجهه محمد ل ليلي : ليلي ممكن تدخلي مكتبي ترتاحي
راوية : لاء ليلي كبرت ولازم تعرفك علي حقيقتك يا دكتور وهي صاحبة الشان
وكبرت لدرجة ان صورها في المجلات والصحافة
محمد: صور ليلي في المجلات مش حاجة تكسف دي شخصية معروفه وهتكون سيدة اعمال زي والدها ووالدتها
وخلينا في موضوع المصنع لاننا في المصنع
اما الموضوعات الشخصية وينظر ل امل
بعد اذنك يا خالتو مكانها البيت
امل تبادلة نظرة ولكنها تحمل العتاب واللوم
كانها بتقوله ليه تحطنا في الموقف دا
يبادلها نظرة اعتذار ويتجه الي راوية
بخصوص المصنع فدا ملف يا فندم فيه شيكات واوراق تثبت كل مليم دكتور صلاح اخده
ولو حضرتك شوفتي هتلاقيه اخد مننا اكتر من حقة
انما ليه قالك كدا دا بقي دا موضوع عائلي و ميخصناش
اه وعلي فكرة هو بايع نصيبك في المصنع لنفسه بتوكيل رقمم ويقلب في الاوراق
مش دي صورة توكيل حضرتك عملاه له ولا ايه
ودي صورة من عقد بيع نصيبك ليه ومتسجلة في الشهر العقاري
بتبص علي الاوراق
وسط نظرة انبهار من ليلي كانها تري شخص ثالث لم تراه من قبل
امل : ها يا راوية لسه عندك اي اتهامات لينا
محمد : قبل ما ترد راوية يمد ايده وياخد منها الاوراق : اساذنك الصور دي تخصنا
راوية : ممكن اصورها
لسه امل هترد يرد محمد سريعا : متاسف جدا يا فندم حضرتك ك شغل ملكيش اي صفه اديكي نسخة امورك الشخصيه مع اخوك دكتور صلاح حضرتك تقدري تحليها معاه
واستاذنك لو كدا امور الشغل خلصت ان حضرتك تشرفي في استراحة الزوار لان ورانا شغل
ترد راوية بغيظ : لسه يا محمد مخلصناش لو ليلي ملهاش رغبة تتجوز اكرم ولو ان الولد ممتاز وميتعيبش يبقي تتجوز زياد ابني واهو اكبر منها بسنتين
تنزعج ليلي وتسحب نفسها بعنف من حضن عمتها وتنظر ل محمد
الي بينظر ليها يطمنها
راوية هانم : لو ان قولنا الامور الشخصية مكانها البيت بس انا هرد علي حضرتك واقولك
ليلي اغلي من انها تكون بيعه وشروة
ترد راوية : معلش انت دخلك ايه في الموضوع ترد الموضوع يخص مرات اخويا وبنته واعتقد انت ملكش صفه
يمشي محمد ويقف بجوار ليلي صفتي هتعرفيها برضه لما نكون في البيت انما هنا ليلي صاحبة المصنع ومجموعه الصيدليات الي انا نائب مجلس ادارتها
واعتقد ان كدا الزيارة انتهت
راوية : بطرد من مكتب اخويا يا امل
امل : ابدا يا راوية محمد مش قصده كدا هو قصده اننا نكمل كلامنا في قاعه الزوار علشان وراه اوراء هيراجعها واتفضلي نروح حالا
راوية ولا نروح ولا نيجي وفكري في كلامي يا ذياد يا اكرم هستني ردك
محمد : شرفتي يا هانم واتمني متتهوروش في اي تصرف لان المرة دي عالجنا الامور بحكمة
المرة الجاية ممكن طيش الشباب يحكم وحضرتك متحبيش كدا
خرجت راوية
وانهارت ليلي في البكاء
وبيحاولو يهدوها وامل بتكلم محمد : هنلاقيها منين ولا منين
بيتنفس بعمق : هانت
امل مقولتليش انك اشتريت المصنع
محمد: متشغليش بالك يا حبيبتي باي حاجة ونتكلم بعدين وراكي حاجة ولا هتروحي
امل : ورايا هم ما يتلم روح انت وانا هفضل اخلص شغل
محمد : طيب استاذنك هاخد ليلي وهنتغدا بره محتاج اتكلم معاها
ليلي : انا مش عاوزة اخرج ولا اكل انا تعبت ليه كل دا بيحصلي
محمد : بيروح لها بهدوء احنا اتفقنا اننا كبار بما يكفي ونقدر نتناقش بدون دموع يلا معايا ونتكلم بهدوء
امل : روحي يا ليلي مع محمد وانا هكلم ريم تيجي انهارده تقعد معاكي لو هي فاضية
ليلي : بتعب حاضر تمام
بس انا تعبانة ياريت منطولش
___________________@@@@
الحاج حسين يتصل ب محمد
محمد : الو ايوة يا بابا اذي حضرتك
الحاج حسين : ايوة يا محمد انت فين يا ابني
محمد: انا مع ليلي هاخدها نتغدي بره
الحاج حسين : هي كويسه
محمد بيبص عليها وهي سرحانه من شباك العربية ويرد
معتقدش وعموما بعدين يا حج هنشوف الموضوع دا
الحاج حسين : طيب شكلك مش عاوز تتكلم وهي معاك
طيب بص يا ابني انا بكلمك علشان موضوع احمد وريم واضح ان البنت مياله للموضوع
محمد بحماس وسعادة : بجد يا حاج دا خبر حلو افرح احمد
الحاج حسين : لاء اصبر نسوية يومين وهنروح نقرا الفاتحة الخميس
الواد دا لازم يعرف انه يحافظ عليها
محمد : والله يا بابا انا اول مرة اشوف احمد متحمس وواقع كدا عموما المهم ان في خبر حلو في وسط الي احنا فيه دا
الحاج حسين : عاوزك تشتري بقي هدية حلوة كدا نقدمهالها بقيمتها وعارف انك مشغول فبقولك قبلها بيومين اهو
محمد : بس كدا هو في عندي اعز من احمد
وقفل
ليلي : خير يا محمد في ايه
محمد : واضح ان هيكون في فرح قريب عندنا
ليلي وهي عاملة نفسها مش عارفه : مين
محمد: يعني انتي متعرفيش برضه
عموما يا ستي احمد هيخطب ريم هي بنت ممتازة بصراحة واحمد فعلا عكس ما يبان عليه هو حد جميل ومحترم
ضحكت ليلي : عقبالك ما نفرح بيك انت اخونا الكبير وبصراحة شايل همنا كلنا
اغمض محمد عينية لثانية ولم يرد
ووقف امام مطعم فخم وهو مطعمه المفضل ونزلو يتغدو
__________#
احمد في المكتب
استاذة ريم من فضلك عاوز تفضيلي شوية علشان عندنا شغل كتير عاوز يخلص
ريم : مستر احمد شغل الدعايا مع استاذ يوسف انا التعليمات عندي اني اتفرغ للطلبيات الجديده
احمد : طيب اعملي حسابك تخلصي كل شغلك علشان قريب اوي هتتفرغي ل حياتك الجديده
ريم : بخجل وتمثل عدم الفهم : افندم انا معنديش تعليمات من الحاج بكدا
احمد : قريب اوي هيكون في
ريم : اطلب استاذ يوسف يخلص الشغل مع حضرتك ز لاني همشي
احمد : لاء انا لما احتاجة هطلبه بنفسي . رايحة فين وبيمثل الجدية علشان لو احتجت منك اي اوراق
ريم : طيب تمام انا واخدة اذن من الحاج وهمشي لو في اي اوراق تخص شغل حضرتك هتلاقيها مع استاذ يوسف برضه
احمد : لاء انا خلصت شغلي تعالي اوصلك
ريم : اسفه يا فندم انا همشي لوحدي ومن فضلك مش عاوزة حد يتكلم عليا
من الخلف صوت : يلا ياريم علشان اوصلك في ريقي
احمد : والله يا بابا كنت عاوز اوصلها وهي رفضت
الحاج حسين : خلص انت شغلك لان محمد مش جاي وانا هوصلها في سكتي
احمد هيطق من الغيظ
___________________###
امل متوترة جدا فهي تعلم جيدا ان صلاح وراوية مش سهلين حتي لو بينهم خلاف علي المال فالواضح ان غايتهم اكبر من خلافاتهم وهي ليلي
مقدرتش تكمل شغل ورجعت البيت ترتاح
______________________###
سامر : يعني هما في المطعم دلوقتي طيب تمام
نزل سامر متجها للمطعم بسرعه وقابل محمد وتوجهه له
محمد باشا . ايه الصدفة الجميلة دي
محمد: اهلا سامر باشا انا متعود اجي هنا
بينظر ل ليلي : ويمد يده للسلام عليها ز اهلا يا هانم فرصه سعيدة
محمد : يسرع بانزال يده . متاسف يا سامر هي مش متعودة تسلم علي حد غريب
واستاذنك الاكل وصل واحنا مستعجلين
سامر : بمكر ولا يهمك . انا هروح انتظر ضيوفي ويتجه ل ليلي وفرصة سعيدة تاني يا هانم عن اذنك ويختفي من امام محمد الذي يلمح الغضب في عينيه
محمد: للجرسون نبيل احنا اتاخرنا ابعتلي الاكل في العربية
ويبص ل ليلي يلا يا ليلي هنمشي افتكرت حاجة مهمة
ليلي : افضل برضه انا تعبانه ومش قادرة وياخذها من ذراعها برفق ويخرج سريعا
يلاحظ سامر ذلك ويضحك في نفسه هنشوف النفس الطويل هيعمل ايه
في الطريق يقطع محمد شرود ليلي: ليلي الامتحانات خلاص كمان ايام وعاوزك تخرجي من الحالة دي مفيش وقت واحنا متفقين اننا لازم من الاوائل مش كدا ولا ايه
ليلي : هو ليه يا محمد كل دا بيحصلي
ليه اعجب بواحد يطلع خاين
ليه عمي ياذيني وابنه يخفني وكان عاوز يتجوزني وانا بكرهه
ليه عمتي فاكراني بيعه وشروة
ليه صحبتي تسيبني وتتخلي عني ففي محنتي
ليه
محمد بهدوء يقف بالسيارة وينظر لها ب رفق : لانك نقيه وبتشوفي الناس من وجهه نظرك انتي
لانك فاكرة كل الناس زيك قلبها ابيض ومبتاذيش حد
الدنيا يا ليلي من قديم الازل فيها الخير وفيها الشر ولازم نحمد ربنا علي الاتنين
ليلي : نحمد ربنا علي الشر والاذي بتضحك بسخرية ازاي
محمد : ايوة طبعا تخيلي كدا لو مكنش الناس الوحشة اتكشفو لينا واستمرت علاقتنا بيهم كانت هتبقي اسوء
العلاقات المريضه يا ليلي بتضيع عمرنا وصحتنا وممكن حياتنا
وانتي قوية وبعدين بقي هتقلبيها دراما ليه
انتي ليلي لؤلؤتي محبش اشوفك كدا ابدا
ليلي : محمد هو بجد احمد بيحب ريم
استغرب محمد من القفزة من موضوع ل موضوع
ايوة بيحبها والا مكنش طلب تكمل معاه حياته
ليلي : اوعي تخليه ياذيها يا محمد ريم بتحبه اوي ومش هتستحمل
محمد: انتي تعرفي عن احمد ابن خالتك كدا برضه
ليلي : طيب وكل البنات الي كان بيعرفهم وصوره و
محمد: حبيبتي دا شغل طبيعه شغله كدا وهو بالرغم من كدا انا واثق ان عمره ما عمل حاجة تغضب ربنا انا عارف اخويا كويس
اطمني علي صحبتك يا ليلي ومتقلقيش معزتها عندي من معزة احمد
وبصراحة هي دي الصديقة الي بجد دي الاختيار الصح وحقك تخافي عليها
حياتنا يا ليلي زي الي بيسافر كتير ومعاه ناس كل مرة الناس بتتغير وبينسي الي فيهم كان حلو او وحش بيعدي بس الي بيشاركه في كل سفرياته وبيرتاح معاهم هما دول الناس الي نتمسك بيهم
ويلا بقي علشان تطلعي وصلنا بسرعه
واه صحيح الاحداث الي فاتت تليفونك ضاع وانا جبت لك واحد جديد وخط جديد اهو لو اي وقت عاوزة تتكلمي انا موجود كلميني علطول
( نفتكر انه هو الي اخد تليفونها . وان تليفونها معاه لما كان في الفندق ونسيته في الشاحن
بس هو عمل كدا علشان محدش يكون معاه الرقم دا خالص )
ليلي : ميرسي يا محمد بس انت مش هتاكل احنا مشينا من المطعم وماكلناش
محمد : مين قال كدا هو كل الاكل دا هتاكليه لوحدك دا كدا هتبقي دبدوبة التخينة وضحك وضحكت من هزره معاها
ليلي : ايه دا عربية ماما اهي مش قالت عندها شغل
محمد : كويس علشان تاكل معاكي
ليلي وانت مش هتطلع معايا
محمد : عاوزة الصراحة خالتو هيكون عندها مليون سؤال واستفسار للي بيحصل وانا حقيقي يا ليلي مش هقدر احكي اي حاجة حاليا
ليلي : تقصد الي عملته مع عمي والي قولته لعمتي علي فكرة يا محمد انا كبيرة واقدر استوعب كل دا وزي ما انت بتسمعني انا موجوده اي وقت تحب تتكلم تحكيلي
ضحك محمد بسعادة بالغة اكيد انتي اول شخص اول ما احب احكي هكلمك
علي فكرة التليفون عليه رقمي ورقم ماما ورقم ريم ورقم دادة علشان دول الي هتحتاجيهم الفترة الجاية وانا محضر لك مفاجاه بعد الامتحانات
ليلي : بعدم اهتمام لو الرحلة مليش نفس اروح في مكان
محمد: لاء الرحلة اصلا اتلغت ولو ان مكنتش هقولك بس في رسامة كبيره هتنزل مصر في اجازة نص السنه وحجزت لك موعد معاها علشان تدربي علي اديها يلا يا ستي اهو نقول في بيتنا فنانه
ليلي وهطير من الفرح : بجد انت بتتكلم جد دا احلي خبر سمعته في حياتي
محمد : وسعيد ل سعادتها وبيمثل الجديدة ايوة بجد بس هنذاكر الاول كويس كفاية اليومين الي تعبتي فيهم ولسه بكره قراية فاتحة ريم واحم
يلا بقي قبل ما ارجع في كلامي تنزلي والاكل دا يتاكل وتذاكري
ليلي بسعادة بالغه تنزل وتطلع جري علي مامتها تفتح ليها دادة بتاعتها تحضنها وفرحانه
الست يا عيني مش مستوعبة الي بيحصل بس فرحانه ل فرحها
ام سعيد : ربنا يسعدك يا بنتي
ليلي : وحشتيني يا دادة انتي رجعتي من الاجازة امتي
: ام سعيد : يا بنتي بقالي يومين وانا معاكي
ليلي : طيب يا دادة في اكل محمد باعته هيطلع حالا جهزيه بسرعه علشان عندي مذاكرة وفين ماما
امل : انا هنا يا ليلي تعالي يا حبيبتي
ليلي : تحضنها بساعده ماما حبيبتي وحشتيني
امل بشك ان محم يكون فاتحها في الموضوع ووافقت : خير يا قلبي فرحيني معاكي
ليلي : بكرة قراية فاتحة ريم واحمد يا ماما دا واحد
محمد حجزلي كورس مع فنانة كبيرة اوي جاية من باريس زيارة ل مصر في الاجازة
امل تقبلها : طيب مطلعش معاكي ليه
ليلي : بمكر : عنده شغل
هدخل اغير علشان اتغدي واذاكر
امل : في نفسها انت الوحيد الي بتعرف تعزف علي اوتار سعادتها يا محمد
انت الوحيد الي بتعرف تخرجها من كل اذي بيحصلها
ربنا يحميك يا ابني يارب
____________________@@@
يمر اليوم
ويتقرا فاتحة احمد وريم
ويحددو الخطوبة بعد امتحانات ليلي
ويصر احمد انه يكون كتب كتاب علشان يقدر يخرج مع ريم يشترو حاجات الفرح
وتمر الامتحانات وليلي بدات تتعافي تماما وتنشغل في مذاكرتها ونست كل الاحداث الي مرت بيها كان فرشتها والوانها ستمحي اي ذكري اليمة مرت في ذاكرتها وتبدلها
فالرسم هو مخرجها لعالم السعادة
___________##
في اجتماع عائلي احمد ومحمد وليلي والحاج حسين ودكتورة امل
احمد: يا جماعه انا هتجوز خلاص في الفيلا بتاعتي
وعاوز انتو كمان تنقلو معايا مش معقول هبعد عنكم الفيلا بتاعتك يا خالتو مقفولة من سنين وانت يا بابا ليه متنقلش
الحاج حسين : دي وصية جدنا الله يرحمه اننا نفضل في بيت العيلة ومفتوح ثم ان من يوم وفاة امك مش هقدر ادخل الفيلا دي هي الي عملت فيها كل حاجة
امل :وانا مع الحاج بصراحة هنا بيت العيلة دافي مع بعض
محمد : طيب اسمحولي بقي انا كمان بضم صوتي لصوت احمد خصوصا ان نص الكمبوند بتاعنا
فيه فيلات الي فيها الخبرا الاجانب
وهناك تامين هيكون افضل
بصراحة هنا بواجهه صعوبة واي رجل اعمال له اعداء
ليلي : ايوة يا ماما وافقي علشان خاطري عاوزة يكون ليا جنينة بتاعتي واعمل فيها مرسم
امل : يادي الرسم الي واكل دماغكم
وبعد الحاح شديد يوافقو اخيرا انهم يسيبو بيت العيلة لان باباهم كان رافض بس فكر ان اكيد محمد عنده حق ولو رفض كانت امل هترفض وبعد الي حصل ل ليلي لازم ياخدو حذرهم
وخصوصا ان الفيلات مغلقة علي الفاضي بالرغم ان محمد مجهزها من سنين ومخليهم محاطين بسور خارجي كبير يفصلهم عن باقي الكمبوند كانهم كمبوند مصغر وكل فيلا برضه مستقلة
وبداو ينقلو اغلب حاجاتهم بس محمد رفض نقل او فتح شقته وقال هينقل كتبه وحبة حاجات الي بيستعملها فقط وبعدين هيبقي ينقل كل حاجاته
احمد بدا ينقل حاجاته في فيلته الخاصة علطول لانه ناوي يتجوز خلال شهرين تلاته
ليلي بدا محمد ينزلها الشغل وتشتغل معاهم وتتعلم
والكورس مديها دفعه
نست كل الاحداث الوحشة
______________@@
وياتي يوم خطوبة ريم واحمد
كانت خطوبة مش كبيره عملوها في حديقة الفيلا بتاعة والدهم
فهي اشبه بقصر له حديقة كبيره جدا
بس برضه بيحضرها رجال اعمال وصحافة واعلام
طبعا دا احمد مش هيفوت الفرصه دي
وريم كانت جميلة جدا وكذلك احمد واخوات ريم في قمة السعادة
وليلي ملفتة للانظار ببرائتها اكتر من جمالها فكانت محط انظار الجميع علشان كدا محمد مسبهاش خالص
ويعلن الماذون
بارك الله لكما وجمع بينكم في الخير
____________________##
بعد الحفل خرج العروسين سويا
و
محمد اخد ليلي علي البسين
ليلي : انا مبسوطة اوي لريم واحمد
محمد: وانا كمان ربنا يجمعم في الخير . هما يستاهلو كل خير يبص ل ليلي ويكمل كلامه
ليلي ................
ليلي : بتتصدم من كلامه ............
تفتكرو قال لها ياه صدمها اوي كدا
- يتبع الفصل التالي اضغط على ( رواية انتي قلبي) اسم الرواية