رواية مجنونتي الفصل الثالث عشر 13
البارت 13
مجنونتى
ظهر ادهم وانصدم من شكل نور فهى كانت تبكي بشده
ادهم: نور فى اى يا حبيبتى مالك
وقفت نور وقامت بضرب ادهم على صدره وهى تتحدث بإنهيار: انت السبب فى ان امى تعبانه وقهرتها عليا انت السبب فى انى ابعد عنهم وافكر انهم باعونى انا بكرهك انت السبب فى كل حاجه حصلت ليا وحشه انا بكرهك انت فاهم طلقنى
ادهم بصدمه: انتى بتقولى اى
نور: انا بقولك طلقنى ولو مطلقتنيش هرفع عليك قضيه خلع وهطلق منك برضو لانى بكرهك
ذهبت نور وقامت بجمع اغراضها وذهبت هى واصدقائها الى منزل والدها ووالدتها
قامت نور بالترك على الباب ففتح لها والدها
والد نور ببكاء: نور حبيبتي عامله اى وحشتينى اوى والله غصب عني يابنتى مش بإيدى والله انا اسف
نور ببكاء: خلاص يا بابا سيبك من الموضوع ده
والد نور: تعالوا ادخلوا تعالى يا نور مامتك جوه
اتجهت نور لغرفه والدتها ووجدت والدتها تجلس على السرير بتعب وارهاق كبير
نور وهى تجرى لها وتحتضنها: ماما
والده نور ببكاء: نور بنتى عامله اى يا حبيبتى وحشتينى والله يانور
نور: وانتى كمان والله يا ماما انا آسفه انى صدقته وانه انتوا بعتونى ليه خوفت ارجع تطردونى
والده نور: احنا نعمل كده برضو يا نور
نور: خلاص والله انا آسفه
رحمه: هاتى منديل يا ديما الدمعه هتفر من عينى ياختى
نور: بس يا بت
رحمه وهى تجلس: ما خلاص بقا اى النكد ده احنا عاوزين نفرفش كده
ديما: ايوه وبعدين انا جعانه وابغا اكل
نور وهى تمسح دموعها: انا كمان والله
والده نور: هعملك ال انتى نفسك فيه قوليلى بس عاوزه تاكلى اى وانا اعمله
رحمه: والله يا خالتى ام نور انا عاوزه كبسه اكلونى كبسه علشان انا مليش دعوه
والده نور: حاضر يا حبيبتى
رحمه وهى تلقى لها بوسه: حبيبتى يا طنط
ديما: ما تقومى يا نور انتى ورينا اخر ما وصلتى ليه فى الطبخ طلعى موهبتك كده وفرجينا
نور: والله كان نفسي بس مينفعش مش هناكل كده
رحمه: لا قومى ورينا عاوزين نشوف
نور بضحك: بصو هبهركوا
رحمه: يارب بس انبهر متشلش
وبعد مرور الوقت فكانت نور تعد الكبسه وتسمع ضحك ديما ورحمه ووالد نور ووالدتها فخرجت لترى ماذا يحدث فصدمت من ما رأته فهى وجدت رحمه وديما ووالدتها يضعون الماسكات وياكلون التسالى ويشاهدون التلفاز
نور بصوت عالى: يانهاااااار ابوكوا ابيض يعني انا طالع عينى جوه واجى الاقيكوا حاطين ماسكات وبتتسلوا يا حاجه راعى انى كنت بعيده عنكوا فين الحنيه في الدلع فين التسالى
رحمه وهى تأكل اللب: تعالى يا نور يا حبيبتى فى مسرحيه هنا تحفه صح يا عمو
والد نور: صح يا روح عمو
نور وهى تضرب بقدمها على الارض مثل الاطفال: هى بقت كده طب ماشي وربنا لوريكوا
ثم دخلت المطبخ واخرجت الكبسه التى كانت فى وجهه نظر نور انها قد استوت قامت برش الكثير من الشطه على الطعام واخرجتها
رحمه وهى تصفق لها: الله الله عليكى يا كبيره الطباخين فى الشرق الاوسط
نور بضحكه خبيثه: بصى هتنبهروا
وضعت نور الكبسه على الصنيه وقامت بقلبها ثم شالت الحله وانصدمت من منظر الكبسه فكانت عباره عن ارز ودجاج اسود الللون
ديما وهى على وشك البكاء: اى ده يا اذكى اخواتك
نور:والله ما اعرف
رحمه: الا صحيح يانور كنتى بتطفحى ادهم اى واكلك ده شكله
نور: كان بيجيب من بره صراحه
رحمه: اااه معندوش حق صراحه
ديما: عليها واحده هبهرك هتجيبلى القلب
والده نور: طب هقوم اعمل اى حاجه انا اصل دي مش وش كبسه خالص
رحمه: ربنا معاكى يا طنط والله مخلفه الماسه
والده نور: عندك حق يا بنتى
نور: طب تصدقوا بقا انكوا تستاهلوا علشان محدش يعمل ماسكات من غيري
رحمه: صحيح يا نور هتعملي ايه في موضوع ادهم
نور: ولا اى حاجه هتطلق وياريت محدش يجيبلى سيرته تاني وعادى هعيش حياتي وادخل كليتى واروح الجيم واشتغل برضو وابقا سترونج اندبندنت وومان
ديما: بالمنظر ده معتقدش
دار اليوم على ضحك وهزار من نور واصدقائها ووالدتها ووالدها
انتهى اليوم وفى اليوم الثانى
فى الصباح
استيفظت نور على هاتف من رحمه
رحمه: نور الحقى النتيجة طلعت
نور بنوم: ماشي الله يبارك فيكى
رحمه: قومى يخربيتك خايفه افتح واجيبها
نور بفزع: اى يالهوي يالهوي يالهوي هى جايه تطلع دلوقتي بنت الجزمه طب وبعدين اهبب اى
رحمه: نور انتى عبيطه هو حد قالك انك سقطى بابا انا بقولك النتيجة طلعت فوقى وتعالى على الجروب علشان نجيبها سوا
نور: طيب ماشي
وبعد وقت
نور: هااا جبتوها
رحمه: للاسف اه
ديما: اه جبتها الحمدلله
نور: طب جبتوا كام
رحمه: جبت 89٪
ديما: انا جبت 90٪
نور: ياولاد الدحيحه مصاحبه يهود انا وربنا
ديما: يا شيخه اتوكسى ادخلى يلا هاتى بتاعتك
نور: طيب
قامت نور بفتح الموقع وكتبت رقم الجلوس وظهرت لها النتيجة
نور بفرحه: اعععععع 92٪ لوووووووووووولى
دخلت والده نور على صوت ابنتها: اى فى اى يانور خضتينى
نور وهى تحتضن والدتها: جبت 92٪
والده نور: ألف مبروك يابنتى ألف ألف مبروك هروح افرح ابوكي واقوله
تذكرت نور ادهم ووعده لها بأنه سوف يأخذها الى فرنسا شعرت نور ب القليل من الضيق فهى اشتاقت له كثيرا فهى احبته جدا ولاكن ما فعله بها كان كثيرا عليها هبطت دموع نور ثم ارسلت ل اصدقائها
نور: بنات جبت 92٪
رحمه: اه يا جزمه واحنا برضو ال بندح امال انتى اى
ديما: ألف مبروك ياقلبي
نور: الله يبارك فيكى ياروحي
رحمه: ألف مبروك ياروحي والله تستاهلى يانور
نور: الله يبارك فيكي ياقلبي
انهت نور مع اصدقائها وانتبهت ل رساله من ادهم ف دق قلب نور وتوترت وفتحت الرساله
ادهم: ألف مبروك يانورى عاوز بس افهمك انى بحبك وال عملته كان غصب عني والله كنت خايف تروحي لحد غيرى نور انا بحبك بجد والله واتمنى تفضلى معايا علطول بس لو مصره على رأيك هعمل ال يريحك لو مصره اعملى بلوك وساعتها هتلاقى ورقه طلاقك وصلالك ولو كملتى معايا اوعدك هصلح كل حاجه ياريت تدينى فرصه تانيه انا آسف
حزنت نور بشده فهى تحبه ولاكن تحاول اقناع نفسها بالعكس دائما ولاكن قامت بعمل بلوك وبالفعل ارسل ادهم ورقه طلاقها
مرت الايام والسنين وكانت نور تحاول ان تتخطى ادهم بنزولها الجيم وانها دخلت جامعه حاسبات ونظم ومعلومات فهى كانت تحب هذه الكليه واختارت تخصص ذكاء اصطناعي وقامت بالعمل بجانب الجامعه والجيم
مرت الاربع سنوات ونور تعمل وتطور من نفسها
فى يوم من الايام كانت نور فى الجيم فكانت تضحك مع الكابتن الذى يقوم بتدريبها
نور: ابهرتك انا عارفه
الكابتن: ايوه طبعا
كان الدكتور الذى كان يعطى نور فى الجامعه فى نفس الجيم فتوجه لنور
نور: اى ده اى الاخبار يادكتور
الدكتور وهو ينظر للكابتن: الحمدلله يانور بخير
نور: حضرتك بتعمل ايه هنا اول مره اشوف حضرتك
الدكتور: لامه انا كنت فى جيم تاني وجيت هنا كويس انى شوفتك كنت حابب اتكلم معاكي في موضوع
نور ببسمه: اه طبعا يا دكتور اتفضل
الدكتور: خلاص بعد الجيم نتقابل فى اى كافيه
نور: تمام ماشي
انتهت نور من تمرينها وخرجت مع الدكتور
الدكتور: تطلبى اى يانور
نور بتلقائيه: العشق
الدكتور: اى
نور: قصدي بيبسى
الدكتور بضحك: انتى بتحبي البيبسى اوى كده
نور بضحك: فوق ما حضرتك تتوقع
الدكتور: ما بلاش حضرتك ودكتور دي يا بنتى انا بينى وبينك تلات سنين بس اتكلمى عادى
نور بإحراج: حاضر يا احمد
احمد: ماشي يانور ادخل فى الموضوع بقا بصى ياستى انا بصراحه بحبك وعاوز اتقدملك ف كنت حابب اعرف رأيك الاول وبعد كده اقابل باباكى
نور بصدمه: بتحبنى
احمد: اه يانور مستغربه ليه
نور: انت فاجأتنى بصراحه بس عموما خلاص يا احمد هفكر فى الموضوع وابلغك
احمد: تمام ماشي
وقفت نور ف امسك احمد يدها ف ابعدته عنها
احمد: آسف جدا والله بس اقعدى اشربى البيبسى على الاقل
نور: لا والله مش هقدر هتأخر على البيت جامد
احمد: خلاص ال يريحك
تركت نور احمد وخرجت ومر يومين وظلت تفكر نور وقررت ان تعطيه فرصه
ارسلت نور ل احمد بالموافقه وبالفعل قابل احمد والد نور وتم تحديد موعد للخطوبه
يوم الخطوبه
كانت نور تتجهز وهى متوتره جدا
نور: استرها معايا يارب ده انا غلبانه وربنا
انتهت نور و خرجت ل احمد وجلسوا فى مكان العروسين وظلوا يضحكون ويبتسموا حتى رأت نور شئ صدمها وكانت تتألم من هذا المنظر جدا
مجنونتى
•تابع الفصل التالي "رواية مجنونتي" اضغط على اسم الرواية