رواية انتي قلبي الفصل الرابع عشر 14 - بقلم ولاء فتحي
(14 )
محمد : بص لها وقال لها ليلي تتجوزيني
ليلي : ليلي اتصدمت من طلب محمد انت بتقول ايه انت اخويا وصديقي
محمد: بصدمة من رد فعلها بس انتي مش اختي يا ليلي وعمري ما قولتلك انك اختي
انا طول عمري بحبك وبخاف عليكي
وكل الناس شايفة الحب دا معقول مشفتيهوش ولا حسيتي بيه.
ليلي : انا احيانا كنت بحس منك كدا بس كنت بكدب نفسي ز محمد انا مش عاوزة اخسرك ومش قادرة اوافق علي طلبك
انا اسفه متزعلش مني
محمد : دا حقك يا ليلي ويلا علشان اروحك
ليلي : محمد انا في الفيلا الي جنبك يعني مش مسافة وانت حاطط حراسة في كل مكان
دا حتي جايب حراسة ستات للجنينة
محمد: معلش الوقت متاخر وكل الناس مشيت هوصلك وامشي علطول
ليلي : محمد انت زعلان مني
محمد : بكل الم وحزن يعتصر قلبه : لا انا برضه ازعل من بنوتي
تمشي : ليلي خطواتين
محمد: ليلي خلي بالك من نفسك
ليلي : باستغراب حاضر ولو ان هشوفك بكر مش كدا
محمد : ان شاء الله ادخلي يلا علشان امشي
ليلي : انت هتسافر كمان 4 ايام علشان المناقشه
محمد : ان شاء الله انتي عارفه ان دي رسالة في ادارة المؤسسات وبحضر ليها من زمان
ليلي : مش كفاية انك معاك دكتوراه في الصيدلة
محمد : لاء يا ليلي انا بحب لما اعمل حاجة اعملها صح والرسالة دي من اكبر جامعات المانيا ومهمة ليا
ليلي : محمد اوعي تزعل مني او تسيبني انت اخويا وسندي
محمد : لا ابدا وهفضل حمايتك متقلقيش سواء موجود او لاء اوعدك محدش هياذيكي
يلا تصبحي علي خير
ليلي تركته ودخلت : وهي تشعر بكمية الحزن الي سببته ليه
بتفكر طيب ليه كنتي قوليله هفكر
ليه صدمتيه مرة واحده
لاء انا اتعودت معاه علي الصراحة
هو ميستاهلش اني اعمل فيه كدا
لاء محمد قوي
امل : ليلي انتي اتجننتي يا حبيبتي بتكلمي نفسك
ليلي : اصل وكانت هتحكي لمامتها وتراجعت اصل الحفلة كانت جميلة وريم كانت جميلة انا مبسوطه ليهم ياماما اوي
امل : ربنا يسعدهم يارب تصبحي علي خير
ليلي وانتي من اهل الخير
دخلت تنام بس معرفتش تنام
________________@@@
يرجع محمد بس علي شقته مش الفيلا
يدخل ويلقي بنفسه علي الكنبة ويغلق تليفونه
يحاول ان ينام
ولكن عقلة وقلبه في حرب
انا اتسرعت
كنت فاكر انها حست بيا
قلبه معلش اديها فرصه
عقلة
بس دي مفكرتش دي رفضتك وانت الي متعلق بيها
قلبه : كلامك هيخليها تفكر
محمد : يفتح تليفونه ويتصل بشركة الطيران
الو من فضلك كان في حجز علي الطيارة الي رايحة المانيا بعد 4 ايام باسم محمد حسين
ايوة لاء من فضلك شوفيلي معاد علي اول طياره
ايوة الساعه كام مفيش قبل كدا كويس جدا تمام غيرلي الحجز لو سمحتي كدا تمام
واغلق الخط واغلق تليفونه وبدا يجهز شنطته ونام
________##
صحي قبل صلاة الجمعه ونزل صلي الجمعه
عم رضوان : صباح الخير يا دكتور انت بايت هنا
محمد: صباح الخير يا راجل يا طيب ايوة
هصلي الجمعه يا عم رضوان وشنطي فوق عاوزك تنزلهالي
عم رضوان انت هتوديهم الفيلا
محمد: لا يا عم رضوان انا مسافر ادعيلي
بعد الصلاه فتح التليفون لقي اتصالات كتير من احمد وليلي ووالده
كلم والده
ايوه يا بابا :
الحاج حسين : ايوة يا ابني انت فين من امبارح
محمد: كنت في شقتي بحضر الشنطة علشان مسافر المانيا
الحاج حسين : مسافر مش لسه 4 ايام علي سفرك
محمد : اصل جالي ايميل اني لازم اروح بدري علشان الجامعه في حاجات لازم تخلص الاول
الحاج حسين : طيب يا ابني هتسافر امتي اخلي اخوك يوصلك
محمد: لا يا حاج سيب احمد مع ريم انا العربية معايا هسيبها في المطار والسواق هيعدي ياخدها انا يدوب اطلع المطار
الحاج حسين : طيب يا حبيبي ربنا يوفقك مش عارف لازمتها ايه دكتوراه من هنا ودكتوراه من هنا بس الي تشوفه
محمد : دعواتك يا حاج وكل حاجات الشغل مترتبه وهتابع الايملات علطول
محمد بيسافر خلاص
___________@@
احمد : صباح الخير يا حاج امال فين محمد مختفي ليه
الحاج حسين : اهلا يا عريس محمد سافر المانيا
احمد : سافر ايه القرا المفاجئ دا
الحاج حسين : اه وانا قلقان عليه صوته متغير وكلامه متغيير
احمد : متقلقش علي محمد تلاقيه وراه حاجات علشان كدا بدر السفر انت عارف انه عملي جدا
بيفطرو
هستاذن انا يا حاج علشان عندي معاد مع المزة
الحاج حسين : اتلم يا واد
احمد : ايه يا حاج مراتي وبدلعها ههههه
الحاج حسين : ربنا يسعدكم
___________________@@
احمد : اول ما بيشوف ريم بيصفر معقول القمر دي تبقي مراتي
ريم : بخجل ووشها احمر احمد احترم نفسك انا لسه خطيبتك
احمد: والراجل ابو عمة ودفتر بتاع امبارح دا كام فيلم مثلا
ريم : يلا هنتاخر والاسبوع دا عندي شغل كتير لازم يخلص قبل سفر دكتور محمد
احمد : محمد سافر انهارده
ريم : ايه غريبة دا وراه شغل لازم يمضيه ضروري قبل سفره
بتبص في تليفونها تلاقي رساله من ليلي
ليلي: ريم انتي فين عاوزاكي ضروري
احمد : من مين الرساله دي يا روري
ريم : بتضحك دي لي لي عاوزاني ضروري
احمد : لا مهو سفر محمد ميجيش علي دماغي
ريم : دا في رسالة مبعوته من محمد انه راح الشركة مضي كل الاوراق وكتبلك تفويض بالتوقيع علي شغله وسايبة في مكتبي
احمد : بينه وبين نفسه غريبة انا كدا بدات اقلق . وينظر ل ريم بقولك ايه اقفلي بقي تليفونك دا عاوزك فاضية ليا
ريم : هبعت بس رسالة ل ليلي
ايوة يا ليلي انا بره مع احمد اول ما اخلص هكلمك
وخرجو واتفسحو واشترو حاجات
__________________@@
سامر : يعني سافر فجاه كدا طيب كويس اوي خليك متابع البنت اول ما تخرج بلغني
ويتصل ب ناني
ناني : سامر اذيك
سامر ايوة يا ناني بصي فرصتك بقي
محمد في المانيا لوحده
ناني : بتقول ايه دا امبارح كانت خطوبة اخوه
سامر الي اعرفه انه سفر مفاجئ محدش يعرف عنه حاجة
ناني : كمل جميلك بقي واعرفلي هو هناك فين
سامر : بصي يا ستي .................
ناني : شكرا يا سامر ولو ان عارفه ان مساعدتك ليا مش بريئه بس انت عارف لو عاوز حاجة انا جمبك
_______________@@@
رواية بتتصل ب صلاح
ايوة يا صلاح : بالرغم انك ندل وعملت عقود المصنع بالتوكيل بيع وشرا مني ومحمد دفعلك فلوسك وزيادة بس انت اخويا برضه ومصلحتنا واحده
صلاح : خير يا راوية مالك داخلة شمال كدا الناس تقول صباح الخير
عاوزة ايه
راوية : محمد سافر ودي فرصتنا انا قولت ل امل يا اكرم يا ذياد وانا ساعدتك في موضوع اكرم
وانتو الي فشلتو
فتساعدني في موضوع ذياد
صلاح : بس محمد نابه ازرق ومش سهل يا راويه
راوية : بص انا هروح اخبط علي الباب ونطلب البنت رسمي
ولما منفعش المرة دي هنشوف
وبعدين لو محمد كان عاوزها كان ايه منعه يكتب عليها بع موضوع اكرم
صلاح : عندك حق بس خلي بالك متجبيش سيرتي
راوية : عيب يا صلاح هو انت كنت جبت سيرتي
__________________
-----------------------------------2
-ليلي : ماما محمد تليفونه مغلق من امبارح
امل : يمكن نايم بصراحة هو الي عمل لاحمد كل حاجة وتعب جدا
ليلي : محمد متعود يصحي بدري وكمان شفته بليل وهو ماشي من الكمبوند ومرجعش
ماما انا هروح البيت اجيب حاجات الرسم وكتبي الدراسه قربت
امل : هتروحي لوحدك
ليلي : لاء ماهو سايبي حارسات اطول مني بره علشان يخضوني
امل : طيب خدي دادة معاكي
ليلي : تبوس امل وتجري تاخد دادة وتروح العمارة
اذيك يا عم رضوان هو محمد كان بايت هنا
رضوان اهلا ست ليلي ايوة وسافر الصبح
ليلي : سافر ؟؟ سافر فين
رضوان : مش عارف يا ست ليلي هو قالي نزل الشنط
ليلي طلعت وبالها مشغول محمد عمره ما سافر من غير ما يكلمني
عمرة ما راح مكان من غير ما يقولي
علشان كدا كان بيقولي خدي بالك من نفسك
طيب يمكن مسافرش انا عاوزة اطلع شقته اتاكد ان ورقه في مكتبه
بس دا مانع اي حد يدخل شقته
ليلي : دادة خلي عم رضوان ينزل دول العربية وياكد علي السواق انه يحطهم بالراحة
دادة : حاضر يا لي لي
تقعد ليلي تفكر : سفره دا مش طبيعي
طلع عم رضوان ياخد الحاجات
ليلي : عم رضوان في حاجة في شقة محمد عاوزاها ضروري وهو في الطيارة وتليفونه مغلق
عم رضوان : حاجة ايه وانا اطلع اجيبهالك
ليلي : لا يا عم رضوان مش هتعرف انا هطلع اشوفها
عم رضوان لاء يا ست ليلي الدكتور ماكد عليا محدش يدخل شقته
دادة : بس دي ست ليلي يا رضوان وانت عارف الدكتور مبيرفضش ليها طلب
رضوان بقلق : امري لله اتفضلي معايا هفتحلك الباب وانزل انزل الحاجات تكوني شوفتي الي عاوزاه
________________@@
محمد في الطائره فرد الكرسي شبه سرير
واغمض عينيه يتذكرها
20 سنه هو عمرها تقريبا في الحياه وهو عمرها في قلبه
هو من اسماها ليلي لان شعرها وعيونها كسواد الليل
ضحكتها جنونها براءتها حتي شطحاتها
ياااه يا ليلي لو تعرفي انك قتلتيني برفضك
يمكن انتي هتقدري تعيشي عادي لكن
انا متخيلتش بقالك كام شهر اديتيني الاحساس الي يخليني افاتحك
لكن للاسف كلامك كان قاسي عليا اوي
ظل طوال الوقت مغمض العينين
المضيفات
مضيفة 1 :مش دا دكتور محمد حسين
مضيفة 2 : ايوة بس دا من ساعه ما ركب الطيارة وهو علي الوضع دا
مضيفة 1 : خطوبة اخوة كانت امبارح اكيد تعب فيها ومريح
مضيفة 2 : من الصور شوفتي صوره امبارح هو واخوه والعروسة
مضيفة 1 : وريني . دا قمر اوي يا بختها الي هيكون من نصيبها
مضيفة 2 : كان معاه بنت زي القمر ممكن تكون خطيبته
مضيفة 1 : او اخته
يلا بفي علشان نوديلة الاكل
مضيفة 2 : للاسف منبه محدش يزعجه
__________________$$$
في نفس الوقت عند ليلي
طلع رضوان فتح الباب ل ليلي ونزل
طلعت ليلي واول ما دخلت الشقة وفتحت النور وفتحت الشبابيك وفضلت تلف في الشقو وهي مصدومه و انهارت في الصريخ والبكاء
- يتبع الفصل التالي اضغط على ( رواية انتي قلبي) اسم الرواية