رواية هي و القدر الفصل الرابع عشر 14 - بقلم ولاء فتحي
الفصل الرابع عشر
وحازم اصر يجيب لها حاجات اكتر من ما هي عاوزة وفارس اتفق مع عمه علي يوم الخميس خطوبة عائلية
لغاية ما في يوم
سمير : تعالي يا حازم ادخل
حازم : عمي انا محتاج اتكلم معاك علي انفراد
سمير : ادخل خير في ايه
حازم باحراج : لاء معلش ممكن نتكلم في شقتنا اضمن
سمير خرج معاه وقفل الباب وبتوتر : انت قلقتني في ايه
حازم : انا بس عاوز اتاكد ان محدش هيسمعنا
ودخلو شقة حازم وقفلو الباب وحازم مرتبك وسمير قلقان ف حازم ابنه الذي لم ينجبه
سمير : ها يا حازم انت قلقتني في ايه
حازم : عمي انا مش عاوز اكمل مع ليان
سمير : ايه دا الخطوبة بكره . لما انت مش عاوزها طلبتها ليه
حازم : عمي انا عاوزها والله وبحبها جدا علشان كدا مش عاوز اكمل
سمير اقترب منه وربط علي كتفه وقال له بكل حب : حازم انا ابوك يا ابني وانا اكتر منك خبره احكيلي انا عارف انك مش من النوع الي بتحكي كتير بس صدقني لو مصلحة ليان تهمني فانت متقلش عنها اهمية
حازم : عمي في حاجة احنا مخبينها عليكم ليان كانت مصرة اني محكيش ل حضرتك او طنط منعا للقلق
سمير : بقلق بص انا سامعك للاخر
حازم : وانا مع ليان طلع علينا عصابة و............................
وعلشان كدا انا بدات اقلق فعليا عليها بصراحة هي ساعدتني جدا اني اخلص عليهم بس انا مش هجازف بيها
سمير : بقلق الاب . يا ابني ليان مش اول انسانه هترتبط بضابط شرطه وبعدين ممكن العصابة دي تطلع وانت مش ضابط
الا لو انت ملكش رعبه تكمل
حازم : بالعكس يا عمي انا والله مش هضايقها ابدا انا خايف عليها وللامانه ولانك ابويا وهي زي ريم لازم احكي ل حضرتك
سمير : طيب اجهز خطوبتكم بكره يا بطل ولا هو مفيش غيرك في الداخليه
حازم : عمي انا ضابط في ادارة زي ما انا عندي كل بيانات العصابات هما كمان عندهم تفاصيل حياتنا
انا مش بتعامل مع حرامي شقق ولا خطف شنطه انا بتعامل مع عصابات عبارة عن دوله ولها قوانين وزي ما هما مستهدفين مننا احنا مستهدفين منهم عمي انا بقولك دا للامانه ومش مفروض اقوله
احنا ظاهريا ضباط شرطه في اماكن عاديه لكن وقت الجد لينا شغل تاني خالص
سمير عينه دمعت وحضنه بحب :انا فخور بيك يا حبيبي وحسيت ان تربيتي لها ثمرة لو حاجة ناقصة ل بكرة بلغني
حازم : والله سيف وفارس وريم وحسين مصرين يعملولنا بكره مفاجاة مش عاوزين يدونا اي تفاصيل حتي المكان انا بكل علاقاتي ومخبريني معرفوش ههههههههههههه
سمير : ربنا يخليكم ل بعض يا ولاد انا هقوم بقي اروح اشوف نجلاء كانت عاوزة تنزل تشتري حاجات
حازم : عمي طيب ممكن طلب اخير من حضرتك
سمير باهتمام : يا ابني انت تطلب علطول
حازم : ممكن نكتب كتاب؟ وبتوتر هو الحقيقه انا حابب اعلم ليان ضرب النارعلشان اطمن عليها اكتر
وعلشان اطمن انها هتتعلم بشكل احترافي
هعلمها بنفسي وطبعا حضرتك عارف ان علشان اعلمها مضطر مممم
سمير : ضحك فاهم يا حبيبي خلاص انا معنديش مانع خير البر عاجله ربنا يهنيكم ببعض
**********************.
ريم : عاوزة ايه يا ليان
ليان : مش معقول انا العروسه ومش هختار ديكور وشكل الكوشه والاغاني
ريم: كوشه انتي قديمه اوي بصراحة يا بنتي احنا هنلبسكم مايوهات ونزلكم تتصورو مع القرش
ليان : مجنونه والله وتعمليها انتي وسيف
بس الي مطمني ان معاكم فارس ودكتور حسين
بس علي الاقل اعرف المكان يا ريم
والعربية الي هنروح فيها لونها ايه
ريم: انسدي بقي خليني اخطط وضحكت ضحكة شريرة
*****************
نجلاء : يعني انا اصلا محتاسة تلخموني اكتر انا يا ربي ام الاتنين العروسه والعريس
سمير : انا شايف برضه كتب كتاب افضل هو احنا لسه هنتعرف دا ابننا
نجلاء : بس كتب كتاب لازم تعزم اخواتك واخوات مامته الله يرحمها واخواتي
ومش عارفه العيال عاملين حسابهم علي الضيق
سمير : يا سيف يا سيف
سيف : ايوه يا بابا
سمير يا ابني احنا هنعمل كتب كتاب تعالي بقي فهمني انتو مرتبين ايه للخطوبه
سيف : بص يا حاج انا من اول ما نزلت ووكنت بوضب ************** وفكرنا اننا بقي نزين المكان وهو واسع وكبير وشغلي بقي الديكور وكدا
سمير : والله انتو برافو عليكم بس هيشيل العدد
سيف : مهو احنا حاجزين بعدها يخت في النيل نتفسح فيها يعني الموضوع ساعة ونص هنا نخلص ونفك
سمير : طيب تمام وانا هشوف برضه المكان بنفسي علشان اعمامك واخوالك وخالاتك وقرايب مامة حازم
يدوب نلحق نكلمهم
**********************.
حازم : الو ايوا يا فارس انت في العيادة
فارس: لا عيادة ايه وانا ابو العريس
حازم : حبيبي يا ابو الفوارس والله . طيب بص انا اتفقت مع عمي علي كتب كتاب
فارس: والله يا رين ما عملت يا عريس
حازم : انا عاوز بس اتاكد منك من اهل ماما
فارس : متقلقش انت انا كلمت الي يهمونا
حازم : حبيبي نردهالك كدا ونتعبلك يا اخويا يارب يوم فرحك
فارس: فرحكم هو فرحي يا حبيبي يلا بقي متعطلناش
*************************.
حسين : ريما مش غيرانه
ريم: لاء اغير ليه انا فرحانه فرح اخواتي يا ابني
حسين : لاء مش قصدي قصدي يعني ما تيجي ننزل نجيب الشبكة
ريم: شبكة جابوها يا شبح هما هيستنونا ولا ايه
حسين : روحي يا ريم الله يهديكي من هنا يلا خلينا نخلص شغلنا مش عاوزين عطله
ريم: بدلع يعني امشي يعني وبتمثل الزعل بتطردني يا حسين وهونت عليك
حسين : تعالي يا عم فارس قيس لي الضغط اصل شكل ضغطي عالي
فارس: ايه في ايه انت زعلت اختي حبيبتي ولا ايه
ريم : بتتشعبط في رقبه فارس : ايوة يا فارس بيطردني من هنا يرضيك اختك تتطرد
حسين : بيمثل النرفزة ايوه بتلعب في الحاجات وهتبوظ شغلنا وتعبنا وشقانا
ريم : بذهول . ايه دا ايه دا انت مين فين دكتور هولاكو
فارس: انتو الاتنين مش عاوز مشاكل وبص ل حسين انا هاخدها معايا واريحك منها يا سيدي
حسين : لاء والله هي ترضي وانا هاخدها معايا وارتاح
ريم: لاء خلاص انا هروح العب مع سيفو هو الي فاهمني وبتنادي
يا سيفو يا سيفو انت فين يا حبيبي
سيف : يا دي النيل انا كان مخي فين لما فكرت اقول تساعدينا
بصي ومد ادية في جيبه وطلع شيكولاته
خد يا ريمو الشيكولاته دي واخدها من اديها وجاب كرسي واقعدي هنا كليها ومسمعش صوتك
ريم اخدتها بفرحه الاطفال وبطفولة الله عليك يا سيفو انت الي فاهمني
بس دي واحده بس وانت دايما بتجيب لي اتنين
سيف : معلش لو سمعتي الكلام هجيبلك كمان اتنين وكمان بيتزا سي فود
ريم: حاضر والله يا سيف هسمع الكلام
حسين : بيبص عليهم ومتنح . طبعا هو عارف كويس ان طول عمر ريم متربيه هي مع سيف وليان لانها تعتبر معاشتش مع مامتها وباباها من سن 7 سنوات وهي يتيمه فعارف انهم اخوات
حسين : باستغراب فارس هي دي ريم بجد الاولي علي دفعتها الي متوقع تتعين معيده كمان سنه
فارس: ههههههههههه انا نصحتك وانت مسمعتش كلامي
حسين : لاء دا انا عاوزها كدا بجنونها وطفولتها وعقلها وضحكها وحزنها
فارس : نخلص من كتب كتاب حازم وليان ونشوف اخرتها معاكم الامور مش هتنفع تتساب متعلقة كدا
حسين : هما هيكتبو الكتاب والله كويس وبيضحك ما بالمرة بدل الماذون هيكون موجود ما نكتب احنا كما ولا هي مشورة للماذون رايح وجاي
سيف من بعيد : ايه يا دكاترة مش هنخلص رغي ونشتغل
*************************.
حازم : ها يا قلب حازم مش ناقصك اي حاجة
ليان بخجل : ايه دا هو دا النقيب حازم ولا انا بيتهيئلي
حازم: لاء هنا انا بنسي الشغل اه بقولك اهو وشغل مستر كاراتيه الي شفته منك دا مبيخوفنيش علي فكرة
تجيبي ورانا عصابة وتضربيهم معايا علشان تورني العين الحمرا انا مباكلش من الكلام دا
ليان : والله انا اممم طيب يا حازم
حازم : علي فكرة احنا بكرة هنكتب كتاب
ليان باستغراب ايه محدش قالي
حازم : انا بقولك اهو وهيفرق معاكي
ليان : ايوة كدا لون الفستان دا مش هينفع علشان غامق وكتب كتاب بيكون فستان فاتح
حازم : بقولك ايه تعالي ببدلة التمرين اهو تكوني علي طبيعتك يا ليان
لون فستان ايه الي مينفعش يا ليان
هتجننوني انتي وريم
احنا غلابة هي بدلة يا سودا يا كحلي ونخلص
ولا اقولك اجيلك ميري يا ليان
ليان : بتضحك لاء اتعود في كل وقت للنها له لبس وكل مناسبة ليها لبسها والوانها
حتي تسريحة الشعر
حتي لون الميك اب
حازم : اه بالمناسبة انسي موضوع الميك اب دا تاني
وياريت تشوفي مدربة تتعاملي معاها بدل المدرب الخنيق الي مسك ايدك بدل ما اقطعهالو
ليان : لاء اهدي علي نفسك احسن اروح اقول ل بابا
حازم : ايه هتقولي له انا رجعت في كلامي تعالي وريني
ليان : ايه يا عم انت ما بتصدق
حازم : لاء تعالي بقي واوريكي المعجبات
ليان : حازم اتلم احسن والله اوريك وقامت وقفت واستعدت للقتال وهو قاعد يبص عليها ويضحك
تاني يوم
لبسو البنات ليان كانت قمر بجد
ريم كمان كانت قمر
وطلعو مكان الخطوبه والكل منبهر
المكان علي الرووف بتاع البيت
سيف موضبه اوي ومجهزة
ديكورات من الفل الابيض
اضاءات من الفل الابيض
مع انوار مختلفة وسماعات بصراحة المكان يجنن والسور محاط بالشجر العالي يحجب رؤيه الاخرين
ومزين بالزهور
الكل انبهر المكان ساحر جدا محدش كان يصدق انه حلو كدا
ووسط صمت الجميع تتعالي الصوت
" باركَ الله لكما، وباركَ عليكما، وجمع بينكما في خير "
وهنا تعالت الزغاريد ونجلاء تبكي وتحضن اولادها وبدات الموسيقي والفرح
الجو رائع والفرحة عارمه
وفجاة سيف نظر لها انسة راسيل اذيك
راسيل /: اهلا يا بشمهندس
سيف : اتفضلي اتفضلي
راسيل بخجل : شكرا
ريم : جريت عليها وحضنتها ايه يا راسيل اتاخرتي ليه دول كتبو الكتاب وانا اخدت بوكيه العروسه
راسيل : هههههههههه انتي ناوية تحصليها بقي
ريم : لاء دا بتاعنا محدش ياخده فانا اخدته
سيف : طيب تحبي تشربي ايه
ريم : باستغراب سيف روح عمي عاوزك قربت منه وبصوت واطي اه وبطل تسبيل شكلك وحش
سيف : ريم مش انا اخوكي هجيبلك شيكولاته
ريم : تعالي يا راسيل تسلمي علي ليان ونفك يا بنتي الجو هنا حر
التفتت له وطلعت له لسانها
وكان هناك من يراقبها ويبتسم علي طفولتها وخفة دمها
وقام واقترب منها وطلع ليها الشيكولاته
ولا تزعلي خدي الشيكولاته اهي
ريم: الله حسين انت جبت لي شيكولاته
حسين : بهدوء همس لها وهفضل اجيبهالك طول عمري يا طفلتي المدلله
لو تحبي
ريم : بخجل ايه ميرسي اوي اه احب
حسين : يعني بجد تحبي
ريم : هزت راسها بخجل اه احب
حسين توجه فورا لحازم وسحبه من وسط اصحابه وسحب فارس من وسط الجميع
حازم : ايه يا ابني انا سيبني مع عروستي
فارس: مالك يا حسين
ويبحث بعيونه عن سمير يجده
حسين تعالو بس ما صدقت انها وافقت اني اجيب لها شيكولاته
حازم : تجيب لمين شيكولاته وانا مالي اسيب عروستي
حسين : بسعادة ريم وافقت ايب لها شيكولاته
حازم : ما تجيب يا اخي شيكولاته ولا متجبش انا مالي
حسين وقف قدام سمير : السلام عليكم يا عمي الف مبروك
فارس : يهمس له انت مجنون هتقول ل عمي عاوز اجيب لها شيكولاته
سمير :عن اذنكم والتفت لحسين وحازم وفارس
وعليكم السلام يا ابني الله يبارك فيكم وواقف يبص عليهم باستغراب
وهو ماسكهم زي الي ماسك حرامي
حازم : يا حسين ايدك يا بابا انا ضابط والله مش حرامي
فارس بيضحك علي توتره
حسين : عمي انا عاوز اطلب ايد ريم
سمير: طيب يا ابني بس انت شايف انهارده مشغولين
حازم سيبني ارجع ل عروستي
حسين ابدا والله مش هسيبكم الا ما نقرا الفاتحة
سمير : طيب ناخد راي البنت
حسين : هي وافقت اني اجيب لها شيكولاته
حازم : انت عبيط يا حسين دا انت دكتور جامعه اد الدنيا وبترعب المدرجات انت مستوعب بتقول ايه يا بابا
فارس: بيضحك طيب يا عمي نقرا الفاتحة صاحبي وصعيدي وعارفه مش هيحل عننا الا لو قرينا الفاتحة
نجلاء : ايه يا ولاد واقفين كدا ليه وابتدا ناس تلتفت وتبص
فارس : شاور ل ريم وليان اتجمعو وسيف هنقرا فاتحة حسين وريم
سيف مسك المايك : يا يا جماعه جهزو المصحف هنقرا جزي قران كامل دكتور حسين خطب ريم
ريم : يا ابني انت ايه الي بتعمله دا فضحتني
وسط زهول زمايل ريم وليان الي بيخافو من حسين اصلا
وسعادة نجلاء وسمير الي حسو انهم ادو الامانه
وطبعا سعادة ليان لاختها توام روحها
وفارس بارتياحه علشان اخته واخوه
تم قراءه فاتحة ريم وحسين في جو مبهج
ويلا بقي صحبات العروسه تلف حواليها علشان دايره هنا تدخل حازم ومسك ليان ولا دايرة ولا مثلث اقعدي يا ليان
ريم : ايه دا يا حازم ما تسيبنا نهيص
هنا تدخل حسين وبص لها ب مكر : لاء انا اسبور اه بس انا صعيدي يا ريم
ريم: يالهوي يعني اعمل ايه
حسين : يعني تثبتي في مكانك عاوزة تهيصي تهيصي في اوضتك وقدام مرايتها واقفه تدلع براحتها
بره الاوضه معنديش
ولا حتي بنات تشوفك
ريم: يالهوي بس حمش الله وتغيرت تعبيرات وجهها
حسين اوعي تخنقني يا حسين
حسين: انا اقدر يا ريمو بس انا بغير عليكي
طيب شايفة الدكتورة الي هناك دي يرضيكي تروحي تتنطي وهي تكلمني
ريم: لاء دا انا كنت اكلت لسانها قبل ما تكلمك اب امال ايه احنا صعايده معندناش رجالة تتكلم مع حريم
حسين : بيضحك وهي بتضحك هي رولز هنحطها مع بعض اعمل كل الي نفسك فيه واتجنني واضحكي حتي لو عاوزة تكسري البيت كسري وانا هصلح بس جوا البيت
بره البيت زي ما اتعودت اشوفك في المدرج
ريم: حاضي
سيف : انت واقف مع ريم تتضحكو علي ايه
حسين : وانت مالك يا اخي خطيبتي وانا حر فيها
سيف : مش هسبكم انا وراكم
ريم: روح يا سيف راسيل هناك اهي لوحدها روح
سيف : طيب ما تيجي معايا يا ريم تفتحي مجال
ريم: راسيل كراش هههههههههههههه دا انتو فولة واتقسمت نصين
حسين : علي فكرة هي بنت كويسه اوي يا سيف وانا اعرف زوج مامتها حد محترم
مهي تلميذتي
سيف : يا تساعدوني انتو الاتنين
اما اختي متكلمكش الا بعد كتب الكتاب
حسين : دا ان واقع بقي
ريم : اخدته من ايده تعالي يا بابا
راسيل بت يا راسيل يخرب بيتك تعالي سيبي التورته وتعالي
راسيل : ايه يا بنتي جعانه
ريم: بت الواد سيف دا اقعدي معاه مش عارفه اتكلم مع حسين كلمتين علي بعض
راسيل : هقوله ايه
ريم: كراشي عليه يا هبلة دا اخويا ومهندس ومحترم يلا go
بصي كلمية في الديكور هو الي عامله
راسيل : بجد طيب خلاص ماشي
ريم: راسيل يا سيف بتسال مين الي عمل ديكور الحفلة احكي لها انت علشان هروح اتوه حسين
رجعت ل حسين : ريم: انا توهتهم وجيت اتوهك
حسين : ريم انت بجد مسكتي ايد سيف ومشيتي وانا واقف
ريم : اه دا سيفو دا رفيق الشقاء
حسين : طيب معلش رفيق بدون لمس يا ريم
انا عارف انه زي اخوكي وابن عمك ومتربين سوا وووو
بس بدون لمس
ريم: ماشي يا باشا حاضر
حسين : تعالي يا اخرة صبري عاوز اوريكي حبة صور كدا
وبدا يفرجها صور اخته واهله وبيته
واتفقو تاني يوم يجي يكمل الاتفاق مع عمها
انتهي اليوم والجميع في منتهي السعادة
واضح ان رفيق العزوبيه لاقي رفيقة العزوبية بس هنشوف هيعملو ايه
الفصل الرابع عشر
مبدئيا قبل ما ابدا الرواية دي ملهاش بطل وبطل البطل والبطلة هي الاخلاق والقيم في التعاملات
الحب بين الاسره
الوفاء
الروايه مرايه لحاجات كتير في حياتنا مش شرط الحياة الشخصية
ناس عادية زينا قصة ممكن تطلع منها حكايات من بيوت كتير
المهم ان الهدف الاخلاق والرقي في التعامل
اتمني في روياتي يكون دا الهدف
نستمتع بدون اسحلال للمحرمات او القيم
صدقوني بحبكم جدا في الله وانتم من مصادر سعادتي باراءكم
نرجع بقي لابطالانا
مر يومين والدنيا عادي مفيش حاجة ولا تخلو من حب المحبين وحقد الحاقدين الي ان اتي يوم علي هذا الشخص الوحيد الذي يبحث عن تلك المزعجة البريئه كي تجعل ل حياته روح وطعم وحياته قد تخلو الي من البرود والعمل
وقد قرر ان ينهي هدوء حياته ويذهب الي اخويها وعمها كي يحدد ملامح وخطوات واضحة فقد قرر ان لن يمر الشهر الا ان تكون زوجته انيسا لوحدته
ويكون مسؤلا عنها مسؤليه تامه
فقد عاهد نفسه انهم سيكونا السكن والموده وسيكون هو لها الرحمة من ذلك الحزن العميق في قلبها الذي تخفيه عن العالم كله
ولكنه شعر به فقد كان هزارها وضحكها وطفولتها ما هي الا ستار تخفي وراءه يتم الاب والام
بالرغم ان كل الاسره تغدقها هي تحديدا بالحنان
الا انه يتم لا يعوض
حسي: عمي انا جاي عاوز نعمل كله مع بعض
سمير: خطوبه يعني وكتب كتاب مفيش مشكلة يا ابني انت مش غريب عن فارس وهو بيشكرك فيك
وانا بثق في فارس لانه عاقل وحازم وسيف كمان بيدعموك
حسين : لاء يا عمي انا اقصد اننا نتجوز علطول
فارس : مستعجل ليه يا حسين لسه مخلصتش الجامعه
حسين : فارس انا عايش وحيد وانت عارف من يوم جواز شفاء اختي من 5 سنين وانا وحيد باكل واشرب في الشغل واحيانا انام في الشغل
انا الوحده هتعجزني يا فارس
انا بشتغل علشان انسي اني في بيت طويل عريض مليش حد
بمسك الحالات اتكلم معاها علشان الاقي حوار
بقيت انسان حاد مع طلابي مع نفسي من احساس الوحده
مستكتر عليا اني اطلب ان حياتي بقي تبقي فيها دوشه
سمير : والله يا ابني مش عارف اقولك ايه بس علشان دراستها ونلحق نجهز البنت
حسين : الدراسه مسؤليتي متنساش حضرتك انها اولا واخيرا طالبة عندي ومتفوقه ويهمني نجاحها وفارس عارف دا كويس
الجهاز انا قولت ل فارس انا صعيدي وراجل يعني مش هستني اهل مراتي يصرفو علي بيتي ويفرشوه
شرع ربنا اني مدخلش بيتكم الا وانا اد مسؤلية بنتكم
بيتي جاهز من كل حاجة ولو هي عاوزة تغير اي حاجة او حتي تغيره كله هغيره
واوعدك اني هراعي ربنا فيها وهتعامل معاها بما يرضي الله
حازم : والله يا حسين انت قولت كل حاجة بس تفتكر هي اد المسؤليه هي طفلتنا المدلله محتاجة واحده واحده تشيل مسؤليه مش مرة واحده تلاقي نفسها مسؤله عن بيت وزوج ودراسه
حسين : يا حازم ريم هتكون في عنيا وهجيب لها الي يساعدها وانا بنفسي هساعدها لو يوم بصيت في عين اختك لاقيتها تعبانه تعالي حاسبني
صحيح الدنيا مش هتكون وردي والحياة بيكون فيها مشاكل بس انا هتعامل بما يرضي الله
سمير: طيب هاخد رايها وارد عليك
حسين : عمي ريم مبتعرفش تحدد قررات كويس ارجوك نحدد موعد ونبلغها لو اعترضت نغير ما اعترضتش فهي موافقه
وانا عاوزكم تيجو معايا تشوفو البيت وهي تشوفه ولو ليها او ليكم اي ملاحظات نلحق ننفذها
سيف : البيت دا بقي لعبتي انا يا جماعه لو في اي حاجة انا هعملها هدية لاختي
حسين : عارف انها اختك يا سيف والله تسلم
ممكن يا عمي اخر خميس في الشهر
فارس : يا بني دا بعد 3 اسابيع بس
حسين : ايوة علشان تلحق تتاقلم وتستقر قبل بداية الدراسه وميكونش عندها اي دروب
تتاهل نفسيا لحياتها الجديده وتتعود
سمير : يا نجلاء تعالي وهاتي البنات
نجلاء : خير يا جماعه
سمير فرح ريم وحسين بعد 3 اسابيع
نجلاء : بصدمة ايه مش بدري اوي
فارس: ها يا ريم عندك اعتراض
ريم : بخجل الي تشوفوه وليان بتحضنها مبرووك يا ريمو بس كدا هتسيبيني لوحدي
حازم : لوحدك ليه وكلنا هنا معاكي اجهزي يا قطه من بكرة عندنا تدريب جامد
مش كل شويه عاوزة تدخلي كلية الشرطة . انا بقي هجيبلك كل تدريبات الشرطة لحد عندك وهنشوف هتتحملي ولا لاء
ويضحك الجميع ويباركو ل ريم وحسين
حسين اخرج علبه وبها خاتم ودبلتين واستاذن ان تلبسهم ريم ولبس دبلته وسلسله صغيرة رقيقه كتب عليها صغيرتي المدلل ه ريم
ريم تشعر بالسعادة فهي تحب مشاكسته وتعليمه لها واسلوبه معاها
************************.
وحازم جاد في تدريب ليان القتال واستعمال الاسلحة مخلي لها جدول وسط اذدحام شغله
ومخلي ضابطة من زميلاته معاها في حالة عدم تواجده حتي لا يتوقف التدريب
تجهيزات فرح ريم وحسين
سيف بدا يقرب من راسيل الي شعرت اخيرا بالامان منذ فقد والدها
******************.
في يوم نجلاء وليان قاعدين وبيرتبو شنط ريم وريم بتجهز حاجاتها لان الفرح افترب جدا
ريم: هو الواد سيفو مش هيخطب بقي
نجلاء : والله نفسي يا ريم احواله مش عاجبني اليومين دول وعلطول مشغول
ريم : اقولك يا نوجا ومتقوليش ل حد
نجلاء : في بير يا عين ماما
ريم : بدلع اصل انا عرفته عليها وكلو مخ بعض
انتي عارفاها البت راسيل صاحبتنا ام شعر اسود دي
نجلاء : بجد البت قمر بس اسمها غريب
ليان : اصل جدتها تركيه يا ماما والاسم تركي يعني الماء العذب اعلي الجبال
نجلاء: دا انتو حافظين
ريم : اصلها معانا بتدرب عند حسين وهي برضه متفوقه وحسين عارف زوج مامتها بيقول ناس طيبين اول
بصراحة كنت بحسها ملزقة ومش طايقاها بس لما قربنا منها لاقينها وحيده وغلبانه اوي
نجلاء: طيب مستني ايه
ليان: بيقول خطوبتي وفرح ريم وهو كدا بيتقل عليكم
نجلاء : الواد دا طول عمره عنده دم بس ميعرفش ان كل واحد فيكم له الي يخصه من غير ما نيجي علي التاني
ريم: مالك يا لي لي
ليان : اول مرة نفترق من يوم ما اتولدنا يا ريم
ريم: بكره تتجوزي الواد حازم ويطلع روحك الا ايه بجد التدريب دا كله
ليان : اصلي عاوزة ادخل كليه الشرطة بعد ما اخلص فقرر يدربني قال بيزهقني علشان انسي
دا انا اتشعبط فيها اكتر ولا ميرا الضابطة الي معايا حتة سكرة خريجة حقوق
نجلاء : يالهوي وابقي ام الضابط ليان يا بنتي اهمدي وبطلي شغل الرجاله دا
ليان: الله يا ماما علشان اشتغل معاه اكبس علي نفسه امال اسيبه يروح يمين وشمال
ريم: ههههههههههههه دا اخر واحد هيروح في حته هيحب مثلا رئيسة عصابة
ولا هيخونك مع قتالة قتلا ههههههه
يلا انا خلصت وحسين هيجي ياخد الشنط يوديها وبكرة نروح نرتبها
نجلاء : هتوحشيني يا قلبي وروحي
ريم: هو انا هسيبك يا نوجا في بنت بتسيب امها دا كل يوم هتخانق معاه واجيلك
نجلاء بتحضنها تيجي متهنية يا ريم ربنا يهدي سرك
الولد طيب وحنين خلي بالك منه
ليان : تخيلي يا ماما حازم بيقولي عاوز ريم علشان تعمله دوشه في البيت
ريم: بقي هو قال كدا وحياتك لهوريه هشوف جاب الزوحليقة ولا لاء
نجلاء: زوحليقة يا ريم هو متجوز واحده في كي جي
صبرني يارب
وفجاه دموع في عيون نجلاء تخيلي يابت ياريم مش متخيلة البيت من غيرك انتي الي عاملة لنا حس وبهجة
ليان: وانا يا نجلاء مش عاملة حس وبهجة
ريم: انتي عاملة لها معرض اشعات اصابات ملاعب ههههههههه
********************.
في الشغل عند حازم
تمام يا فندم بس انا فرح اختي الخميس وحضرتك عارف
اللواء وجيه : عارف يا حازم وانا كمان هروح دي بنت الغالي
بس العملية دي مهمة ولازم تكونو دارسين الموضوع
يدخل حسام : تمام يا فندم الاشارة جت بالسفر اليونان بعد اسبوع
العميد ممدوح : حلو اوي يا حازم كدا تجوز اختك وتزورها براحتك وتسافر انت وحسام واحمد
بس مش هوصيك الفترة دي حساسة كحتاج تخف شوية نادي تعليم الرماية الي كل يوم
حازم : دي يا فندم عاوزة تدخل شرطه فباهلها وكمان عاوز اعلمها ويكون معاها سلاح وارخصه حضرتك عرفت الي حصل اخر مرة
اللوء وجيه : بصراحة دي هتكون ممتازة تدريباتها عاليه هي هتسافر امتي البطوله
حازم لسه كمان سنه يا فندم
اللوا وجيه انا عندي حد يا حازم يساعدها في التدريب ويرفع لايقتها من هنا للبطولة ممكن نضمن ان تكون بطلة العالم
حازم : ربنا يخليك لينا يا فندم
بس اصل
حسام: اصل حازم بيغير عليها يا فندم حتي غير مدربها
العميد ممدوح : بيضحك له حق يغيير طبعا
بس لو قولنالك تدريبها هيكون تحت عنينيا في نادي الشرطة هو انت ضفتها علي عضويتك ولا لسه
حازم : لسه يا فندم ملحقناش
اللواء وجيه ضيفها دي هيكون ليها مستقبل معانا ممتاز
حازم استاذن وخرج بضيق فهو بالرغم ان دا حلم ليان الا انه لا يرد ان يعرضها لذلك العمل الشاق
*********************.
سمير : يا سيف تعالي يا حبيبي عاوزك
سيف تحت امرك يا بابا
سمير : انا ملاحظ ان في اعجاب بينك وبين صاحبة اختك
سيف : ايوة يا بابا بصراحة
سمير : طيب يا ابني انت تعرف عننا كدا بتوع كلام في تليفونات احنا يا ابني بندخل البيت من بابه
انت عندك اخت ترضي كدا دا ابن عمك علشان في بيت واحد اصر يكتب كتاب
سيف : انا قولت بعد فرح ريم يا بابا
سمير قوم اتصل بيها تحدد معاد مع اهلها يلا قوم
سيف : بسعاده يقبل يد والده ويسرع للخارج للاتصال براسيل
******************.
وفعلا يتقدم ل راسيل ويخطبها رسمي
فارس مشغول مع اخته وصديقه جدا في تجهيزات الفرح وكمان بيخلصو الشغل كله وحسين بيرتب الشغل لانه واخد اجازة اسبوعين بعد الفرح يفسح فيهم ريم
****************************.
فرح ريم اولا ريم لابسة فستان براق مثل شخصيتها
الحفل في حديقة فيلا حسين اصرت ريم علي ان تكون الدعوات محدوده فهي لا تحب الزحمة
بالرغم ان حسين كان يرغب ان يدعو الجامعه باكملها لكنه احترم رايها فاقتصر علي الاصدقاء المقربين بعد الاهل
اخت حسين نزلت اجازة سريعه لفرح اخوها
نجلاء كاي ام تبكي فرحا لزواج ابنتها
وسمير عيونه تدمع لفراق تلك الشقية صاحبة اخف دم فهي تربت في احضانهم منذ ولادتها وكانت تقيم مع ريم طوال عمرهم
ريم وراسيل يرتديان فساتين نفس اللون الكشمير وكانو زي القمر
الفرح كان رائع ولا يخلو من خفة دم ريم
فارس عيونه كلها دموع فهو يشعر انها ابنته وانه ادي رسالته ويتذكر منذ كانت طفله تتعلق فيه
حازم : سعيد جدا ل ريم ومشغول ب ليان هيقولها ازاي علي سفره الي شكله هيطول
سيف مشغول مع راسيل ولا يترك فرصه لمناكفة حسين الذي اصبح يشعر ان له اخوات وعزوة ولن يصبح وحيدا
بعد الفرح كل واحد بقي علي بيته
***********************************.
بعد عدة ايام سافر حازم الي اليونان
في مكان ما المجهول : فاكرين اني معرفش انهم سافرو خليهم كدا ولما قول نفذ تنفذ
انا شخصيا خايفة من المجهول
انتو بقي المجهول عندكم بيخوف ولا نو
- يتبع الفصل التالي اضغط على ( رواية هي و القدر) اسم الرواية