رواية تيمو الفصل الخامس عشر 15 - بقلم ولاء فتحي
(15)
في المساء في طريق عودته وجد ما جعله يقف بذهول
ونزل من سيارته وذهب سريعا في اتجاه ووقف
شريف : نسمه انتي بتعملي ايه في الشارع في وقت دا
نسمه : كنت عاوزة اروح ل بابا اصل جدو تعب اوي وماما اخدته ونزلت واتاخرت اوي وتليفون بايظ فنزلت اروح ل بابا
شريف : الكلام دا من امتي تعالي
نسمه : عمو شريف هتوديني ل بابا علشان نروح ل ماما اطمن علي جدو
شريف: اه بس الاول تعالي اركبي العربيه ونكلم بابا
نسمه : طيب انا جعانه اوي يا اونكل
نظر شريف ل نسمه ولبسها ترتدي بيجامه
شريف : طيب تعالي نجيب حاجة الاول تلبسيها ونروح ل بابا
واصطحبها شريف معه لمحل ملابس اطفال وطلب من البنت هناك ان تحضر لها بنطلون وبلوزة وشراب وكوتشي ل نسمه وطلب منها ان تضبط لها شعرها واعطي للبنت التي تعمل في المحل مبلغ لكي تهتم ب نسمه
نسمه : ممكن انقي انا يا عمو
شريف : طبعا يا حبيبة عمو
كاد قلب نسمه يتوقف من السعادة وارتدت الملابس ونظرت لنفسها باعجاب ولتسريحة شعرها
نسمة :كدا نروح ل بابا
وفجأة انفجرت في البكاء
شريف نزل لمستواها وجلس يمسح دموعها ويربط عليها برفق ويمسح دموعها
شريف : مالك يا نسمه بتعيطي ليه ما احنا غيرنا لبسنا اهو علشان مش هينفع نروح ل بابا الشركة بالبيجاما
نسمه : اصل ماما هتزعق لاني نزلت من غير اذنها
هنا انزعجت البنت في المحل وفي نفس الوقت دخلت فتاه
: من فضلك عاوزة هديه لطفلة 10 سنوات
البنت : من فضلك ممكن تقفي معايا اصل الاستاذ الي هناك دا جايب طفلة وكانت لابسه لبس بيت ومبهدله واشتري لها لبس وبيقولها هيوديها لباباها وبتعيط وبتقول ان مامتها هتزعق انها نزلت من غير اذنها شكله خاطفها واداني فلوس اسرح ليها افتكرتها بنته
: ايه ازاي كدا هما فين
البنت : هناك اهي بيحاول يسكتها ويغريها باكسيسوري
اما نسمه بدات تهدا وشريف بيكلمها بحنان : خلاص يا نسومه دي عجبتك يلا نحاسب ونمشي
البنت : من فضلك اتصرفي
التفت شريف للبنت لينصدم من من تراه
شريف : ملك
ملك : وكمان بتخطف الاطفال. انا برضه بقول انك مش طبيعي .شكلك مجرم
البنت : دا اللبس يا هانم الي كانت لابساه
شريف : اه لفيه والحساب نظر ل ملك وانتي يا ملك اخر حد تتكلمي علي الشر ونظر للبنت وتوقع انها من حكت لملك عنه فاراد ان يتلاعب بها
يا انسه الحساب ودي كل يوم تجي المولات تاخد الاطفال انا عارفها
البنت ب رعب : انا هطلب ليكم الامن شكلكم شركا
شريف بابسامه : دي بنت اخويا علي فكرة
ملك : ومين اخوك دا معلوماتي اخوك خاطب
شريف : ميخصكيش عن اذنكم رعبتو البنت
نسمه : عمو شريف يلا بقي اتاخرنا علي بابا عاوزة اطمن علي جدو
شريف : يلا يا قلب عمو شريف
التفتت لها ملك : مين دا يا جميلة
نسمه : دا عمو شريف بيجي دايما مع بابا تيمو وهو بيفسحني
ملك سرحت و في نفسها ايه هو تيمو متجوز ومخلف
يا خبر دي ليان هتتصدم وشكلها معجبة بيه واعتقد انهم قربو من بعض الفترة دي
شريف : ونظر للبنت صدقتي بقي اني مش حرامي . انما الانسة دي هي الي حراميه
ملك بغيظ انا حراميه يا شريف . شريف ينظر لها ويضحك ايوة حراميه
نسمه تنظر للبنت الي في المحل الي البنت محرجة من الموقف وبتتفرج بتركيز مع ملك وشريف وملامحهم بين الغيظ والزعل والمناكفه
نسمه : ممكن تلبسيني العقد دا
البنت انشغلت وبتلبسها العقد
ملك : بقي كدا ويظهر عليها الغضب الشديد
يقترب منها شريف : ايوة حراميه سرقتي قلبي من اول ما شوفتك
وهنا يقف الزمن وتقف عقارب الساعات ويصمت العالم كله الا من دقات قلب ملك التي تعلو فوق طبول احتفالات افريقيا لتعلن لها انها بين مشاعر تمتزج بين الفرح والخجل والصدمة والخوف والحب
اجل انه الحب الذي دق علي طبول قلبها منذ راته فهي تحبه وا تعترف وتحب مشاغباته وكلامه ويصمت العالم من حولهم صمت رهيب وكل منهم لايعلم كم مر من الوقت ليفيق شريف علي يد صغيره وتصرخ فيه
نسمه : يلا يا عمو مش هتوديني ل بابا اتاخرنا وانت بتبص علي الست الحراميه دي
لتنظر له ملك بغيظ
شريف : لاء يا نسمه طنط ملك حلوة بس انا كنت بهزر معاها
نسمه : يبقي انت زي ما بابا بيقولك مش بتعرف تتكلم بجد
تضحك ملك فكلام نسمها انقذها من خجلها
ملك: يا انسه شوفتيلي الهدية
شريف : هودي نسمه لتيمو واكلمك لان كلامنا هيبدا باي يا لوكا
ويتركها بين حيرتها وسعادتها وخوفها وفضولها لمعرفة من هي نسمه
.....................................
تميم : الو مايا انا عاوزك في موضوع
مايا : تمام يا تيمو اتفضل
تميم : هل فاضية اعدي اخدك من الشركة
تصمت مايا لحظات فهي تعلم قلق والدها من تميم ولا ترغب في ازعاجه
مايا : انت فين انا بره ممكن اعدي انا عليك
تميم شعر انها لا ترغب ان يمر عليها واكيد يوجد شئ ما في تفكيرها
تميم : تمام هبعت لك لوكيشن لما توصلي كلميني
مايا : تمام وصل دا مش بعيد خلاص نص ساعه واكون عندك
تميم : في انتظارك
...............................
بيلا : تعالي يا ميسون
ميسون : اجمل نانو بيلا في الدنيا وتقبل بيلا وترتمي باحضانها
بيلا : وانتي وردة بيلا . تعرفي يا ميسون انتي بتفكريني بنفسي بس انتي احلي
ميسون : ياااه يا نانو هو في احلي منك دا انتي ولا اميرات الروايات
بيلا : يا بكاشة . كدا بقي اتاكدت ان في حاجة
ميسون : كدا علطول كشفاني
بيلا : قصدك اني حاسه بيكي
ميسون : بصي يا نانو بصراحة باسل عاوز يفاتح تميم اننا نقدم معاد الفرح وخايف سوسو تعترض
بيلا : باسل . وانتي عاوزة تقدمي معاد الفرح ولا باسل بس
ميسون : والله يا بيلا الي تشوفيه
بيلا بضحك : يا عيون بيلا خلاص سيبولي الموضوع دا بس لما خالتك ترجع من بره
ميسون : دا اتفاق بس
بيلا : واضح ان مش باسل لوحده الي عاوز يقدم معاد الفرح
ميسون بخجل : الله بقي يا بيلا
بيلا : ربنا يسعدكم عقبال ما اطمن علي تميم وشريف
ميسون : تميم . تفتكري بعد شين ممكن يحب تاني
بيلا : اه ممكن هو هيفضل راهب يعني علي ذكراها . حتي لو حتي محبش لو ارتاح لواحده لازم هجوزه بس الموضوع دا عاوز تكتيك يا بت يا ميسو
ميسون : معاك يا باشا في اي خطط انتي عارفه
بيلا : دا انتي بلوه بس نصبر احسن ننكشف ما صدقنا علاقته اتحسنت بسعاد
ميسون : دي كانت معجزه
بيلا : الواد باسل دا يستاهل كل خير نفذ كل المطلوب باحترافيه
ميسون : هو كان يقدر يعترض
بيلا : طيب قومي يا قادرة انتي هاتي التليفون عاوزة اطمن علي سعاد
ميسون : مالها ماما
بيلا : يا بت قومي ويلا روحي ذاكري
ميسون : اممم اسرار بتزحلقيني عموما انا ملاحظه انها متغيره بس مسيري هعرف سوسو مخبيه ايه علينا
بيلا ك مفيش تقديم للفرح
ميسون : انا اعرف ليه وانا مالي انا ورايا مذاكرة وطلعت تجري
..............................
وصلت مايا للمكان الي هتقابل تيمو فيه و
تميم : اهلا اتفضلي
مايا : ايه المكان دا
تيمو متقلقيش اتفضلي ادخلي
مايا : انا مش قلقانه
دخلت معاه ونظرت فجأه بخضه وصوت عالي ايه دا
- يتبع الفصل التالي اضغط على (رواية تيمو) اسم الرواية