رواية قتلني ورحل الفصل السادس عشر 16
البارت السادس عشر..
كانت ليال نائمه تائهه لتحس بلمسات علي خدها لتفيق لتجد من خلع قلبها يبتسم لها بحنان لتهب وتحتضنه بقوه وتكلبش فيه ليكلبش فيها لتنفجر بالبكاء ليظل يهدهدها كطفلته التي يعشقها ويهمس لها بكلمات الحب ليهمس... لولي بتعيطي ليه..
لتنظر اليه بعشق.. قالولي انك مشيت..
ليقترب من وجهها ويمسكه بيديه.. تصدقي في قاسم كده..
لتهمس.. لا يا قسومي ماصدقش.
ليهتف.. قسومك هيفضل حبيبك العمر كله ولا يوم هيخرج من هنا ليشير الي قلبها.. قسومك حبيبك وابوكي واخوكي انت بنوتي كان لازم احميكي من غدر الدنيا. قسومي عاشق لتراب رجليكي وميت عليكي.
لتهتف.. صحيح يا قسومي يعني ماهتسيبنيش.
ليقبل قلبها ويرفع وجهه... حد يسيب قلبه دانت قلبي يا قلب قاسم.قاسم عاشق لليال ودنية ليال. قاسم من كتر عشقه مش عارف يتنفس من غيرك.
لتندفع وتنام في حضنه لتهمس... بحبك قوي..
ليهمس... وانا قلبي ماعتش فيه مكان الا اما امتلا بحبك يا قلب قاسم لترفع وجهها ليقترب منها ويتلمس وجهها بشفتيه.
لتهمس بهيام .. لولي وحشتك اصلك وحشت لولي اوي ..
ليهتف بحنان.. لولي خدت قلبي وعقلي وهموت عليها.
لتهمس وتتلمس وجهه... انا مش مصدقه انك معايا.
ليهتف.. قاسم طول عمره هيبقي معاكي. حبيبك جوزك ولا يوم تكوني لغيره. قاسم قلب ليال وروحه.
لتهمس روحه.. طب سلسلتي خلعتها اسفه يا عمري.
ليهتف سلسلتك بتدق علي قلبي سلسلتك عايش عشان ارجعها مكانها سلسلتك عهد عليا لالبسهالك بايدي
لتهمس.. بجد هترحعلي قلبي تاني. بعشقك يا قلب ليال. لتهمس طب بعدت ليه.
ليهتف.. غصب عني عشانك والله. بس قاسم جوا هنا مش كده يا لولي.
لتهتف بعشق .. قاسم طول عمره جوا.
ليهتف.. اوعديني ان قاسم ماهيخرحش من قلبك مهما عدت السنين ومهما حصل.
لتمسك يده وتضعها علي قلبها..... اوعدك ان ده بتاعك لحد ماموت.
لتحس به يتشنج.. قاسم فيه ايه لتبتعد وتجد صدره ينشع دما لترتعب.
لتجده يضع يده علي قلبه.. حبيبي هتفضلي حبيبتي العمر كله لتجده يتراجع لتصر*خ... فيه ايه سايبني ورايح فين..
ليهتف.. انا مش سايبك انا هفضل في قلبك ولا هخرج منه انا هغيب وارجعلك يا عمر قاسم.
لتصر*خ.. لا مش هعرف اعيش لا لا..
ليهتف.. لا هتعيشي وهتكبري وهتتحملي وهرجع وافكرك بكلامي ده اني عايش ميت انا عايش ميت يا قلب قاسم..
لتصر*خ.. ماتسيبنيش..
ليهتف.. عمري ماهسيبك ليزداد صدره ويضخ دما لتصر*خ ليهتف.. ماتخفيش دا قلبي اللي هيفضل ينزف لحد مارجعلك نزيفه هيقف يوم ماترجعي لحضني انا اسف يا قلب قاسم انا اسف.
لتصر*خ... لا ماتسيبنبيش لا والنبي لا..
ليهتف... افتكري الحلم ده هفكرك بيه عهد عليا لارجعلك عهد عليا لتكوني ليا اوعديني انك هتكوني ليا ولا حد هيقربلك ليال بتاعه قاسم قلبها وروحها وجسمها .
لتصر*خ.. عمري ما هكون غير ليك انت وبس حبيبي وبس ولا حد هيقرب ويلمسني غيرك مستنياك ليتوه في دماءه وتقف هيا تصر*خ قاسم قاسم قاسم لتصر*خ لتستيقظ من النوم علي يد امها لتحتضنها لتجهش بالبكاء لتظل امها محتضنه اياها..
لتهتف.. يا حبيبتي يا بنتي حسبي الله ونعم الوكيل منهم لله.
لتهمس ليال.. انا موجوعه قوي هموت يا امي هموت ليه يتعمل فيا كده ليه دانا طيبه وغلبانه ليه حاسه اني ميته حاسه اني مش ليال انا هموت..
لتحتضنها فاديه.. ربنا يخفف َوجعك يا قلب امك ويشيل عنك فوضت امري لله.
لتهمس.. خايفه انام خايفه انا شفته يا ماما خايفه اشوفه تاني..
لتحتضنها امها... منه لله ربنا يحرق قلوبهم لتاخذها في احضانها.
لتهمس ليال خلاص يا امي ليال ماتت لتقوم وتقف امام الشباك وتتجمد لتهتف.. مش هعيش عمري احلم مش هعيش علي ذكراه لا خلاص يا امي من هنا ورايح ليال هتبقي حاجه تانيه نجمه في السما ماحدش يطولها هخلي الكل يتمني نظره مني بس ماهيطولهاش ليال هتتغير عشان تعيش في دنيتهم..
لتهتف امها... بكره تنسي وتحبي وتتحبي وتتجوزي.
لتهتف بقهر.. احب واتحب.. ولا عمرها هتحصل تاني اني ادخل مخلوق قلبي.. لتضحك هيدخل فين هو عاد فيه قلب.. انت ربتيني غلط طيبه وغلبانه بدي اللي مايستحقش بدي بطيبه وغلب ربيتي الغلب يا امي.. اتجوز.. مين مين اللي هيتجوز واحده اتاخد شرفها واتقطعت ورقتها بذمتك لو عندك راجل هتجوزيتي ليه. وبعدين جواز ايه انا خلاص كتر خيره ماخلنيش انفع لحد.. لتتجلد بس هنفع نفسي يا قاسن هكبر واكبر وانفع نفسي كت دايما تقلي ماهتعرفيش تكبري.. لا هكبر البراءه والطيبه هدعسهم بجزمتي وهكبر بتمني اشوفك واحط عيني في عينك.. هستعد لليوم ده وساعتها هتبصيلي وتقول مين دي ايه اللي وصلها لكده هقلك تربيتك. هعيش عمري مستنيه ابص في عينك وتبص في عيني وبعد ماتشوف العشق تتحسر امك شايف سحابه غمامه مابتحسش بيك من اساسه.. قلتلي اكبري هكبر. ليال هتمبر وحد يفكر بس يقربلها هنهش قلبه زي مانهشت قلبي.. مت ومت بقرف وخرجت من دنيتي غير مبكي عليك.. ابكي علي ايه دانت ماسبتليش حاجه عدله ابكي عليها لتستدير وتحتضن امها
وتظل تهدهدها لتنام اخيرا.
لتظل فاديه تنظر اليها... انت السبب يا فاديه ربيتي ملاك وسط ديابه كنت فاكره انك بتحافظي عليها. ناس مسعوره َحدفتي البراءه وسطهم ربيتي بنتك عبيطه مابتعرفش الخبث واللوع.. يا رب خف وجعها بنت قلبي فوضت امري لله.
************************
كان قاسم يجلس في المكتب يغمض عينيه ليتوه في غفوه سبحانك ربي كان الوجع جعل ارواحهم تتلاقي. ليشعر بها ليهمس لولي وحشتيني.. موجوعه يا قلبي معلش هرجعلك يا عمري هرجعلك عهد عليا لارجعلك يا قلب قاسم انت روحي وقلبي وهتفضلي قلب قاسم..قاسم ماسبكيش قاسم راجع. اوعديني يا عمري انك ماتكونيش غير لقاسم.. ليهمس قلبي انت وعدك ده هفضل شايله في قلبي وهعيش عليه وهفكرك بيه.وعد ليال لقاسم عهد هعيش عليه. ليحس بلمستها علي خده ليفيق يبحث عنها كالمجنون ليعرف انها كانت في احلامه ليجهش بالبكاء ليهمس.. هيجي يوم وارجعلك وهفتكر حلمي ده.هيجي يوم وابص في عيونك وامسح نظره الكره اللي متاكد انها موجوده عهد عليا لاخلي عيونك ترجع تعشق تاني وقلبك يدق تاني.. هيدق يا عمري عايش عشان قلبك يدق ليا تاني مانا هعيش ازاي كده انا ميت . .هيجي يوم وماتخرجيش من حضني مانت الدفا اللي هموت عليه.. راحت دنيتك يا قاسم عيش ميت لليوم اللي مستني حبيبك يخش حضنك وينام فيه
********
دخلت كارما علي ايان المكتب لتبتسم وتقترب منه لتهتف.. ايه مش تيجي تشوفني والا الكلام مع جدو وبس.
ليتنهد.. لا ازاي كنت هطعلك.
لتقترب منه وتلمس صدره ماكتش اعرف انك بتحبني كنت خايفه.. ليتنهد.. لتنظر اليه بحب.. ايان انا بحبك من سنين.
ليمسكها ويحتضنها لتنام علي صدره.. انا مبسوطه قوي حاسه اني طايره.. لتخبطه بس انت كت وحش وبتعذبني.. لترفع نظرها بس خلاص طالما طلعت بتحبني مسامحاك.. لتنهد ايه ساكت ليه.
ليشدد عليها.. لا بسمعك.
لتبتعد وتشده وتجلس بجواره تعالي اقعد اما انا اخترت شويه قاعات بقه وبدات بفتح تليفونها وجلست تثرثر وهو صامت.. لتهتف ايه رايك.
ليقول.. حلوين اللي يبسطك اعمليه.
لتضع يدها علي صدره.. انت اللي هتبسطني يا إيو.. انا من يوم ماعرفت الدنيا وقلبي دق ليك
لترفع نظراتها وتنظر اليه بهيام... بتحبني زي ما بحبك يا قلبي.
ليرتبك فهناك مشاعر تطحنه ولكنه لم يفسرها حبا.
لتهمس ايه بتبصلي كده ليه.. لتهتف لا لا هتفضل ساكت هزعل انا مستنيه من زمان. تقعدلي ساكت كده لا يا اخويا هزعل واسيبك انا عايزه اتحب لما افطس.. لتقوم ليشدها لتقع في احضانه
ليهتف.. راحه فين وسيباني.
لتهتف.. اعمل ايه مانت مش بتقول.
ليتنهد ليهتف اقول.. لترفع عيونها بحب وتلمس صدره قول اللي هنا يا ايو عايزه احس بيه..
ليظل ينظر اليها وقلبه ياكله ليقترب منها وينهال عليها فجسده يحرقه ويريدها بشده وادرك ذلك خاصتا بعد ان اعترفت بحبها له ليهيم بها لتستسلم له بحب وظل معها يروي مشاعره التي انفجرت مره واحده ليبتعد ويشدها اليه لتندس في احضانه لتهمس.. بحبك
لتتغلغل الكلمه بداخله ليشعر براحه ليشدد عليها ويداعبها لتهمس ايو قلبي بيدق جامد..
ليقول ممكن تسكتي وتسيبيني احس بيكي كده.
لتبتسم وتلتصق به وظلا هكذا صامتين هيا عاشقه سعيده وهو يصارع بحرا هائجا في داخله..
ميفو السلطان ❤️ ❤️ ❤️ ❤️ ❤️
*****
دخل الجد البيت متتفخا بعد ان فعل فعلته وعلم الجميع ان قاسم سيسافر خارجا يمسك شركات الجد بالخارج وكان قاسم قد اشترط علي جده ان يكتب له الشركات فامتثل له بغرض ان ينسيه ما حدث ليجلس.. خلاص كده.. الواد هيفلح وهيمسك الشركات والطور التاني هجوزه البت وكده امبراطوريتك يا حديدي بتكبر وهتكبر لحد ما قاسم يرجع واجوزه واجيب عيال وعيال واملي البيت..
ليدخل عليه ايان.. غاضبا ايه يا جدي قاسم هيسافر ليه انت بتعوم علي عومه..
ليهتف الجد... اسكت يا ايان فيه حاجات انت ماتعرفهاش انا عايزه كده يمسك شركاتي بره انا اللي امرته.
ليهتف ايان.. هو ايه اللي امرته انت هتتحكم فينا عشان الشركات هو له يمسك المجموعه اللي هنا انا مش همسك شغله. ممشيه ليه عملت فيه ايه يا جدي قاسم مش زيي انا شديد وجامد وبحسبها بالسنتي.. فيه ايه يا جدي اخويا ماله ومقلوب وبقي واحد تاني دا مش قاسم ومقهور ولا بينطقش.. عملت في قاسم ايه.
ليقوم الجد ويصر*خ.. هعمل ايه يا ولاد نعيم.. بكبركو وبعليكو الواد هيكبر بره ولما يجي هيمسك الشركات انا همسكله المجموعه انت ايه دخلك.
ليهتف.. يا جدي انت بتهبد مجموعه ايه اللي هتمسكها انت ما عتش زي الاول وانا مش هحلق علي كل حاجه هتخرب كده قاسم فيه مصيبه جراتله عشان يطفش يا جدي ما تقلي عملت في اخويا ايه.
ليصر*خ بدر.. فيه ايه يابن نعيم كبرت عليا هتعلي صوتك وتقلي ماعتش انفع.. ليه مش انا اللي هكبرك مش انا اللي هكتبلك المجموعه وخدتها عشان في المقابل تتجوز البت.. مش هتاخد الشركات قدام جوازه البت كارما.. وانا ماشي وراك واقول امين وهقعدهالك في البيت عشان توافق تتجوزها.. انت ساعه مصلحتك بس تاخد ولما اعمل لمصلحتكو تقلي ماعتش انفع.. شركات وخدت واتكتبتلك باسمك عشان تتجوز كارما وهرزعهالك في البيت تتحكم فيها زي ما تعوز بتحود علي اخوك ليه ماتخليك في حالك سيبني اخطط لاخوك زي ماخططتلك واستفدت.
ليهتف ايان بقوه.. قاسم منهار تخطط ايه قاسم مش زيي احنا نخطط اه هو لا. قاسم حد تاني عملت فيه ايه وجاي تقلي هسفره يمسك وما يمسكش. اخويا له مكانه هنا هتسيبهوله ليه.
ليهتف الجد.. عشان مايقعدش لوحده جربوعه تتحكم فيه اسمع يابن نعيم انت وانا زي بعض امور الحب والنحنحه مالناش فيها اخوك ليه وانا مش هسيبه انا عارف انه موجوع بس بربيه لازم يبقي زيك.
ليصر*خ ايان... ايه يبقي زي دي َمحسسني اني من غير قلب كلب فلوس.. انا مش زيك يا جدي.ولا عمري هبقي زيك.
ليهتف الجد.. ولا انت هتصيع عليا انت نسخه مني امال مين يا اخويا اللي وافق انه ياخد الشركات واتشرط تتكتبله قبل مايكتب عالبت. انت هتستعبط يا روح امك. امال مين اللي خليته هيضحك عالبت وفهمتها انك بتحبها وانت جاحد مش بتاع حب ولا تعرف عن الحب حاجه والهبله فوق بتنقي في الفستان وعايشه دور سندريلا ان ابن عمها بيحبها والحقيقه ابن عمها هيتجوزها بالفلوس. اتعدل لما تتكلم اتكلم علي ادك وماتجيش عند اللي عجنك وتنطح فيه ..
كانو يصر*خون بشده ولم يرو تلك التي وقفت تنزف من قلبها دما غير مصدقه ما فعلوه بها لينصدما علي هبد صوت ليستديرا ليجدا كارما تقف دموعها تسيل وتضع يدها علي قلبها ليبتلع ايان ريقه برعب ويقترب منها مرعوبا علي منظرها وقلبه اصابه انشقاق ليمد يده يلمسها لتصرخ وتنظر اليه ببلاهه ودموعها تتساقط بشده.. لتحني راسها وتنظر لتليفونها المتساقط لتنزل وتاخذه وتنظر فيه كانت قد اختارت فستانا للزفاف لتمسكه وتلمسه وتنظر لايان وجسدها يتشنج من الوجع لترفع يدها اليه لينظر اليه ويعود ينظر اليها بقهر ليهتف هعملهولك والله هعملهولك والله هعملك احسن فستان يا قلب ايان ايوه انت قلبه ليلمسها لتتراجع وتمسك في احد الكراسي لتسقط ارضا ليقترب منها بسرعه لتصر*خ.. ليهتف طب اهدي اهدي والله بحبك ايان بيحبك.. ليصر*خ في جده عملت فينا ايه كانت تتشنج ليصر*خ والنبي ماتعملي كده والله بحبك قلب ايان دق ليكي وبس والله دق يا عمري طب عجبك ده يا قلبي عجبك الفستان ده حلو هيبقي عليكي زي الملايكه هعملهولك يا عمري والله هعملهولك وهفرحك وهقول اللي يعجبك ماتبصليش كده والنبي ماتحرقيلي قلبي انا حسيت ان ليا قلب لتصر*خ وتتشنج وتسقط علي الارض مغشيا عليها..
ليهوي قلب ايان ليصر*خ كارما ليندفع و يحملها وياتي قاسم ليصر*خ فيه ايه..
ليهتف بقهر.. سمعتنا سمعتنا هموت سمعتنا وسمعت قرفنا ليحملها ويصعد بها الي الاعلي ويستدعي الطبيب ليظل واقفا وقلبه ياكله لياتي الطبيب ويخبرهم انها حاله انهيار ليتهالك الجد ويصر*خ قاسم... عملتو فيها ايه يا جاحدين انتو ايه..
لتنزل دموع ايان.. هو هو اللي عمل هو اللي رباني غلط هو اللي موتني وخلاني آله هو اللي دس فيا القرف.. اكبر يا ايان انت كبير نعيم.. اكبر يا ايان هتبقي كبير الحدايده.. من صغري ويقلي اكبر يا ايان انت سيد انت ماينفعش تحن انت ماينفعش تبقي ضعيف كنت لما احب العب معاها يضربني ويقلي خليك راجل جامد جبت عصفوره صغيره عمري ماهنسي انك تدبحها قدامي عشان ابقي جاحد زيك َتخليني ارميها بايدي انت ايه حرقت قلبي وخليته قلب جاحد ليه اشمعني انا .. كنت لما احضن امي تزعق وتضربني اصل الرجاله مابتتحضنش ولا بتقرب منها الراجل يكتم ويكبت ولو عيط اتلسع بالحزام عشان دموعي ماتنزلش تربيه سوده عليا و َعلي ايامي لما طلعت اسود وميت من جوا كنت لما احب ابقي بني ادم يقتل جوايا كل حاجه ايان مايحسش ايان بتاع فلوس ومناصب ايان اخره يشتغل ويجي يغريه بالفلوس ويقله اتجوزها.. عارف ان جوايا بعشقها وانا مش حاسس بنفسي بدل مايقلي انت بتحبها لا ازاي جاي يكمل قهر فيا مانا زباله وبتاخد واتجاب بالفلوس.. شايف اخرت تربيتك يا بدر يا حديدي بصلي مابتبصش ليه مسخ قدامك عايش مابيحسش وجواه غلايه بيكبتها نامت في حضني تقلي بحبك وانا مش عارف انطق مخلول مش عارف يعني ايه مشاعر ماخدتهاش وماعرفهاش ماتربيتش عليها قتلت جوايا الاحساس وربيت الجبروت ولما حسيت بيها ميته اهيه اعمل بيها ايه وهيا قلبها مخلوع مني. واحده اتاخدت بالفلوس انت ايه قلي فهمني اني ليا قلب وبيحس ليخبط علي قلبه ليه تمشيني في سكتك الوس*خه ليه هيا ذنبها ايه.. تحس انها رخيصه دا نجمه ماهطولهاش تاني ليه ايان تربيه كده ليه بس انا استاهل كل ده اما طاوعتك َمشيت وراك زي الاهبل عيل مؤر*ف وزبا*له. قاسم اللي مش عاجبك جزمته برقبتي قاسم ده النضيف اللي فينا عايز تبعده عشان البيت يبقي منقوع وسا*خه انت جاحد ليه كده داحنا لو كلاب تحن عليهم ليه ليه انا ليه كده ليه اطاوعك ادعي علي روحي باللي عملته. تقضي عليا ماهشوفش فرح تاني من جحودك عملتلك ايه عشان تطلعني مؤرف كده انا ليه مؤرف كده.
لينظر اليهم قاسم بقهر.. مش كفايه واحد مات انت ايه ايه. ليصر*خ... اخرجو بره ماحدش يقرب منها..
ليصر*خ ايان.. لا مش هخرج مش هسيبها انا بحبها..
ليدفعه قاسم.. اخرج بره بدل مانسي انك اخويا. ليدفعه.
ليجهش بالبكاء ويسقط علي الارض امام حجرتهاويضع يده علي راسه.. ليقوم الجد ويخرح ويترك الحجره في داخلها جثتين خلعت قلبهم بسببه وفي الخارج يفترش ارضيتها الحفيد الاكبر الذي اصبح كالطفل الصغير الذي يبكي علي فراق امه.وكل ما جري له كان من نقص تربيته التي غرزها فيه ذلك الجاحد الذي لا يعرف عن المشاعر شيئا.
ظل ايان جالسا امام الحجره علي الارض يبكي ويتذكر ايام صغره وطفولته القاسيه ومافعله جده ليصل به الي تلك الشخصيه الجاحده لينتظر قاسم ما ان خرج حتي دخل بهدوء ليقترب ودموعه تسيل.. ليندفع اليها ويشدها الي احضانه. اسف اسف يا عمري ولا مليون اسف هيراضوكي خايف قومتك هتموتي مانا موتك بقرفي والله بحبك وبعشق وماكتش عارف ماتعلمتش ماعرفتش يعني ايه حب ماحدش حبني حتي امي كات جدي بيبعدني عنها والله ماعرف يعني ايه حب كنت بغير عليكي وبموت بس ماعرفش اعرف منين ماتعلمتش كنت هتعلم علي ايدك والله كنت هتعلم لما نمتي في حضني حسيت اني بحس حسيت اني بني ادم اني ينفع يبقي ليا مشاعر اتوجعتي يا عمري اتوجعتي مننا قومي وانا هحطك في قلبي مستنيك تلبسيلي الفستان هموت واشوفك بيه وهعيش عمري مستنيه قومي وهفرحك وهبقي كويس وهقلك من الحب الوان هقول وهتعلم اقول مانا ماكتش اعرف والله ماكت اعرف مني لله عملت في قلبي ايه منك لله يا جدي دا حبيبي قتلته بايدي حبيبي نايم موجوع مقتول قالتلي بحبك وانا مانطقتش جبله مابعرفش مابعرفش والله مابعرف ليجهش بالبكاء ويعتصرها بيديه خايف مرعوب هتعملي فيا ايه.. ليظل يمسد عليها الي ان دخل قاسم وهجم عليه واخرجه بره الحجره وهو يترجاه ان يتركه ولكن قاسم تحول الي شئ بلا احساس يكره الكل.
ليقضي احفاد الحديدي ليله ذبحهم عن حق بايدي رجل فقد كل معاني الانسانيه ولم يهمه الا ماله ونفوذه وشركاته قبح الف مره تلك الفئه التي تدوس علي خلق الله ولا يعلمون ان الله اكبر منهم جميعا ويهمل ويهمل ولكنه اذا اخذ.. اخذهم . لننتظر اياما يتحول فيها الطيب الي جاحد وتتحول الرقه الي توحش وعنفوان ويخبو الحب. ويتحول الجاخد الي عاشق يتمنى عوده عشقه الي ما كان عليه. انقلب المل وتاه الحب واندعس تحت اقدام الجحود والسلطه وتتوالي الحياه وكل يحاول ان يعيش عكس طبيعته فليال عزمت ان تقفل علي قلبها وان تموت ويموت داخلها وان تعيش الدنيا كما ارادو. أما قاسم فيعيش لسبب واخد ان ياخذ من بدرالحديدي كل جبروته وعينه علي يوم يكسر فيه تلك السلطه التي كسرته وامله ان يعود ليجد نفسه في قلب حبيبه. اما ذلك المسكين الذي تربي علي الجحود فيعيش جحيما من نوع اخر بعد ان فهم وعرف َاحس بحلاوه تلك المشاعر ولكن بعد ماذا فكارما تنام والوجع نهش قلبها لا نعرف ماذا ستقوم ويكون حالها و ماذا ستفعل من اساسه. ومل في حال تبدل دنيا الخير الي دنيا الجحود بسبب جاحد اراد ملك الدنيا ولكن لله الملك. ولكن هل ستعود القلرب بيضاء. قلوب الخير مره اخري.. قلب قاسم لقلب ليال.. سنري
للقصه اضغط #قتلني_ورحل
لقصص ميفو #حكايات_mevo