رواية تيمو الفصل التاسع عشر 19 - بقلم ولاء فتحي
تاني يوم
شريف : ايه الي بتقوله دا . انا الي هتصرف
سيد : يا شريف بيه انا اتصرفت بس الفكرة اني قلقان لان تميم بيه المقصود خصوصا بعد خروج رائف من تحت ايده
شريف : رائف معلوماتي ان ابوه موافق علي العقد بتاعه
سيد : دا خاله ودا صايع واعتقد ابوه وافق لان مكنش راضي علي تصرفات رائف بسبب خاله
انا كمان قلقان علي الدكتورة مايا لان للاسف في مكالمه بطلب خطفها
شريف : سيد انت قولت الكلام دا ل تميم
سيد : موبايله مقفول والوضع مش مريح
شريف : طيب انا هتصرف خلي بس حراسه تمشي ورا تميم من بعيد من غير ما يحس
سيد : تميم بيه مدرب علي الي مستوي انه يفلت من الحراسه دا لو كان مخابرات مكنش الوضع هيكون كدا
شريف : عندك حق عيشته في الصين وتدريباتها والمسابقات الي دخلها كان مش سهلة
هنفكر في حل بس كمان عاوزك تعمل حراسه علي ملك خطيبتي هي كدا ممكن قربها من مايا هيكون خطر عليها
الصبح تكون في مكتبي يا سيد
سيد: تمام يا شريف بيه بس
شريف : عارف مش عاوز تميم يعرف
سيد: مش قصدي بس حضرتك عارف انه عنيد جدا وانا حقيقي خايف عليه انا بحسه صديق مش موضوع شغل . انت عارف العروض بتجيلي باعلي من الي باخده لمجرد اني اسيبه ودا مش هيحصل
شريف : فاهم يا سيد كل دا خلاص استني مني تليفون
سيد : في حاجة كمان يا شريف بيه
شريف : سيد انت لسه بتقول اننا اصحاب مش شغل بس يبقي انا شريف بس يا سيد خير
سيد : اصل مش عارف اقول ازاي او اقول ايه بقالي اسبوعين عاوز ابلغ تميم بيه ومش عارف
شريف : قولي الي عاوزة علول
سيد :: سعاد هانم بيتابعها ويراقبها ناس من رجاله علاء النوبي
شريف : ايه من امتي وليه
سيد : بصراحة هي بقالها كام شهر بيشوفها في النادي وهو مسافر من اسبوعين ومن وقتها في ناس بتراقبها ولما فتشت وراهم لقيتهم رجالة علاء النوبي
شريف : بيراقبوها ازاي
سيد : في اوامر عندهم بحمايتها
شريف : طيب متجبش سيره ل تميم خالص دا هيبوظ الي انا برتب له
سيد : بس
شريف : الموضوع دا مين يعرفه غيرك
سيد : محدش انا تابعته بنفسي ولا حتي رجالتي يعرفوه
شريف : طيب اقفل ودا موضوع تتابعه معايا انا بس
سيد : طيب سلام
وبدا يفكر ايه دخل علاء النوبي بخالتي سعاد ويعرفو بعض من امتي وعاوز منك ايه
..................................
سعاد : ميسون تميم مصحاش لسه
ميسون : لاء يا ماما دا نايم الصبح حتي تليفونه فاصل شحن وشكله مجهد
سعاد : الساعه بقت 12 الظهر هيقوم هيقلب الدنيا
ميسون : يعني اصحيه
سعاد : لاء انتي روحي كليتك وانا هروح ل بيلا ولا كاننا نعرف اصلا
ميسون : بس
سعاد : شكله مجهد جدا . يلا بس امشي انتي
وخرجت واتجهت ل بيلا
...........................
شريف : يا صباح الجمال
ملك : الله انت كل شويه هتعطلني عن شغلي
شريف : لو عاوزاني اقفل هقفل ومش هتكلم
ملك : لا مقصدش اصل
شريف : اصل ايه
ملك : بصراحة الجو دا مليش فيه مش بعرف اتكلم
شريف : وانا بحب انكشك واسمع خناقك
ملك : واضح انك متعود
شريف : تصدقيني لو اقولك اني عمري ما اتعلقت ولا قربت من اي بنت
ملك : بفرحة وتمثل الاندهاش : انت لا قول كلام غير دا
شريف : احنا فينا عرق صعيدي يا ابنته ملناش في الجو دا
والي تخلي صعيدي يحبها يبقي يا بختها
ملك : يا غلبها يا استاذ بتغيير في القصيده
شريف : انا بغير فيها علشان مش انا الي اغلبك لا عاش ولا كان الي يغلبك يا ملك
ملك : اسجلك بقي
شريف : سجلي وامضي وابصم واوعدك اني هحاول اخليكي اسعد انسانه في الحياه بس ليا شروط
ملك : انت بتتشرط بقي
شريف : لا والله دا انا مسكين بس هي رولز نحطها علشان نعيش سعدا مع بعض
ملك : واي هي
شريف : لاء دا بقي عاوز قاعده اما اشوفك
ملك : شريف اسمع اما اقولك دي قرايه فاتحه يعني لو كنت بشوفك علشان الشغل حاليا انسي عاوز تشوفني يكون بابي معايا
شريف : هو انا قولت نخرج انتي ما بتصدقي هو بابكي مقالكيش انه عازمني علي العشا انهارده نتكلم مع بعض
ملك : لاء مقاليش ز استني كدا لاء قالي ونسيت لاني عند مايا اليومين دول اونكل علاء مسافر وانا قاعده معاها
شريف : طيب اشوفك بليل يا ملوكتي
ملك ك ايه ملوكتي دي انت بتكلم بنت اختك
شريف : للاسف مليش اخت ولا ليها بنت ز اقفلي يا مك علشان انا قفلت
...........................
تميم بيصحي بتعب يفتح عنيه ويمسك موبايله اتخض الساعه 2 عندي شغل ويشحن الموبايل ويحاول يقوم ولكنه يشعر بتعب
اتصل ب شريف
شريف : الو يا تميم فينك موبايلك مغلق من الصبخ وخالتو عند بيلا
تميم : كان فاصل شحن بس انا صحيت تعبان وشكلي مش هخرج
شريف : تعبان ايه ابعتلك باسل
تميم : لاء مش مستاهله شكله دور برد خفيف انا بس عاوز تبعت ليا المناقصات علي الميل علشان اخلصها وكمان ورق الشركه الجديده وعقود الي عاوزة تتوقع وقعها انت بالتوكيل الي معاك
شريف : انت اول مره تعملها يا تميم مالك
تميم : مفيش صدقني هحاول ساعتين وانزل اشرب حاجة دافيه ومسكن واخلص المناقصات واجيلك
شريف : تميم مش كل الحياه شغل فكر في نفسك يا تميم انا مش هبعت الورق ارتاح خالص الدنيا مطارتش
تميم : اسمع الكلام بس
شريف : انت الي تسمع الكلام ريح وساعتين هعدي عليك نتكلم علشان عاوزك
تميم : طيب انا فعلا محتاج انام بس كلم سيد لان تليفونه غير متاح خليه يفتحه
شريف : سيد في المخزن القديم ومفيش شبكه لو عاوز حاجة قولي وانا كدا كدا هعدي عليه علشان مندوب شركة التامين هيروح
تميم : طيب مفيش حاجة مستعجلة
شريف : علي فكره مايا فاكرة انك متجوز ومخلف
تميم : ايه منين الكلام دا
شريف : ملك خطيبتي فاكر لما شافت نسمه معايا . بس طالما في كلام وحوار عنك وعن الموضوع دا يبقي تحليلي صح مايا معجبه ويمكن اكتر حبه يا تيمو يا شقي
تميم : انت رايق يا شريف وانا تعبان مش وقته
شريف : جدك راجع ومستقبلي انا وباسل مرهون بيك
كلمها يا تميم انت كمان معجب بيها بس بتنكر انا اقرب حد ليك وحاسس بيك
تميم : تصبح علي خير يا روميو وخلي سيد يكلمني لما تروح اشوفك بليل
شريف : بليل انا حمايا عازمني عقبال عندك . ما تيجي معايا
تميم : اجي معاك اسندك مثلا ولا اعملك ايه انا ضبطلك الدنيا اهو وكمل انت
شريف : ربنا يخليك ليا يا تيمو
تميم بابتسامه ربنا يسعدك يا حبيبي سلام واغلق الخط
...............................
حاول تميم انه ينام ولكن مقدرش حاول يخرج برضه مقدرش مسك تليفونه واتصل ب
تميم : الو مايا صباح الخير
مايا : تيمو صباح الخير
تميم : يا تري فاضيه نتكلم ولا مشغوله
مايا : لاء دا بريك انا فاضيه . خير صوتك مش مضبوط
تميم : ابدا دور برد وقااعد مقدرتش اخرج
مايا : خلي المدام تعملك حاجة دافيه كتير
تميم : مدام مين انا مش متجوز انا عايش مع امي واختي الي شفتيهم امبارح
مايا : انا افتكرت انك متجوز . اصل
تميم : علشان عديت ال30 عندك حق
مايا : مقصدش اصل في بنوته ملك قابلتها وبتقول انها بنتك
تميم : نسمه اكتر من بنتي دي بنت صديقي الانتيم حب واتجوز مامتها غصب عن اهله وخلف نسمه ومن 6 سنين نسمه كان عندها سنتين حاله كنسر وللاسف مات وساب نسمه ومامتها في امانتي ومن وقتها انا ابوها وليلي مامتها اختي
مايا : بتروح لهم وكدا
تميم : متخليش فكرك يروح ل بعيد ليلي عايشه مع باباها
مايا : انا مقصدش دي حياتك وانت حر فيها
تميم : مهو انا بكلمك علشان تشاركيني فيها لو مفيش حد في حياتك
مايا : ايه . بس اصل
تميم : لو مرتبطه اعتبري اني مقولتش حاجة
مايا : لاء خالص بس انت فاجئتني وانا معرفش عنك حاجة
تميم : اعتقد انتي عرفتيني انا شخصيا وشوفتي امي واختي .
عموما انا منتظر تفكري وتردي عليا وفي كل الاحوال انا هحترم رايك
مايا : تمام
تميم : سلام واغلق الخط
...............................
وفكر انا اتسرعت انا ايه الي عملته دا
قلبه وشين يا تميم نسيت شين
عقله : مايا حد مناسب وجدك تعبان ومحتاج يفرح
قلبه : بس شين انت وعدتها تكون ليها طول العمر
عقله : بس لازم الحياه تستمر وشوف ردها هي متعرفش عنك غير انك تيمو
لو وافقت هتوافق علشان شخصك
قلبك : انت عاوز تضرب بالنار وانت بتحميها وترفض انت بتضحك علي نفسك
وبصوت عالي صرخ كفايه بقي انا تعبت من التفكير كفايه
.................................
دخلت سعاد علي صوته
سعد : تميم مالك يا حبيبي انت فيك حاجة
تميم لاول مرة يرتمي باحضان امه ويغمض عينيه لتربط علي شعره وتتنفس بسعاده فقد عاد وحيدها الي حضنها وتهمس له انت كويس
تميم : دور برد بسي قولت اريح واقضي اليوم معاكم من زمان مقعدناش مع بعض
سعا : 4 سنين يا تميم مقعدناش مع بعض انا هكلم ميسون متتاخرش في الكليه وهنزل اجهز لك الاكل بنفسي
تميم : لاء خليها براحتها انا هنام شويه
ملست سعاد علي شعر ابنها وقبلت راسه واحكمت عليه غطاءه كانه عاد صغيرا لاحضانها وتركته وذهبت في سعاده لتجهز له اكله بيديها
....................................
ملك : شكل الموضوع مهم
مايا : دا طلب يتجوزني خبط لازق كدا
ملك : وبنته
مايا : مش بنته دي بنت صديق عمره الي مات مسؤل عنها
ملك : ممتاز وانتي قولتي له ايه
مايا : قولت له انا معرفش عنك حاجة وبعدين تفتكري بابا هيوافق
ملك : بصي عمو صعب بس ملوش غيرك ومش هيزعلك ابدا وكمان انتي قولتي انه بيحب
مايا : دا حقيقي بس هو من يوم ما كلمني مسافر وانا خايفه
ملك: مايا النوبي تخاف ليه يا مايا لو انتي مقتنعه بيه هتقنعي اونكل كمان الولد ممتاز شيك ووسيم ومحترم ومثقف ومتعلم في احسن جامعات العالم
مايا : متنسيش اول مرة شوفناه كان ويتر
ملك : قالكم هوايه دا غير انه قريب شريف
مايا : صحيح روحي اجهزي خطيبك اول مره هيزوركم لازم تجهزي له حاجات باديكي
ملك : انا ملك اقف في المطبخ لا يا قطه انا لازم يعرف من اولها اني مليش في الجو دا اخره معايا اجيبله شيبسي وبيبسي غير كدا ميحلمش
مايا : وفين كلامك ان لما اتخطب هعمله كل حاجه بايدي
ملك : عيله وبرجع في كلامي
مايا : طيب يلا انتي انهارده باقي اليوم اجازة روحي بقي انا ورايا شغل
ملك : وراكي شغل ولا وراكي تفكير في القلب
مايا : روحي يا ملك بجد عندي شغل
ملك : طيب انا سلام بقي اروح انام
.......................
ايه الكلام دا لاء مستحيل يحصل طبعا
- يتبع الفصل التالي اضغط على (رواية تيمو) اسم الرواية