رواية عشقني في ماضيه (كاملة جميع الفصول) حصريا عبر دليل الروايات بقلم ميفو سلطان
رواية عشقني في ماضيه الفصل الاول 1
في نسب هواره عائلات العز والجاه لا يخرجون ابدا خارج تلك العائلات فهم اسياد البلد الصبيه فيهم بالف والرجل ببلد باكملها.. عشيره لا يتزوجون باحد ولا يناسبون احد الا منهَم. ذو عنفوان وقوه.. منهم عائله من اعتي عائلات البلد عائله ضرغام الهواري وهم عائله تتسم بالجبروت مخيفه.. لا يقربها احد يهاب منها الكل.
نقترب من قصر كبير علي النيل يحاوطه الزرع من كل مكان يتجمع عليه الطيور دائما تحوم في الافق مواجها له الضفه الاخري من النيل زرع واشجار علي مرمي البصر وامام الضفه صخور تلمع بشده من وهج الشمس والمراكب تجوب المكان. كان القصر يقف لحاله شامخ كعائله ضرغام.. هاله من النور والقوه تحاوط القصر من روعته وجماله..وعلامه الاسد تبرز ساطعه في نور الشمس اعلي بوابه القصر. قصر عائله ضرغام .ميفوميفو. وحدو الله.
فضرغام الاب رجل قوي من كبار هواره سليل عائله عريقه تتحكم وتحكم عنده من الاولاد ثلاثه أيهم الاكبر وهو ما يطلقون عليه وحش العائله.. رجل بلا رحمه في اوائل الثلاثين قاسي متكبر لا يهمه الا عائلته ومن دون ذلك عبيد لا ينظر اليهم الا كخدم..فالايهم هو السيد الذي يدير العائله.
والاخر ادهم وهو كاخيه ولكنه ليس بتلك القسوه يشبه اخيه وخاصتا تلك العيون التي تميزهم عيون العسل الجبلي الصافي ومتزوج من ابنه عمه فاتن وهيا فتاه متكبره مغروره يحدث بينهما مشاكل كثيره فهيا لا تنجب ولكنها من عائله هواره سيده ايضا لا تنكسر ابدا حتي لو اصابها الجلل باكمله.
واخيرا جميله الجميلات فريده فهي فريده في اخلاقها وجماله سيده عائله ضرغام وجميلتهم الرائعه فتاه صغيره طيبه..كانت العائله كحصن منيع لا يقدر عليها احد يتسيدها الاأيهم الذي لا يجرؤ احد ان يتخطاه.
في احد الايام استدعي ضرغام زوجته مليحه و ادهم ليتكلم معه ويقول..اجعد يا ولدي عايزين نشوف هنخلصو من حكايتك دي ازاي يا ولدي..
ليهتف.... حكايه ايه عاد يا ابوي الحكاوي كتير.
لتهتف مليحه.. حكايه جوازك يا ولدي هنجعدو اكده بطولنا من غير عيل واخوك عيتكبر علي البنته ولا يبصش لصنف بت وعايزين نملو الدار اعيال يا ولدي..وانت يا ولدي خابر بعيله عزام بيحربو حولينا عايزين ينهشونا لولا اخوك ايهم بيخافو منه.
ليهتف ادهم.. طب واعملها كيف دي مانتو خابرين فاتن مابتخلفش وطايحه ولا حتي موافجه باي حلول.
لتهتف مليحه.. لاه انا هجيب ابوها يكلمها.. لازمن تتجوز يا ولدي ان شالله عشان تجيب اعيال يا ولدي السن بيعدي هنصبرو لامتي اخوك هيجهرنا مارايدش نسوان دلوك وكل اما اجيب عروسه يتكبر عليها اخوك واعر وجاسي وانت الامل اللي فاضل اشوف خلفك..
ليهتف.. طب يا اماي كلميها انا ما هجولش لاه اني جرفت من صنف الحريم كلياته..
لتقول.... خلاص يا حاج ضرغام هات ابوها كلمه ونتفجو نشوفلنا حد غلبان اكده تاجي تخلف من سكات.وانا هبتدي ادور يا ولدي ربنا يرزجك..
ليخرج ادهم من البيت وهو مهموم ليجلس بمفرده هو.... انا عارف اتكتب عليا الهم ماهشوفش يوم عدل.. ليتذكر زوجته.. هتفضلي معيشاني في مرار مره طايحه ماعنداش ريحه الحنيه مابحسش جواتها اي احساس. ليه يا رب كان نفسي في بت حنينه اجعد احب فيها انا مش زي ايهم لا جواتي جسوه انا ابان جاسي و واعر بس رايد الحنان والحب رايد بت تعشش جوا جلبي رايد حد طبطب علي جلبي وياخده.. بس اتكتب عليا اللي تنطحني طول النهار ولا هتسكتش غم وجهر بكره اعاود الدار. الله يسامحك يا ابوي البت لواد عمها.. طب كان ايهم ياخدها ماهتفرجش معاه كان سود عيشيتها بدل ما هيامسوده عيشتي.. ليغمض عيه بوجع. ليضع يده علي قلبه.. ما هتدجش انت واصل يا حزين لصنف ست.. كان نفسك في العشج والكلام الحنين.. كان نفسك في بت تحب فيك وانت تشيلها جوات اعيونك بس اجول ايه مرر عيشتك وعديها بمرارها ماتكتبلكش الفرح ولا الخير واصل. يا رب نفسي في صبيه حنينه ابعتهالي.. نفسي اعيش واخرج حنيتي بدل ماني كاتم اكده.. يا تري موجوده وهطولك يوم.. انت فين بس حلبي انهري.. يا تري هتيجي في يوم.
كانت تقف تدندن علي رسوماتها وتهمس.. لو قلت بحبه الحب شويه عليه.. يا لهوي عالجمال بحبه يا ناس قلبي.. انت فين يا مزي اجيبك منين.. كانت تسرح في رسوماتها وخيالتها لتصبح اميره حالمه لا تخرج مما هيا فيه لتقترب منها اختها لتهتف.. يا بنتي بقه هو كل اما اخش الاقيكي سرحانه وبترسمي انت هتهبلي قريب.
لتضحك دنيا.... ايه يا دولي مش بحب رسوماتي.
لتضحك اختها.. ومالك ياختي بتسحسحي كده.. والله نفسي اشوفك بتحبي واحد هيبقي شكلك مسخره.
لتبتسم دنيا.. احب واحد.. يا لهوي دانا هقعد اسحسح لما افطسه بس هو فين.. عايزاه حنين وطيب وصوته حنين وبيهمسلي كده همس عايزاه رقيق وبسكوته كده يدوب فيا.
لتضحك داليدا.. ودا هتجيبيه منين فيه راجل بسكوته دول نصهم بينطحو والنص التاني خلاص عصو عن الجواز وهنعنس كلنا الرجاله بيطفشو دلوقتي من الجواز..
لتضحك دنيا.. لا حبيبي لما هيحبني مش هيسيبني انا عارفه اول ما قلبه يدق هيخطفني ويقعد يحب ويسحسح.. فين بس هو وحشني اوي.
لتنظر اليها داليدا .. لا حول ولا قوه الا بالله اللسع عالي عالي.. اكنه وحشك.. ماشي ياختي ربنا يشفيك.
لتخبطها دنيا.. اشعرفك انت يا بومه انا عارفه انه مستنيني اخطف قلبه مش انت كل اما يقرب منك حد تعضيه.. قمر ومزه والاسم الحركي جعفر بس بس يا عديمه المشاعر يا عدوه الحب.
لترفع حاجبيها وتهتف.. بقي انا عدوه الحب.. لا ياختي عايزه احب واتحب بس راجل بجد يقدرني ويقدر قيمتي وشغلي وحياتي.. اكون ليه زي ما يكون ليا مش اجيب واحد يتحكم ويتكبر عليا عايزه راجل بجد.
لتهتف دنيا.. راجل بجد ويحب ويسحسح يا رب ارزقنا.
لتضحكك داليدا .. يا دي النيله عالسحسحه يا بت اللي يشوفك يقول دانت بتحبي بس اقول ايه انت ربنا خلقك تحبي علي روحك.
لتهتف دنيا.. الحب للحب يا قلبي.. بصي تصدقي ساعات بنام واحس بيه موجود َمضايق ونفسه اني اظهرله بس يصبر علي بال بقه ما اجيله اخده واحب براحتي والله واحشني وهموت عليه. 🌿 سبحان الله وبحمده 🌿
لتنظر اليها داليدا .. لا اما اقوم انت عايزه تتعالجي.
كانت داليدا تعيش مع اختها دنيا علي اطراف مدينه الاسكندريه في احد المزارع الصغري فداليدا تدرس في كليه الطب في السنه الرابعه وتعمل في احد المشفيات القريبه من المزرعه كانت جميله رقيقه ولكنها قويه وعنيده من يراها يحس انها ملاك هائم ولكن من يخربشها فبداخلها فرس جامح لا يظهر الا وقت قوتها عندما ترغب بذلك.. وكانت لها اخت صغري تدرس فنون جميله رقيقه ورائعه الجمال تدعي دنيا كانت مختلفه عن داليدا فهي من الخارج كالداخل لا تختلف حالمه رقيقه تكره العنف ولا تستطيع ان تقرب شخصا من هذا النوع..كانت الفتاتان متعلقتان ببعضهما ويعيشا في كنف الاب وداليدا تعتبر من تراعي العائله لصلابه شخصيتها وقوتها لتسير بهم الحياه دنيا تنتظر ذلك الهائم الذي تريده َتريد حنانه وداليدا تصبو الي رجل لا يتجبر عليها ويراعيها ويحترم شخصيتها.
في مكان اخر نجد من يقف طايح في العمال ويصرخ فيهم.. لنجد كبير عائله ضرغام ايهم يقف وهو متشح بالقوه والكبر.. ليصرخ.. ايه ده انتو فاكرين اني هعديهالكو اكده اللي ما نفذش اوامري مالوش جعاد اهنه ولا في الناحيه كلاتها.
ليهتف احد العمال.. يا بيه والله ما كنا نجصد داحنا جولنا الاول نخلص مخزن العلف ونكملو مخزن الدجيج كله شغل
ليصرخ ايهم.. انت ما ليكش تجول نخلص ونهبب انت مين عاد تجول ليه وتتهبب علي عينك مش بعد كلمتي تجول.. انت اكده خربتو علي حالكو.
ليقترب احد العمال.... نحب علي يدك والله خلاص ما هتحصل تاني اللي تأمر بيه.
ليقترب منه صديقه فايز.. خلاص يا ايهم اخصملهم يومين وخلاص
ليقطب ايهم.. انت اتجنيت كلمتي تكسيرها بيومين لا هخصملهم عشر ايام. 🌿 استغفرالله العظيم 🌿
ليصرخ العمال ليهتف فايز... غورو دلوك واني هتصرف.. ليهرب العمال.. ليقترب فايز.. َما تهمد بقه انت ايه طايح اكده بطل حمجتك دي.. العمال غلابه..
لينظر اليه ايهم بغضب..
ليضحك فايز ما خابرش انا فيه ايه هتاكلني عاد..
ليبتسم ايهم.. اجول ايه ما خابرش انت ليه بتنخ ورا اكده انا عارف مصاحب راجل بيحن كيف النسوان. 🌿 صلوا على الحبيب 🌿
ليخبطه فايز.. اتلم ياض انت انا واحد بجدر الغلابه انت جاسي كيف الطور مابتتفاهمش انا خابر لما تتجوز هتتجوز ازاي اكده
ليهتف ايهم بتكبر... هتجوز عادي وهتعيش تتمنالي الرضا هو انا جليل مين دي اصلا اللي تعترض دا ايهم البنته تتمني ابصلها.
ليضحك فايز.. والله لو يفهمو يبعدو عنك بالمشوار
بجولك الواد ابن عزام لسه عامل عوج معاك.
ليهتف ايهم هو مين ده الكلب اللي جرب يجفلي دانا محطه ضرب لما فتح خاشمه جدام الخلج ورميته في المصرف.. طب يفكر بس ينطج..
ليهتف فايز.. عيله عزام مش سهله دول منجوع شر يا ود عمي تجار نجاسه وكيف.. يبقي تحرس منيهم
ليهتف ايهم.. اديك جولت نجاسه وكيف.. مش توب الرجال.. دول ادوسهم بجزمتي.. الواد من ساعتها خزيان يظهر في البلد كلياتها..🌿 استغفروااااا 🌿
ليقول فايز.. بجولك ايه هتسافر الاسكندريه الاسبوع الجاي تجابل الحاج حمدان تخلص معاه صفجه المواشي اللي جايه من بحري اجي معاك عاد.
ليهتف.. تاجي معايا ليه من ميته واي سفر حد بياجي معايا.. انت وادهم شغلكو اهنه واني عليا تخليص الشغل برات البلد اني ما بسيبش حد الا واخد اللي اعوزه.
ليضحك فايز.. خابر وعارف انك وحش بتاكل اللي جدامك ربنا يبارك فيك ويخليك يا غالي من غيرك نلوص.
ليضحك ايهم.. ايه ده مالك جلبت كيف امي ورط النسوان.. يا واد بطل حنيتك دي..
ليبتسم فايز.. ابطلها ازاي داني مستني اتجوز عشان اجعد احب واسحسح للبت اللي رايدها.
ليهتف ايهم.. اجول ايه مفيش فايده.. تحب وتسحسح يا مغفلج انت.. البت تركبك اكده.. النسوان عايزين حد يديهم ويجهرهم عشان تتلم النسوان بتطيح وتشرد لازمن حد يلم رمحتهم دي.
ليهتف فايز الم رمحتهَ بالحنيه والمراعيه مش انطحهم كيف الطور..
ليهتف ايهم.. طور والله ما فيه طور غيرك هتعمل زي ادهم فاتن مرته طايحه وال ايه جايبين ابوها لاجل توافج يتجوز دا مرار..
ليهتف فايز.. دي بت عمك هواريه انت اتجنيت وكمان طول عمرها متفرعنه اكده ما هواش جديد.
ليهتف والله لو كت مرتي لكنت حطيت وشها تحت رجلي.. بس انا مالي عاد يشيل اخوي همه.. يلا اما نعاود
ليذهبو الي البيت ليجد الجميع فاتن وابيه وامه وفريده وادهم وابو فاتن ليدخل ايهم علي صراخ فاتن مين ده اللي هيتجوز هتجبولي مره تبقي ست عليا وتجيب عيال..
لتسمع صوت ايهم لترتعب فالكل يخاف منه.. حسك عالي يا فاتن جوات الدار وانا ما هسكتلكيش احترمي اللي جاعد اكبير بدل متلاجيني جدامك..
لتبهت وتخفض صوتها وتقول.... عايزين يجوزو ادهم واعي لده.
ليهتف.... حجه يا بت الناس يجيله عيل تمنعيه ليه ماحدش هياجي جنبك انما هو حجه تنطوجي ليه من اساسه ومجعده اكبار وترطو لينظر الي عمه.. ايه يا عمي واجف تتحايل علي بتك.. من ميته الحريم بينطجو عاد اتجنيتو اياك.. فيه ايه يادهم وانت يا ابوي ايه المسخره دي عاد.. اسمعي يا بت الناس طالما الرجاله واجفين بشنبات ماهينطجوش.. اخوي هيتجوز وماسمعش حد ينطج بعد اكده ويلا فضوها سيره وحد يجيب الوكل بلا حديت فاضي.. وهمي يا فاتن واعجلي لتنظر اليه بقهر وتترك الكل وتصعد لحجرتها ولا تكلم احد ليقترب ايهم من ادهم.. اوعي لحالك بطل لينك ده مرتك هتركب اكتر ماهي راكبه وانا ما هستحملش واصل.. وبدا الكل يتجمع علي السفره وهناك من تنظر الي احد الاشخاص الذي لا ينظر اليها ابدا فهو الصديق لا ينظر الي نساء الدار ولكنها تحبه وتعشقه ففريده اخت ايهم تعشق فايز وتتمني منه نظره ولكنه لا يعتبرها موجوده احتراما لايهم صديق عمره رغم انها تلهبه بنظراتها ولكنه كان يصرها في نفسه ولا ينطق.. لتقوم فريده وتحضر الاكل مع الخدم بغرض ان تقترب من فايز. لتضع امامه طبق الاكل وتهمس. بالهنا يا ولد عمي.. كانت حانيه رقيقه كلماتها تدخل للقلب ولكنه لم ينظر اليها وقال تسلمي.. لتشعر بالقهر وتذهب الي كرسيها مقهوره ولكن هناك من يلاحظ ذلك فامها تعلم ان ابنتها عينها علي فايز وسعدت بذلك كثيرا ففايز رجل قوي ونفس الوقت طيب وحنين وليس كابنها َتمنته لابنتها ولكنها لا تعلم كيف تفعل ذلك فهو ليس من هواره رغم انه ليس عليه غبار لتكتم ما تريد وتحاول ان تجد طريقه لا تكسر بها قلب ابنتها
هنا بدا ايهم.. اسمع يا ابوي الاسبوع الجاي هسافر للحاج حمدان هتعوز حاجه اجولها ليه.
ليبتسم ضرغام... لاه يا ولدي هعوز ايه اعوزك طيب انت ما حدش يعدل عليك يا ولدي نفسي بس اشوفك متهنن ومعاك عيال انا ما عارفش امك ساكته ليه ماهتجوزكش.
لتهتف الام مسرعه... والله جبتله بنات هواره كلياتهم َهو جرفان ماخابرش ليه عاد.. طايح اكده تجولش البنات بيجرصوه.. وبت عمه زينه ماهي مكتبواله والبت ما بتتنجالش من اهنه وعينها عليه انما اجول ايه اهلها مستنين ناجي وهو كل مره يغفلجها..
ليهتف تاني الحديت الماسخ ده.. بنات وهباب.. الله يحرجهم..
لتهتف فريده ليه كده يا اخوي بس هتحرجنا ليه🌿 استغفروااااا 🌿
لينظر اليها.. بترطي ليه عاد ما تخليكي في حالك.
ليبتسم فايز ويقول.. ما تبطل بقه انت مالك هتاكل الكل اكده
لتنظر اليه فريده بحب لتهتف مش كده والنبي يا ود عمي جوله البنات مالهمش ذنب هو اللي ما بيطيجش صنفهم
لم يرد فايز ولم ينظر اليها لتحس بقهر فهيا لا تتواني للفت نظره ولكنه كالحجر لا يستجيب ليهتف ايهم.. ايوه ما بطيجش صنفهم.. عشان انتو مالكوش امان صنف عويل تستاهلو السك علي ادمغاتكم والا هتركبو وتدلدلو
لتنظر امه اليه.. اكده يا ولدي كتر خيرك🌿ميفو ميفو 🌛
ليتافف.. لا ام ايهم انت حاجه تانيه يا غاليه انت ست الستات وست الناس انت مافيش زيك والباقي يتحرج.
لتتنهد... الله يهديك يا ولدي واشوفلك خلفه يا ولدي.
ليقول... هيحصل يام ايهم هيحصل اما يجيلي مزاج واطيج مره تدخل اهنه.. ليقوم.. هم يا فايز نشوف اشغالنا..
وفي اثناء خروجهم تقابلهم زينه بنت عمته.. لتهتف بحب.. ازيك يا ايهم عامل ايه يا واد عمي..
ليتافف ويقف.. ازيك يا زينه عامله ايه. 🌿صلو على الحبيب 🌿
لتقترب منه.. منيحه يا غالي.. لتهمس بدلع.. هتخرج بدري اكده.. مش تجعد معانا شويه..
ليهتف.. عندي شغل ايه اجعد معاكو دي فاضي اني..
لتهتف.. ربنا يعينك جلبي عليك والله وبدعيلك يعينك ربنا ونشوفك مرتاح ومتهني.
ليهتف طب همي ادخلي اني ماشي..
لتقف امامه.. ربنا معاك وجلبي بيدعيلك من جوا جوي يا غالي..
لينظر اليها بجمود ويرحل وهنا خرج معه فايز وانفجر ضاحكا.. ماترحم البت يا زفت انت ايه طور مابيحسش البت واجفه تسبسب وتنحنح وانت بومه..
ليهتف ايهم... عايزني اعمل ايه يعني..🌛🌛 ميفو ميفو 🌛🌛
ليهتف يا واد البت مكتبولك وهتموت عليك وهتلبسها في الاخر ماتحن عليها البت جلبها شجج
ليهتف.. ايهَ اسكت بلا احن بلا اسخمط ماليش في المرار ده
ليهتف امال هتتجوزها ازاي يا طور انت.
ليهتف ايهم... ماتلم لسانك بدل ماجطعهولك.. وهتجوزها عادي مره هتموت عليا وساعه اما يجيلي كيفي هاخدها ايه الجديد يعني..بلا احن بلا اهبب دول يتسكو وينكسرو اكده لاجل يعيشو تحت طوعنا اصل اليومين دول البنته تجولك شخصيتي وهباب علي دماغها.لا والمسخره تشتغل وتجولك شغلي وابصر ايه وهبابا ايه.. البنته لازمن تكسرها اول ما تتزوجها عشان ماترمحش كيف مرت اخوي. . لاه انا مش بتاع اكده اخرها تجول حاضر وطيب. وهم بقه بلا حديت ماسخ.
ليهتف فايز حديت ماسخ الجواز حديت ماسخ يا واد دا نصك التاني يا حزين البت واجفه عيونها هتطلع عليك
ليهتف ايهم.. ماتموت والا تولع اعملها ايه اما يجيلي مزاجي هاخدها ولا تنطوجش.
ليهتف.. ماهتحبش يا واد دا الحب نعمه.
ليهتف ايهم يحب يا مري اني بتاع مسخره ونحنحه.. لاه ايهم مالوش في السكه دي واصل. عايز بت منكسره تكتم جدامي ماتجولش الا حاضر وطيب.. الا لوجت زي فاتن لاشجها نصين.. ماليش في العوج و خليتلك النحنحه..
ليسهم فايز قليلا وياتي صوره فريده امامه ليبتسم رغما عنه ويتنهد.
ليخبطه ايهم... فيه ايه يا طين انت سهتان ليه اكده
ليهتف فايز.. لاه مفيش مفيش.. هم هم يلا نشوف اشغالنا وانصرفو كل الي حاله...........
يا تري مين هيشبك مع مين..... 😁 😁 😁
عايزين القصه كامله اضغطو عالهشتاج عشقني_في_ماضيه
•تابع الفصل التالي "رواية عشقني في ماضيه" اضغط على اسم الرواية