رواية تيمو كاملة بقلم ولاء فتحي عبر مدونة كوكب الروايات
رواية تيمو الفصل الاول 1
(1)
في احد المطاعم الكبيرة الراقيه يقف بين الطاولات يقدم نوع معين من الطعام الياباني
حيث يجلس علي الطاوله مجموعه من الرجال معهم اسرهم يبدو عليهم الثراء
يقطع الصمت همس فتاه بجوار اذن رجل كبير في السن
فيبتسم لها ويومئ براسه للسماح لها بالحديث
الفتاه : هو ازاي حضرتك بتقدم الاكل دا باحتراف كدا
الشاب : بادب شديد ودون ان ينظر لها في وجهها :انا عشت جزء من حياتي في الصين اليابان واتعلمت عمل اغلب الاكلات الصينيه اليابانية علشان اعملها بنفسي
الفتاه : بس دي مش اكلات دارجه دي اكلات الطبقة الراقيه وليه تتعلمها لما ممكت تشتريها
الشاب : علشان اتاكد اني باكل حلال
وكمان مؤمن بالمثل الصيني القائل
وتحدث بالانجليزية
Don't give me a fish but teach me how to fish
لا تعطني سمكة ولكن علمني الصيد
نظر له جميع من علي الطاولة باعجاب
وتدخل الرجل الذي يجلس بجوارها : انت اسمك ايه
الشاب : تميم او كله هنا بيقولي تيمو
الراجل : انت حتي محترف في التقديم
تيمو : انا احب اتقن الحاجة الي بحبها
الفتاه : هو دا مجال دراستك
تيمو : لا يا فندم دي هوايه
الراجل : بس انا اول مره اشوفك هنا انا باجي كتير
تيمو : انا بكون موجود الخميس والجمعه فقط يا فندم لان دول الايام المخصصة للاكلات الاسياوية
تسمحلي استاذن ورايا شغل
الرجل : طبعا اتفضل ودا الكارت بتاعي علشان لو عندي حفلة اتمني تكون مسؤل عن الاكلات اليابانية والصينية
تيمو : اخذ منه الكارت . شرف ليا يا فندم بس للاسف اي مناسبة حضرتك محتاجها احنا هنا تحت امرك
الراجل : انت بترفض بغضب انت مش عارف انا مين
تيمو نظر للكارت : العفو حضرتك من قبل الكارت وانا اعرفك كويس حضرتك علاء باشا النوبي رجل اعمال مشهور وعضو مجلس الشوري
الفتاه : طيب ممكن اعرف سبب الرفض احنا مستعدين لكل طلباتك
تيمو : انا هنا كل طلباتي واحتياجاتي ومساعديني مقدرش اطلع بيهم بره وعلشان اشتغل باحترافيه احب اشتغل في مكاني بحريتي
اتمني تقبلو اعتذاري واتمني الاكل ينول اعجابكم استاذنكم
وانصرف
همست البنت لوالدها هو عنده حق يا بابا فعلا الاكل متقدم كاننا في اليابان والطعم وهمي واحلي كمان
علاء النوبي: انا مقولتش حاجة يا مايا بس مش قدام الناس
مايا : بابي حضرتك الي طلبت قدام الناس ومتوقع انه محدش بيرفض لك طلب بس القبول والرفض حقه
علاء : طيب يا مايا الناس بتبص لنا
مايا : بابي اغلبهم اصلا مش بيفهمو عربي خالص اطمن
مايا : ابتسمت منهم وسالتهم عن الطعام
الكل منبهر وسعيد ومر اليوم علي خير
وفي المساء اخذ تيمو دراجته البخارية وانطلق بها الي منزله
.............................
مايا في التليفون تتحدث مع صديقتها ملك
اما يا ملك كانت حتة سهرة تجنن والاكل والمطعم كل حاجة كانت ممتازة
ملك : ايوه يا ستي طيب تعالي بكره نروح نجرب تاني
مايا : طيب ياريت بكره الجمعه والشيف دا بيكون موجود خميس وجمعه بس
ملك : شيف مين دا
مايا : بتاع الاكل الصيني
ملك: هو صيني الشيف دا
مايا : لاء مصري واسلوبه وطريقته كلاسي خالص . حتي ردوده مهذب جدا
ملك : وغير المطعم دا بيروح فين باقي الاسبوع
مايا : مسالتوش لان المطعم دا احنا اغلب الوقت بنروحه انا وبابي
ملك : ايوة انتي من يوم ما اشتغلتي مع اونكل علاء ومسكتي اعماله وبقيتي لازقه فيه
ايه يا بنتي دا حتي شريف بيقول انك رافضه تردي عليه
مايا : شريف دا مغرور هو صحيح ابن صاحب بابي بس ملوش طعم ولا ملامح حتي الشغل سايبه لاونكل
ملك : بس دا بيقول بيعمل دكتوراه
مايا : انتي سالتيه بيعمل دكتوراه في ايه
ملك : لاء صحيح مسالتوش . في ايه
مايا بسخريه : ابقي اساليه واعرفي
يلا بقي يا لوكا تصبحي علي خير انا تعبت اوي
ملك : يا بنتي بكره الجمعه اجازة ومتنسيش هنخرج
مايا : الصبح عندي شغل اقابلك الساعه 4
ملك : لاء عدي عليا خديني عربيتي في الصيانه
مايا : خلاص الساعه 4 تكوني جاهزة 4 ودقيقه انسي اني استناكي
ملك : ماشي يا ستي دا اونكل بهت عليكي اوي سلام
مايا بارهاق ونعاس : سلام
.......................
عند تيمو وصل منزله
اخته ميسون : تيمم اتاخرت ليه الساعه داخله في 2
تيمو : كان عندنا اجتماع رجال اعمال في المطعم وطولو وطلبو انواع كتير
ميسون : انت عارف موضوع المطعم دا
تيمم : ميسون . انا تعبان وطالع انام
ميسون : طيب ماما بتقول جاي لها ضيوف بكره
تيمو : وانا مالي وهو طالع هاجي اقعد معاهم نتكلم ولا ايه
دا الي ناقص تيمو يقعد مع سعاد هانم وشلتها
ميسون : خلي بالك اسم تيمو دا بيضايقها وبعدين دول مش شلتها دول ناس تانية
التفت اليها ونظر لها بعيونه الغاضبة وبصوت حاد
ميسون . انا علي اخري . انا في ثاني اسيب البيت وارجع اليابان تاني
ميسون: وانت من اهله يا قلبي
وبدات تبرم كله ميسون ميسون . اعمل ايه بس يا ربي اتجوز وارتاح منهم
خرجت سعاد من غرفه المكتب ونظرت لابنتها الصغيره وهي غاضبه وتحدث نفسها
سعاد :ميسون انتي بتكلمي نفسك اتجننتي
ميسون : انا ابدا يا سوسو .
سعاد : تميم وصل ولا لسه
ميسون : وصل ونام
سعاد قولتي له علي الضيوف
ميسون : وكالعادة سمعني انا كلمتين
سعاد: انتي كدا محدش يعتمد عليكي
ميسون :بنفخ انا تعبت والله ليه حضرتك مش بتكلميه بنفسك
سعاد: من يوم وفاة باباكم وهو متغيير معايا كاني مش امه
ميسون : لاء يا سوسو مش من يوم وفاة بابا
من يوم
قاطعتها سعاد بحده : قفلي علي كلامك واتفضلي اطلعي نامي الامتحانات قربت وانتي وراكي مذاكرة
صعدت ميسون الدرج وهي تشغر بالغيظ من هذا الوضع
ومسكت التليفون
.......................
ميسون: ايوه يا تيتا
جدة ميسون : ايوة يا قلب تيتا وحشاني
ميسون : وانتي اكتر يا تيتا
جدة ميسون : ها يا قلبي مين زعلك
ميسون : انا تعبت يا تيتا من البيت والوضع دا
جدة ميسون : معلش يا قلبي انتي عارفه احنا بنحاول نهدي الدنيا بين سعاد وتميم
ميسون : مهي لو تسيبه يعمل الي بيحبه طالما مش مقصر في شغله هترتاح انما ليه لازم تتامر عليه
وكل يوم عروسه شكل تعزمها وهو رافض دا
هي ناسيه انه مش قادر ينسي الي عملته
جدة ميسون : هما الاتنين غلطانين يا ميسون . اوعدك انا اخلص علاجي واجي اشوف الموضوع دا
ميسون: ياريت يا تيتا انا تعبت
جدة ميسون : لاء يا قلبي انتي طولي بالك انتي صحيح صغيره بس عاقله ومن غيرك كانت الدنيا ولعت والعيلة دي اتفرقت
ميسون: تميم عنده حق يا تيتا انا شايفه انه من حقه يعيش براحته
جدة ميسون : ايوة يا حبي بس اسلوبه مع امه وطريقته غلط
ميسون : وهي بتعامله زي ما يكون طفل
جدة ميسون : الام بتفضل طول عمرها شايفه اولادها اطفال روحي يا قلب تيتا نامي وبكره ربنا يحلها
ميسون : يارب يا تيتا يارب انا تعبت
...........................
في اليوم التالي تميم خارج من المنزل
سعاد : تميم انا عاوزاك
تميم: خير يا سعاد هانم
سعاد : انا امك افتكر دا وتعالي معايا علي مكتبي
تميم : لو في اي نقاش لو سمحتي اجليه بليل انا عندي شغل ومتاخر
سعاد: بليل امتي بترجعلي وش الفجر
تميم : هحاول ارجعلك بدري بس ياريت كلامك ميكونش تدخل في حياتي
سعاد: انت ابني وحياتك نهمني واكتر حديخاف عليكم ومصلحتكم انا يا تميم
تميم بنظرة غاضبة : ملوش لزوم الكلام لان الي حضرتك عملتيه ميخصناش كلنا يخصني انا بس ولانك امي انا ساكت وللاسف معملتش رد فعل
سعاد : طيب خد عربيتك بلاش الاسكوتر بخاف عليك
تميم : محدش بيشوف اكتر من قدره عن اذنك
وانصرف وجلست سعاد بحزن وتردد بين نفسها انا السبب ان ابني يبعد عني كدا معلش مسيرك هتعرف ان دا قلب الام يا تميم ومصلحتك هي هدفي
.....................
ركب تميم دراجته الناريه وذهب الي المطعم وفي الطريق حدثت مفاجاه
يلا يا فنزاتي عاوزة تشجيع وخليكم معايا
- يتبع الفصل التالي اضغط على (رواية تيمو) اسم الرواية