رواية الوجه الاخر للحلال الفصل العشرون 20
البارت العشرون ...
ذهب والد عطر اليها لتستقبله علي باب القصر لتاخذ منه الشيك وتعطيه الوصل.
ليهتف..... ايه يا عطر مش هتدخليني الدار اسلم عالخلج مش ابوكي لياك
لتهتف بسخريه.. ابويا مين.. انت اب انت.. لاه انت اب تعر ما هتتخلش اهنه واللي بينا مصلحه نعملها وبس.
ليبهت من كلامها وقوتها ليهتف غاضبا.... ماتختبربش صبري بدل ماغفلجها عليكي عادل مش سهل
لتضحك.. وبت عادل مش سهله بت عادل خدت شره وطلعته تاخد حجها من الدنيا لتكون فاكر اني هكش واخاف يا... لتصمت مش عارفه اجولك يا ايه اصل ابوي دي تضحك عالاخر.. اسمع مني بتك ماعدتش البت اللي تعرفها اللي تعرفها ماتت وراحت لحالها بتك بجت جويه وهتاخد من الدنيا وتكبش حرام بقه حلال اللي هتطوله هتاخده فعايز تخش معايا سكه وتستفاد ماشي عايز تلعب بديلك هجطعهولك اني جوزي مش راجل سهل ولو جولتله عليك ايه هيصدجني بس اجوله انك بتهددني وانك عايز فلوس تاني لتجتلني واني خايفه علي حالي ومش حاسه بالامان واخليه يجيب رجبتك في طبج ها ايه جولك.
ليبهت الرجل ويخاف منها فعيونها تطق شرارا.
ليهتف..هتجتلي ابوكي.
لتقترب وتنظر اليه.. واجطعك واحدفك في اوسخها مصرف ايه جولك.اوعي لتكون فاكر اني هكش عشان ال ايه ابويا. يا راجل يا ناجص دانت توب الرجال وصل لركبك واتعري فخادك بلا جهر وحزن اسود. انعدل يا عادل جدامي ولما تجف تجف زنهار بلا اب بلا يحزنون. مشي دنيتك بدل ما اخلي مالكش زفره في الدنيا
ليبهت خوفا.. لاه خلاص اللي تشوفيه.
لتضحك.... ايوه اكده تحترم حالك وتفكر ميت مره جبل ما تفكر ترازيني والا حته تتعوج عليا انت ليك المصلحه وليك الفلوس اللي دايما بتجري عليها زي الكلاب الصعرانه يبقي خلاص اكده اتفجنا وتركته وذهبت وهو مذهول من ذلك التحول الذي اخافه بشده.
***********
دخلت عطر المطبخ لتقف وتامر الخدم وتطلب لنفسها وزوجها اكل معين وتخرج لتقابل دراج في سكتها ليبتسم لها ويهتف كيفك يا عطر
لتهتف بتأفف... بخير يا ود عمي.
ليقول.... عمله ايه مع ايوب عارف ان ايوب دماغه ناشفه بس انت طيبه وابوي جلي علي كل حاجه ونتمني انك ترجعيه عن سكته
لتهتف ضاحكه.. سكه ايه اللي هيرجع منها يا ود عمي.
ليقطب جبينه.. سكه تجارته يا عطر مش اتفجتي مع ابوي.
لتضحك..كت وكان وراح لحاله.. كت متفجه بس رجعت لعجلي.
ليبهت.. بتجولي ايه رجعتي لعجلك يعني راضيه بالحرام يا عطر.
لتهتف ساخطه.. بطلو تجولو حرام دي.. كت عايز ايه هاه جوزي يروح مني وتاجي بت عمه تاخده مني عايزني اجعد مجهوره ولا اعملش حاجه واتاخد واتجاب يذل فيا ويمرط نفسي واسكت. حلال ايه اللي امسك فيه ده ويعمل فيا اكده حلال ايه اللي يخليني مرمطه وكناسه تحت رجل جوزي وهو رايدني بطريجه واحده لو ماخدهاش هيرميني يبقي لاه ارجع لعجلي واخد جوزي ولا حد يجرب منه ايوب خلاص ماهسيبهوش لحد واصل ويعمل ما بده وانا هديله. كيف ما يريد ونجفل علي جصه الحلال دي
لينظر اليها دراج غير مصدقا ليهتف.. تجفلي علي جصه الحلال صوح وتعيشي وتنغمسي في الحرام لاجل راجلك وتنسي رب العباد .. طب راجلك ده لما تجابلي ربنا هيفز منك ويجولك ماعرفكيش وهيتبرا من وحلتك. هتجيبي نسل عيال يتاجر في الاثار ويجي نسل تاني يكبر ويتاجر في السلاح واللي مايشبعش من التنين يجلبوها مخدرات مش اكده.. نسل الخراب جاي من نسل عطر وايوب هتعودو عيالكو عالحرام واللي يتعود عالحرام بيشوفو عادي وتاخدي ذنبهم. يا خساره يا عطر.
لتهتف بغل.. بطل تجولي اكده بطل مامستحملاش كلامك ده.
ليهتف .. كلامي ده جواكي واتربيتي عليه كلامي ده اللي هيجعد في اخرتك كلامي ده اللي ربنا ماعايزش غيره.. اخترتي العبد و سيبتي الرب اخترتي ايوب بماله وحاله والحرام اللي منجوع فيه ومفكر انه عادي طالما مش مخدرات يبقي ماهواش حرام. اخترتي نفسك ودنيتك ما وعتيش انك ممكن تموتي بكره علي نيتك دي وربك هياخدك بيها..ساعتها ايوب هيتببرا منك وتجولي يا ريتني ارجع واتبرا من دنيته بس ربك ساعتها اعمالك هتاخديها حسره اوعي لحالك وارجعي عن الطريج ده.
لتصرخ.. وانت مالك بيا مالكش صالح وبعد عن طريجي عشان ما اذيكش يابن الناس.
ليرفع جبينه... هيا وصلت لاكده تاذيني عشان بجولك عالحلال.
لتصرخ... مش عايزاه ومالكش صالح وخليلك كلامك ده اللي يحرج الدم وتاني مالكش صالك وماهسمحش لحد يرجعني عن الطريق اللي همشي فيه. جوزي و َاني وبس وماحدش يجرب منينا. حرام وماله بس حياتي تنعدل.
ليهتف.. لاه يا بت الناس دا هتخرب واني مش شيطان عشان اسكت عن كلمه الحج ومستنيها تخرب علي دماغك وانت بتشربي الخرام يهري بطنك وتركها ورحل.
لتقف مشتعله لتصعد حجرتها لتمسك احد الفازات وترزعها في الارض لتصرخ اعمل ايه مالي ماني ست الناس اهوه وهاخد حجي حرام ايه. ماله هو يجلي ربنا ومش ربنا هاه ارجع تاني للعبط والهبل ارجع تاني لاه ماهيوحصلش ماهشفش ذل تاني مالك يا دراج اني بكرهك اكتر واحد في الدار دي منك لله جواتي بيغلي ودماغي بتهري سيبني سيبني اني ست الناس هو مش رايد الروح بالحلال هو جالها مش رايد روحي اللي بالحلال يبقي خلاص الروح دي تموت ولا تطلعش تاني الروح دي مفيش حد عايزها اني بس اللي الكل عايزني اني اللي هعرف اكبش من الدنيا واعيش متهنيه واخلي ايوب ده تحت يدي وتحت طوعي واكبر ولا حد يعرف يمسني بسؤ كفايه سنين الجهر اللي عشتها ال حلال ال.. عشت سنين الحلال خدت ايه الا الجهر والذل واخرتها اتاخد غصب وابوي ياخد فيا فلوس واتباع متهانه ويجولي ما ريدكيش اكده ورايح يجبلي بت عمه تجهرني.. لاه اني بقه هجهرهم كلهم واديني اهه بقيت ماحد يجدر عليا وايوب ده بتاعي اني اخطط وهو ينفذ يبقي علي اكده ونعيش بقه.وليك شوفه يا دراج يا تبعد عني لاهنهش جلبك. خليلك كلامك اللي بياكل جتتي خليهولك اني بكرهك بكرهك.
******
كانت ساره تجلس مع زينه ومعها ابنها لتهتف زينه المحروجه خدت الواد مني منها لله بس لاه ماهسيبهوش ياني يا هيا.
لتهتف ساره بطلي يا زينه عطر طيبه وبتدافع عن راجلها واي ست تجرب من راجلها تدافع عنه.
لترفع زينه حاجبيها لتهتف والله اكده بقيتي في صفها دلوك.. طب ياختي اشبعي بيها.. لتقوم وتتركها لتعاود وتهتف.. اه نسيت اجولك برضك خلي بالك من راجلك اللي بتاخد منك هو ممان ما هي فره في العيله وضحكت وتركتها ومشت لتقطب ساره وتشعر بالقلق وينهشها قلبها لتتسائل هو فيه ايه.. هيا بتجول ليه اكده جلبي مش مطمن اني خايفه.
لتقوم وتدخل حجرتها ليمر الوقت ويدخل عليها يحي لتقترب منه وتهتف يحي كنت عايزه اسالك حاجه.
ليهتف.... خير يا جلب يحي
لتهتف.. انت مخبي عليا حاجه
ليبهت ويتراجع لتحس به ليهتف مسرعا.. لاه هخبي ايه
لتهتف.. لاه مخبي واني حاسه انك مخبي عليا حاجه عفشه.
ليتنهد يا جلبي هخبي ايه بس مفيش.
لتندفع وتحتضنه.... ماعرفش خايفه ومرعوبه يحي اني بحبك وخايفه انت مخبي عليا ايه ماتوجعنيش الله يرضي عليك.
ليغمض عينه ويهمس..... اوجعك كيف بس دانت روحي لاه يا جلبي اطمني
لتبتعد وتنظر اليه بحب..... يعني ماهتوجعنيش خالص.
ليحس بقهر الدنيا ليهتف بنبره مرتعشه..... لاه يا جلبي ماهيوحصلش دانت روحي.. حد يوجع روحه..
لتحتضنه وتتنهد واني مصدجاك انت البصه في عيونك راحه طالما جولت هصدجك يا جلبي ماهو استحاله اللي يعشج اكده يوجع.. حجك عليا يا جلب ساره وقبلته وتركته وذهبت ليقف محصورا يحس بانه مجرم وانه طعنها في ظهرها ولكن العنفوان الصعيدي وحب العزوه والسند طغي علي كل شئ.
*********
دخل ايوب علي عطر الحجره في المساء ليجدها جالسه تتزين له لتقوم وتقترب منه.. انت جيت يا جلب عطور.
ليبتسم...... ايوه يا جلبي وجايبلك حاجه حلوه كمان ليخرج من جيبه صف من الاساور الذهبيه لتشهق عطر وتلمع عينها وتهتف.. دول ليا يا ايوب.
ليهتف..... ايوه ليكي.
لتخطفهم منه. وتحتضنه وتهتف.... جمال جوي ربنا يخليك ليا اني فرحانه جوي.
ليهتف بصدق.. بجد يا عطر فرحانه اني اني جايبلك حاجه
لتقول...... َمافرحش ليه راجلي ويجبلي ربنا يخليك.
ليتنهد لتقترب منه َلتهتف اني اتوحشتك جوي يا جلب عطور لتقبله وتهتف يلا غير وعملالك وكل هيعجبك بالجوي
لبهتف.. ايه مش هناكل تحت اياك
لتهتف.. لاه انهارده هتجعد معايا ادلعك واحب فيك وناكل وننبسط
ليدخل الي الحمام ويغير ملابسه ليخرج يجد صنيه من الطعام اعدت لعنايه ليهتف كل ده ليا كتير يا بت الناس.
لتقترب وتحتضنه وتملس علي جسده.. مش راجع تعبان يعني ما اخليش بالي منك عاد ليبتسم لها ويجلس لتجلس بجواره تلاطفه وتداعبه وتاكله وهو في حاله من التخبط بذلك التغير لينتهي من طعامه لتهتف جايبالك حاجه حلوه هتعجبك
ليهتف.... حاجه ايه دي.
لتقول حاجه جبتها من عالنت لحبيبي ولراجلي اللي ههننه واعيشه الف ليله وليله.
لتقبله وتهتف بس عايزه احددتك في حاجه الاول جبل ما اخليك تطير معايا كانت تتلمس شفتيه وقد جلست علي رجله وهو محاوطها
ليهتف..... عيوني رايده ايه واني انفذ
لتهتف.. وتملس علي جسده ليتنهد ويهتف طب ماتجولي هخلص في يدك اكده.
لتبتسم وتخرج من صدرها ورقه َتعطيها اياه.
ليقطب جبينه ويهتف.. ايه دي.
لتقول.... افتح وشوف.
ليفتحها ليجد الشيك الذي اعطاه لوالدها ليستعجب ايه ده جبتيه ازاي ده.
لتضحك....... مالكش صالح بقه جبتها ازاي المهم جبتها ليه.
ليقطب جبينه. طب جبتيها ليه
لتهتف.. للمصلحه
ليهتف مصلحه.. مصلحه ايه
لتقول.. اني عايزاك تاخد الفلوس دي مش دي مهري عايزاك تكبرهولي معاك اني سمعتك بتجول علي عمليه كبيره خدهم َمعاك ورجعهملي بالمكسب.
ليبهت قليلا وينظر اليها َو يهتف.. عايزه تتاجري معايا في الاثار يا عطر.
لتضحك..... ومالك مفزوع امده هو عيب َالا حرام يا راجلي عايزه اكسب ايه المشكله
ليهتف مستنكرا.. تكسبي هو انا كت حوشي عنك حاجه.
لتهتف.... لاه ماحوشتش بس اني رايده اخش معاك وابقي يدي بيدك واجف جنبك وتحكيلي علي كل حاجه ونخطط سوا
ليهتف.. نخطط سوا.. عطر انت عجلك اتخبطي عليه يعني كمان عايزه تتاجري معاي مش ده اللي كان حرام ولو علي رجبتك ما هتجربيش منه انت جرالك ايه.
لتهتف.. الله وانت زعلان ليه طيب مانت بتاجر فيه ليك حلو وليا وحش اياك لتقوم غاضبه وتهتف ايه ومارايدليش مكسب ليه انت بتاجر مع الناس هما احسن مني في ايه مش كت عايز مرتك تحب شغلك
ليصرخ فلم يعد يحتمل..... تحب ايوب مش شغل ايوب
لتقول..... وتفرج معاك ايه انت... اني عايزه ابقي جارك واعرف كل حاجه عشان لما نجيب عيال يخشو في تجارتنا وماحدش يجفلنا ونكبر مع بعض اني بعرف اخطط يا ايوب زين.
ليهتف ساخرا.. لا وكمان هتخططي دا ايه المرار ده انت اتلبستي والا انهبلتي اياك.
لتهتف متنهده وتقترب منه وتحاوطه بجسدها وتلتصق به ليتنهد فهذا كثير عليه.
لتهتف.... وانت بس ايه اللي يزعلك
ليهتف.. اللي يزعلني انك ماكتيش اكده وانك بتعملي حاجات مافهمهاش ماشي خفتي اروح من يدك بس اني ما طلبتش تتاجري في شغلي
لتقول.. بالعجل اكده مش احنا واحد يا جلبي.. مش انت بتاعي واني بتاعتك ليتنهد لتكمل.. مالك بس مش انت اللي طلبت اكده اكون ليك كيف ماتحب مش انت اللي جولت مش عايز روحك دي بتاعه الحلال وعايز جتتك اخدها واشبع مش انت اللي انجهرت لما حشت حالي وجومت مفزوع تصرخ وتجولي ما ريدكيش اكده ده طلبك عايز ايه انت هتهبلني. اني مره عايزه اريح راجلي وماتحاسيبش عليه. كنت و كان وماردتهاش يبقي تروح وياجي اللي تريده اعملك ايه اني تعبت واني بطلت رطي عن الحلال والحرام اهه ورايده اخش جوات حياتك كيف ما طلبت اذنبت اني في ايه انت جولت كلام واني نفذته بالحرف يا جلب عطور اعمل ايه تاني مش اني اللي طلبتها طلبت بت تحبك كيف مانت ولا تجولكش بتتاجر في ايه وحرام وحلال مش انت اللي عايز واحده ترضي بتجارتك وتنبسط بيها اني اهه راضيه ومبسوطه. وتوكلني وتجبلي من السما حته وافرح مش ده كلامك
كان كلامها حقيقي ولكن تغيرها يحرقه ويهري داخله... ليهتف وايه اللي بسطك فجاه لاه وعايزه كمان تتاجري
لتحتضنه وتقول عشان ماتروحش مني ما رايداش الا انت عشجاك بحالتك دي ورايداك الف مره لتتحسس جسده برغبه وتلتصق به.. ايوب انت حته من جلبي انت النفس اللي بتنفسه اني تحت يدك وبجولك اعمل فيا ما بدالك بس تكون راجلي وبتاعي رايده اعملك كل حاجه احبك واديك حالي واجف جنبك في تجارتك واجبلك عيال رايده ادخلك جواتي. لما وعيتك رايح لزينه جلبي انهري هستفاد ايه لما اجف ليك زامرر عيشتك غير اخرتها تجبلي مره تجهرني اهو كيف ما طلبت يا جلبي تجول لاه مش ده اللي طلبته ليشتعل من لمساتها لتدفعه بخبث وتهتف.. يبقي لو مش رايدني جول واني اجفل علي حالي واهملك ولا تنجهرش اكده لتتركه وتبتعد.
ليندفع ويشدها ليهتف استني بس راحه فين بتجولي ايه اني بس متلخبط وكلامك خربطلي دماغي
لتهتف.. طب اني عملت اللي جولت ليا عليه تزعل ليه بقه.
ليتنهد.. طب يا عطر هعملك اللي رايداه.
لتصرخ وتحتضنه ليهز راسه بغلب فهيا سعيده بشئ هربت منه قبل ذلك عليه
لتهتف... خلاص هتاخد الفلوس وترجعهم اد يه.
ليهتف... الضعف يا عطر هرجعهملك الضعف.
لتحضر احد الاوراق لتهتف... طب اكتب اكده.
ليقطب جبينه.... بتجولي ايه عايزه تكتبي عليا وصل يا عطر
لتتنهد ايه مش شغل ده.. اني دلَوك بديك فلوس شغل ومن هنا ورايح التجاره حجي وحجك
ليهتف مبهوتا.. انت مش مأمنتلي يا عطر
لتضحك وتهتف وايه اللي جاب الكلام ده دلوك ده شغل انت لما بتدي حد فلوس مابتاخدش ورج
ليهتف... بس اني مش حد اني زوجك.
لتهتف.. وماله بس ليك اهل وليك ورثه لو حوصل حاجه حجي هيروح
لينصعق من كلامها.. ورثه.. ورثه.. انت بتفكري لما اموت هتاخدي ايه
لتهتف.. بعد الشر يا جلب عطور بس الحج حج واننا نكتب نضمن حجنا حاجه ماتزعلش و لاانت ناويلي علي حاجه عفشه.
ليظل واقفا متصنما لا ينطق فالضربات تنهال عليه منها تلو الاخري.
ليبتلع ريقه ويهتف..... لاه يا عطر مانولكيش علي حاجه عفشه وحاضر يا بت الناس هكتبلك حاضر ليمسك الورق ويكتب علي نفسه وصلا لتبتسم هيا وتاخذ الوصل ليظل يراقبها كانت عيونها غريبه تلمع بشكل غير عادي تعجب اين ذهب ذلك البريق الحالم الذي اشتاق له كانت هيئتها منتشيه وتنظر الي الشيك بسعاده وفخر كانها حققت نصرا لتاخذه وتضعه مع الدهب وتضعهم في احد الاكياس وتذهب بهم الي اعلي الدولاب وتضعهم به.
ليهتف مستغربا انت بتحدفيهم في الخزانا ليه مش هتلبسي الدهبات.
لتضحك... لاه البس ايه ويشوفوني تحت ويحسدوني لاه اخاف عليك يا جلبي اصحك تتكلم فيهم تاني ولا حد يوعالهم دول للزمن. ليتنهد ويهتف... طب يا عطر اللي تشوفيه. لتهتف طب ما سالتنيش عالحاجه الحلوه اللي محضرهالك
ليهتف... حلوه عن اكده دا كده كتير عليا دلع وحب وهنا ما عارفش اجولك ايه
لتلتصق به وتهتف... تجولي انك هتفضل ليا وبس تفضل لعطور وبس عطور الي جبلت اللي ماجبلتوش جبل سابج اللي جدرت علي روحها لاجل ماتبعدش. تحب عطور وتعشجها
ليهتف.. انت بجيتي واعره جوي ماخابرش كت مخبيه ده كله فين.
لتقول.. كان متخبي وطلع ياخد الحج ويرجعه لاصحابه يابن الناس لتقترب وتقبل شفتيه.. انت حجي انا حج عطور ولو حد خدك مني اموته.
لتبتعد وتهتف اجعد بقه اكده سيد الناس واني هسهرك سهره تاخد العجل هعملك الف ليله وليله تنحاكي كل يوم عن واحده. ليتنهد ويجلس منتظرها ومشاعره تطحن بعضها ما بين سعيد ومتحير
لتدخل هيا الي الحمام وتلبس ما اعدت وتقف امام المرأه لتلمع عينها بخبث.. هتبقي تحت طوعي عجينه في يدي اعمل ما بدالي واخرتها اني اللي هبقي ست الناس بعد ما كت مرمطون زمنك يا عطور اكبشي وخدي واعلي دنيا ايوب اتفتحتلك ولا هترجعيش تاني للذل ايوه اعمليلهم جويه كلهم. اللي يعمل لنفسه جيمه وهيبه ما ينداسش. .
لتخرج اليه ليشتعل ليهتف.. لاه كتير عليا اكده هو فيه ايه ليهب و..
احسن احسن 😂😂😂😂مش جولت مش عايز اشرب بقه 😂 😂 😂 😂
تعلقات يا حبايب هو فيه ايه يا حزنك يا حزين 😂😂😂😂.
•تابع الفصل التالي "رواية الوجه الاخر للحلال" اضغط على اسم الرواية