رواية المتمردة و الثعلب الفصل العشرون 20 - بقلم كتابات ولائيات
1 : ايه الدوشه دي في ايه هناك
..: بيقولو حد غرق في البسين والفندق مقلوب
مهرولا لانقاذ الشخص الي غرق في البسين
ادهم : هاتوها هنا بسرعه
ديفيد : حضرتك دكتور
ادهم : ايوة ممكن توسعو علشان اقدر اشوف المريضه وقام ببعض الاسعافات ليها
وبدات تفيق وردد ادهم تمام واضح ان ضغطها انخفض مرة واحده
رامي: ايه الي حصل مستر سمير مالها سينا
ميار : كنا بنعوم انا وهي وفجاه اغمي عليها في المياه لولا دكتور
رامي: بشكرك دكتور طمني هي اخبارها ايه
ادهم : ضغطها غالبا انخفض انا عملت لها اسعافات ودي ادويه محتاجاها واعتقد محتاجه راحة 24 ساعه وملاحظه حضرتك نزيل في الفندق
رامي : ايوة انا كنان ودي خطيبتي واحنا هنا في شغل
ادهم : انا سويت 305 لو احتاجت اي حاجه شرفني انا تحت امرك بس انصحك تاخدو بالكم منها
ميار انا مش هسيبها يا دكتور شكرا
رامي : انا في السويت الي جنبك دكتور اشكرك
ادهم : لا ابدا لا شكر علي واجب دا وجبي
ديفيد : لولا الاستاذ مكنتش اعرف ايه حصل
كنان : انا هنقلها السويت عندي علشان اخد بالي منها وارجو تقبل شكري
مروان : لا شكر علي واجب ابدا تحب اساعدك
رامي : اشكرك علي تعبك
ميار : سينا بقيتي كويسه
ريناد : افضل كتير شكرا
رامي : تعالي اسندك نروح السويت ترتاحي
ريناد : خليك ميار هتساعدني وشويه وهتيجي المساعده بتاعتي
رامي : هترتاحي في السويت بتاعي ولو مريضه كتير نروح المشفي نطمن ونظر
لاحد الحراس خد كارت السويت بتاعي افتحو ومتدخلش سيبها ترتاح
ادهم : مش محتاجه هي بس تاكل وترتاح وهتكون بخير
رامي :احب اتعرف عليك دكتور و اشكرك دكتور ازعجناك
ادهم : دكتور نعمان راجي انا دكتور تجميل بس طبعا بسهوله اقدر اساعد في الحاجات البسيطه دي وانا بعد الغدا لو تسمحلي اطمن عليها
رامي: اكيد ولو تسمحلي تتعشي معانا اليوم
وانت مستر :
مروان : مروان رسام وفي اجازة هنا الف سلامه للانسه استاذن
رامي: لو تقبل شكري وعزومتي علي العشا اليوم انت انقذت حياة اغلي حد عندي سينا خطيبتي و
ديفيد: الف سلامه عليها لو تسمحو العزومه دي تكون مني انا بعد اذن مستر كنان وتكون علي شرف توقيع العقد مع سينا ودا اقل واجب اعمله وانا ممتن ان تنضم لينا مصممة ازياء الشهيره سينا منير
رامي: مستر سمير وانا قبلت العزومه وارجو من الدكتور ومستر مروان ان ينضمو لينا لو مفيهاش ازعاج
ادهم : انا معنديش مشكله بس نطمن علي الانسه اولا
مروان ياريت بس انا مشغول جدا
ديفيد : لاء دا انت انقذت نجمتنا مش هقب اي اعذار
………………..
عبير : ايوه يا كاريمان هناجل اخوكي عاوز يحضر علشان كمان خطوبه عائش
كاريمان : طيب ما تعملو خطوبه علي الضيق كدا يكون في حاجه رسمي وكتب الكتاب بقي لما اخوكي يرجع
عبير : والله معتز كان لسه بيقول كدا بس خايفه اخوكي يزعل
كاريمان : يزعل ايه يب انا هخلي مهاب يكلمه انتي عارفه بيحترم رايه ازاي
عبير: لو كدا اجهزي ننزل نجيب الشبكه
كاريمان : شبكه مين الي هننزل نجيبها
عبير : الله شبكه معتز يا كوكي انتي نسيتي
كاريمان : عبير انا ولا هنزل ولا اروح ولا اجي الشبكه دي تخص العروسه انا انزل ليه
عبير : الله مش معتز زي ابنك
كاريمان: ولو ابني انا مكنتش هنزل هو ينزل مع عروسته ينقي الي هي عاوزاه
عبير : وانتي عاوزاها تستفرد بيه يا كوكي
كاريمان : لاء بلاش شغل حموات يا عبير متخليش حبك لابنك ينسيكي حماتك كانت عامله فيكي ايه سيبيه لو هو طلب منك واصر روحي بس انا شايفه تكسبي البنت من الاول وتديها مساحتها الخاصه
عبير : تفتكري يا كوكي
كاريمان : دا الي المفروض يا بيرو وانتي مفيش اطيب ولا احن من قلبك
عبير : انتي عندك حق يا قلب اختك شكرا اننا بنعين بعض دايما علي سعادة ولادنا
كاريمان : عيب يا بيرو احنا حته من بعض يلا انا هروح بقي اشوف مهاب اتاخر ليه
عبير : ايوة بقي الحب الحب
كاريمان : طيب يا اختي روحي وهنكمل تاني سلام
………………………………………….
ميار : خضتينا عليكي انسه سينا
ريناد : اعذريني واضح اني مكلتش واتخبط في سور البسين اشكرك علي مساعدتك
ميار : ارتاحي ومتتعبيش نفسك خالص
ريناد انا هغسل وشي حاسه ان محتاجه افوق استاذنك
ميار : اه اتفضلي لو محتاجه مساعده
ريناد: متتعبيش نفسك انا بقيت افضل بس لو ممكن تتصلي بيهم يبعتو عصير تفاح واستاذنك شوفي تشربي ايه واطلبيه
ميار : اه طبعا
ميار استغلت دخول ريناد الحمام واخرجت من حقيبتها مايك صغير ووضعته في الانتريه طبعا تحت مراقبه من الشرطه واتصلت وطلبت عصير
ريناد: انا سعيده بصحبتك دي
ميار : مش هتدخلي ترتاحي زي دكتور ما قال
ريناد: انا كدا تمام
ميار : بس دكتور قال محتاجه ترتاحي ادخلي وانا هجيب العصير واجي معاكي
ريناد دخلت الغرفه الملحقة بالجناح ( الجناح بيكون غرفتين غرفه صغيره وغرفه ماستر وانتريه او صاله )
ووضعت ميار حبه منوم ل ريناد في العصير ودخلت لتجلس بجوارها
محمود : يا بنت ال ……. (مراقبه الكاميرات مسؤليه محمود وسيف والبنات مع اي تعليمات اخري )
وارسل اشاره ل رامي الذي توجهه للجناح
رامي : رامي مسرعا : سينا حبي انتي كويسه طمنيني عليكي متعرفيش انا اتخضيت عليكي ازاي
ميار : طيب انا استاذن انا هنتظر بره ومش همشي الا لما اطمن عليها
رامي: انسه ميار تعبتك حبيبتي اشكرك علي وقفتك جنب سينا
ونظر ايه دا عصير يا سينا مش قبل ما تاكلي انتي مسمعتيش كلام دكتور واخرج العصير بالخارج واتصل بالريسبشن يطلب وجبه خفيفه
ريناد: انا حقيقي تعبانه مش هقدر اكل
رامي : ارتاحي وهتاكلي
وخرج الي ميار : انهارده في عزومه عشا اكيد هتحضريها
ميار : عزومه
رامي: مستر ديفيد عزمنا وعزم الطبيب والرسام الي ساعدو سينا وهنمضي العقود طبعا بعد ما عدل البنود الي طلبناها
ميار : يبقي اكيد هكون موجوده استاذن انا ارتب نفسي
دخل رامي ل سينا بقيتي احسن
ريناد : ايوة بس البنت دي هي الي خبطتني في البسين علي فكره
رامي : المهم اننا استغلينا الموقف وادهم هيكون معانا وخلي بالك في بره مايك هي زرعته بس هنتصرف ونشيله
ريناد : ساره هتيجي امتي
رامي : ساعه وتكون وصلت مع مهند
ريناد انا لازم ارجع غرفتي
رامي : خلي بالك من نفسك وخلي بالك من الرسام لسه مش كل المعلومات جهزت عنه خليكي حريصه
ريناد : ملاحظه قرب ميار منك واضح انها مخططه تبعدك
رامي : اه ملاحظ كدا بس لازم اقفل عليها الخطة دي لان لو انساقنا معاهم هكون مضطر بعض الاحيان اسيبك وانا مش هينفع اسيبك
هروح افتح الباب
ادهم : انا وضع رامي يده علي فمه واخبره بالمايك
انا جاي اطمن علي المريضه
رامي : دكتور اشكرك اتفضل هي في الغرفه دي
ادهم : ايه الاخبار
رامي : ميار الي خبطتها في البسين استغلت انشغالي مع سمير وواضح ان شكوكنا في الرسام صح
ادهم : كدامش لازم تسيب ريناد نهائي لانهم عاوزين يستفردو بيها وجودك ووجودي ك صديق بعد انقاذها طبعا ومهند ك مسؤل الشركه للحراسات وسارة مساعده دا مش لازم يتغيير
ريناد : متخافوش انا هعرف اتصرف معاهم
ادهم : الموضوع اكبر مما تتخيلي لو اتكشفتي في ثواني حياتك هتنتهي لازم نفضل كلنا مع بعض
رامي : متقلقش مش هسيبها مهما كلفني الامر يا ادهم
ادهم : مسيو كنان بهنيك علي اختيارك وابتسم وخرج
وهو يتحدث مسيو كنان هي بقت افضل كتير مفيش قلق واضح انك بتحبها كتير
رامي : دكتور اشكرك علي مساعدك وارجو تقبل اننا نكون اصدقاء
ادهم : شرف ليا استاذنك ودا رقمي اي وقت
رامي : هنتقابل علي العشا المطعم هنا قريب مش بعيد
ادهم : هكون هناك في الموعد عندي جوله اخلصها وهقابلكم استاذن انا
رامي: اتفضل واغلق الباب خلفه وجلس يفكر في تطور اللحداث السريع دا
…………………
ادهم : محمود المايك فين بالضبط
محمود : تحت تربيزه الجانبيه
ادهم في محاوله كدا هنعملها عاوز حوض سمك
محمود : تمام بس بتفكر في ايه اكيد مايك ضد المياه
ادهم : لاء الموضوع مش انه يخرب اننا هنتخلص من التربيزه كلها
هات بس حوض السمك
محمود : تمام . في حاجه يا ادهم انت عارف اني لازم اعمل تقرير للاداره يومي هكون مضطر اكتب فيه الي حصل
ادهم : اكيد يا محمود لان ريناد متهورة فلازم تكون في تعليمات اعلي مننا تمشي عليها ارفق في التقرير ان البنت هي الي خبطتها متعمده
محمود : ايه متعمده تخبطها كدا دي عارفه بتعمل ايه
ادهم ايوة وفي تحليل للعصير علشان نعرف اضافت فيه ايه ل ريناد وتحريات عن الشخص الي انقذها بليل هتكون النتايج معانا تابعني لو في جديد
محمود : وانت تابعني كويس باي جديد ربنا معانا ان شاء الله
ادهم : ان شاء الله
واغلق الاتصال هما ليهم شبكه اتصالات علي اجهزتهم
……………………
ساره : انا جاهزة يا فندم
مهند : ساره انتي مساعده ل سينا منير واسمك ميريت فوزي تمام ودي اوراقك وانا ماجد نجيب شركه حورس للحراسات
سارة : فاهمه يا فندم ربنا معانا
مهند : ايوة يا محمود ايوة ساره معايا ايه طيب تمام
والتفت الي ساره : ريناد وقعت في البسين بس بليل في عشا عمل هتظهري معاها فيه خلي بالك كويس من تصرفاتك
ساره : تمام يا فندم
مهند: ساره اختيارك انتي تحديدا لان انتي شخصيه قويه ومتدربه كويس مش عاوز توتر خالص
سارة تمام يا فندم
مارك : برافو عليكي ميار كدا تمام جدا
ميار : بس كنان واضح انه فعلا بيحبها مش مصالح
مارك : بس انتي ادها
ميار : مستر مارك دا مسبهاش حتي تشرب عصير خايف عليها غرفته مرتبه بنظام شديد جدا بالرغم من انه مرح اوي الا انه حرفيا كان هيموت من القلق عليها عنيه كانت مرعوبه
مارك: مهمتك مش مسحيله حتي لو صعبه المهم لازم تقربي منه والباقي علينا
ميار : تمام مستر مارك
……………..اميره : ايوه يا فندم طلبتني
ديفيد : قعدي يا اميره
اميره انا حقيقي بحبك وعاوز ارتبط بيكي بجد
اميره : مستر سمير حضرتك كلمتني وانا بفكر بس في حاجه غامضه حاسه اني مش فاهماها
ديفيد : انا عرفتك عليهم انك خطبيبتي وانا فعلا عاوزك
اميره : ممكن تديني وقتي ارجوك انا مش مستعده حاليا للزواج ثم اني يتيمه ومليش حد
ديفيد: انا كمان مليش حد زيك بصي احنا هنعمل خطوبه فقط وخدي وقتك براحتك خالص بس انهارده عاوز البسك خاتم الخطوبه وتحضري معايا
اميره : لو كدا انا موافقه
ديفيد: انا اسعد حد بالخبر دا يلا يدوب تستعدي عندنا عشا عمل بليل وهنلبس الخميس خاتم الخطوبه في حفله صغيره
هتلاقي عندك كمان ساعه كل حاجه هتحتاجيها
اميره : مستر سمير
ديفيدك اول مره اشوف واحده تقول ل خطيبها مستر اه ملكيش دعوة ب كنان صفوان انا بغير جدا علي فكره يا قلبي مفهوم
اميره : مفهوم سمير وانصرفت مسرعه
……………………
في المساء حضر الجميع في جو لطيف كل يراقب الاخر ومن يحاول ان يتقرب من الاخر
سمير : الخميس الجاي انا بعزمكم علي خطوبتي انا واميره
ريناد : بجد مبروك فستانها هديه مني ليها
اميره : بجد شكرا
ريناد : علي ايه دا اقل حاجه لعروسه مميزه زيك
مروان : وانا الي اقدر عليه ارسمكم
ميار : ايه رايك مستر مروان تنضم لينا بنحتاج رسام لشغل كتير
مروان : بجد ياريت بس انا مقدرش اقعد هنا كتير
ديفيد : لاء احنا الشغل دا هو شهر ونص فقط
مروان : لو كدا انا موافق
كنان : ادي العقود بعد توقيع مستر سمير وكل التصميمات هتكون جاهزة والتنفيذ هيكون اول ما تستقرو علي الاشخاص علشان المقاسات والالوان
ريناد: اشكرك علي ثقتك فينا سمير اننا المنفذ الوحيد لملابس المسابقه
ادهم: انا بقي مش فاهم حاجه وسعيد بيكم استاذن انا
كنان : ازاي يا دكتور دا حضرتك وجود مهم انت انقذت لي اهم حد في حياتي شريكتها المستقبليه
ادهم : ربنا يخليكم ل بعض
ميار : مستر كنان انت وعدتني تعلمني البرنامج الي بتعمل بيه الفديوهات
رامي: اكيد هعلمك بس تكون سينا فاضيه علشان تكون موجوده احسن عقلها يروح بعيد وخصوصا انك جميله وطلتك تخطف
ريناد : اوه كنان مش ممكن عليك البنت فعلا جميله بس انت بتكسفها
ميار كنان علطول كدا ارجوكي اعذريه
ديفيد: مستر كنان محتاج يعلمنا
اميره ك يعلمك ايه سمير
ديفيد بمرح : برنامج الفديوهات حبيبتي طبعا ولا انتي مخك راح بعيد
ريناد : انت الي جبته لنفسك
ادهم : انا مضطر استاذن لان بنام بدري
ريناد : لسه بدري دكتور انا ملحقتش اسالك عن التجميل
ادهم : تسالي عن ايه يا انسه سينا هو في اجمل من كدا حقيقي انتي لوحه
مروان : علشان تعذرني اني عاوز ارسمها
رامي : بغضب اعتقد كفايه غزل في سينا علشان انا مش هقبل كدا
ريناد : ارجوك كنان حابه اترسم ارجوك وافق
رامي : هفكر
……………………………..
في الفندق دخلت ريناد جناحها الخاص ومعها ساره
بعد قليل فتحت ساره
رامي : فين ريناد
سارة : اتفضل يا فندم ادخل
ريناد : فتحت ريناد باب غرفتها وقبل ما تخرج بره وجدت رامي نظرت بعدم فهم له
رامي خير في حاجه
رامي : يعني ايه عاوزه تترسمي مش كفايه معاكساته ليكي فوقي يا سيدة الرائد انت ريناد مهاب مش سينا صفوان يعني ضابط شرطه وفي مهمه مش جايين هنا علشان رسام تقعدي قصاده بالساعات يبص ليكي و يتغزل فيكي وتركها وهو منفع وانصرف
ريناد : انفجرت في الضحك
ميعرفش يقعد ابدا من غير ما ينكد علي الي حواليه
سارة ابتسمت بس اتمني منرجعش لردودك يا فندم لان مش وقته
ريناد: متقلقيش يا سارة ردي عليه هيكون مجمع بعد ما نخلص
انا وعدت بابي انه هيكون فخور بيا مهما حصل
ساره : الي عنده حد زي سيادتك يا فندم هيكون فخور بيه
ريناد : اشكرك ساره متنسيش نجهز فستان اميره
ساره لاء خالص مش هنسي
ريناد : تصبحي علي خير
………………
مراد : مفيش اخبار عن رامي
مي اخت رامي : ماما بتقول في مهمة وانت عارف شغله
مراد : اه ربنا معاه بس انا كنت عاوز اعرف مين الي كانت معاه دي
مي : هي حلوة يا مراد
مراد : حلوة دي قمر يا مي مفيهاش غلطه
مي : يعني هي احلي ولا انا
مراد : دا كلام برضه يا دكتوره هي طبعا
مي وهي تمسك بالسكينه : طيب يا مراد انا هتعلم فيك فن التشريح ومش هتفلت مني
مراد : ادي اخرة الي يتجوز جزاره
مي بتقول ايه يا بتاع الدبش انت
مراد : اهو انتي اعترفتي بتاع دبش شغلي بهت عليا اهدي بقي بقول اجمل جراحه في الدنيا دي ولا ايه
مي : برضه مش هتفلت مني
مراد: يا خالتي الحقي بنك هتشفيني مكنش يومك يا مراد
……………………………….
سيف : الصوت مش واضح بس شكلها خناقه
محمود: يارب ميولعوش في بعض دلوقتي مفروض انه بيحبها ورومانسيه وبتاع
سيف : رومانسيه ورامي باشا ورائد ريناد يب ازاي
محمود: الخطه كدا ربنا ستر الاتنين هيقطعو بعض
ورن تليفون محمود
محمود: سيف كمل انت وانا هشوف التعليات وراجع تاني
سيف : اتفضل يا باشا
……………………
بعد ان انهي الاتصال مع الاداره
محمود: الو مهند
مهند : ها محمود بتتصل في الوقت المتاخر دا اكيد في جديد
محمود: اه فيه …………..
مهند : اعتدل سريعا وقال له ايه بتقول ايه
محمود: الي سمعته
مهند : يا نهار اسود طيب ازاي هنبلغهم
- يتبع الفصل التالي اضغط على ( رواية المتمردة و الثعلب) اسم الرواية