رواية حب غير مشروط الفصل الواحد و العشرون 21 - بقلم لولا

    

 رواية حب غير مشروط  الفصل الواحد و العشرون 21 -  بقلم لولا

 ادم بصدمه نعمممم ده اللي هو ازاي

منه كانت هتقع من صدمتها واكملت بدموع وتقطع ااا ادم ازاي يعني انتي .. انتي اكيد بتخرفي

ادم بصلها واكمل بعصبيه لا والله وانتي اصلا بتفكري في الكلام انتي اتجننتي يا منه

منه بدموع انا اسفه يا حبيبي بس اديك سمعت بتقولك ادم

ادم بص لجيسي واكمل بحده يابنتي ركزي انتي التانيه انا ابو ابنك انااا ??

جيسي بستغراب وهي بتمسح دموعها اكملت لا مش انت بقولك ادم يا دكتور … ادم مش انت

منه بعصبيه بت انتي ايه الكلام اللي بتقوليه ده ياتعرفينا مين هو بلذوق ياهقول لبابا يعرفه بمعرفته كلامك مش منطقي خالص ايه كل الحورات دي

ادم بص لمنه بحده فسكتت وبصت في الارض ادم نفخ واكمل بتنهيده استفغرالله العظيم يارب ومسك ايديها واكمل بصي يا جيسي يا حبيبتي كده في حاجه انتي مش فهماها انا اللي ادم حبيب اختك انا دكتور ادم سليم هو هو اللي منه بتحبه ازاي بتقولي انه حبيبها ادم اللي عمل فيكي كده مع انه انا حبيبها ادم وانتي بتقوليلي مش انت … فاهمه حاجه انتي ولا توهتي مني ولا ايه حكايتك. ???

جيسي بصدمه ودموع انت ادم !!!!

ادم بحزن اه انا يبقي من الواضح انك كنتي فاهمه غلط خالص

جيسي بدموع ازاي اومال مين الكلب اللي عمل فيا كده ده وازاي بشوفه مع منه

ادم بص لمنه واكمل بهدوء مخيف ردي يا هانم مين بقي اللي بتقفي معاه غيري واختك شافتك معاه علشان انا علي حد علمي انك مش بتقفي تكلمي حد غريب

منه بتوتر من نظرته اكملت ادم انت بتصدقها دي بتخرف ما من شويه قالتلك انت اللي عملت كده

جيسي بدموع لا يا منه حتي انتي قولتيلي انه هو حبيبك لما قولتلك كان لابس اسود ساعتها انتي قولتيلي اه هو عرفتي منين قولتلك شوفتكم عند البوابه قولتيلي اه كنا رايحين لتاليا

منه بدموع طب ما ده كان فعلا ادم

جيسي بدموع لا والله مكنش ده خالص

ادم فضل يفكر واكمل في سره منه بتقف معاه / كان لابس اسود / عند بوابه الجامعه / يوم جواز عمر وتاليا وفضل يفكر شويه واكمل بصدمه معقوله

منه بدموع معقوله ايه عرفته

ادم بصدمه تقريبا وبص لجيسي واكمل بخوف لو وريتهولك هتعرفيه ??

جيسي بدموع طبعا لاني شوفته كتير

ادم اتصدم هنا واتاكد انه فعلا مالك من كلامها وفتح فونه وجاب صوره ليه هو ومالك سوا واكمل وهو بيغمض عنيه بوجع هو ده مش كده ??

جيسي اول ما شافته فضلت تعيط واكملت اه هو ده

منه بصدمه ووجع مااااالك

جيسي بعياط مالك مين وازاي اسمه كده

ادم بغضب بيحاول يسيطر عليه اكمل ده اخويا واكيد شوفتيه مع منه لانه بيقف يتكلم معاها كتير واليوم ده تحديدا فعلا وقف معاها حبه وكان لابس اسود بس وعهد الله هشرب من دمه

منه بعياط ادم ازاي مالك يعمل حاجه زي كده في جيسي انا مش قادره اصدق

ادم بعصبيه ما ده اللي هموت واعرفه ازاي دي لا طريقتنا ولا تربيتنا

جيسي بعياط انا مش عارفه اعمل ايه يا دكتور انا حياتي انهارت بسبب غلطه انا معملتهاش

ادم قعد قدامها ومسح دموعها فجيسي حضنته وفضلت تعيط ففضل يطبطب عليها واكمل بحزن ووجع ممكن متعيطيش اهدي انا هجيبلك حقك وحياه دموعك دي يا جيسي هجبلك حقك و حقك عليا انا ياحبيبتي مش معني انه اخويا هسكتله انتي معندكيش اخ ولد وانا دلوقتي اخوكي الكبير ومفيش اخ هيسكت عن حق اخته في الشرف بلذاات ووحياه ربنا لعلمه الادب

منه بدموع انا عمري ماتخيلت ان مالك يطلع زباله كده بجد انا مش قادره اصدق لحد دلوقتي

ادم كور ايديه بغضب واكمل منه انا رايح مشوار ثواني وجاي خليكي جمب اختك وتابعي المحلول لحد مايخلص

منه بقلق رايح فين

ادم بغضب مخفي هقولك لما ارجع

في بيت ادم

الباب بيخبط جامد

مالك ايوه ايوه جاي في ايه هو احنا واقفين ورا الباب

ساميه بقلق مين ده يا مالك اللي بيخبط بلطريقه دي كده

مالك هشوف اهو وبيفتح واكمل في ايه يا ادم ايه الطريقه دي

ادم ضربه بلبوكس وقعه بقوه فشهقت ساميه بخضه واكملت بخوف بس يا ادم بس ياا ادم سيب اخوك عمل ايه علشان تضربه كده سيبه

ادم مسكه قومه من هدومه وضربه بلقلم بقوه واكمل بعصبيه اوعي انتي دلوقتي يا ماما ايه اللي انت عملته ده يا حيواااان هااا رد عليااااااا

مالك بعصبيه ووجع ااااه يا عم انت جاي تضرب ومش راضي تفهمني وتقول عملت ايه هعرف منين انا يعني وحط ايده علي مكان الالم واكمل بوجع عملت ايه هاا عرفني

ادم.مسكه من قميصه جامد واكمل بعصبيه يا بجحتك ويااابرود اعصااابك حقيقي مشوفتش اوسخ من كده طبعا ما انت ولا علي بالك بلمصيبه اللي هببتها عليك اييييه انت اصلااااا

ساميه بدموع يابني حصل ايه ارجوك فهمني

ادم بعصبيه اسألي ابنك اسألي الدكتور المحترم اللي المفروض قدوه للشباب الطايشه بس تعرف ده غلطي انااا .. انا اللي غلطت. ومش هلوم حد غيري …. انا اللي دايما بقولهم سيبوه خلوه يروح الحته اللي تعجبه مالك مش صغير مالك متربي مالك احنا عارفينه مالك غير كل الشباب بتاعت اليومين دول مالك ده قدوه ومثال في الايام دي مالك لو شاف بنت متعريه يغطيها ويحط عينه في الارض مالك عمره مايغلط ابدا مالك ومالك وزفت لحد ما مره مع مره بتصدمني فيك اكتر وبتثبلي اني ابن ستين كلب اني واثقت فيك من اول السجاير لغايه دلوقتي

ساميه بصدمه سجاير! !!!! انت بتشرب سجااير يا مالك ده ابوك واخوك الكبير عمرهم ماعملوها

ادم بسخريه زعلانه علي السجاير اومال لو عرفتي البيه هبب ايه هتعملي ايه ???

مالك بحده الزفت انا بشربها لما اكون مخنوق اوي بس بطلت خلاص انما انت جاي تقول الغاز لو انا عملت حاجه صح تقولها علطول انما متتهمنيش بأي كلام وخلاص ماتقول علطول في ايه يا ادم

ادم بصله بدموع ووجع اكمل تعرف بتمني اكون كداب وابوس علي راسك دلوقتي واقولك حقك عليا بس انا عارف اني بقول الحقيقه وتنهد بوجع واكمل هو سؤال وهترد ب اه او لا مش هتناقش معاك في اي حاجه

مالك بتنهيده اتفضل

ادم بدموع ووجع غمض عنيه بألم واكمل انت فعلا عملت كده في جيسي ??

مالك فتح عنيه بصدمه كبيره واكمل بتوتر هو … هو …والله

ساميه بقلق مين دي يا ادم وعملها ايه

ادم بص لمالك واكمل بعصبيه كبيره انا قولت الرد بسس انطططق

مالك غمض عنيه بوجع ونزلت دموعه بصمت واكمل بصوت مخنوق اه عملت كده

ادم ضربه بلقلم بقوه لدرجه انه كان هيقع من قوته واكمل بعصبيه وبدموع وهو بيمسكه من قميصه انت زباااله ياااالا وحيواااان ومتستهلش ضفرها انت عارف ايه اللي حصل من ورا طيشك وغبائك ???? ها قولي عاارف بعدت بينها وبينك بحور واميال قد ايه ??? مفيش بنت بتنسي دي ابدااا يا مالك ابدااا ويا خساره عشرتي معاك وثقتنا فيك بجد وبصله بوجع واكمل بسخريه يا اخويا

مالك عنيه دمعت وبص في الارض بحرج وسكت

ساميه بخوف ادم اخوك عمل اايه يا ادم ارجوك يابني طمني في ايه لكل ده هو يعني ضايق البنت دي في حاجه

ادم بدموع ضايقها ?? ياريت ضايقها لا دي مصيبه بس وبصلها واكمل بعصبيه البيه ابنك بيحب جيسي اخت منه راح عمل ايه بقي راح اغتصبها

ساميه اتصدمت وكانت هتقع واكملت بصدمه ممزوجه بدموع عمل اييييه قولت ايييه يانهاااار اسود ومنيل يانهااارد اسود ابني انا يعمل كده

ادم بعصبيه قولت اللي سمعتيه اه ابنك عمل كده علشان ابنك كلب ورخيص وزيه زي اي واحد حيوان شمام مفكرش في غير انه عايز يرضي رغبته وبس وبعدين اتصدمتي اوي يا ماما لما عرفتي انه عمل كده اومال لو عرفتي ان مالك كبر خلاص ومش سجاير بس لا ده بعد 9 شهور من دلوقتي كمان هيبقي بابا مالك هتعملي ايه ???

مالك بصله بصدمه كبيره بدموع واكمل نعمم انت بتقول ايه يا ادم ???

ساميه شهقت وضربت علي صدرها واكملت بدموع وصراخ يالهوي يادي المصيبه يااادي المصيبه ايه يا حيوان اللي انت هببته دددده هااا رد عليااااا

مالك بوجع ودموع ادم بالله قولي انك بتهزر وغلاوه منه هي فعلا جيسي حامل ?

ادم بوجع ودموع كان نفسي بس انا كشفت عليها وحللتلها بنفسي وحامل والحمل ده بقاله اسبوعين وانا شوفتك قالب وشك قرب الايام دي لما روحت لذياد يعني تحديدا يوم ما بابا تعب انت عملت كده وده بيفسر شكلك لما شوفتك ساعتها وابتسم بسخريه واكمل ابوك يبقي بيموت واحنا مش عارفين نلحقه ازاي وانت تبقي وسكت ثواني واكمل بوجع اقول ايه بجد اقول ايه انت قله ااكلام معاك احسن انا حقيقي صدمتي فيك ميوفيهاش كلام وقعد وحط راسه بين ايديه واكمل بوجع ودموع عمري ماتخيلت ان اخويا اللي مربيه علي ايدي وقدامي يعمل كده في اي بنت ويكسر ثقتي فيه مبالك بحبيبته بقي .. ازاي يا مالك ازاي قدرت تعمل كده في جيسي دي غلبانه اوي وتحسها عيله صغيره البنت اترمت في حضني وفضلت تشكيلي وتقولي حياتي ادمرت وتعيط بهستريه انا حسيت باحساس عمري ماحسيته دموعها كانت بتنزل تقولي هاتلي حقي من اخوك اللي هو كان نفسي امسكك اقتلك ساعتها علشان اجبلها حقها انا كنت بكدب نفسي واحساسي وقلبي واقع في رجلي وانا بوريها صورتك وعلي قد ما كنت بتمني يكون انت علشان متتكسرش لما تعرف ان حد قربلها غيرك قولت اهو اهون علي مالك انه يكون هو وانا عارف مش هيسكت وهيصلح غلطه انما مش حد تاني لا دي تموته … يعني بردو فكرت في وجعك في وقت زي ده بس الغلبانه دي في كل الحالات اتكسرت واطفت وانت بكل وساخه تكسر ثقتي فيك وتخليني منظري زباله قدام منه واختها لا يا مالك لا بجد انا مش قادر اصدق

ساميه ضربته بلقلم بقوه واكملت بدموع وعصبيه انت ايه اللي انت عملته ده هاا انا من امتي مربيه عيالي انهم يعملوا كده من امتي بنعمل كده في بنااات الناس. من اامتي اصلا بنبص ولا نعاكس حد علشان توصل بيك الوساخه تعتدي عليها واكملت بانفعال ودموع وابوها لو عرف هيوديك في ستين دااهيه انت مش هتسد قدامه

ادم رفع راسه بستغراب واكمل هو انتي تعرفيه اصلا

ساميه اتوترت واكملت بحده ولا اعرفه ولا زفت بس ده اب بنته حامل من غير جواز حقه يعمل اللي عايزه ومش هنقدر نتكلم

ادم بتنهيده عندك حق مالك خسرها بللي عمله اصلا

مالك بدموع ووجع والله غصب عني وحياه مابقول ربنا يجعلها نصيبي غصب عني يا ادم

ادم بحده ليه اجبروك تعمل فيها كده قالولك اذيها ?? بص يا مالك انت اي كلام هتقوله مش هيبرر فعلتك قدامي فاسكت احسن علشان كل ماتتكلم بتقل في نظري اكتر

مالك بدموع ماما انتي عارفه ابنك انا مش بتاع كده وانت يا ادم عارف اخوك انا امتي حطيت عيني في عين بنت علشان اعتدي علي بنت وخصوصا جيسي ده جيسي دي حته من روحي يا ادم وانت عارف انا بحبها قد ايه ده انا بحميها دايما وقولتلك عايزها حلالي بص كل اللي حصل مش زي منتا فاهم والمصحف

ادم بعصبيه جيسي قالتلي انك اعتديت عليها وغصب عنها وانت قولت اه حصل فيها ايه تاني يتفهم هاااا رد علياااا

مالك بدموع انا هقولك اليوم ده كان فعلا يوم ما بابا كان في المستشفي وانا كنت في ااكافي بشرب قهوه كلعاده بس المره دي تعبت بعدها اوي وممكن تكلم ذياد وتساله وتتاكد من كلامي اساله شكلي كان ازاي ساعتها واللي انا توقعته بعدين لما فوقت انه تقريبا منشط او حاجه من دي اتحطتلي و جيه واحد قالي يا دكتور انسه منه عايزه حضرتك فوق في السكن

ادم بستغراب منه ??

مالك بدموع اه ما ده اللي هيجنني انا بقي فكرت ان انت متخانق معاها وانها جايه تشكيلي منك كعادتها يعني فطلعت وقعدت مكنش في حد قولت يمكن هتيجي دلوقتي فضلت مستني في الاوضه لحد ماجات قدامي جيسي وفضلت تقولي فين منه قولتلها منه مش هنا انا مستنيها المفروض وبعدين حسيت اني مش قادر اسيطر علي نفسي اكتر من كده فقولتلها امشي من هنا بسرعه يا جيسي بس ردها كان غريب اوي قالتلي ايه عايز منه انديهالك طيب قولتلها لا امشي انتي بسرعه وبعدين مش فاكر حاجه غير صحيت كانت هي جمبي في منظر بيشرح لوحده وفي دم علي السرير وحكاله الحوار اللي دار بينهم وضربه لحاتم

ساميه بدموع حتي لو انت مظلوم وكلامك صح هتتصرف ازاي ابوها مش هيوافق وبكره البت بطنها تكبر وابنك اللي في بطنها مالوش ذمب بكل العك ده

مالك بدموع قعد واكمل انا مش عارف اعمل ايه فعلا وجيسي مش طيقاني وايه حكايه منه دي اللي كانت عايزه تندها ليا مش فاهم هي للدرجه دي غبيه ومخدتش بالها اني بحبها كل ده

ادم بتنهيده حزينه لا مش غريبه لان هي فكرتك انا فطبيعي تقولك اناديلك منه لما شافتك تعبان

مالك بستغراب ازاي يعني فكرتني انت

ادم بتنهيده شافتكم عند البوابه بتتكلموا وبتهزروا فكرتك ادم حبيب اختها علشان كده جابتلك سيره منه

مالك بفهم ااه كده الصوره وضحت اتاريها قالتلي منه اتخدعت فيك وهعرفها والكلام ده وانا كنت مستغرب بس قولت يمكن علشان انا ومنه قريبين شويه

ادم بلظبط كده وتنهد واكمل بتفكير بس مين مين اللي عايز يعمل كده في منه ويوقعك انت وهي مع بعض وكور ايديه بغضب

مالك بتوتر ادم اهدي حتي لو كانت منه في الاوضه اكيد مكنتش هقربلها هو كل ده حصل انت عارف ليه واكمل بوجع لان دي جيسي وانت عارف انا بحبها قد ايه

ساميه بحسره حتي انت بتحب اختها يعيني علي عياالك الاتنين يا ساميه وفضلت تعيط

ادم استغرب كلامها بس كان تفكيره مشغول بمين عايز يعمل كده فمنه اكتر واكمل مالك قوم يلا

مالك بتوتر علي فين

ادم بحده قوم واخلص مش لازم تتطمن علي اللي مرميه في المستشفي دي و كله بسببك

مالك تنهد بحزن وقام يلبس

وساميه قعدت وحطت ايديها علي راسها بحزن

بعد شويه في المستشفي

منه بحزن حقك عليا عارفه اني برخم عليكي بس لازم تاكلي يا جيسي مينفعش .. اصل بصراحه انا بحس المحلول ملوش لازمه

جيسي باصه للفراع بوجع وساكته

منه بحزن جيسي طب ممكن تردي علي الاقل

جيسي ——

منه حاولت تخفف عنها فاكملت بمرح بصي انا جبتلك ايه اللحمه اللي بتحبيها وسلقتهالك وحطيت ملح وفلفل اسود وجيت هتضيعي تعبي ده كله ومش هتاكلي ??

جيسي ——

منه بصلتها وتنهدت بحزن وسكتت

ادم دخل هو ومالك فرفع عنيه شافها اتوجع علي منظرها فحط عنيه في الارض بحزن

منه بعصبيه انت ايه اللي جابك هنا يا حيوان هاا مش كفايه اللي انت عملته

ادم بحده ممكن مسمعش حسك تاني علشان انتي مبتفهميش اي حاجه وشغاله علو صوت من الصبح علي ده وعلي دي ومش مقدره 1% اني واقف

منه بدموع انا اسفه يا حبيبي بس شايف حاله جيسي .. جيسي مش راضيه تاكل ولا تتكلم وبصت لمالك بغل واكملت وكله من الحيوان ده

ادم بحده منه انا هفهمك بعدين ممكن تسكتي خالص

منه بحزن حاضر يا ادم

جيسي رفعت نظرها ليه لما شافته اكملت بعصبيه وعياط انت ايه اللي جابك هنا يا حيوان يازباله هاااا جاي تشمت فيااا ?? ولا جاي تقولي انك كسرتني ?? ولا جاي تقولي اتعلمتي الدرس كويس ?? هااا رد عليا قولي جاااي ليه وفضلت تعيط بهستريه وكانت قايمه من السرير

ادم راح ناحيتها ومسكها واكمل بخوف بس بس اهدي يا حبيبتي حقك عليا انا .. انا اللي جبته معايا ممكن تهدي وفضل يطبطب عليها ويهاديها لغايه ماهديت خالص في حضنه واكملت بدموع ليه يا ادم ليه جبته انا مش قادره اشوف وشه مش قادره. وفضلت تعيط بوجع

ادم باس راسها واكمل بوجع وحزن وهو بيطبطب عليها اهدي اهدي متخافيش انا معاكي ومش هسيبك انا هنا تبعك انتي وهنسي خالص انه اخويا .. انا اخوكي انتي وخليكي واثقه ان اللي حصل ده زي ماهو وجعك وجعني بلظبط بس اهدي واسمعيه يا حبيبتي ممكن ?

جيسي بوجع ودموع مش قادره كل ما اشوفه افتكر تفاصيل صعبه اوي مش قادره والله

ادم بوجع من اجلها اكمل طب هو سؤال هسالهولك وقولي الصراحه ومش هغصب عليكي تسمعيه بعدها اتفقنا

جيسي بدموع اتفضل

ادم بحزن هو كان واعي ولا لا لما عمل كده يعني كان طبيعي معاكي ?

جيسي بدموع طريقته كانت بتقول لا

ادم بحزن طب اهو اديكي قولتي وهو والله بيحبك وبيموت فيكي اسمعيه بس مره ممكن ?

جيسي بدموع تمام يا ادم

ادم مسح دموعها واكمل جدعه يا حبيبتي

وبص لمنه وشدها واكمل تعالي انتي عليكي لسان مترين عايز يتقص

منه بصت لمالك بقرف وطلعت مع ادم

مالك راح قعد قدامها واكمل بحزن بالغ وهو باصصلها سلامتك يا حبيبتي

جيسي بسخريه حبيبتك ??? هو انت لسه مصمم وبصتله واكملت بوجع ودموع خلاص انت كدبت كدبتين علشان تداري بيهم غلطتك انما هتفضل تقول كده صدقني هتقل من نظري اكتر

مالك بوجع والله وغلاوتك في قلبي ماحبيت في الدنيا غيرك

جيسي بصتله وهي بتلتمس الصدق في كلامه واكملت امتي حبيتني وازاي

مالك بتنهيده من زمان اوي من ساعه اول بوكيه ورد جالك في جامعتك بعد شهرين من بدايتك فيها

جيسي بصتله بصدمه واكملت انت اللي كنت بتبعت الورد كل يوم ?

مالك مسك ايديها باسها واكمل بحزن اه يا جيسي انا حبيتك اكتر من نفسي واتمنيتك كل يوم بس وغلاوتك في قلبي عمري ماتمنيت ابدا اوجعك بلشكل ده

جيسي بدموع ووجع وانا مش بحبك يا مالك ومش عايزاك ولا عايزه ابنك بكرهو

مالك اتصدم وقلبه واجعه اوي من كلامها واكمل للدرجه دي ??

جيسي بدموع وبحده واكتر من كده بكتير

مالك بوجع اممم طب انا تمام معقوله انما ابنك اللي لسه مجاش الدنيا ده ومالوش ذمب في اي حاجه عادي كده تكرهيه

جيسي بصتله واكملت بقسوه ووجع اه اكرهو علشان منك يا مالك اكرهو علشان كل ماهبصله واشوفه هفتكر اليوم اللي انت كسرتني فيه اكرهو علشان انت ابوه وده سبب كفايه اوي و اكرهو علشان هيفكرني بتفاصيل انا مش حباها .. الطفل ده جيه بطريقه غلط ومتمناش انه كان يجي

مالك قلبه وجعه من كلامها اوي ويقسم انه حس بكسره قلبه وسمع صوت وجعه ساعتها واكمل بهدوء عكس البركان اللي جواه يعني ده اخر كلام عندك يا جيسي

جيسي بحده ودموع ومعنديش غيره

مالك حط ايده علي بطنها واكمل بوجع وهو ماسك دموعه تمام انا هقول لادم يقول لاي دكتوره تجهضك دلوقتي مع ان ده صعب بنسبالي اوي وعنيه دمعت واكمل وعرفي ابوكي اني عايزك وهتقدملك وهتجوزك … بس بيني وبينك اهو بعرفك انا هتجوزك شهر واحد وحتي مش هاخدك بيتي خليكي عند ابوكي عادي لو عايزه وبعدها هطلقك وكده ابقي كتر خيري اوي وتعيشي رافعه راسك قدام اي حد لان مهما كان انتي مش اي حد يا جيسي انتي حته مني ومش هسمح لمخلوق مهما كان مين يجيب سيرتك بكلمه انا لو حد اتكلم عنك بكلمه وحشه ممكن انهيه من وش الدنيا بس مش معني كده اني اجبرك تعيشي مع حد انتي مش حباه حقيقي مقدرش اعملها مهما كنت بحبك

برا الاوضه

منه بصدمه انا مش قادره اصدق يعني مالك بيحب جيسي كل ده وحد قصد يوقعني انا معاه وجيسي فكرت مالك انت انا دماغي خلاص بجد

ادم بتنهيده عرفتي ان مالك مش كده ده ملعوب بس مين مش عارف مين مصلحته يعمل كده

منه بقلق بجد معرفش بس مفيش قرف بعد كده ليه يعني انا عملت ايه لاي حد

ادم خدها في حضنه واكمل بحب نحمد ربنا عدت علي خير ولو علي جيسي والله مالك بيموت فيها متقلقيش

منه بدموع يارب يا ادم بجد

ادم سمع صوت مالك بينده عليه فاكمل تعالي بينادي عليا

جوه الاوضه

ادم ايه يا مالك اتكلمتوا

مالك بحزن اااه و اانا قررت خلاص شوف حد يجهضها وهتجوزها شهر وكل حي يروح لحاله

منه بصت لادم واكملت بصدمه ايه ااكلام ده هو للدرجه دي بايع وتقولي بيحبها

ادم بتنهيده ده مش كلام اخويا مالك مش هيقول كده من فراغ لانه مش عايز كده ولا اي يا جيسي

جيسي اتصدمت من كلام مالك وخافت واكملت بتوتر بس انا مش .. مش عايزه انزل البيبي يا ادم

مالك بتنهيده حزينه وبعدهالك يابنت الناس اراضيكي ازاي مش قولتي كرهاني وكارهه ابني وكل ما تشوفيه هتفتكري حاجات تزعلك

جيسي بدموع ابني مالوش ذمب انك ابوه انا بحبه هو .. ده حته مني اكيد مش هنزله واتحاسب عليه كفايه اوي اللي حصل لغايه دلوقتي مش هشيل ذمب طفل مالوش دعوه بأي حاجه كمان

مالك ابتسم بحزن واكمل اللي يريحك يا جيسي اعمليه وانا تحت امرك عند اذنكم

ادم رايح فين

مالك بحزن واضح تعبان يا ادم تعبان ووجع الدنيا فيا عايز اكون لوحدي شويه

ادم بحزن اكيد جيسي وكلامها سبب وجعك للدرجه دي بس اعذرها اي بنت مكانها هتعمل كده واكتر انت فاهم وعاقل

مالك بوجع عارف يا ادم عارف

ادم اجمد كده ولا هتسيب الحرب بدري يا مالك

مالك بحب انا مستعد اموت علشانها يا ادم وعلشان تبقي معايا بس سعادتها بنسبالي اهم مني ومن كل الدنيا واكمل بوجع وهي بتكرهني اوي وهتتعب لما تشوفني فانا مش عايز غير راحتها ولو راحتها في البعد عني يبقي مش هتردد ثانيه اني اعمل ده حتي لو هموت من غيرها

منه بصت لاختها بعتاب لان صعب عليها مالك وكلامه اللي نتج عن قسوه فكلام جيسي

جيسي قامت وقفت بتعب واكملت من وراه بدموع انا اسفه يا مالك مقصدش كده بس انا موجوعه منك اوي ومش هنسي ابدا اللي حصل بسهوله

مالك لفلها واكمل بخوف طب قومتي ليه من مكانك طيب اقعدي ارتاحي

جيسي بدموع متخافش عليا انا كويسه

مالك بدموع تسمحيلي اقولك اللي جوايا

جيسي تنهدت بوجع واكملت اكيد

مالك شدها لحضنه وفضل يبكي بوجع واكمل بدموع انا اسف يا حبيبتي بجد انا اسف ياريتني كنت موت ولا شوفتك تعبانه كده بسببي ياريتني كنت موت قبل ماكون انا سبب اذيتك ووجعك للدرجه دي بس انا اعرفه يا جيسي اعرفه بس اللي كان السبب فاني اذيكي ووحياتك عندي مش هرحمه وهيتعاقب حقك عليا يا نورعيني والله عمري مابصتلك غير نظره زوجه ليا وحلالي وحبيبه طول العمر بس حصل عكس ماتوقعت وكسرتك انما انا عمري ماتخيلت ولا اتمنيت يحصل كده انا حبيتك اوي يا جيسي والله حبيتك لدرجه انتي ممكن متتخيليهاش واوعدك هعوضك عن كل اللي حصل ده حقك عليا يا حبيبتي بجد سامحيني

جيسي بدموع ووجع خلاص يا مالك مسمحاك و موافقه نتجوز علشان ابننا وعارفه انه غصب عنك وده كان واضح اصلا

مالك ابتسم بفرح وبصلها واكمل انتي بتتكملي جد??

جيسي بوجع امم بتكلم جد

مالك باس جبينها بحب

وهنا دخل حاتم

حاتم بضحك الله هو انت هنا يا روميو

ادم مين الحلو

منه اتوترت من دخوله واكملت مكنتش تيجي يا حاتم قولتلك انها كويسه

حاتم بصلها واكمل يا حبيبتي دي اختي ومقدرش ارن عليها وانتي تردي تقولي تعبت شويه ومجيش اشوفها

ادم بحده حبيبتك??? حبيبتك مين ده انت طلبتها ونولتها ياراجل عارف انا اتمنيت اقابلك كتير علي فكره ورايح يروح ناحيته

منه بصتله برجاء ومسكت ايده واكملت بتوتر وحياتي عندك يا ادم خلاص

ادم بعصبيه اوعي بس انتي كده وبعد ايديها عنه واكمل بصوت مسموع يا ريم

ريم الممرضه نعم يا دكتور

ادم وهو بيشمر اكمامه اكمل بحده جهزي الاوضه اللي جمبنا للحلو انا بردو حالف قسم في الطب لازم اكون قده

ريم استغربت كلامه بس راحت تحضر الاوضه فعلا

مالك فضل يضحك واكمل لجيسي بهمس تعالي انتي كده بس يا حبيبي لحسن يتخبط في بطنك مش ناقصين ووقفها جمبه بعيد

جيسي بخوف مالك هو هيعمل ايه

مالك بضحك همسلها هيضربه

جيسي بحده وبتضحك يا مالك

مالك بضحك يابت اسكتي بس واتفرجي ده ادم الاساس وهو اللي معلمني الملاكمه

منه بتوتر ادم علشان خاطري

حاتم بعصبيه هو انت محموق اوي كده ليه يا دكتور انت مال اهلك اصلا واحد وخطيبته

ادم بسخريه خطيب مين ياروح امك واكمل بحده انت عبيط يااالا صح

منه بخوف ادم ادم كبر دماغك من كلامه ده شكله اتجنن

حاتم بسخريه ده شكلك انتي اللي بتنسي يا حبيبي هو مش ابوكي قالك انه بيحدد معاد لخطوبتنا الفتره الجايه ولا مقالش

جيسي فتحت عنيها بصدمه

مالك بهمس ابوكي قال كده فعلا

جيسي هزت راسها ب اه وهي خايفه من رده فعل ادم

مالك بصدمه الله

منه اتوترت واكملت خطوبه ايه يا اهبل انت. مفيش ااكلام ده

ادم بعصبيه بص بقي يالا انت ..انا جبت اخري منك وبصراحه اتمنيت المقابله دي كتير علشان اطلع كل غلي منك في السنين اللي فاتت دي كلها ومسكه من قميصه وضربه برجله في بطنه وفضل يضرب فيه

منه بخوف ادم ادم ارجوك سيبك منه ده بيقول اي كلام ارجوك

مالك غمض عين وفتح عين بسخريه واكمل بضحك والمصحف تستاهل اتفو علي دي اشكال وبص لجيسي واكمل كان بيرن عليكي ليه ده

جيسي بحده وخوف هو ده وقته يا مالك يا مالك شوف اخوك هيموتلي ابن عمي

مالك انا مااالي اناا اذا كان ابن عمك بصباص وناقص ربايه هو حر بقي يجيب حق اللي يخصه ازاي

ادم بعصبيه ضربه بلبوكس في وشه وااكمل بعصبيه انت عينك متتحطش عليها تاني اصلا. ولا تكلمها يا كلب يا ابن الكلب انت فاهم وقومه تني دراعه وراه فصرخ حاتم وشهقت جيسي بخوف

حاتم بوجع اااه اااه اوعي اوعي يا حيوان يا زباله ده انت ليله اهلك سودا

ادم تني دراعه اوي واكمل بحده شايف دي علشان بس مسكتها بيهااا قبل كده انا عاايزك يا كلب تفكررر تبصلها تاني بس وشوف هعمل فيك ايه

حاتم بعصبيه انت مين انت اصلا وبتدخل ليه اوعي كده وزقه بحده فادم حط رجله وقعه علي الارض

جيسي بابتسامه ده جوز اختي مستقبلا يا حاتم

ادم بضحك قلب جوز اختك انتي يا مرات اخويا المستقبليه

حاتم بعصبيه نعممم جوز مين ده انا اوديه في ستين داهيه لو فكر وتأوه بوجع واكمل اااااه ياخد مني منه

ادم بضحك لو فكرت وراح حط ايده علي وسط منه وشدها ليه ووجه وشها ناحيته وقرب باسها بحب في شفايفها واكمل بابتسامه منتصره انا خدتها خلاص

حاتم قام من الارض بصدمه واكمل بحده عادي كده اومال عامله فيها ليه شريفه عليا

منه بحده شريفه وغصب عنك وعادي او مش عادي ميخصكش واحسنلك متتدخلش في حياتي خاالص انا بحب ادم وهو بيحبني ومش هسيبه لو طبقت السما علي الارض

حاتم بسخريه ووجع من جسمه اكمل اااه هنشوف ياست منه هنشوف مين اللي هيضحك في الاخر وهتيجي تترجيني وجيه يمشي كان هيقع سنده مالك واكمل بضحك تعالي يا ابو نسب تعالي زمنهم خلصوا تحضير الاوضه خلاص وبص لادم واكمل بضحك محدش بيطلع من تحت ايدك سليم انت خطر علي البشريه قدام

جيسي فضلت تضحك بشده فحاتم بصلها بحده فسكتت بتوتر واكلمت احمم سوري يا حاتم

مالك بضحك لا وربنا ارميك علي الارض متبصلهاش كده بدل ما انت عارف وضربه بخفه في دراعه

حاتم بوجع ااااه حرام عليك ليه كده

مالك بضحك يا جدع ده انا بسلم عليك مش بضربك الضربه خفيفه جدا بس هو دوما دايما بيعمل الواجب بزياده وغمز لادم واكمل حققنا حلم من احلامك اهو وفضل يضحك

ادم بحده ارميه في الاوضه التانيه مش ناقص قرف في الاوضه ويلا علشان تسند خطيبتك توديها عربيه منه

حاتم بحده ده انا هوريك ويا انا يا انت والزمن طويل وهنشوف مين فينا هياخدها صح

ادم بضحك سبق وقولتلك انا خدتها خلاص بس انت شكلك مش مستوعب وغمزله واكمل بحده يلا غوره يامالك جالي ضيقه تنفس

وفعلا مالك نقل حاتم للاوضه والممرضين بدائوا يعالجوا

جيسي بابتسامه شكرا لوقفتك جمبي يا ادم بجد حقيقي اللي انت عملته ووقفتك جمبي مش هنساهم ابدااا

ادم باس جبينها واكمل بحب انتي مرات اخويا يعني اختي الصغيره واكتر مفيش بينا الكلام ده انا روحت والله ضربته وعدمته العافيه بس هو حلف انه مكنش واعي وانتي قولتي بنفسك ومتخافيش جوازكم لو مرتاحتيش فيه انا اول واحد هيطلقك منه بس اتمني ساعتها تفكري في ابنك يا جيسي

جيسي بدموع ربنا يسهل وبصتله واكملت بوجع انا تعبانه اوي هو مش انت بتقول انك اخويا

ادم بحب طبعا يا حبيبتي

جيسي بدموع ممكن احضنك واعيط

ادم مسح دموعها واكمل بوجع يا حبيبتي .. تعالي وحضنها وفضلت تعيط وتنهار وهو بيطبطب عليها واكملت جيسي بوجع ودموع مالك كان عنده حق لو كنت محترمه مكنش حصلي كده صح ?? اكيد علشان زي ما هو قالي ان لبسي بيغري الشباب بس والله والله مش قصدي كل ده يا ادم وفضلت تعيط

ادم بحزن بس بس يا حبيبتي اهدي مفيش الكلام ده وقطع لسان اللي يقول عليكي مش محترمه وطبطب عليها واكمل والله هتعدي وهتحبي الحيوان مالك ده وهتقولي ادم قاالها هي والله تجربه مش اكتر بس انتي قويه وقدها يا جيسي وهتعرفي ان ربنا سبب الاسباب و حطك في طريق اجمل حد كنتي ممكن تعرفيه في حياتك

جيسي بدموع اتمني .. هتقف جمبي يا ادم حتي ضدد مالك لما اشتكيلك منه ??

ادم بابتسامه انا مش هقف غير جمبك واربيلك مالك

جيسي ابتسمت بحب وحضنته وادم طبطب عليها بحب

ومنه كانت واقفه متوتره بسبب كلام حاتم اللي قالوا

جيسي بحب طب هروح انا اغير

ادم بحب روحي يا حبيبتي

ودخلت الحمام

منه بتوتر وانا هروح اس اس اساعدها ورايحه تمشي وقفت لما سمعته

ادم بحده تعالي هنا

منه لفتله بتوتر نعم

ادم شدها وحاصرها بين ايديه في الحيط واكمل بحده ايه الكلام اللي حاتم قالوا ده يا منه ???

منه بدموع قال ايه

ادم بعصبيه انا مش عااايز استعبااااط

منه اتفزعت واكملت بدموع والله مش هيحصل سيبك منه هو بيقول اي كلام اه بابا رفض اي حد غير حاتم لما سمعني بكلمك ساعه لما قولتله انك زميل فهو قالي انه عايز يخطبني لحاتم زي مابيقول دايما يعني مش حاجه جديده وانا طبعا رفضت وخربت الدنيا بس محصلش حاجه تاني ولا قالي هحدد خطوبه ولا الكلام ده وقفلنا علي الموضوع انما حاتم كداب هو اللي حصل اللي انا قولته وبس وانا علشان كده طلبت اشوفك في بيت رامز ساعتها بس انا لو حصل ايه مش هتخطب كده كده لحاتم انت عارف ليه كويس

ادم بعصبيه وعلشان عارف فبقولهالك حتي لو حاتم كداب اديني بحذرك اهو ياتنهي المسخره دي يا تسكتي خالص واقعدي كده علي جمب وشوفي هعمل ايه علشان قسما بالله يا منه قسما بالله كمان مره هتشوفي وش تاني لو سمحتيلهم يعتبروكي لعبه بين ايديهم كده ملهاش راي

منه بدموع ادم انت عارف اني بحبك ومش عايزه غيرك وكل ده نوع من الضغط عليا بس انا مكمله ومتمكسه بيك حتي قدام حاتم اهو اديك شوفت كنت بكيده ازاي متحسسنيش اني عايزه كده انا والله ماعايزه غيرك وتعبانه ومش هسمحلهم حتي لو هموت يعملوا فيا زي ماهما عايزين واكملت وهي بتعيط بتوتر وكدب بعدين فعلا مفيش خطوبه ولا زفت سيبك منه ده حيوان

ادم بحب وهو بيمسح دموعها اكمل حقك عليا يا حبيبتي بس انا غيرتي عليكي وكل ماافتكر كلامه عنك قدامي بيخليني متعصب اوي متزعليش يا قلبي اكيد عارف مش هتعملي كده وتطاوعيم وانه كداب انا طبعا مصدقك انتي بس بنبهك مش اكتر

منه بصت في عنيه واكملت بلمعه في عيونها بحبك ومبقتش قادره افضل كل يوم بعيد عنك يا ادم

ادم همس بحب وانا بموت فيكي وقرب باسها بحب وهي حطت ايديها حوالين رقبته

وجيسي طلعت من الحمام وفداخله مالك

منه زقته بسرعه بتوتر وعدلت طرحتها

مالك فضل يضحك واكمل بضحك في شغلك ياادم يا راجل اتقي الله

جيسي بصت في الارض بخجل وفضلت تضحك

منه بتوتر يلا يا مضروبه انتي انجزي يلا وبتشد جيسي وبتطلع

ادم بحده تصدق وتامن بالله والله العظيم مافي في برودك

مالك فضل يضحك عليه واكمل يلا كمل شغلك بس وبلاش مسخره واحترم نفسك ومشي راح ورا جيسي ومنه وهو بيضحك

منه مدي يا جيسي مالك متكسحه ليه كده

جيسي بتعب طب اعمل ايه مش قادره امشي بجد

مالك شالها بين ايديه واكمل بحب طب والله عيب تبقي مش قادره تمشي ومالك موجود

جيسي هتعصب عليك نزلني

مالك بحب اي حاجه منك قمر

جيسي ضربته في صدره جامد

مالك بوجع ااه يابنت الجزمه انتي ايدك تقيله

منه فضلت تبصلهم وتبتسم واكملت في سرها هتحبيه يا جيسي ده لو مكنش فيه حب اصلا وانت بتكابري

ووصلوا لعربيه منه وفتحتله ودخلها وقعدها براحه واكمل بحب خلي بالك من نفسك ومش هطول وباذن الله وهاجي اخدك ياست البنات ووطي باس بطنها واكمل بحب في عنيكي

جيسي برفعه حاجب هو بس اللي في عنيا انما ابوه لا

مالك بضحك ياست تشكري وابوه مستعد يستحمل علشان امه طول العمر ومش هيزهق عادي

جيسي ابتسمت بخبث واكلمت يابني هتتعب معايا بلاش احسنلك

مالك بتحدي متقلقيش انتي بس تبقي معايا ونشوف مين هيغير التاني ويا انتي تخليني اكرهك يانا اخليكي تحبيني موافقه ?

جيسي ابتسمت بخبث موافقه واكملت بضحك بس هتخسر لان قلبي انا ميت

مالك بابتسامه ولو انا خليته ينبض باسمي ?

جيسي بتحدي هعملك اللي انت عايزه ساعتها

مالك بخبث هتبوسيني

جيسي بحده انت قليل ادب صحيح

مالك بضحك مش موافقه تتحديني اتحدييني طلما عارفه نفسك هتكسبي خايفه ليه

جيسي لا مش خايفه طبعا و اوعي تفكر انك علشان قمر وحلو حبتين والكلام ده هتخليني احبك لا مش بتاعه شكل انا وانت هتخسر يا مالك

مالك فضل يضحك واكمل انا مقولتش اني حلو انتي اللي قولتي اهو بس هعتبرها شهاده اعتز بيها من اميرتي الحلوه وغمزلها وباس خدها وطلع

منه فضلت تضحك واكملت بحب طب والله بيموت فيكي وفعلا اتاكدت ان ماما ساميه عرفت تربي وكله كان سوء تفاهم وغصب عنه

جيس باحراج ده حيوان صبره عليا بس قليل الادب

منه بخبث بس مينمنعش انه عجبك لانك اتلغبطي في ادم يعني لما سالتك عن رايك فاختياراتي قولتي علي مالك قمر اوي مش ادم لانك كده مكنتيش تعرفي ادم

جيسي باحراج اطلعي يا منه واتلمي

منه بضحك حاضر ياختي مشيوا

بعد شويه في المستشفي حاتم كان عالج جروحه وهو ماشي شاف ادم بيكلم مريضه فبصله بغل واكمل في سره انت اللي بدات يا ادم ولو مخدتهاش منك مبقاش انا حاتم الشريف ومشي وراح بار علشان كان مخنوق

في بيت تاليا

سهير الا صحيح يا عمر عرفت

عمر عرفت ايه

سهير دي نسرين جامعتها نقلتها هنا في القاهره وهتيجي تستقر عندنا لحد ماتخلص

تاليا كانت بتكنس الصاله سمعت كده اتعصبت بس مبينتش

عمر بتنهيده وهي نقلت ليه

داليا بتقول انها مش مرتاحه في اسكندريه بس الصراحه انا مش برتاح للبت دي يلا انا هنزل انا كليتي

سهير بحده عيب يا داليا دي بنت عمك وبعدين دي قمر مين يكرها بس واكملت لعمر الا مراتك بقالها يومين مش بتنزل الشركه ملاحظه ده

داليا وهي بتقفل الباب اكملت بسخريه اممم قمر اوي

عمر تاليا تعبانه شويه فواخده اجازه بس هي بتتشغل من البيت بردو

سهير بخبث يا حبيبتي يابنتي تعبانه مالك سلامتك

تاليا بابتسامه والله يا ماما مصدعه اوي وبدوخ كتير فقولت ارتاح كام يوم اكيد ارهاق

سهير بخبث او حمل دي اعراض حمل واكملت بتمثيل يووه معلش يابنتي حقك عليا نسيت خالص يبقي تلاقي ضغطك واطي ولا حاجه

تاليا بابتسامه مكسوره لا ولايهمك وسابت المقشه ودخلت اوضتها

عمر بحده يعني ينفع كده يعني

سهير بحده قولت مقصدش هكون قاصده اضايقها مثلا

عمر بنفخ ده الواحد حقيقي تعب من حركاتك دي

في حمام اوضه تاليا

تاليا مشغله المياه علي اخرها وبتعيط وصعبانه عليها نفسها اوي

عمر وهو بيخبط علي الباب اكمل افتحي يا تاليا .. حبيبتي افتحي

تاليا غسلت وشها وفتحت واكملت بحب ايه يا حبيبي

عمر حضنها واكمل بحب حقك عليا يا نورعيني ملكيش دعوه باي كلمه اتقالت ولا تتهزي

تاليا بابتسامه كاذبه انا اصلا مزعلتش عارفه ماما اتلغبطت يا حبيبي

عمر عارف انها كدابه فاكمل انتي عارفه انها قاصده تضايقك وحقك عليا يا تاليا وباس جبينها

تاليا حضنته واكملت بحب متقوليش حقك عليا انت مغلطش في اي حاجه يا عمر بلعكس انا اللي مفروض كل ثانيه اقولك حقك عليا

عمر بحده هو احنا هنفضل اللي نعيده نزيده يا تاليا لا كده بقي انتي عايزاني اتخانق واعارض مشيئه ربنا

تاليا بدموع وانت تعارضها ليه وانت في ايدك تتجوز غيري وتخلف عادي انت المشكله مش عندك

عمر بحده علشان مش هحب غيرك انا بحبك انتي اعارض بقي واقوله ليه يارب البنت الوحيده اللي بحبها تعبانه ولا الحمدلله انك جعلتها نصيبي كفايه عندي اوي … وبعدين هو سؤال تاليا انتي فارق معاكي حد غيري ?

تاليا بحب ودموع الدنيا كلها مش بتفرقلي وانت معايا

عمر قرب باسها بحب ومسح دموعها واكمل وانا بردو مش فارقلي ومش عايز غيرك يبقي ميهمكيش حد

تاليا حضنته بحب

في جامعه القاهره كليه الهندسه

داليا بحب ها اتاخرت عليك

هو تصدقي وتامني بايه ?

داليا بالله طبعا

هو انا خلصت هندسه ولسه باجي الكليه علشان اشوفك

داليا بضحك مش انت اللي رايح تحب بنت لسه فضلها 3 سنين وانت كنت اتخرجت

هو طب والله ولو وصلت بيا ادخل المدرج معاكي عادي المهم اني اشوف القمر ده

داليا بحب انا بحبك اوي يا عبدالله

عبدالله مسك ايديها باسها واكمل بحب وانا اكتر

  

• يتبع الفصل التالي اضغط على ( رواية حب غير مشروط  ) اسم الرواية