رواية هي و القدر الفصل الحادي و العشرون 21 - بقلم ولاء فتحي
الفصل الواحد والعشرون
استمر الحال مع فارس ياخذ ليان لمكان علي النيل هادئ تحكي وتتحدث وهو صامت تمام
الا ان اتي يوم بعد شهرين
ليان: فارس انا قررت قرار وانت اول حد هقوله له
فارس : باهتمام اتفضلي يا ليان انا دايما سامعك
ليان : انا عارفه يا فارس وانت فعلا كنت جنبي ولولاك مكنتش عارفه هعمل ايه
هما بصراحة قرارين
انا قررت اني هعمل مشروع خيري لروح حازم بفلوسه الي في البنك
والتاني : اني مش هروح البطوله وهدخل مجال تدريب البنات
فارس كان قاعد باهتمام ساند اديه علي التربيزه وساند دقنه علي اديه بيبص ليها وساكت وبعدين اتعدل في قعدته وهو بيتنهد بعمق ويغلق عيونه ويرفعها مره اخري ل ليان
الي بتبص له ومنتظرة رده وبتقوله باستغراب مقولتليش ايه رايك
انا صحيح بقالي شهور بقعد معاك افضفض و انت بتسمعني من غير تعليق بس انا انهارده محتاجة رايك
فارس : باهتمام انا هرد عليكي بس في حاجة حابب تشوفيها معايا الاول بعدها هنتكلم
ليان: حاجة ايه
فارس: لاء دا كانت مفاجاه بس واضح ان ان الاوان ليها تعالي معايا
وفي الطريق نكلم طنط وعمو نقولهم اننا هنتاخر
ليان " بضحك : طيب فهمني هنروح فين وهنتاخر طيب ايه الموضوع
فارس : بمرح وضحكة لطيفه : هخطفك عندك مانع هتحول من دكتور فارس ل اللهو الخفي
ليان قامت معاه وبصت له لاء ابدا يا سيدي اتفضل اخطف يعني طول عمرك متحمل مسؤليتنا وبتخاف علينا اكيد الخطف معاك هيكون لمصلحتنا
اخدها وفي الطريق كلم نجلاء
فارس : الو يا طنط انا نازل مشوار مع ليان واحتمال نتاخر شوية
نجلاء: الو يا فارس تمام بس حاولو متتاخروش علشان الامتحانات قربت وليان التيرم دا مش بتذاكر ولا هي ولا ريم وعاوزاك تتصرف معاهم كدا ترتيب هيروح منهم
فارس: تمام تمام مع السلامه
**********************.
افتح الباب دا يا عسكري
العسكري :مرك يا باشا
__: اذيك يا ناجي باشا
ناجي بذهول وارهاق شديد بيبص مين احمد
ويدير وجهه الي الجانب الاخر ويتحدث بسخرية ايه جاي تضربني زي حسام انت كمان وتحملني مسؤليه موت حازم
احمد : بهمس اسمعني يا ناجي كويس مفيش وقت
انا عاوز اتواصل م الجماعه الي انت معاهم
ناجي: جماعة مين يا احم باشا الي بتتكلم عليها انت جاي عاوز ايه
احمد : بصوت ضعيف ناجي انا مش عاوز اموت موتة حازم وانت عارف اني مش من اسرة غنيه انا عاوز اجهز نفسي واشوف مستقبلي واوعدك اني هساعدك تهرب
بس تساعدني اتواصل معاهم
ناجي: اهرب فين انت عارف ان مفيش هرب هيجبوني ويا تري الخطة دي جديدة
احمد بصوت عالي اخرس انا مش هسيبك وبيهمس ل ناجي زعق العسكري بيحاول يسمع
ناجي بشك : ايه الي انتو بتعملوه فيا دا انا برئ
احمد بهمس زعق وعلي صوتك
صدقني يا ناجي انا تعبت وعاوز ارتاح وهعملك بسبور باسم ومهنة مختلفه وتسافر بره البلد الي تحددها
ناجي بريبة : دا طعم ليا دا يا احمد
احمد : طيب علشان تثق فيا انا هطلعك الاول واجهزلك الورق علشان تطمن وساعتها تعرفني بيهم
ناجي: لو كدا يبقي تمام اتفقنا لما تنفذ هنفذ
احمد : طيب محتاج صور ليك وحاجات
ناجي : مفاتيحي في الامانات ويتذكر استني خد الرقم دا دي وسكت ولا بلاش انا هتصرف وابعتهملك
احمد : خلاص يا ناجي مثل انك بتقع من الضرب علشان العسكري
وبيمثل ناجي انه بيصرخ من الضرب والعسكري في الخارج بيبتسم ويخرج احمد وبيزعق في العسكري
اقفل علي الكلب دا ومحدش يدخله
العسكري امرك يا باشا
***************************(
عند راسيل قاعده سرحانه وزعلانه ف سفر خطيبها بقاله شهرين وتركه لها مضايقها كمان ليان كان في ظروف نفسيه مش كويسه وريم الحمل تاعبها وظروفها مش كويسه وبيحاولو يتنظمو في المحاضرات لكن كلهم تقريبا في صمت يخيم الحزن عليهم
فجاة تليفون بيرن
راسيل : سيف وحشتني اوي
سيف : يا حبيبتي انتي اكتر
راسيل هترجع امتي انا تعبت
سيف : متقلقيش قريب ركزي في مذاكرتك وطمنيني البنات عاملين ايه
راسيل : ليان بقت اهدي ولكن مشغوله علطول في تدريب وسرحانه علطول
ريم الحمل تاعبها بس علي الاقل بقت تخرج
وانا وحيده من غيرك اسكت يا سيف اونكل عاوزنا نسافر باريس بعد الامتحانات تقضي الصيف هناك وانت عارف انا بتكسف منه
سيف بيتنهد : متخافيش يا قلب سيف اصلا بعد الامتحانات ياخد طنط ويسافر براحته انما انتي هتسافري راس البر مع الست ام سيف
راسيل : بتبرق سيف انت بتهزر راس البر
سيف : بلاش راس البر اختاري اي راس تانيه تعجبك يا قلبي
راسيل : سيف انت مبتتكلمش جد ابدا انا جد متضايقة
سيف : يا بت فكي ومتبقيش كدا انا الشغل الي في ايدي هيخلص خلال شهر وهنزل اخطفك علي حمار ابيض اه اصل الحصان بيجري بسرعه وانا بصراحة تعبت من الجري
راسيل بتضحك سيف بجد انت مش ممكن المهندسين بيكونو صعبين انما انت حاجة تانية
سيف : هيكون شغل وحياة يا قلب سيف وبعدين ممنوع الضحك وحشتني يا بت اوي يلا سلمي علي طنط واعملي حسابك عاوز تقدير والا مفيش فرح
راسيل : بتهزر صح انا طول عمري بجيب تقدير بس السنة دي خايفة
سيف : خايفة وانا جنبك علشان يقولو الواد خيب املها وضيع مستقبلها اضبطي كدا واقعدي ركزي عاوزك السنه دي احسن من كل سنه واوعدك ان ليكي مفاجاة حلوة اوي عندي
سلام يا قلبي
راسيل : سلام يا حبيبي خلي بالك من نفسك
******************..
عند حسين
ريم بتعيط حسين : مالك يا قلبي في ايه
ريم بدموع وعياط :حسين انت بتخوني يا حسين
حسين : انا اقدر اخونك يا ريمتي مقدرش ابدا
ريم: انا حلمت انك بتخوني يا حسين
حسين : اهدي يا ريم دا حسين بتاع الحلم انا حسين بتاع الحقيقة اهدي يا حبيبتي
وبيتهد بزهق وبيقول بصوت شبه مسموع بعدين في هرمونات الحمل دي هتخلص امتي
ريم بشحتفه : كمان زهقت مني يا حسين
حسين: انا يا قلبي ازهق منك انا علي فكرة جبتك بطيخ الي طلبتيه
ريم: انا مطلبتش بطيخ انا طلبت فسيخ
حسين بيتنهد وبيتكلم من بين اسنانه
معلش يا ريم انا من المحاضرات السمع بقي عندي ضعيف كلي البطيخ واوعدك الفسيخ دا لما نسال الدكتور
ريم : قامت جابت البطيخ وقعدت تاكل وبتتكلم والله الموجود امري لله انا اصلا جعانه
**********************...
س: بعد ساعه ونص : يلا يا ستي بقي وصلنا
ليان : ايه دا
فارس : دا يا ستي......................
ليان : انا مش مصدقة نفسي مش ممكن
عند نجلاء الباب بيخبط بيفتح سمير
سمير : اهلا وسهلا مين حضرتك
نجلاء من وراه مين يا سمير
سمير مش عارف شكلها متعرفش عربي
ياتري فارس اخد ريم فين ومين الي راحت تخبط دي
- يتبع الفصل التالي اضغط على ( رواية هي و القدر) اسم الرواية