رواية تيمو الفصل الثاني و العشرون 22 - بقلم ولاء فتحي
(22)
حدث شئ غريب جدا جدا اثار زعر الجميع
دخل ملثم لغرفة مايا وهي نائمة وضربو الممرضه وورشو علي وجه مايا مخدر وجثي بجوارها ل يحملها ولكن تميم دخل وضربه من الخلف ولكن اتي من خلفه من ضربه ليقع وهو ينادي باسمها وهو مايا ويحاول الوقوف متمسكا بها ليجذبها من الملثم
ولكن
...........................................................
رائف : يا بابا انا سافرت ومش عاوز ارجع ولا عاوز مايا انا تعبت من ك حاجة ومش عاوز مشاكل كفاية انا رائف الدمنهوري اشتغل عبد عندهم بسبب ابويا
الدمنهوري : انت عارف انت عملت ايه الي عملوه معاك عيلة شومان ارحم من الي كان هيحصلك تتحبس ومستقبلك يضيع
انت عارف يعني ايه خطف انثي ومحاولة
رائف : انا معملتش حاجة انا مكنتش في وعي
الدمنهوري : عذر اقبح من ذنب عموما الي عملوه معاك هيخليك تبقي راجل وتحافظ علي فلوسك
رائف : فلوسي الي كتبتها باسم مراتك عموما ممكن اعرف حضرتك عاوز ايه
الدمنهوري : عاوز خالك يسيب مايا في حاله وانا الي هقف له انا ولا اد عيلة شومان ولا عاوز مشاكل مع النوبي خالك بغبائه بيفتح علينا نار جهنم
رائف : انا مطلبتش منه حاجة انا اصلا مش طايق ابص في وشها
الدمنهوري :تلاقي امك كالعادة راحت تعيط لاخوها الصايع هو الي خرب حياتنا وعلمك البوظان اتصرف والرد يكون عندي واما عن ثروتي متخفش اوي حقك هيرجعلك بس لما احس انك اتعلمت الدرس وبقيت راجل
رائف : طيب عاوزني اعمل ايه
الدمنهوري : خالك عاوز يخطف مايا ويضرب عيلة شومان شوفت غباء اكتر من كدا دا جنبنهم صورصار يفعصوه مش علشان ملهمش في البلطجة هيسكتو ومايا في حمايتهم
كلم خالك وامك واتصرف معاهم عاوز رد قبل ما كل حاجة تخرب وتضيع
رائف : طيب انا هتصرف انا اصلا بره مصر وقررت ابدا من جديد وانا الي مش عاوز مشاكل عاوز اعيش في سلام ولا عاوز منك ولا منهم حاجة خلافاتكم دي هي الي ضيعتني وضيعت مستقبلي كل واحد فيكم عايش لنفسه ونسيتو ابنكم الي رمتوه هنا شويه وهنا شويه كل واحد يرميلي حبة فلوس مكنتش محتاج فلوس كنت محتاج اسره اب وام وانا نويت الحق نفسي خلاص
الدمنهوري : مستني ردك ضروري
................................
رولا : شريف بيه اذيك بكلم مستر تيمو مش بيرد
شريف : خير يا رولا في ايه
رولا : الشحنة وصلت المينا ومحتاجين انه يشيك عليها بنفسه علشان تتوزع علي فروع المطاعم
شريف : رولا انتي اكيد اتعلمتي كتير وكنتي بتروحي معاه ووالدك كمان كان معاه المرة دي هتنفذي الي اتعلمتيه من تميم انتي الي هتتصرفي المره دي تميم تعبان
رولا بخوف : ليه ماله تعبان عنده ايه
شريف : غالبا برد بس برضه هنعمل تحاليل ونتاكد منها
رولا : ممكن تطمني عليه
شريف : اول ما نتطمن يا رولا ومتنسيش تاخدي والدك معاكي وتابعي كويس مع محمود في قسم المستخلصات
رولا : تمام
........................................
علاء : سعاد انا محتاج اتكلم معاكي ضروري
سعاد : علاء من فضلك انا مصدقت علاقتي بابني اتحسنت اخاف اتكلم معاه نرجع تاني للبرود الي كان بينا
علاء : انتي من حقك تعيشي الي بتعمليه دا ولا حرام ولا غلط
سعاد : انا عندي ابن راجل عنده 34 سنه وبنت عندها 21 سنه مقدرش اتصرف زي البنات الصغيرين انا حياتي ليها اعتبرات تانية
علاء : وهو علشان كبرناهم هنتدفن ونموت ابنك بكره يتجوز ويكون ليه بيته وحياته ومراته واولاده وبنتك كمان وهتحسي بالوحده الرهيبه
تصدقي انا حاسس بيها بالرغم ان بنتي متجوزتش لسه حاسس اني ممكن اموت لوحدي
سعاد : طيب ممكن تديني وقتي وانا اول ما الاقي وقت مناسب هتكلم معاهم
علاء : دا شرع ربنا مش من حقهم يحرموه . انتي ست محتاجو ونس هما مش هيحسو بدا لانهم لسه صغيرين
عموما خدي وقتك بالكامل انا مش هضغط عليكي
انا كلمت بنتي وهي وفقت الدور بقي عليكي
سعاد: الوالد غير البنت الولد له اعتبارات اخري ومشاعر غيره ومشاعر امتلاك لاهل بيته
دا غير ان البنت كدا كدا بتتعامل باريحية لاني ست انما الولد هيحس بالغربة في حضن امه في وجود راجل غريب موقفي صعب
علاء: دا مش مبرر علي فكره لانه لو راجل هيحس انه مش هيقدر يديكي من وقته الي يطلعك من وحدتك عموما انا منتظر بس اوعديني انك هتحاولي والا بقي بعد ما يكبرو نروح نعيش في دار مسنين زي الاجانب علشان منموتش في وحدة
سعاد: صدقني لو قدرت هحاول بس الي بيحكمنا عادات وتقاليد المجتمع الشرقي
علاء: الي بيحكمنا احكام الدين الاسلامي يا سعاد لو تعارضت العادات والتقاليد مع الدين يبقي الحكم هو الدين
شرع ربنا هو الي نحتكم له وعموما انا منتظر ردك مهما طال
.............................................
ملك: يا بابا انا مش فاهمه انت معايا ولا معاه ما احنا عايشين اهو بدون كل المحاذير دي
الاب : واضح انك مش عارفه طبيعه حياتك الجديده ولا طبيعه حياه جوزك انتي هتتجوزي شاب محترم وناجح ورجل اعمال مهم ودا صعب تلاقيه في انسان وكمان متدين ومتربي يعرف يحافظ علي الست الي معاه
الشباب اليومين دول يا بنتي بيضيعو فلوس اهاليهم صعب يحافظو عليها وكمان يكبروها وطبعا الغيرة والحقد كل الانسان ما ينجح بتزيد
وللاسف مبتعرفيش جايه منين فهو بيحافظ عليكي من اعداء ميعرفهاش
علشان كدا بقولك هو عنده حق دا مش تحكم فيكي ولا حاجة هو مفرضش حاجة عليكي هو كل طلبه سواق معاكي وحراسه عامله ليكي
ملك: بس انا كدا هحس اني مقيده متعوده اروح اجي براحتي
الاب : وهو كان منعك من انك تروحي وتيجي هو بس بيقولك دول معاكي
ملك: ويدوله تقارير عني
الاب : هو يا بنتي فاضي وكمان انتي بتروحي فين يعني الشغل المول مطعم عند مايا
ملك: يا بابا انت مش فاهم قصدي انت معودني علي الصراحة وبصراحة هو بيتدخل كدا في حياتي
الاب ببساطه نرجع له الخاتم بتاعه ونقوله كل شئ نصيب لسه حتي معملناش خطوبه . طالما انتي رفضاه
ملك : لاء طبعا مش قصدي
الاب : هو يا تتقبليه بكل حاجة يا ترفضيه بكل حاجة مش هتنقي علي مزاجك ومع الوقت هتفهمو بعض
ملك : طيب يا بابا حاضر
الاب : اه كمان هو طالب يكتب الكتاب مع الخطوبه
ملك : ودا ليه ان شاء الله
الاب : هو بيقول علشان يقدر يروح معاكي تجهزو حاجاتكم براحتكم وانا لسه مردتش عليه فكري وردي عليا
ملك: حاضر يا بابا
الاب : يا بنتي صدقيني انتي اغلي حاجة عندي ولو انتي مش مرتاحة انا معاكي
ملك: شريف كويس بس احنا علطول بينا مش مشاكل بس هو بينرفزني
الاب : هههههههههههه هو دا الي مضايقك بسيطه هو الشباب كدا
روحي شغلك السواق بره
ملك يا نهار اسود دا جايب لي موكب انا كدا الناس تقول عليا ايه
الاب : هيقولو الاميره خطيبها خايف عليها يلا يا اميرتي
ملك: بابا تفهمه اني مش هسيب شغلي مع مايا ومش هشتغل معاه انا مبسوطه في شغلي
الاب : حاضر يا حبيبة بابا
............................
الجد : ايوة يا شريف ايه الاخبار
شريف : انا شغال معاه يا جدو اهو وواضح انه قريب هنفرح بيه
الجد : البنت كويسه يا ابني
شريف : البنت ممتازة يا جدو وبنت ناس دكتوراه في الادارة
الجد : يا ابني هو احنا هنعينها انا عاوز اطمن
شريف : مهو انا يا جدو لو قولتلك انها زي القمر تميم هيقتلني انت عارف ابن ابنك وغيرته
الجد : طالما وصلنا ل غيرته يبقي كدا وقع
شريف : اوي اوي يا كبير
الجد : مفيش جواز انت ولا اخوك الا لما الواد تميم يتجوز هو كبير العيلة بعدي وعاوز اطمن عليه
شريف : وانا مالي يا لمبي انا ذنبي ايه
الجد : اضبط نفسك يا شريف احسن ايه
شريف : ولا حاججة يا كبير انا اهو وراه والزمن طويل اصل انت مشفتش ملوكه
الجد : هي اسمها ملوكه
شريف : لاء ملوكه دي ملكة قلبي انا حته قطه انما ايه بتخربش
الجد : طيب ربنا يسعدك انا هرجع قريب عاوز ارجع الاقي تميم ايه انت عارف
شريف : اطمن لو عاوزه يتجوز 4 نضربه علي دماغه ونجوزه بس انا اتجوز ملوكة يا كبير
الجد : لاء عاوز واحده بس تليق بيه
شريف : علم وينفذ يا كبير
..........................................................
في المستشفي
: ايه الاخبار
- يتبع الفصل التالي اضغط على (رواية تيمو) اسم الرواية