رواية حب غير مشروط الفصل الرابع و العشرون 24 - بقلم لولا
كمال بخبث معلشان كده ياروح قلبي اتصلت بيكي قولي لادم اني في انتظاره في شركتي بكره
منه بصدمه ممزوجه بفرح بتهزر صح
كمال بابتسامه عيب عليكي انا امتي قولت كلمه ورجعت فيها
منه بحب وفرح ياروح قلبي بجد بحبك حاضر هقوله ربنا يخليك ليا يارب يابابا وميحرمنيش منك ابداا
كمال بحب ويخليكي ليا ياروحي يلا انتي باي دلوقتي علشان عندي اجتماع
منه بفرح باي ياروحي
تاليا ها قالك ايه
منه بفرح وافق يشوف ادم يا تاليا اخيرا رضي بيه
تاليا حضنتها واكملت بفرح ياروح قلبي الف مليون مبروك اخيراا
منه تنهدت بفرح واكملت الحمدلله يارب المهم قوليلي انتي معاكي ايه
تاليا بحزن حماتي كل شويه تسم بدني بلكلام وجابت بنت عم عمر ومقعداها هنا راسمه تجوزهاله علشان الخلفه
منه بصدمه متهزريش علشان كده لابسه القرف اللي لابساه برا ده
تاليا بستغراب ليه هي لابسه ايه ??
منه بصدمه لابسه دريس كت قصير اوي بيتي اه بس مينفعش يبقي قدام حد ولما فتحتلي ولقيتني انا نفخت بضيق كده
تاليا بحده يابنت الكلب يعني هي فاكره ايه تعمل اللي تعمله انا جوزي مش منهم ده لدرجه والله لو راحت عرضت نفسها عليه هيتف في وشها
منه بضحك عارفه كده كده عمر مش منهم بس ياروحي انتي عادي كده تسيبيها تلبس كده قدام عمر ??
تاليا بضيق ودموع منه انا تعبت انا مش عايزه اكون ظالمه عمر وفي نفس الوقت مجرد مابتخيله مع غيري بموت
منه بحده وانتي مين قاالك هتشوفيه مع غيرك صلي علي النبي في قلبك واهدي كده ده جوزك انتي. من حقك انتي ومش هتسيبيه لحد اعقلي يا تاليا عمر مش فارق معاه بلاش الاستسلام يجي منك انتي اقفي وبجحي واتكلمي بقلب مليان جوزك معاكي وهيقويكي ويسندك اتكلمي كده ومتخافيش انتي مش فارق معاكي حد غير جوزك وهو عارف وراضي وقابل وشايفك بكل الناس فمتخليش كلام حماتك وغيرها يهز ثقتك بنفسك .. عمر لو كان مهم عنده موضوع الخلفه ده كان مقربلكيش لما حكتيله او كان طلقك ومش هيبقي فيها زعل لان فعلا الموضوع مش سهل انما ده انتي قولتيلي انه كدب عليكي وقالك انه تعبان يعني حتي مش عايز يحسسك انك ظلماه تقوليلي انتي بعد كل ده تشوفيه مع غيرك وطبطبت عليها واكملت امسحي دموعك واهدي واستغفري ربك بكره ربنا يعوضك ويرزقك ااذريه الصالحه من حبيبك وجوزك حتي لو مش دلوقتي فاكيد بعدين بس انتي اوعي تيأسي ربك كبير وقادر انتي بس اعملي اللي عليكي وسواء حماتك او غيرها متسكتيش عن اهانتك لحد ردي بس ردي بادبك ومن غير خوف جوزك في ضهرك انما اوعي تفكري تستلمي وتسيبيه للحربايه اللي برا دي اوعي
تاليا حضنتها واكملت بدموع يارب يسمع منك يامنه يارب بجد لاني تعبت اوي
منه طبطبت علي ضهرها بحب واكملت هيحصل يا قلب منه هيحصل وهتخليني خالتو كمان
تاليا بدموع وحب والله انتي احلي خالتو
منه بحب قلبي والله .. بقولك مش معاكي شاحن علشان فوني فصل خالص
تاليا استني اقوم اشوفهولك
منه اه ياريت علشان ادم لو رن
تاليا امسكي اهو
منه حطيته علي الشاحن واكملت يلا نطلع نعد برا. و ولا يهزك
تاليا بحب حاضر ورتبت اوضتها هي ومنه وطلعت تقعد في الصاله
داليا بحب حبيبي كنت لسه هدخلك تعالي
تاليا بحب انا جتلك اهو
منه بحب اخت عمر صح
داليا بابتسامه اه عرفتي منين
منه بابتسامه شبه جداا مشاء الله
داليا بضحك حصل فعلا كل اللي يشوفنا يقول كده
منه بحب طب بالله انتي سكر اول مره اشوف اخت جوز عسل كده
داليا بضحك شايفه يا تاليا علشان تعرفي قيمتي صاحبتك شكل اخت جوزها مورياها الويل
منه بضحك لا والله وحيد مالوش غير اخ ولد
داليا بضحك ريحتي يابنتي والله هي دي الاختيارات بيبقوا عقارب مش كله سكر زيي
تاليا بضحك مغروره بس بحبك
داليا بحب وانا اكتر
سهير بحب انتي صاحبه تاليا
منه بحب اه يا طنط من زمان مع بعض عشره عمري
نسرين بضيق تشرفنا
منه بضحك لا يروحي ده انا في بيتي مش ضيفه عمر جوز اختي وعشره عمري وصاحب عمر يبقي حبيبي فمش عند حد غريب يعني
نسرين بضيق اممم منوره والله
منه بابتسامه ده نورك انتي يا روحي
وفون تاليا رن فقامت
داليا بضحك ايوه ما هو من لقي احبابه
تاليا بضحك وهي داخله البلكونه اكملت طبعا نسي صحابه وكل الدنيا كمان ده عمر يابت
منه بضحك تربيتي دي نفس الواقعه بلظبط مبنعرفش نتقل
داليا بثقه يابنتي هو انا اخويا حد يتقل عليه
منه بضحك مغروره صحيح بس مش اخوكي بس ما ادم بردو زي القمر
داليا بضحك لا متقوليش انتي حبيبه ادم سليم صاحب عمر
منه بضحك اه تعرفيه
داليا بضحك الا اعرفه ده احنا صحاب يابنتي بحكم كان بيجي لعمر فوق عندنا كتييير جداا من وهما صغيرين وبعتبره اكتر من اخ بجد وفعلا زي القمرين مش قمر وانتي والله كمان زي القمرين ربنا جمع ووفق بجد اتبسطله
منه بحب دي عنيكي ياروح قلبي والله بجد ده انتي اللي قمرين
داليا بحب اومال بيقولوا المخده متشيلش اتنين حلوين ليه مانتوا الاتنين قمرات اهو
منه بضحك والله انتي فعلا سكر عقبال ماشوفك مع اللي بتتمنيه يارب ياروحي
داليا بحب يارب يا قلبي ولاحظت ان سلسلتها اتفكت فاكملت حاسبي سلسلتك اتفكت
منه شالتها واكملت يالهوي الدبله كانت هتقع تسلمي بجد يا قلبي وشالت السلسله في الشنطه ولبست الدبله في ايديها
داليا بحب شكلها قمر اوي
منه بحب حبيبتي عقبال مافرح بيكي
نسرين وسهير كانوا متابعينهم بسكوت ونسرين كانت هطق منهم
في البلكونه
تاليا حاضر هحضر العشا انت جاي انت وادم دلوقتي يعني
عمر اه يا حبيبتي علي وشك اهو
تاليا حاضر يا حبيبي ماشي يلا باي
عمر عايزه حاجه من برا
تاليا بحب لا سلامتك يا قلبي باي
عمر باي
ودخلت تاليا لبست دريس طويل وحجاب وراحت المطبخ
منه تاليا طولت جوه يعني
داليا تلاقي عمر قالها انه جاي فبتحضر الاكل
منه ااه وبصت للساعه واكملت انا اتاخرت هلحق امشي
سهير يابنتي خليكي نتغدا سوا متروحيش
منه لا الدنيا هتبتدي تليل كده
تاليا طلعت ترص الاكل واكملت ايه في ايه
سهير قولي لصاحبتك حاجه عايزه تمشي ولسه مكلناش سوا
منه بحب ياطنط وقت تاني
تاليا بستغراب وقت تاني ايه يابنت الهبله ما ادم جاي انتي هتمشي ليه
منه بصدمه ادم مين اللي جاي
تاليا بضحك ادم هو في 100 ادم
منه بخوف يانهار ازرق طب وده جاي ليه
تاليا بستغراب عادي هيكون جاي ليه عمر عزمه بعدين مش انتي جيتي علشان عارفه انه جاي اصلا ?
منه بقلق لا انا جيتلك عادي وبعتله واتس معرفش شاف ولالا اصلا
تاليا بضحك مانتي مهزقه واتس ايه ماكنتي تكلميه علشان يبقي عارف
منه بضيق اووف ماهو مردش عليا اعمل ايه يعني
داليا بضحك تقومي تنزلي بردو يارب يكون شاف الواتس علشان متتهزقيش
منه بالله عليكي ماتوتريني
داليا بضحك يابنتي مالك هو ادم بيوتر كده ده سو كيوت
تاليا لوت بوقها واكملت بسخريه والله مافي سو كيوت غيرك
منه بضحك قوليلها
والباب خبط فنسرين قامت بسرعه تفتح
فتاليا نفخت بضيق وهزت راسها بيأس
منه بهمس بحده وغيظ بت حيوانه صحيح عايزاه يشوفها بلمنظر ده وادم معااه واكملت بغيررره اااه دمي محروق يشوفوها كده ازاي يعني
عمر وادم اتصدموا من شكلها وبسرعه ادم حط عينه في الارض واكمل بحرج عمر ميصحش كده مين دي
عمر بحده يخربيت اهلك ازاي تفتحيلي كده او تلبسي كده اصلا وانتي عندي غوري استري نفسك
نسرين بضيق ايه لابسه ايه يعني عادي متأفورش
عمر بص للارض واكمل بحده طب غوري من وشي حالا يا نسرين وتلبسي عدل يلاااا
نسرين دخلت بحزن علي اوضتها ورزعت الباب
منه ضحكت بانتصار هي وتاليا وداليا بس بمجرد دخول ادم اختفت ضحكتها
ادم بصدمه الله الله هي سمو الاميره هنا وانا مكسر عليها الفون
منه بتوتر والله قولتلك وحياه ربنا بعتلك واتس لاني رنيت كتير مردتش
ادم بهدوء مخيف خلاص انا مش هتناقش معاكي في اي حاجه خلص الكلام
عمر بتنهيده ادم خلاص علشان خاطري هي بتقولك انه رنت متكبرش الموضوع
ادم قعد واكمل لالا ولا اي حاجه يا عمور متشغلش بالك خلاص هي كده كده مش حاجه جديده هي صح رنت انا مردتش عليها علشان مشغول ومسمعتش الفون هتتحايل علي اهلي مثلا علشان ارد مش للدرجه دي يعني كده كده رايي مهواش مؤثر لدرجه توقف مشاوريها عليه
منه بحزن والله هو
ادم وهو بيرفع صابعه اكمل هششش احنا عند الناس ومش لازم كل شويه نبقي عرض ممكن خلاص مسمعش منك اي كلام تاني
منه دموعها نزلت واكملت حاضر
عمر قعد جمبه واكمل بهمس خلاص بقي متقفش كده
ادم بتنهيده مفيش حاجه يا عمر
داليا بضحك ايه يا دوما من امتي وانت كده ماخلاص
ادم بحب ماخلاص يا دودو هو انا عملتلها حاجه
تاليا بضحك طب ده البت واقفه مرعوبه ياللي معملتلهاش حاجه انت
ادم بتنهيده يا جماعه خلاص بجد فعلا مفيش حاجه وبص لمنه واكمل ولا ايه
منه بتوتر كداب لا فيه ومستني نبقي لوحدنا وتهزقني
كلهم فضلوا يضحكوا فاكمل ادم بابتسامه اعتبري كده لاني مش حابب اهزقك قدامهم ده حقيقي وحسابك معايا بعدين لان دي تالت مره
منه ليه انشاء الله تالت مره اكيد لا طبعا
ادم بحده لا انا مش ناسي واحد لما روحتي دهب اتنين لما جيتي المستشفي وكنت قايلك متنزليش تلاته تاليا دلوقتي فمتحوريش انتي وتقولي لا طبعا
منه بتفاجئ انت بتعدهم يا ادم ??
ادم بسخريه لا وانتي الصادقه مش ناسيهم مش حكايه بعدهم انا بس مش ناسيهم لان فكل مره فيهم بتقوليلي طوز فيك وفي رايك وملكش لازمه في حياتي
منه بحزن ادم انت بتقول ايه لا طبعا انت عارف انه
ادم بماقطعه انا معرفش حاجه يامنه انا ليا الفعل وانتي افعالك بتبين وحقك مانتي مشوفتيش شكلي وانا طول الطريق جاي مع عمر قلقان وعمال اتصل بيكي واقوله هموت من خوفي عليها ياعمر رنت كتير وبرن مش بترد عليا وهو يهدي فيا ويقولي اهدي هنروح نشوف تاليا يمكن تعرف عنها حاجه وانا جاي هموت من قلقي وبدعي فعلا تكون تاليا تعرف عنك حاجه وفي الاخر الاقيكي هنا وعادي
منه بدموع والله بيشحن جوه مسمعتوش
ادم بتنهيده مش فارقه كتير النهايه انك نزلتي
منه دموعها نزلت ودخلت البلكونه
عمر بتنهيده روح صالحها بقي
ادم بضحك طب بالله مين اللي مفروض يزعل
داليا بضحك احنا هرموناتنا كده نزعلكم وانتوا تصالحونا
سهير طب والله عسوله وغلبانه اوي وبتحبك
ادم بتنهيده عارف يا طنط والله بس مش اول مره تتصرف كده انا مش هقولها لا بس اعرف فينها بس لاني بقلق
سهير بابتسامه عيله وغلطت عرفها الصح من الغلط
ادم بحب والله بعمل كده علطول لان منه عندي بنتي البكر بجد مش مجرد شريكه لحياتي
داليا طب بزمتك هيهون عليك تسيبها زعلانه
ادم وهو بيقوم اكمل بضحك للاسف لا
ودخل البلكونه شافها بتعيط حضنها من ضهرها واكمل بحب حتي وانتي غلطانه مش بستحمل اشوفك زعلانه عملتي فيا ايه انتي بس مخليني كده
منه لفتله واكملت بدموع ادم انا اسفه بجد حقك عليا انا عارفه انك قلقت عليا والله مش هتتكرر تاني ابداا
ادم ضمها ليه وباس جبينها واكمل بضحك والله كنت ناوي اهزقك لوحدنا فعلا وعاقد النيه بس مهونتيش عليا لما شوفتك بتعيطي وخايفه مني كده وانتي عارفه انا سمي وموتي انك تخافي مني انا يامنه
منه وهي في حضنه اكملت بدموع انا خوفت لاني عارفه اني غلطت بس كنت مخنوقه شويه من البيت فكنت حابه افك مع تاليا وقولت انت هتشوف الرساله كده كده
ادم بتنهيده منه انا هعديها بس موضوع الرساله ده ميتكررش تاني مينفعش تقوليلي انا نزلت خلاص استفدت ايه انا كده
منه حاضر يا حبيبي والله حقك عليا
ادم باس خدها واكمل بحب طب يلا علشان الناس مستنيانا برا
منه بحب استني.عايزه اقولك خبر حلو
ادم رفع ايديها باسها واكمل بحب قولي ياعمري
منه بفرح انا قولت لبابا عليك وحكتله اني بحبك روافق انك تشوفه وقالي تروحله بكره الشركه
ادم بفرحه بتهزررري
منه بحب وفرح والله اه لسه قايلي دلوقتي
ادم حضنها بحب وفرح واكمل هانت خلاص يا منه هانت فاضل خطوه وتبقي معايا في العلن يااااه اخيراااا يا منه ده لقد هرمنا بجدد
منه ابتسمت بحب واكملت يارب يا قلب منه يارب بعدين افتكرت اللي حصل مع حاتم وعنيها اتملت بلدموع وخافت
ادم باس جبينها واكمل يلا علشان الناس مستنيانا
منه وعنيها متجمعه فيها الدموع اكملت يلا
ادم بستغراب ايه ده مالك يامنه ?
منه بحب ودموع مفيش مبسوطه يا حبيبي
ادم مسح دموعها واكمل بحب يارب دايما يا نورعيني مبسوطه بس اي كان مبحبش اشوف دموعك اتفقنا
منه ابتسمت بحب واكملت اتفقنا
ادم بحب يلا ومسك ايديها وطلع
عمر بحب ايوه كده ربنا يهديكم
ادم بضحك لا ده احنا 24 ساعه كده بس مش بنقدر بنستغني عن بعض
تاليا بحب عرفت انه عمو كمال وافق يشوفك
ادم قعد واكمل بفرح اه الحمدلله هانت اهو
عمر بفرح ايه ده بجد رضي
منه بابتسامه اه الحمدلله
عمر بحب مبروك ياخويا بجد
ادم بحب الله يبارك فيك يا عمور
تاليا وهي بتحط البانيه والمكرونه اكملت عملتهم ليك مخصوص والله لما عرفت انك جاي مع عمر علشان عارفه انك مش بتحب السمك خالص منه قالتلي قبل كده وانا كنت جايبه سمك
ادم بتفاجئ والله تعبتي نفسك ليه يعني تعملي اكل مخصوص يا تاليا كنت اكل اللي موجود حتي لو مش بحبه بس مش اكل مخصوص يعني
تاليا بحب ولا تعب ولا حاجه تعبك راحه يا دوما ده انت جوز الغاليه عندنا اغلي منك و من منون يعني
ادم بحب تسلم ايدك بجد يا حبيبتي وضحك واكمل هو حقيقي انا والسمك مش بنتفق مع بعض خالص ولا حتي ريحته
منه بضحك منا قولتلها قبل كده فعلا انك مش بتحب السمك بس بتعشق البانيه والمكرونه
ادم بصلها بحب واكمل والله انا بعشقك انتي
منه ابتسمت بكسوف وبصت للارض
داليا بضحك ايوه ياعم اوعدنا يارب يكون ممحون كده
ادم بضحك ممحون طب يا داليا لما اقوملك هعلقك علي الباب زي زمان فاكره
سهير بضحك كبرت بقي يا ادم انهي باب هيستحملها دي
ادم بضحك والله عندك حق يتكسر
داليا برفعه حاجب ماشي يا ادم بقي كده وقال انا اللي بقول لمنه حظك حلو بأدم قال طب رجعت في كلامي
ادم بحب عيب عليكي يادودو بهزر طبعا ده ربنا يعلم انتي عندي ايه انا بعتبرك اختي واكتر
داليا بحب ربنا يخليك ليا انت وعمر يارب عمري ماحتجتكم غير ولقيتكم جمبي
ادم بحب يارب يا حبيبتي ويخليكي لينا
عمر بحب ويخليكي لينا يا حبيبتي
منه كانت سرحانه في اللي حصل معاها ومش بتاكل وحزينه اوي
ادم بصلها لانها كانت جمبه واكمل بحب منه مالك يا حبيبي متاكلي
منه بانتباه ها حاضر وابتدت تاكل بس بشرود وده كان ملاحظه ادم ومستغرب طريقتها
تاليا كلي يا منه
منه حاضر هاكل واكلت بعدين حست بقرف وكانت هترجع بس طنشت وكملت اكل
في بيت شهد
حاتم خلص الاكل وحطه علي الصينيه ودخل لقي شهد نايمه وحاطه ايديها علي بطنها
حاتم حط الصينيه علي السرير وراح قرب منها واكمل وهو بيصحيها شهد .. حبيبتي قومي .. يابت وقرب منها وشالها بين ايديه وهو قاعد واكمل وهو بيخبط علي وشها براحه شهد فوقي يا حبيبتي
شهد بتعب ايه يا حاتم
حاتم قومي يلا عملتلك الاكل يا قلبي اهو
شهد بتعب مش قادره خالص بطني بتتقطع
حاتم بقلق طب ناكل وناخد الدوا ولو فضلتي تعبانه ننزل نكشف
شهد بتعب وحياتك ما قادره احط معلقه في بوقي قرفانه اوي
حاتم والله عملتلك شوربه حضار انتي بتحبيها اهو وحاطط فيها لحمه متقطعه هتبقي حلوه وخفيفه علي المعده اوي جربي دوقي طيب ولو مقدرتيش متكمليش
شهد اتعدلت في حضنه واكملت بتعب وارهاق طيب يا حاتم
حاتم مسك الطبق وبقي ياكلها واكمل بحب يلا يا حبيبتي
شهد اكلت منه بتعب
حاتم حلوه ?
شهد بتعجب اممم حلو اوي عملتها ازاي انت هو انت بتدخل مطابخ ?
حاتم بضحك لا مبعرفش بس جبتها يوتيوب وقلدتها
شهد اتعجبت من اهتمامه واكملت بحب تعبتك يا حاتم
حاتم باس خدها واكمل بحب ولا تعب ولا اي حاجه يا شوش
بعد شويه
شهد بتعب خلاص يا حاتم بجد تعبت
حاتم تنهد واكمل طب اخر معلقه خلاص والطبق هيخلص اصلا
شهد تنهدت بالله شبعت
حاتم علشان خاطري دي اخر معلقه وخلاص
شهد قربت كالتها ورجعت راسها وغمضت عنيها بتعب
حاتم قام حط الطبق علي الصينيه وجاب الادويه واداهالها وبعدين نام جمبها واكمل الف سلامه عليكي يا حبيبتي
شهد بتعب الله يسلمك يارب
حاتم فتح ايديه واكمل تعالي
شهد بتعب لا ابعد واتلم يا حاتم
حاتم بضحك شهد انتي حامل في الشهور الاولي متخافيش مني لحد الخامس اقل حاجه
شهد وهي تعبانه اكملت بحده اصلا متقدرش حتي لو مش حامل ولا خامس ولا سادس بطلنا خلاص قولتلك تنام بادبك او تطلع برا
حاتم بضحك طب ياستي هنام بادبي تعالي وفتح ايديه
شهد راحت سندت راسها علي صدره وهو ضمها ليه وفضل يطبطب عليها ويمشي اييديه علي شعرها وحط ايديه علي بطنها ومشاها عليها بحب واكمل في سره انت ملكش ذمب في اي حاجه كفايه اوي جيت علي امك كتير مقدرش اهمل فيها فيحصلك انت حاجه وابقي ظلمتها اكتر وحرمتها من الخلفه طول عمرها ووطي باس بطنها بحب واكمل في سره ربنا يجمعني بيك بخير سالم معافي يا حبيبي
شهد بتوتر حاتم اتلم بتعمل ايه
حاتم رجع حضنها واكمل بضحك ببوس ابني متدخليش انتي لو سمحتي
شهد بدموع ليه انت بتحبه اصلا
حاتم بحب طبعا بحبه وبعشقه كمان ده حته مني
شهد تنهدت بحزن واكملت ما انت مكنتش عايزه
حاتم تنهد واكمل كنت غبي
شهد بوجع في سرها ولسه غبي مش علشان قررت تخلي الطفل فانت بقيت صح و خلاص ياحاتم لا انت بحبك لمنه وتمسكك بيها بتخسرني كل يوم اكتر من الاول لحد ماهيجي يوم مهما تعمل مش هتعرف تكسبني تاني وتنهدت بوجع وسكتت
حاتم ضمها وفضل يطبطب عليها لحد ماابتدت تنام برتياح جوه حضنه
في بيت صافي
جيسي بتعب لا انا هقوم انزل خلاص بقيت فل اهو
صافي يابنتي حرام عليكي ده منظر واحده زي الفل
جيسي وهي بتمسك اافون اكملت اه هنزل خلاص ورنت علي مالك
جيسي الو
مالك ايه يا حبيبتي عامله ايه دلوقتي
جيسي بتعب كويسه كنت بقولك انا هنزل اروح خلاص
مالك لوحدك ?
جيسي اه بس ممكن اقول لحاتم يجي ياخدني
صافي بصتلها وهزت راسها بيأس منها
مالك لالا انا مع ذياد اهو مروحين هنعدي عليكي انزلي نوصلك
جيسي مش عايزه اتعبك يا مالك
مالك بحب ولا تعب ولا اي حاجه يا حبيبتي اجهزي انتي بس
جيسي حاضر يلا باي
مالك باي
صافي بحده بردو مش هتتغيري ابداااا
جيسي بنفخ هو اانا قولت ايه
صافي بحده لا ولا حاجه
جيسي بتنهيده طيب يا صافي هحاول والله
صافي بحده تحاولي ايه انتي لازم تعملي كده اصلا … يابنتي افهمي بقي حاتم مش بيحبك وانتي حامل في ابن مالك يعني خلاااص املك اللي كان علي الفاضي وياما قولتلك كده اللي هو انكم تكونوا سوا رااااح خلاص هو كمان متدمريش بقي حياتك وشوفي مستقبلك ولو مش علشانك ياستي علشان ابنك اللي جاي ملوش ذمب ان امه تبقي بتحب راجل غير ابوه وغير متفاهمه معاه
جيسي بدموع ليه محسساني انه زرار هدوس عليه هنسي حب من انا صغيره انا مش بمزاجي يا صافي
صافي بحده انتي مش بتحاولي اصلااا يا جيسي .. مش بتحاولي واكبر دليل انتي عايزه تروحي الفيلا علشان عايزه تشوفي حاتم مع انك تعبانه ومش قادره تتحركي
جيسي وبحده ودموع انتي مين قالك كده
صافي بحده انا اللي بقولك كده وانا عارفاكي وحفظاكي اكتر من نفسك زي منا عارفه ان حبك لحاتم حب تعود انتي وعيتي علي الدنيا ملقتيش غيره اتعلقتي بيه لانك نفسك تجربي الحب وهو اللي كان قدامك واهتمامه الاخوي خلاكي ذيدتي في ده انما احساسا وشعورا عمرك ماجربتي ولا عرفتي طعم الحب الحقيقي وخديها مني كلمه مالك اللي هيصحي المشاعر دي جواكي وهيعوضك بس كفايه ارجوكي انتي كده بتخوني ثقه مالك فيكي هو مش بيعترض علي حاتم ولا حتي زعل ان حاتم وصلك الصبح متكلمش اصلا لما انا قولت قدامه لانه فاهم انكم ولاد عم وهو اخوكي الكبير ارجوكي يا جيسي حاتم ماضي وانتهي ومالك هو حاضرك و مستقبلك وده غصب عنك ونتيجه افعالك ووالله ربنا بيحبك ورحيم بيكي برغم كل اللي عملتيه ان كرمك بواحد زي مالك فارجوكي متكسريش ثقته فيكي هتبقي طعنه وحشه اوي لو عرف ان مراته بتحب غيره كده والثقه بتيجي مره واحده يا جيسي فكري بعقلك قبل ماتخسري مالك كمان انا عامله عليكي علشان انتي اختي
جيسي بدموع حاضر يا صافي والله هحاول اعمل كده واتمني فعلا ربنا يعوضني مع مالك ومليش دعوه بحاتم خالص خلاص انا لازم اقفل الصفحه بتاعته دي للابد انتي صح وكل كلمه قولتيها صح ومالك ميستاهلش مني كده ابداا وقامت سرحت شعرها ولبست قميص مالك فوق التيشرت وظبطت هدومها ولقيت فونها بيرن
جيسي الو
مالك بحب يلا يا حبيبتي انزلي
جيسي حاضر وقفلت معاه
وحطت حاجتها في شنطتها
صافي حضنتها واكملت بتنهيده خلي بالك من نفسك وفكري كويس
جيسي بحزن حاضر
ونزلت
تحت قدام البيت
جيسي نزلت وفتحت باب العربيه اللي ورا وقعدت وذياد طلع
مالك باص عليها من المرايه واكمل شكلك تعبان انتي خدتي دواكي اللي هو الساعه 8 ??
جيسي بتعب اممم خدته بس انا حاسه بارهاق اوي هروح انام
مالك بتنهيده سلامتك يا حبيبتي
جيسي بابتسامه الله يسلمك يارب ورجعت راسها لور وغمضت
مالك بتحذير ذياد حاسب وانت بتسوق الله يخليك اي مطب
ذياد عيني والله متقلقش
مالك جيسي فوقي يا حبيبتي علشان تعرفي ذياد طريق بيتك احنا منعرفش
جيسي بتعب مش قادره يا مالك لسه صاحيه وهموت وانام تعبانه اوي بس مش مرتاحه في العربيه
مالك طب استني يا ذياد وقف العربيه
ذياد وقف فمالك نزل فتح قعد جمبها واكمل اسندي راسك عليا ونامي يا حبيبتي بس قوليله العنوان
جيسي ابتسمت بحب واكملت ماشي العنوان في ****** ونامت علي كتف مالك وفضل يطبطب عليها
ذياد بابتسامه ايوه يا عم فضلت تحفل علي ادم وعمر لحد ماحصلتهم وانا اللي فضلت لوحدي اهو
مالك ضحك وغمز واكمل مش عارف مع اني حاسس انك هتحصلني قريب
ذياد بضحك قافشني يعني
مالك بضحك طبعا مش عشره عمر
ذياد بحب قريب باذن الله وضحك واكمل بس مسيطر صح لبستها قميصك اهو
مالك بضحك عيب عليك يابني انت متعرفش قيمه اخوك لسه
ذياد ضحك واكمل اومال .. وبص عليها من المرايه واكمل هي نامت ?
مالك دي سافرت مش نامت بس .. وتنهد واكمل جيسي الحمل تاعبها اوي ربنا يكون في عونها هي اصلا رفيعه اوي وضعيفه
ذياد بتنهيده ربنا يقويها يارب يا حبيبي وتقوم بالف خير خليها بس تاكل كويس اهم حاجه علشان صحتها ترد
مالك بتنهيده دي بتاكل اكل بجد مش عارف اقول ايه هو مينفعش يتسمي وجبه كامله او يشبع اصلا او حتي هيقدر يفيدها في وقت حمل دي بتاكل كانها عامله ريجيم الصبح تقولي قال فرنش توست وبان كيك قال طب بلذمه انهي فطار ده .. وضحك واكلم ده الواحد لو مكالش تلاته ارغفه او رغيفين علي الاقل ست الكل تقول مالك يابني انت تعبان ولا ايه كمل اكلك اومال لو شافت اكل مرات ابنها
ذياد فضل يضحك واكمل لالا انت الله يكون في عونك يابني رايح تتجوز واحده من ايجيبت مش من مصر
مالك بضحك حقيقي ااه انا اللي جبته لنفسي تعرف يا ذياد انا اخاف أكلها فول تموت مني
ذياد فضل يضحك واكمل يخربيت فقرك بجد
بعد شويه وصلوا علي اول الشارع
مالك بحب جيسي وهزها واكمل حبيبتي قومي
جيسي بنوم اممم يا مالك
مالك قومي يا روحي خلاص وصلنا
جيسي فتحت عنيها بتعب واكملت طيب تعبتك يا مالك بجد .. ها تاخد قميصك ولا مع اخواته
مالك بحده اصل هقولك اقلعيه وامشي كده مثلا .. لا يا جيسي مع اخواته لميهم كده كلهم وهاتيهم معاكي في شنطتك لما نتنيل
جيسي انتي بتزعقلي ليه دلوقتي قولت ايه انا
مالك بحده اصل مانتي هتنزلي في شارع طويل عريض اهو احنا مجبناكيش قدام باب الفيلا علشان ابوكي لو جوه محدش يلاحظ فانك تقولي كده يبقي معندكيش مانع تنزلي الشارع كده يبقي بردو كلمتي ملهاش لازمه وعادي تمشي كده ولبسك للقميص دلوقتي ما هو الا مهاوده ليا علشان اليوم يعدي
جيسي بتنهيده مالك انا مش هتغير من يوم وليله
مالك بحده لا تتغيري لان مش مراتي انا اللي تنزل تفرج الناس علي جسمها بصي انا هفضل ساكت ساكت لحد ما مره هتلاقيني قلبت عليكي قلبه وحشه اوي
ذياد خلاص يا مالك اهدي
جيسي بحده انا مش هتنيل من البيت خالص ولا هنزل تاني اصلا ايه رايك
مالك بعصبيه احسن بردو ومتعليش صوتك علشان متلاقيش قلم علي وشك انا مش بشتمك انا بقولك حافظي علي نفسك
جيسي بضيق طيب يا مالك اي اوامر تاني
مالك بحده ولا اوامر ولا زفت روحي يلا
جيسي نزلت وقفلت الباب ومشيت بغيظ
مالك بتنهيده اطلع يا ذياد
ذياد بتنيهده معلش مش بسهوله بردو تغير طبع اتعودت عليه واحده واحده غيرها
مالك بحده سيبك منها انا ساكت بس دلوقتي لانها لسه مش متقبله وجودي في حياتها ومتعودتش انما يوم ماتتكتب علي اسمي تبقي تلبس كده وتجرب تنزل بيه اقسم بالله اكسرلها رجلها فيها
ذياد بضحك ده انت معبي من ناحيتها اووي
مالك نفخ واكمل استغفر الله العظيم يارب وتنهد واكمل والله يابني مش ببقي عايز اتغابي عليها بس هي عايزه المعامله دي علشان تسمع الكلام جيسي لما بكلمها بهدوء بتعلي صوتها وبتعدي حدودها في الكلام زي ماشوفت دلوقتي لما بعلي صوتي عليها وبتعصب بتختصر وتسكت فا المعامله دي هي الصح ولسه لما نتجوز هكسر غرورها ده وده سبب من الاسباب اللي علشانه قولتلها اني نجار وهخلق منها بنت متواضعه غير جيسي دي خالص وهرجعها لربنا وده وعد وعدته ليه لو جعلها نصيبي
ذياد بحب ربنا يهدينا جميعا يا حبيبي
عند عمر وتاليا
تاليا هقوم اعملكم شاي
ادم لا شاي ايه ده كده حلو اوي يادوبك علشان منه تروح اتاخرت اوي
منه اه يا تاليا كويس علشان متاخرش اكتر من كده
عمر يابنتي الشاي مش هيطول
نسرين بحب اعملهولك انا يا عمر
عمر بضيق لا تاليا هتعمل للكل
ادم ضحك لانه عارف ان نسرين بتحب عمر واكمل طب نبقي نشرب وقت تاني بس طلما تاليا هتعمله اكيد هيطلع حلو جدا
تاليا بضحك مجامله مقبوله
ادم وهو بيسلم علي عمر اكمل بضحك لا عيب عليكي .. يلا باي يا حبيبي
عمر يابني اقعد مجاتش علي الخمس دقايق
ادم لا الوقت اتاخر كده حلو اوي يلا يا منه
منه حضنت تاليا واكملت بحب يلا باي يا قلبي
تاليا بحب باي
وفعلا منه مسكت ايد ادم ونزلوا ركبوا اوبر وقالت منه عنوانها للاوبر واكملت لادم هنقف من برا ها علشان محدش يشوفك
ادم بستغراب منه باباكي عرف اصلا فا فيها ايه
منه بتوتر اصل هيقولي كل ده لحد دلوقتي معاه وكده يعني
ادم بتنهيده طيب ابقي اقف علي اول الشارع يابويا معلش
السواق حاضرر يابني
عند عمر وتاليا
عمر هاتيلي الشاي جوه يا تولي
تاليا حاضر يا حبيبي
في اوضه عمر
عمر دخل استغرب من الادويه اللي مكسوره في الزباله ولسه هينده تاليا لقي اخته قدامه
داليا عايزه اقولك علي حاجه مهمه يا عمر
عمر ايه يا حبيبتي خير
داليا بتنهيده طبعا مستغرب ازاي الادويه دي اتكسرت مش كده ??
عمر بستغراب اه كنت لسه هسال تاليا
داليا بتنهيده انا هقولك كل اللي حصل ومش هسكت بجد لان اللي حصل ميتسكتش عليه
عمر قعدها وقعد قدامها واكمل قولي يا داليا
- يتبع الفصل التالي اضغط على ( رواية حب غير مشروط ) اسم الرواية