رواية انتي قلبي الفصل الخامس و العشرون 25 - بقلم ولاء فتحي
(25
في غرفة الفندق الباب خبط
وليلي مش مصدقة نفسها بصت لها تالين
وهي متضايقه افتكرت كل الالم الي اتسببت ليها فيه
كلامها كل تصرفاتها
تالين : ليلي ممكن ادخل
ليلي : تالين عاوزة ايه . جاية تنفذي تهديدك وهتوريني
تالين : من فضلك محتاجة اتكلم معاكي
انا اسفه جدا ليكي بس فعلا لازم نتكلم
ليلي : اتفضلي يا تالين
تالين : ليلي انا اسفه في كل حاجة اتسببت لك فيها
في كل مشاعر سلبية شوفتيها بسببي
انا كنت فاكرة لما اعمل كدا هقربك من محمد اكتر وتغيري عليه
ليلي: اسفه انك دمرتي كل حاجة جوايا وخلتيني منهارة ومشوشه
اسفه انه كان اقرب انسان ليا علي الاقل ك اخ وخسرته
اسفه اني كنت بنهار
اسفه علي تجريحك فيا
اسفه علي ايه بالضبط
انتي كسبتي اخ وانا خسرت الانسان الوحيد الي كان جنبي طول عمري
تعرفي اني معرفش عنه حاجه بقالي اكتر من شهر
تعرفي انك السبب اني بقيت شبه مخطوبه لابن عمتي
عموما حصل خير يا تالين
تالين : ليلي . محمد بيعشقك بيعشق اسمك وتفاصيلك وانا حاولت اساعده وهو قالي ان كدا غلط ومسمعتلوش للاسف
قالي ان محاولش اضايقك تعرفي انه لما عرف اني كلمتك ب حده حجزلي علي اول طيارة ومشاني من مصر كلها
ليلي : انا مليش حق اتدخل واسفه علي تدخلي وندمانه جدا علي كل الي بدر مني
انا مش جاية اقولك ادي محمد فرصه
انا عاوزاكي تسامحيني ضميري مش متحمل وبكت تالين وليلي لم تتحمل فا حتضنتها
خلاص يا تالين انا مش زعلانه محصلش حاجة
انا قولت لك الي في قلبي
وكمان ريم مينفعش تشوف حد زعلان اليوم دا
بس سؤال يا تالين
مين فيهم كان موافق علي الي عملتيه وصدقيني هسمع الاجابة وهقفل علي كل حاجة
تالين : محدش كان عارف الا احمد وطنط امل
بس اعذريهم
طنط حاسة ان صحتها علي ادها وضيعت سنين بتحاول تحافظ وتكبر فلوسك وطبعا المجلس الحسبي طلع روحهم
وكانت شايفه ان الانسان الوحدي الي تكون مطمنه عليكي معاه بعد لا قدر الله موتها هو محمد
هي ام اعذريها
واحمد شايف اخوه الجبل الي مش بيشتكي بتنهار كل قواه في بعدك
ليلي
احنا بنحبك والله
ليلي : خلاص يا تالين قومي اغسلي وشك ريم زمانها هتيجي وانهارده الحنه لازم نكون جنبها
تالين : هو محمد رجع ولا لسه
ليلي: معرفش ومش هقدر اسال ولا اطلبه
انا وعدت اونكل اني مش هكلم محمد ولا ذياد حاليا
تالين :ذياد ؟ هو موضوع ذياد دا حقيقي
ليلي : للاسف ايوة ومفروض ناخد فرصه نتكلم وعدته بكدا
انا لسه مخلصة امتحانات ومرتبتش هعمل ايه
كل تفكيري في ريم
تالين تمام يالي لي ممكن اعتبرك اختي لان مليش اخوات
ابتسمت ليلي واحتضنتها وانا كمان مليش اخوات
تالين : ليلي انا اتربيت بنت وحيده في غربه ومليش حد الا ماما وبابا ما صدقت لقيتكم مش عاوزة ارجع وحيده تاني ارجوكي
ليلي : انتي مش وحيده يا تولي احنا مع بعض
دخلت ريم لاقت تالين وليلي بيضحكو
ريم : تالين كنت خايفه متجيش
تالين ازاي يعني يا ريمو دا انا الي هقف اضبطلك الطرحة كل شوية ينفع مجيش
بجد: هتفضلي معانا في السويت صح
تالين : للاسف يا بنتي انا اتجوزت ذلك العاشق الالماني ولو اتاخرت عليه تحسي ان كلامهم الالماني كل خناق وزعيق ههههههههههه
ليلي : بجد مبروك فرجينا الصور
فضلو يتفرجو علي الصور ودخلت امل
انتو مجهزتوش مش في حفلة حنا وفي ميكب ارتست طالعه لكم
ايه دا تولي حبيبتي اذيك
تالين بتحتضنها : طنط وحشاني اذيك انتي
ليلي بسعاده واندفاع : ماما مش تباركي ل تالين تغيب شهر تتجوز ومتقولناش
تالين : انتو السبب لما نزلت مصر ورجعت اصر اني ابدا مش هسيبه تاني ههههههههه شوفتي ربنا عاقبني علي الي عملته واخد مني حريتي ازاي
ضحكو كلهم وامل
ربنا يسعدكم يا بنات
طلعت الميكب ارتست وكانو اجمل 3 بنات
عند احمد وهو مع اصحابه وابناء العائلة
احمد : مش معقول محمد جيت امتي
محمد : جيت من الطيارة عليك معقول اخويا الصغير فرحة بكرة واسيبه انهارده
احمد : دي اجمل مفاجاه يا محمد
محمد: لا ولسه مفاجات كتير يلا يا ابني البس علشان عاملك في جنينة الفندق حنة صعيدي
احمد انت بتتكلم جدا يااااه ايه دا مش ممكن
محمد: يهمس في اذنه اخبار ليلي ايه
احمد: لاء اتغيرت خالص وبقت اعقل وبطلع حنفية الدموع المفتوحة
محمد: وبتشوف ذيادولا بتكلمه اكيد بتحكي ل ريم
احمد : بابا مدي تعليمات ممنوع وكمان هو انا مقولتلكش علي ذياد
قاطعه اصدقاءه ايه الاسرار دي عاوزين يلا ننزل نحتفل
محمد : طيب يا شباب انا هاخد منكم العريس يلبس لبس الصعيدي
وانا اغير ويلا اسبقونا علي تحت
قفل وراهم الباب
محمد: احمد في حاجة انت مخبيها عليا
احمد : موضوع ذياد مش زي ما انت فاكر
كل الحكاية عمتها كانت مريضه ورافضة تسافر تعمل عمليه الا لو سمعت خبر خطوبة ليلي وذياد
وذياد طلب من ليلي ك رجاء انها تقبل كدا وفعلا سافرو تعمل العملية
محمد : والشبكة والناس دي مجنونه عمتها تستاهل تعمل كدا علشانها بعد الي عملوه فيها
احمد : ليلي عاطفيه يا محمد وذياد متفق معاها عمره ما هيضغط عليها تكمل معاه طالما هي مش عاوزة
الولد بصراحة مش طالع لامه خالص
محمد: احمد عاوز اشوفها يا احمد . علشان خاطري من بعيد وحشتني اوي
احمد : ولو ان تعليمات الحاج ان ممنوع بس حاضر
*******.
اتصل ب ريم
احمد : مراتي حبيبتي دي يا ناس وحشاني
ريم : احمد عاوز ايه بكسوف وتضحك
احمد: عاوز اشوفك مين معاكي
ريم: تالين وطنط وليلي وبعدين مش قولنا ممنوع قبل الفرح تشوف العروسه
احمد : بصي احنا عاملين حفلة صعيدي وانا هركب علي الحصان مش عاوزة تتفرجي
ريم : بسعاده ايوة يا ريت
احمد : هاتي الي معاكي وتعالي
ريم وحفلة حنة البنات
احمد: لسه عليها ساعتين تكونو اتفرجتو وبالرة تحكيلي تالين وليلي عملو ايه
ريم : اتصالحو وتمام اوي هنلبس حالا ونزل الجنينيه
باااي وقفلت
يلا يا بنات الشباب عاملين حفلة حنة صعيدي وحصان وعصاية وحاجة واو يلا نتفرج
ليلي : انزلو انتو وانا هجهز واحصلكم
ريم لا هننزل مع بعض
ليلي : لاء يا بنتي انا لسه هجهز هنزل وراكم علطول
*****.
نزلو ماعدا ليلي
محمد وافق منتظرها ومنزلتش
قابل تالين الي مشفهاش موعينه علي السلم
تالين : محمد نحن هنا اذيك
محمد : تالين اذيك حمدا الله علي سلامتك جيتي امتي
تالين : جيت انا وسامي زوجي انهارده فرح ريم ميتفوتش
لاحظت عنيه علي السلم
تالين : لسه بتجهز يا محمد
منزلتش معانا علشان لسه مجهزتش
محمد ابتسم وسكت
تالين : همست له
اطلع استناها قدام الاوضة وهاتها معاك هي لسه ربع ساعه وتخلص
محمد: للاسف مينفعش كان زمان
تالين : اعتبرها صدفه اوعي تضيعها من ايدك
محمد: مش هضغط تاني عليها يا تالين
تالين : طيب انا رايحه مع ريم
محمد سلم علي والده وحضنه
الحاج حسين : جيت امتي يا حبيبي وحشتني جدا
محمد: لسه جاي حالا علشان محمد
وحضرتك وحشتني اكتر
احنا تعاقدنا مع
الحاج قاطعه يا ابني مش كل حياتك شغل نتكلم بعيدن
المهم يارب تكون هديت علي بنت خالت
محمد: بابا ليلي انا الي مربيها وانا
الحاج: بتحبها عارف وانا اتمني تاخدها بس انتو ولعتو الدنيا وكان لازم تهدي
محمد: حضرتك عارف
الحاج : كل حاجة وعارف انك شهر كامل متصلتش بيها وبرضه متابعها
اوعي تكوون فاكر اني معرفش
لالا دا انا عارف
محمد: ممكن اشوفها
الحاج حسين : ممكن طبعا بس تفتكر انها ليلي بنت خالتك مش حاجة تانية
وعاوز اقولك اني عزمت ذياد علي الفرح بكره
محمد: ايه ؟ ليه
الحاج حسين : قولنا ليلي الي هتقرر عاوزة ايه
يلا اطلع استعجلها
محمد : بسعاده بجد
الحاج حسين :ايوة بس اتقل كدا بالراحة
محمد : طلع بسرعه
ليلي بتفتح الباب لاقته في وشها
اتخضت مبقتش عارفه تعمل ايه
وهو بص لها ومش عارف يعمل ايه
صوت ونبضات قلبه مشفهاش من شهر
عنيه بتبص لها
بتعاتب وتلوب وتسامح
حب يرجع لمرحلة ما قبل الحرب وكان شيئا لم يكن
محمد : بمنتهي الهدوء مش يلا يا لؤلؤة علشان ننزل الحفلة
ليلي : بس اصل
انا متلخبطة
محمد: يلا هاتي ايدك ننزل الحاج باعتني استعجلك
ليلي : بذهول اونكل حسين
محمد: ايوة يا بنوتي ولو ان بنوتي بقت انسه كبيره مشاء الله وبيجي لها ورد وضحك ببرود
ليلي : اتخضت بس اطمنت انه معاها فهو لها الامان
نزلت معاه وهي نازله لاقت اعصار
ايه دا يا خطيبة ابني
ايه الي بيحصل دا
ليلي : عمتو حمد لله علي سلامتك
راوية انتي بتعملي ايه مع محمد
ليلي : عمتو دي حاجة متخصش حضرتك
راوية : وكمان بتردي عليا
لاء تخصني انا ام خطيبك ولا نسيتي
شافتهم امل
واتجهت فورا ل ليلي
وبصت ل راويه
امل: راويه تعالي معايا فوق مينفش صوتك قدام الناس
ذياد جاي جري : ماما ايه الي بتعمليه دا
راوية : شوف خطيبتك يا ذياد الي بتعمله دا
ذياد: بص باحراج ل ليلي الي بدات تبكي ومحمد بيهديها والجو مشحون
ذياد : بص ل ليلي : ليلي انا اسف جدا متزعليش
بص ل محمد
بص ل امل : طنط امل انا اسف
محمد واقف بيهدي ليلي ومش عاوز يتدخل لان ليلي السبب في الموقف دا وقرر انه مش هيعمل مشكله الا لو لزم الامر
وبيتابع الموقف
راويه بتتكلم ازاي كدا
ذياد بحده من فضلك يا طنط خديها فوق
انا هطمن علي ليلي واطلع لكم بس ممكن رقم الغرفه
امل اخدتها وطلعت
ذياد: ليلي انا اسف
محمد : اول مرة يتكلم ذياد لازم تحل مشكلتك مع مامتك مش ذنب ليلي انها تتهان علشان وقفت جنب عمتها
ليلي بصت له بذهول : محمد انت عرفت
محمد: ايوة عرفت وفخور بيكي انك خايفه علي الست الي تبقي عمتك بالرغم انها شاركت في خطفك وكانت هتجوزك لاكرم
ذياد : ايه ماما ليها يد في كدا
محمد : ايوة للاسف
ذياد: محمد معلش انا هطلع لهم وانت هدي ليلي
ليلي بنت خالي وبنت خالتك وهي اهم شخص نخاف عليه وانا هتصرف
عن اذنك
*******ز
امل اخدت راويه فوق
امل : ايه يا راوية الي بتعمليه دا
كل دا ليه علشان الفلوس
حرام عليكي يا شيخة
راوية : فلوس اخويا الي بتبعزقوها احنا هنحافظ عليها
امل بنبعزق هههههههههههههه الظاهر انتي متعرفيش اننا ملناش حق في التصرف في فلوس القاصر
وبالرغم من اننا ممدناش ادينا علي مليم واحد من مال ليلي الا اننا وسعنا لها املاكها
راوية : كلام وخلاص
امل : راويه انتي ايه جرالك دا ليلي الي انتي عارفه كانت ايه لاخوكي
ايه جرالك بقيتي زي صلاح نسخه منه
مكنتيش كدا
الفلوس اهم من بنت اخوكي
من نفسيتها من صحتها
فاكرة اخوكي ولا نسيتيه فاكرة توفيق كان بيعمل ايه علشانك وكان قريب اد ايه منك
وليلي لما اتولدت
نسيتي بقي همك فلوسه علي حساب بنته
ايه جرالك صلاح غسل مخك
راوية بزعيق انتي ايه بتقوليه دا
كل دا علشان ابن اختك كل دا
امل راوية : انتي طالعه من تعب كنتي هتبقي بين ادين ربنا ليلي وافقت علي ابنك علشان توافقي تسافري
راوية ابن اختي ملوش علاقة هو الي بيحافظ عليها ويحميها انتو فين السنين دي
فين كل دا اخوكي ميت من 6 سنين كنتو فين
الباب خبط وامل فتحت
ذياد: ماما انتي كنتي مشاركة مع اكرم في خطف ليلي
راية : بتوتر انا معرفش
ذياد : ماما انا مش هسمح لحد ياذي بنت خالي والله يا ماما لو موقفتيش المهزلة دي لاهسافر علي اول طيارة وانسي ان ليكي ابن
راوية : هو ايه حصل علشان كدا انت سيبتها ل محمد وطلعت ليه
ذياد : محمد دا هو الي حماها وخد باله منها السنين دي
محمد دا الي خالي وثق فيه وعرفه شغله
محمد دا الي مسمحش انها تتخطف وتتهان بعقد جواز وهي متخدرة
ترضي دا لبنتك
ترضي عمتي وعمي يعملو فينا كدا مهو بابا برضه غني وعنده شركات
امل : ذياد
انا هنزل انا اطمن علي ليل ومنتظراكم تحت
وياريت تستعيذي بالله من الشيطان يا راوية وتحضني بنت اخوكي
الفلوس مش هتدخل معانا في قبورنا
اخوكي دخل في كفن وساب كل حاجة الا عملة الله يرحمه كان اطيب واحن انسان في الدنيا
انا يا راوية احترمت عضم التربة لجوزي ولو انتي مزنوقه في فلوس قولي انما بنتي محتاجة حب وعيلة الفلوس هتتعوض
فكري وعن اذنكم
بكت راوية وفضلت مع ذياد
************.
محمد : ليلي مش هسمح لحد ياذيكي طول ما انا عايش
ليلي :بعد الي عملته معاك يا محمد
محمد: هششش خالص متتكلميش افرحي انهارده حنة ريم
روحي مع البنات وصدقيني محدش هيقدر يضايقك
نزل ذياد : انا عاوزك
ليلي : راحت معاه وقعدو في الجنينة
محمد هيتجنن بس ماسك نفسه
والده مراقب ومتابع
الحاج حسين: محمد انت سايب اخوك ليه خليكي جنبه
محمد: حاضر يا بابا
******.
ذياد: ليلي صدقيني انا اسف
صدقيني انا اول مرة اعرف الكلام دا
وانا عند وعدي عمري ما هغصبك علي حاجة انا معاكي في اي قرار
معايا او مع اي شخص تختاريه انا جنبك
ليلي : ذياد انا كل ذنبي ان بابا ساب لي فلوس
انا مش عاوزاها ياخدوها ويسبوني في حالي
اول ما اتم 21 سنه هديهالهم يشبعو بيها
ذياد: انتي ايه الي بتقوليه دا
انتي قوية مش ضعيفه صدقيني مش هسمح لهم يقربو منك
يلا بقي قومي مع البنات وانا هروح ماما وبكرة اشوفك في الفرح
عاوزك تفرحي وتضحكي دا فرح اخوكي
ليلي : ابتسمت وقامت
محمد هيتجنن
ليلي بتبص عليه عمل نفسه مش واحد باله
ريم وتالين مندمجين في الفرجة
ريم: ليلي كنتي فين
ليلي : كنت مع ذياد
ريم مخدتش بالها : اه تمام كويس
تالين بتضحك بتقولك ذياد
ريم " ايه ايه الموضوع
ليلي : مفيش الموضوع ان عندنا حفلة جوا ولازم نلحق ندخل يلا بينا ولا مش عارفه تفارقي احمد
وضحكم ودخلو
نزلت راوية وسنداها امل وهي بتبكي
فين ليلي اتاسف ليها راح عليها ذياد
ماما اسفك انك تسيبيها منبوظش الفرح ويلا اوصلك البيت علشان عندي شغل
اخدها ومشي
وامل قعدت بحزن علي الي بيحصل بس قالت كل الي في نفسها وارتاحت
ومر اليوم
وكله مبسوط
ابالرغم من الي حصل مع راوية ولكن ليلي تخطته
ويوم الفرح الصبح
المجهول 1: مش عاوز غلطة تحصل
المجهول 2 :عيب يا باشا احنا بس هنعدي انهارده علشان الزحمة
وكله هيكون تمام
المجهول 1: لازم الموضوع يتم في سريه واسرع وقت
البارت التاني الفرح تفتكرو مين المجهول
- يتبع الفصل التالي اضغط على ( رواية انتي قلبي) اسم الرواية