رواية هي و القدر الفصل الخامس و العشرون 25 - بقلم ولاء فتحي
الفصل الخامس والعشرون
يفتح فارس الظرف ليقع منه شئ علي الارض يستغرب فارس انها مفتاح صغير
يلتقطه فارس ولا يعلم ما هذا المفتاح
فلا يبدو انه يطابق اي شئ في المنزل فاخذ ثواني ينظر له وفتح خطاب اخيه لعله يجد ما يفسر له ماهو لم يلبث ان قرا الخطاب حتي وقع جالسا علي الاريكه واضعا راسه بين يديه مغمض العينين ينذف قلبه من الحزن علي ذلك الذي قرران يفارقهم حتي ينتقم لابيه ويحافظ علي وطنه وظل يردد ليه يا حازم ليه دا انت كنت السند ليا وكنت بحس اني قوي بوجدنا مع بعض
في الخارج دخلت ريم تتحدث مع حسين الذي كان شارد الذهن وما ان وقفت امامه حتي طرد كل ماكان يفكر فيه ونظر اليها مبتسما بهدوءه المصطنع : حبيبتي سيبتي ليان ليه
ريم : وقعت بين يديه وهي تبكي
فانتفض حسين لبكائها : مالك ياريم في ايه الست دي جت قلبت المواجع علي الكل
نظرت له ريم : وحشني اوي يا حسين بجد وحازم وحشني
حسين: هم احياء عند ربهم يرزقون ادعيله وحافظي علي نفسك لانك مسؤله عن طفل صحتك وحالتك هتاثر فيه
اكمل حديثه باسلوب وصوت مرح يمثل الجديه
وبعدين عيب يعني لما تجيبيلي واد توتو كدا وبيعيط انا عاوز ابني واد جامد كدا وراجل فبطلي تعيطي يا ريم
ارتسمت الابتسامه علي وجه ريم وبدات تمسح دموعها باطراف اناملها وهي تقول هولاكو صغير وضحكت وقالت له نسيت صحيح انا جاية اقولك علي الي حصل
وبدات تسرد له خطاب حازم ل ليان ...... وبعدين يا سيدي فكرت نستغله ونقرب ليان وفارس من بعض
ضحك حسين علي براءتها وتحدث بجديه : بصي ياريم انتي حاليا تفكري في حاجة واحده التقدير علشان تتعيني في الجامعه معايا
ويلا قومي روحي للضيفه وسيبي الموضوع دا للقدر
ريم ابتسمت وقالت له طيب هدخل اعملك القهوة واروح
حسين : لاء يا ستي انا هعملها انا يلا متسيبيش ليان
انصرفت ريم
واخذ ينظر الي طيفها وهو يحدث نفسه بجد انتي قلبك جميل اوي يا ريم انا محظوظ انك تكوني ام اولادي
******************.
في بيت احمد
ناجي : احمد انت جيت انا هفضل محبوس كدا كتير
احمد : لا انا اخدت راحة اخر الاسبوع وهنسافر اسكندرية
اضطريت اقولهم ان امي تعبانه
ناجي وهنعمل ايه في اسكندرية
احمد : هناك اامن اسكندرية في الشتا فاضية وتقدر تتحرك بس طبعا بعد ما نغيير في شكلك
بس اوعيتتخلي عني يا ناجي
ناجي : عيب انا مش ممكن انسي جميلك دا
احمد : طيب خد البس دول
ناجي ايه دا
احمد : لبس صعيدي ودا هتدهن وشك بيه يغمقك شوية المفروض انك صعيدي وشقيان والشمس مضبطاك
ناجي: برافو عليك يا احمد بس هقعد هناك فين
احمد : انا مضبط كل حاجة هنقعد في ابو تلات حته جنب العجمي وكلها عرب يعني بره المدينه في شقه هناك علي البحر اتاجرت باسمك الجديد لغاية ما اضبط لك البطاقة والورق
بس الموضوع بتاع الورق والشقة دا هيكلفني 500 الف ايه رايك نكمل ولا
ناجي: لاء طبعا كمل ولما نخلص هديك الفلوس
احمد : لاء يا حبيبي مفيش لما نخلص الدفع كاش فوري خلي معاملاتنا واضحة
ناجي : بس هجيبلك الفلوس ازاي وانا مش عارف اخرج
احمد : خلاص بقي خليك لما تعرف تخرج نخلص
ناجي: لاء خلاص هعمل تليفون والفلوس هتكون جاهزه كاش
احمد : لاء خد دا رقم حساب ابويا بتاع المعاش تتحط فيه الفلوس و
كدا كدا انا الي بشوفله كل حاجة توصل الفلوس
24 ساعه وتلاقي ورقك خلصان
ناجي : بس هسافر ازاي وانا مطلوب والورق لو انكشف
احمد : عيب عليك يا باشا هتسافر زي اي صعيدي رايح يدور علي شغل
تفليته نايم فوق القطار
وعاوز الورق علي ابوه من السجل دا بقي تمنه حراق وانا معرفش اخرك
لمعت الفكره في عيون ناجي وقال له من السجل ازاي ويتكلف كام
هنا بدا يقترب احمد من اذنه وهو يقول له يعني شهادة ميلاد وورق دراسه وبطاقة باسم شخص كانه اتولد من اول وجديد
ورق رسمي محدش يقدر يقول فيه اي حاجة
وابتعد عنه تاركا له مساحة وعينيه مفتوحه ويبتسم ويحلم بالحرية
ودا يتكلف كام ي
نظر له احمد وهو يجلس ويشير له باصابعه 5 ارانب
اتصدم ناجي : ايه كتير اوي
احمد : متنساش كمية الاوراق والسجلات والاختام وكله لازم بسريه دا غير اننا هنغيير كل بصماتك في الداخليه علشان متتكشفش
تفتكر دا كدا كتير ان انسان يتولد من جديد بملف جديد واوراق جديده وبدل الاعدام
هيسافر رسمي
ونظر له عموما لسه في وقت وتقرر انهارده السبت والراحة من الجمعه وهحتاج رد قبل يوم الثلاثاء علشان في جيش هيشتغل
انا هنزل انا علشان عندي شغل
*****************.
خرج فارس ويظهر الارهاق علي ملامحه
حسين: مالك يا فارس
فارس: قص له من هي ريكا وايه علاقتها ب حازم والرسائل التي تركها لها وهو في كامل وعيه قبل ان يذهب ليهز عرش الشيطان وينتقم منه
حسين : تفتكر دا مفتاح ايه هو مقالش في الجواب
فارس: لاء كل الي كاتبه في الجواب خلي بالك من ليان وريم واني مفكرش انتقم له وانه كدا هيكون مرتاح
واني افتكر تاريخ ميلاد ليان ونحتفل بيه في شغل عمي سمير
حسين : اشمعني يعني
فارس مش عارف انا محتاج اروح للعميد ممدوح اكيد ريكا جايه في شغل وممكن هما يوضحولي ايه الموضوع لان حاسس كدا ان في حاجة مش واضحه
يلا بينا نخلص شغلنا
حسين: لاء ادخل نام شكلك تعبان والصبح نخلص يا دكتور
فارس : طيب انت وريم هتقعدو هنا لغاية الامتحانات ما تخلص
حسين: ايوه مضطر ازعجك
ضحك فارس: معلش بقي هتحمل دوشتكم مهي ريم غيرتك وفكت التكشيره
حسين : ريم اختك دي انقي حاجة في الدنيا بجد دا انا امي دعيالي بس لو تبطل مقالب وتفتكر اني مش صغير علي الملاهي يبقي كتر خيرها
ابتسم فارس وقال له بمرح : انت اخترت بقي واتحمل ولسه لما تجيب النونو هيكون عندك 2 اطفال البنت ومامتها
فارس: متقولش بنت احسن تتعصب عليك هي عاوزة ولد
فارس: هو انت لسه مقولتش لها
حسين بمرح انا اقدر دي كانت عملت لي وصله نكد
خليها مفاجاة دا انا لما بهزر واقولها بنوته بتقلب الدنيا
فارس: شكلها لما تولد هتسيبلك بنتك تعتني بيها جهز نفسك يا بطل لدور البيبي سيتر
ضحك فارس دكتور حسين الي راعب الكل بيبي سيتر
حسين : ضحك ليك يوم يا عم فارس
*******************.
مر يوم طويل جدا وملئ بالاحداث علي الجميع ومرت عدة ايام فيها احداث عاديه
ريكا سافرت بعد سلمت كل ما لديها للادارة
ليان بتستعد للامتحانات والبطوله
في يوم وهي في النادي
الله ايه الصدفة دي انسه ليان فرصه سعيده
التفتت ليان للصوت : استاذ احمد اهلا وسهلا
احمد: اخبارك ايه واخبار تمارين ايه
ليان : الحمد لله اهو بمتحن واتمرن
احمد : البطوله قربت يا بطله
ليان : ربنا يستر عن اذنك
احمد : اتفضلي ولو احتاجتي اي حاجة دا كارت بتاعي
ليان : شكرا معتقدش هحتاج
احمد : اي وقت دا حازم كام اخويا ياريت متتردديش لو في اي حاجة
ليان ابتسمت وانصرفت
ووقف احمد ينظر لها حتي اختفت
*****************.
في يوم ذهب فارس للعميد ممدوح
ممدوح : اهلا دكتور فارس اخبارك
فارس : اهلا يا فندم الحمد لله انا مش هاخد من وقت سيادتك كتير انا بس عندي موضوع عاوزة اسال حضرتك عنه
ممدوح : ريكا ؟ مش كدا
اطمن يا دكتور ريكا حد مضمون جدا
فارس : طيب ليه دلوقتي
ممدوح : مكنش ينفع تنزل قبل كدا بس بالمناسبة ايه الي قلقان منه ومحيرك كدا
فارس بارتباك : الموضوع ان حازم الله يحمه كدا متعمد انه يموت ودا مستغرب له لانه كان بيجهز يتجوز
كمان الرساله غريبة وايه المفتاح دا واخرج من جيبه المفتاح
ممدوح : لاء انت غلطان هو مش متعمد انه يموت هو كل واحد فينا يا فارس تسمحلي نرفع الالقاب احنا سننا مش بعيد اوي واعتبرني صديقك
فارس : شرف ليا يا فندم
ممدوح : اسمي ممدوح يا فارس ولا بترفض صداقتي
فارس: ابدا العفو انت اول حد فكرت فيه اتكلم معاه عن اللغز دا
ممدوح لو الرساله مفيهاش حاجة خاصه ممكن اشوفها
فارس: ابدا حضرتك مش غريب هو بيوصيني علي ليان واخرج له الرساله
ممدوح ممكن اشوف الظرف
فارس : اخرج له الظرف بدا ممدوح يقرا الرساله ويكتب كلمات
وارسل ل حسام
حسام : تمام يا فندم
ممدوح : تعالي يا حسام اقعد
حسام : فارس اخبارك
فارس : اهلا حسام اخبار الاولاد
حسام بخير الحمد لله ز واضح انه موضوع مهم
ممدوح : خد قولي رايك
حسام مسك الورقه الي كاتبها ممدوح والمفتاح
في نفس الوقت ممدوح اتفضل يا فارس واداله خطاب اخوه
حسام دا مفتاح خزنه في بنك
هو عمك في بنك ايه يا فارس
فارس : بنك 00000
هل له فرع في اليونان
فارس اعتقد اه مش متاكد
ممدوح كما توقعت انه سايب لك حاجة في بنك ودا المفتاح والتفاصيل هتلاقيها هنا في الفرع بتاع عمك
حسام : واعتقد كلمة السر هي تاريخ ميلاد الانسة ليان
ممدوح : وانا شوفت الظرف من جوا ملقتش عليه حاجة فكدا انت محتاج تتوجه للبنك وتعرف تفاصيل
فارس : وعلي وجهه علامات الدهشه طيب استاذن انا
ممدوح : فارس اي وقت بيتي ومكتبي مفتوح وعاوز اقولك ان حازم ضحي بنفسه علشان امن واستقرار مصر معلومات وصلتني ان مكنش الموضوع تهريب سلاح بس الموضوع مبيدات مسرطنه وحازم هزهم هزة قويه
حسام : طبعا يا فندم المعلومات بتقول ان ضربة حازم ليهم رجعتهم سنين ل ورا كان بطل حقيقي
مدوح : اتمني متروحش البنك اليومين دول يا فارس
اعتقد انك متراقب
فارس : ايه علي كدا ريم وليان
ممدوح : اطمن احنا جنبك بس اتمني لو في اي معلومات جديده او اوراق تبعتهالي شخصيا وياريت في البيت
فارس : تمام استاذن انا علشان عندي شغل
انصرف فارس وهو شارد الذهن
وخرج وراءه حسام سريعا وبصوت عالي يا سليم الباشا بيسال عن مستحقات حازم الله يرحمة ازاي متاخرة وازاي اخوه يجي بنفسه يسال عنها
فكانت تمويه للتغطيه علي سبب وجود فارس الحقيقي
***************.
بعد الظهر في البيت
نجلاء : ليان يعني انتي مشوفتيش فارس انهارده
ليان : لاء يا ماما انا وريم كنا مع حسين خلصنا امتحانات ورجعنا علطول ومشفتوش خالص
ريم: تليفونه مغلق يا طنط
نجلاء : هيكون فين بس كدا بدات اقلق عليه
ريم : اتصلت ب حسين وبيقول مراحش العيادة
- يتبع الفصل التالي اضغط على ( رواية هي و القدر) اسم الرواية