رواية تيمو الفصل الخامس و العشرون 25 - بقلم ولاء فتحي
(25)
وفجأه جلس تميم مع شريف
تميم : شريف عاوزك معايا في موضوع مهم
شريف : تمام معاك اهو خير
تميم : انا قررت وصمت قليلا اني اتجوز
شريف : ايه معقول هههههههههههههههه
يا ابني ما انا عارف متنساش انها صاحبة مراتي المستقبلية
تميم : ايه ابني دي متنساش اني الكبير
شريف : بس بقي مكنوش كام سنه الي هتوجع دماغي بيهم المهم انت ومايا قررتو ايه وامتي فرحني
تميم : مش مايا يا شريف
شريف بذهول : ايه بتقول ايه
تميم : انا هتجوز ليلي
شريف : انت بتهزر طبعا . انت ومايا بتحبو بعض وشايف انكم متفاهمين جدا وبعدين ليلي ازاي وليه ماهي كانت قدامك من سنين
تميم : بالضبط كدا كانت قدامي من سنين بس كان معاها باباها واخد باله منهم
شريف : وانت مايا والحب
تميم : مش كل قرار بناخده يخص حياتنا لازم ناخده بانانيه في اعتبارات تانيه غير الحب
شريف : انت مريض يا ابني انت غاوي تعذب نفسك حد يلاقي الحب ويفرط فيه
تميم : صدقني انا فكرت ملقتش حل تاني علشان اقدر اخد بالي من نسمه نسمه فعلا بنتي الي انا ربيتها ومش هقدر اروح بيتهم وانا غريب ومفيش في البيت راجل ومش هقدر اطمن علي نسمه دي امانه
شريف بعصبيه : انت كدا بتظلمها وبتظلم نفسك وبتظلم ليلي وضحك بسخريه لا وكمان بتدوس علي البنت الي بتحارب مع باباها علشان يوافقك عليك
ليه علشان الباشا بيظهر في وضع ومركز مش بتاعه ومش بس كدا لاء اقل بكتيييير جدا جدا منه
انت بجد مريض انك تعذب نفسك وتعذب غيرك
تميم : ببروده المعتاد : خلصت قة ادب انا غلطان اني بتكلم معاك
شريف : هو لما اوفك قدام نفسك تبقي قلة ادب انت بتتكلم معايا بنتناقش ولا بتبلغني قرارك
تميم : وتفرق في ايه
شريف : لاء تفرق لو بنتناقش فدوري احطك قدام نفسك
اما بقي لو بتبلغني قرارك فهقولك مبروك ومش هشارك في المهزله دي
تميم : مالها ليلي
شريف : ليلي بنت كويسه ومحترمه لكن انت بتحب ولما تلاقي الحب امسك فيه اوعي يهرب منك
تميم : مهو انا كنت بحب شين
شريف : بصراحة بعد ما شوفت لمعه عيونك وتغييرات الي مايا عملتها فيك او حبها عمله فيك اشك انك كنت بتحب شين
يمكن انبهار . تعود اعجاب انحذاب اختلاف ثقافات لكن مشفتش ملامحك بتتكلم بدون برود الا مع مايا
مشفتش الجمود الي عمي رباك عليه اتبخر الا مع مايا
فوق يا تميم قبل ما تندم وتجرح
تميم : انت ليه مش فاهم اني مقدرش افرط في نسمه دي امانه ومحتاجة
يقاطعه شريف : وانت لما تتجوز امها وانت مش بتحبها وبتحب واحده تانيه كدا مش هتظلم نسمه
تفتكر في ست في الدنيا تقبل قلب جوزها وفكره يكون متعلقين بست تانيه هتعيش تعيسه ونسمه الصغيره هتكبر وتفهم وبدل ما هتحبك هتكرهك لانك بتاذي مشاعر اقرب حد ليها وهي امها
تميم : انت مش متخيل بجد نسمه بنتي يا شريف انا الي ربيتها مش هقدر اشوفها في بيت راجل غريب مش هقدر اتخيل اني مش هيكون ليا سلطه اني اخد بالي منها ولو ليلي اتجوزت راجل تاني مش هيقبل بوجودي جنبهم
شريف : انت متاكد من كلامك طيب عن اذنك يا تميم
تميم : طيب انت رايح فين دلوقتي
شريف بلم حاجاتي وماشي بصراحة مش قادر اقعد اكمل نقاش معاك
قلبي وجعني عليك يا اخويا يا كبير يا سندنا
تميم : يا شريف دا قراري انا مسافر روما اسبوعين ولما ارجع هتقدم ليها رسمي واعمل حسابك هتيجي توصلني المطار
شريف : سيد يوصلك صدقني يا تميم انت محتاج تراجع نفسك بدون ضغط مني وانا لو وصلتك مش هسكنت عن اذنك
وتركه وخرج مسرعا غاضبا مما يفعله تميم بنفسه فكانه يهوي ان يعذب نفسه كانها لا يحب ان يشعر بالسعادة
...........................
ملك : ايه يا مايا في اجتماع مع الشركة السوسريه بخصوص بعض المنتجات
مايا : اه انا تمام جاهزة
ملك : مالك يا مايا .؟
مايا : مش عارفه تميم بقاله فتره متغيير وحاسه انه مش عاوز يكلمني
ملك: متقوليش كدا يمكن مشغول انتي عارفه انه انسان جد ومحترم
مايا : انا عاوزة ابلغه اني اقنعت بابي بس مش عارفه اقوله ازاي كنت منتظره انه يسال علشان اقوله
ملك: يمكن هو محرج يسال علشان ميترفضش
مايا : طيب يلا بينا علي الاجتماع وياريت متحكيش ل شريف
ملك: عيب عليكي انا برضه
مايا : دا انتي ابو كدا اصلا انا هتوه عنك ولسانك الفالت
ملك : يا حبيبتي الواد هو الي بيسرسب الكلام من بين شفايفي
دا مكنش المفروض يبقي رجل اعمال كان مفروض يبقي مخابرات يا بنتي
مايا : بتضحك ربنا يسعدكم ويخليكم ل بعض هو انسان كويس وانتي احلي اخت في الدنيا
ملك تضمها وانتي احلي اخت في الكون
....................................
علاء : صباح الخير ممكن اقعد
سعاد : علاء اهلا وسهلا
علاء : انا مش بضغط عليكي بس احنا كبرنا والعمر بيضيع
سعاد: الناس هتقول ايه والولاد
علاء: تعرفي حكايه جحي علشان يرضي الناس . الناس يا سعاد هتتكلم هتتكلم انتي تعرفي لما جدتي ماتت امي راحت خطبت ل جدي الي هو ابوها ولما سالتها حد يعمل كدا ما انتي بترعيه
ردت وقالت لي هو محتاج ونس محتاج حد ياخد ب حسه ويحس بيه مش محتاج خدمه كدا كدا الفلوس بتجيب خدامين كتير بس مبتجبش ونس وامان انه لو تعب يلاقي الي جنبه ويرعاه
سعاد: معلش سيب لي وقتي علي الاقل الولاد يتجوزو وساعتها اقدر اتكلم معاهم
علاء: الي يريحك يا سعاد انا همشي انا علشان تاخدي راحتك وانا كمان ورايا شغل
سعاد ابتسمت وامات براسها له
.............................
بيلا : ايه يا واد الكلام الي بتقوله دا
شريف : يا بيلا انا بحكيلك علشان نتصرف اوعي حد يعرف انتي اكتر حد عارف تيمو
بيلا : هتقولي واخد طبع ابوه الله يرحمه
شريف : وبعدين هنعمل ايه يا بيلا
بيلا :ك انت قولت انه مسافر روما امتي
شريف : مسافر بليل وهيقعد اسبوعين
بيلا : اممم طيب يا واد اقفل وانا هبقي اطلبك واوعي تقول حاجة ل خطيبتك متبقاش زي المدلوق اخوك
شريف : عيب عليكي يا بيلا انا ليا غيرك ومخطاتك وترتيباتك
بيلا : طيب يا حبيبي عدي عليا بكرة نتغدا سوا واوعي جدك يعرف اصل جدك الي يهمه انه يتجوز والسلام
واغلقت معها
مفيش فايده فيك يا تميم عاوز توجع قلبك ليه بس يا ابني
..............................
نسمه : يعني انت مسافر يا بابا
تميم : ايوة يا حبيبة بابا وهجيب لك من هناك حاجات كتير
نسمه طيب ممكن تجيب عروسه بوي هديه
تميم : عروسه بوي اشمعني
نسمه علشان عيد ميلاد رامي وانا عاوزة اجيبله هديه
يضحك تميم : رامي مين يا عفريته الي هتجيبي له هديه
نسمه : رامي ابن عمو سيد كان بيجي يلعب معايا عند بيلا وميسو
تميم : يا عيون بابا احلي هديه هجيبها انا ل رامي انما بنوتي مبتجبش هدايا ل ولاد
نسمه : دا طيب اوي يا بابا وملوش اصحاب غيري انا وعمو شريف هو بيقول باباه بيسيبه في البيت لوحده علشان ملوش ماما
تميم : انا هعمله عيد ميلاد بنفسي كبير لما ارجع خلي بالك من ماما ولو محتاجه حاجة كلميني علطول
نسمه : طيب ممكن تخلي عمو سيد يجيب رامي وانت مسافر العب معاه هنا
تميم : لو ماما مش هتضايق معنديش مشكله وتخرجي معاه كمان طالما معاكي عمو سيد وعمو شريف
نسمه : عمو شريف خلاص مش بيلعب معايا علشان ملك
تميم : يا حياتي اخليه يفضي ليكي هو انا عندي كام نسمه ويلعب معاكي هو ومك كمان
نسمه : بحبك اوي يا بابا
تميم : وانا بموت فيكي يا نسمه يلا بقي سلام علشان بجهز حاجاتي
نسمه تقبله في التليفون : سلام يا بابا ربنا يرجعك ليا بالسلامه
..........................
جلس تميم في مكتبه لوقت متاخر واغلق النور واسترخي يفكر فهو في صراع بين قلبه وعقله ولكن عقله نفسه في صراع وبينما هو غارق في افكاره
باب مكتبه بيخبط
تميم : ادخل
سيد : قالولي انك ممشتش قولت اطمن عليك
تميم : كان ورايا شغل بخلصه قبل ما اسافر
سيد : جلس مالك يا تميم في ايه
تميم : تنهد مفيش عاوزك تاخد بالك من نسمه وانا مسافر هي اتعلقت ب رامي وعاوزة تلعب معاه ووعدتها انك هتوديه ليها ولو في وقت انت وشريف خرجوهم
سيد: رامي كمان مبسوط بيها اوي الوقت الي والد مدام ليلي كان تعبان كان شريف بياخده يلعب مع نسمه
ومدام نبيله علطول بتسال عليه وبيزورها
تميم : سيد نسمه امانه في رقابتي ومسؤله مني وانا مسافر بخاف عليها
سيد : وحضرتك عارف اننا موجودين في عيابك كانك موجود
تميم : عارف يا سيد احنا عشره عمر وانا بعتبرك زي باسل وشريف
سيد : ضحك دا شرف ليا . مش هتحكي ملك
تميم : بعدين يا سيد انا عاوز اعدي علي البيت اسلم علي ماما وميسون واخد شنطتي ودي شنطة الوراق
سيد : طيب يلا اتفضل انا هوصلك
تميم : شريف مش هنا
سيد: شريف معرفش ماله قال عنده شغل وقالي اكون معاك
تميم : اتنهد طيب يلا بينا
سيد : اتفضل
وفي الطريق تميم
سيد عاوزك تجهز لي عربية لما ارجع علشان وعدت امي اني هتحرك بعربيه اشتريها بس بلاش اللون الاسود الي بتشتروه دا
سيد: تمام هبعتلك ميل بالموديلات والالوان وانت تختار
تميم : مفيش داعي اختارها بنفسك هتكون عربيتي الخاصة وعاوزها بيضا وعدت والدتي اني بعد كدا هركب عربيه علشان بتقلق
سيد : هي عندها حق حضرتك شخصيه معروفه
تميم : متنساش اي لبات ل نسمه بلغ شريف انها تكون مجابه ومن حسابي الخاص مش حساب الشركه هو معاه تفويض علي الحسابات
سيد: نسمه كل طلبتها تخرج وتلعب متقلقش نسمه زي رامي هي من سن بنتي الله يرحمها
تميم : ربنا يرحم الجميع يا سيد بنتك دي في الجنه وصبرك دا في ميزان حسناتك
وصلنا تعالي اتفضل اشرب شاي علي ما اخلص انت مش غريب البيت بيتك
سيد : اشكرك انا هنتظر في الجنينه انا بحب الهوا
تميم : براحتك
..........................
سيد: الو ايوة يا شريف
شريف : ايوه يا سيد روحت لتميم
سيد : انا معاه في الفيلا بيجيب شنطته بس واضح انه متضايق لاول مره اشوف الحزن علي ملامحه
شريف : لمح له عن حفلة عيد ميلاد الشركة
سيد: ايوة بس انت عارف دا مش دوري دوري تامين الحفلات
شريف : ايوة كلمه انك عاوز تضاعف التامين علشان في مشاكل افتح معاه اي حوار علشان يعرف
سيد: مالك يا شريف ايه حصل مع تميم انا حاسس ان في حاجة
شريف : بعدين هخحكيلك
سيد : يعني انا صح في حاجة
شريف : هو انت اي ضابط يا سيد بس معلش هقفل ملك بتتصل بيا
سيد : طيب مع السلامه
..........................
باسل وشريف : يا جدو احنا ذنبنا ايه اذا كان تميم مخلل
الجد : هتصعبو عليه وهيخاف علي زعلكم وهيتجوز
باسل : يا جدو طيب علشان خاطر ميسون البت خللت جنبي دي بنت ابنك برضه
شريف : وانا يا جدو يرضيك كدا افضل كاتب كتابي ومتعلق لا انا متجوز ولا خاطب
الجد : انت بالذات تسكت كل مخطاطتك فاشله انت مش قولتلي تكه وهيتجوز
شريف : اعمله ايه دا جوازه جملي يا جدو
باسل : يعني نكتفه ونجوزه
الجد : طيب خلاص لما يرجع كلموه محاولة اخيره
الاتنين : ولو فشلنا يا جدو
الجد كدا كدا فرحكم بعد شهرين بس محدش يقوله جهزو نفسكم في السر
الاتنين هجمو عليه انتي احلي جد في الدنيا
الجد : اكبرو بقي يا ولاد انتو سندي وعزوتي وعكازي انتو الثلاثه
مرت عدة ايام وفي يوم
حدثت مفاجأه
- يتبع الفصل التالي اضغط على (رواية تيمو) اسم الرواية