رواية عشقني في ماضيه الفصل الخامس والعشرون 25 - بقلم ميفو سلطان

 رواية عشقني في ماضيه الفصل الخامس والعشرون 25 

البارت الخامس  و العشرين..

كان ايهم يقف يفكر كيف سيكون وضعه اذا تركها تذهب ليحس بجسده يغلي من الداخل واحس ان الفكره في حد ذاتها قتلته ليهب ويهتف.. لاه تسافر فين عاد وتهملني دانا جتتي بتحرجني.. طب ايه ده عشج والا ايه في ايامي الغابره مش واعي ولا عارف اني اعشج ايهم مالوش في الحجات دي.. ولا ليا في العشج والحب والمسخره دي.. طب ايه هتجعد تاكل حالك وتسيبها تطفس من وشك العكر هتجعد بومه اكده ما تتلحلح وتخليها تريدك يا طور ماتعمل اي حاجه مالمسخوط فايز طول النهار جافش في الحزينه اختي.. اهه تلات سنين وما بعتجهاش.. والا التاني شاف البت مره وهينهبل عليها ونازل سحسحه.. ايه طور مابتحسش كيف ما جالت.. بت جمر فرسه نار بتخليك تشعلل ما تستاهل شويه تجولها كلمتين ناعمين.. شوف الحزين فايز بيجول ايه واعمل زيه وبطل تنطحها.. انت جواتك المسخوط اللي حبته ماتدور عليه منك لله البت هتروح.. لاه تروح ايه داني اجتلها جبل ما تهملني وتاخد بتي.. بتي ايوه.. هتسيبها تمشي وتاخد بتك تتربي بعيد.. لاه لاه ماههملهمش انا ماجادرش.. طب ايه.. ايوه فكر اكده واهدي علي حالك ليهتف.. لاه خلاص اوعي لحالك انت رايدها وهتموت عليها وهيا ماهتجيش بحموريتك دي يبقي اتلحلح كيف ابوك ماجال.. خلاص هم واطلعلها.. ليبتسم.. ايوه خلاص اني طالع.. هتلحلح لاجل عيون الجمر..

جلست دنيا مع فريده سارحه في كلام ادهم مبتسمه لتهتف فريده.. ايه بتحبيه..

لترتبك دنيا.. ايه بتقولي ايه..

لتضحك فريده.. بجول اللي شايفاه.. الواد بيعشجك اتهبل اياك وانت اهه النور بينط من وشك..

لتهتف دنيا.. لا لا مفيش عيب كده دا واحد متجوز..

لتهتف دنيا.. يا حسره جوازت الهم والشوم بت بومه وتجيب كرشه نفس.. ادهم اخويا ماشافش جواز ولا شاف حنيه. لا شفت وشه نور الا اما بص في وشك.. ماتخافيش يا خيتي.. لا هتخربي عليه ولا هتاخديه من مرته بس اصحك تسيبي حب اكده.

لتهمس دنيا.. اقول ايه بس. 

لتهتف فريده.. جولي اللي جواتك ولا تخافيش جولي يا بت الناس..

لتتنهد دنيا.. هقولك علي كل حاجه عشان تعبت.. لتبتسم فريده وتستدير وتسعد واثناء ذلك تفتح تليفونها ليسمع ادهم ما تقوله دنيا.. كان ادهم منصتا وقلبه يرجف ليسمع دنيا تقول.. انا بنت مش زي البنات تحسني مجنونه شويه بحب الحب نفسه.. من سنين وانا بحب واحد وحاسه انه موجود ساعات كنت بحسه مضايق وبيدور عليا كنت حاساه محتاجني تخيلته وتخيلت مكانه.. عارفه مش هتصدقي رسمت لوحه للمقعد بتاع النيل تحت ورسمت هاله نور وانا واقفه ابصلها بحب كنت بنام واحلم بيه احب واحن ليه هموت عليه َممكن تحسيني فعلا مجنونه بس بجد حبيت واحد ماشفتوش لحد ما جه ادم مش عارفه اول ماشفته وشفت عيونه قلبي رجف كنت هتجنن رسمت عيونه في اللوحه.. بحب عيون جوز اختي.. اتجننت كتير وايام كنت بقف ابص لعيونه واقوله هتيجي امتي.. وحشني واستنيت كتير لحد ما قلبي وجعني اول ما جيت وشفت ادهم خفت ماكنتش بصيت في عيونه اول ما وقفت معاه عالنيل وبصيت في عيونه قلبي وجعني.. كنت حاسه اني لقيت روحي لقيت نفسي لقيت اللي مانيمنيش سنين.. لقيت الحبيب والعشيق والونس والصاحب.. ايوه صاحب كنت بقعد اكلمه بالساعات.. اول ما لقيت ادهم لقيت روحي والله لقيت روحي.. انا حاسه بقلبي بيتمزع واول ما مراته جت حسيت بقهر الدنيا.. حبيبي مش ليا حبيبي راح مني.. لتجهش بالبكاء وتنتحب لتهتف انا موجوعه اوي وخايفه اوي خايفه روحي تبعد عني وماليش حيل اني اقرب خايفه هموت عليه بس ازاي اخرب بيته ازاي.. اعمل ايه موجوعه.. يا رب تعبت.. يا فريده ادهم ده روحي.. قلبي اللي استنيته يعشقني واعشقه.. لتجهش بالبكاء كان في ذلك الوقت لم يحتمل ادهم الكلام ليدخل عليهم بهدوء ليقترب ويشير الي فريده ان ترحل ليقترب بهدوء ويقف امام دنيا ويهمس ورَوحك بتجولك انها استحاله تبعد عنك.. لترفع عينيها بحب ودموعها تنزل ليقترب  ويهتف.. دنيا انت روحي وفوق روحي الدنيا اللي اتمنتها.. انا لحد كده ومش هسمح انك تبعدي ثانيه عني وسفر ورجوع مفيش والله لو هخطفك..

لتهتف.. طب ومراتك..

ليقول.. غارت في داهيه دانا كت في سجن لحد ما الجمر نور حياتي والله نور حياتي.. اكن حبيبي كان بيكلمني مستنيني.. يا لهوي يا فرحك يا ادهم..

لتهمس ادهم انا خايفه..

ليهمس طول مانا جنبك ماتخافيش انا استحاله اهملك ولو علي رجبتي .. دموعك دي بتحرج جلبي بالله عليكي لتنوريلي حياتي وتضحكي..

لتبتسم له ليضمها اكتر ويظلا هكذا لفتره ليهمس انا حاسس اني ملكت الدنيا بدنيا.. انت قلبي ودنيتي.. ليرفع وجهها زي ما روحك اتعلق فيا انا اتعلقت فيها لتسيل دموعها اكتر. ليهمس لها بحبه ليهتف.. طب ممكن الجمر بس يساعد اخويا الغلبان ممكن تحاولي تجنعي داليدا والله ايهم طيب بس طور نعمل ايه..

لتبتسم.. داليدا عايزه حاجه واحده تحس بقلبه وهو جامد عليها صدقني وقت ماتحس بقلبه هتلاقي حبيبها.. انت مش متخيل ادم كان حنين اد ايه دا كان بيشع رومانسيه ليها ولبابا وليا..

ليقطب ادهم جبينه.. نعم يختي ليكي اللي هو ازاي ما تتلمي هو كان نحنوح واهبل..

لتضحك وتهتف لا كان عسليه والله طيب وحنين وبيراعي ما كانش مخلينا محتاجين حاجه ومضلل علينا.. والله يا ادهم ادم كان مالي حياتنا وداليدا كنت بتعشق تراب رجليه صعب انها تكون لايهم الا لو ايهَم ادالها حنانه داليدا مش عايزه حاجه لا بتاعه فلوس ولا مناصب ولا دنيا داليدا قلبها دهب ومش عايزه الا قلبه.. والنبي يا ادهم وعيه داليدا بتتعذب اوي دا تموت من غيره.. بس هو صعب وناشف اوي مش زيك طيوب وحنين..

ليبتسم ادهم.. ويقترب بحب اكني طيوب وحنين.. لتخجل منه وتهتف بس بقه الله..

ليضحك.. يا بنتي مش انت اللي قايله.. طب يا قلبي هفهمو عالله يفهم.. ويهتف. طب انا رايح اسيبك تنامي بس علي شرط احلمي بيا زي ما هحلم بيكي..

لتبتسم.. ولا يوم الا ما حلمت بيك..

ليعود ويشدها اليه ويقبل يديها  ويتركها ويرحل تاركها تشع سعاده ونور..

ذهب فايز الي حجرته وظل ينتظر زوجته ولكنها لم تاتي.. ليظل جالسا ياكل حاله ويفرك. لكنها لم تاتي.. ليبعث لها رساله.. انه ينتظرها.. لترد.. نام انا سهرانه مع دنيا..ليهتف اكنك سهرانه ماشي يا فريده سيباني اكل حالي ليه يعني..وانا هموت عليكي اكده  طيب ماشي والله لما تيجي ماهعبرك..

ليمر الوقت وتدخل فريده كانت تنتظره ان يراضيها لتذهب وتلبس قميصها الذي وعدته ان تسهر به معها كان فاتنا عليها ولكنها لبست روبا وغطت نفسها كان روبا قصيرا كت يبرز جمال قدميها ويظهر زراعيها كانت رائعه وفردت شعرها ظلت تنتظره وهو جالس عالسرير مشغول بتليفونه لا ينظر اليها لترفع حاجبيها.. لتحس بالغضب. بقي اكده يا سي فايز يعني تزعلني تحت واطلع البسلك ومستنياك تجيلي ماتعبرنيش.. ماشي انت حر انا غلطانه من اساسه.. انا دلعتك بزياده وبراضيك علي طول وزي الهبله ماشيه وراك.. تسيبني اكده.. تمام اوي.. كانت الدموع تحرق عينيها لتتجلد وتذهب الي الكنبه وترفع قدميها وتجلس وتمسك احد الروايات وتبدا في قرائتها كان هناك صمت مطبق وبدا فايز يشعر بالضيق فهيا لم تاتي الي السرير ظل يفرك ويهز برجليه ويريد ان يذهب اليها ولكنه يمنع نفسه ليضع تليفونه ويستلقي علي جنبه وظل يلف ويفرك ليهب من مكانه غاضبا ليهتف بانفعال.. انت هتفضلي اكده ماتنامي وتجفلي المحروج ده عندي شغل الصبح..

لم تنظر اليه وقامت بهدوء وقفلت النور ورجعت الي الكنبه مره اخري وفتحت تليفونها وجلست في الظلام في صمت..

كان هو في تلك اللحظه مشتعلا.. طب ايه مش هتيجي طب هتنيل انام ازاي دلوك مابعرفش انام ومالها ماهتعبرنيش اكده.. طب ايه اجوم اراضيها.. راضيها يا فايز دي جلبك انت غلطت تحت..ليهتف عقله اه تراضيها وهيا ماعبرتكش من اساسه وسابتك.. اتخمد بدل ما ايهم يجوال انها ركباك.. ليستلقي ويحاول ان يستدعي النوم وشد الغطاء عليه.

لتجده نام وتركها لتحس بالوجع.. كده يا فايز اول مره تحصل تسيبني زعلانه.. اول مره من عمر جوازنا تنام من غير ماتاخدني في حضنك.. لتنساب دموعها.. كده هونت عليك.. لتمسح دموعها وتقوم وتخرج من الحجره الي داخل التراس احست انها ستختنق.. احس فايز بها ليهب جالسا ايه ده هيا خرجت بره ليهب هيا اتجنت خرجت عريانه اكده نهار اسود ليهب ويندفع للتراس ليهجم عليها ويشدها ويدخلها ويصرخ فيها.. انت انجنيتي ازاي تخرجي اكده.. ايه هتوري حالك للناس عبيطه اياك ايه الرخص ده..

لتبهت من كلامه.. رخص.. انا رخيصه يا فايز انت انجنيت..

ليبهت من قوله فهو غضب واحس بنار داخله ان يمكن الحرس راوها هكذا ليهتف بانفعال.. ما اجصدش انت ازاي تخرجي اكده..

كانت دموعها تسيل.. ولا تتكلم لتهتف.. انا وجفت جنب الباب كنت مخنوقه ماحدش وعالي يابن الناس مرتك مش رخيصه.. فريده ضرغام مش رخيصه.. لتنظر اليه بقهر وتتركه وتستدير لتذهب الي الحَمام لتختلي بنفسها ليمسكها علي باب الحمام ويحتضنها.. والله ماجصد حاجه والله كت مضايق بالله عليكي ماتعملي اكده ولا تتوجعي دانا اموت..

لتنظر اليه ببلاده.. بعد يدك عايزه انام لتستدير وتخلع روبها وترميه بغضب وتنام ليقف محصورا مما تلبس ولا يعلم ماذا يفعل فهو جرحها بعصبيته.. ليتنهد ويقترب.. ونام بجوارها ليقترب منها ويحتضنها.. طب اسف والنبي خلاص اني غلطان اسف ماجصدش بالله عليكي ماتنجهريش اكده..

 لم ترد كانت تمنع نفسها من البكاء لتهتف.. من فضلك عايزه انام.. وشدت الغطاء وتململت بعيد عنه ليظل ينظر الي ظهرها بقهر.. طب ايه غفلجتها وار تاحت هتسيبها تنام مجهوره اكده لاه ماجادرش طب اعمل ايه اصالحها ازاي دا مجهوره جوي دي كلمه يا بهيم منك لله حد يجول لمرته حبيبته اكده.. ظل يفرك بجوارها ليجدها نامت ليديرها بهدوء لياخذها في حضنه ليجد دموعها علي وجهها ليشدد عليها.. منك لله اول مره تنام مجهوره اكده عمرها ماحصلت حجك عليا يا جلبي والله ماجصد.. ظل يقبلها ويمسد عليها وهو يهمس لها بكلمات الحب حتي نام اخيرا من وجعه علي حبيبته..

عند داليدا كانت تجلس علي السرير لاتعلم ماذا حدث لها فهيا غضبت وتركته لتهتف.. هو ايه مابيحاولش حتي يحن عليا.. كده ادم راح خلاص طب هعمل ايه ماقدرش اسيبه وامشي وماقدرش اكون ليه وهو كده..طب حتي يبقي حنين شويه صغيره وانا هرضي والله هرضي  لتضع يدها علي قلبها وتنظر الي الرسمه ليرجف قلبها اغمضت عينها وارتخت علي السرير وظلت تتلمس الرسمه بحب لتهمس مش طالبه الا شويه حنيه.. تحس بيا واحس بيك وساعتها عمري ماسيبك دانا قلبي بيوجعني من الفكره.. ظلت هكذا حالمه تفكر في لمسات ايهم الحنونه عندما كان معها ليغزو عقلها كل لحظات قربه لتحس بمشاعرها تهتاج فجاه وقلبها يرجف لتحس ان بداخلها شئ قوي لايهم وليس ادم فقد تكون داخلها شيئا لا تنكره وتحسه لتنهد بوجع.. ولم تحس بذلك الذي دخل عليها الحجره ليتسمر مكانه كانت حالمه جميله خلعت قلبه ليبتسم عندما وجدها تتلمس اسمه ليقترب بهدوء وينزل بجوارها ليقترب ويقبل شفتيها بهدوء ويقبلها بنعومه لتبتسم بحالميه ليخفق قلبه فهيا تائه في مشاعرها ليمد يده ويتلمس وجهها وينزل علي رقبتها ويصل الي ذلك القلب ويقترب ويقبله بحب لتتنهد وتفتح عينيها بهيام لتجد ايهم ينظر االيها ويبتسم.. لتنتفض وتعود لنفسها وترتبك وتهتف بانفعال. ايه فيه ايه

ليبتسم ويهتف.. هيكون فيه ايه. دخلت لجيتك جمر وسرحانه فبوست الجمر..

لترتبك وتبتعد.. عيب بقه كده انت ايه ده.. ميفو السلطان 

ليصدح تليفونه ليتنهد ويرفعه ليجدها ابنه عمه ليهتف زينه عايزه ايه دلوك ليفتح الخط ويبتعد ليظل يجاريها في الكلام وداليدا قد سمعته لتحس بالنار دخلت قلبها.. مش دي البت اللي قالت عليها فريده بتلف عليه وهتموت عليه يخربيتها عايزه ايه منه دا متجوز وعنده عيله ايه عيني عينك كده والتاني بيرد عليها واقف يهمس اروح افلقه نصين دلوقتي. لينتهي ويعود مبتسما لتهتف ايه كنت بتسبسب شاطر بس تعض فيا وتيجي تسبسب عالتليفون.

ليبهت من غضبها ليهتف اسبسب

لتصرخ.. الهانم اللي لازقالك واختك قالت هتموت عليك هاه مالها بيك يا بيه ياللي عندك عيله قولي ايه ماصدقت لو فاكر اني هسكتلك تبقي بتحلم والله اطين عيشتك ايه ده اه النحنحه تطلع بس للهانم انما لحد تاني لا عيب ايهم مابيعرفش يتنحنح. ايهم مابيعرفش يقول ونازل سحسحه للهانم. 

ليبتسم علي غضبها ليقترب منها ويشدها.. جلبي غضبان ليه طيب عملت ايه... سبحان الله وبحمده 

لتصرخ بترد عليها ليه وواقف تسبل ليها

ليهتف.. اني سبلت والله اطفحها ما عملت حاجه دا بتسال عليا وبرد عادي.

لتصرخ بغيظ فقلبها ينهشها من الغيره عليه لتصرخ وتتصل بيك ليه واحد متجوز تتصل بيه تسال ليه بتتصل بادهم والا هو تماحيك وتلازيق ماتتلم بقه.ليضحك لتصرخ انت بتضحك علي ايه.

ليقترب ويشدها ليهتف بضحك عالجمر اللي غيران وجلبه مشعوط عليا يا فرحك يا ايهم. 

لتبهت وتهتف.. نعم نعم.. مين دي اللي غيرانه انا روح روح بلا غيرانه انا.. انا..

ليشدها ويقبل انفها انت جمر منور انت اللي واخد عجلي والله زينه ايه دي اللي ابصلها يا لهوك يا ايهم دانا معايا ملكه نازله من عرشها علي قلبي معايا داليدا قلبي.

لتهمس بخجل.. ابعد بطل كده.

ليهمس ابطل ايه وحبيبي كان والع وغيران عليا ابص لمين عاد دانا اعمي. دا جلبي ده نعمه.

لتهتف بطل يا كداب دانت بتحدف طوب ودبش وعند السحليه دي واقف تتنحنح.

ليضحَك.. زينه بجت سحليه.

لتثور هيا.. ايه مش عاجبك مش متحمل عالهانم كلام ايه واقع اوي كده.. اوعي والله اطين عيشتك واقعد علي قلبك وابقي اتجوزها كده والله اموتك.

لينفجر ضاحكا يا جلبي هموت اكده لتصرخ انت بتضحك علي ايه... سبحان الله العظيم 🌿

ليهتف بحب.. علي جلبي اللي شايط وبيحبني مش بيحبني برضك هموت فيكي يا بت الايه وهموت عليكي وانت جمر فاير اكده. ايه رايده ايهم غيرانه عليه يا جلبي. 

لتهتف بسخريه.. غيرانه بطل بطل اغير عليك انت. 

ليضحك ويرفع وجهها.. ايوه ايه ماهتغيريش لاه ازعل اكده وانجهر وساعتها اعوز حد يطيب خاطري. وانت ما هتطيبيش يبقي اروح لزينه ليستدير.

لتهجم عليه وتصرخ وتضربه انت تحترم نفسك بقه انا واقفه ايه مش متجوز انت اتلم بقه بقله ادبك دي.

ليضحك ويمسك يدها ويشدها ليشدد عليها ليهمس جلبي بيدج يا واخده عجلي هموت اكده لينزل عليها يهيم بها لتتململ وتهتف بطل بقا مش طيقاك انا بطل يا بتاع السحليه مش متخانقين احنا بتعمل ايه مش لسه متخانقين تحت ماتبطل بقه..

ليضحك ويقول.. طب اصالحك طيب. .. ميفو السلطان 

لتقطب وتنظر اليه.. بلا تصالحني بلا بتاع كل واحد في حاله..

ليقترب منها ونظراته تحرقها لتنفعل وتهتف بحنق ماتقربش بقولك.... استغفروااااا 🌿

ليضحك ويرفع يديه اهوه ايديا بعيد يا جمر ما تتعصبش يا جلب ايهم..ليغمز لها مش جلبه برضك. 

لتغضب.. انت بتكلمني كده ليه ماتتعدل..

ليضحك والجمر عايزني اتكلم ازاي.. جول يا واخد عجلي وانا اعمل علي طول..

كانت نظراته تشعلها وتحرق قلبها.. هو اتجنن هو بيبصلي كده ليه قلبي هيقف.. ايه طب هقفله يبصلي كده هموت كده.. هو اتبدل ما كان عفريت تحت.. لتتنهد وتبتعد وتجلس بغلب.

ليقترب ويجلس بجوارها ويهتف.. اسف..

لتقطب جبينها وتنظر اليه بدهشه ليهتف.. اسف اني زعجت تحت.. ليمسك يدها ويفتح كفها ويقبل راحه يدها بنعومه ويهمس اسف.. لتنظر اليه وقلبها يرجف بشده ليقترب ويتلمس اصابعها بشفتيه اعدلك اسف علي صوابع جلبي. اسف اني زعجت واسف ان الجمر زعل بعد ما كان رايج واسف اني طور واسف علي اي حاجه تزعلك.. ويمد يده الي الفراشه ويتلمسها ويهتف ايهم اني  بيجول لايهم اللي جريب من جلب الجمر يبوسلي جلبه ويجله حجك عليا.. ليقبل الفراشه ويرفع وجهه وينظر اليها نظره تشع مشاعر وهيام لتحس بانفاسها تصرخ بداخلها لتضع يدها لا شعوريا علي قلبها لتوقف نبض قلبها وهو يتاملها ويتامل تاثيره ليسعد وينشرح قلبه ليهتف بحب سمحتيني خلاص جولي وحياه فريده..

لتهمس بحنان.. اقول ايه..

ليقترب اكثر ويهمس جولي مسمحاك..

لتهمس بحب.. مسمحاك..

ليبتسم ويمسك يدها ويقبلها ليهمس . يا ايهم.. لتكرر ورائه بهيام فقد تاهت في عينيه.. ليقترب اكثر ويهمس بين شفتيها.. ايهم جوزك مش اكده.. لتهمس.. اه مش كده.. ليشدها اليه ويهمس هو ايه اللي مش كده وانت جمر كده كنت حمار وهتسيب الجمر يطفش ليشدها ويقبلها بحب ويشدد عليها وهيا تتوه وتتوه وتتعلق به كان قلبها يضخ الدماء لتحس بانفعالات مميته لها ليبتعد ويريحها ويهمس متجوز جمر تنور الجلب وتكويه طب ايه ادوس ونشوف والا جمري هيبكي تاني.. ليتنهد ويتمهل ليريحها عالفراش ويشدها اليه وظل يمسد عليها وهيا تتململ بحب وهو يقبل يدها كل حين لتبدا هيا تعود لوعيها لتجد نفسها في احضانه ملتصقه به لم تحس بالغضب من نفسها ولم تشعر بحزن ولا غرابه. لتخجل وتحمر وتحاول ان تبتعد.. ليشدها اليه ويهمس لاه بالله عليكي اهدي اني اهه براضي وبحايل وادلع جلبي ليتلمس قلب الفراشه مش جلبه برضك كانت غير مصدقه فادم زوجها حبيبها متلبس ايهم فرات ادم في شخصه الجديد ايهم ذو حنان مفرط لترتعش من جمال ما هم فيه ليلتقط تلك الرعشه ويحسها ليحس براحه ليهمس طب جلبي يبصلي طيب يبص لعيوني اللي هتموت علي رضا الجمر بس يرضي ما عايزش غير رضاه لياخذ يدها يتلمسها بشفتيه وهيا تتعلق بعينيه ليهمس عيونك سحر هرت جلبي اني خابر انك خايفه بس خلاص اكده جواتي رايد وحابب الادم والله حبيته عشانك ورايد اكونلك ادم ليقبل شفتيها بقبلات متفرقه ليهمس لا تمثيل ولا غصب ولا غضب من حالي بعد اكده كلو وراضي وهنا للي كلت عجلي من ساعه ما حطت اهنه.. دا انا اراضي لحد ما افطس اللي ما هملتني ما ههملهاش كانت كلماته كالسحر تدخل قلبها ليقبل الفراشه ويهمس دي هتوصلني وهتطير بيا جوا لجلبه الجمر ليبتعد ليجد عيونها تشع حبا وعشقا كانت تلمع لاول مره نظره براقه غير مصدقه ليهمس ايهم صوح.. بصاتك دي لايهم.. جول يا جلب ايهم جولي هفطس اكده 

لتهمس بهيام.اقول ايه..

ليهتف.. جولي ايهم وجلبك بيدج بيه جولي رايد اسمع اسمي بين شفايفك ليظل يكرر اسمه لياخذ يدها يضعهم علي وجهه لتتوه وتهمس.. . ايهم. ليتحول الامر لمشاعر تخرج من القلوب َتخلعها فايهم مشاعره قد تعالت من نظرات داليد الذي ما ان صب عليها حنانا قد تاهت ورضيت وهنأت بذلك الايهم لتتلمس وجه بهيام كما كانت تفعل لتهمس ايهم.. كانت تكرر همساتها وتتلمس عيونه وتنزل علي وجهه  واستقرت اصبعها علي شفتيه تتلمسهم بحنان وهو متسمر يقبل اصابعها وفقط وجسده يغلي من هيامها لتهمس ايهم.. ليهمس.. روحه ودنيته. انت هتموتيني بنظراتك دي جولي حاسه بيا عاد

لتنهد وهيا سارحه ايقترب من اذنها ويهمس حاسه بايه ليبتعد ونظراته تاكلها وهيا تهيم به وسرحت في دنيا خاصه به هو بذلك الايهم كانت معه بمشاعرها ليسمعها تهمس ايهم قلبي بيدق يا قلبي.. لتتلمس وجهه بحنان لتستقر اصابعه علي شفتيه وتحركهم بلوعه لتهمس ايهم رَوحي انت روحي والله روحي. 

ليحس انه سيموت حيا لينهال عليها يقبلها ولا يتركها وهيا تستجيب بحب ليظلا معا هكذا في وصله من العشق هلك َمعها واذا اراد اخذها وهيا تهمس باسمه ولكنه تجلد ارادها مشاعر فقط حتي لا يكون في ذهنها انه يريدها رغبه ليقبلها قبلات حانيه حتي فاقت لتخجل وتحمر وتشيح بوجهها خجلا ليبتسم بحب ليهمس طب خجلانه ليه ماني عايز جلبي يحبني ويجول رايده ايه.. اعمل اللي تامري بيه والله اجطع حالي ليكي بس ترضي حبه َحنيه اطلعهم من جوات جلبي اجطع حالي لاجل تحسي بيا  رايده حب وحنان هخلعلك جلبي من جوا تاخديه وتعملي ما بدك دانت تاج راسي النور اللي علي الجبين خجلانه من حالنا خجلانه انك بين يدي رايده ايهم. اني بقه مش خجلان اني اجول رايد جلبك وبعديها حالك لو  راضيه تديني جلبك بس واحفي عليه راضي اني. لو رايده جلبي المهري من جواته يجعد يطلع ويراضي هعمل اكده بس ترضي وجلبك يرضي جولتك ايهم روحي عندي بالدنيا دي لوحدها دنيا. داليدا انت دنيا هموت وادخلها تاني كيف ما دخلتها اجولك اللي رايداه اجولك الحلو كله ايهم تحت يدك اهه الطور بدا يجول وما هيبطلش بس تاشري وايهم طوع يدك  ليتلمس رقبتها لتتنهد ليهتف عارف جواتك طاحونه واني بتفرم معاها رايد اوجفها لينهال يقبلها فلم يعد قادرا ان يتحكم في نفسه وهيا طائعه تهيم معه ليهمس خلاص اكده حاسس بجلبك بيدج تحت جلبي وده لحاله نعمه وجمري محمر ومفيش غضب في عيونه يبقي راضي بجربي وانا اكده بحمد ربنا وراضي. نامي وريحي جلبي وجلبك شويه نامي وحسي بينا شويه.. لتتنهد وتستجيب له فقد تعبت من يومها وسقطت في احضانه تفكر بهيام كانت نائمه علي صدره تتلمسه بسرحان كانت هائمه مع كلماته وتحس بجسده وتهيم به لتظل نائمه تشعر بسعاده.. شفتي يا داليدا شفتي ايهم بقي ادم اهوه وعايزك َبيحن دانا هموت دلوقتي حاسه بسعاده هتفلق قلبي هو بقي كده ازاي دا انا شايفه ايهم َعايزه ايهم قلبي بيدق هو جرا ايه مالي مبسوطه كده ونفسي في حضنه اه عايزه حضنه ماهسيبهووش وهو كده لتظل تفكر فيه وهو محاوطها لتهيم اكتر وتثقل جفونها ولكنها فعلت ما خلع قلبه ادارت وجهها وقبلت صدره ونامت وغطت في نوم هاني وملامحها تشع سعاده اما ايهم ما ان فعلت ذلك ليتسمر.. جلبي هيجف.. حبيبي بيبوس جلبي وينام سعيد اني. تبوس جلب ايهم وتنام علي صدره.. ايهم اتباس من شفايف الجمر ونايم مرتاح شوف مرتاحه ازاي ليبتسم ويشدد عليها. شوف جلبي نايم في حضني وجال اني روحه اني بجيت روحه صوح من كلمتين يا جلبي ترضي اكده امال لو غرجتك من جواتي اللي بيغلي ده هتعملي ايه هتهبليني بحبك اياك دا حبه حلو وهو جمر وجربه جمر َمافيش فيه غلطه هري جلبي ببوسته جعد يملس علي صدري بتفكر فيا ولما ارتاحت باست صدري يا تري ليه حب ورضا. رضي ده راضيه بالايهم رضت وباست جلبه لما طلعلها اللي رايداه بس اكده دا كل اللي رايداه ماعايزاش ايوتها حاجه ليمسك يدها يقبلها ماريداش الا الحنيه شوف جميله ازاي ماعايزاش حاجه الا حبه حنيه منك ولما خدتهم نامت وباست جلبك ورضيت بحضنك ونامت فيه.. كت بتجولك ماهتخشش في حضنك انت جرف فيك ايه يتحب. فعلا كت جرف كلت جلبها ووجعته وبس شافتك حنين دخلت جلبك ودخلت حضنك ونامت جواه. مكلبشه فيك ازاي يا طور دانت روحها وهيا بجت روحك يا جمال حبيبي يا ناس.. نفسي اصرخ من فرحتي جالت ايهم جالت روحي باست جلبي فاضل ايه تاني كل ده عشان كلمتين يا جلبي انت ازاي اكده حلوه وتاخدي العجل . مانت بتعرف اهوه يا طور البت سورجت في كلمتين طلع اللي راشق جواك وبيغلي خلي البت ترشج في حضنك منك لله كت هتضيعها.. الجمر نايم ومرتاح ازاي ياهبل.. دوس وهاتها ترشج علي صدرك.. اه دا جربها حلو  جسمها نار  هري جلبي .. ايهم خلاص ماهيسيبش جلبي لعجله يبعده ايهم هيهري جلب حبيبه حب.. مش حبيبه برضك.. يا قلبه وجمالو . وقبلها واخذها في حضنه ونام َكله مشاعر وينوي ان يغرقها ويغرق معها... .. ميفو السلطان 🌛❤️

  •تابع الفصل التالي "رواية عشقني في ماضيه" اضغط على اسم الرواية