رواية هي و القدر الفصل السادس و العشرون 26 - بقلم ولاء فتحي
الفصل السادس والعشرون
بعد الظهر في البيت
نجلاء : ليان يعني انتي مشوفتيش فارس انهارده
ليان : لاء يا ماما انا وريم كنا مع حسين خلصنا امتحانات ورجعنا علطول ومشفتوش خالص
ريم: تليفونه مغلق يا طنط
نجلاء : هيكون فين بس كدا بدات اقلق عليه
ريم : اتصلت ب حسين وبيقول مراحش العيادة
بس بيقول رجع الكليه خلص ورق ومشي علطول لما حسين راح يسال عليه الساعي قاله كدا
ريم : انتي خلصتي امتحانات هتفوقي بقي للتمرين
ليان : اه هحاول اركز
ريم ك تفتكري فارس فين هو من يوم رسالة حازم وهو قافل علي نفسه وحزين
ليان : متعرفيش مكتوب فيها ايه
ريم : لا بصراحة مركزتش ز بس هو صعبان عليا اوي علطول وحيد وحزين وشكله مجهد ومبقاش يضحك
ليان : انا تقريبا عرفت هو فين
ريم : هو فين يا بنتي تعرفي وساكته
ليان : مشكله اني مش بسوق وطريق بعيد ومش متاكده هو هناك ولا لاء ومسكت تليفونها بس هتاكد
اتصلت ليان : الو اذيك يا طنط عاملة ايه وحشاني
انا ليان
ام هنادي : اهلا اهلا يا ست البنات اذيك انت عاوزة الدكتور
ليان : ياريت لان موبايله مفيش شبكه
ام هنادي : ايوة هنا شكله تعبان اوي او متضايق من ساعه ما وصل وهو قاعد لوحده بس المحمول هنا مبيشتغلش
الارضي بس الشغال ثواني ابعت له عمك ابو عبد الله
ليان بقلق وضيق : لاء يا طنط انا بس طالبه من حضرتك خدمه
ام هنادي : خير يا بنتي
ليان حضرتك عطليه لغاية ما اجي الطريق ساعه ساعه ونص
ام هنادي : عنيا حاضر
اغلقت ليان الخط وسط عدم ارتياح ريم فهي لا تعلم ايه الموضوع
ريم : مين طنط وايه الي بيحصل
ليان بعدين بعدين انا لما ارجع هقولك
ريم :هتنزلي ازاي طيب
ليان : ماما انا هطلب منك طلب انا هركب باص وهروح البلد وهرجع مع فارس
نجلاء ازاي كدا
ليان علشان خاطري يا ماما وافقي وهشرح لك كل حاجة
نجلاء : بابكي لو عرف
ليان : البركة فيكي يا نوجا يا قمر وتقبلها وتنصرف مسرعه
****************.
في بيت احمد
ناجي : اخيرا يا احمد انا هكون حر
احمد : علشان تعرف اني جد الجد
ناجي: ما انت لاهف 6 مليون جنيه
احمد : 5 مليون دي مصاريف انا اخدت مليون بس اتعاب مستكترهم يا نوجا ولا ايه
ناجي : لاء ابدا انت تستاهل بصراحة دا انت ولد مجبتكش ولاده بس متنساش انا اسمي عادل الدمنهوري
احمد : ماشي يا سي دمنهوري يلا علشان الليل ستار تلحق تروح
ناجي: انت مش جاي ولا ايه
احمد : مينفعش يا ناجي انا راجع شغلي ادور عليك
ناجي : طيب ابقي دور كويس ويضحك بصوت عالي وينصرف
@@@@@
بعد انصرافه : احمد : تمام كله مترتب له والرجاله في اماكنهم
علي الخط ممدوح : برافو يا احمد كمل عاوز كل الاوس 0000 يتمسكو ميكونش في اي عيون هنا
ثار حازم في رقبتنا هو وكل الي اتاذو
احمد : علم وينفذ
ممدوح : دايما متتكلمش احسن تكون متراقب
احمد متحفز احسن يكون متراقب : خلاص يا بابا هشوف سلام لماما
اغلق الخط وجلس يفكر فكيف كان حازم صديقه خدوما ومرحا وكيف اغتيل بين يديهم بسبب خيانة
فاقسم ان يفعل المستحيل حتي لو ضحي بعمره كله ليكشف كل الخائنين
وهو جالس شارد تليفونه بيرن
000: ايوة يا باشا ركبت اتوبيس رايح في
احمد : ايه طيب خليكم وراها بهدوء واوعي حد يضايقها وبلغني باي جديد
واخد مفاتيحة وانصرف
*************0
في البلد
ام هنادي : شوفه يا ابو عبد الله الشاب يا كبدي مدقش حتي المياه ونايم كدا من الصبح
ابو عبد الله : سيبيه هو بيحب يقعد لحاله لما يكون زهقان او متضايق
ام هنادي : طيب هقوم اعمله فطيرتين يتقوت بيهم وكلام في سرك الست ليان جاية يارب تبقي من نصيبه
ابو عبد الله : دي كانت عروسة المرحوم الله يرحمه كان شاب زين
ام هنادي : الله يرحمه . الحي ابقي من الميت والدكتور مفيش اطيب منه والبناية زينه
ابو عبد الله : بطلي كلام وروحي اعملي الفطير
ام هنادي : راحة بس اوعي يمشي وانا مشغوله
*****************.
انا جيت يا بشر انا جيييييت
نجلاء: سيف حبيبي وحشتني
سيف : نجلاء انتي بتحلوي كل مره
نجلاء : يا واد يا بكاش مش تقول انك جاي
سيف : انا كدا احب المفاجات
نجلاء ومقولتش ل راسيل انك جاي
سيف : طيب ادخل اقعد واقولها ولا اقولك انزل اعدي عليها اجيبهالك
فين ليان
نجلاء : ليان ربنا معاها نزلت مع فارس
سيف : وريم عاملة ايه
نجلاء : لسه راحة شقتهم تجهز نفسها علشان هترجع بيتها بليل
سيف لاء ترجع مين انا عاوز اخدكم كدا كلكم ونروح نحدد معاد الفرح
نجلاء: مستعجل علي ايه يا واد ارتاح الاول
اتصل ب ريم : ريما عاوز منك خدمه
ريم : طيب قول اذيك الاول خير يا ابني
سيف : عاوزك تعزمي راسيل علي العشا ومتقوليش ليها اني انا
ريم: واد يا سيف انت جيت يا واد
سيف : يا بنتي انا الباشمهندس سيف احترميني بقي ايوه جيت بس اوعي تقولي ليها
ريم: طيب حاضر هعزمها يا اخويا وافتكر الجمايل دي اياك يطمر فيك
سيف : دا انا الي هعملك ديكور اوضه البيبي يا ريم انا اخوكي
ريم: طيب اقفل حسين بيتصل
******************.
ليان: عم ابو عبدالله اذيك
ابو عبد الله : اهلا بست الكل اذيك جيتي ازاي
ليان : انا جاية ل فارس هو هنا مش كدا
ابو عبد الله ايوه يا بنتي ادخلي هو قاعد في الجنينة البحرية
ليان دخلت بهدوء وقعدت وفارس مسترخي ومغمض عيونه فضلت تبص عليه واد ايه ملامحه هاديه ولكنها حتي وهو مغمض عنيه حزينه
ليان : ممكن اقعد
فارس اتنفض بسرعه وقام ليان
انتي جيتي ازاي مين جابك
ليان : انا جيت لوحدي وعرفت اني هلاقيك هنا علشان لما بتكون متضايق بتحب القاعدة دي
ابتسم فارس بهدوء وبص لها : اول مرة حد يعرف عني حاجة
ليان : هو مش لما انا كنت متضايقه انت وقفت معايا
اكيد انا لازم اقف معاك وانت متضايق ولا بتشك في قدراتي يا دكتور
فارس ابتسم ليها : تعرفي يا ليان اني عمر ما شاركت حد اي مشاعر سلبيه ليا مبحبش اضايق حد
ليان : وانا حد برضه انا اعتبرني الاخصائية النفسية بتاعتك
فارس : انتي جيتي ازاي
ليان : فارس انا عندي 21 سنه تخيل كبرت واعرف اروح واجي انتو ليه شايفيني صغيره
فارس: لاء مش صغيره انتي غاليه فبنخاف عليكي
ليان : متغيرش الموضوع انا جاي اسمع منك مالك
فارس :حازم بيوصيني عليكي ازاي تخرجي لوحدك
ليان : تخيل انه بيوصيني عليك انت كمان وعلي ريم
فارس: بيضحك بيوصيكي انتي عليا
ليان : مش يمكن هو كان حاسس انك علطول وحيد ومش بتتكلم مع حد فخايف عليك علشان كدا بيوصيني
وهو عنده حق احنا اول ما بنحتاج حد بتكون انت الي جنبنا بس انت اول ما بتحتاج حد بتكون هنا لوحدك وانا بنفذ وصيته اهو وبكون الحد الي هيكون جنبك يا دكتور
فارس : بيبتسم ويسكت
ليان : اتكلم يا دكتور اتكلم متخبيش وانا هسمع وانا ساكته
فارس غمض عنيه : حازم سايب لي لغز مفتاح خزنه في بنك البنك في اليونان مش عارف ليه اذالك انتي المسدس بتاع بابا
ليان : هو خايف عليك كاتبلي انه خايف تفكر تاخد بتاره وانه خلاص اخد بتار طنط وعمو الله يرحمهم
شايف انك لازم تكون بعيد
تخيل اني اول مره اعرف ان انت الي علمت فارس النشان
فارس: تخيلي اني حاسس اني اول مرة حد يعرفني
ليان : انت الي حابس نفسك في اطار الكبير الاب يا فارس ودا خلاك تبعد حتي وانت محتاج حد جنبك
فارس : ليان انا ابويا وامي ماتو وانا في ثانويه وكانت ريم طفلة صغيره وحازم كمان كان لازم اقف واستوعبهم كان لازم اكون جنبهم كان لازم احتويهم
صحيح طنط نجلاء وعمو سمير مسبوناش بس مكنش ينفع اشيلهم همي انا كمان واشيلهم كل حمل اخواتي
انا كان لازم اكون اب ليهم علشان يطلعو زي ما انتي شايفه
كان لازم ادفن حزني في قلبي واحساسي بفقد ابويا وحنان امي علشانهم كان لازم اديهم الي ناقصهم والي ملحقوش ياخدوه منهم
كان لازم اكبر واكبر اوي كمان علشان اضمهم
ولما كنت بحس اني هضعف كنت باجي هنا اقعد شوية وارجع استمد قوتي من نفسي افتكر ابويا وشجاعته وكلامه علشان اكمل
ليان مكنش سهل عليا اني ادوس علي كل حاجة علشانهم بس كان هيكون صعب انهم يطلعو غير كدا كان لازم يكونو صورة مشرفه لابويا وامي علشان يرتاحو في قبرهم
ليان: تخيل يا فارس انا حاسه اني اول مرة اتعرف عليك اول مرة نتكلم ليه شايل كل دا لوحدك
فارس : صدقيني صعب اني اشيل والاصعب اني اتكلم بس العطاء مش محتاج شكوي العطاء محتاج قوة وصبر علشان نجني نتايجه
وبعد كل دا اخويا يقرر انه يسيبني ويسيب العالم كله طيب ليه يعمل فيا كدا انا راضي بقضاء الله بس حقيقي انا نفسي افهم وبقول اهدي علشان ريم متحسش بحاجة هي حامل علي وش ولاده ومينفعش نضرها انا حقيقي مش عارف اعمل ايه
ليان : انا عارفه نعمل ايه . انا جعانه وطنط عاملة فطير يجنن وقالت انك ما اكلتش فايه رايك ناكل ونرجع قبل دنيا ما تضلم علشان ريم عاوزة تروح انهارده
فارس: ابتسم لها تمام يا دكتورة ليان
ليان : تلميذتك يا دكتور فارس هروح اشوف طنط واجي اقعد في الجنه الي انت واخدها لحسابك
فارس ابتسم ليها ورجع تاني ينظر الي اللاشئ ولكنه هذه المرة مبتسم وتذكر حازم فعاد الي حزنه مره اخري
عادت ليان لتجلس ويتحدثو وتاتي لهم ام هنادي الاكل اكلو وهم يتحدثو
ليان : يلا بقي علشان منتاخرش وتاني مرة متجيش هنا من غيري تمام يا دكتور
فارس: تمام يلا بينا
***********************.
في بيت نجلاء
سمير : ليان تليفونها مغلق هي وفارس
نجلاء: متقلقش يا سمير ممكن شبكة
سمير : البنت احوالها مش عجباني حتي تمارين بقت شوية اه وشويه لا
نجلاء : الي اتعرضت له مش قليل يا سمير
سمير : اخيرا تليفون فارس اتفتح
الو ايوه يا فارس اخباركم ايه
فارس ايوم يا عمي اطمن احنا ساعه ونكون عندكم معلش البلد انت عارف مفيهاش شبكة
سمير : طيب يا ابني خلي بالك من طريقك ولما تيجي نتكلم
نجلاء : ها اطمنت عليهم
سمير : اطمنت بس مينفعش يروحو كل يوم والتاني البلد لواحدهم كدا البلد ارياف وكلام الناس
نجلاء : سمير انت بتقول ايه دا فارس يعتبر مربيها
سمير: بقول الاصول يا نجلاء بنتك كبرت وكمان في حكم ارملة اخوه متنسيش ان كان مكتوب كتابهم
نجلاء : طيب يلا نقعد مع سيف اصل عاوز يحدد معاد فرحه
سمير يستني اما اشوف ريم وفارس الاول لو لسه زعلانين ياجل
نجلاء: ريم معندهاش مشاكل وفارس انت عارف بيعتبر سيف زي حازم الله يرحمه
ونفسي نفرح بقي
سمير : طيب يلا نشوف الباب بيخبط
*******************.
ناجي : ايوة يا باشا انا ضامن احمد كل الي وعد بيه نفذه
المجهول : طيب يا ناجي حدد له معاد نتواصل فيه في المزرعه
ناجي: بس عاوز اقولك يا باشا بلاش خطيبة حازم علشان احمد عينه منها وشاكله واقع
المجهول : وانت مقولتش ليه معلومه دي مهمة كدا بقي له نقطة ضعف
********************.
في المساء اجتمع الجميع علي العشاء وسط نظرات سعادة من البعض وحزن من البعض وضيق
وبعد العشاء
استاذن حسين واخذ ريم وانصرفو للعودة لمنزلهم
واستاذن سيف علشان يوصل راسيل
ودخلت لين لتساعد والدتها وسط ضيق من نجلاء
اخذ سمير فارس في الصالون
سمير : فارس انت اخبارك ايه
فارس : الحمد لله يا عمي بخير
نظر له سمير وحاول التحدث لكنه صمت
فارس : عمي انت عاوز تقول حاجة ومتردد
حسين :ك بصراحة يا فارس انت ابني بس انت عارف البلد ارياف وكلام الناس
وانت وليان كل شويه هناك
فارس : عمي انا بخاف علي ليان زي ريم
احنا بنروح للمشروع الخيري الي بنعمله هناك علي روح حازم
وبنقعد مع عم عبد الله ومراته
سمير : انا عارف يا ابني بس
فارس : اوعدك يا عمي انها مش هتتكرر وانا هاخد بالي وبعتذر جدا ل حضرتك
سمير : الموضوع مش مستاهل يا فارس انت عارف انت ابني
فارس بابتسامة لا تعكس ما يشعر به : عارف يا عمي استاذن انا لان عندي شغل
خرج قابلته ليان : فارس علي فين انا جبتلك الشاي الي بنعناع الي بتحبه
فارس : معلش انا عندي شغل وخرج مسرعا
دخلت نجلاء : برضه عملت الي في دماغك يا سمير انت عارف الولد عنده عزت نفس ازاي طول عمره وملوش غيرنا انت كدا هتخليه وحيد
اخوه ومات واخته اتجوزت ومع جوزها ليه مين غيرنا
سمير : وحيد ليه يا نجلاء الاصول اصول انا كلمته علي مرواح البلد
نجلاء : انا اهو وانت اهو فارس هياخد جنب انت عارف طول عمره كان مبيحبش نساعده علشان ميتقلش علينا كنت كلم بنتك انت وسيب الواد يا وجع قلبي
سمير : الي حصل بقي
ليان : هو في ايه فارس ماله يا بابا
سمير : مفيش يا ليان
نجلاء : لاء في ابوك كلمه علي مرواحكم مع بعض كل شويه
ليان : الله ما طول عمرنا بيودينا ويجبنا ايه جديد
سمير : الجديد ان كان ريم بتكون معاكي
الجديد انك ارملة اخوه صحيح متجوزتوش بس انتي حاليا مش صغيره والناس كلامهم كتير
ليان : بس فارس الي وقف جنبي لغاية ما تخطيت موت حازم يا بابا
سمير : مبقاش ينفع يا ليان وسابهم ومشي
نجلاء : ابوكي عنده حق بس فارس ميستاهلش ان ابوكي يكلمه بصراحة انتي غلطتي لما روحتي له
والله نفسي تكوني من نصيبه الولد مفيش منه اتنين وسابتها وخرجت تشوف فارس
بعد شويه رجعت
ليان : ايه يا ماما شوفتيه
نجلاء للاسف شكله خرج
***************.
بعد عدة ايام فارس مختفي تماما
اتصل بيه سيف
ايه يا عم فارس انت فين مختفي من يوم ما انا جيت
فارس : سيف ابدا مشغول شويه
سيف : طيب ايه انا عاوزك تيجي معانا نحدد معاد فرحي
فارس : الف مبروك يا سيف بس اغفيني انا اصل
سيف : اعفي مين يا عم دا انت اخويا الكبير
فارس : هشوف ظروفي وعنيا يا سيف امتي
سيف : انهاردة الساعه 8
فارس : مش هوعدك يا سيف عندي تصحيح
اغلق معه الخط ومن خلفه ليان ونجلاء ها عملت ايه
سيف مش راضي بيقول مشغول
ليان : انا السبب
نجلاء : روحي افتحي الباب طيب
سمير : اذيكم الغدا جاهز
نجلاء اه جاهز يلا علشان هنروح لمامة راسيل نحدد معاد الفرح
سمير : كلمتو فارس
سيف : بيقول مشغول في العيادة والتصحيح
ليان تدخل غرفتها وتتصل ب ريم
الو يا ريما عاملة ايه
ريم : ليان انتي اخبارك ايه يا بنتي معلش انشغلت عنك انتي عارفه البيت بقي كنت سيباه وملخبط
ليان ولا يهمك لو عاوزة اي حاجة اجي اساعدك
ريم: لاء شدي حيلك انتي في التمرين
ليان : والله بتمرن طول الوقت بس انهارده هنروح نحدد معاد فرح سيف
ريم: اخيرا هنفرح الف مبروك بس سرعو قبل ما افقس لكم وتبقي شغلانه
ليان بتضحك لاء خليكي بطيخة كدا حلو اوي
ريم : بخبث الا اخبار فارس ايه مسالش عليا
ليان : مختفي يا بنتي تماما حتي مش فاضي يجي معانا انهاردة
ريم: بصي يا ليان انتي اختي وحازم كان مش بس اخويا كان اقرب حد ليا
بس مش هقدر اخبي عليكي
ليان : خير يا ريم
ريم:..........
ليان : ايه
- يتبع الفصل التالي اضغط على ( رواية هي و القدر) اسم الرواية