رواية تيمو الفصل السادس و العرون 26 - بقلم ولاء فتحي
(26)
حدثت مفاجأه في مكتب شريف بالشركة وجد من تفتح الباب دون اذن
فهي تعليماته لهم ان زوجته لها احترامها
شريف : ملك اهلا حبيبتي اخبارك
ملك : الحمد لله شريف احنا متفقين علي الوضوح والصراحة مش كدا
شريف : طبعا يا ملوكتي هو ايه حصل انا بحكيلك يومي بالتفاصيل الممله
ملك: لاء مش انت
شريف : طيب مين لما مش انا
ملك : انت وقريبك حالكم غريب انت مشغول وسرحان علطول و تيمو ليه بيتهرب من مايا
شريف بتوتر : بصي يا ملك الموضوع ميخصناش
ملك : بلاش تيمو ومايا انت بقالك فترة مش علي بعضك
شريف : بصي هخلص شغلي ونتغدا سوا
ملك : لاء انا مش هتغدا معاك الا لما افهم انت متعرفش مايا حقيقي متستاهلش المعاملة دي
ومتنساش انها اختي الاكبر مني
شريف : وتميم اخويا الكبير وهو (ولحق نفسه ) بصي هخلص شغل ونتغدا سوا
ملك : طيب تمام براحتك انا في الشركة لما تخلص عدي عليا وخرجت ورجعت
واه التريلات الي انت معينهم حراسه عليا دول خليهم يخفو عني شويه انا مش عارفه ادخل مول واخد راحتي
شريف : ولا تزعلي نفسك هشوفلك حراسه ستات داخل المول ولا اقولك ما تيجي معايا وانا هسيبك تاخدي راحتك
ملك : يا ابني انا تعبت انت محسسني اني هتخطف
شريف : ان كان عليا عاوز اخبيكي حتي من نفسي
ملك : انا همشي بقي باي
خرجت وجلس شريف يتنفس بضيق فمر اسبوع وتميم لا يتصل باحد وكل علاقتهم هي اميلات الشغل وملخصات المقابلات واحيانا ترسلها مديره مكتبه بالخارج
........................
بص يا كريم الموضوع دا انا حسمته خلاص
كريم : يا تميم انت كدا بتظلم البنت الي حبتك هي الطرف الوحيد الخسران
انت بالتعود والعشره هتاخد علي ليلي
وهتكون عيله وليلي كمان هتاخد عليك
لكن البنت الي بتحبك دي ذنبها ايه
تميم : ونسمه ازاي اسيبها انت متعرفش دي متعلقة بيا ازاي
مهاب كان موصيني عليها
اتعذب كتير والمرض بهدله مش هفرط فيها
كريم : يا ابني افهم لو ليلي كانت عاوزة تتجوز كانت اتجوزت من زمان
وانت لو كنت عاوز نسمه كنت اتجوزت ليلي من زمان دول 6 سنين يا تميم وغير انك الرجل الحديدي علشان تتجوز لازم تتجوز واحده سيدة مجتمع
انا مش بعيب في ليلي
ليلي جميله ولطيفه ومتعلمة تعليم محترم بس مش دي الي تكون شريكة حياة تميم شومان الي 10 دول في العالم نفسهم يعرفو شخصيته الي عمل طفره في شركتهم لدرجة انها بقت مجموعه شركات باسماء ومجالات مختلفة
تميم : مش هنكر ان عمليا كلامك صح مهو انت سياسي شغلتك الكلام لكن علي ارض الواقع انت نسيت ان والد ليلي كان عايش وهي عايشه معاه
حاليا هي ونسمه في بيت لوحدهم صحيح انا عامل مراقبه وحراسه هناك لان الزمن وحش ودي ارمله جميلة وصغيره والناس ملهمش امان لكن مينفعش ازورهم ولا اقعد مع نسمه هناك ولا كمان افضل رايح جاي وهخاف ان يجي راجل غريب يتجوز ليلي ونسمه تتظلم
كريم : لو انا رجل سياسه فانت شارب ومتربي علي ايد استاذنا الله يرحمه اونكل كان مثل اعلي لاغلب السيسين كان تعلب ويعرف يخلص الي هو عاوزه بشروطه انت اخدت منه كل دا في حياتك العمليه بس الحياه الخاصة عليها عامل كبير في استمرار نجاحك وزي ما انت بتقول البنت دكتوراه في الادارة والاقتصاد
وسيدة اعمال ليها اسم وناجحه وفوق دا كله بتحب تيمو البسيط
وضحك بصوت عالي يعني متعرفش انك غول المعمار وحوت الحديد وان بيتعمل ليك الف حساب في السوق العالمي
تميم :متكبرش الموضوع اوي دول كلهم 10 دول بس ميكملوش قارة
كريم : بيضحك يا مفتري دا احنا لما نحتاج نقرص ودن حد سياسي من اي دوله بنلجا لك تربيه من تحت ل تحت ههههههههه تقولي مكبرش الموضوع
عموما يا تميم باشا انت لسه علي البر ياريت تفكر في تميم لانسان لان في الاول والاخر هتفضل نسمه غريبه عنك مش بنتك .
تميم : سيبك مني المهم انت عامل ايه مع اخوك
كريم : من يوم وفاه مراته وهو قافل علي نفسه مبيتكلمش مع حد
تميم : المرض دا بقي زي النار مبيسيبش كبير ولا صغير ربنا يكون في عونه دا انا منساش مهاب والعذاب الي اتعذبه ووقفة ليلي معاه واهله ضدها
كريم: هي بنت اصول بصراحة وحبهم كان اقوي من اي حاجة الا انت محاولتش ترجع ميراث نسمه من اهلها
تميم : لاء طبعا اغلب الحاجات الي باسم نسمه انا خليت الحسبيه تحط اديها عليها بالعقود منعا لاي تلاعب والباقي بقي محتاج تقسيم وهما دماغهم ناشفه حتي نصيب ليلي رافضين يدوه ليها وهي بتقول مش عاوزة مشاكل مع اهل نسمه عندها امل يشيلو لها دا لما البنت تكبر وتقف جنبهم
كريم : ميتعظوش من موت اخوهم
تميم : في ناس ربنا مسلط نفسهم عليهم .
كريم : هستناك في حفلة السفارة وانا بقي مضطر امشي واهلا بيك في ليالي روما
تميم : لاء انت عارف انا مش بتاع حفلات وبكره انا مسافر المانيا وهطلع علي دانيمارك عندي حاجات لازم تخلص
كريم: سلام يا باشا وفكر كويس في كلامي
تميم : مش هوعدك
كريم: خرج العرق الصعيدي الي في دماغك دا وبينا لقاء
...................................
ليلي : طنط ازي حضرتك
بيلا : ليلي : وحشتيني وفين العفريته الصغيره وحشاني
ليلي : انتي اكتر يا طنط والله نسمه في المدرسه
بيلا : كلمي السواق يجيبها ونقضي اليوم هنا شيما جايه وسعاد وميسون وملك خطيبه شريف وهنعمل قاعدة ستاتي بقي
ليلي : ربنا يخليكم ليا يا طنط انا معرفش من غيركم كنت عملت ايه بعد وفاة بابا
بيلا : يا حبيبتي لكل اجل كتاب وانت بنتنا ومهاب كان من معزة تميم وشريف وباسل دا كان بيقعد معانا اكتر ما بيقعد في بيتهم علشان كدا مطلعش براوي زي اهله حكم انا اعرف امه وجدته من زمان
ليلي : ربنا يهديهم يا طنط هنعمل ايه بس
بيلا : وانتي يا ليلي مش ناوية يا بنتي تكملي حياتك انتي صغيرة وحلوة ومحتاجه راجل جنبك محدش اتقدم لك كدا ولا كدا
ليلي : انا بعد مهاب يا طنط اتقدم لي اخوه طبعا انا عارفه انه علشان طمعان في املاك نسمه بس انا مقدرش افكر بعد مهاب في اي حد
بيلا : لاء غلطانه يا ليلي انتي محتاجة تكملي حياتك يا بنتي متوقفهاش عموما هتتفك متعرفيش تميم كان حياته واقفه وبعدين حاليا بقي بيفكر
ليلي : ربنا يكرمه يا طنط دا تميم مفيش منه بجد يا بخت الي هترتبط بيه
بيلا: قومي يا بنتي غيري لبسك دا والبسي حاجة مريحه علشان هاخد رايك في موضوع يخصك
ليلي : خير يا طنط
بيلا : لاء قومي غيري ولما تيجي بقيت العصابه وخير يا قلب طنط وحضنتها بحب كبير
.....................................
شريف : يعني يا بنتي انتي راحة ل بيلا طيب نشرب عصير علشان بيلا هتاكلك السفره كلها
ملك : انا بحسها مش جدتكم دي صاحبتكم
شريف : ملك ان عاوز اقولك حاجة بس انا مليش دعوة وياريت عاوز ملك العاقلة الهاديه مش ملك المجنونه لان الموضوع كبير وحساس وانا بصراحة تعبت
ملك: خير يا شريف قلقتني
شريف : تميم عاوز يتجوز ليلي
ملك: ايه هو بيلعب ب مايا قريبك بيتسلي عنده وقت فراغ بيشغله
شريف : ممكن تبطلي ورجعي ملك المجنونه دي علشان احكيلك علي حاجات هتصدمك انتي تعرفي ايه عن تميم ومايا تعرف ايه عنه
ملك : انه ابن خالتك واخته خطيبه اخوه وبيشتغل معاكم في المطعم
شريف : اسمعيني بقي كويس واوعي الكلام دا يخرج بره
ملك : خير قلقتني كدا
شريف : تميم هو الرجل الاول الرجل الحديدي ورئيس مجلس لدارة شركات شومان وصاحب اكتر من نص اسهمها يمكن بعض الشركات 90 في الميه من اسهمها زي مطاعم تيم شي وزي شركة ادارة القري وغيرها
ملك : بذهول ايه معقول
شريف : متقاطعنيش يا ملك لو سمحتي
ملك باهتمام تنظر له وهي مش مصدقه ان الشاب البسيط صاحب الدراجة الناريه الي بيشتغل بايده احيانا كتير هو صاحب اغلب الامبراطوريه دي
تميم اتعرض لصدمه كبيره جدا اتعالج منها فترة طويله وبعد ما اتعالج فضلت حياته كئيبه لغاية ما قابل مايا بصي بالتفاصيل ....................................................................................................
ملك : ياااه كل دا مش معقول
شريف : بس يا ستي واديكي عرفتي هو ليه عاوز يتجوز ليلي بالرغم انه بيموت في مايا وعارف انها بتحبه من زمان
ملك : تخيل انا احترمته جدا وصعب عليا ومعجبه بيه اوي
شريف : وايه كمان يا حرمي المصون
ملك : لاء مقصدش انا قصدي انه صغير اوي علي كل دا ز بص انت ناوي علي ايه
شريف : مش عارف انا كلمت كريم صاحبه هو ملحق في سفارتنا ب روما وهو من الناس القريبه ل تميم يحاول معاه لكن موصلش ل حاجة
ملك : طيب ايه هنسكت
شريف : تميم عنيد جدا
ملك : وانا مخي جذمه ومتعودتش اخسر صفقه ولا عقد
شريف : تميم شومان الرجل الحديدي يا ملك اسم علي مسمي ابني عمي وعارفه
ملك: ابن عمك ولا خالتك انت هتجنني
شريف : مهو خالتي كانت متجوزة عمي الي هو ابن خالتها وبيلا جدتنا لابونا وخالة امنا
ملك : بس انتو ايه يا اخي عيله معقدة نفسيا انا ايه دخلني في المتاهة دي
شريف : علشان بتحبيني مثلا
ملك : شريف مش وقتك خالص دي مايا ممكن تروح فيها
شريف : طب ايه انا تعبت بجد
ملك : انت متاكد انه مبيتراجعش في قراراته
شريف : لاء نهائي يا بنتي تميم اكبر مما تتخيلي دا في دول بتعمل له الف حساب دا بيلعب ببورصه بعض الدول وبياثر في قراراتهم السياسيه
ملك : كدا الموضوع كبير اوي
..............................
بتحبها نظر الي جواره فجأه
سيد :دكتور باسل اذيك انت هنا من امتي
باسل من فتره وشايف نظراتك
ليه مش بتقولها
سيد : انا ليا اعتبارات تانيه
باسل : طيب ايه مشكله انت صاحب شركة كبيرة واسمك في البوليس كان له شنه ورنه
سيد : تفتكر هترضي ب واحد عنده ابن
باسل : وليه لا لو هي بتحبك
سيد: اخاف ترفض وانا
باسل : علي فكرة احنا نعرفها ونعرف باباها ولعلمك ميسون ملاحظة نظراتها ليك وكانت قالت لي اتوكل علي الله
سيد: ايه ذنبها في اول حياتها تبدا مع ارمل
باسل : هو الارمل دي شتيمه ولا لازم يتدفن وبعدين رولا مش صغيره يا سيد وتقدر تقرر هي عاوزة ايه
....................................................
بنوتي الحلوة بتعمل ايه
مايا : اهلا يا عريس
علاء : عريس ايه العروسه معصجة
مايا : لاء عرفني بيها وانا اقنعها . دا لولا انك بابي كنت خطفتك
علاء : يا بكاشه وتيمو هتوديه فين . الا صحيح مجاش يعني
مايا بحزن : مسافر ومعرفش عنه حاجة لاني مشغوله بمشروع القرية
علاء : طيب يا قلب بابا لو عاوزة تحكي انتي عارفه احنا اصحاب
قامت تحتضنه وتقبله : انت احلي صاحب يا حبيبي انت الي اشبعت كل مشاعر جوايا وخلتني طول عمري مكتفيه بيك ومليش في شغل البنات والمراهقات والكلام دا ياااه يا بابي انت بجد الاب المثالي
علاء: ربنا يخليكي ليا يا بنوته ويسعدك
.................
يعني ايه يا تميم الكلام دا
تميم : يعني يا شريف جهز الشقة وكل حاجة لما ارجع عاوز اتجوز ليلي خلال اسبوعين تلاته وتقعد في بيتي هي ونسمه
شريف : والفيلا
تميم : اكيد ماما مش هتتقبل الوضع في الاول مش عاوز ولا اضايقها ولا اضايق ليلي
شريف : خلاص لما ترجع هنشوف المهم خلص الشغل عندك علشان عاوز اطلع اجازة
تميم : مهو بعد جوازي جدك هيفرجها عليكم اكيد
شريف : هي دي الحسنه الوحيده دا لو ملك مورتنيش النجوم بسببك
تميم : وانت طيب وتستاهل
.............................
ايه ازاي الكلام دا وبعدين هنعمل ايه دي كارثه
- يتبع الفصل التالي اضغط على (رواية تيمو) اسم الرواية