رواية قتلني ورحل الفصل السادس والعشرون 26
البارت السادس و العشرين ..
صعدت ليال الي حجرتها وهيا منهكه تحس بتعب السنين قد حل عليها لتدخل وترتمي علي السرير وتجهش بالبكاء كان ما حدث طول اليوم اوجعها ومعرفتها الحقيقه اعادت الهم اليها.. كيف لذلك الجاحد ان يفعل ذلك بهم.. اي شيطان تلبسه ليتهم امها في شرفها.. طب وقاسم.. ازاي قدر يسيبني كده السنين دي.. هو اللي بيحب حد يسيبه يتمزع كده.. سنين وانا مش عارفه اعيش مش عارفه ابقي بني ادمه سنين وقفت فيها عند حبيبي لما كنت في حضنه وعملت نفسي قويه وما بيهمنيش وانا اغلب من الغلب.. ليه يا قاسم كنت قلي يا حبيبي انك بتحبني وماسبتنيش.. كنت قلي باي طريقه مش تعمل زيه وتصدق في امي وتخضع ليه.. تدبحني زيه وبحجه انك بتحافظ عليا هو انت كده حافظت.. دانا مت بالحيا.. طب هعيش ازاي دلوقتي بعد ماعرفت الحقيقه.. اعمل ايه هموت يا ناس... ليه يا قلب ليال تفجعني سنين وتيجي دلوقتي عايز ترجعني.. هترجعني ازاي وانت دبحتني.. وهرجع ليه اصلا.. دانا ست متجوزه... فريد مايستحقش مني الا كل خير.. فريد ايه دا ابويا اللي خدني في حضنه مكانك يا قاسم.. كنت بنام مرعوبه واصحي ادور عليك جنبي كنت بخاف ولسه بخاف ابقي لوحدي.. زرعت جوايا قاسم ومش عارفه اطلعه لانه بقي النفس.. اعمل ايه يا رب.. ويقلي مش هسيبك.. مانت سيبت زمان جاي ايه بعد ماكملت حياتك بالمره تاخد اللي وقع منك... اه كنت صغير وهو كان جاحد بس كنت واجهني قلي هقدر وهبعد وهقولك كتر خيرك سترت امي انما تقتلني كده من سكات.. ضعفت يا قاسم ولما قويت جاي تدور عاللي وقع منك.. بس انا وقعت ورحت وانفرطت روحي... هتلمها منين وازاي...طب وجع قلبي ده هعمل فيه ايه وقفتي قصاده وهنتيه وقلتيله مش شايفاك راجل وانا ماشفتش بعده راجل ولا عنيا جت علي حد هو راجلي وحبيبي وابويا واللي فتح عيوني عالدنيا.. اروح بعشقي ده فين دلوقتي بعد ماعرفت اللي فيها.. اه يا قلبك يا ليال.. بتعشقيه عشق وعرفتي انه بيحبك هتعملي ايه في قلبك ووجعك.. .. لا وحالف مايسيبني... بس لا.. لا يا ليال هو بعد واختار اختار ضعفه وما اهتمش حتي يطبطب عليا... لا يا قاسم استحاله ارجع ليك.. استحاله ارجع واقول حاضر وطيب ماعتش هبله خلاص.. انت فاكر لما ترجعلي بجبروتك وتقلي بحبك اصلي ماقدرتش عليه يبقي كده خلاص... لا يا قاسم عيش بقه مع جبروتك اللي استنيت سنين تعمله وماستنيتش يوم تحن علي قلبي قبل ماتمشي.. لا يا قاسم ليال مش هتقول لا طيب ولا حاضر... ليال كبرت وهتقفلك ومش هتخاف.. يا رب عيني ماخافش منه واقدر عليه... قامت واخذت حماما ساخنا واندست في السرير ونامت متعبه من وجعها.
وهناك اخر لم ينم ليلته يتمني ان يصل لحبيبته ولكن لا يعرف كيف.. ظل يفكر في كلماتها وان عندها بعض الحق ماذا لو كان قال لها كانت ستقدر ولكنه لم يدرك وقتها كان صغيرا يافعا لا يقدر الامور ولكنه يعشقها وهيا تعشقه فهيا عندما كانت في احضانه في لحظه ضعفها اعترفت بذلك لتعود له انفاسه رجع الي البيت منهكا ليجد جده واقفا وغاضبا.. ايه راجع مقهور ليه هيا تطول اصلا تبصلها..
ليتحول قاسم ويهتف بغل.. عدي يومك عشان انا لسه مراعي عضم التربه.. انا علي اخري ولا هعمل حتي حساب انك راجل كبير لسانك تلمه احسنلك..
ليهتف الجد.. انت ازاي تكلمني كده ايه البت دي سحرالك..
ليهتف قاسم بغل.. اه سحرالي ليك شوق في حاجه خليك في نفسك اللي بتاكلك وتاني ابعد عن سكتي انا سكتي معقربه.. ومش هتعرف اللدعه هتجيلك منين.. والا اقلك اسيبلك البتاع اللي انت عايش فيه تموت فيه لوحدك ماحد يحضر دفنتك..
لينصعق الجد.. كده يا قاسم تقول لجدك كده توجعني يابني في اخر ايامي وانا اللي كنت بحافظ عليك..
ليصر*خ فيه ليتجمع ايان وكارما علي صوته ملهوفين.. تحافظ عليا من ايه.. وتوجعني ليه من الاول توجعني وتمزعني وتقتلها وتخليها مش طايقاني.. دانت لو بتربي كلب كان صعب عليك.. تحافظ عليا.. اديني قدامك اهوه مبسوط بيا يا جدي بعد َماحافظت عليا لوحدي تعيس مقهور.. بتحافظ علي مالك وسلطانك انما عليا مافتكرش ماعدش فاضل من دنيتك الا المال انما البني ادمين ماتو .. انا ماكرهتش حد ادك فرحان يا جدي.. افرح بقه وعيش ايامك انك حافظت عالعيله اللي بصراحه مش شايفها هما فين ولا هتشفلك نسل ولا عيله ولا هيبقالك حد وسيره الحديدي هتتمحي ماهي حاجه ماتشرفش سيره شر. . كنت سيبهالي اتجوزها واجيب منها عيالي واعيش كنت سيبهالي بدل قطعه نفسي وخلعه قلبي.كنت هتلاقي حواليك عيله احلي عيله بس اجيبها منين خلاص انسي بقه ان يبقالك عيله وصنف الستات ماهيدخلش هنا الا لو فيك حيل تتجوز وتجيب.. انما انا خلاص البت اللي بتمناها راحت مني . كتر خيرك لا توجعني ولا اوجعك ماخلاص الوجع اكتب عليا وعليك ماسيبتش حد الا وجعته احفادك ماتو بالحيا.. وتركه وصعد..
ليهتف ايان.. انت ما بتتعبش انت ايه يا اخي ارحمنا بقه قلوبنا اتهرت..
لينظر الجد بقهر لتاتي كارما.. ابعد عن قاسم يا جدي قاسم ماعادش زي الاول ومش هيسكتلك سكته بقت نار لو دخلت فيها.. ارحمنا يا جدي بقه ماعادش فينا حيل وتركته واستدارت وخرجت للحديقه فدموعها تنهال بشده خاصه بعد ان وضع ايان دبلته في يدها فهيا تتوجع تريدها بشده ولا تقدر ان تتقبلها ممزعه بين حبها وكرامتها اصبحت حياتها كالجحيم بالنسبه لها..استغفر الله.
اما ايان وقف وسكت قليلا.. عيله اي يا جدي اللي كت بتحافظ عليها.. قاسم شرد بره وبقي نسخه عجيبه منك دانا بخاف منه يا جدي.. تخيل انا ايان بخاف من قاسم اللي كان قلبه دهب وبعمله الف حساب.. تقلي عيله.. عيله ايه والبت اللي بره موتناها وعايش املي في الدنيا ترجعلي.. عيله ايه وانا فقدت نفسي وحاسس اني مش راجل كفايه ليها.. عيله ايه يا راجل وخلف ايه.. طب قلوبنا الاول تشفي وبعدين تدور عالعيله.. اللي بصراحه حاسس انها انضربت في مقتل واللي ضربهم انت يا جدي.. اقعد لوحدك بقه واعمل العيله وتركه ورحل خلف كارما يصلح ما افسدته يداه.
وتهالك الجد مرددا كنت بحافظ عليكو.. كنت فاكرك هتنساها كنت فاكرها نزوه وهتعدي ماعرفش انها كلبشت كده اه يا قهرك يا بدر العيال اللي اتمنيتهم يكبرو العيله خلاص بقو بطولهم.. طب اعمل ايه انا عايز عيال قبل ما اموت.. يبقي خلاص البت دي لازم ترجعله.. رجعهاله يا بدر بس هرجعها ازاي دا وقفت تنهش فيا.. لا يا بدر انت مش قليل اه اتهديت بس لسه فيك دماغ.. البت لازم ترجع للواد ويخلفو لازم يجيلي احفاد ماهو ماهيتنيلش يقرب من حد تاني.. طيب يا قاسم هرجعهالك بس اهدي كده وافكر.. ليستدعي المحامي ليحضر ليتناقش معه في طريقه وحل لتلك المعضله...(مفيش فايده منك لله بقه 😂 😂).
عند كارما كانت تقف تنتحب وتتلمس دبلتها بقهر.. لياتي ايان ويحتضنها من خلفها لتحاول ان تبتعد ليهتف بوجع وصل الي قلبها ومسه ابوس ايدك قلبي بيتمزع اهدي هموت. نفسي اموت وانا حاضنك ومش عايز حاجه عارفه لو هديتي.. مش عايز من الدنيا حاجه.. بجد بتمني الموت يا كارما تعبان اوي سنيني وجعتني سنين لوحدي صلب جامد قاسي حبيتك ولا عرفتش كنت بغير عليكي ولا عرفتش هموت عليكي ولا عرفتش.. جدي وحلني بفلوسه وجبروته وانت لما مشيتي رجعتلي لايان نفسه بس خدتي روحه.. هموت من قهرتي.. قاسم فرد قلوعه وعايش بيحارب يرجع حبيبته وانا انطفيت ولا عاد ليا حيله وانت موجوعه وحاسس بخلعه قلبي.. نفسي احس يوم بفرح.. نفسي احس بحضنك وانت راضيه واتمني اموت بعدها الف مره جايز ارتاح من الهم اللي انا فيه قلبي مشقوق عملت في نفسي عمله وواقف لا حول ولا قوه.. قهر الرجال قاسي وانا مزعت روحي بايديا.. نفسي اراضيكي واشيل وجعك واحطه جواتي اموت بيه واسيبك تفرحي وتعيشي.. نفسي اموت وتنسيني ولا تبكيش عليا جايز ده لو ريحك ادعي بحرقه انه ياخدني ويشفيلك همك ويداويلك قلبك.. ليديرها ليجدها تبكي ليحتضنها بقوه.. اه يا قلبي.. حقك عليا يا عمري حقك عليا يا حته من قلبي نفسي اعيش عمري تحت رجليكي اراضي واطبطب ليشدد عليها وهيا تستكين ليقول.. نفسي ادخلك جوايا واداوي قلب حبيبي.. يا ريتني مت قبل اما اغرز غرزتي.. حاسس بالدنيا بتطبق عليا وماليش حيل ليرفع وجهها ويقبلها بحب.. بحبك الف مره وبعشقك فوق العشق عشق.. ودموعك دي بتحرقني من جوا.. شايف نظره عيونك وشايف حبك ونفس الوقت حاسس بوجعك.. نفسي اداويكي يا قلبي.. بدعي ربنا كان خدني الف مره ولا تتوجعيش ابدا.. بدعي ربنا اني لو اقدر ابعد واسرق الوجع كله واموت بيه. لو ينفع هموت مرضي وحبيبي يعيش بلا وجع.. ليجهش بالبكاء وينتحب.. ماعتش قادر علي وجعك اللي بيلسع روحي ماعتش قادر ليشدد عليها يحتضنها كانه سيفقدها وهو منهار وهيا لا تصدق ان هذا ايان الذي خلع ثوب العنفوان.. لم يعد يتحمل ايان اكثر من ذلك ليبتعد عنها وينظر اليها ودموعه تنزل هعيش عمري علي حبك واموت علي حبك ويستدير يهرب من نفسه ووجعه وهيا لا تنخرط تبكي وتنادي عليه حتي لا يتركها ولكنه خرج يهرب من نفسه ومن دنيا اوجعته بسبب افعاله وافعال جده وتربيته الخاطئه لتجلس تنتحب واحست انها لا تستطيع ان تستغني عنه لتقرر ان تسامحه عن طيب خاطر.. ميفو السلطان
عدي الليل بوجعه واتي صباحا يتمني حبيب حبيبه وتتمني اخري بعد ذلك الحبيب ولكن لا نعلم ما هو مقدر لهما.. كان اليوم اجتماع مهم للمدراء فقد مر اسبوعين وباقي اسبوعين اخرين علي رحيل الطاقم لتجهزو للاجتماع لتشرح ليال ما انجزوه في تجديد الشركات والخطه القادمه للاسبوعين.. قامت ليال لتختار ماتلبسه ليسطع امامها فستانا من اللون الفيروزي كان ضيقا بحزام اسود من المنتصف واكمام طويله ولكن به مصيبه كبري وهو فتحه مربعه كبير من العنق للصدر كان كل الفستان يبعث للرهبه وظلت تقف امامه تفكر الف مره ولكنها تذكرت كلامه.. انت تقولي حاضر وطيب وبس.. لتشد الفستان وتلبسه ليظهر عنقها براقا من الفستان وجزءا كبيرا من صدرها فكانت فاتنه كانت تشعر ببعض الخوف ولكنها تجلدت وهتفت مالوش عندك حاجه ويخبط راسه في الحيط ومالوش كلمه عليا.. والله لالبسه واعرفه ان مالوش دعوه لا يقول ولا يقرب.. ظلت تنظر لنفسها كانت تعلم انها مخطئه ولكن كبرها ووجعها دفعاها لذلك دفعا.. ذهبت الي الشركه ولم تخرج من مكتبها حتي لا يراها وفجاه احست بالخوف.. طب هو ممكن يعمل حاجه..لا وسط الناس مش هيقدر.. اتشجعي هو ماله اصلا انا ست متجوزه مالوش يتنيل يدخل.. انت مالك خايفه كده يا زفته انت اهدي. خلصي الاجتماع واطفشي من قدامه ايوه وكلها اسبوعين يعدو ونخلص كانت تمني نفسها لتاتيها اماني وتقول لها ان الجميع بانتظارها.. لتقوم وتتشجع وهيا تنهج بشده.. كان قاسم يجلس والجميع يتحدثون ليجدهم سكتو جميعا فجاه وعم الصمت ليرفع راسه ليتصنم وهو يجدها تقف امامهم جميعا بهذا المنظر وعنقها وصدرها يظهر بسخاء من الفستان وبدات هيا تحيي الجميع والرجال ينظرون اليها ببلاهه فكانت مايظهر منها يسطع للعيون ينير العيون العمياء من تالقهم.. اما هو فقد تحول لجمر وكان قد احس ان قلبه سيخرج من مكانه كانت هيا ترتجف من هيئته لتستعد للاجتماع وقفت في منتصف الحجره وجميع العيون عليها وتعلم انه لن يتكلم ولكنها لا تعرف من هو قاسم فنظراتهم لها احرقت قلبه واخرجت جبروته فهب هو وصاح في الجميع.. الاجتماع اتلغي وهيتنفذ بكره ليخرج وقبل ان يخرج استدار وقال باشمهندسه ليال ورايا عالمكتب...
لترتعب ليال كالطفله الصغيره.. هو لغي الاجتماع ليه وعايزني ليه.. الله يخربيتك يا ليال انت حولتيه والا ايه دا بقي شكل الشيطان طب هخشله ازاي انا خايفه.. اخد معايا اماني ايوه.. لتشد اماني وتقول اماني والنبي تعالي معايا اخش لمستر قاسم.. لتوافق وتذهب معها..
اما هو كان كالثور الهائج لا يعرف ماذا يفعل فمنظرها يقتله ونظرات الرجال احرقت صدره.. لابسه ايه بنت ال.... ايه ده يا نهار ابوكي اسود دا كلك باين ياقهرك يا قاسم الرجاله بصت وشبعت.. طب ايه اموتها اه اموتها ماهو مايتعملش فيا كده واسكت ليه قرني.. طب يا ليال كشفالي نفسك ومتعريه ورحمه ابويا لهعرفك وادبك حاضر اهدي اهدي... ليصرخ اهدي ازاي ازاي.. ماحدش يشوف حاجه بتاعتي الله يخربيتك علي حرقه دمي شايط يا عالم.البت فجرت كانت ملاك قلبت وحش ايه اللي لابساه ده قلبي انحرق هموت محصور جتتي بغلي نفسي اخبطها اموتها انا هفضل كده اغلي ماليش كلمه عليها لا ورحمه ابويا دانا ليا كل الكلام عليها .اهدي وربنا لاربيك وارجعك زي زمان قطه مابتنطقش..طب يا ليال هعرفك تفتحيلي صدرك ازاي يا جاحده.
ذهبت ليال مع اماني والرعب ياكلها وما ان دخلا كان يجلس علي احد الكراسي ويضع قدما فوق الاخري ليري ليال ومعها اماني ليرفع حاجبيه.. خير يا بشمهندسه اماني فيه حاجه..
لترتبك.. لا مفيش بس انا وليال جينا نشوف حضرتك عايز ايه..
ليهتف بتحذير.. ماظنش اني جبت سيرتك اتفضلي لما اعوذك هطلبك..لترتبك اماني وتخرج..
وتقف ليال تفرك في يدها وهو ينظر اليها وعيناه مشتعله ولكنه هادئ هدوء غريب...
لم تعد قادره علي حرقه الاعصاب تلك لتهتف.. خير يا مستر قاسم حضرتك لغيت الاجتماع ليه...لم يرد عليها وظل يتفرس فيها لانه لو قام سيقتلها.. لتصاب بالرعب ولكنها تحاول ان تصمد امامه كما وعدت نفسها لتهتف بصوت خفيض.. هو انت مابتردش ليه لغيته ليه..
ليقول بهدوء.. بقي مش عارفه بجد لغيته ليه...
لتهتف وهعرف منين انا كنت مستعده ادير الاجتماع كويس..
ليقوم ويقترب منها ويدور حولها بصمت رهيب لترتعب وترتجف ويقول.. والله كنت مستعده فعلا تقفي قدام العالم اللي كانت بره دي عادي كده..
لتهتف بخوف وترتعش.. وما قفش ليه فيه ايه..
ليظل يدور وهيا احست بالانهيار.
ليهتف بغضب... هقلك فيه ايه ليمد يده ويقرصها من رقبتها علي احد الجانبين بشده لتزرق وتصرخ من الوجع وتضع يدها علي صدرها خوفا..
ليهتف. ايه خايفه.. و لما انت خايفه مبينالي جسمك ليه للخلق ده منظر فستان يا قادره..
كانت قد دمعت بشده والخوف ياكلها كانت تقف امامه كالطفله التي يعاقبها ابيها..
ليصرخ بها.. انطقي ايه اتهبلتي حد يلبس كده مقفله الفستان وفاتحاها من فوق عالبحري عماللي عرض..استغفر الله
لتهتف بنحييب. احترم نفسك انا حره مالكش كلمه عليا انت....
لم يدعها تكمل ومد يده وقرصها في منطقه اخري لتصرخ.. وتبتعد بخوف وتبدا بفرك مكان قرصاته...
ليهتف باشتعال... قوليلي بقه هتخرجي بمنظرك ده ازاي من المكتب والله لهزرقك ماسيب حته بتلمع لعين الرجاله يا جاحده.... .
لتقول بطفوليه وهيا تشهق.. انت قليل الادب انت مش محترم انت تمد ايدك عليا بتاع ايه والله لهوريك...
ليصرخ بها... عارفه لو فتحتي بقك تاني والله لكون مرقدك في المستشفي شهر ماتعرفي تتحركي عشان تبقي تبينيلي جسمك اوي لللي يسوي واللي مايسواش.. اترزعي في جنب علي ماتصرف..
لتذهب علي الفور لتجلس مرتعبه وتضم يدها الي ركبتها من الرعب فمنظره لم تراه هكذا من قبل ليتصل باحد الحرس ويامره ان يحضر له وشاح اسود وقفل الخط وظل جالسا ينظر اليها لعله يهدا وهو يراها اصبحت كالقطه الوديعه ليهز راسه بلا حيله ويلين قلبه فعلامات الزراق علي رقبتها ومقدمه صدرها واضحه بشده.. ليقوم ويقترب لتنكمش خوفا ليهتف.. ولما انت بتخافي كده جاي الزفت المكتب بالزفت اللي لابساه ده ليه وافتحي بقك بقه وردي عشان فعلا ههجم عليكي اجبهولك حتت.. لتنكمش اكتر ليجلس امامها وهيا تنظر في الارض خوفا وخجلا.ليطرق الباب ليذهب اليه ويأخذ من الحارس الوشاح ويعود و ويذهب الي احدي الثلاجات الصغيره ويخرج احد مشروبات الغازيه ويعطيها لها.. خدي حطيها عليهم هتخفف عنك..
لتقول.. مش عايزه منك حاجه انت وجعتني بس بقه سيبني..
ليهتف... طب هتحطيهم والا اجي احطهم ليقترب منها لتخطف منه العلبه وتضعها علي مكان الزرقان لتخفف الوجع وظلت لفتره كانت قاطبه وجهها واثار الدموع عليها ليرق قلبه ليقترب منها ويمسك يدها حاولت شدهم ليشدد عليها لتصمت ليقول.. ايه وجعينك.. لتدمع وتهز راسها.. ليبتسم لا ماحناش خرس بسال سؤال وجعينك..سبحان الله
لتهمس... اه والله اوي بيوجعو جامد وانهمرت دموعها..
ليهتف بقوه ويقبل يدها عشان تفتكري بعد كده ان خروجك بعد كده بحساب وان غضبي مالوش حدود واني صبرت وحشت نفسي كنت هرقدك قدامهم واعمل فضيحه.. فاعقلي كده وبلاش عند انا لما بتحول ما ببقاش قاسم اللي تعرفيه..
لتهتف بهمس من وسط دموعها.. وانا مش عايزه اعرف الله هو بالعافيه..
ليهتف.. مش بكيفك يا قلب قاسم.. انت دماغك محجره ودا هتصرف فيه.. انت مالكيش في نفسك حاجه اصلا كله بتاعي.
لتهتف.... اظن عيب كده انا ست متجوزه تمد ايدك عليا ليه ليك عندي ايه وانت مالكش اي حاجه..
ليهتف.. بقي انا ماليش حاجه عندك.. انت مصدقه نفسك يا قلبي ست متجوزه واحد اد جدها وكل واحد في قوضه انت باينك فاكراني لسه اهبل..
لتنظر اليه مصعوقه مرتعبه مما قال لتقف وتقول.. ايه ايه.. عيب عيب علي فكره ايه الكلام ده انت بتقول اي كلام وعيب اوي تتدخل في خصوصياتنا وجبت الكلام الاهبل ده منين...ميفو السلطان
ليضحك... انت مالك هبيتي كده والا كلامي جه عالوجيعه.. وجبت كلامي من مطرح ما جبته انا ليا الحقيقه ان مفيش جواز وان مافيش جنس راجل لمسك يا قلب قاسم..
لتحس بالنار بداخلها وتقف.. انت بقه تحترم نفسك ولحد هنا وتلزم حدك وعيب بقه انك تتكلم في كده ايه قله ادبك دي..
ليضحك بشده... والله عسليه يا قلبي دانت ناقص تقليلي انت كنت معانا وشايف.. بصي من الاخر كده انا جبت قرار جوازتك السوده دي اللي خلعتلي قلبي لما عرفت بس كنت حاسس انك ماتنفعيش تسيبي نفسك لحد تاني بس لما اتاكدت قلبي برد وارتاح.. يبقي كده كل الدنيا وضحت بس انت اللي فيوزك ملمسه غلط.. قام وشدها اليه وقال نقول بقه المفيد انا بعشقك وانت بتحبيني لتهز راسها نفيا.. ليهتف لا يا عمري دانت كنت راشقه في صدري وقلتهالي بنفسك واترزعت جوايا ومفيش جواز والحاج ماعرفش موقعه ايه بس مش مهم يبقي انت كده بتاعتي وش كده وتهدي علي نفسك وتسستمي حالك ونخلص من ام دي جوازه..
لتصرخ... انت مجنون علي جثتي..
ليقول... وعلي جثتي برضه وممكن عادي والله اخطفك واخد عربيتي وارشق بينا في اي مصيبه ومجنون واعملها.. كلامي هيتنفذ وانت هتقولي امين اظن كده وضح الكلام وابتعد عنها وهيا ترتعش ولا تعرف ماذا تفعل في كلامه وانها انفضحت امامه.
لتدفعه وتبتعد وتهتف اعمل مابدالك وشوف مين هيعبرك انا خلاص قصه وخلصت.
ليقترب ويشدها ويهتف بحب.. قصه ايه اللي خلصت. احنا عمر قصتنا ماتخلص. ليضع يده علي قلبها لترتعش ويهمس.. هنا خلص قاسم ليفتح قميصه وتظهر سلسلتها لترتجف.. هنا خلصت ليال..القصه تخلص لما نروح من الدنيا يا قلب قاسم ليشدها ويمسك وجهها ليهمس عيونك بتقول ان قاسم موجود ومفيش الا قاسم. لتغمض عينها وتشيح بوجهها ليديرها مره اخري..قاسم انذل عشانك سنين. قاسم نام يحلم بيكي وبوعدك تبقي بتاعته سنين قاسم كان بياخد نفسه من سلسلتك سنين. قلب قاسم لقلب ليال. قاسم انت حبيبته اللي عاش يمحط في الصخر عشان يرجعلها. قاسم سمع بحبك يا قاسم وانت في حضنه ولا يوم نسيتك يا قاسم.. قاسم كان ميت وانت دخلتي حضنه حيتيه. عايزه تسيبي روحك.. انت روحي . عهد عليا لاداويكي.. كانت دموعها تنزل لتهز راسها بغلب ليهتف. لا هداويكي هحط قهر السنين واعيش انا ماعيشتش يوم فرح من ساعه ماسيبتك هموت عليكي وبعشقك نايم صاحي افتكر حضنك نفسي اخدك في حضني واتوه عن الدنيا نفسي انام في حضنك واقول للدنيا دا حبيبي بتاعي ومالوش غيري والله مالوه غيري يا عمر قاسم اللي هريتي قلبه بعاد. انا غلطت اه بس عشانك وموت عشانك والله عشانك يا قلبي.. لتهمس قلبك..
ليهتف بلوعه قلبه بس.. دا قلبه وروحه وعمره اللي راح واللي جاي قاسم من غيرك ميت.. عاشق بتمني يصحي يتتفس لما حبيبه يحبه ويرجعله مش بتحبي حبيبك يا روح حبيبك. بصي لعيوني وقولي انك مابتحبيش قاسم وانا العشق جوايا طافح وزايد بصي في عيوني وقولي مش عايزاك يا قاسم وقاسم هيموت عليكي بصي في عيوني وقولي كنت عايشه ازاي من غيري وانا اللي كت ميت في بعدك ليتلمسها بحنان ليهمس قولي يا قلب قاسم يا واخده روحه. شايف عشق عيونك نفسي اخده وافرح بيه ماعشتش يوم فرح من ساعه ما مشيت. عايزه تبعدي هتقدري تعيشي بعيد عن قاسم ليمسك يدها لتلمس قلبه لتحس بنبضاته ليهمس عايزه تبعدي عن ده لتتوه في نظراته ودموعها تسيل ليقترب من شفتيها يتلمسهم بحنان.. قولي انك بتعشقيني.. قولي انك بتاعتي وهتفضلي بتاعتي..
لتهمس... بطل ابعد حرام بقه ابعد .
ليلصقها به ويركنها عالحائط ويضغط عليها.. ليهمس ابعد ازاي دانا قلبي مكوي بعاد دانا نفسي اخدك واحطك جوايا واخبيكي من الدنيا. ليضغط عليها لتنهار بين يديه لينهال عليها بجنون وهيا اصبحت كالهلام بين يديه ليهمس في عنفوانه انت مراتي بتاعتي انا اتغصبت اطلقك طلاقنا مايقعش انت بتاعتي طول عمرك بتاعتي كان يتلمسها بجنون ولوعه ليال انا بعشقك نفسي اسمع كلمه بحبك يا قاسم سمعيني يا واخده عقلي وروحي.. لتنساب مشاعرها اكثر لتهمس بوله.. قاسم.. ليهمس قولي يا عمر قاسم وكلمات الحب تتوه معهم لتهمس بوله قاسم انا... ليهمس وقد دخلا دنيا قاسم وليال ليستعيدا مشاعرهم التي تصر*خ عن اخرها ليهمس قلبي انت ايه يا عمري..
لتهمس بمشاعر خرجت من صدرها تلسعها وعادت تلك العاشقه علي يد حبيبها عنوه. عادت مشاعر العشق او صدحت مشاعر العشق لانها لم تذهب من اساسه ولكن القرب جعل المشاعر تثور وتثور لتنهار حصون الجميله وتعود الحالمه التي تعشق ذلك القاسم لتهمس بلوعه... قاسم... قاسم انا... انا بح......... ليرن فجاه تليفونها لتنتفض وترتعب لتبتعد وهيا ترتجف ليحس بالقهر من بعدها وتشنجها فكانا في حاله خلعت قلبه.. لتضع يدها علي قلبها تستعيد نفسها لتقطب لتنظر الي تليفونها لتفتحه لتحس بان مصيبه اخري وضعت علي راسها وتصر*خ بشده عندما.💖ميفو السلطان ❤️
•تابع الفصل التالي "رواية قتلني ورحل" اضغط على اسم الرواية