رواية تيمو الفصل السابع و العشرون 27 - بقلم ولاء فتحي
(27)
ايه ازاي الكلام دا وبعدين هنعمل ايه دي كارثه
ملك : والله يا ميسون مخي وقف ومش قادرة افكر قولت اتكلم معاكي انتي تعرفي اخوكي اكتر مني
ميسون : علشان انا اعرفه بقولك دي كارثه . دا فضل مخاصم ماما 4 سنين علشان المنوم
ملك: منوم ايه و4 سنين يالهوي دا قلبه حجر
ميسون : لاء بالعكس تميم دا اطيب وارق انسان في الكون واحن واعظم واجمل بصي هو خلطه متتكررش كتير
ملك: لو مكنش اخوكي كنت قولت انك هتخطفيه
ميسون : هو اخويا وابويا . بصي احنا بابا كان راجل سياسي من الدرجة الاولي واكتر بس كان قلبه جامد وقاسي ومخة ناشف لولا بيلا علشان عارفه ابنها هي الي كانت بتخدنا في حضنها بس بابا من وتميم 6 سنين كان بياخده معاه في كل مكان علشان كدا طلع زي بابا في كل حاجة بس مطلعش قاسي
ملك : طيب سيبك دلوقتي يا ميسو احنا هنسكت
ميسون : مش قادرة افكر دا انا معرفش الا من نظراته يوم قراءة فاتحتك انتي وشريف اخويا رجع تاني بعد 4 سنين جمود
بس هو مخه صعيدي علي تركي
ملك : ملوش مدخل
ميسون : للاسف لاء
سعاد :شكلكم بتخططو ل مصيبه خلو بالكم باسل وشريف غلابه اوي ولو اتفقتو عليهم انا
ميسون : انتي ايه يا سوسو يا حبيبتي واترمت في حضنها كالقطة
سعاد : هتفق معاكم طبعا انتي عندك شك
ملك : ربنا يخليكي لينا يا طنط
علي جانب اخر جلست ليلي وشيما وبيلا
شيما : اذيك يا ليلي وحشاني يا حبيبتي
ليلي : الحمد لله يا طنط
شيما : طنط ايه يا ليلي قوليلي نانو زي العيال انتي ذيك ذيهم
ليلي : حاضر يا نانو
شيما : اسمعي يا ليلي انا عاوزه اخد رايك في موضوع وعاوزاكي توافقي ومتكسفنيش انتي معزتك من معزة تميم وميسون ( نفتكر كدا شيما ام سعاد جدة تميم وميسون واخت بيلا )
ليلي : يا خبر يا نانو انا اقدر
شيما : انتي عارفه اني خلاص هنزل استقر في مصر وتعبت وكبرت وعايشة لوحدي في الفيلا عاوزاكي تجيبي نسمه وتيجي يا بنتي تعيشي معايا انتي مبقاش ليكي قاعده لوحدك انتي وبنتك بعد وفاة باباكي وانا لوحدي ناخد حس بعض
ليلي : بس يا طنط اصل
شيما : يا بنتي انا خايفه اموت ومحدش يحس بيا وكمان نسمه وجوده معايا هيحسسني اني عايشه
انتي شايفه انا كبرت وكمان سعاد مشغوله مع ميسون وتميم واختها مسافرة في شغلها انتي عارفه انها دكتورة وبيلا جوزها رجع من سفريه العلاج وهتنشغل معاه واننا يا بنتي محتجاكي جنبي نتكلم سوا ونقعد بقي اعلمك تعملي مفارش ونتسلي سوا
ليلي : هفكر يا طنط
بيلا : تفكري في ايه يا ليلي انتي يا بنتي صغيرة وحلوة وكمان الاول الاولاد كانو رايحين جايين عليكي علشان باباكي معاكي دلوقتي مش هيعرفو وانتي امانه من مهاب وباباكي موصي تميم عليكي
مفيهاش قولان اعملي حسابك تاخدي ميسون معاكي و2 شغالين يلمو حاجاتكم انتي ونسمه الصبح والعربيه هتروح تاحدها معندناش بنات تعيش لوحده وانتي بنتنا يا ليلي
ليلي : ربنا يخليكم ليا وانا فعلا بحس انكم اهلي ربنا عالم بحبكم ازاي
شيما : دا انا الي بحبك يا بنتي ربنا يسعدك ويكرمك في بنتك الا احنا مش هناكل يا بيلا ولا انتي جاية تذنبينا
بيلا : لاء ازاي
وبصوت عالي يا ميسون خدي ليلي وملك ويلا ادخلو حطو الاكل
ميسون : حاضر يا بيلا يلا ملوكة يلا يا ليلي
....................................
باسل : الو ايوة يا شريف
شريف : مش مطمن يا ابني لحزب الستات دا
باسل : طيب قول اذيك يا باسل الاول
شريف : اذيك يا باسل ثم اننا كنا مع بعض الصبح
باسل : اصلك جديد في الموضوع وصدقني ابقي قابلني لو عرفت ايه حصل الاجتماع دا بالتحديد سر حربي ف اتعود بي واهلا ب مراتك في حزب ستات العيله
شريف : طيب دا حاجة حلوة ولا وحشه
باسل : انا بس بنصحك قبل اليوم الشهري دا اوعي تزعل ملك احسن هتكون انت محور الاجتماع
شريف : ربنا يستر كدا حواراتي هتكتر
باسل : الحق بقي نفسك احسنلك
شريف : عرفت اخر المصايب
باسل : لاء بس اكيد انت مكلمني تعرفني
شريف : مش تميم عاوز يخطب ليلي
باسل : طيب ممتاز مبروك ز بس انا كنت فاكر انها هتكون مايا دا بتخاف عليه اوي وشكلها بتحبه
شريف : لاء مش ممتاز ولا مبروك يا ابني
مايا بتحبه جدا وهو بيحبها
باسل : لما كدا هو هيتجوزليلي علشان بيحب مايا
شريف : بص يا باسل مش انت اكبر مني بس مش حاسس ب كدا خالص
عاوز يتجوز ليلي علشان نسمه
باسل : مالها نسمه يعني ماهي بخير اهي ومايا
شريف : انت فين يا باسل
باسل : انا بجهز ل عمليه وبفحص اشعة مريض
شريف : علشان كدا مش مركز معايا في الكلام ز خلينا نتكلم لما تفضي
باسل : طيب تمام وفكرني اقولك علي سيد
شريف : ماله سيد
باسل عاوزين نخط له رولا
شريف : ايه رولا مهقول
باسل لما اشوفك بقي علشان كدا المريض هيروح مني في داهيه خلني اركز
شريف : سلام
........................................
بعد يومين
في التليفون
تميم :اتصلي ب مديرين الفروع ان في اجتماع كونفرانس معايا الساعه 1
السكرتيره: تمام وبالنسبة لمشروع القريه دا يا فندم حضرتك قولت هتشوفه بنفسك
تميم : اي حاجة تخص شركة النوبي انا هشوفه بنفسي
السكرتيره تمام يا فندم وابلغ مستر شريف بالاجتماع
تميم : لاء انا هبلغه بلغي رولا كمان تحضر الاجتماع
السكرتيره تمام يا فندم
يدخل شريف المكتب وهي بتقفل
شريف : في اي جديد
السكرتيره مستر تميم عامل اجتماع الساعه 1 وهو هيبلغ حضرتك
شريف : طيب هاتي ورق القرية دي
السكرتيره : مستر تميم ادي اوامر انه هيخلصه بنفسه
شريف : طيب شوفي تميم قالك علي ايه وانا في مكتبي نص ساعه وابعتي خدي ورق المناقصة ترفعيهاله علي الميل
السكرتيره : تمام يا فندم
مدير مصنع الحديد سال علي حضرتك 3 مرات
شريف : لما تاخدي الملف اطلبيه وحوليهولي
ومتنسيش تبعتيلي قهوتي
...........................
تميم : الو ايوه يا شريف في اجتماع الساعه 1 في قاعه الكونفرانس عاوز اقولكم اخر بنود العقود
شريف : تمام وانت اخدت ليه شغل النوبي يا تميم
تميم : هخلصه بنفسي
شريف : ودا احساس بالذنب ولا مكافاة نهاية حب
تميم : بطل اسلوبك دا يا شريف كل الحكاية وانا هنا جاتلي فكرة ونزلت شوفت كذا حاجة وعاوز اعمل حاجة مختلفه متنساش انه هيضيف ل شغلنا
شريف : بطل تضحك علي نفسك
تميم : عملت ايه في موضوع ليلي
شريف :ك كنت مشغول لانها نقلت حاجاتها هي ونسمه وهيعيشو مع جدتك
تميم : مع بيلا معقول
شريف : لاء مع نانو شيما مهي خلاص استقرت في مصر ومش هتسافر تاني
تميم : ودا اقتراح مين بقي
شريف : انا معنديش فكرة انت عارف الاجتماع الشهري لستات العيلة ملك اول مره تحضره ف عرفت منها بالصدفة
تميم : طيب كويس كدا ممكن لما انزل اجهز الشقه براحتي طالما مع شيما
شريف : انت كلمت ليلي يا تميم وا هي افكارك ورتبت عليها كل حاجة بدون ما تسالها
تميم : وايه لازمته السؤال دا انا وهي مصلحتنا وحده وهي نسمة
شريف : طيب . هترجع امتي
تميم : كمان 3 ايام ان شاء الله بعتلك تفاصيل الاجتماع ابعتلي المناقصة ضروري
شريف : نص ساعه وهتكون عندك
تميم : برافو عليك يا شريف
شريف : تلميذك يا استاذ معرفش لما اطلع شهرين تلاته عسل هتعمل ايه ن غيري
تميم : شهرين تلاته عسل دا كدا انت بتحلم وخيالك واسع هما اسبوع واحد
شريف : لاء دا كدا اوفر بقي
تميم : خلاص متعيطش اسبوعين ولا تزعل اقفل بقي وشوف شغلك احسن انزلك من يوم الصباحية
شريف : مفتري وتعملها يا تميم سلام
...............................
ميسون : الموضوع دا عاوز اجتماع طارئ يا بيلا
بيلا : انتي عرفتي الموضوع دا منين
ميسون : ملك حكت لي مهي صاحبتها
بيلا : علشان كدا بقي
ميسون : شكلك عارفه كل حاجه هو تميم حكالك
بيلا : لاء شريف قالي بس تفتكري حد بيقدر علي اخوكي
ميسون : الله معقول احنا ال 7 مش هنقدر عليه
بيلا : 7 مين دول
ميسون انتي وشيما وسوسو وانا وملك وشريف وباسل
بيلا : دا العصابة كلها بقي
ميسون : طبعا . بصي بقي انا رايي ..............................
بيلا : يالهوي انتي اتجننتي
ميسون : لا ابدا صدقيني نعمل اجتماع بس وندرس الموضوع
بيلا : خلاص بكره علي لعشا بس ليلي قاعده عند شيما هنقولها ايه
ميسون : انا عندي فكرة احنا نودي رامي يلعب مع نسمه ونتصل ب شيما انك تعبانه ف ليلي مش هتقدر تسيب نسمه ورامي
بيلا : تعرفي يا بت يا ميسون انتي مصيبه
ميسون شكرا علي المجاملة دي تلميذك يا باشا
بيلا : يعني انا مصيبه يا بت
ميسون : انا قولت كدا دا انتي كارثة يا بيلا لما تحطي حد في دماغك يبقي خلاص
بيلا : الواد دا طالع شبه ابوه ودا الي مجنني كتووم اوي محدش يعرف ابوكم ادي الله يرحمه
ميسون : الله يرحمه يا حبيبتي
....................................
مايا : انتي فين يا ملك بقالك فتره مشغوله
ملك : انتي عارفه كنت بتعرف علي اهل شريف
مايا : وايه الاخبار
ملك : عيله زي السكر يا مايا من اول جداتهم لميسون اخت تميم بجد متعرفيش الناس دي جميله ازاي ولا طنط سعاد مامة تميم ما تيجي معايا المرة الجايه
مايا : انا واجي بصفتي ايه لا اتكسف
ملك : ما ليلي بتروح هما اي ست تروح تبقي من العيلة
مايا : ليلي مين
ملك : مامة نسمه البنت الي
مايا : اه افتكرت
ملك : مايا مالك في حاجة
مايا : لا خالص ضغط شغل
ملك : طيب متقلقنيش عليكي لو تعبانه نروح ل دكتور
مايا : انا كويسه انتي عارفه بقي اغلب شغلك انا بعمله علشان عندنا عروسه
ملك : حبيبتي هما شهرين تلاته وهفضي لك
مايا : قصدك مش هتلاقي وقت ليا
ملك : لاء انا قايلة له مش هسيب ميوي خالص
مايا : لاء غلطانه انتي تشوفي الانسب ليكم واعمليه المهم سعادتك يا قلبي
ملك تنظر لها وتسرح مما جعل مايا تشعر بالقلق
ويقطع حديثهم تليفون ميسون
ملك مايا انا هروح ارد علي ميسون واشوف شغلي
مايا : اوك تمام
........................................
ملك : ميسو حبيبتي اذيك
ميسون : بقولك ايه بكرة بليل في اجتماع محارب
ملك : ودا بقي نعمل في ايه
ميسون : هتعرفي لما تيجي
ملك : كنت عاوزة اجيب مايا تتعرف عليكم دا بقي بيكون في انه اجتماع
ميسون : دي نعملها مقابلة مخصوص يا قلبي
بيلا ترتب واحنا ننفذ
عي فكرة شريف معانا في الاجتماع احيانا بنحن عليهم ونرضي بوجودهم معانا
ملك : بتضحك طيب في جدول اعمال
ميسون : لاء يا ملوكة متنسيش تيجي دماغك مرتاحة وشغاله
ملك : متخافيش دا انا ملك السعداوي الي مبعرفش اخسر تعاقد
ميسون : اهلا بيكي في العصابة بتاعتنا
...................................
رائف بالتليفون
رائف : يا بابا ياريت تتصرف وتقف جنب خالي وتخرجه من السجن وانا هقنعه انه يسافر
الاب ك لاء يا حبيبي السجن اضمن انه يبعد عنك انا مبسوط بالتغيير الي حصلك ولو كنت اقدر كنت حبسته بنفسي من زمان
رائف : متنساش انه خالي برضه وامي هتتجنن
الاب : تخيل يا رائف اني لو اتدخلت شغلي هيتمسح تفتكر اضحي بشغلي علشان امك الي اخدتك وبعدت بيك واخوها السبب في ضياعك
ومش بس كدا قررت بعدها مخلفش علشان مشفش المر دا تاني
تفتكر الاتنين دول يستاهلو
انصحك يا ابني تفوق لنفسك وخالك يستاهل اكتر من كدا كمان
رائف : انا برضه الطرف الضايع بينكم ياريتك اخدت قرار عدم الخلفة دا من بدري من قبل ما امي تجبني وابقي لعبة في اديكم
الاب : صدقني محدش بيختار اهله وقدرة بس ممكن تختار تمشي صح او غلط
رائف : سلام يا بابا وانا هغيير رقمي ومتحولوش تعرفوه
.......................................
بيلا : ها كل واحد فيكم عرف دوره مش عاوزة اي لخبطة
وانتي يا ملك تجيبي مايا معاكي بكره عاوزها
شريف : انت اقرب حد ل تميم عرفت هتعمل ايه
باسل عرفت دورك
باسل : والله انا معرفش ايه دخلني طب ما كتم تدخلوني كليه الشرطة كنت طلعت ضابط
ميسون : الله وكنت اقعد انا علي اعصابي بقي ان شاء الله وكل يوم تجيلي مضروب بالنار
باسل : كل يوم مضروب بالنار ازاي يعني يا بنتي هو انا بلاستك انتي لسه بتقراي روايات الي يضرب بالنار ويطلع تاني يوم جبال وينط في النيل ويجري
ميسون : اه اخر روايه البطل نزل بينزف النيل وانقذ البطله
باسل : يا سلام يا بنتي انا رصاصة واحده كنت ضيعت منك
ميسون : بعد الشر عليك يا باسولتي
باسل خايفة عليا يا ميسو
والجميع ينظر لهذا الثنائي وهم مكملين حديث
سعاد : ما تتلمو انتو الاتنين دا وقتك
شيما : هو جوزك مجوزش العيال دي لغاية دلوقتي ليه بدل النحنحه والتلزيق يا نبيله
بيلا : قال شهرين يا اختي ويتجوزو ربنا يصبرنا عليهم
شريف : ما تيجي نتنحنح زيهم يا ملك
ملك : تنظر لهم بكسوف مما يحدث وهي تقول شريف احترم نفسك
سعاد : يا بنتي لو فضلتي تتكسفي كدا ووشك يحمر وسط العالم دي هتتاكلي ربنا يصبرنا عليهم
شريف : لاء متعرفوهاش دي لسانها
ملك بحده : ماله لساني ان شاء الله
شريف : بينقط سكر انا اتكلمت
ساد : ايوة كدا ناس تخاف متختشيش سيبتو المهم وشغالين في امور تانية
شريف : لاء يا خالتي احنا جاهزين يلا بينا
بيلا : يلا بيكم رايح فين
شريف : علي السفرة يا بيلا جعان
شيما : يا عيني عليكي يا بنتي خدتيه مفجوع اكليه كويس بدل ما ياكل دراعك ولا حاجة
ملك : حاضر يا نانو انا مطمنه انه ميقدرش يقرب مني علشان في حمايتكم
باسل : شوفت اتعلم عليك ابقي شوف بقي هتناقر وتستفذ فيها تاني ازاي دلوقتي اجتماع انهارده وقتها هيكون عليك
شريف : اخرج انت منها يا جزار انت
باسل : جراحة يا جاهل اعمل ايه ما انت بتاع طوب ورمل
شريف : طيب بعد الاكل تقعد تحكيلي بقي موضوع سيد ورولا
باسل لاء انا انهارده خارج مع ميسو مش فاضيك
...........................
تبكي بانهيار ايه ازاي كدا
انا بقي الي مش عاوزاه خلاص ولو عمل ايه انسو اني اقبله اصلا
وفجأه
- يتبع الفصل التالي اضغط على (رواية تيمو) اسم الرواية