رواية هي و القدر الفصل التاسع و العشرون 29 - بقلم ولاء فتحي
الفصل التاسع والعشرون
خرجت ليان من النادي لتفاجئ بسيف ينتظرها في الخارج
ليان : سيفو انت معقول جاي تاخدني وسط الزحمة دي
سيف : شفتي ازاي انتي غاليه افضيلك نفسي مخصوص
ليان : يا سلام يا سلام بقي ا اسمه كلام ايه الحنيه دي كلها يا سيف
سيف : هههههههه طولي عمري يلا بينا علشان نمشي
ليان : انا راحة ل ريم اطمن عليها وهنعمل ماسكات واحتمال راسيل تيجلنا هناك
سيف : ايه دا مقالتليش دا انا وهي لازم نروح القاعه نضبط ديكورات هناك
ليان : هي قالت احتمال لان ريم تعبانه مش هتقدر تروح لها
سيف : طيب تعالي اوصلك
ليان : دي مش زيارة بريئه اكيد عاوز حاجة قول متتكسفش لو ناقصك حاجة اختك هنا جنبك
سيف : قبلها من جبينها وقال ربنا يخليكي ليا يا احلي لي لي في دنيا انا بس انشغلت عنك وحاسس بالذنب مبقاش في وقت نقعد سوا نتكلم فقولت اوصلك ونستغل الطريق
ليان : انا تمام من التمرين للعيادة النتيجة خلاص وحاطة ايدي علي قلبي
البطوله كل ما بتقرب بخاف وحاسة اني متلخبطة وتايهه
سيف وضع يده تجاه قلبها وقال ودا ايه اخباره
ليان : موضوع دا مش هقولك مفيش ولا هقولك في بس هقولك اول ما احس انه بيدق هقولك اكيد
سيف : الموضوع يستاهل تستخيري وتفكري وانا واثق انك هتختاري صح يلا خلاص وصلنا وقبل راسها وتركها وانطلق
.................................
في المنزل استيقظ فارس وخرج قابلته نجلاء بعد ان سمعت صوت غلق باب شقته
نجلاء : ايه يا حبيبي علي فين مش احنا الصبح اتفقنا انك هتتغدا معانا . انا عاملة لك الاكل الي بتحبه كله
فارس صعد سريعا علي السلم وتوجهه اليها مقبلا يدها تسلم ايدك يا ست الكل . مش عارف من غيرك كنت هعمل ايه
نجلاء : يا حبيبي انت ابني البكري هي الام الي تخلف بس يا فارس وانا زعلانه انك سايب البيت مش بطمن عليك يا فارس كدا انت زعلان من كلام عمك
فارس: حد يزعل من ابوه برضه وهو بيوجهه لما يغلط
نجلاء : تغلط اسم الله عليك من الغلط هو بس قلق لان ولاد عمه عنيهم من البنت ومش عاوزهم يمسكو عليه كلمة ومش هيقدرو احنا ايه بالنسبة ل بعض
فارس: عمي يقول الي هو شايفه من غير مبررات واحنا ننفذ انا هستاذن انا يا ست الكل علشان عندي معاد
نجلاء: ربنا يريح قلبك يا حبيبي ويطمني عليك هستناك مش هاكل من غيرك
فارس: وهو نازل علي السلم يبتسم حاضر
وفي الطريق اتصل فارس بحسين وجده في منزله فاتجه له
حسين : مبتسما لعودة صديقة بيسلم عليه جيت امتي
فارس: انهارده الصبح
حسين : اتفضل تعالي
دخل فارس وجلس في الصالون
حسين : ايه الاخبار عامل ايه
فارس: الحمد لله يا سيدي انا محتاج منك خدمه
حسين : خير انت تؤمر
فارس : محتاج اتصل باللواء وجيه من تليفونك احسن غالبا تليفوني متراقب
حسين: باستغراب متراقب ليه خير
فارس: هحكيلك كل حاجة
حسين : هروح اجيبه ليك
خرج حسين وجلس فارس في الصالون بجوار الشرفه المطله علي الحديقه ليسمع ضحك الفتيات ريم وليان فتح الشباك لينظر عليهم ويفكر انه بعد ان ينتهي من مكالمته المهمه سوف يذهب لهم فهم لا يعلمون عن وصوله شئ
ليستمع ل ليان : ريم هو برضه فارس متصلش
ريم : لا يا نحنوحه متصلش شكلك وقعتي علي بوزك
ليان : بصي انا حاسه ان حياتي فاضيه من غيره ناقصني حاجة كبيره مش قادرة احكم ايه الي بيحصل بس بجد حاسه اني زعلانه منه انه مسالش عني عاوزة اشوفه اتكلم معاه اشوف ابتسامته الهادية
ريم: يا بت دا وبتقولي مش عارفه انا بقي عارفه اخويا اصله مز والبنات كلها هتموت عليه قولي انك واقعه فيه وانه واحشك
ليان: بصي مش هكذب هو
دخل حسين : اتفضل يا سيدي التليفون
فارس: شارد الذهن ومبتسم اغلق الشرفه بهدوء وجلس
حسين: مالك يا دكتور
فارس : ابدا مفيش واخذ منه تليفونه وهم حسين بالخروج فنداه فارس رايح فين مفيش اسرار اقعد عاوزك
اتصل فارس باللواء وجيه وقص عليه ما حدث
اللواء وجيه : كويس انك اتصلت من تليفون تاني بس خلي بالك من نفسك وهديك عنوان شركه ادوات طبيه هنستناك هناك ونفتح الفلاشه ونطبعها تحسبا لاي طوارئ
فارس: امتي لان بكره فرح سيف ابن عمي
اللواء وجيه : متقلقش احنا هنرتب ونقولك ومن هنا لوقتها يفضل ان تحركاتك تقل وتحافظ علي الفلاشه
فارس: تمام يا فندم
واغلق الخط
حسين: ايه دا دا فلم اكشن
فارس الغريبة بقي اني لاقيت حازم ساب لي دبلته وفواتير لحاجات كان هيجبها ل ليان وبدلة بس محددش مقاسها
حسين: الله يرحمه . هو كان حاسس انه مش راجع وبيقولك اهو رسايل وحاجات كلها ادله انه عاوزها ليك انت ليه متردد
فارس : هي هنا صح
حسين : ايوه هي وريم بره في الجنينه
فارس : طيب تعالي نخرج لهم
حسين : يلا بينا وبرضه بتهرب من سؤال
خرج معه فارس وهو يربط علي كتفه وبيقوله كله باوانه
.......................................
احمد : بيكلم نفسه غبي غبي المفروض تبعد عنها مش تجري وراها غبي بجد بيقاطع تفكيره تليفون
ايوه يا ناجي
ناجي : الكبير مبسوط منك وبيقولك ان في عمليه جديده
احمد : قوله لما اقابله الاول مش باعت لي دوبلير واعرف تفاصيل
ناجي: انت طلعت اشطر مني يا احمد بجد
الا ايه اخبار السنيوره الي مغلباك
احمد : شكلي هفك منها عايشه علي ذكري المرحوم
ناجي : طيب خلي بالك لان الحب بيخلينا منشوفش شغلنا
احمد : بضيق مش ناقصاك يا ناجي خالص
ناجي: لاء دا شكلها ادت لك صابونه اغلق احمد الخط ونفخ
وديني يا ناجي ما هرحمك انا اصلا مش طايقك
بعد فرح اخوها هدخل البيت من بابه بس ابعد عنها عيون ولاد ال ....... الاول
...............................
راسيل : الله يا سيفو الفستان يجنن يجنن
سيف : دا علشان انتي تجنني الفستان يجنن عليكي
راسيل : بكره الحنه تجيب ليان وريم من الصبح
سيف : بقولك ايه انا مش عاوز حنه ورقص وكدا ومحدش يبص عليكي احنا صعايدة نجطعوكي جطيع
راسيل : يا مامي اخاف انا بقي . هههههههههههه انت بردو شكل صعايده
سيف : ايوه طبعا صعايدة اوي صعايده خالص تحبي اطلع لك الفرفر واطخك
راسيل : يالهوي يا سيفو تطخني قبل الفرح علشان الحنه دا ايه الحظ دا يا ربي
طيب يلا ادخلي قيسي الفستان وفرجيني
مامة راسيل دخلت : لاء دا فال وحش واتفضل يا سيف بقي ممنوع تشوفها الا في القاعه ادخلي جوا يا راسيل علشان عاوزة سيف لوحدنا
سيف: خير يا طنط
مامة راسيل : خير يا حبيب طنط بص بقي يا سيف انا معنديش في الدنيا غير راسيل
ولا يهمني قايمة ولا قاعده كل دا شكليات خصوصا يا ابني انك رفضت اننا نجهز حاجة
الي يهمني خد بالك منها لاني انا مريضه وبسافر اتعالج وهي متعرفش هي فاكره اني بسافر نغيير جو
وخد دي اوراق وعقود املاكها من ابوها ومني عنها يا ابني انا مضمنش الموت من الحيا
سيف : اولا حضرتك غلطانه انك متعرفيهاش انتي عملتي فجوة كبيره بينكم
ثانيا : راسيل في عنيا متخافيش عليها ربنا يشفيكي ويدي لكي الصحة
ثالثا : اوراق املاك راسيل تخص حضرتك وراسيل متخصنيش خليها معاكي انا مش هاخدهم
مامة راسيل : يا حبيبي عينهم معاك علشان خاطري علشان انا هطلع من القاعه اسافر ومعرفش ظروفي ايه
سيف : هخليهم امانه بس مليش فيها
مامة راسيل : سيف : انا يا حبيبي مطمنه ان بنتي في امان معاك
سيف : في عنيا حضرتك وربنا شاهد علي كلامي
مامة راسيل : ربنا يخليك يا حبيبي
سيف استاذن انا بقي علشان ورايا حاجات كتير انا كنت جايب لها الفستان والحاجات
مامة راسيل : اقعد نتغدا سوا
سيف : معلش فارس لسه راجع من السفر وهنتغدا معاه
..........................
دخلت ريم وليان
ريم : فارس حبيبي واترمت في حضنه تقبله وحشتني يا فارس
فارس: وانتي اكتر يا ريمتي وحشاني كتير اخبارك ايه
ريم :انا اهو قربت افقس . كنت خايفه تتاخر
فارس وعيونه متعلقه علي ليان : مقدرش اتاخر
ليان : حمد لله علي السلامه يا فارس
ريم وسعت ليها تسلم علي فارس انا هروح اجيبلك عصير
فارس: ليان اخبارك عمله ايه
ليان : انا الحمد لله اهو ونظرت الي ريم استني اجي معاكي
ريم : اقعدي يا بنتي انا مش هتاخر دا عصير وتركتهم ريم
وقابلت حسين تعالي معايا نجيب العصير يا حسين
كل منهم نظر الي الاخر بدون ان يتحدث وساد الصمت بينهم ولكن هناك حوار دائر هو حوار العيون
فارس: اقعدي احكيلي علي اخبارك
ليان بتوتر : مفيش من التمرين للعياده للبيت
فارس : بس كدا ؟ متاكده
ليان : وهي تنظر له بخجل تغيير مجري الحديث لانها احست ان وراء السؤال سؤال اخر اتبسط في اليونان
فارس: بصراحة لاء
ليان : ليه حصل حاجة هناك ضايقتك
فارس: لاء خالص بالعكس بلدة جميلة . مناظر رائعه . جو حلو اوي . عملت شوبينج حلو
ليان: طيب ايه . كل مميزات دي ومش مبسوط
فارس : نظر لها بعمق نظرة اربكتها واخذ نفس عميق
اصلكم وحشتوني والشغل والعيادة
ليان : بمناسبة العيادة في تقارير هناك محتاجة اتناقش معاك فيها
فارس : فكر لحظات وهو ينظر لها وقال ليان .
ليان : نعم
فارس : بتوتر فكر ثواني . يلا علشان هنتاخر
طنط منتظرانا علي الغدا ولا انتي وراكي حاجة
ليان : لا ابدا
ريم : الله علي فين انا لسه مقعدتش معاكم . هنتغدا سوا يا حسين تعالي الحق عاوزين يمشو
فارس ترك لها حقيبه وقال لها خدي يا ستي دي حاجات البيبي ودا حاجات مامة البيبي وانا واعد طنط اني هتغدا معاها
حسين : علي فين يا فارس انا كان معايا تليفون معلش سيبتك لوحدك
فارس : هشوفك بليل في العيادة طنط هتزعل وانت عارف مقدرش علي زعلها
حسين : خليها بكره لان انهارده هروح اجيب نتايج المدام علشان قلقانه
فارس: لا انا واثق فيهم يلا سلام اشوفكم بكره هنعمل حفلة بسيطة كدا ل سيف متتاخرش
حسين : وانا اقدر الا سيف
سلمو عليهم واخذ ليان وخرج
......................
في الادارة
اللواء وجيه : ممدوح تامن فارس كويس اكيد عاوزين يعرفو ايه معاه
ممدوح : هو مقالش ليك ايه الي علي الفلاشه
اللواء وجيه : لاء هنرتب كل حاجة بسريه موضوع ميخرجش برانا هعمل كل وسائل ناخد اذن بتامين ومراقبته منعا لاي مشكله خصوصا الفرح
ممدوح : اه الفرح فعلا محتاجين نامنه من بره القطاع وبسريه
اللواء وجيه : انا اخدت معاد مع معالي الوزير وهبلغه بكل حاجه
.......................
المافيا
مش دي البنت الي بيحبها احمد الي اشتغل تبعنا
المجهول : ايوة يا باشا
...: راقبه كويس عاوز كل تحركاته وراقب تليفونه
المجهول : تمام احنا وراه وعنده فرح ابن عمه هنضبط انه يكون تحت السيطره
....: وهو في الفرح البيت تقلبوه عنده وتجيبلي لاب بتاعه وكل صغيره وكبيره اعرفها
المجهول : تمام يا فندم
........................
ليان مع فارس في سيارته في طريقهم للمنزل فجاه
- يتبع الفصل التالي اضغط على ( رواية هي و القدر) اسم الرواية