رواية تيمو الفصل التاسع و العشرون 29 - بقلم ولاء فتحي
( 29)
في كاميرات المراقبة برفع عينه يجدها ليخفق قلبه وكانه يصرخ بين ضلوعه ويكاد يقفز ياااه لم يتخيل ابدا ان قلبه يصرخ باسمها بهذا الشكل ولكنه سرعان ما افاق علي صوت بجواره
حلوة وزي القمر مش كدت
ليلتفت تميم وينظر
تميم : اهلا يا صايع . هي مين دي
شريف : هيكون مين مايا النوبي
طيب مسالتش هي هنا بتعمل ايه
تميم : اكيد عندها شغل هنا يعمي انت ناسي ان في بينا شغل كتير
شريف : فعلا هات بقي التصاميم الجديده اعرضها عليها وغمز له ولا بقولك ايه محدش هيقدر يشرح التصاميم غيرك ما تيجي مكتبي وتشرحها ليها انت بنفسك
تميم : رايق انت اوي كنت فين
شريف : كنت عند ملهم وعديت علي باسل
تميم : يعني صايع وبتلف
شريف : لاء الموضوع ان ......................
تميم باهتمام : ايه وميسون فين دلوقتي
شريف : كانت مع ليلي ومفروض ان ليلي تقنه=عها تعدي علي باسل ويتغدو سوا
تميم : طيب خد التصاميم وانا لازم امشي
شريف : ومايا مش هتسلم عليها دي سالت عليك كتير
تميم : انا لازم اروح لميسون والي اتسبب في دمعه نزلت من عين ميسون انا هفرمه
شريف : يا خسارة يا تيمو
تميم : خسارة ايه
شريف : ان مايا معندهاش اخ يفرمك علي الي هتعمله فيها
علي الاقل ميسون انا كنت معاها وانت سايب الدنيا ورايح لها لمجرد خطة زبالة اتعملت ومش هيعدي يوم الا ويتصالحو انما كسرة قلب مايا مين هيصلحها يا تري مفكرتش
تميم : اكيد هيتداوي
شريف : البنت مش مراهقة ولا صغيرة ولا قليله وكل ذنبها انها حبتك بكل كيانها وكمان انت اكدت لها حبك بطلبك للجواز منها تفتكر كل دا بالساهل .انت اخويا الكبير بس واجبي عليا اني اوريك الصورة كاملة وكسرة قلوب بنات الناس مش هينه وانت عندك اخت
ترضاها لميسون
ترضي اولويات باسل تكسر قلبها
ترضي علي اختك
معتقدش يا اخويا يا كبير
تميم جلس تميم بوهن وحزن : ونسمه وليلي والامانه الي في رقابتي
شريف : هما في بيت جدتك يعني تحت عنينا ومعتقدش ان مايا تبعدك عن نسمه ابدا اشركها معاك
وليلي مبتفكرش اصلا في الجواز
دي اصلا لسه مقلعتش الاسود يا تميم
مسك تميم راسه بحزن وهو يتحدث : اطلع بره يا شريف ومحدش يدخل عليا عندي شغل
شريف : انا هطلع علشان الاجتماع واتمني انك تقعد مع نفسك وتفكر
فكر في البنت الي ابوها وافق عليك بالرغم انه شايف انك اقل منهم علشان قلب بنته
مهو ميعرفش انت مين
تفتكر بنته دي مش غاليه عنده
واه هدي اوامر للسكرتيره محدش يدخل عليك
وموضوع ميسون اعتبرني نهيته خلاص انا مش هسيبها لحظة واحده دي اختي
....................................................
عند شريف في التليفون: الله عليك يا ملهم يا جامد
ملهم : دا متركبة باحتراف دا اخوك بيتعامل مع عصابة بقي
شريف : سيب بقي كل حاجة وبعد ساعتين روح عدل سيستم البرمجه ل باسل وانا رجعت تليفونها مكانه
ملهم : طيب تمام بس دا هياخد وقت
شريف : خد وقتك المهم السيستم كله يتعاد والبند مفتوح في مصروفات ومش هوصيك
ملهم : عيب يا شريف دا انا ملهم وانت عارف شغلي
...................
فتحت ميسون ومعها ليلي الباب ووجدت السكرتيره في المكتب تعبث في مكتب باسل
ميسون بغضب: انتي بتعملي ايه هنا ومش بتشوفي شغلك
السكرتيرة : مفيش يا فندم برتب المكتب
ميسون : والي يرتب المكتب بيقفل الباب عليه ويقعد كدا
فين باسل
السكرتيره : دكتور باسل بيمر
ميسون : روحي شوفيه فين وبلغيه اني وصلت
السكرتيرة بلخبطة حاضر يا فندم
وخرجت وهي خائفه جدا من ان ينكشف امرها
وصلت رساله من شريف علي تيفون ميسون
(علي فكرة باسل مظلوم بليل هبلغكم بكل حاجة بس دلوقتي اتلككي للبنت دي واطرديها )
دخل باسل : بفرح شديد بدا يتحدث
ايه دا القمر هنا منورة يا حياتي
اهلا ليلي اذيك منوره
ليلي : الحمد لله يا دكتور بخير كنا قريبين جيت اخد نتايج تحاليل طنط شيما
باسل : اه طبعا انا كنت هعديها عليها
ميسون :نظرت ل التي تراقبها بغضب
انتي واقفة هنا ليه اتفضلي علي مكتبك
السكرتيرة جرت علي مكتبها بخوف
ليلي : طيب انا ماشيه بقي وغمزت ل ميسون
باسل : ميسون حبيبتي انا
ميسون : البنت الي بره دي تطرد حالا
باسل : انا طيب ازاي
بدون مقدمات خرجت ميسون من المكتب وبصوت مش عالي
لمي حاجاتك واتفضلي من هنا خلاص مش محتاجينلك
السكرتيرة انا ليه عملت ايه
ميسون : انتي عارفه كويس الي عملتيه
واه باسل خلي الحسابات تصرف ليها مكافاة نهاية الخدمة كامله لغاية ما تلاقي شغل
السكرتيرة : طيب افهم
ميسون : انتي كنتي بتعملي ايه في المكتب وانا جايه
السكرتيره برتبه
ميسون : الي بيرتب المكتب بيحط الورق دا فيه
متفكريش اني معرفش انتي عملتي ايه
في كاميرات مراقبه هنا احنا بس في العيلة الي نعرف مكانها ونراجعها
اتفضل يا باسل الهانم حطالك ايه
باسل :اخذ الورق ونظر لها بغضب اتفضلي نفذي الي سمعتيه
خرجت السكرتيره
باسل : انتي مصدقاني
ميسون : يعني
باسل : طيب اعمل ايه علشان القمر يرضي عني
ميسون : تشغل ليلي معاك علي الاقل انا ضمناها وهي عاوزة تشتغل
باسل اعتبريها اتعينت ومن بكره تقدر تستلم ها راضيه يا ميسو
ميسون : افكر
..............................
جلس تميم حزين يفكر تائهه بين افكاره ينظر بشغف للشاشه امامه يتابع مايا ولا يعرف ماذا يفعل وبعد وقت ليس بقصير حمل اوراقه واتصل ب سيد وطلب منه ان يوصله للمنزل فهو مجهد جدا ويرغب في الراحة ولكنه لا يعلم انه لا راحة بعد ان راها وسمع كلمات شريف وفكر في ملا محها وتذكر الامها لو نفذ ما يريد فهو يعلم ان معلوماتشريف عنها من من مصدر موثوق فيه ملك زوجة المستقبل
وظل شارد طول الطريق لا يتحدث ولكنه يغمض عينيه حتي ان سيد موقن ان تميم يغط في نوم عميق علي غير عادته
سيد : تميم تميم وصلنا
تميم : فتح عينيه : شكرا تعبتك معايا بس انت عارف
سيد : لاء خالص بس طمني عليك فيك ايه
تميم : مفيش حاجة اشوفك بكره
سيد: خد مفاتيح عربيتك الجديده وكل اوراقها خلصت
تميم : ابتسم له وانصرف
..........................
شيما : بهدوء يا سعاد تميم عاقل
سعاد : انا عاوزة افرح بيه يا ماما الي مر بيه صعب ومصدقنا انه تخطاه
شيما : هو قالك جاي
سعاد : ايوة دا انا فرحانه اوي كلمني وقال جاي وعملت له الاكل الي بيحبه
تميم : يا بختي بقي
سعاد بفرحة : حبيبي وحشتني حمد لله علي سلامتك
ودخل ليقبل يد جدته
شيما : يا حبيبي يا تميم بدعيلك يا ابني والله
تميم : وانا عايش وكويس غير بدعواتكم
سعاد : يب يلا علشان تاكل
تميم : وفين ميسون
سعاد : لاء هتتغدا مع باسل تعالي انت وحشتني
تميم : وانتو اكتر بس انا شبعان جدا
شيما : يعني انا منتظراك علشان تبقي شبعان
تميم : طيب انا هاكل وعاوز انام
سعاد 5 دقائق وهيكون الغدا جاهز وطلبت من الشغالين بترتيب الغدا واشرفت عليه فكم اشتاقت ل صغيرها مهما كبر
..............................
صعد تميم غرفته وبدل ملابسه ونزل لتناول الغدا مع امه وجدته فشخصية شيما مقربه ل تميم لانها عمليه مثله
علي الغدا
تميم : عرفت ان ليلي ونسمه عندك يا نانو
شيما : اه مونسنيني بدل الوحده الي انا فيها وكمان ليلي هتشتغل
تميم : تشتغل فين وليه هي ناقصها حاجة
سعاد : ناقصها يا حبيبي تطلع للدنيا حزنها علي باباها جدد حزنها علي مهاب الله يرحمه وكانت طول الوقت بتعيط عليه
شيما : اه والله يا سعاد البنت كانت بتحبه حب يلا ميغلاش علي ربنا كلنا لنا معاد
دا حتي انا الي اقترحت عليها تشتغل بدل الحزن دا
تميم وهتشتغل فين
شيما : لسه باسل قافل معايا هتشتغل معاه انت عرفت المشكله الي حصلت
تميم : اه شريف حكالي
سعاد : ميسون طردت السكرتيره وليلي هتشتغل مكانها
تميم : بس احنا مبنقطعش عيش حد
شيما : هي الي قطعت عيشها دي كانت حاطه عقد جواز ليها و لباسل بين الاوراق علشان يمضيع بدون ما ياخد باله غير بقي بلاوي تانيه فهم اكتفو تاخد مستحاقاتها بذيادة وتمشي
تميم : طيب تمام المهم ميكونوش ظلموها
سعاد : لاء يا حبيبي متقلقش
دخلت ليلي
سعاد : تعالي يا ليلي حماتك بتحبك
ليلي : معتقدش يا طنط لو كانت عارفه بحب ابنها اد ايه كانت هتحبني بس للاسف هي متعرفش
شيما : تعالي اتغدي علشان نرجع قبل ما نسمه ترجع من الرحله
نظرت ليلي ل تميم
بخجل من كلامها فهي كانت بعيده ولم تراه : معلش مشفتكش حمد لله علي السلامه
نظر تميم لها نظرة طويله وهو يتفحص ملامحها : الله يسلمك اتفضلي يلا
ليلي : جلست للي وبدا تميم يسرح في مايا ويختلس انظر ل ليلي وافاق من شروده
تميم : عن اذنكم انا هطلع ارتاح
ولكن اي راحة تلك وهو حائر لا يري في ليلي زوجه له بل هي زوجه صديقه واخيه الذي تربي معه ويتذكر ملامح مايا ويتردد في عقله كلام شريف القاسي
فاي راحة تلك التي تاتي وتلك الحروب دائرة معارك ضاريه داخل عقله
..................................
علاء : ايوة يا سعاد انا بفكرك اني منتظر احسن تكوني نسيتي
سعاد: والله يا علاء انا عندي مشكله كبيره مع الولاد
علاء : ايه رافضين
سعاد : لاء مش الموضوع دا دا موضوع يخص تميم والبنت الي بيحبها
علاء : احكيلي يمكن اساعدك
سعاد : بعدين لانه لسه جاي من السفر وانا مشغوله معاه
علاء : طيب اعرفي اني من غير حاجة انا تحت امرك في اي نصيحة
سعاد : اشكرك جدا
................................
ملك : مايا مالك كدا حزينه علطول
مايا : تميم مختفي بقاله 3 اسابيع ومش بيرد عليا
ملك : مايا انا مش قادرة اخبي عليكي
مايا : تخبي ايه في حاجة معرفهاش
ملك : ايوه بصراحة في وقصت عليها كل ما حدث
مايا : يعني هو فعلا بيتهرب مني
ملك : مايا انا حكيتلك علشان تدافعي عن قلبك مش تحطي ايدك علي خدك وتعيطي ثم ان دا كله كلام
مايا : وانا ادافع عنه ازاي اروح اتقدم له
ملك : لاء يا ماما مقولتش كدا بس قصدي
مايا : يا ملك مش انا الي يتعمل فيا كدا
ملك : متعملش حاجة انا بحكيلك علشان تعرفي بس
مايا : قفلي علي الموضوع وخدي تصميمات دي وديها للقسم المختص
ملك : مايا اسمعيني
مايا : بعدين نتكلم مش فاضيه
...................................
وفي محاولة ياسه للتخلص منها يجد نفسه يبدل ملابسه وياخذ سيارته ويخرج يلف ويجوب في الشوارع
ليجد نفسه في مكان
تميم لنفسه الله انا ايه جابني هنا
- يتبع الفصل التالي اضغط على (رواية تيمو) اسم الرواية